سلام عليكم ورحمة الله وبركاته. يا شباب الورق ده ورق شاب من الشباب رامي صاحبي حبيبي دكتور اسنان مات في شعبان الله يرحمه مد في شعبان وهو صايم والملف الكبير ده كله ده ملف الاستعداد لرمضان بتاعه. تخيلوا اول ورقة خطة عمل ما بعد رمضان ما حدش
بعد رمضان قيام ليل القرآن لازم احفز هازاكر تفسير. السنن النوافل اصلاح الفرائض. والملف ده كله مليان دروس تفسير سماعها سورة انبياء مريم مليان ومليان دروس اسماء حسن سماحها استعدادا لرمضان. ملف تخيلوا الملف ده كله كان بيستعد بين رمضان ومات قبل
بابا مين ؟ يعني يعني عبرة يا جماعة قد ايه لما الموت يجي وانت مستيقظ بتبقى حاجة جميلة اوي. لما الموت ييجي وانت صاحي وخصوصا وانت مستيقظ انتم بتستعدوا لرمضان فتنال اجر رمضان اجر رمضان وانت ميت. لانك انت مت على نية الاستعداد له. رمضان يا شباب ستين دعوة مستجابة. يلا
يا جماعة بقى صحصحوا معنا. عايزين نصحصح. عايزين نفوق ستين دعوة مستجابة. ستين مشكلة من مشاكل حياتك. تتحل في رمضان داهو بازن الله. ستين دعوة مستجابة. تلاتين دعوة بالنهار وتلاتين دعوة بالليل. تسعين ستين فرصة للعتق من النار. تلاتين فرصة بالنهار وتلاتين فرصة بالليل ولله في كل
يوم وليلة عتقاء من النار. كل سنة ربنا بيتنزل في التلت الاخير من الليل الا رمضان. ربنا بيتنزل في التلتين الاخرين من الليل. فيقول هل من سائل فاعطي يعني احنا في رمضان رمضان ده فرصة عمر. تراويح رمضان بس تغير حياتك. دعاء رمضان بس يغير حياتك. صيام رمضان بس يغير حياتك
اسجد رمضان بس يغير حياتك. رمضان كل حاجة فيه كافية لتغيير كل حاجة في حياتك. عايزين فعلا نستعد لرمضان. وعايزين فعلا نستقبل رمضان ضربة بدء حقيقية. رمضان ده البداية الحقيقية للتغيير. رمضان ده اطول فرصة للتغيير في حياتنا طول السنة. عايزين نستعد رامي الله
ارحموا مات دلوقتي. رامي الوقتي تحت التراب يا جماعة الله يرحمه. ولكن يعني نرجو له الخير. الله حسيبه هيقابل ربنا بالملف ده كله بكل الاستعداد ده عشان وعشان كان يعيش احلى رمضان في حياته. ممكن يبقى اخر رمضان في حياتك. ممكن يبقى اخر شعبان في حياتنا ده كان اخر شعبان في حياة رامي. الله يرحمه
ما احناش عارفين هنقابل ربنا امتى بالزات في ايام الوباء الرهيب اللي منتشر في الارض الوقتي. ما احناش عارفين هييجي رمضان علينا. لو ده جه هييجي رمضان تاني بعده ولا لأ
وهييجي رمضان ده ولا لأ ؟ عايزين نستيقز يا جماعة. كل اللي فات كوم واللي جاي كوم. اعظم شهر في السنة. رمضان الذي انزل فيه القرآن. عايزين نطلع مصاحفنا عايزين
عايزين نصوم عايزين نقوم النبي عليه الصلاة والسلام كان بيخلي شعبان نسخة من رمضان صايم طول النهار وبيقوم نصف الليل ليه؟ لان شعبان بروفة رمضان كل اللي انت عايز تجنيه في رمضان لازم تزرعه في شعبان شدوا حيلكم يا شباب. شدوا حيلكم. الله يرحمك يا رامي. الله يرحمك يا حبيبنا. الله يرحمك. يعني ما انساش
وجهه وشكل دعائه الله يرحمه يعني يعني ذهب الى الله ونرجو له الخير. طب احنا بقى هنعمل ايه؟ وهنقابل ربنا بايه؟ وهنستعد ازاي ده شاب مات وهو صايم ومات وهو بيستعد لرمضان. كم واحد من زمايلنا ومن الناس اللي نعرفهم نعرفهم مات وهو بيسمع اغاني. مات وهو في في نايت كلاب
مات وهو بيفطر في رمضان مات وهو في ليل رمضان بيضرب مخدرات وغسلوه عشان يغسلوه شالوا الحقنة من ايديه اللي كان بيضربها وهو هربان من المسجد في العشر الاواخر من رمضان. كم بنت نعرفها ماتت وهي متبرجة؟ ماتت وهي متمردة على الله. كم واحد البنت اللي ماتت وهي ملحدة
وهي في مؤتمرات بتدعو لعدم الايمان بوجود الله. يا ترى هنموت على ايه؟ يا ترى هيختم لنا بايه؟ عايزين نستعد صح. لان الجنة اقرب الى احدكم من نعله والنار مثل ذلك. يوم القيامة قريب اوي. والموت قريب اوي. ولحظة لقاء الله قريبة اوي عايزين اعظم واجمل يوم في حياتنا
اعظم فرحة في حياتنا تبقى لحظة لقاء الله. استعدوا يا شباب