السلام عليكم في حاجة غريبة اي حد بيبدأ طريق ربنا بتحصل له او مش لازم كل واحد بس حصلت لناس كتير وهي هجوم الوسوسة وسوسة رهيبة تحصل لك في الوضوء في الصلاة
تلاقي نفسك بتتوضأ ميت مرة تصلي عشرميت مرة وبتوسوس في الفاتحة توسوس في عدد الركعات توسوس الماية وصلت هنا ما صلتش بل ممكن الموضوع يتطور احيانا وتبقى الوساوس في العقيدة. تفكر في ربنا افكار رهيبة. مش قادر تقولها وما ينفعش تقولها لان هي افكار ما ينفعش تتقال
في الواحد بعد ما يحصل له كده يقول له هو ايه اللي حصل؟ ما انا كنت بتوضى كويس ما انا كنت بصلي كويس. هو ايه اللي حصل لي؟ ليه الوسوسة دي بدأت تيجي لي؟ ده انا لما كنت في الاول اللي هو بصلي كل اسبوع مرة ما كنتش باوسوس. لما كنت بتوضى يا كرواتة ما كنتش بوسوس
ايه ايه اللي اتغير وايه اللي حصل انا اقول لك ايه اللي اتغير وايه اللي حصل اللي اتغيروا ايه اللي حصل انك انت تبت الى الله وبدأت طريق الهداية الوسوسة دي
رغم ان هي حاجة طبعا ممكن ما تكونش يعني ما حدش بيحبها بس بس على فكرة هي جت لاغلبنا. وانا سعيد جدا ان الوسوسة تجي لك. ليه؟ لان الوسوسة دي
آآ دليل ان حضرتك ماشي في الطريق الصحيح والدليل على كده مش جاي مني ولا منك انما الدليل ده جاي شهادة من الشيطان لك الشيطان بدأ يهتم بحضرتك شخصيا الشيطان قبل ما كنت تسلك طريق ربنا ما كانش بيهتم بك. لانك انت كده كده كنت ماشي مع نفسك تمام. لكن اول ما هتسيبه وتبدأ طريق ربنا
هيجي لك ومش هيسيبك وخد بالك هو بيوسوس لك دلوقتي في الطاعة. لانك انت بدأت تعمل طاعة. هو قبل كده ما كانش بيوسوس لك فيها لان انت اصلا ما كنتش بتعمل طاعة
فده دليل انك انت بادئ صح وفعلا الطاعة دي بدأت تبقى طاعة مقبولة. فبدأ يخش فيها ابن عباس رضي الله عنه. واحد سأله سؤال جميل قال له ما بال اليهود
لا يوسوسون في الصلاة ونحن نوسوس في الصلاة رد عليه رد غريب قال ان اللص لا يسرق البيت الخرب يعني لو جيت اصلا خربان ما فيش حرامي هيروح يسرقه كزلك اليهود اصلا صلاتهم مش مقبولة. هيروح يوسوس لهم فيها ليه؟ يعني هتفرق ايه يعني؟ انما يوسوس للمؤمنين. فكونه بدأ يوسوس لحضرتك فده من علامات الايمان
انك انت بدأت تيجي لك الوسوسة. الشيطان بدأ يديك اهتمام خاص جدا الصحابة رضي الله عنهم كانت بتيجي لهم احيانا وساوس برضو في العقيدة. راحوا للنبي عليه الصلاة والسلام بيقولوا له احنا بيجي لنا افكار
السمك الطرب على دماغنا وما نقولكش ايه اللي بيحصل في دماغنا او ايه اللي بيدور في دماغنا. قال اوجدتم زلك فقالوا بلى. فقال ذاك صريح الايمان. يعني زاك صريح الايمان يعني يعني الوسوسة دي بتأتي للمؤمنين ومن علامات الايمان ان المؤمن بيكرهها
وبيدفعها وبيبقى مش عايزها وبيبقى مش طايقها طب ايه الحل؟ اختصار. اول حاجة الدعاء. تدعي ربنا ان ربنا يعافيك من الوسوسة ديت بس دعاء من قلبك بقى. نمرة اتنين النبي عليه الصلاة والسلام اوصل يجي له الوسوسة دي يتفل عن يساره ثلاث. تتفل
عن يسارك ثلاث تمام. نمرة تلاتة انك انت تستعيز بالله من الشيطان الرجيم. بس مش استعازة بقى لأ استعازة بجد. واحد غرقان وبيلجأ الى الملك سبحانه وتعالى القوي. اللي يقدر ينجيه من
استعازة من قلبك من الشيطان الرجيم لان الشيطان لو اتمكن منك في الموضوع ده والموضوع طول معك هتبقى مأساة صدقني. نمرة اربعة انك انت النبي عليه الصلاة والسلام في الحديس قال فليتفل عن يساره ثلاث ولينتهي. يعني ايه لينتهي دي بقى؟ عشان دي مهمة. ينتهي. يعني لو جت لك وسوسة في موضوع العقيد
ايه ده ما تتكلمش بها ما تسترسلش معها وقف وادفعها جاهدها. لو اتعودت تدفعها وتجاهدها مع الوقت هتقل ومش هتيجي لك. لكن لو استرسلت معه الموضوع هيستفحل يعني ايه تنتهي؟ يعني لما يجي لك وسوسة انا عايزك خد بالك من حاجة. الوسوسة غير السهو
السهو بيحصل لاي حد. لكن الوسوسة دي موضوع اكبر من موضوع السهو. يعني لو حصل واحد حصل له سهو في الصلاة بيتأكد ويراجع نفسه حصل له سهو في الوضوء. لكن الوسوسة
لازم تتعامل معها بحزم. يعني ايه ؟ يعني شيطان جا لك انت عارف ان انت بتوسوس. الشيطان جا لك وانت بتتوضأ. قال لك الماية ما وصلتش نعيد تاني. عيد تالت عيد عاشق. قل له ما لكش دعوة
انا عايز وضوئي باطل ووقف على كده وخلص وضوءك على كده. ما تسترسلش معه. جا لك في الصلاة قال لك لأ انت ما صليتش اربعة. لأ انت صليت تلاتة. لأ انت ما قلتش الفاتحة كويس. لا اصل المخرج يبقى الحرف ده قل له ما لكش
انا عايز صلاتي باطلة. انا عايز انا عايز اصلي العشاء تلاتة. ما لكش دعوة لان الموضوع وسوسة. ما تسترسلش معه. انت صح. لكن اللي بيجي لك ده وسوسة ما تسترسلش معها. قال لك انت مرائي في الصلاة وايه اللي بيوديك المسجد وقدام الناس؟ قل له يا عم انا عايز ابقى ورايا. ما لكش دعوة
انا عايز ابقى ورائي وعلى كده بقى اكبسوا في كل موقف علشان ييأس منك لان انت لو استجبت له هيبتدي بقى ايه يقول لك اه تمام ويبقى يبتدي يكتر لك
الموضوع ده موضوع الوسوسة. لازم تنتهي وتوقف الموضوع دوت. لا تسترسل النبي، عليه الصلاة والسلام، لما كان بيحصل الوسوسة ديت كان بيبين ان دي علامة على يأس الشيطان وايه وان هو ما عندوش حاجة يعملها. فكان يقول الحمد لله الذي رد
كيد الشيطان الى الوسوسة. يعني يعني هو ده اخره. اخرك توسوس ما تقدرش تعمل لنا حاجة اكتر من ان انت توسوس. يبقى انا لو قدرت ادفع الوسوسة ديت الموضوع الموضوع ينتهي معي. دعاء والاستعازة والانتهاء والتفل عن اليسار. ثلاث ويا جماعة يعني احذروا. لو الموضوع فرضا. فرضا بقى
واحد ما تعاملش مع الوسوسة دي من الاول صح والموضوع زاد قوي واتدهور وبدأ الموضوع مش قادر يتحكم فيه. ما فيش عيب ابدا ابدا انك تروح تستشير طبيب نفسي. عادي روح لطبيب نفسي
ان شاء الله يديك بعض النصايح ممكن تنفعك في الموضوع دوت لكن موضوع الوسواسة او الالتزام عادي كلنا بل الصحابة حصل لهم كده ربنا يحفظنا واياكم من كيد الشيطان السلام عليكم ورحمة الله