1
00:00:03.100 --> 00:00:47.250
السلام عليكم ورحمة الله وبركاته ان الحمد لله تعالى نحمده ونستعين به ونستغفره ونعوذ بالله تعالى من شرور انفسنا ومن سيئات اعمالنا انه من يهده الله تعالى فلا مضل له. ومن يضلل فلا هادي له. واشهد ان لا اله الا الله وحده لا شريك له

2
00:00:47.250 --> 00:01:09.600
واشهد ان محمدا عبده ورسوله ثم اما بعد اهلا وسهلا ومرحبا بحضراتكم. حلقة جديدة من حلقات اطفالنا والقرآن اه في الحلقة اللي فاتت احنا كنا اه يعني اكدنا على فكرة احنا محتاجين لها اوي وهي فكرة ان احنا عايزين نعمل عملية وزن لو صح التعبير

3
00:01:09.600 --> 00:01:26.700
كبير آآ واقعنا اللي احنا عليه والواقع اللي كان عليه النبي صلى الله عليه وسلم في تعليم اطفال الصحابة القرآن الكريم عايزين نشوف الواقع ده والواقع ده. ونقيس الواقع بتاعنا على واقع النبي صلى الله عليه وسلم واصحابه

4
00:01:26.800 --> 00:01:45.500
وبناء عليه نشوف الناقص نتممه ونشوف المتهدم نرممه ونشوف الحاجة او الشيء الكويس وندعمه اه فان شاء الله رب العالمين ده هنحاول نعمله في الحلقة دي اسمحوا لي كده اعمل اطلالة على الواقع بتاعنا في التعامل مع القرآن الكريم

5
00:01:46.400 --> 00:02:06.400
اه وانا هاكد شوية على الحتة اللي تخص تعليم الاطفال القرآن. ماشي؟ انا هاكد على المسألة دي. اه يمكن الكلام مش هيخص الاباء والامهات بس يعني هيخص نزرة عامة كده لواقع اطفال المسلمين في التعامل مع القرآن الكريم او واقعهم في التعليم القرآني. آآ والى حد كبير برضو هيخص البيوتات او يخص الاباء

6
00:02:06.400 --> 00:02:16.600
الامهات لكن عايزين نبص كده بنزرة عامة. طب ليه نبص بنزرة عامة ويا عم يعني ليه انا ما لي يعني قول لي على طول على اللي المفروض اعمله والدنيا فيها ايه

7
00:02:16.900 --> 00:02:42.750
في الحقيقة الانسان لابد يكون عنده ادراك جيد للموجود وتحليل دقيق وعميق للموجود ده والتحليل ده لابد يكون آآ فيه صدق وفي شفافية وفيه تجرد وفيه موضوعية وفي نفس الوقت لازم يكون عنده ادراك للمنشود. اللي احنا ينبغي ان نكون عليه

8
00:02:43.100 --> 00:02:58.700
وادراك المنشود ده ينبغي انه يكون عميق وكون فهم دقيق ويكون عارف كل التفاصيل ومحيط بها بشكل كويس جدا لما نعرف المنشود ونعرف الموجود نيجي طارحين الموجود من المنشود يتبين لنا المفقود

9
00:02:59.350 --> 00:03:16.800
لما يتبين لنا المفقود نشوف ايه اللي هو يحتاج او يحتاجه من الجهود فنبذلها له وده يعني باختصار اللي الناس بتاع التخطيط الاستراتيجي والادارة ومش عارفين بيقعدوا يتكلموا فيه اللي يقول لك يعني انت عشان تخطط لازم تجاوب على تلات اسئلة. يعني اين انا الان؟ الى اين اريد الوصول؟ وكيف

10
00:03:16.800 --> 00:03:35.750
فاصل بس احنا بعبارة بسيطة كده بنقول احنا عندنا اربع كلمات مهمين جدا اللي هو الموجود او الموجود والمنشود ونطرح الموجود ده من المنشود يتبين لنا المفقود والمفقود ده لما نعرفه كويس نبدأ نشوف ايه الجهود اللي مطلوبة للمفقود ده

11
00:03:35.750 --> 00:03:53.950
علشان نصل به للمنشود تمام يعني الجهود المطلوبة عشان نسد الثغرات المفقود ده آآ وبذلك نصل بالموجود بتاعنا للمنشود. تمام؟ ببساطة شديدة جدا فلذلك لابد من نظرة تحليلية لواقعنا. لازم احنا نعرف واقعنا كويس

12
00:03:54.800 --> 00:04:07.850
طيب ليه برضو نعرف واقعنا؟ لان ده في الحقيقة جزء كبير من الحل. يعني جزء كبير من الحل يعني كتير من مشاكلنا احنا ما بنقدرش نحلها كويس لان في اوقات كتير ما بنعرفش ان احنا في مشكلة اصلا

13
00:04:08.250 --> 00:04:20.500
ولو عرفنا ان احنا في مشكلة ما بنعترفش ان احنا في مشكلة ولو اعترفنا ان احنا في مشكلة ما بندركش خطورة هذه المشكلة وحجم هذه المشكلة. طيب خليني اضرب لحضراتكم مثال اوضح به المقال

14
00:04:20.700 --> 00:04:40.550
النهاردة واحد كبير في السن اه هو بيدخن ومثلا عنده ضغط وعنده سكر فكل شوية يحس بوجع كده او نغزة في صدره فهو ما يعرفش ان الوجع او النغزة اللي في سدره دي ممكن ممكن تكون ان هو عنده مشكلة في القلب. يعني عنده مشكلة في شرايين القلب مسلا دي بداية ذبحة صدرية

15
00:04:40.550 --> 00:05:00.550
داخلة على جلطة عافاكم الله وعافاكن. فهو ما يعرفش اصلا ان دي مشكلة اصلا. هو يعني كل ما الوجع ده ييجي خلاص بيطنش بيكبر دماغه. المهم فالوجع ده شد قوي في يوم وجه رايح على الاستقبال بتاع المستشفى فقابله طبيب فلما سمع منه وفحصه قال له في الغالب ممكن نكون احنا

16
00:05:00.550 --> 00:05:10.550
يعني كده دي ذبحة صدرية وممكن تكون جلطة. ولذلك حضرتك محتاج ان انت بكرة تعمل لنا كوليسترول في الدم وتعمل لنا مش عارف ايه وتعمل شوية فحوصات كده وتعمل لنا

17
00:05:10.550 --> 00:05:20.550
قلبي بالمجهود وشوية حاجات. فقال له بص يا دكتور يعني الله يكرمك ما تكبرش الموضوع. الموضوع الموضوع بسيط. انت بس مكبر الموضوع يعني بزيادة. آآ هو بس شوية وجع عادات تلقاهم شوية رطوبة في

18
00:05:20.550 --> 00:05:30.550
في الضلوع يعني زي ما الناس بتقول او غيرها. فيعني هو ما اعترفش اصلا ان دي مشكلة. قال له يا حاج بس انت مسلا سنك كبير احنا بنتكلم دلوقتي على سن الستين سنة وانت بتدخن

19
00:05:30.550 --> 00:05:43.000
وكمان عندك سكر وعندك ضغط ويعني انت كده يعني تقريبا كل العوامل المتوفرة اللي ممكن تخلي ده ممكن يكون آآ جلطة. طب احنا ليه؟ من دلوقتي هو مش هو مصر ما يعترفش بالمشكلة

20
00:05:43.000 --> 00:06:00.350
المهم راحوا بعد اسبوع اه نفس الطبيب يعني قدرا كان موجود في النبطشية اه جايين اهله شايلينه الحقنا يا دكتور بسرعة بيبص في الوجه هو هو؟ اه هو هو نفس الشخص ربنا يعافينا جايب جلطة دخل بسرعة

21
00:06:00.350 --> 00:06:15.800
على الرعاية بتاعة القلب يعني من هنا لهنا لهنا ربنا يسر يعني فيعني تم انقاذ حياته بفضل الله سبحانه وبحمده بس اصبح مضطر لشوية الفحوصات اللي هو كسل يعملهم بقى محتاج يعملهم كل شهر رغما عنه

22
00:06:16.100 --> 00:06:28.450
اه جزء من قلبه مات وهو محتاج يحافظ على البقية ففي حاجات كتير قوي بدأ يعملها يعني انا عايز اقول ايه؟ هو لكن عارف المشكلة. ولما عرف المشكلة ما اعترفش بها

23
00:06:28.600 --> 00:06:47.550
ولما كلموه عن خطورة المشكلة والى اين ستصل؟ هو ما اقتنعش الا ما اتحط هو بنفسه في المشكلة وادرك خطورتها ولذلك احنا بنحتاج التلاتة دول بنحتاج نعرف يعني ان احنا عندنا مشكلة ونحتاج نعترف بالمشكلة دي ونحتاج ندرك خطورة المشكلة والى اين تصل بنا المشكلة اصلا

24
00:06:47.550 --> 00:07:04.550
طيب انا عايز اقول ايه؟ عايز اقول ان الكلام ده بالنسبة لنا مفيد جدا دلوقت. لان القرآن حدثنا عن اعترافين في اعتراف يعني معرفة واعتراف افادوا اصحابهم جدا. وفي للاسف معرفة واعتراف ما افادوش اصحابهم. يعني

25
00:07:05.100 --> 00:07:21.000
ربنا بيقول لنا واخرون اعترفوا بذنوبهم خلطوا عملا صالحا واخر سيئا في ناس اعترفت احنا مقصرين ودي احنا فعلا كنا في مشكلة وما كانش ينبغي ان احنا نعمل كده والمفروض ما نعملش كده والكلام ده ممكن يؤول بنا الى ان احنا ممكن نخرج من الاسلام ككل

26
00:07:21.000 --> 00:07:41.000
فلأ الموضوع خطر فعرفوا المشكلة واعترفوا بها وادركوا خطورتها. فبناء عليه هم آآ اعترفوا بذنوبهم وتابوا الى الله وانابوه وربنا يبشرهم بايه؟ عسى الله ان يتوب عليهم. فخلاص ربنا يعني بشرهم بانه هيتوب عليه. ووصى النبي صلى الله عليه وسلم انه يأخذ من اموالهم

27
00:07:41.000 --> 00:07:54.300
صدقة يطهرهم ويزكيهم بها طيب ده اعتراف افاد اصحابه جدا على اليمين اهو في للاسف بقى اعترافات ما فادتش اصحابها. ما هو انت كده كده هتعترف. لو ما اعترفتش هنا هتعترف في الاخرة. طب ليه ما نعترف هنا دلوقتي

28
00:07:54.350 --> 00:08:08.500
واكون صادق مع نفسي وصادق مع الله احسن لي بكتير في اعترافات ما فادتش اصحابها. زي مثلا الاعتراف اللي ربنا حدثنا عنه في سورة الملك آآ ربنا بيقول لنا وقالوا لو كنا نسمع

29
00:08:08.900 --> 00:08:32.550
وقالوا لو كنا نسمع او نعقل ما كنا في اصحاب السعير فاعترفوا بذنبهم فسحقا لاصحاب السعير طيب اه هم ما كانوش بيسمعوا يعني كانوا كانوا صم لأ مكنوش صامو يعني هما كانوا مسلا متخلفين عقليا الاي كيو بتاعهم خمسة وتلاتين لأ اطلاقا هما كانوا بيفهموا عادي ويفهموا في الدنيا كويس او بيفهموا الكلام اللي بيتقالوه

30
00:08:32.550 --> 00:08:51.250
كويس قوي وفي نفس الوقت كانوا بيسمعوا عادي وبيوصل لهم المعلومة دي. بس لو كنا نسمع سماع استجابة سماع تفهم تدبر استجابة. لو كنا بنسمع آآ او نعقل لو كنا بنفكر كده في تصرفاتنا ونعقل كويس ونشوف عاقبة اللي احنا بنعمله ونتفكر

31
00:08:51.250 --> 00:09:07.950
تدبر فيه اه وقالوا لو كنا نسمع او نعقل ما كنا في اصحاب السعير. ما كانش هو ده مصيرنا. ربنا يقول فاعترفوا بذنبهم لكن فسحقا لاصحاب السعير انما في ناس تانية بقى ان الذين يخشون ربهم بالغيب لهم مغفرة واجر كبير

32
00:09:08.300 --> 00:09:27.700
ده اعتراف اهو ما افدش اصحابه في حاجة في اعتراف تاني بتاع ربنا امتنا اثنتين واحييتنا اثنتين فاعترفنا بذنوبنا فهل الى خروج من سبيل؟ سبحان الله! يعني دلوقتي بتقولوا فهل الى خروج من سبيل؟ طب ما انتم كنتم في الدنيا كان عندكم سبل

33
00:09:27.700 --> 00:09:44.300
كتير سبيل على اثر سبيل على اثر سبيل وللاسف الشديد انتم تقاعصتوا وتكاسلتم ما اعترفتوش. جايين دلوقتي تقولوا فهل الى خروج من سبيل يعني ربنا امتنا نخلتين وحياة النخلتين فاعترفنا بذنوبنا فالى خروج من سبيل

34
00:09:44.450 --> 00:09:57.450
طب ما هو كان في سبيل اهو وانت في السبيل اهو. المهم ده دي قاعدة عامة مش متعلقة بس باللي انا بتكلم عنه انا زي ما قلت يعني انا اريد ان اوصل اصولا وننطلق من الاصول دي لمزيد بقى من الايه؟ من التفاصيل

35
00:09:57.650 --> 00:10:13.400
طيب فالنهاردة احنا محتاجين جدا ان احنا نعترف بالواقع بتاعنا ونعرف احنا فين بالزبط اعرف المشاكل اللي موجودة عندي واعترف بها وادرك خطورتها. ليه؟ مش بعمل الكلام ده علشان خاطر انا آآ عايز اجيب لنفسي اكتئاب وعايز اجيب

36
00:10:13.400 --> 00:10:24.800
نفس احباط اه لا ده انا انا بعمل الكلام ده بين يدي الحل. يعني دي اول خطوة من خطوات الحل. كنا دايما نقول ان الاعتراف هو اول طريق التخلص من الاقتراف

37
00:10:24.800 --> 00:10:45.900
يعني انا ده بداية الحل ففرق كبير ما بين انسان بيقعد يتعرف على المشاكل ويقعد يحلل فيها عشان خاطر يزود نفسه احباط ويزود نفسه يأس وآآ هو يعني بيعمل اجهاض لكل محاولة اصلاح بالمسألة دي. انه يقعد يقول لأ بس مش ممكن وانا وانا والسنة في وكده. ما بين انسان تاني

38
00:10:45.900 --> 00:11:05.900
بيحط الحاجات دي قدام عينه عشان يدرك هو فين بالزبط زي يعني اللي بيسموه في الادارة كده اللي بيسموه الاصوات اللي هو نقاط القوة والويكنس بونس نقاط تتضاعف الفرص اللي هي التهديدات يعني باختصار ان الانسان بيحلل واقعه هو بيئته الداخلية وبيئته آآ الخارجية

39
00:11:05.900 --> 00:11:22.100
نقاط القوة اللي موجودة ونقاط الضعف جواه هو ويشوف الفرص والتهديدات اللي براه يعني نوع من تحليل الواقع بتاعنا يعني انا اقصد انا بقول بس بعض الحاجات اللي موجودة يمكن في العلوم الحديثة من باب انها يعني ايه آآ لعلها تكون قريبة لاذهان البعض. لكن

40
00:11:22.100 --> 00:11:33.600
الحمد لله يعني الوحي سبق في الكلام ده يعني بالاف السنين. ما احناش محتاجين زي ما اكدت في نهاية الحلقة اللي فاتت هنستورد آآ اصول الامور دي من عند حد

41
00:11:33.800 --> 00:11:46.300
المهم فالشهيد دلوقتي انا محتاج ان انا احلل الواقع بتاعي ده شوف انا فين مشاكلي فين اا اتعرف على مشاكلي كويس واللي موجود منها اعترف بيه مكابرش يعني انا الخسران لو كبرت اصلا

42
00:11:46.350 --> 00:12:03.000
وفي نفس الوقت يعني اعرف خطورة المشكلة وحجمها حجمها قد ايه؟ والى اين ستصل به ليه؟ بين يدي الحل عشان اعرف بالزبط ايه اللي موجود وايه اللي مش موجود وايه الفرص المتاحة وايه الحاجات اللي ممكن تهددني وتعمل لي مشاكل. تمام

43
00:12:03.050 --> 00:12:20.200
طيب اه فانا بحلل الموجود ده بشكل كويس. انا اكدت في تحليل الموجود على الصدق والشفافية الصدق والشفافية يعني بلاش الجو بتاع ايه احنا كويسين وهايلين وممتازين ورائعين واحنا اجدع ناس واحنا اجدع شعب وما حدش زينا والحوارات دي. يعني الانسان يكون

44
00:12:20.200 --> 00:12:42.600
صادق مع الله لان هو دلوقتي يعني اللي هيكدب هيكدب على مين هيكدب على نفسه مش هيكدب على ربنا اصلا يعني ربنا يقول يخادعون الله والذين امنوا وما يخدعون الا انفسهم وما يشعرون يعني في الحقيقة الانسان لو لو فهم مثلا معنى زي كده هو فهمه بس على الاقل حتى لو استحضره بين عينيه

45
00:12:42.600 --> 00:13:01.300
يخادعون الله والذين امنوا وما يخدعون الا انفسهم وما يشعرون. وفي الحقيقة بيخدع نفسه. لا هيعرف يخدع ربنا ولا حتى يخدع الذين امنوا لان ربنا هيفضح خداعه او ده بعد وقت يعني من تسربل بثوب خداع او ثوب رياء آآ فضح ولو بعد حين اصلا. المهم

46
00:13:02.000 --> 00:13:22.000
فهو الانسان لازم يكون عنده صدق وشفافية. ولازم يكون عنده تجرد وموضوعية. يعني يكون الانسان موضوعي يقعد يركز في الحاجات المهمة والضرورية. ما يركزش في الرتوش والحاجات اللي ما لهاش معنى وفي نفس الوقت يكون عنده تجرد. يعني هو يكون فعلا متجرد خلاص والله انا لو لو طلع لو وزنت نفسي او قعدت حطيت نفسي على المقياس ده وطلعت

47
00:13:22.000 --> 00:13:36.950
فعلا ما عنديش كده لأ انا ما خلاص ده فعلا انا ما عنديش كده. مش هكابر. طيب ونحلل الواقع ده وبعد كده نتكلم عن المنشود اللي احنا ينبغي ان نكون عليه. انت ايه الدش ده كله عايز تقول ايه؟ انا عايز اقول ببساطة ان انا عايز دلوقتي حلل الواقع الموجود بتاعنا. انا عايز اشوف

48
00:13:36.950 --> 00:13:47.000
في واقعنا النهاردة في تعليم اطفالنا القرآن الكريم. تمام كده ونشوف الواقع اللي كان عليه النبي صلى الله عليه وسلم في تعليم اطفال الصحابة لان احنا قلنا ان احنا عايزين نروح لكده

49
00:13:47.050 --> 00:14:01.200
ونشوف ايه الحاجات اللي ناقصانا علشان نشوف ايه الجهود اللي احنا هنبذلها عشان الحاجات اللي ناقصية تكتمل طيب ايه الواقع بتاعنا ببساطة هطرح تلات اسئلة الاول وبعد التلات اسئلة دول يعني هتكلم عن شوية حاجات تاني

50
00:14:01.250 --> 00:14:20.250
السؤال الاول احنا النهاردة في تعليمنا اطفالنا القرآن يعني انا بسأل كل اب النهاردة بسأل كل ام بسأل كل معلم بسأل كل معلم احنا في تعليم الاطفال القرآن مهتمين اكتر بان احنا نعلمهم المباني ولا مهتمين اكتر بان احنا نعلمهم المعاني؟ ايه اللي اقصده بالمباني والمعاني؟ مباني اقصد بها الالفاظ

51
00:14:20.400 --> 00:14:39.200
يعني مسلا التاء والتاء آآ المخرج بتاع السين والصاد. آآ انه الكلمة دي اقراها كويس انه يحفظ الكلمة دي كويس ولا احنا مهتمين اكتر بقى بما وراء الالفاظ ما بعد الالفاظ بقى من المعنى. المعنى اللي اللي يحمله اللفظ ده زي بالظبط الكوب ده كده. الكوب ده هنعتبره اشبه

52
00:14:39.200 --> 00:14:55.750
المبنى خلاص؟ وهو شايل جواه مسلا مية شايل جواه شايل شايل جواه مش عارف ايسون في النهاية اللي جوة ده اسمه المعنى فبالضبط اللفظة مسلا القرآنية او اللفظة بصورة عامة بتبقى شايلة معنى. يعني ما فيش ما فيش حرف في القرآن ما لوش معنى. تمام

53
00:14:55.800 --> 00:15:05.800
فكل كل حرف في القرآن كل لفظ في القرآن له معنى شايل معنى المعنى اللي هو شايله ده. احنا بقى بنهتم بالمعنى اللي هو شايله اللي بيدل عليه الدلال اللي بيدل عليه ويشير

54
00:15:05.800 --> 00:15:22.150
ولا احنا اهتمامنا الاكتر بالمبنى اللي هو برة ده؟ الالفاظ بس يعني وكأني بالبعض يعني يقول اكيد طبعا اهتمامنا بالمبنى بس. وده طبيعي عشان خاطر ان دول اطفال صغيرين وما بيفهموش ويحفزوا وعايزين نستقدر

55
00:15:22.150 --> 00:15:32.150
مش مهم ايه انا بسأل بس سؤال يعني دعونا دلوقتي كل تصوراتنا وكل افكارنا وكلام من ده كله احنا قلنا يعني انا مش انا مش هعرض وجهات نزري انا. احنا هنحط على

56
00:15:32.150 --> 00:15:51.650
ازا بس يعني احط على الميزان يعني احنا طبعا يعني كلنا لا نشك اطلاقا في ان الله اعلم بالاصلح لاطفالنا مننا ولا نشك اطلاقا بان النبي صلى الله عليه وسلم اعلم بامثل الطرائق لتعليم اطفالنا للقرآن. مننا. يعني دي ما خلاص ما فيهاش شك. فلزلك احنا مش انا مش هعرض

57
00:15:51.650 --> 00:16:01.250
وجهة نزري وهقول كلامي ولا كلام فلان ولا علان احنا هنشوف الواقع ايه اللي كان عليه النبي صلى الله عليه وسلم واصحابه وخلاص هيبقى هو كده كده الحكم ما بينا هو الميزان تمام

58
00:16:01.550 --> 00:16:17.300
فبلاش تعليلات انا بسأل اسئلة بس مجردة النهاردة ايه يعني اللي اللي بيؤكد عليه وقانا في التعامل مع مسألة المباني معاني؟ واقعنا بيقول ان احنا تقريبا تسعة وتسعين في المية ان لم يكن اكثر من ذلك

59
00:16:17.350 --> 00:16:29.800
من اهتمامنا كله في تعليم اطفالنا منصب على مسألة الايه؟ المبنى. المعنى ده مش بنيجي عنده خالص. تمام؟ الا قليلا طيب في ناس قالت لا يا جماعة طب ليه ما نجيش عند المعنى؟ المعنى مهم

60
00:16:30.350 --> 00:16:45.250
طيب فبدأوا يعتنوا بالمعنى امتى بيعتنوا بالمعنى؟ يعني مثلا بنمسك اية  زي حافظوا على الصلوات والصلاة الوسطى وقوموا لله قانتين هو بيقول للولد طب سواني يا حبيبي انت عارف يعني ايه معناها

61
00:16:45.950 --> 00:16:55.950
يطالع التفاسير ويبص فيها ويفهم منها كويس ويتأكد انه فهم كويس ويبدأ يشرح للولد ويقول له المعنى كزا كزا كزا كزا كزا كزا كزا كزا واحنا المفروض نعمل كزا وما نعملش كزا يعني

62
00:16:55.950 --> 00:17:11.150
حاول يفهمه ويحاول يساعده على انه تدبر الكلام ده ويحاول يساعده على العمل به وبعدين بقى نيجي نحفظه ونضبطها له بشكل كويس قوي يعني. ولا احنا لا يعني هو يضبط ويحفظ يحفظ وبعدين بقى ممكن بعد كده نبقى نقول له مثلا المعنى

63
00:17:11.150 --> 00:17:26.550
ممكن نبقى نحفظه معنى الكلمات او نحفظه التفسير ايه اللي احنا بنعمله يعني برضو الناس اللي بدأت تعتني بالمعاني لقينا ان العناية بالمعاني بتيجي في في الاهمية في التراتبية التعليمية بعد المباني

64
00:17:26.650 --> 00:17:41.000
تاني تاني يعني الناس اللي بتعتني بالمعنى اللي هو جوة ده المعنى ده بيعتنوا به امتى؟ ناحية الزمن الترتيب الزمني تراتبية تراتبية التعليمية او ترتيب التعليم امتى؟ بعد المباني نتعلم مباني وبعدين نتعلم معاني. تمام كده

65
00:17:41.800 --> 00:17:51.800
ومن ناحية الاهمية المباني بردو واخدة مساحة كبيرة قوي والمعاني بتاخد مساحة قد كده. اللي هو بياخد اغلب الوقت بقى في الحفز والضبط والتجويد والكلام ده كله. ده كلام جميل انا مش بقلل منه. بس انا

66
00:17:51.800 --> 00:18:05.650
بتكلم على الواقع دلوقتي وهنشوف هل الواقع ده هو الافضل ولا مش هو الافضل وفي مساحة بتاخدها الايه المعاني في الاخير كده وكمان مساحة المعاني اللي بتاخدها ان احنا بنحفزه التفسير يعني مسلا نقول له كلمة قانتين يعني

67
00:18:05.650 --> 00:18:25.150
احفز حبيبي القانتين خاشعين. هو لا فاهم اصلا قانتين ولا فاهم خاشعين. ما علينا ودي مسألة يمكن اشرت اليها مرارا ولا امل من الاشارة اليها. ان الاطفال مش بيحتاجوا تفسير بالمنطق بتاع الكبار بقدر ما بيحتاجوا بناء مفهوم اصلا هو المفهوم او المعنى المجرد مش حاضر عنده اصلا. عشان تقول له ان قينتين خاشعين. انت عملت ايه

68
00:18:25.600 --> 00:18:44.700
يعني يمكن دايما باردد القصة دي واحد من من الفضلاء يعني اللي كانوا معتنين بتعليم الاطفال القرآن الكريم بيقول ان هو آآ دخل فصله وسأل ولاد آآ سنهم صغير يعني كان اللي هو بيعلمهم بيقول ان هو بدأ يهتم معهم بالمعاني فسألهم يعني

69
00:18:44.700 --> 00:18:54.700
ايه يا ولاد همزة اه قالوا له الذي يهمز الناس وقالوا كلام كويس يعني ايه لمازا؟ قالوا له الذي يلمز الناس وكزا وكزا وقعدوا يشرحوا في المعنى. فقال لهم يا ولاد مين يحب يبقى هما زالما

70
00:18:54.700 --> 00:19:13.150
فكلهم رفعوا ايديهم. خلاص؟ فيعني فسبحان الله دلوقتي انت اه هم عارفين حافز اللفظ بس هو مش فاهم اصلا المعنى مش فاهم حتى دي حاجة حلوة ولا حاجة وحشة عشان هو عشان هو يختار يعني يكون زي دول اصلا. ما علينا. المهم الشاهد

71
00:19:13.250 --> 00:19:33.250
ان الاطفال مش فكرة يعني انا يمكن ضد فكرة ان احنا نعمل تفسير للاطفال يعني لأ يعني هو الطفل آآ لأ بيحتاج بناء مفهوم بيحتاج آآ آآ شرح المعنى ده بشكل تاني مش فكرة انك تحط لفظة قدام لفظة بالمفهوم اللي عند الكبار ولذلك يعني انا يؤسفني يعني واتمنى انه يقيد الله عز وجل من يعني

72
00:19:33.250 --> 00:19:51.650
يعتني بالمسألة دي عناية كبيرة من الناس المهتمين او المتخصصين او اللي لهم في الباع ده. آآ وهي مسألة ان آآ يعني كتب التفسير اللي موجودة اغلبها بتاعة الاطفال او كتب الاطفال تحديدا يعني واسمحوا لي اقول كده ولعلي الكلام ده يزعل البعض بس يعني هي امانة انا مطالب ان انا ابلغها لا سيما ان ده اختصاصي بالاساس

73
00:19:51.700 --> 00:20:11.550
آآ يعني ما يتعلق بالاطفال وكده ان اغلب كتب الاطفال هي عبارة عن اه الكتاب بتاع الكبار آآ بس بخط اكبر وعملنا شوية اختزال للمحتوى شلنا حاجات كده وعملنا خط اكبر شوية ولوننا الكلمات وحطينا صور

74
00:20:11.950 --> 00:20:24.950
واصبح في النهاية اسمه كتاب كزا للاطفال اه ده مسلا قص الانبياء بتاع الكبار وده بتاع بتاع الاطفال. ده مسلا كتاب السيرة بتاع الكبار وده كتاب السيرة بتاع الاطفال. اه ده مش عارف ايه بتاع الكبار وده كزا بتاع الاطفال. يعني

75
00:20:24.950 --> 00:20:34.950
ده اللي حصل بس. انما بقى هل المعنى ده مناسب للطفل ولا مش مناسب؟ هل المعنى ده متمشي مع السينما مش متماشي مع سنه؟ آآ هل طريقة العرض دي مناسبة لطفلنا ولا مش مناسبة للطفل

76
00:20:34.950 --> 00:20:44.950
هل هنا الاولى انه يتعرض مسلا في صورة حوارية ولا يتعرض في صورة قصصية ولا يتعرض لايه؟ يعني القصة دي للاسف آآ يعني في في مجهودات طبعا طيبة يعني لكن انا فيما ارى

77
00:20:44.950 --> 00:21:02.900
او فيما اعلم يعني على حد يعني بحثي القاصر يعني ما شفتش اللي سد الفراغ ده بشكل كويس. تمام او شكل مناسب للاطفال. طيب اه نرجع للاسئلة. انا سألت سؤالين. السؤال الاول يا ترى احنا بنهتم بالمباني اكتر ولا بالمعاني اكتر؟ فقلنا اهتمامنا الاكبر بالمباني

78
00:21:02.900 --> 00:21:14.450
والمعاني بتأتي ثانية. السؤال الثاني قلت لا طيب يعني احنا كده عندنا صنف اهتمامه بالمباني وما بيهتمش بالمعاني اصلا طيب الناس بقى اللي بتهتم بالمعاني اللي هم دول اهتموا بالمباني ومعها المعاني

79
00:21:14.500 --> 00:21:29.250
المعاني بتيجي امتى في ترتيب التعليم؟ بتيجي بعد المباني. تمام كده ومن ناحية المساحة اللي وخداها او الاهمية واخدة مساحة اقل. تمام؟ يبقى المباني مقدمة على المعاني. في الاهمية وفي التراتبية التعليمية

80
00:21:29.250 --> 00:21:50.300
تمام طيب السؤال التالت بقى يا ترى لما بنهتم بالمعاني بنهتم بيها على انهي مستوى بالزبط على مستوى البعد المعرفي اللي هو العلم يعني اخره ولى على مستوى البعد الوجداني والمهاري آآ او البعد السلوكي اللي هو العمل. يعني خلينا في المثال اللي احنا بنتكلم فيه من شوية

81
00:21:50.400 --> 00:22:05.100
يعني لما نيجي نقول للولاد وقوموا لله قانتين. نعلمهم المعنى. بنعمل ايه بنقول لهم يا ولاد قانتين يعني خاشعين. والخشوع ده ممكن يعني نتعمق شوية. الخشوع هو السكون يعني ونقعد نتكلم فيه. ولا بنقول لأ يا ولاد قانتين يعني ايه خاشعية

82
00:22:05.100 --> 00:22:25.950
والخشوع ده بقى نعمله ازاي؟ ان احنا نعمل واحد اتنين تلاتة اربعة خمسة ستة سبعة. وبنتعاهدهم في ان هم فعلا يكونوا خاشعين واضح سؤالي اه الواقع برضو للاسف بيقول ان احنا اغلب يعني المجهودات المبزولة في في في رعاية المعاني او في العناية بالمعاني

83
00:22:25.950 --> 00:22:37.800
تقف عند البيان القولي اللي هو اللي هو العلم العلم يعني احنا عندنا بيانين يا جماعة. في بيان قولي وفي بيان ايه؟ عملي. معلش محتاج اوضح المسألة دي عشان هنحتاجها بعد شوية

84
00:22:37.850 --> 00:23:02.100
في بيان قولي وفي بيان ايه؟ عملي اه تفسير القرآن يعني يمكن اشهر تعريفاته اجمع تعريفاته ان هو بيان معاني القرآن. بيان معاني القرآن وممكن نقول بصورة ادق هو ايضاح معاني القرآن. يعني احنا فسرنا الاية او المفسر فسر الاية يعني وضح معانيها. تمام كده؟ طيب. يبقى ايه التفسير

85
00:23:02.100 --> 00:23:22.900
كتير هو ايضاح معاني القرآن طيب آآ ايضاح معاني القرآن ده ممكن يكون بطريقتين ممكن يكون بالاقوال وممكن يكون بالافعال يعني ممكن المفسر ده نفسه مسلا يروى في سيرته انه عمل كذا. فهو كده كانه وضح لنا معنى الاية دي بس بايه؟ بفعله. او او بحاله يبقى ممكن

86
00:23:22.900 --> 00:23:36.300
تكون بالافعال او الاحوال وممكن يكون بالاقوال. ده يبقى كده في بيان قولي اللي هو قال معنى كزا كزا وفيه بيان ايه؟ فعلي او بيان آآ عملي او بيان احواله. تمام؟ طيب

87
00:23:37.000 --> 00:23:47.550
لما نيجي نبص لدور النبي صلى الله عليه وسلم الدور اللي قام به النبي صلى الله عليه وسلم الدور اللي قام به سيدنا النبي صلى الله عليه وسلم باختصار هو بلاغ للرسالات القرآنية

88
00:23:47.600 --> 00:24:04.050
تمام اه يقول قل اني لن يجيرني من الله احد ولن اجد من دونه متحدا الا بلاغا من الله ورسالته تمام اه فالنبي صلى الله عليه وسلم كان دوره بلاغ الرسالات القرآنية. طب البلاغ ده كانت صورته ايه؟ كان شكله ازاي

89
00:24:04.200 --> 00:24:15.150
يعني ان هو مسلا بيكتب في ورق ويوصله لهم في بيوتهم ولا كان مسلا بييجي يقف كده وينادي عليهم يا جماعة ربنا انزل كزا كزا كزا ويجي قايل لهم كان شكله ازاي

90
00:24:15.200 --> 00:24:31.250
اه ربنا قال وانزلنا اليك الذكر لتبين للناس ما نزل اليهم تبين لهم اللي نزل اليهم لتبين للناس ما نزل اليهم تبينه لهم. طب تبينه لهم ازاي؟ القرطبي يقول لنا بقولك

91
00:24:31.500 --> 00:24:43.850
وفعلك يبقى في بيانين بيان قولي ان في بعض الايات النبي قال ان معناها كذا. زي مثلا الذين امنوا ولم يلبسوا ايمانهم بظلم يقول بشرك ومثلا يقول الا ان القوات الرمي

92
00:24:43.900 --> 00:25:01.450
ويقول للسيدة عائشة استعيذي من شر هذا الغاسق اذا وقب. المهم دي انواع من من التفسير او اللي بنسميها البيان القولي. فممكن سيدنا النبي يبين بقوله وممكن ممكن يبين بفعله يبين بفعله اه ما هو ده يتلو عليهم اياتك ويعلمهم الكتاب والحكمة ويزكيهم

93
00:25:02.250 --> 00:25:13.300
ما هو ده اللي الصحابة قالوا عليه فتعلمنا العلم والعمل جميعا يبقى في بيان عملي بيان عملي لمعنى الاية دي ان النبي صلى الله عليه وسلم يوريهم نسخة عملية منها

94
00:25:13.350 --> 00:25:32.900
وطبعا الكلام ده كان حاضر كتير جدا يعني مثلا اه في مرة من المرات آآ سيدنا عثمان بن عفان كان جالس مع الصحابة المهم فدعا بوضوء او بوضوء يعني خلاص؟ آآ بالفتح اللي هو ما يتوضأ به. فدعا بوضوء

95
00:25:32.950 --> 00:25:47.450
فاتوضى وضوءا مصبغا قدامهم كده طيب وبعد ما اخلص اخبرهم انه كان جالس في مجلس مع النبي صلى الله عليه وسلم هو والصحابة والنبي عمل كده بالزبط دعا بوضوء وتوضأ امامه

96
00:25:47.850 --> 00:26:11.150
وبعد ان فرغ النبي صلى الله عليه وسلم من وضوئه قال واقم الصلاة طرفي النهار وزلفا من الليل ان الحسنات يذهبن السيئات ذلك ذكرى للذاكرين يعني ده ميدان من ميادين التطبيق ببينه النبي صلى الله عليه وسلم وبيبين يعني وهيجي معنا حاجة اسمها الربط الواقعي وبيبين عمليا بيبين عمليا آآ معنى الاية دي

97
00:26:11.150 --> 00:26:31.150
خلاص احنا فهمنا معنى الاية كده ان هذه الحسنات امثال هذه الحسنات اللي هي زي الوضوء. ماشي؟ وغيرها آآ ده مما يذهب السيئات. ان الحسنات يذهبن من السيئات خلاص احنا فهمنا المعنى كده. يبقى النبي صلى الله عليه وسلم بين هنا بس بين بايه؟ بين بفعله. بين بعمله. بين بحاله. فما فيش اية في القرآن الا

98
00:26:31.150 --> 00:26:50.250
لو النبي بينها صلى الله عليه وسلم بفعله وبينها بحاله. مش بس بينها ده هو تخلق به. يعني صارت هيئة ملازمة لنفسه اصدر عنه بلا تكلف على السجية لان الخلق ده اللي هو كالخلقة في الانسان. انا النهارده في خلقتي ان في ايد يمين اهي

99
00:26:50.300 --> 00:27:03.150
دي في خلقتي. فانا النهاردة الايد اليمين دي تحاركها كده او تحاركها كده. بتصدر عني على السجية بلا تكلف. ما بجدش فيها مشقة فالانسان لما يعمل العمل كتير ولو صح التعبير يدمنه. وان هو

100
00:27:03.600 --> 00:27:17.550
يكثر منه ويعمله صح يصير له كالسجية يعني هم بيتكلفش عشان يعمله اصلا فسيدنا النبي صلى الله عليه وسلم مش بس بين الايات بيانا عمليا. لأ ده النبي صلى الله عليه وسلم لو صح التعبير كان نسخة منظورة منها

101
00:27:17.900 --> 00:27:31.800
اللي يطالع سيرة النبي صلى الله عليه وسلم ويطالع سنته اه كأنما ينظر الى القرآن من زاوية تطبيقية فاصبح النبي صلى الله عليه وسلم بين كل اية في القرآن بيان ايه؟ عملي. طب والبيان القولي

102
00:27:31.950 --> 00:27:46.800
مش كتير اغلب البيان اصلا النبوي كان بيان عملي. تمام طيب معلش نرجع للمسألة دي. يبقى دلوقتي آآ عندنا فيه بيانين. بيان قولي وبيان عملي. تبيين الايات. يبقى النبي كات وزيفته انه يبلغ؟ طب

103
00:27:46.800 --> 00:28:03.500
كان شكله ازاي هو عبارة عن بيان طب البيان ده كان كان شكله ازاي يتلو عليهم اياتك ويعلمهم الكتاب والحكمة العلم النافع والعمل الصالح ويزكيهم في الكلام ده والصحابة نفسهم قالوا تعلمنا العلم والعمل جميعا. المهم الشاهد الان

104
00:28:03.750 --> 00:28:19.150
ان لما ده اللي اقصده بالزبط بفكرة احنا النهاردة لما بنيجي نعلم مسلا ولادنا معنى من معاني الايات. هل هل دورنا بيقف عند احنا نعرفهم ان قانتين يعني خاشعين او مسلا خاضعين

105
00:28:19.150 --> 00:28:30.000
او مسلا يطيرون الصلاة ولا لأ بنتجاوز ده ان احنا نقول لهم طب ازاي يكون الخشوع ونفزه ازاي او نوريه لهم مسلا في صورة عملية عشان خاطر هم يعملوه ينفزوه

106
00:28:30.050 --> 00:28:48.200
ونتعاهدهم في ان الكلام ده يحصل يعني انا اقصد احنا لما لا بنعتني بالمعاني بنعتني بها على مستوى العلم بس ولا على مستوى العلم والعمل بنعلمهم اه معناها بس المعنى كده ويعرفوا ولا العمل يعني العمل معه وازاي يعمل به؟ انا باكد على فكرة لازم نفرق بين حاجتين عشان بس تبقى واضحة عشان

107
00:28:48.200 --> 00:29:05.100
انا هقولها في وسط كلامي كتير في فرق بين معرفة العمل وفي فرق ما بين تعلم العمل معرفة العمل تعلم العمل؟ اه يعني النهاردة انا وقوموا لله قانتين. عرفت العمل اللي واجب علي ان انا اعمل ايه؟ ان انا اخشع في صلاتي. لو كان معنى القنوت

108
00:29:05.100 --> 00:29:15.300
خشوع لو اخترت المعنى ده يبقى انا عرفت كده ده معرفة العمل لا تعلم العمل بقى نتعلم ازاي اخشع. يعني دي مسألة تانية. يبقى الفرق بين معرفة العمل وتعلم العمل

109
00:29:15.400 --> 00:29:25.400
فمعرفة العمل دي ممكن اللي بيقدمها لنا التفسير او بيقدمهلنا البيان القوي. طب حد يقول طب ليه كتب التفسير ما فيهاش بقى انا اعمل الحاجة دي ازاي؟ لان المفسر ما اشترطش على

110
00:29:25.400 --> 00:29:36.400
بصوا كده المفسر اشترط على نفسه انه البيان القوي قال ده اسمه كتاب تفسير فاشترط البيان القولي. طب البيان القولي ده هو جايبه منين؟ ممكن يكون فيه اية بتبين اية تانية

111
00:29:36.500 --> 00:29:56.500
ممكن في حديث بيبين اية اه عنده كلام الصحابة لان الصحابة طب الصحابة جابوا البيان القوي ده منين؟ من من حكايتهم من مطالعتهم لعمل النبي صلى الله عليه وسلم جابوا بيان قولي. تمام؟ ممكن من من آآ من لغة العرب ممكن هو برأيه واجتهاده كمفسر يعني آآ له الحق في

112
00:29:56.500 --> 00:30:09.150
في ذلك انه يقول الكلام ده ولذلك اللي حاضر عنده نسخة السنة او النسخة المنظورة هو اكتر واحد هيفسر القرآن ادق وافضل تفسير. ولذلك كان يعني خير التفاسير على الاطلاق هو

113
00:30:09.150 --> 00:30:22.450
تفسير ابن جرير الطبري انه كان محدث بالاساس بتفسير ابن كثير من التفاسير المهمة جدا جدا جدا ومن اعظم التفاسير انه كان مهتم بالسنة. لان السنة هتوضح جدا معاني القرآن الكريم. المهم الشاهد

114
00:30:22.450 --> 00:30:43.350
طب العمل الاقيه فين هنا بقى في السنة علشان كده لازم النسختين ايه يعني يفضلوا ماشيين مع بعض ماشي؟ ولن يتفرقا حتى يردا على الحوض المفروض النسختين ماشيين مع بعض النسخة المستورة لو صح التعبير اللي هي في القرآن نسخة الاقوال والنسخة المنزورة لو صح التعبير هي نسخة الاحوال وما كان عليه النبي صلى الله عليه وسلم

115
00:30:43.350 --> 00:30:53.350
لازم يمشوا النسختين مع بعض. النسخة دي ماشية مع النسخة دي. فالنسخة دي هتوضح النسخة دي جدا. يبقى هنا كتاب التفسير هيديني البيان القوي. طب البيان العملي موجود فين؟ موجود بقى في كتب

116
00:30:53.350 --> 00:31:06.500
وبالسنة المعنى ده نفسه رح شفه السنة بيتكلم عن الصدق شفه هنا في الصدق. الخشوع شوفوا هنا في الخشوع. بيتكلم عن الاخبات شف الاخبات هنا. بيتكلم عن آآ التعامل بين الزوج شوفوا هنا وهكزا. المهم

117
00:31:07.000 --> 00:31:21.950
فالشاهد انا هرجع للسؤال التالت واللي هو احنا عنايتنا بالمعاني بتبقى على مستوى العلم بس ولا على مستوى العلم ولا عمل؟ وبأكد ما بين معرفة العمل الفرق ما بين معرفة العمل وتعلم العمل. خلاص واضحة المسألة دي؟ طيب

118
00:31:22.250 --> 00:31:35.100
معلش الحاجات دي مهمة انها تفيدنا جدا. اذا نقدر نقول واقعنا بيحكي بيحكي تلات نقاط حتى الان النقطة الاولى ان احنا معتنين بالمباني اكثر من عنايتنا بالمعاني. المباني دي اكتر من معاني

119
00:31:35.400 --> 00:31:48.050
النقطة التانية بتقول ان احنا عندنا بعنايتنا بالمعاني حتى لو اعتنينا بالمعاني بقى بتيجي بعد المباني يعني المعنى بيجي بعد المبنى. في ترتيب التعليم وفي الاهمية. اهميته صغيرة ده اهميته كبيرة

120
00:31:48.350 --> 00:31:58.350
طيب النقطة التالتة لما بنعتني بالمعاني دي اللي خدناها من هنا بنعتني بها ايه؟ علما فقط انما عملا لا ما بنعتديش بالمسألة دي او نقول خلاص ده مش علينا ده

121
00:31:58.350 --> 00:32:08.350
المتعلم احنا ما لناش دعوة الطفل يبقى ابوه يقول له ولا مين يقول له انا مش مش شغلانتي انا القصة دي اصلا. انا كاب برضو كده كام كده كمعلم كمعلمة كده. تمام كده؟ طيب

122
00:32:08.350 --> 00:32:18.950
واضح التلاتة دول طيب لو التلاتة دول واضحين في واقعنا احنا هنحتاجهم عشان هنروح لحاجة مهمة بعد شوية بس قبل ما اروح للحاجة المهمة دي انا عايز اسأل حضراتكم كده سؤال

123
00:32:19.000 --> 00:32:35.100
اه مهم هنحتاجو برضو بعد كده لما نتكلم عن ما كان عليه النبي صلى الله عليه وسلم واصحابه لو ان النهاردة انا واحد يادوب اه لسه مسلم جديد وقابلني وقال لي اه انا كنت عايز اعرف الصلاة ايه الصلاة دي واصلي ايه واصلي كم صلاة واصلي

124
00:32:35.100 --> 00:32:46.900
ازاي وكده فقال لي كلمني عن الصلاة. فقلت له الصلاة دي يعني دي المفروض الركن التاني من اركان الاسلام ومهمة وكزا وكزا. قال لي الصلوات كم صلاة؟ قلت له في سنن وفي فرائض. قال لي لا عايز الفرائض. ايه الفرائض

125
00:32:46.900 --> 00:32:56.000
قلت له الفرائض دول خمس فرائض اللي هم كزا كزا كزا. قال لي طب ما ينفعش ان انا اخد فريضتين بس. يعني لازم الخمسة اه ايه رأيكم هنقول له ايه

126
00:32:56.850 --> 00:33:10.150
طبيعي ما حدش فينا يملك يقول له لأ كفاية عليك فريضتين. لأ هنقول له طبعا دول خمس فرائض ما ينفعش تاخد منهم اتنين. تاخد منهم اتنين ازاي اه انت عايز تاخد انهي اتنين؟ قال لي انا عايز اخد مسلا المغرب والضهر

127
00:33:10.550 --> 00:33:20.550
كمان يعني حتى لو هتاخد اتنين مسلا خد الفجر والعصر دول يعني اهم فريضتين. ده لو ده لو ينفع اصلا بس كده ما ينفعش. فما حدش فينا هيسمح له انه ياخد فريضتين من

128
00:33:20.550 --> 00:33:33.700
خمسة. صح كده طيب آآ قال طب خلاص ايه هي الفرائض قل لي عليها؟ فقلنا له في صلاة اسمها الصبح بنصليها مسلا على الساعة اربعة اربعة وعشرة كده الصلاة دي عبارة عن ركعتين آآ

129
00:33:33.700 --> 00:33:43.700
دي الفريضة وفي صلاة تانية اسمها الضهر هي صلاة رباعية بنصليها على الساعة اتناشر كده الضهر تقريبا. آآ يعني دي في الوقت ده ودي في الوقت ده قال ايه ده؟ يعني

130
00:33:43.700 --> 00:34:02.100
صلاة الضهر اه انا اصلي اربعة الجو حر ومشغول وكده واخلع الجزمة ولبسي ومش عارف وايه وقت اللي هو انا قاعد فيه في البيت والجو افضل صلي ركعتين لأ انا عايز ابدل عايز اخلي الاربعة في وقت اللي هو الساعة اربعة ده واخلي الاتنين دول في الساعة اتناشر

131
00:34:02.600 --> 00:34:14.000
ده انسب لي زي برضو ما كان متصور اني انسى به يصلي صلاتين بس عشان هو مشغول ووقته ضيق. ده انسب لي احسن لي كتير حد هيسمح له بكده اكيد طبعا ما حدش هيسمح بكده

132
00:34:14.250 --> 00:34:26.300
وما اصلا ما يحلش لحد يسمح له كده. يقول له لأ بص هو الوقت ده ركعتين الوقت ده اربعة مش بمزاجنا اصلا هي هي والفرض كده قال خلاص ماشي مش مشكلة اصلي ده في وقته وده في وقته

133
00:34:26.500 --> 00:34:36.500
طيب يلا قل لي بقى الصلوات دي ايه واصليها ازاي؟ فقلنا له صلاة الصبح اللي هي ركعتين دي المفروض انك بتعمل كزا وكزا وكزا وكزا ولما تيجي في السجود في عندك سجدتين. ايه ده؟ كل ركعة

134
00:34:36.500 --> 00:34:50.150
فيها سجدتين لا لا لأ كتير عليها اوي سجدتين انا عايز سجدة واحدة بس يعني اه لان ده يعني انا ضهري ممكن يوجعني وده انسب لي انا هخليها سجدة واحدة بس. حد هيسمح له يخلي سجدة واحدة بس في في الركعة

135
00:34:50.200 --> 00:35:03.450
طبعا ما حدش هيسمح له يبقى اذا يعني في تلات حاجات دلوقتي اتمنى تفتكروها كويس جدا جدا جدا لان احنا هنحتاجها ما حدش سمح له ان هو يعمل اه نقصان انه ياخد اتنين من خمسة

136
00:35:03.700 --> 00:35:18.400
وخصوصا كمان انه كان هياخد الاتنين اللي هم آآ يمكن الصلوات كلها مهمة بس طبعا بتتفاضل في في اهميتها يعني آآ وفي نفس الوقت ما همناش مناسب له ولا مش مناسب له لأ يعني ده دي حاجة الفرض كده

137
00:35:18.700 --> 00:35:33.450
وبرضو ما سمحنالوش ان هو يبدل وما سمحنالوش ان هو يجتزء يعني ياخد سجدة ويسيب السجدة التانية وكل الكلام ده عملناه ليه؟ لان النبي قال صلوا كما رأيتموني اصلي. ودي فرائض تتأدى كده ولان فيه سنة. احنا ما ينفعش نخالف السنة اصلا

138
00:35:33.500 --> 00:35:43.500
يعني في سنة في الصلاة يعني احنا في كتير من تفاصيل الصلاة مش موجودة في القرآن اصلا هي موجودة في السنة. فلزلك احنا ما ما يعني ما رضيناش نسمح له ان هو يخالف

139
00:35:43.500 --> 00:35:55.850
في السنة آآ ولا راعينا بقى بس مناسب ومش مناسب ما فيهاش حاجة اسمها مناسب هي السنة كده طالما تقدر افعل بخلاف بقى اللي ما يقدرش او عنده مشكلة مش عارف في ضهره ولا يعني دي قصة تانية اصلا. تمام

140
00:35:56.500 --> 00:36:10.750
طيب افتكروا التلات حاجات دول عشان هنحتاجهم بعد شوية. خلاص طيب دلوقتي احنا واقعنا بيقول ان في تلت حاجات واضحة المعاني المباني مهتمين بها اكتر من معاني. معلش يعني اسف ما تزهقوش مني بس الكلام ده مهم جدا

141
00:36:10.750 --> 00:36:24.450
هنحتاجه بعد شوية وان احنا مهتمين لما نيجي نهتم بالمعاني بيبقى بعد المباني في الاهمية والتراتبية التعليمية او ترتيب التعليم ولم لم نهتم بالمعاني بنهتم بها آآ علما فقط مش علما وعملا

142
00:36:24.650 --> 00:36:42.450
طيب عايزين نبص كده على واقعنا بقى نزرة عامة كده. كان لنا واخدين كده مسلا بنبص على الكرة الارضية من فوق او نبص على الاطفال المسلمين كلهم من فوق لو المكان اللي حضرتك تسكن فيه الان ايا كان المحافظة اللي انت تسكن فيها في مصر ولا انت حتى من خارج مصر. المكان اللي انت تسكن فيه الان دلوقت

143
00:36:43.000 --> 00:36:56.850
اه لو قلنا في كم طفل مسلم؟ يعني هنفترض ان عندنا المدينة سين. المدينة سين دي فيها كم طفل مسلم؟ لو افترضنا ان المدينة فيها ميت الف طفل يعني المدينة اللي حضرتك ساكن فيها فيها ميت الف طفل

144
00:36:57.000 --> 00:37:16.150
الميت الف دول كام واحد منهم بيتعلم قرآن يعني هو منتزم في تعلم القرآن الكريم طبعا يعني تفجأنا النسبة ان في مجتمعات عشرين في المية تلاتين في المية اربعين في المية

145
00:37:17.050 --> 00:37:31.850
اللي هم منتزمين في تعليم قرآني في مسجد او حتى شيخ بيجي له في البيت اه او مسلا في مدرسة يعني نفاجأ بالنسبة طيب لو افترضنا ان النسبة خليني يعني متفائل جدا وهي خمسين في المية

146
00:37:33.250 --> 00:37:46.950
خليك ماشي معي بس. الخمسين في المية اللي هم منتزمين في تعليم القرآن دول قد ايه منهم بيتسرب يعني كان بيكمل وكان بيتسرب يعني لو عندنا حلقة فيها عشر ولاد دلوقتي

147
00:37:47.400 --> 00:38:04.200
اه بعد مسلا سنة سنتين تلاتة اربعة بيتسرب منها قد ايه طبعا انا افاجأ بنسبة طبعا مفزعة ان تسعين في المية بيتسربوا بيجوا في اوقات وبيروحوا في اوقات خليني متفائل وهقول ان خمسين في المية بس اللي بيتسربوا

148
00:38:04.300 --> 00:38:15.850
يعني ازا خمسين من الخمسين اللي هم باقيين يعني كانوا دلوقتي عندنا خمسين الف اتسرب منهم خمسة وعشرين الف. ازا معنا خمسة وعشرين الف طيب الخمسة وعشرين الف اللي مكملين دول

149
00:38:16.900 --> 00:38:34.400
كم واحد منهم بيجي مبسوط وفرحان وسعيد ومش عايز الحلقة تنتهي. ولو الحلقة فادته بيقلب الدنيا ويبقى زعلان وممكن يضغط على باباه ومامته عشان يجيبوا الحلقة قد ايه يبقى جاي فرحان كانه مسلا رايح اا مسلا يتفسح ولا رايح خروجة

150
00:38:34.550 --> 00:38:55.150
كم واحد هيبقى مبسوط وفرحان وسعيد وهو جاي يعني بعض يعني دايما انا الاسئلة دي سألتها يعني لالاف البشر يعني في المحاضرات المباشرة بس خليني اكون متفائل واقول يعني كنت بسمع خمسة في المية وعشرة في المية هقول خمسين في المية. ازا عندنا اتناشر الف وخمسمية بس اللي جايين مبسوطين وتمام

151
00:38:55.150 --> 00:39:16.550
لينو زي الفل السؤال اللي بعد كده كام واحد من الاتناشر الف وخمسمية دول فاهم الحاجات اللي هو حافزها او اللي بيتعلمها افاجأ بنسبة مفزعة برضو خمسة في المية عشرة في المية بس خليني اكون يعني اكسر آآ تفاؤلا واقول ان خمسين في المية منهم

152
00:39:16.700 --> 00:39:30.800
مم يعني بيبقوا فاهمين الايات اللي هم حافزينها يعني ازا احنا عندنا اتناشر الف ونص او اتناشر الف وخمسمية بنتكلم على ست الاف متين وخمسين مثلا يعني. انا حوالي ست الاف مثلا هم اللي فاهمين. طيب الستات

153
00:39:30.800 --> 00:39:48.000
لا في اللي فاهمين دول كم واحد منهم بيعمل او حتى بيدرب على العمل بالايات اللي هو فهمها وخصوصا النوع من الاعمال اللي هو ينفع يتدرب عليه مسلا ما يخص الصلاة ما يخص الصوم ما يخص الصدقات الذكر الحاجات دي

154
00:39:48.200 --> 00:40:09.700
كم واحد بيعمل او حتى بيتدرب على العمل اه هافاجئ بنسبة مفزعة بس خليني اقول ان يعني اكون اكثر تفاؤلا واقول خمسين في المية. اذا تلات تلاف تقريبا بس هم اللي بيعملوا بالايات او بيتدربوا على العمل بالايات اللي هم فهموها

155
00:40:10.200 --> 00:40:30.750
طيب اللي هم بيتدربوا على العمل دول كم حد منهم تدبر الايات دي اصلا او اتدرب على تدبرها نعم اتدبر اطفال ازاي تتدبر اصلا؟ يعني تدبر ايه؟ انت بتهرج ده سؤال ما ينفعش يتسأل. طبعا هنتكلم عنه ان شاء الله في مرة من المرات يعني وهنكتشف ان هو يتدبر

156
00:40:30.750 --> 00:40:41.500
نحن لا نشعر اصلا المهم ما علينا يعني بس خليني اقول ده كم في المية بيحصل آآ وهنتناقش فيها بعد كده وان استغربتوها دلوقتي بس معلش اصبروا علي انا هناقشها بعد كده بالتفصيل

157
00:40:41.650 --> 00:40:56.400
بس لو يعني لو افترضنا جدلا يعني انه ينفع يتدبر خلاص؟ فكم واحد منهم بيتدبر لا طبعا ما فيش خمسة في المية عشرة في المية. خليني متفائل واقول خمسين في المية من التلات تلاف دول بيتدبروا. ازا الف وخمسمية بيتدبروا

158
00:40:56.700 --> 00:41:18.900
طيب خليني اقول بقى كم واحد من الالف وخمسمية دول اللي هم باقيين معنا اا الاعمال اللي اتعلمها هي بالنسبة له خلق تخلق بالقرآن وانا قلت من شوية يعني ايه خلق يعني هيئة ملازمة للنفس تصدر عنه بلا تكلف. يعني حاجة هو مش بيعملها مرة ولا مرتين لا ده من كتر ما بيعملها صارت كالسجن

159
00:41:18.900 --> 00:41:35.600
يعني يعني مسلا لما يجي الصدقة لما تيجي فرصة صدقة ما بيفكرش يعني هو خلاص بيطلع ويتصدق. يعني زي ما كان شاعر بيقول عن واحد من اهل الكرم يعني يقول تعود بسط الكف حتى لو انه ثناها لقبض

160
00:41:36.400 --> 00:41:51.100
لم تجبه انامله هو هو البحر من اي النواحي اتيته فشاطئه الاحسان والجود ساحله. فواحد خلاص يعني هو تعود بسط الكهف حتى لو انه ثناها لقبضه لم تجبه هو ده ده عادته ده التخلق يعني

161
00:41:51.150 --> 00:42:07.700
فكام واحد بيتخلق يعني العمل ده ما بيعملوش مرة ولا اتنين ولا تلاتة لأ ده بيوازب عليه. طب كم واحد بيتزكى يعني بيتطهر ويتطور يتطهر من حاجات ويتطور بحاجات في خطة تطهير وتطوير واضحة تطهير وتنمية واضحة. يعني انا لو تفائلت وقلت ان اللي

162
00:42:07.700 --> 00:42:17.700
من الف وخمسمية اللي باقيين سبعمية وخمسين. وتفاءلت وقلت ان خمسين في المية منهم بيتزكى كمان في خطة تزكية واضحة بالنسبة له. آآ ان هو يتزكى وان هو يبقى رباني

163
00:42:17.700 --> 00:42:27.700
معنا تلتمية خمسة وعشرين بنتكلم عن المية الف تلتمية خمسة وعشرين منهم او تلتمية او متين وخمسين هم بس اللي حصل لهم اللي ينبغي ان يحصل لهم في التعليم القرآني

164
00:42:27.700 --> 00:42:49.850
حاجة مفزعة لما نقعد نحلل الواقع ونبص عليه حاجة مفزعة جدا حاجة مروعة جدا. طب الواقع ده اللي فيه الحاجات دي؟ ايه الجهود اللي بذلت للخروج من الواقع ده  اه وعايزين نبص على الجهود دي وعايزين نحللها وننزر لها كده ونشوف هل هي فعلا حلت المشاكل دي ولا ما حلتهاش؟ هل قدرت فعلا تسد الفراغ ده ولا ما تسدوش

165
00:42:49.850 --> 00:42:59.850
هل قدرت فعلا تعالج الثغرات دي ولا ما تعالجهاش؟ طب هو النبي صلى الله عليه وسلم منهجه كان ايه بالظبط؟ ويا ترى هو هيسد الثغرات دي؟ يا ترى هيحل المشاكل دي ولا لا؟ ده اللي ان شاء الله نتعرف

166
00:42:59.850 --> 00:43:29.900
نتعرف عليه في الحلقات اللي جاية. اقول قولي هذا واستغفر الله لي ولكم. وجزاكم الله خيرا ودمتم بخير. والسلام عليكم ورحمة الله وبركاته