الحمد لله واشهد ان لا اله الا الله وحده لا شريك له واشهد ان محمدا عبده هو رسوله صلى الله عليه وسلم اما بعد احنا المرة الماضية كنا اتكلمنا في درس وسميناه لماذا نحب
الدرس كله كان بيدور حوالين المحور ده بس. لان تسبيت المحور ده نقطة فارقة جدا في حياتك في طريقك الى الله سبحانه وتعالى. هيفرق معك كتير هيسهل عليك حاجات كتير. هيختصر عليك كلام كتير
لان الموضوع ده زي ما قلنا لو تم تدعيمه في قلبك بشكل قوي هيكون له اثر كبير في سهولة حركتك الى الله الله سبحانه وتعالى. هتبقى المعصية تقيلة قوي على قلبك. وهتبقى الطاعة سهلة جدا عليك. زي ما قلت لكم قبل كده
من احد السلف جاء له واحد قال ان داخلي ذئبان يتصارعان. ذئبان يتصارعان. احدهما يدعوني الى الخير والثاني يدعوني الى الشر. من سينتصر؟ يقول له اوعى تفتكر مين اللي هيكسب في الاخر؟ مين هيروح لمين في الاخر؟ قال سينتصر الذي
لتطعمه وتسقيه. كلام لطيف جدا. ساهل خالص. سينتصر الذي تطعمه وتسقيه. انت دلوقتي زئبين. جوع واكل واحد بس خلاص الزئب اللي بياكل هينتصر اكيد على الزئب الجعان. فعايز يقول له يعني انك انت طول ما انت بتدعم جنود الرحمن
في قلبك وبتهد في جنود الشيطان انت مش هتقدر تمسحه ما قالوش اقتل الزئب. هو مش هيموت هيفضل وراك على طول. لكن انت ممكن تضعفه وتقويه فانت حسب بقى الايه اللي انت بتقويه فيهم. فاحنا هدفنا ان احنا نخلي موضوع المحبة ده كبير مش موجود ما هو كلنا اكيد ما هو كلنا بنحب ربنا
لكن لابد ان يكون المحبة دي محبة كبيرة ضخمة في قلبك. علشان تستطيع التغلب على كل شهواتك بسهولة. زي ما شفنا يوسف عليه السلام بسهولة جدا قال معاذ الله انه ربي احسن مثواي وربنا فسر ده قال لولا ان رأى برهان ايه؟ ربي الايمان اللي كان في قلبه وحب الله في قلبه معاني كتير ممكن تكون زهرت له في
سببت ان هو بسهولة جدا قدر يرفض آآ يعني الشهوة وقدر يتخلص من سلطان الشهوة. ببساطة لان المعركة كانت بسيطة بين حب الله الرهيب جدا في قلبه. وبان حب المعصية او الشهوة عموما او سلطان الشهوة اللي هو موجود في اي احد جبلة. بس كان حجمه محدود جدا في قلب يوسف عليه السلام
فكانت الايه الهزيمة ساحقة والسرعة كبيرة في التغلب على الايه؟ على الفتنة. اللي احنا قاعدين تعبانين فيها صبح وليل وفتنة النساء وفتنة النساء وفتنة النساء موضوع بياخد مع الناس دي وقت بسيط وموضوع يعني اسرع مما نتخيل. لدرجة ان احنا ممكن نتخيل حياة ناس زي ابن عباس وابن مسعود والعالم دي تحس ان هم تقرا
قصة من اولها لاخرها تقول ده يعني حاجة كبيرة قوي ده انسان عزيم ده عالم كبير تكتشف ان الفترة اللي انت بتقرأ فيها سيرة ابن عباس مسلا في حياة النبي عليه الصلاة والسلام
مسعود فترة ما بين عشر سنين وعشرين سنة. عشر سنين وعشرين سنة. طب هو فين آآ فين موضوع البنات والنساء الكلام اللي لازم واحد بيعدي فيه الفترة دي فترة صعبة جدا. مراهقة بقى. فين المراهقة بقى اللي يقول لك المراهقة بقى معلش اصل انا مراهق. مراهق يعني ايه يا عم بقى؟ قال معلش لما لما
ايه فين فين الحتة دي في قصة الصحابة؟ هي اكيد موجودة بس. بس حجمها قد ايه؟ طب ليه حجمها صغير قوي في الحياة؟ وليه الموضوع سهل كده بالنسبة لهم. ليه لما بنقرا بنحس الموضوع مش مش كأنه مش موجود في حياتهم؟ الناس دي كانت همتها عالية. وكانت محبة ربنا في قلوبها كبيرة قوي. وكان
كان الموضوع مش واخد مساحة ضخمة عندهم. زي ما قلت لك المعركة كانت سهلة بالنسبة لهم. سينتصر الذي تطعمه. لذلك ربنا بين ان الصراع في الحقيقة هو الصراع محبوبات قل ان كان اباؤكم وابناؤكم وازواجكم واخوانكم وعشيرتكم واموال
وتجارة تخشون كسدا ومساكن ترضونها. احب اليكم من الله ورسوله وجهاد في سبيله فتربصوا حتى يأتي الله بامره والله لا يهدي القوم الايه؟ الفاسقين. ربنا يصف اللي بيحب الاموال الزوجات والاولاد اكتر ما يحب ربنا
انه فاسق. ليه؟ لان امره لابد سيؤول الى الفسق. لازم. لانك انت دايما عندما تتعارض الاوامر ما يريده المال وما يريده الله هتقدر على طول ما يريد المال. ما تريد الزوجة من امر محرم ما يريده الاولاد من شيء محرم. وما يريده الله. هتقدم اصل انا بحب زوجتي اصل اولادي ما اقدرش وبتاع مش عايز ازعلهم. فتعمل
دايما اللي بيغضب ربنا. فمع الوقت ستصير انسان فاسق. ببساطة جدا. والمسألة كلها كانت ان محبة دول لزلك قال جل في علاه والذين امنوا اشد ايه اشد حبا لله. فلابد ان تسقي جندي المحبة في قلبك. خليني اقول لكم المثال
انا احب المثال ده اوي وبحب اكد عليه ثاني. وهو المثال آآ اللي بيفهمك يعني ايه قضية المحبة دي؟ قد ايه ممكن تؤثر في سلوكك وفي حياتك آآ مثال الرجل الذي يعطيك في كل كل صلاة مائة جنيه. انت دلوقتي يا راجل بسيط كل ما يقابلك بيديك مية جنيه. ما انت ما تعرفوش
خالص لغاية دلوقتي ما تعرفوش. بس انت اللي تعرفه عنه ان هو كل ما يقابلك بيدي لك مية جنيه. كل صلاة يقابلك يدي لك مية جنيه. تخيل انت بعد مسلا اسبوع اسبوعين اكيد بتحبه قوي يعني
تحبه جدا وفي نفس الوقت انت رحت سألته قلت له انت انت يعني في حاجة يعني انفعك بها؟ قال لك والله لا انت ما انت ما تنفعنيش بحاجة طب انت بتديني مسلا عشان ما اضركش؟ خايف مني؟ لا يا ابني انت ما تقدرش اصلا ايه؟ ما تقدرش تضرني ولا تعرف ولا توصل للمرحلة ديت
فانت تمشي متعجب طب لو هو عايز لو بينتفع مني في حاجة ولا خايف من ضرري مسلا فبيزداد حبه في ايه؟ حبه في قلبك وبعد كده ده الايه؟ ده الانعام انا بكلمك في نقطة واحدة بس مش بكلمك بقى ان هو اداك عينين واداك يعني يد نبض عروقنا يعني حركة
في العروق دي اللي بتحصل يعني كل لحزة وكل سنة انت لا تملكها اصلا. قلت لك مسلا ايه خلي الدم ما يوصلش لصبعك ده لمدة سانية واحدة. تقول لي ما اعرفش انا ما اعرفش اوصلها عشان اوقفه
طب خلي قلبك ما يدقش بس نعمل مسابقة مين اللي يمسك قلبه ايه؟ سانيتين تلاتة. تقول معي دي حاجة غير قابلة للتحكم يعني. ازا في آآ ملايين الحركات اللي بتحصل جوة جسمك انت
تشعر بها. لا تملك ان تتحكم فيها. لا توقفها ولا تشغلها. ودي شغالة مش بقول لك بقى كل صلاة بيقابلك. ده كل لحظة وكل ثانية فيه ملايين النعم بس احنا ما بنحسش بها. ما بنحسش بها. بس انا باكلمك في نقطة واحدة بس واحد بيجي لك مية جنيه بس كل صلاة. فانت حبيته قوي. بعد كده قلت اسأل عليه
كده يا اخوانا الراجل ده قالوا لك الراجل ده اغنى راجل في العالم. الله! ده انا حبيته اكتر والله. واجمل راجل في العالم واقوى رجل في العالم. وكان الاول على السانوية. وكان الاول على الكلية. ولاده احسن ولاد. وزوجته ست فاضلة. وهو اللي بيصرف على
لكل فقراء الايه؟ المدينة. وعمل وسوى وخلى. انت كل ما بتسمع ايه خبر بيزداد الايه؟ الامر ده. عندك الراجل ده بقى بالنسبة لك يعني اختار حد بتحبه في الدنيا. لكمالاته الزاتية ولانعامه. هو ده اللي بيتحب له ربنا. كمال الزاتي واللي اسئلة ليه؟ الانعام. فانت حبيته اوي اوي اوي
اوي اوي اوي يعني. انعام وكمال يعني هو نفسه كامل يتحب من غير حاجة. ويا سلام ده بيديني وبيعطيني وكل وبيكرمني ويعني ولا ما انفعوش بحاجة يعني المهم انت قاعد في امان الله مرة في المسجد جنبك اخ كده فلسبب ما اغتبت الراجل دوت. اغتبته
فللاسف كان قاعد وراك. وانت مش واخد بالك. فالاخ اللي جنبك قال لك على فكرة فلان قاعد وراه وسمعك. انا عايزك تتخيل احساسك ايه بعد سنين الراجل بيعمل معك كده. ما بياخدش منك حاجة خالص
احساسك ايه وانت بتلف له كده وبتبص له وشك احمر والعرق من كل حتة نازل وتقول يا ارض تشقي ايه وابلعيني. حياء شديد. مش عارف تودي وشك فين لازم تلف خلاص سامعك. ولازم تبص له. العجيب ان انت لفيت بصيت له قلت هيموتني؟ هيقتل
هيقول لي ما لكش حاجة لقيته بس بص لك نظرة عتاب بس. نظرة عتاب. وطلع ميت جنيه واداها لك برضه. الله! انت اتجننت! لا احد اصبر من الله يدعون له الصاحب والولد وهو يرزقهم ويعافيهم. اللي اتعودنا عليه مش
هنقطعه. بس هو بص لك بصة عتاب. فانت مش عارف تقول ايه. كل اللي قدرت تقول له انا انا انا اسف. انا اسف انا انا غلطان في حقك. سامحني. قلت قلت ده اكيد مش هيقبلني. يعني ويسامحني ليه؟ ده انا
والراجل ما عمليش حاجة يعني. فراح ابتسم لك وقال لك انا سامحتك. راح طلع الف جنيه واديها لك. طبعا انت بقى ايه دبت بقى في مكانك خلاص. انا عايزك تتخيل الراجل ده بعد كده بقى بيعاملك احسن من الاول. عشان انت اتأسفت له
احسن من الاول بكتير بقى بيديك اكتر وبيعاملك احسن وبيكرمك اكتر. انا عايزك تتخيل لو الراجل ده سامحك ولا ما سامحكش؟ سامحك صح طب لما انت بتيجي تقابله بعد كده بتبقى مستحي منه برضه ولا مش مستحيي؟ برضو مستحي منه. رغم انه سامحك. هو ده معنى
قول بعض السلف وسوء اتاه وان عفوت. خدت بالك من دي؟ حتى لو عفيت عني. انا مش قادر ابص في وشك ان انا اقصد الرجل يعني. واخد بالك؟ وسوء اتاه ان عفوت. يعني لا يا حيائي منك حتى لو سامحتني. يعني الراجل ده حتى لو سامحك انت
تقدر تبص في وشه بعديها بعد اللي عملته ده. مش قادر بتبص له يعني بتقابله وانت عينك في الارض. لسه خجلان منه مستحيي بعد كل اللي عمله دوت. طيب الراجل ده لو في يوم من الايام قال لك على فكرة انا بحب اه بحب اشوفك لابس اه جلباب مسلا اي حاجة. هتيجي تاني صلاة اعمل ايه؟ لابس احسن جلباب
قال لك والله انا انت جميل قوي. احب ان انت تربي دقنك. تربي دقنك على طول. احب انك انت ما تشتمش. ما بحبش الشتيمة هتشتم في اي حتة ما عدا ايه؟ قدام الراجل ده هتبعد اول ما يبقى موجود عمرك ما هتشتم ابدا. ويمكن تبطلها خالص. كل
كل حاجة هيقولها لك اكيد هتعملها شئت بديهي. انا عايزك تتخيل اثر المحبة في انك انت تفعل ما يريده المحبوب. وتترك ما يا بادو من غير حاجة الراجل ده ما يعملكش لا جنة ولا نار ولا عينك ولا رجلك ولا ايدك ولا ثواب ولا عقاب ولا اي شيء. هو بس هي دي بس اللي بيعملها الاحسان
اللي بيعمله معك دوت. المعاملة الجيدة في النقطة الوحيدة دي. دي خلتك تسمع كلامه في كل حاجة. ما تعصيهوش في اي حاجة. فما ظنكم برب العالمين. كيف يعصى وكل خير منه؟ وكل نعمة منه
اما بكم من نعمة فمن الله. كيف لا يستحي الانسان عندما يعصيه؟ وكيف لا يسارع بالتوبة؟ لزلك لزلك ربنا زكر قال والذين اذا فعلوا فاحشة او ظلموا نفسهم ذكروا الله فبسرعة بسرعة بسرعة فاستغفروا لذنوبهم ومن يغفر الذنوب الا الله ولم يصروا على ما
فعلوا وهم يعلمون. اذا الاثر المباشر للمحبة هو الفرار من المعصية. وادمان الايه؟ العبادة. والطاعة مرحلة انك انت بقى بعد ما تحب والراجل ده اكيد بتحب تشوفه صح؟ يعني مهما كان ولا طبعا كل ده ضرب مثال والله تعالى
والمثل الاعلى طبعا لا تشبيه ولا شيء من الكلام دوت. لكن احنا بنحاول نقرب الايه؟ كما قال الله تعالى ضرب الله مثلا رجلا فيه شركاء يشاكسون رجلا ان سلما لرجل انما ولله المثل الاعلى كما قال جل في علاه. بعد كده انت انت هتبقى راجل ده بتبقى عايز تشوفه اصلا
لما لما له من الكمالات الناس دايما بتحب تشوف المشاهير بتحب تتصور معهم وتحب تقابلهم وتحب تقعد معهم لان هم فيهم شيء من الكمالات حتى لو كانت كمالات وهمية فاي احد وتعرض لشيء له كمالات مع الانعام يشتاق اليه
فاهل الجنة او اهل الايمان يشتاقون الى الله سبحانه وتعالى. وكلما كملت المحبة كمل الشوق قال موسى رب ارني انظر اليك. كان النبي عليه الصلاة والسلام يقول اسألك لذة النظر الى وجهك. والشوق اليه الى لقائك
لو احبك الله انتهت كل مشكلة. بعض السلف كان بيقول كلمة جميلة قوي. كان يقول ان المحب لا يعذب حبيبه. قالوا له جبت منين بقى دي ؟ قالوا قال لهم الم تسمعوا قول الله تعالى عن اليهود والنصارى حين قالوا نحن ابناء الله واحباؤه
فقال لهم قل فلم يعذبكم. انت لو حبيبي بجد مش هعذبك. يبقى لو ربنا حبك بجد مش هيعذبك. والحب ده متبادل. يا ايها الذين امنوا من يرتد منكم عن دينه فسوف يأتي الله بقوم يحبه
ويحبونه. هذا الحب لا يمكن ان يكون من طرف واحد. تحب تحب تحب تحب لابد ان يكون الايه؟ الموضوع تبادل. فيا ترى هل محبة ربنا وصلت في قلوبنا الى هذه الدرجة؟ هل نحن فعلا نحب الله؟ المحبة الكاملة
هل نحن نشتاق فعلا واقصى امانينا ان نرى وجه الله سبحانه وتعالى؟ هذا الامر قد يدعى ممكن كل واحد يقول الايه؟ يقول اللي يقوله لكن هيظل هناك بعض الامارات والعلامات. قل اللي انت عايزه. بس احنا هنقول شوية علامات معنا دلوقتي. هنعرف فيها من هم
مشتاقون الى الله على الحقيقة ومن هم المدعون لهزا الشوق؟ فيه ناس بتدعي انها تشتاق الى الله وفيه ناس صادقة فعلا في شوقها الى الله سبحانه وتعالى. العلامة الاولى انك تجد نفسك مدفوعا في دعائك ان تطلب هزا الطلب
ان دايما لما بتيجي تدعي ربنا بييجي في بالك على طول الدعوة ديت. اللهم اني اسألك حبك. وحب من يحبك وحب كل عمل يقربني الى حبك. اللهم اني اسألك لذة النظر الى وجهك. والشوق الى لقائك. في غير ضراء
ولا فتنة مضلة. كان احد التابعين يقول اللهم انت اعطيتني من غير ان اسألك. فلا تحرمني وانا اسألك اللهم اني اسألك ان تسكن عظمتك في قلبي وان تسقيني شربة من كأس حبك. فهي دي دي حاجة مش مش
بتقعد انت ايه تتكلفها. واحد بيحب ربنا والموضوع ده مسيطر عليه. فيلاقي نفسه في سجوده وفي ركوعه وفي دعواته وعند الفطار دايما مدفوع للدعوة ديت. اي حد يا جماعة بيحب حاجة بتشغله صح؟ بيلاقي نفسه بيطلبها على طول. اللي مشغول بالكلية مسلا
او نتيجة السانوية طالعة يا رب انجح يا رب على طول دي اكتر دعوة بيدعيها مش كده اللي عايز كلية معينة بيقعد على طول دي اول دعوة بيدعيها وبعد كده بقى الجنة والنار والحاجات دي مع الماشي مع
بس دي اللي بتيجي له على طول دي فعلا اللي شاغل قلبه فعلا. اهي فعلا دي بتبان من ايه؟ انت اول حاجة دعيت بها. ايه ايه اللي بيتكرر دايما في ايه؟ في دعائك. تمام
يعني لو واحد مثلا آآ ممكن يجي لك سؤال ايه؟ يجي لي سؤال احيانا آآ بنت مثلا تقول لي ينفع ادعي ربنا ان فلان يحبني او ان فلان يتجوزني الموضوع مسيطر عليها. يعني هي بتحب فلان مسلا. من كتر ما الموضوع شاغلها وهي
يعني مسيطر عليها بتسأل ينفع ان انا ادعي ان هو يحبني؟ ينفع ان انا الاقي ان هو يتجوزني؟ ينفع ان انا ان انا ابقى مراته انت بتطلع من الموضوع ان فعلا اللي بيحب حد بينهمك تماما في الايه؟ في الموضوع ده. حتى ان هو بيسيطر على دعاؤه. يعني دعاء غريب يعني يعني الواحد مسلا بيدعي ان حد
ان فلان يحبني فلان يتجوزني يعني ايه؟ هتحس الموضوع واخد مساحة كبيرة قوي من انشغالها يعني لو انها قالت ربنا آتنا في الدنيا حسنة وفي الاخرة حسنة وقنا عذاب النار لشمل هذا الدعاء كل ما تريد. لو انها قالت اللهم اني اسألك من الخير كله عاجله واجله ما علمت منه ولم اعلم. انت ما تدري مين
مسلمين. يا ترى فلانة دي مناسبة لك ولا مش مناسبة لك؟ فلان دوت هو هو العريس المثال عشان يسالي. يا ريت بلاش ايه موضوع التحديدات دوت. قد يطلب الانسان هلاكه وهو
لا يشعر. ويدعو الانسان بالشر دعاءه اليه بالخير. وكان الانسان عجولا. فيعني ممكن دي تكون اجابة السؤال بغض النزر مش ده اللي شاغلني. بس انا اللي شاغلني قد ايه الموضوع مسيطر على الشخص او على الانسانة ديت؟ الحب. حد بيحب حد. فطول كل يركع ويسجد يا رب
اتجوزها يا رب ما تتخطبش قبل ما اخلص كلية. يا رب آآ تستناني. يا رب تحبني. يا رب ما تسبنيش ابدا. يا رب ما تفرقش ما بينا. يا عم فيه ايه يا عم
متى ما تدعي يعني يعني كما قالت يعني ام حبيبة ام سلمة لا اذكر قالت اللهم متعني بزوج رسول الله ومتعني بابي سفيان باخي معاوية ام حبيبة. فقال النبي عليه الصلاة والسلام لو انك سألت الله ان يجيرك من عذاب النار وعذاب القبر لكان خيرا لك. لقد سألت الله اجلا
واي واعمارا ايه مقسومة لن يعجل منها شيء قبل وقته. يعني يعني هنقعد اكتر من عمرنا يعني انت بتسألي حاجة ايه منتهية يعني. فاسألي ما ينفعك يعني. يعني احال الى الامر المهم يعني. الخلاصة يعني عايز اوصل لحتة الايه؟ حتة ان ان الشيء لو حبيته بيسيطر
حتى على دعائك وتلاقي نفسك مدفوع. هي انا عايز كلمة مدفوع ديت. ان هو جبلة ان هو اقصد يعني مش بتتكلفه. اللي مشغول في بلال اول ما يسجد يا رب فلان يا رب فلانة احبها يا رب اخطبها يا رب يطلع ما بين السجدتين عايز ينجز ما بين السجدتين عشان يسجد يقول كده تاني حب بقى
كده انت بتجد نفسك مدفوع في دعائك تقول اللهم اني اسألك حبك. بتجيلك كده بتجيلك موضوع والشوق الى لقائك بيجيلك بتلاقيه دايما اول دعوة او حتى مش لازم اول يعني دايما بتلاقي نفسك ايه؟ بتيجي في بالك على طول. دي علامة حب شديدة. علامة حب
قوية ان انت دايما بتسأله ان هو يحبك. وتسأله ان ان يرزقك حبه سبحانه وتعالى. بل قال قد يتطور بك الامر الى البكاء عند هذا الطلب. عند هذا الطلب. شوقا الى الله سبحانه وتعالى. لذلك قال الشاعر وكلا يدعي
حبا لربي. وكلا يدعي حبا لربي. وربي لا يقر لهم بذاك. اذا اشتبكت دموع في جفون تبين من بكى ممن تبكى. فاما من بكى فيذوب وجهه وينطق بالهوى من تباكى. يعني اللي تباكى بيتكلم بس. بس مش باين عليه. اما اللي بيبكي فعلا بيبان عليه
يزوب شوقا الى الله سبحانه وتعالى. العلامة التانية هي علامة جميلة. الرضا عن الله في كل شيء ومحبة اقدار الله سبحانه وتعالى. لان مفترض كل من يأتي من الحبيب فهو ايه؟ حبيب
حبيبك لو عمل فيك اي حاجة تبقى على قلبك ايه؟ زي العسل. ان انت بتحبه مهما عمل. واخد بالك؟ اقدر الله طبعا يعني البشر ممكن يخطئوا. لكن اللي بيخليك الموضوع ده في حق ربنا اعظم انك متأكد ان ما من قدر الا وهو خير. ما من قدر
توفيه اقصد خير يعني. ما من قدر الا وهو بحكمة بالغة. حكمة بالغة. ثم يزيدك هذا الامر ان الله سبحانه وتعالى يدبر للمؤمنين من حيث لا يشعرون قد يكون ظاهر القدر مؤلم. قد يكون ظاهره مكروه. ولكن انت على يقين ان الله تعالى يدبر لاوليائه
يحبهم ويدافع عن الذين امنوا ويقدر لهم الخير من حيث لا يشعرون. وعسى ان تكرهوا شيئا ويجعل الله فيه خيرا كثيرا. فلما تجتمع عندك المعاني دي اولا القدر ده من عند الله. ثم انا عندي يقين انه يدبر لاولياء اقدار اقداره فيها خير والخير كله في يديه. اقداره مليئة بالحكم
يتحول عندك الامر ده الى رضا عن تقدير الله. فضيل ابن عياط سألوه سؤال لطيف. قالوا متى يبلغ العبد غايته من حب الله؟ يعني ايه اخر حب الله؟ فقال الفضيل ازا كان عطاؤه ومنعه
عندك سواء. يعني يعطيك راضي تمام ومبسوط خالص طبعا. يمنعك نفس الكلام. لانك انت مش بتنظر الى القدر كان ايه هو؟ انت بتنظر ان هو من من عند الله. فسواء اعطاني او منعني فكلاهما عندي سواء
فانه عندما اعطاني فقد اعطاني بحكمة. وعندما منعني منعني بحكمة. وانا الظلوم الجهول لا ادري شيئا. وهو يحبنا يحبوا اولياءه ويدافعوا عن الذين امنوا فانا ايه؟ ما عندي مشكلة في هذا الامر. يعطيني يمنعني يمرضني يشفيني انا راض عن الله. سبحانه وتعالى. فعندما يستوعب
عندك المنع والعطاء. يبقى انت وصلت لاعلى درجات الايه؟ المحبة. كل ما يأتيك من عند هذا الحبيب صار عندك ايه؟ صار عندك حبيب اذا احب الله قوما ابتلاهم. فمن رضي فله الرضا. كمان ده بيزيدك بقى رضا. انك انت متأكد ان انت
عندما ترضى في القدر يرضيك بقى سبحانه وتعالى. ومن سخط فله الايه؟ فله السخط. الشارع يقول لا تخدعن. مش اي حد يضحك تعليق بالحب ده لا تخدعن. فللحبيب دلائل ولديه من تحف الحبيب وسائله
منها تنعمه بمر البلاء. منها تنعمه بمر البلاء وسروره في كل ما هو فاعله فالمنع منه عطية مقبولة. والفقر اكرام وبر عاجل. يعني بيقول ايه؟ بيقول هو ده المحب. المحب
ترى يتنعم حتى بالبلاء. ليس معنى زلك انه لا يطلب العافية. في حاجة اسمها في جبلة في الانسان. الانسان اكيد بيحب الايه؟ العافية ليس معنى زلك ان هو غير راضي عما قدره الله لهم. لكن ما شرع له زلك. اسألوا الله الايه؟ العافية. فالانسان جبلة فيه وهو مشروع. ان يسأل
حفيظ فهو بيسأل العافية استجابة للامر الايه؟ الامر الشرعي دوت. لكن ليس مع زلك ان هو ايه؟ غير راضي مسلا. هو راضي. لكنه العافية احب جبلة الانسان احب اليه من الايه؟ من البلاء. فاذا اجابه الله ورزقه العافية رضي. استمر البلاء راضي. يعني هي ايه
هو بيرفع ايديهم بياخد بالاسباب. وفي نفس الوقت هو راضي استجاب الان استجاب بعد حين اخرها حتى الى يوم القيامة وظل البلاء الى الابد. انا في جميع الاحوال راضي انا مش مش بطلب عشان انا مش راضي مسلا. قد يكون الانسان جبلة بيكره الايه؟ بيكره الايه؟ المصيبة. يكره الايه؟ يكره المرض. لكن
بالنسبة نظره الى ان ده تقدير من الله سبحانه وتعالى ما عندوش اي مشكلة في الايه؟ في الجزئية ديت. فهو يحب الامر كتقدير من الله. لكن كنجبلة فيه يريد الايه؟ العافية. فلا بأس ما فيش تعارض ان هو بيسأل الله العافية وانه في نفس الوقت راضي عن الايه؟ بعض الناس تعتقد ان هو الرضا انك انت ما لأ ما انت ما
خلاص حلو كده. ليه ؟ ما فيش مشكلة يعني. انا بسأل الله العافية وفي نفس الوقت انا راضي. لو فضل الموضوع ده الى ان اموت لن اعترض ولا ولا ابالي. زلك
لبعض السلف ماذا تحب؟ ماذا تحب؟ فقال احبه الي احبه اليه. يعني انا ما عنديش حاجة في زاتي بحبها. انا بشوف ربنا بيحب ايه وهو ده اللي انا ايه؟ بحبه. بس خلص الكلام. ما تسألنيش انا البوصلة عندي خلاص
انتهت من زمان لم يعد لهوايا مكان. لا يؤمن احدكم حتى يكون هواه تبعا لما جئت به. خلاص ما فيش عندي انا دي عايز. ما بقتش موجودة فمال العبودية انك انت خلاص بقيت عبد عبد تابع لارادة سيده. ما عنده هو بقى ايه مع نفسه حاجة مع نفسي كده لا. قال
احبه الي ما تسألنيش. عايز تعرف ايه اللي بحبه؟ انظر ماذا يحب الله ودلنا ايه؟ هو ده اللي انا بحبه. هو ده اللي انا بحبه من الاماكن والاشخاص والاقوال والافعال والازمان
كل حاجة ربنا بيحبها يعرف ان انا بحبك. كل حاجة ربنا بيكرها يعرف ان انا ايه بكرهها ما تسألش كتير. احبه الي احبه اليهم. لزلك سئل رجل يدعى روين عن المحبة. قيل له ما محبة الله؟ قال الموافقة على جميع الاحوال. انك انت ما يكونش عندك اي ايه؟ اي اعتراض على اي تقدير من
اقدار الله سبحانه وتعالى. فدي من العلامة الجميلة. الرضا عن الله. محبة اقدار الله. ودي فرع زي ما قلنا عن المحبة. لان المفترض ان ما يأتيك من هذا الاله العظيم الذي تحبه. يكون هذا القدر محبوب عندك. حتى لو انك تسأل العافية. لا لا تعرض. انت
حبوا من حيث هو تقدير لله. فاذا عافاك الله فهو تقدير اخر لله فقط. واذا استمر البلاء فهو تقدير الله برضو. فانت على الدوام متفق لقدر الله سبحانه وتعالى. يعني ليس عندك اعتراض. يبقى دي العلامة ليه؟ تانية. العلامة التالتة بقى. وهي العلامة الايه؟ المشهورة المعروفة
وهي الطاعة والاتباع وعدم المخالفة الامر. وتقديم ما يحبه الله ما تحب انت مهما كان. دائما ينتصر ما يحب الله على ما تحبه انت. عشان كده الشاعر يقول في ليل
الشايرين تعصي الاله وانت تزعم حبه ذلك لعمري في القياس شنيع. لو كان حبك صادقا لاطعته. ان المحب لمن يحب مطيع. اهي دي علامة بديهية لاي محبة. اي حد بيحب
حد يسمع كلامه. لو انا بخالفك على الدوام مش ممكن اكون ايه؟ مش ممكن اكون بحبك. فاذا اراد الانسان يعرف مدى حبه لله فلينظر مدى موافقة الامر فماذا تركه للايه؟ للنهي مدى التزامه بهدي النبي عليه الصلاة والسلام. لان هو ده التطبيق العملي. لاعظم محب في
تاريخ خليل الله مش هنقول له لا يا حبيب الله لا خليل الله. يبقى ده النموزج العملي اقوى نموزج للتطبيق. هو ده المثال. نموزج. زلك لما قال الحسن ان قوما ادعوا محبة الله تعالى فابتلاهم الله. ابتلاهم بايه؟ قال ابتلاهم باية. ما دي الاية
قل ان كنتم تحبون الله فاتبعوني. يحببكم الله ويغفر لكم ذنوبكم والله غفور رحيم. اذا المحب متبع. لا يمكن ان يكون محب ولا يكون في نفس الوقت ايه؟ متبع. المحب ده يا جماعة مش بيفصصها. مش بيقعد يقول
طب واجب ولا مستحب؟ مستحب طب الحمد لله مش هنعمله. طب مكروه ولا حرام؟ مكروه يا عم انت مكروه انت بتكلمني ليه؟ المسألة عنده ما تتحسبش كده المسألة مسألة محبة. مسألة العلم بالاحكام دي مسألة علمية. عشان يعرف والله لو سبنا الموضوع ده احنا عملنا اثم ولا يعني لكن هو عند التنفيذ بيعمل كله
يعمل كله مش بينقي لان هو بيعمل بحب يا جماعة. موضوع الحب بيفرق كتير اوي. موضوع المحب ده مش بيسأل الاسئلة ديت. يعني لازم قوي يعني طلع واجب. طب ما فيش خلاف؟ لا ما فيش خلاف. طب واجب قوي؟ يعني ايه واجب قوي دي؟ ما فيش حكم جديد اسمه واجب قوي
واجب يعني تلاقيه عايز يخلع باي طريقة. لكن المحب ما بيعملش كده. النبي عليه الصلاة والسلام يخلع النعلين وهو بيصلي. الصحابة يروحوا طالعين النعال. الله طب انتم عملتم كده ليه يا اخوانا؟ قالوا رأيناك خلعت فايه؟ فخلعنا. طب ليه؟ ده هو جبريل قال لي والله ان عليين في يوم مش عارف ايه فشلتهم في الصلاة
خلاص ما لهاش اي علاقة بالسنة ولا الاتباع ولا اي حاجة. والله احنا ما عرفش احنا بنشوفك بتعمل حاجة اكيد انت بتعمل الصح احنا ما بنفكرش طالما انت عملت صح على طول. فاحنا بنقلدك وخلاص. محب يا اخواننا. بيقلده على طول. ما فيش كلام. فبقى بدال ما بيسألش بقى دي واجب ولا مستحب؟ طب لازم قوي؟ طب ينفع؟ طب ينفع حتة
طب ما فيش قول يعني المسائل دي علمية. لكن اللي انت اسناء العمل بتقول هو النبي عمل ايه؟ صلى الله عليه وسلم. كده هعمل كده نشوف بقى الموضوع ايه على مهلنا بقى المسألة العلمية دي نشوفها ايه على مهلنا الاحكام والتفصيل والدلائل والادلة بس هو عمل ايه نفسه عمل كده نعمل كده وايه وموضوع بقى
ده موضوع تاني. الموافقة على الدوام. التزام الايه؟ التزام الامر. محبة السنة. بل بغض المعصية. بل سهولة ترك المعصية. سهولة انا دايما بركز على سهولة ان ترك المعصية احيانا بيأتي بعد معاناة. مجاهدة عظيمة. المجاهدة دي تدل ان الصراع متكافئ. بين سلطان الشهوة في قلبك
وهنا الايه؟ وبين سلطان حب الله سبحانه وتعالى. لكن لما يكون محبة ربنا عزيمة يبقى الموضوع سريع انا عايز اقول لك بعض الادلة قال جل في علاه ان الذين اتقوا اذا مسهم
طائف من الشيطان تذكروا. فاذا هم مبصرون. اذا الموضوع ما بياخدش معهم ايه؟ وقت. اولا اللي الشيطان عملوا معهم طائف بس يعني ما عدش وعشش ونخور وزود وعاش بقى واداها. ده هو بس كده خد كده لحزات اول ما
خد اللحزات دي فاقوا راجل نزر لامرأة وقع طاف من الشيطان اول ما وقع استغفر الله ايه ده انت انت فوق لنفسك. يقع ما فيش حد بيقعش. والذين اذا فعلوا فاحشة وظلموا انفسهم. المتقين احيانا يفعلوا الفواحش واحيانا يظلموا انفسهم. لكن لكن بيفوق بسرعة بقى
وبيستدرج بسرعة وبيتوب بسرعة وبيستغفر بسرعة ويندم بسرعة ويرجع احسن من الاول. ان الذين اتقوا ازا مسهم طائف مسهم يعني سريع تذكروا تذكروا قدر الله ومحبة الله والتعظيم والخوف والرجاء والمحبة والكلام ده. فاذا هم مبصرون عندهم بصيرة بمكيدة الشيطان. عندهم
بالعواقب. عندهم بصيرة هنخسر ايه لو عملنا المعصية دي؟ لزلك احد احدى الصالحات كانت بتربي ولادها. بتقول لهم يعني اعملوا ايه في ولادكم بعد كده واعملوا ايه في نفسيكم؟ فكانت تقول عودوا انفسكم حب الله. بص اول نصيحة عودوا انفسكم حب الله
فان المتقين لما تعودوا حب الله سهلت عليهم الطاعة. فاستوحشت جوارحهم من غيرها. يعني لو بعد عن الطاعة حس ان في حاجة غلط. فاذا امرهم الملعون بمعصية المعصية بهم محتشمة فهم لها منكرون. مرت المعصية بهم محتشمة فهم لها منكرون. تعدي كده يقولوا لها ايه؟ توكلي على الله مع نفسك
احنا ما لناش دعوة بالايه؟ بالسكة دي. نحن محبون لله. السكة دي مش بتاعتنا. انسي. تتكلم اتكلم في ايه؟ قالت تعودوا حب الله وطاعته فان المتقين لما تعودوا حب الله سهلت عليهم الايه؟ الطاعة واستوحشت لما ما بيخدمش ربنا بيحس بحاجة غلط. واستوحشت جوارحهم
من غيرها. فاذا امرهم الملعون بمعصية مرت المعصية بهم محتشمة فهم لها منكرون. بل من علامات المحبة الشوق الى الخدمة الدائمة. يعني ايه الشوق للخدمة الدائمة؟ انك تجد في نفسك يعني الراجل ده اللي عمل معك الحاجات العزيمة دي
عايز تعمل معه اي حاجة يا صاحبي. انت بتحب ايه؟ طب اعمل لك ايه؟ طب يا ابني انت مش هتنفعني؟ ما انا عارف مش هنفعك. طب ايه قل لي انت بتحب ايه طيب؟ والله بحب كزا. طب
واعمل لك كزا طب اعمل كزا طب قل لي بس طب اوصلك طب اجي معك طب يعني انت مش عارف تعمل ايه؟ نفسك عايز تعمل له اي حاجة. عشان برضو ايه؟ نعمة
اهدا بس اللي انت احنا بنتكلم فيها دي. كزلك الذين يحبون لا يشتاقون الى الخدمة. طب يا رب ايه ايه اللي اقدر اعمله دلوقتي يعني؟ طب ادعو الى الله. طب ازاكر؟ طب اقرا قرآن
طب اصلي طب احسن الى يتيم؟ طب آآ طب آآ طب اقول لزوجتي كلمة طيبة؟ طب عايز طول الوقت في في ايه؟ في خدمة سيدنا سبحانه وتعالى. هو لا ينتفع بهزا
الخدمة لكن هو اللي بيبقى فرحان ان هو بيخدم هذا الدين السيد العظيم المحبوب الى قلبه فهو في خدمة دائما. خدمة دائمة. لذلك قال جل في علاه سيأتي الله قوم يحبون ويحبونه اذلة على المؤمنين. عزة على الكافرين يجاهدون في سبيل الله. شغال خدمة على طول
طب هو شغال خدمة على طول ناس بتقطمه. يا ابني السكة اللي انت ماشي فيها دي. يا ابني حرام عليك يا ابني ركز يا ابني يا ابني انت بتنام قليل ليه؟ يا ابني انت هتموت نفسك مأى عينك في الكتب دية. يا ابني
السكة اللي انت ماشي فيها يا ابني الناس اللي انت ماشي معهم دول. ولا يخافون لومة لائم. هو المحب كده. المحب كده. لا لا يلتفت الى لوم الناس. ناس في الحبيبة يقول لك بتلوموني ليه؟ لو شفتم عينيه مش كده؟ هي كده. ده كده
في الحب الحرام كمان. لو شفتم بعينيه مش هتلوموني بس انتم ما تعرفوش. انا بحب مين. ما تلومونيش. تلوموني ليه مثال سيء لكن يقرب الهيه. يقرب الصورة لان للاسف هو كلمة حب دي. عند هذه الاجيال العظيمة انتم
دايما بتروح الاتجاه ايه؟ اتجاه واحد بس. الحب بقى حب عم الشيخ. فهي دي اللي بتفهم اي حاجة للاسف فدايما الانسان بيعمل اي حاجة من اجل الحبيب. حتى لو كل الناس لاموا. يعني اللي انت بتعمله ده يا ابني يقول لك انا بحب اصلا
اه ده بيحب لقى مع نفسه بقى سيبوه ده بيحب خلاص. فلزلك هم مشغولون بالخدمة يجاهدون في سبيل الله. ولا يخافون لومة لائم. وفي نفس الوقت هم افقر الناس الى الله. ذلك فضل الله. يؤتيه من يشاء الله ويثني عليه. لذلك هؤلاء تتجافى جنوبهم عن الايه
المضاجع حتى النوم نفسه مش بيهنأوا به. ان هم مشتاقون الى الايه؟ الى الخدمة. ييجي ينام ما يستريحش. يتقلب يمين يتقلب شمال طب اقوم اصلي طب انام طب انام شوية عشان اعرف اقوم اصلي طيب ما احنا ما لحقناش. ينام شوية برضو يدفع نفسه للنوم دفع. يلاقي نفسه قام بعد ربع ساعة. يلا نصلي. طب ما
لا لسه الساعة واحدة ما جتش. طب استنى ننام لغاية الساعة واحدة. طب احنا بنقوم الساعة واحدة. يلاقي نفسه قايم حداشر ونص واتناشر واتناشر ونص. جت واحدة فرحانة قوي هوب الحمد لله
الساعة واحدة جت يوم بقى السلام ما فيش احلى حاجة عنده. تتجافى جموع المضاجع. اول ما يصحى يدعون ربهم ايه؟ خوفا وطمعا ومما رزقناهم ينفقون عيش بقى فمن علامات على فكرة المحبة الصادقة انك تنتظر الموعد مع الحبيب. اي حد يحب
حد احلى وقت له الميعاد اللي بينه وبين ايه؟ وبين حبيبه. فلزلك من اصدق علامات المحبين انهم يصلون في الثلث الاخير من الليل. يعني قيام الليل علامة محبة. في العلامة الاشد ان يكون هذا القيام فين؟ في الثلث الاخير. لان ده الموعد
موعد اللقاء. ينزل ربنا الى السماء الدنيا في الثلث الاخير من الليل. تخيل بقى ربنا يتودد الى هؤلاء يقول من يسألني من ما حد حد عايز حاجة حد يريد شيء حد عايز يتوب حد عايز يستغفر حد عايز الجنة اكيد المحب في الحالة دي لازم يقوم
لبيك وسعديك ربنا. ويتوضأ ويصلي واحساسه ان هو الناس نايمة وانا اللي صاحي بس. وانت بتقول يا رب ادي علامة من علامة علامة من علامات المحبة. يا رب كل الناس نايمة وانا اللي صاحي. لذلك قالت الملائكة ان المتهجدين
في جوف الليل يكونون في نظر الملائكة كما ترون انتم من نجوم في السماء يعني الملايكة اذا نظرت لاهل الارض بتشوف بقع ايه؟ بقع مضيئة زي ما احنا في جوف الليل بنبص للسماء نلاقي ايه؟ بقع دي نجوم السماء. الملائكة بتنظر الارض
نقط مضيئة كده في الارض. دولا مين؟ دولا اللي بيصلوا. دولا المتهجدين. دولا بقى الايه؟ دولا اللي واخدين شرط المحبة بقى. ما لهمش دعوة ليه؟ كلنا محبين بس دول واخدين علامة مميزة بقى. ده نمرة واحد اللي بيصلي في جوف الليل الايه؟ الاخر. من علامات المحبة طبعا
كثرة الذكر اي حد بيحب حد بيتكلم عنه كتير. اللي بيحب الكورة طول النهار يتكلم على الكورة. بيحب بنت طول النهار يجيب سيرتها. اللي بيحب الدنيا طول النهار يتكلم في الدنيا. ومين خده ومين بتاع ومين معاه ومين معوش والعلاوة
مرتب والزيادة والمنصب والكرسي وده واشمعنى ده وانا احسن منه حب الدنيا من الاخر. حتى لو بيزكرها بالزنب. على فكرة من الحاجات اللي ايه العجيبة ان ان ان لو لقيت واحد طول النهار يتكلم على الدنيا حتى لو بالزمن يعرف ان هو بيحبها. لو لم يكن لها قدر عنده ما زكرها اصلا. يقول لك عم الدنيا دي
دي يا عم الدنيا دنيا يا عم الدنيا يا عم دنيا وقاعد دنيا دنيا دنيا والله لو لها قيمة لو ما لهاش قيمة عندك ما كنتش قلتها اصلا كنت ضيعت وقتك في الكلام دوت. عشان كده يقول لك الذي يكثر ذكر الدنيا ولو بالذنب فاعلم انه يحبه. لانه اكثر من ايه؟ من ذكرها
ومن علامات المحبة ان تكثر من زكر الايه؟ الشيء. مش لازم طبعا بس يعني بتبقى احد العلامات يعني. بالنسبة للدنيا. لكن طبيعي ان اي حد حد يحب شيء بيكثر من ايه؟ من زكره. لزلك ربنا قال يا ايها الزين امنوا اذكروا الله زكرا ايه؟ كثيرا. اذا كنتم تحبون الله فيكون هو دوت ايه؟ ده حال
احد السلف قال من اراد ان يعرف هل يحب الله ام لا؟ فلينزر الى حبه للقرآن. فان كان يحب القرآن فليحب الله. لان القرآن كلام الله. صفة من صفات الله سبحانه وتعالى. فلذلك كثرة الذكر دي تلحق بها كثرة
وقراءة القرآن مع الحب الشديد. حبي الشديد بقى للقرآن لان دعاء كل الذكر كلام بشر الا القرآن فالذكر بالقرآن موضوع تاني بقى بالنسبة لك. ده احب اليك من كل شيء. من كل شيء. لان هذا القرآن ايه
كلام الله كان راجل يصلي بعد ما يصلي يقرا او وهو بيصلي في اخر السورة يقرا سورة الاخلاص. كل مرة يقرا سورة الاخلاص. قال له انت كل شوية تقرا سورة الاخلاص
راحوا للنبي عليه الصلاة والسلام اشتكوه. قال لهم طب قولوا له بيعمل كده ليه؟ قال لان فيها صفة الرحمن وانا احبه. لذلك انا احب هي اعظم صفات الرحمن الصمد الاحد لم لم يلد لم يولد. فقال النبي عليه الصلاة والسلام اخبروه ان الله يحبه لحبه اياه
ايه الملايكة يا جماعة ربنا ليه ملائكة سياحين طوافين كده بيطوفوا يبحسوا عن مجالس الذكر زي المجلس بتاعنا كده عموما مجالس ثم يصعدون الى ربهم فيسألهم وهو اعلم. كيف تركتم عبادي؟ قال يا رب يسبحونك. ويمجدونك
ويقدسونك. قال يا ملائكتي هل رأوني؟ قالوا لا لم يروك. قال كيف لو رأوني كيف لو رأوني؟ قالوا لو رأوك يا رب لكانوا اشد لك تسبيحا. وتحميدا وتمجيدا وتقديسا. شف الجو عامل ازاي! يعني ازا هم اللي حملهم على كده الشوق. ده لسه ما نزرش. الشوق هو الذي حملهم
على كثرة الايه؟ كثرة الذكر. ابن القيم رحمه الله بيقارن بين الذاكر لله المحب له على الحقيقة. المشتاق الى لقاء الله بالفعل وبين المدعي. وكان في كتاب اغاثة اللهفان بيناقش ان
قلب لا يجتمع فيه القرآن مع الغناء. يعني في احد الايه؟ الابواب يعني. ان القرآن والغناء ما يجتمعوش في قلب ابدا. ما ينفعش تكون تقنعي انك بتحب القرآن وبتحب الغناء في نفس الوقت. لا يمكن. بعض الناس يقول لك طب ما انا بسمع اغاني يوم بقرأ قرآن عادي. تقرا قرآن ماشي
ما قلكش تقرا قرآن. لكن شتان بين تأثير القرآن عليك وبين تأثير الغناء. تجد ان اثنين عند الغناء تتفاعل وتجد في قلبك الحزن والوجد التمايل والبكاء والتأثر القرآن يمر عليك مرور كرام. ولو قرأت عشرة اجزاء في اليوم الواحد. لا يمكن طالما تمكن الغناء من القلب فلابد ان القرآن يتأثر فورا
فورا مش هتلاقي واحد قرآن والغناء بيأثروا فيه زي بعض. ابن القيم بيصف الحال ده. يقول فلو سمع احدهم اللي هو مدمن الغناء دوت. فلو سمع احدهم القرآن من اوله الى اخره لم يحرك ساكنا. ولا ازعج له ظاهرا ولا بطنا. ولا اثار فيه وجدا ولا
فقدح فيه من لواعج الشوق الى الله زندا. حتى اذا تلي عليهم قرآن الشيطان يعني الغناء يتحول بقى مرة واحدة. وولج مزموره اسماعهم فجرت ينابيع الوجد من قلوبهم على اعينهم. فجرت يعني
قد دموعا وعلى اقدامهم فرقصت. وعلى ايديهم فصفقت وعلى بقية اعضائهم فاهتزت وطربت وعلى زفراتهم فتزايدت. يعني بيقول الموضوع مش ايه؟ مش بسمع اغاني بقرا قرآن. لا. بص تأثير ده عليك
التأثير ده عليك تعرف انت من انهي اهل بالظبط. فالمحبون لله يرفضون الغناء. ما تسمعش اغاني. ما تسمعش موسيقى. ما تسمعش اغاني الحب والميل وفضلا اغاني النساء. الكلام ده ما بيجيش معه اصلا. يجد سد منيع فعلا فعلا يا اخوانا اللي بيحب ربنا بيجد
وحشة عندما يسمع الاغاني ديت. يجد ضيق شديد في صدره. لو ده ركب مشروع ولا حاجة على سمع الاغاني دي بيبقى قرفان مش طايق نفس كل الناس بتتمايل وبتطرب وبتاع والراجل الناس كلها مبسوطة وهو في حالة ضنك مش قادر يستحمل عايز تنزل دلوقتي حالا ممكن يقول لك
الراجل على جنب من كتر ما هو مش قادر. بغض النظر اغنية شعبية ولا اغنية عاطفية ولا اغنية لمغني راقي ولا مغني وضيع لا ما يجيش معه. غناء مصحوب بالموسيقى اللي هو كلامه سيء والكلام دوت. شيء بيقفل منه. لان هو في قلبه فيه سلطان تاني. بيطرد الايه؟ الكلام دوت
بالعكس بالعكس المتمكن منه حب الغناء فعلا. ان سمع القرآن لا يتحمل اسماعه طويلا. يقول لك احنا تقول له شغل القرآن يا عم الحاج. يقول لك ما احنا استفدنا به الصبح
الشيخ هو هو طول اليوم قرآن ولا ايه؟ عشر دقايق قرآن واربعة وعشرين ساعة اغاني. استفتحنا به الحمد لله. طب يا عم الحاج هو انت انت ربنا اول عشر دقايق بس ولا ايه؟ كده مش مهم بقى الشطاطين تيجي عادي. حاجة غريبة جدا. هو مش مستحمل هو ما يقدرش. مش استفتاح ومش هو ما يستحملش اكتر
من كده. بيقول لك كفاية عمر الشيخ كفاية بقى قرآن. هو طول النهار قرآن! لو طهرت قلوبكم ما شبعت من كلام ربكم. من علامات المحبة بص بقى العلامة الغريبة ديت. ان تجد نفسك بعد ما تحب ربنا
كل ما تحب ربنا تجد فيه حاجة موازية بتحبب اليك. وهي الخلوة. بقت بتحب تخلو بنفسك غير الاول. الاول كنت راجل دنيوي راجل بعيد عن ربنا. فطبعا ما تحبش تقعد لوحدك. يعني انت بتقعد لوحدك بيطفح عليك بقى الايه؟ الوحشة اللي بينك وبين
ربنا تحس بضيق وضنك ونحس ان انت متضايق فعلى طول بتلحم في في انك انت تكون في حالة انس مع الغير. انت ما عندكش انس بتلحم في انس بالغيب مع اصحابك وبعد كده بلاي ستيشن وبعد كده القهوة وبعد كده تاكل وبعد كده تشرب وبعد كده تنام وبعد كده تلعب جيمز وبعد كده تتفرج على فيلم وبعد كده
وبعد كده بلاي ستيشن وبعد كده اصحابها وبعد كده القهوة ما بتخرجش من الايه؟ من دايرة الانس بشيء اخر دي. لانك انت لو قعدت لوحدك بيطفح عليك الايه وحشة. احنا قلنا قبل كده الوحشة دي انت بتديها ايه؟ مسكنات. عشان تهدى بس. لكن هي مش بتزول. فكل ما تقعد لوحدك بتضايق بتقفل. يقول لك ما اعرفش اقعد لوحدي
اقعد لوحدي اعمل ايه؟ يا يا عم عايز انزل اتخنقت من قعدة البيت. لا انت ما اتخنقتش من قعدة البيت. انت مخنوق من نفسك انت محتاج انس. اول بقى بتبتدي انت تطلع من مرحلة المعصية والسجاير واللبس الديق والمعاكسة
البنات والاباحية وقعدة القهاوي وقعدة البنات والغيبة والنميمة والتبرج كل ده تنتقل بقى الى الحياة والعفة حجاب الصلاة القرآن. تجد فيه شيء موازي بيطلع معك انت مش واخد بالك منه. بدأت تستوحش من الناس
حتى لو ناس مش وحشين قوي يعني طبعا الوحشين خلاص تفصلت منهم من زمان. لكن حتى الناس عادي يعني مش مش بيضروني في حاجة بس ما بقتش احب اقعد اتكلم كتير ونرغي وبتاع مش بقى مش ده اللي بقى يؤنسني خلاص. الموضوع ده ما بقتش اتآنس به
حبب الي الخلوة. لما بقعد لوحدي يا سلام دلوقتي ببقى مبسوط اوي. اوعى ازكر ربنا بقى طلع مصحف بقى ومع نفسك. اسمع درس مع نفسك. هات لي كتاب كده واقرأ اخبار الصالحين واخبار السلف. هات لي كتاب سيرة وسبني مع نفسي. مش عايز حاجة انا بقى خلاص
اديني مصحف وما لكش دعوة بي. ان شاء الله سيبني لوحدي. هاذكر ربنا. انا بستاني في قلبي وجنتي في صدري عندما زهبت فهي ايه؟ فهي معي كتاب من كتب السلف وما لكش دعوة. اديني كتاب فقهي وما لكش دعوة بي. يحبب اليك الايه؟ الخلوة. والمناجاة. يا سلام! تقعد مع نفسك تصلي
لو واحد دخل عليك الاوضة تتضايق. تتضايق تصحى بالليل تصلي. لو زوجتك صحت تضايق. لو عيالك بيتنططوا جنبك تتضايق عايز ابقى لوحدي. عايز ابقى سيبوني لوحدي. تتلزز دلوقتي بالايه؟ بالخلوة. اللي هي كانت ابغض شيء لك من قبل
لان الان صار لك انس زاتي انس نابع من الداخل انس بالله. لزلك مسلم ابن يسار يقول ما تلزز المتلززون بمثل الخلوة. بمناجاة الله تعالى عجبت للخليقة كيف انست بسواك؟ بل عجبت للخليقة كيف استنارت قلوبهم بزكر سواك؟ يعني ازاي الناس عايشين
وهم بيانسوا ببعض ولا يأنسوا بك. ازاي يعني؟ قيل لرابعة العدوية كيف وصلت لتلك المنزلة؟ قالت بترك ما لا يعنيني وانسي بمن لا يزول. مناجاة خلوة. على فكرة الخلوة دي تعمل بتطلع فيها طلعات عالية قوي. يعني انت
تعملوا وسط الناس في شهر الخلوة تعمله معك في ايه؟ ساعة. الخلوة دي يا اخواننا وضع تاني خالص. لزة الدنيا انك تقعد مع نفسك. تلاقي اصحابك في القطر في المواصلات في الشارع الناس كلها رغي والحكاية والرواية والاسعار والدنيا وراح وجه وبتاع وهو معزول
نفسيا من شغل ازكار الصباح بقى ازكار مساء قرآن مراجعة حفز ورد تدبر تفكر في اخرة تفكر في المهم انت هو في كوكب تاني ما لوش دعوة بالقصة اللي بتحصل دي. اه هو زي الناس فاهم وعارف الاخبار ومتابع هو مش درويش يعني. بس شايف الكلام ما لوش لازمة يعني
يروح معزول نفسيا حتى وسط الناس تلاقيه في الشغل كل الناس قاعدين يحكوا في الشغل وبتاع البنات هي البنات كلهم قاعدين جنبها ودي راحت ودي تبست دي فستانها ودي عريسها دي وهي معزولة نفسيا عشان ما تزعلهمش وممكن تسيبهم يتكلموا بس هي بقت في عزلة عن الوضع ده. ممكن تقول
كلمتين عشان ما يزعلوش منها. عشان برضو يعني تلطف الجو شوية. بس هي تتمنى لو انها الان جلست وحدها. تعبت من الكلام ده. كفاية لا يؤنسني لم يعد يؤنسني هذا الكلام. قيل لراهب نراك تعاني من الوحدة. قال له انا بعاني من الوحدة. شايفه قاعد لوحده يا عيني
عارفين الملتزم احيانا بيبقى ايه بيبقى ساكت كده. فالناس تفتكروا ايه؟ متضايق. يعني هو عندهم فرحان يعني عامل كده ايه يا عم ما هي ممكن تكون مكشر وسعيد عادي يعني. انا يعني في سكون السكينة. انت
قاعد عادي يقول لك يا عم في ايه فرفش كده فرفش ايه انا مفرفش على الاخر على فكرة بس انت مش واخد بالك والله العزيم انتم بتضحكم ومش مفرفشين ولا اي حاجة. وبتبتسموا والضنك في قلوبكم. هو لازم اضحك عشان ابقى باين ان انا سعيد يعني؟ ممكن ابقى قاعد عادي كده. فهو تلاقيه يا عيني الراهب ده قاعد في وحدة وبتاع
بيضحك يا عيني ولا بيرقص ولا بيغني معنا ولا ولا بيروح دريم بارك ولا بيروح نادي سبورتنج ولا ولا بيروح افراح ولا بيرقص ولا ولا بيسمع عمرو يا ابونا يعني عايش ازاي ده؟ نراك تعاني من الوحدة. فقال الراهب يا فتى لو ذقت حلاوة الوحدة
لاستوحشت اليها من نفسك. الوحدة يا بني رأس العبادة. رأس العبادة. فالراجل استغرب. قال ما اقل منافع الوحدة؟ يعني قل لي اقل حاجة بلاش بلاش اعلى حاجة. ايه اقل من عفى الوحدة؟ قال الراحة من مداراة الناس
والسلام من شرهم. ده اقل حاجة. اقل حاجة. من علامات المحبة الغيرة. اي حد بيحب حد بيغير. فانت تغير تغيير لله. يعني ايه؟ يعني اذا انتهكت محارم الله تتفاعل فورا. لا تستطيع
الا تتفاعل. لان حبيبك يكره زلك. حبيبك غاضب الان. فتجد في نفسك مندثر اليه الى انكار المنكر. والامر بالمعروف. ما تعرفش تسكت؟ ما تعرفش. انت بتجد نفسك زي ما قلنا كل دي المحبة لما بتضغط مدفوع مدفوع
غصب عنك الناس اللي مش قادر تسكت ايه يا عم الحاج حرام اتق الله يا اخي. دي حاجة ربنا ما يحبهاش يا اخي. يا اخي ربنا ما يحبش كده يا اخي. ده حتى الكلمة نفسها لما بتيجي تقولها
تولة بتطلع منك كده يا اخي ربنا ما بيحبش كده. يا اخي انت انت يا اخي ربنا يغضب عليك يا اخي. يعني انت كانك مستعزم قوي كده. ازاي ازاي انت ازاي تغضب ربنا يعني
فبتطلع منك برقة برضو بلطف وبشفقة واضحة. بس مش قادر تمسك نفسك. من علامات بقى المحبة علامة غريبة حب الموت. بس هنا هنا الحتة دي فيها ايه؟ لازم نخلصها شوية. لان الانسان بطبيعته
يكره الموت. كما قالت السيدة عائشة ما منا من احد الا وهو يكره الموت. النبي عليه الصلاة والسلام قال من احب لقاء الله احب الله لقاءه. ومن لقاء الله كره الله لقاءه. فقالت عائشة ما منا من احد الا وهو يكره الموت. فهي فهمت ان كاره لقاء الله يعني ايه؟ كاره الموت. قالت له
نكره الموت. ففسر لها وامتى الموضوع ده بيحصل؟ قال ان العبد ازا يعني جاءته الملائكة وبشرته برضوان ده احب لقاء الله فاحب الله ايه؟ لقاءه. وان العبد الكافر اذا جاءته الملائكة بشرته بغضب الله كره لقاءه
الله فكره الله ايه لقائه. يعني طول ما احنا اصل احنا ما نعرفش رايحين فين. انا ما اعرفش انا رايح فين. عشان كده باكره الموت ليه؟ لانه هينقلني من الحالة اللي انا
عارف يعني انا بعمل ايه اقدر اتوب اقدر يعني اشتغل فضلا عن السكرات اللي الواحد بيتوقعها الى حال انا معرفش هيروح فين فلما اطمن انا رايح فين ساعتها بقى ايه بطلع كل المشاعر اللي عندي بحب ايه لقاء الله. فاللي عايز اقوله ان مش مش محبة الموت اللي هو محبة زات الموت
يرحمك الله. والا فزات الموت جبلة في اي حد ان هو ايه؟ يكرهه اللي هو الموت نفسه كفعل كشيء كسكرات. دي جبلة فينا لكن الموت كوسيلة للقاء الله. بتحبه من الباب دوت ان هو ده الوسيلة الوحيدة للقاء الله. يعني لا يمكن ان القى
لا نموت فلا بد من الموت حتى القى الله. فهو يحب من هذا الجانب ويكرهك ايه؟ كموت كزات الموت يعني ما بيحبش ما فيش حد نحب حالة الموت صعبة على النفس. لكن يحب الموت لانه هو الوسيلة الوحيدة للقاء الله. ورؤية المحبوب
لان الدنيا لا احد يرى فيها الله. واما الرؤيا فتكون في الاخرة. وبينك وبين الاخرة موت. فلابد من الموت. فانت تحب الموت لانه الذي سيوصلك الى رؤية الله. سبحانه وتعالى. فهنا حب الموت هو الدافع لي الشوق الى لقاء الله. وليس الجرأة بس اللي هو انت مطمن قوي يعني ومغازل
ضامن جنة فيلا بقى لأ لذلك قيل لاحدى الصالحات آآ بعض العبادات قالت لقد سئمت الحياة. والله لو وجدت الموت يباع لاشتريته شوقا الى الله وحبا للقائه. فقيل لها على ثقة انت من عملك؟ ايه الثقة دي؟ عايزة تموتي بكرة؟ قالت لا والله لست واثقة من عملي
ولكن لحبي لله. وحسن ظني به. افتراه يعذبني وانا احبه. يعني ان شاء الله مش هيحصل مش هيحصل في حاجة وبرضو الواحد بيقدم رجله اخر رجل في موضوع الايه؟ الموت دوت. واخد بالك؟ لزلك ربنا قال لليهود ايه؟ فتمنوا الموتى ان كنتم ايه؟ صادقين
مغسل وضامن جنة. طب ما تيلا ما تروح تموت نفسك وخلصت. تمنى والموت. لكن طالما انت مش ضامن بتبقى خايف من ايه؟ خايف موضوع الجبل لما حضره حضرته الوفاة بيقول كلام غريب. كان في السكرات بقى وخلاص سكرات. فقال اخنق خنقك
فوعزتك انك لتعلم اني احبك. اللهم انك تعلم اني ما كنت احب الدنيا. لغرس اشجار ولا لكري الانهار. ولكن كنت احب الدنيا لظمأ الهواجر ولمكابدة العلماء ولمزاحمة العلماء بالركب في حلق الذكر. فلما اقبل عليه ملك الموت وجدوه يقول
قل مرحبا بالموت مرحبا. مرحبا بالموت مرحبا. زائرا مغيبا. حبيب. جاء على فاقة. حبيب جاء على فاقة يعني اخيرا اخيرا طبعا ده اكيد شاف بقى ايه الحاجات اللي شجعته. يقول هذه الكلمات بلال ابن رباح لما حضرته الوفاة بكت اخته. قال
فما يبكيك؟ ما بتموت يعني لازم ابكي. قالت ما يبكيك؟ غدا القى الاحبة. محمدا وحزبا هو بيبص الناس شايفين الموت ايه؟ شايفينه بوابة الحياة. الموت الجميل. عندهم الموت هو شيء جميل. لان هو ده البوابة
الوحيد اللي هاقدر اشوف بها محمد صلى الله عليه وسلم. الصحابة الكرام الحمد لله لوجه الله فلابد من الموت. خلاص فالشوق حب الموت شوقا لله من علامات الايه؟ الصالحين. من محبة من علامات محبة الله محبة
كل ما يحبه الله. وبغض كل ما يبغضه الله. الموافقة تماما في الموضوع دوت. محبة كل ما يحبه الله من الاشخاص الاماكن الازمان. الافعال الاقوال الايرادات. كله كله. بغض كل ما يبغضه الله. من الاقوال
الافعال والاشخاص والاماكن والايرادات كله كله. فلزلك المؤمن يجد نفسه ربنا سبحانه وتعالى وصف المؤمنين قال يحبهم ويحبونه اذلة على المؤمنين اعزة على الكافرين. لازم ده شيء جبلي. ما بتملكوش. انا بحب ربنا. اي حد بلاقيه كويس مع ربنا بحبه. غصب عني
لان انا بحب ربنا. اي حد يغضب ربنا بكرهه. بس الكورة حست درجة الايه؟ المخالفة. فالمؤمن لو عصى ربنا بكره فيه المعصية واحب فيه الايمان لو زادت المعصية بكرهه اكتر وبفضل برضو لحتة الايمان دي يعني ايه؟ لسه له رصيد عندي. لو فجر اوي بكرهه جدا بس بيفضل في حتة
محددة كده اللي هي ان هو بيقول لا اله الا الله. لو كفر بكره من كل الوجوه. لا احبه ابدا لان ربنا قال كده ان الله لا يحب الكافرين. ان الله لا يحب الكافرين. هو ربنا بيحب مين؟ يحب المتقين الصابرين المحسنين
توابين المتطهرين انا احب كل دول. ربنا بيكره مين؟ ان الله لا يحب المعتدين. ان الله لا يحب الظالمين. ان الله لا يحب كل خوان اثيم ان الله لا يحب كل معتد اثيم. ان الله لا يحب الخائنين. انا لا احب الظالمين. لا احب المعتدين. لا احب
الخوان الكافرين لا احبهم. لان الله لا يحبهم. خلصت. ما يجيش بقى واحد اصل انا باحب ميسي اصل انا بحب رونالدو. اصل انا بحب ازاي؟ كيف هزا؟ قلت له اصل هو لعيب جامد وبحب
في فرق ان هو عنده مهارة معينة وان انت تحبه. ممكن من العدل ان انت تقول والله هي عنده مهارة معينة في صناعة في طب في رسم في اي حاجة. لكن انت لا تحبه. ربنا قال ولا عبد مؤمن خير من مشرك ولو
ولو اعجبكم. ازا ربنا اقر ان قد يكون شيء فيه شيء من الاعجاب بسبب مزية عند الكافر. متميز في شيء ما. لكن ربنا بيقول هذا الاعجاب الى اكثر من ذلك. ممكن انك انت تقول والله هو كويس في كزا. الحتة دي كويسة فيه. ومتميز في كزا. لكن وقف عند كده
لا تتجاوز هزه المنطقة لان ده عدل العدل ان انا اقول والله فلان متميز في كزا ده عدل مفهوش مشكلة المشكلة ان هو يتحول الى ايه؟ الى حب والى انبهار بقى والى ثناء والى تمجيد والى فانلات بقى وتيشرتات وصور وحلقة وحلاقة الله الله الله في ايه
فين حب ربنا بقى؟ هذا كافر. هل تدري مازا يعني كافر؟ يسب الله. يدعي له الصاحبة والولد او يعبد الاوثان. او او او او او لا يؤمن باله اصلا كيف تحبوا؟ لا تحب ممثل اجنبي ولا مغني ولا مغني كافر ولا ولا لاعب كافر ولا الكلام ده. انت لا تحبه. فلو كان عنده شيء شيء
هو جيد في كزا. تقول هذا عدل حق. لكن لا تتجاوز هذا الايه؟ خلاص ما يحملكش الموضوع ده ايه؟ الى اكثر من ذلك. تقف هنا فانت تحب ما يحبه الله تبغض ما يبغضه الله وتعدل مع ما ما يعني ربنا امرنا بالبر والقسط والعدل خلاص عادي الكافر هديله كل حقوقه
هقول اللي فيه كل حاجة هقولها بس مش حاصل لمرحلة الايه؟ المحبة لان مهما كان ان الله لا يحب الايه؟ لا يحب الكافرين. فانا ايضا لا احبه فدي الاجابة البسيطة انت ليه ما بتحبش النصراني او اليهودي؟ عشان ربنا ما بيحبهمش خالص. طب ويعني ايه؟ انا بحب ربنا. فانا بحب اللي يحب ربنا ما بحبش اللي ما بيحبوش ربنا
اكيد ربنا ما بيحبش الكافرين. وانا ما بحبش الكافرين. اجابة بسيطة جدا. انا بدون دخول في مهاترات وسجال. الله لا يحب الكافرين. انا ما بحبش الكافرين. خلصت انت بقى بتحب الكافيه ده موضوع تاني بقى. ايه مشكلتك انت ما انت ربنا بيحب الكافيين. ما يحبهمش وانت بتحبهم. شف انت بقى موضوعك مع ربنا. مش انت يعني. تمام
لذلك هاختم الدرس ده بازن الله الحديس ده يأسر فيكم قوي. ما من ايام العمل الصالح فيهن احب الى الله من هذه الايام. يعني العشر الاول من من ذي الحجة اللي هي داخلة علينا كمان اسبوع ولا حلو. قالوا ولا الجهاد يا رسول الله؟ قال ولا الجهاد في سبيل الله. الا رجل خرج بنفسه وماله ثم لم
يرجع من زلك بشيء. انا ما اعرفش بقى الكلمة دي دلوقتي اثرت فيكم ولا لا. ان لا يستطيع ان ادفعك الى العمل في العشر الاول الا لو كنت بتحب ربنا بجد. ان النبي استعمل الوسيلة ديت مع اصحابها. ما قال لهمش اشتغلوا وبتاع. قال ما من ايام هو قال طبعا اكثروا فيها من التسبيح
لكن هو المنطلق بتاعه بدأ بايه؟ بالمحبة. اصل انت لو ما بتحبش مش هتشتغل. من الاخر نقعد نقول لبكرة في الايام في العمل الصالح في العشر الاول. في ناس هتشتغل
بس هاشتغل برضو زي كل سنة. اللي بيحب ربنا هيلاقي نفسه بيشتغل بسهولة جدا. ما بيحبش الحب ضعيف على قد حبك هتشتغل من الاخر. لان هو صحي الايام دي انها احب الايام الى الله. فلو ربنا احب شيء اليك فعلا وحبه قوي عندك هتلاقي نفسك اول ما تخش العشرة ايام دول مش مش قادر تمسك نفسك
من كتر العمل الصالح عايز تستسمر. الايام دي ربنا بيحبها وبيحب العمل الصالح فيها. فانت قاعد تديها بقى في الصيام والصدقات وقراءة قرآن وقيام ليل وبر والدين. قاعد بقى بتحاول
العشر ايام دول على قد ما تقدر. هو ده المفتاح. اللي نقدر نخش به لقلبك. ما من ايام العمل الصالح فيهن احب. الى الله من هذه الايام. شوفوا بقى اللي بيحب ربنا هيبان عليه بقى. اول ما تخش ليه؟ العشر تيام ربنا يرزقنا واياكم حسن العلم والعمل. اقول قولي هذا واستغفر الله لي ولكم