ان الحمد لله تعالى نحمده ونستعين به ونستهديه ونستغفره ونعوذ بالله تعالى من شرور انفسنا وسيئات اعمالنا من يهدي الله فلا مضل له. ومن يضلل فلا هادي له. واشهد ان لا اله الا الله وحده لا شريك له. واشهد ان محمدا عبده ورسوله. صلى الله عليه واله وصحبه وسلم. وبعد فان اصدق الحديث كتاب الله تعالى. واحسن الهدي هدي محمد صلى الله عليه واله وسلم وشر الامور محدثاتها وكل محدثة بدعة وكل بدعة ضلالة وكل ضلالة في النار ثم اما بعد وصلنا مع ابن القيم رحمه الله الى اه خاتمة فصول الكتاب او ابوابه وهو علاج العشق طريق الخلاص منه لمن ابتلي به. وهيبدأ يفسر في الكلام ده وهيفضل هيبدأ معه النهاردة فصل يقول والعاشق له ثلاث مقامات. طبعا اخواني الكلام ده الواحد لما قرأه قديما لم يكن آآ الكلام واضح بس لم يكن عندنا عندي انا شخصيا يعني من حصيلة بقى الاسئلة والتجارب والمعارف اطلاع المشكلات اللي يخليك تدرك عمق كلام ابن القيم رحمه الله. كالفصل ده فصل نافع جدا. وفصل ينبئ عن ان ابن القيم رحمه الله واجتهد في النصح لصاحب السؤال غاية الاجتهاد. وانه بالفعل يدرك خطورة هزا المرض القتال وهزا الداء العضال ولو وقفنا مع ثنايا هزا الكلام في هزا الفصل سنجد اا بيقرا لنا كسير من الموبقات والمشكلات التي تقع في واقعنا الان. وتكاد تصيبنا بالدهشة او بالجنون. من شدة هولها وفظاعتها اعيروني الاسماع وانتبهوا وسلوا الله العافية وان يستر عوراتنا وان آآ يعصمنا من الزلل. وان آآ يرزقنا حسن العفاف يقول فصل والعاشق له ثلاث مقامات. بعد ما اتكلم عن داء العشق كيف يهلك الانسان وان الانسان مسئول عن نفسه فيه؟ ويبقى العاشق له ثلاث مقامات. مقام ابتداء ومقام صوت ومقام انتهاء. فاما مقام ابتدائه فالواجب عليه فيه مدافعته بكل ما قدروا عليه. اذا كان الوصول الى معشوقه متعذرا قدرا او شرعا بيقول اللي هيبتلي بمن ابتلي بهزا المرض وزيفته وعبوديته اللائقة به ان يتفرغ ارتفعت هزا المرض المهلك. قلنا العشق اللي هو الكلف. الاندفاع في علاقة محبة لطرف اخر. ليس بينه وبينه اضطرابات شرعي. والاندفاع ده اللي يعني يتجاوز فيه حدود الله سبحانه وتعالى ومحارمه. شف بقى كلام ابن القيم هو بيفصل يقول لك العشاق دول مش حاجة واحدة ده تلات آآ مقامات. المقام الاول مقام ابتدائي في بداية هزا مرض فالواجب عليه فيه مدافعته بكل ما يقدر عليه. ازا كان الوصول الى معشوقه متعذرا قدرا او شرعا. يعني ايه متعذرا قدرا؟ كأن يكون عشق واحد من نفس النوع. اللي هو بيسمى دلوقتي الايه المثلية او الشزوز او غيره. فده متعذر قدرا. مش هيعرف خلاص ما لوش فيه دواء اصلا. او متعذر نظرا بان يكون وكزلك شرعا خلي بالك. او متعزر قدرا ازاي؟ ان هو عشق امرأة ما عدتش موجودة في الدنيا. سافر دي موجودة قدامه. خلاص مش عارف يوصل لها. بتعزر شرعا امرأة متزوجة. هو ليه بيقول كلمة ازا كان الوصول الى معشوق متعز القدم شرعا؟ يقول لك لو وعاشق امرأة ويقدر يتزوجها يتزوجها خلاص هو هيقول كده بالعلاج كده بعد آآ جاي في الفصول اللي بعد كده. لو يقدر يتزوجها يتزوجها. طب عشق امرأة وهي غير عفيفة قال الله عز وجل الزاني لا ينكح الا زانية او مشركة. عشق امرأة وهي كافرة ولا تمسكه بعصم الكوافير. يبقى لو فيه مانع يمنعه من ان يصل الى معشوقه شرعا او قدرا يعني الشرع بيمنع من زلك او القدر زي ما انت قلنا بعض يمنعه من زلك فيجب عليه مدافعة هزه هزا العشق بكل ما اوتي من قوة. يعني يستجمع كل ما يملك من علم نافع ومن عمل صالح ومن مجاهدات ومن اوراد ومن مفارقة للديار اللي ابتلي فيها بهزا الداء. ومن استعان برفقة صالحة ومن الاكسار من الدعاء. بص كل حاجة كل حاجة يقدر عليها. طيب فان عجز عن زلك وابى قلبه الا السفر الى محبوبه. وهذا مقام التوسط والانتهاء. خلي بالك من مش بتقول له انت معزور. ازا كان سيدنا يوسف عليه السلام بيقول رب السجن احب الي مما يدعونني اليه والا تصرف عني كيدهن اصب اليهن واكن من الجاهلين. يعني يا رب لو ما عصمتنيش من اصحاب الفتنة دولت يا رب لو ما نجتنيش منهم هيقع مني الميل اليهم. اصبو اليهم يعني امل اليهن. وبعدين واكن من الجاهلين. انا اللي غلطان. هو انا لما امل اليهن مين اللي غلطان انا مش معزور انا اللي غلطان. فهو ابن القيم مش بيعزره هنا. بس بيقول ان كان تورط وفشل واخفق في انه يجاهد نفسه وانه يعني يقلع عن هزا الداء العضال والسم القتال وده هينزل به في مقام التوسط والانتهاء في العشرة وده حالة متردية اكبر. قال فعليه كتمان ذلك. والا يفشيه الى الخلق يكتم هزا الامر يطوي هزه الصفحة لا يجاهر بالذنب. يكتم هزا الامر ويعلم انه الان متلبس ببلية. فلا يزيدها على نفسه. هو ابن القيم هيقوله هنا دلوقتي. بيقول والا يفشيه الى الخلق هو طبعا العاشق قلنا في الفصل اللي فات العشق بيخليه ايه؟ قالوا جننت بمن تهوى؟ قلت العشق ادوى مما بالمجانين فان المجنون يستفيق الدهر صاحبه وانما يصنع يصرع العشق لا يستفيق الدهر صاحبه وانما يشرع يصرع تجنن بالحين. يعني انت العشق ده بيضيع العقل هنا. مش احنا خدنا الفصل اللي فات كده؟ وبيخلي النفسية مضطربة. وبيخليه عنده حالة حزن وحالة اضطراب وحالة قلق ويؤثر على قواه النفسية وعلى قواه البدنية قلنا كل الحاجات دي. فساعات بقى عقله بيخف منه كده لما يبقى في المرحلة الحالة ديت وربنا يعافينا واياكم يبتدي يتكلم مع كل اللي حوالين منه. ويكتب شعر ايام زمان بقى كان مسلا يكتب الشعر في اللي هو بيحبه ويتكلم مع ده ويقول لده ويتكلم هنا وعشان كده هو عنده آآ العشق ده لا يستطيع ان يكتمه فيبوح به. ويبوح به لانسان عاقل انسان آآ سفيه والانسان امين والانسان يخون المجالس. فيبقى سيرته وسيرة اللي بيعشقه ده ايه؟ على كل لسان كارسة. يبقى هو دلوقتي بيقول ايه بقى؟ ولا يشبب بمحبوبه. ويهتكه بين الناس. آآ التشبيه هو انه آآ يزكر محاسنه وعلاقاته ومحبته وعشقه وآآ غزل يتغزل فيه. وعشان كده احنا كل القصص اللي وصلت لنا عن طريق العشاق دي وصلتنا ازاي؟ عشان ما كانش عاقل. ما هو كان عاقل وسكت واحنا ما كناش عرفنا حاجة من الاخبار اللي جابناها دي. الاخبار دي ليه؟ لانه مش عاقل هو بيبث وما في صدره من هزا العشق. بيقول ولا يشبب بمحبوبه ولا يشبب بمحبوبه ويهتكه بين الناس يعني يفضحه بين الناس. في جمع بين الشرك والظلم. فاكرين الشرك ده ليه؟ قلنا العشق بيزاحم محبة الرب جل تعالى في القلب فده بينافي في الاصل كمال التوحيد الواجب. وقد يتردى الانسان ويسقط انه يصل الى ايه الى درجة انه ينافي اصل التوحيد والعياز بالله. ودي مشكلة كبيرة. فبيقول يجمع بين الشرك والايه؟ والظلم في هزا الباب فان الظلم في هزا الباب ونركز في الكلام اللي جاي لانه كلام جميل جدا. مش يعني كلام نافع ومؤلم في نفس الوقت. بيقول فان الظلم في هزا الباب من اعظم انواع الظلم. وربما كان اعظم ضررا على المعشوق من ظلمه في ماله فانه يعرض المعشوق بتهتكه في عشقه الى الى وقوع الناس فيه وانقسامهم الى مصدق ومكذب وشف ابن القيم المجرب عارف المجتمع. ده من ايام ابن القيم من سنة سبعمية وخمسين. يقوم يقول لنا ايه بقى؟ واكثر الناس يصدق في هزا الباب بادنى شبهة. وازا قيل فلان فعل بفلان او بفلانة كذبة سببه واحد وصدقه تسعمائة وتسعة وتسعون. ده من ايام سبعمائة وخمسين يعني اكتر من كم؟ من سبعمية سنة بيقول لو تخيل المجتمع قلنا لهم ان فيه فلان ده واحد قال خبر كده ان فيه فلان ده فجر بالمرأة الفلانية او بالفلان الفلاني علاقة شزوز. واحد بس ممكن يكون عاقل وايه ويتقي ربنا سبحانه وتعالى وتسعمية تسعة وتسعين واحد يصدقه. عشان كده تخيل بقى المعشوق ده مزلوم ما لوش زنب. امرأة ما لهاش زنب مسلا او واحد آآ انسان عفيف وزي قصة اسلم. فاكرين زكرناها قبل كده؟ قصة اللي هي فيها آآ زكرها ابن القيم اللي كان بيقول اسلم يا راحة العليل ده كان اسمه ايه؟ اسلم واحمد يقول لك اسمه دلوقتي. احمد ابن كليب واسلم ابن سعيد. لما احمد ابن كليب ده عشق اسلم. واسلم ده كان كان ده كان طالب علم كان اه بيتردد على مجالس القضاء وكشخص محترم. وابتلي بان كان صاحبه او احمد اه اه آآ احمد آآ ابن كليب ده هو اللي وقع في عشقه. وصار بقى يشبب به لحد ما هو ده نفس المشكلة دي. انتشر الخبر كان في الاندلس. يعمل تلاقيه اسلم اعتزل مجالس العلم اللي كان بيحضرها. عشان التاني بيشوفه. وبعدين اعتزل مجالس القضاء اللي كان ايه؟ بيزهب اليها. حتى اعتزل الخروج من داره الا ليلا وقعد التاني يمر عليه برضو قام حابس نفسه في الدار. ضيق عليه ازاي؟ ما هو ما هو دي مشكلة. هو ده ابتلي هزا البلاء هو ما لوش زنب اصلا. ما لوش زنب. وهو ده اللي وصل الكلف باحمد بن كلابي ده لما قال اسلم يا راحة العليل. آآ وصالك احب الي من رحمة الخالق الجليل. نسأل الله العافية. ومات على كده. مات مات من كتر العشق والكلف ده مات خالص في القصة فانت متخيل بقى اللي ده يبقى بلاء عامل ازاي؟ واحد بقى في كده وكان فيه بعض الدعاة في المملكة من فترة كان احنا في بداية سنة خمسة وتسعين ستة وتسعين ابتلي البلاء الضخم ده بقى. هو داعية وبيدعو الله عز وجل وفوجئوا انه جنب واحد كده وكان بيزهر معه في الايه؟ في المنتديات والملتقيات وبتاع فجأة الراجل ده طالع مش كويس. فناس بقى كلها اطارت كل مطار بقى ايه؟ عارف انت نفس الكلام اللي كان بيقولوا هنا واحد يصدق وواحد يكزب وايه تسعمية تسعة وتسعين يصدقوا. بيقول وخبر العاشق المتهتك عند الناس في هزا الباب يفيد القطع اليقيني العاشق المستهتر الفاجر اللي بيصدر منه الكلام والكلف ومش عارف يسيطر على نفسه. مجرد ما يتكلم تصدقوا مع ان ده فاسق. ان جاءكم فاسق بنبأ الايه؟ فتبين له صدقوه. بيقول بل ازا اخبره المفعول به عن نفسه كذبا وافتراء على غيره جزموا بصدقه جزما لا يحتمل النقيض. تخيل بقى لو ان امرأة جت قالت فلان الفلاني فلاني ده اساء الي بكزا او تحرش الي بكزا او فعل معي اي كلام ادعت عليه اي ادعاء الناس هتتعامل مع الادعاء ده على انه ايه صدق قطع يقين يقول لك في واحدة تقول على نفسها كده لا حول ولا قوة الا بالله. يا جماعة الباقيين على من ادعى اليمين على من انكر. وكأنك بتنفخ في رماد بقى تقول بل لو جمعهما مكان واحد اتفاقا اتفاقا يعني بدون قصد يعني. صدفة كده. بل لو جمعهما مكان واحد اتفاقا جزموا ان زلك عن وعد واتفاق بينهم. وجزمهم في هزا الباب على الظنون والتخيل والشبه والاوهام. والاخبار الكاذبة كجزمهم بالحس المشاهدة يجزموا بان الامر ده وقع زي ما يكونوا شايفينه قدام عنيهم كده. بالحساسيات الايه؟ المشاهدة. يقول وبزلك وقع اهل الافك في الطيبة المطيبة حبيبة رسول الله صلى الله عليه وسلم. المبرأة من فوق سبع سماوات. تخيل ان في عهد النبي عليه الصلاة والسلام الخبيث عبدالله بن ابي ابن سلول لم يجد شيئا ينفس فيه حقده وينفث فيه خبث نفسه الا انه يطعن في عرض النبي عليه الصلاة والسلام. وهم قافلون من غزوة المريسيع وكانت تخلفت عائشة رضي الله عنها وارضاها وكان آآ اصطحبها سعفان ابن المعطل راكبة الجمل بيقود بها. حتى ادركوا الجيش في حرر طيب ونحرز ظاهرة. قال ايه بقى هزا المجرم الخبيس؟ قال ايه؟ والله ما سلمت منه ولا سلم منه. كلمة خبيسة قالها بلسانه بقى الكلام ده يستشري. طب حد يفكر وابو ايوب لما بيقول لزوجته ايه لو كنت مكان عائشة كنت تفعلي ذلك؟ قالت لا والله. قال وهي خير منك. وانا لو مكان صفوان ابن المعطل افعل زلك لا والله وهو خير مني. يبقى كده ده ما حصلش. لولا اذ سمعتموه ظن المؤمنون والمؤمنات بانفسهم خيرا. وقالوا هزا افك مبين. افك كدب مقلوب. انت عارف يعني ايه افك؟ يعني كزب مقلوب يعني العفيف علي فاجر. ادي معنى كلمة افك. العكس بتعكس الصورة. تقلب الاية. بيقول ومع زلك في صحابة هلكوا في الامر ده التلاتة اللي اقيم عليهم الحد. حسان ابن ثابت ومسطح ابن اساسة وحنة بنت جحش. اقيم عليهم حد الايه القزر تكلموا بالكلام سبحان الله اذ تلقونه بالسنتكم. المفروض الانسان بيتلقى الكلام بايه؟ بودانه. مش كده هو انا بسمع بلساني ولا بسمع بوداني؟ يعني اتلقى الكلام المفروض بايه؟ بوداني. لا هنا ربنا قال ايه؟ اذ تلقونه بالسنتكم يعني كأن انت ما ادتش نفسك فرصة ان الكلام يخش ودانك دا انت اتكلمت به على طول. اذ تلقونه بالسنتكم وتقولون بافواهكم ما ليس لكم به علم صابونة وهينة وهو عند الله عظيم. بيقول حتى هلك من هلك ولولا ان تولى الله سبحانه براءتها والذب عنها. الدفاع عنها وتكذيب قاذفها. والا كان امرا اخر. شهر كامل يخوض الناس في عرضها رضي الله عنها وارضاها. والنبي صلى الله عليه وسلم لا يجد حيلة صلى الله عليه وسلم. وده من اشد انواع بلاءات التي اصابت رسول الله صلى الله عليه وسلم. صلى الله عليه وسلم. والمقصود ان في اظهار المبتلى عشق من لا يحل له الاتصال به من ظلمه واذاه ما هو عدوان عليه وعلى اهله وتعريض لتصديق كثير من الناس ظنونهم فيه. فان استعان دي اول مشكلة دي اول نوع من انواع الظلم مجرد تلويث الايه السمعة بانتشار هزه الاخبار اللي النفوس بتسرع الى تصديقها. طبعا المجتمع النزيف والشخصيات النقية اللي بتتقي ربنا سبحانه وتعالى تعمل استازة السيدة زينب بنت جحش سألت عن عائشة قالت ايه؟ احمي سمعي وبصري احمي سمعي وبصري. واي حد بقى يزكر له شيء انسان سام بسوء يتقي الله. من اثرى الفرى ان يري المرء عينه انك تقول شفته انت ما شفتش. تتلقف اخبار وتنشرها في الناس وانت ما تعرفش فاتقي الله اللسان النقي اللي بيتقي ربنا في نفسه عشان يعني ايه يكف آآ عن اعراض الناس. طيب اول ده اول نوع من الزلم هو العكس عاشق هيسكت عند كده مش هيسكت. العشق ده بيفضل نار قايدة في قلبه ومجنناه ومدخلاه في حالات اضطراب نفسي وسلوكي هيعمل ايه بقى؟ بيقول فان عليه بمن يستميله اليه اما برغبة او رهبة تعدى الظلم وانتشر. هو مش عارف يوصل لمعشوق مش عارف يوصل له. يقوم يعمل ايه؟ يشوف ايه واسطة حد يقرب له المسافات. ودي بقت مشكلة كبيرة. اما برغبة او رهبة. برغبة يجيبه يطمعه. هديك فلوس هاديك كزا هاعمل لك خدمات بس توصلني لفلانة الفلانية او لفلان الفلاني. او رهبة يهدده. يهدده. تمام بيهددوا بقى ايه؟ بسجن يهددوا باتلاف مال يهددوا التضييق عليه في مصلحة معينة. اي شيء باي اي نوع من انواع التهديد برغبة او رهبة. اليوم التاني ده بيقول ايه بقى؟ تعدى الظلم. يبقى الزلم ما عدش مع واحد دلوقتي. وانتشر وصار زلك الواسطة ديوثا ظالما. ودي مشكلة كبيرة جدا. مسألة ان واحد يتورط في انه يكون كوبري قنطرة واسطة في علاقة محرمة ما بين رجل وامرأة لا تحل له او بين اتنين لا من الشواز او بين آآ آآ المرأة اللي هي البغي وغيرها بقى من الرجال كل بقى ده اسمه ايه؟ الراجل ده بقى صلى يوسف. زار زلك الواسطة ديوثا ظالما. وازا كان النبي صلى الله عليه وسلم قد لعن الراش ده اللي هو الواسطة بين الرش والمرتشي. يعني انت رايح لمسؤول كبير عايز تدي له رشوة. مش هينفع تدخل عليه كده على طول. في واحد واحد في النص ده داخل في اللعن. لعن الله الراشي والمرتشي والايه؟ والرائش اللي في النور واسطة. بيقول وهو الوسط بين العيش والمرتشي في ايصال الرشوة فما الظن بالديوث الواسطة بين العاشق والمعشوق في الوصلة المحرمة تتصاعد العاشق والديوس على ظلم المعشوق وظلم غيره ممن يتوقف حصول غرضهما على ظلمه. في نفس او مال او عرض تعالى بقى هنا وقفة لان الموضوع ده انتشر جدا دلوقتي. وبقى عندنا مواقع كاملة شغلتها قايمة على قد كده. في مواقع الكترونية ولتها قايمة على ايه انك هتوفر لك آآ شاة او علاقات ما بين ناس اما من نفس الدولة او من دول تانية وفي ناس عاملة لنفسها اعلانات ان هي تقدر توفق حاجات زي كده. فيه ناس هتعمل مواقع زواج الزواج شيء مباح مش مشكلة. لأ بتكلم الايه؟ المواقع او الاشخاص اللي بيتصدى عشان يوفق علاقات محرمة عشان يوفق علاقات ايه؟ محرمة. وده ما يعرف بالايه؟ بالدياسة. والدياثة ده كبيرة من الكبائر زي ما زكرها آآ آآ الامام الزهبي رحمه الله في الكتاب الكبائر وزي ما زكرها كزلك آآ ابن حجر الهيتمي في الزواجر على اقتراف الكبائر. يعني ايه دياسة بقى؟ الدياثة مصدر من قولهم داس بالثاء داس الرجل يديث اذا ذل. وهو مأخوذ من مادة دا كا ثاء التي تدل على التزليل ويقال طريق مديس يعني مزلل وقال الجوهري الديوث القنذع وهو الذي لا غيرة له يبقى الديوس الزي لا غيرة له. وده بيخلي تعريف الديوس اكبر من اوسع من مجرد اللي بيقبل الزنا في الاهلي لأ الديوس الديوس هو الزي لا غيرة له الزي لا يغار على اهله. الزي لا يغار على اهله ويقول ابن منظور في لسان العرب ويقال دايس الامر لينه وذلله وداس الطريق يعني وطأه كأن المعنى اللغوي هنا بيدل على ايه المعنى؟ ان الديوس ده نخوته وكرامته ورجولته فيها ليونة فيها ليه نوع من الليونة والتكسر ما هوش راجل مش مش مروءته غير مكتملة ونخوته غير مكتملة وشهامته غير مكتملة فيها ليونة فيها تكسر فيها من قولهم ايه؟ آآ دس الطريق يعني آآ زلله. وده قلنا الزي لا يغار على آآ اهلي او لا غيرة له. وقيل والذي يقر الخبث في اهله ان يستحسنه اهلي وده اه يدخل فيه مين بقى؟ بالاساس وباللي عليه اتفاق في حكم هزا الديوس الزي يقر الخبث في اهل الزنا والفواحش اهله دولت اللي هي زوجته او اخته او امه او بنته او كل من بسط الله يده عليهم زمان بيقول لك ايه اوامته. الامة عنده اهي ملكه. كل من بسط الله يده عليهم لا وعليه كلمة يبقى ده يقر حالة الزنا ديت يبقى ايه؟ هل بس الزنا؟ لأ كزلك مقدماته اللي يسمح لنا اتمشي مع حد. وتخرج معه ويبقى بينهم بعض علاقة. يسمح لها انها تختلط اختلاط مستهتر بالرجال. اللي يسمح لها تطلع ترقص في الفرح قدام الناس. وهي لابسة بس ايه تظهر فيه ما امر الله عز وجل بستره من العورات. تكشف عوراتها وو الى اخره. كل ده داخل في معنى الايه؟ الدياة. اللي بيسمح لها تبرج وازهار المفاتن والاختلاط المستهتر. كل ده داخل في معنى الدياية. طب ايه مشكلة الدياثة؟ لا مشكلة بسيطة خالص. احنا قلنا انها من كبائر ايه الاسم عن عبدالله بن عمر رضي الله عنهما انه قال قال رسول الله صلى الله عليه وسلم سلاسة لا ينزر الله عز وجل اليك يوم القيامة العاق لوالديه والمرأة المترجلة والديوث. وثلاثة لا يدخلون الجنة العاق لوالديه والمدمن على الخمر والمنان بما اعطى. يبقى ممن حرموا عليهم الجنة الديوث. نسأل الله العافية. ونسأل الله العافية. طيب لو انت بحست في الامر ده ليه الموضوع ده تشعر دلوقتي حتى الامام الذهبي وهو في الكبائر بيقول من كان يظن باهله الفاحشة. خل بالك بقى الكلام ده اصله مهم من كان يظن باهله الفاحشة ويتغافل يتغافل عن ايه؟ عن ان زوجته بتعمل الفاحشة. او بنته او اخته اي حد قل من كان يظن باهله الفاحشة. ويتغافل لمحبته فيها. زوجته يعني. او ان لها عليه دينا هو عاجز زوجته لها فلوس عنده. او صداقا ثقيلا. القايمة بتاعته والمؤخر مش هيقدر عليها او له اطفال صغار لو هي لو هو طلقها او وقف معها موقف هتاخد عيالها بيقول الامام الزهبي كل دي مش اعزار ولا خير في من لا غيرة له. فمن كان هكزا فهو ديوث يبقى كل الايه؟ المبررات دي مش عزر. كل مبرد ايه؟ مش عزر. طيب يا ترى انتشار الدياثة ده سبب طب وايه سببه ايه؟ عد معي. اول حاجة انتشار المخدرات. بانواعها. ابن تيمية بيقول لنا الحشيشة هو كان في حشيش على الامام ابن تيمية؟ اه كان ايام الحشيش. جامد واه سائل. وهتلاقيها موجودة في كتاب الطهارة في الكلام عن حكم الحشيشة هي طاهرة ولا نجس؟ خلاص؟ والحشيش على فكرة حكم حكم الخمر في زي ما بيقولوا في في الحد اللي يشربه يحدد لحد الخمر. ابن تيمية بيقول لنا ايه بقى؟ بيقول ان الحشيشة المصنوعة من ورق القنب حرام يجلد صاحبها كما يجلد شارب الخمر. وهي اخبث من الخمر من جهة انها تفسد العقل. والمزاج حتى يصير في الرجل تخنث ودياسة وغير ذلك من الفساد. يبقى من اكثر الاسباب اللي انتشرت دلوقتي وزودت او او جعلت يبقى هناك شيء من الدياثة اللي هو الايه شرب شرب المخدرات بانواعها بانواعها اتنين اه فعل الفواحش الشخص اللي بيفعل الفاحشة بيبقى عنده قدر من الدناءة يعني تواصل مع نساء يزني بهن او بهن او اللي بيبتدي اللي له علاقات شازة او او عنده قدر من الدناء والدياثة ليس موجودا فيمن عوفي من هزا الايه؟ البلاء. دي تاني حاجة. تالت نقطة ضعف الايمان عموما. بترك الصلوات وترك العبادات. بيجعل في الانسان آآ رقة في الدين ممكن يقبل هزا الامر. اربعة تشبه بالكفار والكافرات والفساق والفاسقات في الملبس والعادات الصلاة وغيره بيهيأ الامر ده ويجعله سمة في المجتمع. فضلا بقى عن ان يتم آآ تسميتها يتم تسميتها بغير يعني يسموا حالة المجون والفسق ديت يسموها تقدم. ويسموا حق الحجاب والتستر والحشمة رجعية. او تخلف. وده دلوقتي قوليها قولي فلاح اللي هيلبس مراته حجاب يبقى فلاح صح؟ تطلع منتشرة ساعات عالتريند كده تدخل جوة ايه تلاقي الفلاح بيعمل حاجات حلوة خالص اقول والله والله نعمة الصفر بصفة الفلاحة دلوقتي. لو هي كده يبقى ده حاجة حلوة خالص. الطبقة اللي زهرت عندنا دلوقتي في مصر في الاماكن اللي بيسموها الاماكن الراقية او بيقولوا عليها ايجيبت. يعني ليه مش مصر؟ ايجيبت اللي هي مكان ايه؟ اه حاجة موازية يعني. دول زهر عندهم حياء اه هم مفتونين فعلا بنمط الحياة الغربي. نمط الحياة الاوروبي. بنفس مفاهيمهم ان اتخاز الاقدام واتخاز العشيقات والعشاق ويعيشوا حياة والكلام عن زواج او علاقات شرعية ده اهو ده الفلاحة بقى لا التخلف اهي دي الرجعية انت انت مكانك مش في ايجيبت هنا. اطلع اسكن في وسط الناس اللي بيتكلموا بالطريقة دي. تيجي هنا ما تتكلمش في المواضيع دي خالص. طقش. ما تتكلمش على الحديد اصلا طيب يبقى دي برضو من الاسباب اللي زيادة الامر ده. من اخطر الاسباب بقى دلوقتي وربنا يعافينا واياكم ويسترنا في الدنيا والاخرة انتشار الاباحية انتشار ايه الاباحية وانتشار مشاهدة الاباحية. ده من اكتر الاشياء اللي بتعمل آآ بتأتي بخلق وصفت الدياثة ده. حاجة عجيبة جدا. ليه؟ لان الانسان طول النهار مشاهد للبلاوي ديت وبتحوله على فكرة فيه مرض نفسي عند بتوع الاطباء النفسيين اسمه مرض الايه؟ الدياثة. مرض مرض يعني يعني ايه؟ المرض طبعا صاحبه مش معفو عنه بس مرض الوسواس القهري حاجة بقى واحد بقى وانا مش عايز الوس اسمعكم اكتر من كده. بس ده واحد بيحط له كورس علاج. انه وصل لمرحلة من الانحطاط ان اللي عنده الدياثة دي بقت ايه؟ بقت توجه زهني بقى مش مش هيعرف يعيش حياته كده. الله المستعان. فده ويقعدوا بقى يعالجوا في القصة دي. جت منين؟ ما فيش حد بتقول الديوس. ايه المؤسرات اللي جت في حياته حولته لصورة المشوهة من البني ادم ده. او آآ قتلت عنده المروءة والنخوة بالطريقة ديت. ايه اللي عمل فيه العملة السوداء ديت ؟ يقول لك بقى فضل حادسة وهو صغير حادسة تحرش او ادمن مشاهدة الامور الاباحية حتى كان كنت قرأت فيها تحقيق كده تحقيق زي تحقيق علمي كده جايبين بقى شخصيات من اللي مبتلاه بالامر ده وبيسألوه انت كده ليه؟ فواحد منهم جاوب قال بصراحة شديدة احنا لما دخلنا في موضوع النزر وخلاص الانسان بيبقى استهلك كل المشاهدات والحركات ووالى اخره ما عدش عنده جديد يشوفه هيضطر يدخل في ايه بقى؟ يدور على ليفل اعلى يدخل في اللي هو مش حياة مش اعلى هو انحطاط اسوأ. انحطاط اسوأ من الحالة اللي هو فيها. عشان كده بنقول ان دي كارسة كبيرة جدا. مسألة الدياثة ديت بكل اسف احنا عندنا اللي في المجتمع الان مع ان المجتمع مسلم الا ان عندنا انتشار الدياثة بدرجات متفاوتة. ابتداء من ان اللي بيقيم ان زوجته تخرج وهي آآ متأبطة زراعة وهي لابسة آآ لبس بيكشف عورتها التي امرت بسترها فضلا بقى عن اللي بيعمل الفرح اللي بيكشف زوجته قدام خلق الله بقى يزينها ويحسنها ويلبسها ملابس فاضحة ويطلعها ترقص قدام الناس كلها عشان النهارده الفرح. بيفرج الناس كلهم على ايه على زوجته. فضلا بقى على اللي بيقر الحاجات دي في اهل بيته بنته او اخته او غيره. طبعا دي مشكلة كبيرة جدا والله المستعان. ابنتي احنا بس اتعرفنا على ديت اصل دي كانت موضوع مهم. طبعا الموضوع الدياسا ده محتاج علاج. اول حاجة التوبة توبة نصوح وسندرك خطورة ما مقدم عليه. اتنين ان هو يحرك في قلبه معاني الحمية اخوة ورجولة بالمعاني الشرعية وان هزا امر يحبه الله عز وجل. وان الدياثة امر يبغضه الله عز وجل. تلاتة الخوف والرجاء والحياء. خوف من الله عز وجل. وانه يعاقبه في الدنيا وفي البرزخ وفي الاخرة رجاء ان ربنا سبحانه وتعالى يرزقه الجنة وان الديوس محروم من الجنة. تلاتة الحياء ان يطلع الله عز وجل عليه في الدنيا وهو مبتلى بهزا الايه؟ بهزا الامر. طيب كزلك من ضمن وسائل العلاج غض البصر. غض البصر وزيادة الايمان بوسائله المختلفة. وكزلك يعني من انفع الامور الاكثار من الدعاء والاستغفار والحوقلة والصحبة الصالحة. بيقول فيتساعد العاشق والديوث على ظلم المعشوق وظلم غيره. بيتواطؤوا هنا بقى انهم يزلون المعشوق ده. ده اللي هو خد الحدوات اللي ما عندوش ما لوش زنب. ممن يتوقف حصول غرضهما على ظلمه في نفس او مال او عرض. ازاي؟ بيقول فانه كسيرا ما يتوقف المطلوب فيه على قتل نفس تكون حياتها مانعة من غرضه. واحد عشق امرأة متجوزة ايه اللي موقف الدنيا جوزها جه يعمل يعملوا ايه بيقتلوه بيقول فكم من قتيل طل دمه بهذا السبب. يعني ايه طل؟ يعني اهدر. اهدر دمه بهزا السبب من زوج وسيد وقريب. وكم خببت امرأة على بعلها خببت افسدت وخدعت على بعلها يعني على زوجها وجارية وجارية وعبد على يبقى كم من امرأة افسدها واحد بالكلام المعسول وهي بتبقى امرأة متزوجة ويعمل معها علاقة ويمنيها لحد ما تتطلق من زوجها ده. وبعد كده في الغالب هو ما بيتجوزهاش. وان تزوجها فلا اخيرا حتى ايه؟ ينتفع منها بما شاء ويلفظها. ما بيبقاش لها قيمة عنده اصلا. بيقول وجارية وجارية وعبد على سيدهما ان واحد يفتن جارية ويخببها على سيدها. ممكن تقتله. ممكن تهرب منه. وكذلك عبد. وقد لعن رسول الله صلى الله عليه وسلم من فعل زلك. احنا عندنا في الحديس من خبب عبدا على اهله فليس منا. ومن افسد امرأة على زوجها فليس منا. والله الحديس ده نفسي يتقال لكل خرابات البيوت وخرابين البيوت من الاباء والامهات والاخوات والاصدقاء والصديقات اللي بيفسدوا النساء بتبقى في مشكلة قد كده تروح تستشير حد من دولت وانت ايه اللي مقعدك معه سيب البيت على طول وبعدين تبقى المشكلة قد كده. يضخموها قد كده. البيت يتخرب. ابو لوج ليس منا من ايه؟ من خبب امرأة على زوجها. وطبعا اسوأ منه ان هيخبب بالايه؟ بالعشق. اللي يخبب المرأة بالعشق. بيقول وازا آآ آآ ولعن الرسول صلى الله عليه وسلم من فعل ذلك وتبرأ منه وهو من اكبر الكبائر. وازا كان النبي والله شف الكلام الجميل لابن القيم بقى. وازا كان النبي صلى الله عليه وسلم قد نهى ان يخطب الرجل على خطبة اخيه. يعبد حق اخوك المسلم عليك انه لا راح خطب امرأة ما تروحش تتقدم وهي مخطوبة مش مكتوب كتاب مخطوبة بس ما تروحش تخطب على خطبته. واو يستام على سوم اخيه. لو قاعد بيفاصل في شقة ولا في عربية ولا في حاجة ما تروحش تفاصل ورا منه. سيبه ما يخلص يا يبيع يعيش ايه؟ يا يشتري يا يمشي. فكيف بمن يسعى في التفريق بينه وبين امرأته؟ وامته حتى يتصل بهما وعشاق الصور ومساعدوهم من الديسة جمع ديوث. والجمع ده جمع غير اه اه آآ مستقيم يعني. آآ ومساعدوهم من الديسة لا يرون زلك ذنبا. فان طلب العاشق وصل معشوقه ومشاركة الزوجة سيد ففي زلك من اثم ظلم الغير ما لعله لا يقصر عن اثم الفاحشة ان لم يربوا عليها يعني ان لم يزد عليه. يعني واحد قال لك لا خلاص يا عم انا مش هاقتل زوجها ولا هاعمل له مشكلة. انا هاسيبها زي ما هي متجوزة كده واقيم علاقة معها. قال له ده انت مجرم مجرم ده انت اللي بتعمله ده اثم وظلم وبغي لا يقصر عن اسم الفاحشة ان لم يربوا عليها. ولا يسقط حق في الغير بالتوبة. دي بقى الخطورة. كل اللي عمل واتورط في العلاقات المحرمة ديت عنده مشكلة كبيرة جدا هو مش واخد باله منها. ابن القيم بيحط لنا فلاش النقطة دي وبينبهنا لها بيقول خد بالك لا يسقط حق الغير بالتوبة من الفاحشة. فان التوبة وان اسقطت حق الله فحق العبد باق له المطالبة به يوم القيامة فان ظلم الوالد بافساد فلذة كبده ومن هو اعز عليه من نفسه اللي بروح يتحرش بطفل صغير ويعتدي عليه جنسيا ويحطمه بعد كده ويدمره او يعتدي على بنت او حتى يفسدهم بمعسول الكلام لحد ما يغرقهم في الفاحشة مش هنقول حتى ان هو ايه اغتصبهم. لأ افسدهم. الزلم اللي انت زابطه يرحمك الله. الزلم اللي انت زلمته للوالد ده. الاب ده بقى ده فلذة كبده ده ابن او بنت ده فلذة كبده. سمرة كبده. انت عملت فيه كده ازاي حق الاب ده عندك يبقى قد ايه؟ فضلا عن حق الشخص نفسه. وظلم الزوج بافساد حبيبته والجناية على فراش زوجته اعظم من ظلمه باخز ما له كله. ولهزا يؤزيه زلك اعظم مما يؤزيه اخز باله. يعني لو واحد اتنصب عليه في فلوسه كلها اتاخدت منه فلوس وعربيته اهون مليون مرة بقت ايه؟ حد يفسد عرضه صح اعظم مما يؤذيه اخز ماله ولا يعدل ذلك عنده الا سفك دمه. عرضه بيساوي الدم عنده دم هو حياته فياله من ظلم اعظم اثما من فعل الفاحشة. زلمك للشخص ده اشد من الوصال المحرم او الفاحشة اللي انت عملتها بيقول فان كان ذلك حقا لغاز في سبيل الله قال له تعال اما اقول لك على جريمة تانية انت بتعملها. انت مش مجرد انك بتعمل علاقة مع واحدة ست طب افرض الست دي جوزها غازي في سبيل الله. ده دي وقف له الجاني الفاعل يوم القيامة. وقيل له خز من حسناته ما شئت. الحديس ده عند مسلم من حديس بريدة رضي الله عنه قال رسول الله صلى الله عليه وسلم حرمة نساء المجاهدين على القاعدين كحرمة امهاتهم. وما من رجل من قاعدين يخلف رجلا من المجاهدين في اهله فيخونه فيهم الا وقف له يوم القيامة يتوقف له كده فيأخذ من عمله ما شاء النبي صلى الله عليه وسلم بيقول للصحابة بقى فما ظنكم؟ ظنكم ان المجاهد ده هيسيب له حسنة مش هسيب له حسنة. هيتوقف له من غير كده يقول له خد حقك منه زي ما انت عايز. ده ده لو كان ايه؟ لو كانت المرأة ديت تخص رجلا غازي في سبيل الله. بيقول فان انضاف الى زلك ان يكون المظلوم جارا. واحد جارك بقى وعملت معها الجريمة ديت اوزى رحم. واحد بينك وبين رحم. اخوك ابن عمك ابن خالك تعدد الظلم وصار ظلما مؤكدا بقطيعة الرحم واذى الجار. وقال النبي صلى الله عليه وسلم لا يدخل الجنة قاطع رحم. وقال صلى الله عليه وسلم لا يدخل الجنة من لا يأمن جاره بوائقه يبقى انت ايه عملت جريمة فوق الجريمة فوق الجريمة. بيقول فان استعان العاشق على وصال معشوقه بشياطين جن اما بسحر او استخدام او نحو ذلك. ده بقى مش عارف يوصل للعلاقة المحرمة ديت وعارف يوصل للطرف اللي قدامه اللي هبله ده. مش عارف تصلوا للمعشوق ده مش عارف يوصل له. قال لك الحل ايه بقى؟ اسحره ضم الى الشرك والى الظلم كفر السحر. فان لم يفعله هو ورضي به كان راضيا بالكفر غير كاره لحصول مقصده به. وهزا ليس ببعيد من الكفر. كان قريب كده جايبين ناس من قرية قرية صغيرة ناس راحوا المقابر اللي نضفوها وطلعوا منها اعمال. كم هائل من الاعمال واعمال السحر دي. تحس ان القرية كلها بتسحر بعضها حاجة فعلا قرية صغيرة ايه ده يعني فعلا الانسان اللي عقله مش في الحاجات ديت ما بيبقى اه مصدق طبعا ان فيه سحر لان السحر زكر في القرآن. بس مش منه مش مش مخالفة الامر ده كل ما حد يقول له انا مسحور يقول له يا عم هو كل حاجة تقول مسحور! لأ انت لو شفت كمية الاعمال والدجل اللي المعمولة ديت حاجة مهولة! والسحر عقيدة اهل السنة والجماعة في انه له حقيقة لو حقيقة فمنه ما يمرض ومنه ما يصيب الانسان بالجنون ومنه ما يقتل انت متخيل؟ اه طبعا يعني يقول لك فلان ده معمل له سحر بالجنون تخيل شف الناس بقى والافتراء بتاعها. طيب بيقول والمقصود؟ ايه المقصود اللي عايز يقوله بقى بعد اللي عمال يقوله لنا ده كله؟ ان التعاون في هزا الباب تعاون على الاثم والعدوان. واما ما يقترن بحصول غرض العاشق من الظلم المنتشر حد ضرره فامر لا يخفى. فانه اذا حصل له مقصوده من المعشوق لو المعشوق ده بقى توافق معه قبل العلاقة دي بقت بقى العلاقة دلوقتي بين طرفين هو هيسيبه كده فللمعشوق اغراض اخر يريد من العاشق اعانته عليها هو كمان عنده ليسته من الايه؟ من المزالم اللي عايزها مين اللي هيساعده فيها الطرف اللي قدامه؟ فلا يجد من اعانته بدا فيبقى كل منهما يعين الاخر على الظلم والعدوان. فالمعشوق يعين العاشق على ظلم من يتصل به من اهل واقاربه. وسيده وزوجه والعاشق يعين المعشوق على ظلم من يكون غرض المعشوق متوقفا على ظلمه. فكل منهما يعين الاخر على اغراضه التي يكون فيها فيها ظلم الناس. فيحصل العدوان والظلم للناس بسبب اشتراكهما في القبح لتعاونهما بذلك على الظلم. كم ما جرت العادة بين العشاق والمعشوقين. هيدخل بقى فيها شرب المخدرات والمسكرات اكل اموال الناس بالباطل. سرقات من هنا او من هنا نصب واحتيال من هنا او من هنا وغيرها بقى بيقول من اعانة العاشق المعشوق على ما فيه ظلم وبغي وعدوان حتى ربما يسعى له في منصب لا يليق به ولا سيصلح لمثله. فاكرين كده في التسعينات وفي الالفينات؟ كانت في قضايا بتطلع ضخمة اوي. لا نزكر اسماء مع ان كانت قضايا ايامها اعلامية هزت الرأي العام كله ان فلانة الفلانية ديت السكرتيرة اللي في الوزارة الفلانية دي كانت سبب في حصول كزا وكزا وكزا وكزا وانه انه وانه وان وفعلا تصير علاقات العشق المحرمة ديت سبب للستة فساد في اعلى الدوائر السياسية اللي موجودة في الدولة مناصب وعلاقات وفلوس وحاجة الله المستعان. وحتى دلوقتي انتشر الفترة اللي فاتت دي حاجة يقول لك ايه جنسية انتشر المصطلح ده ايه رشوة جندي؟ يعني يعني هيبقى يقيم العلاقة دي مقابل انه يحصل على تسهيلات معينة. مقابل ان هو يقدم هو تسهيلات معينة بيقول حتى ربما يسعى له في منصب لا يليق به ولا يصلح لمسله وفي تحصيل مال من غير حله وفي استطالته على غيره فازا قسم معشوقه وغيره او تشاكيا لم يكن الا في جانب المعشوق ظالما كان او مظلوما. هذا الى ما ينضم الى ذلك من ظلم العاشق للناس بالتحايل على اخذ اموالهم والتوصل بها الى المعشوق بسرقة او غصب او خيانة او يمين كاذبة او قطع طريق ونحو ذلك وربما ادى ذلك الى قتل النفس التي حرم الله ليأخذ ماله يتوصل به الى معشوقه. فكل هذه الافات واضعافها واضعاف اضعافها تنشأ من عشق الصور. وربما حمل على الكفر الصريح. نسأل الله العافية والله وقد تنصل جماعة ممن نشأ في الاسلام بسبب العشق. كما جرى لبعض المؤذنين حين ابصر امرأة جميلة على ففتن بها. فنزل ودخل عليها وسألها نفسها فقالت هي نصرانية. فان دخلت في ديني تزوجت بك ففعل فرقي زلك اليوم طلع يعني على درجة عندهم فسقط منها فمات. زكر هزا عبدالحق في كتاب العاقبة له. كتاب العاقبة في زكر الموت لعبد الحق الاشبيلي المشهور اه بابن الخراط وده اندلسي متوفى في القرن سادس خمسمية واحد وتمانين. وهو كتاب آآ فيه اتنين وعشرين باب. بيتكلم بقى فيه عن اخبار الموت وآآ اسف اخبار الاموات عند الموت واحوالهم. وآآ بيتكلم فيه بقى على سوء الخاتمة وحسن الخاتمة. ومسائل مما يتعلق بزيارة القبور وحالة الارواح وما يحدس للميت بعد موته في البرزخ وما يحدس له في الجنة وغير زلك. بيقول وازا اراد النصارى ان ينصروا الاسير اروه امرأة جميلة. حد فيكم كان استمع كده؟ لو استمع لشهادة واحد زي وليد الحاج ولا غيره باللي كانوا في اه او بتاع طالبان كان اسمه ايه؟ اللي كانوا آآ الوزير بتاع طالبان اللي كانوا اسروه في اجوانتناموا. اللي كان عمل كتاب فيها. اسمه راح مني برضو دلوقتي المهم كانوا يعني كلهم بيحكوا حاجة واحدة نفس اللي ابن القيم بيقولوا كده. ان هم كانوا بيدخلوا للاسرى دولت يدخلوا له سجانة او امرأة جندي يعني امريكية تكون امرأة جميلة وتلين له الكلام وتطمعه في نفسه. زي ما ابن القيم بيقول كده بالزبط. ازا اراد النصارى ان ينصروا الاسير اروه امرأة جميلة وامروها ان تطمعه في نفسها. حتى ازا تمكن حبها من قلبه بزلت له نفسها ان دخل في دينها. فهنالك يثبت الله الذين امنوا بالقول الثابت في الحياة الدنيا وفي الاخرة ويضل الله الظالمين ويفعل الله ما يشاء. نسأل الله ان ثبتنا على الحق حتى نلقاه. يقول وفي وفي العشق من ظلم كل واحد من العاشق والمعشوق لصاحبه. بمعاذ له على الفاحشة. وظلمه لنفسه. فكل منهما ظالم لنفسه وصاحبه. وظلمهما متعد الى الغير كما قدم واعظم من ذلك ظلمهما بالشرك. فقد تضمن العشق انواع الظلم كلها. والمعشوق اذا لم يتق الله فانه يعرض العاشق للتلف. وذلك ظلم منه بان يطمعه في نفسه يتزين له ويستميله بكل طريق حتى يستخرج منه ما له ونفعه. ولا يمكنه من نفسه الا يزول غرضه بقضاء وتره. بقضاء وتره منه فهو يسومه سوء العذاب. يعني يقول لك في نوعيات بقى بيبقى المعشوق ده بيعمل ايه؟ بيبتز من امامه ويدخله في علاقة ابتزاز. لا يمكنه من الوصال ولا ييأسه ويقطع طمعه في انه يتصل به. لكن يفضل يعزبه عشان ايه؟ عشان يفضل يبتزه. قال لك ان هي ممكن توصل لايه؟ والعاشق ربما قتل مع اشوقه ليشفي نفسه منه. ممكن يخلص عليه. ولا سيما ازا جاد بالوصال لغيره. واظن في الحادسة في السنة اللي فاتت دي بس حصل اربع حوادس بالطريقة عشق محرم بعد فترة المعشوقة دي بتمتنع منه بترفض تكمل في العلاقة او تتخطب لواحد تاني بيكون النتيجة ايه؟ رقبتها. فلانة وفلانة وفلانة اربع او خمس حالات في خلال السنة اللي فاتت بس. كلهم على شرط بيبقى العاشق اللي رايح يقتل ده عارف ان مصيره فين؟ لا مش السجن الاعدام السجن ازاي؟ هنهزر؟ اعدام. وبيدخل في الامر ده. وفعلا في واحد منهم خلاص اتنفز فيه الحكم الرسمي دلوقتي. من من كزا شهر كده. وفي تاني وتالت وسبحان الله هي نفس قلنا يا جماعة العشق بيذهب قوى العقل. نسأل الله العافية ورط الانسان نسأل الله عز وجل العافية. مش قلنا مش احنا قلنا في الدرس اللي فات سيدنا علي بن ابي طالب؟ سيدنا ابن عباس لما رفع اليه رجل نحيل كاد يعني ان ان يموت من شدة الايه الضعف والنحالة. فسأل النبي قالوا به العشق جعل عامة يومه يوم عرفة يتعوذ بالله من الايه العشق والعشق بيقول فكم للعشق من قتيل من الجانبين وكم قد ازال من نعمة ودي بنقطة مهمة لا والله. كم واحد دخل في العلاقات الاسمة الفاحشة ديت وربنا عاقبه وبدل حاله في الدنيا. اسمع بقى ابن القيم بيقول لنا ايه؟ كم كم دي اللي تفيد كسرة. فكم للعشق من قتيل من الجانبين. وكم قد ازال من نعمة وافقر من غنى واسقط من رتبة وشتت من شمل وكم افسد من اهل لرجل وولد. فان المرأة اذا رأت بعلها عاشقا لغيرها اتخذ هي معشوقا لنفسها. يا حلاوة! جزاء ايه؟ وفاقا. ما هي عايزة تكيدوا. هتعمل ايه بقى؟ عايزة تسقي من نفس الكأس فيصير الرجل مترددا بين خراب بيته بالطلاق وبين القيادة. القيادة انه يكون قواد يعني بالدياسة يعني فمن الناس من يؤسر هزا يخرب بيته ومن الناس من يؤسر ايه هزا ؟ انه يعيش ايه ؟ في حالة الدياثة دي. فعلى العاقل الا يحكم على نفسه عشق الصور. لئلا يؤديه ذلك الى هزه المفاسد او اكثرها او بعضها من فعل زلك فهو المفرط بنفسه المغرر بها. فازا هلكت فهو الزي اهلكها. فلولا تكراره النظر الى وجه معشوقه معه في وصاله لم يتمكن عشقه من قلبه. فاكرين اخر حاجة قلناها المرة اللي فاتت يداك اوكتا وفوك نفخ انت اللي مسؤول لولا تكراره النظر نزر كل الحوادس مبدأها من النظر ومعظم النار من مستصغر الشرر والمرء ما دام ذا عين يقلبها في اعين كن الغيدي موقوف على خطر. يسر مقلته ما ضر مهجته. لا مرحبا بسرور عاد للضرر لولا تكراره النظر الى وجه معشوقه وطمعه في وصاله لم يتمكن عشقه من قلبه. فان اول اسباب عشق الاستحسان سواء تولد عن نظر او سماع. فالله الله في الاختلاط المستهتر. اتقوا الله. احد اهم اسباب العشق لاختلاط المستهتر والتبرج والعورات المكشوفة. فان لم يقارنه طمع في الوصال وقارنه الاياس من زلك ودي ميزة بقى لو واحد خطر له خاطر العشق رماه الشيطان يوما بسهم من سهام العشق لكنه لم يطمع في الوصال وايس من زلك لم يحدس له العشق خلاص ربنا هيبرئه منه. فان اقترن به الطمع فصرفه عن فكره ولم يشتغل قلبه به لم يحزن الدفع اسأل من الرفع. في البداية لسة الشيطان بيصطاد وبيرميه بالسهم كده صرف فكره واتقى الله عز وجل وانصرف لا يتمكن منه. فان اطال مع زلك الفكر في محاسن المعشوق وقارنه خوف ما هو اكبر عنده من لذة الوصال. اما خوف ديني كدخول النار وغضب الجبار احتقاب الاوزار. يعني يحمل اوزار فوق آآ ظهره وغلب هزا الخوف على زلك الطمع والفكر لم يحدس له العشق. يبقى الخوف من ربنا احد اهم الموانع تمنع الانسان من التورط فين؟ في وحل العشق. فان فاته هزا الخوف فقارنه خوف دنيوي اللي هو العقل بقى كخوف تلافي نفسه يعني تلف نفسه وماله وذهاب جاهه وسقوط مرتبته عند الناس. شاب محترم متعلم في مقتبل حياته او رجل وقور له منصب له وجاهة. كل ده محطوط على المحك انه يكمل في العلاقة المشؤومة دي ولا لأ ؟ فربنا عصمه بالعقل فقال لأ انا ما اتورطش الورطة دي. يبقى بيقول واه فان فاته هزا الخوف اي الخوف الديني من دخول النار غضب الجبار سبحانه وتعالى. فقارنه خوف دنيوي كخوف تلافي نفسه وماله وذهاب جاهه وسقوط مرتبته عند الناس قطي من عين من يعز عليه هيواجه عياله ازاي ؟ هيواجه والده ووالدته ازاي ؟ هيقول يا اخوانه واصحابه ازاي ؟ وغلب عليه هزا الخوف العشق دفعه. يبقى ده كمان ايه؟ هيبقى مانع من الموانع. وده محمود مش مذموم على فكرة. اللي هو المانع بالايه؟ عشان كده العقل يعقل صاحبه عما يضره وكزلك مما يدفع العشق كزلك. ازا خاف من فوات محبوب هو احب اليه وانفع له من زلك المعشوق. وقدم محبته على محبة المعشوق. اندفع عنه العشق. اللي هو محبة زوجته. او عياله. اللي عرف ان هو يخسرهم لو دخل في العلاقة الاسمة ديت فاختار ده ده برضو محمود مش مزموم. قال فان انتفى زلك كله. او غلبت محبة المعشوق لزلك ان جذب بالقلب بكل ومالت اليه النفس كل الميل. ولا حول ولا قوة الا بالله. هنقف هنا ونستكمل ان شاء الله في الدرس القادم سبحانك اللهم وبحمدك اشهد ان لا اله الا انت استغفرك واتوب اليك