السلام عليكم ورحمة الله وبركاته. الحمد لله والصلاة والسلام على رسول الله صلى الله عليه وسلم. بازن الله هحاول ما اطولش عليكم قدر الامكان. آآ حابب افضفض في موضوع معين اه نصيحة للاباء والامهات. جرت العادة ان لما بيبقى في مسلا اهل بيصيفوا في قرية معينة مكان مغلق
ايا كانت القرية فين بيبقى مكان فيه مجموعة من الشاليهات او الفلل او ايا كان حمام سباحة بحر آآ والناس بتروح تقعد مسلا في المكان ده شهر شهرين مصيف يعني فمع تكرار الزيارات للمكان ده بيبتدي يتكون بين الشباب في الاسر
المختلفة اللي في المكان ده صدقات. الشباب والبنات. آآ بيلعبوا مع بعض في سن متقارب فسنة بعد سنة بنتجمع في نفس المكان ده شهر شهرين فاتصاحبنا على بعض فكل سنة في المصيف احنا الشباب بيجوا بيتعرفوا على البنات وبيتجمعوا مع بعض وبيلعبوا فبقى للاسف بتشوف تجمعات شباب مع بنات
انا مش هتكلم دلوقتي عن السن الكبير عن سن اللي هو اللي هي البنت خلاص كبرت والولد كبر في سانوي او في الجامعة واتصاحبوا مع بعض او في تجاوزات مش بنتكلم عن ده خالص. احنا بنتكلم عن السن اللي كتير مننا بيغفل عنه. هو سن اللي احنا
نقول عليهم اطفال في اعدادي واواخر ابتدائي. آآ فاحنا عادي بقى في مجموعة من الشباب والبنات في السن ده في سن اعدادي. يعني هي بنت مقبلة على وولد في نفس السن برضو. آآ وقاعدين مع بعض سهرانين فممكن عادي ان الاب والام بما ان احنا في قرية مغلقة وفي مصيف
فسايب البنت الرقابة قلت مش زي مش زي البلد اللي احنا فيها زي مسلا العاصمة او اي مدينة من المدن اللي احنا فيها لأ احنا في مصيف وفي مكان مغلق فيه نوع من الامان شوية فسايب البنت سهرانة آآ وهو قاعد نايم ايا كان بيعمل ايه فممكن البنت تبقى سهرانة لحد الفجر في
او في القرية بتلعب مع صاحباتها ومع اه اصدقائها الولاد. الامر ده في غاية الخطورة. يعني لما تيجي تشوف الموضوع ده هيقول يا عم دول اطفال بيلعبوا مع بعض وما فيش بينا حاجة. الامر ده في غاية الخطورة. السن اللي انت بتقول عليه ان هو طفل ده لما بنتكلم مع الشباب اللي احنا بنقول عليهم اطفال اللي هو في اعدادي
او في اخر ابتدائي آآ آآ بتكلم مع الشباب الشباب بيتفرجوا على افلام اباحية. الشباب في في في للاسف في وقت الانفتاح اللي احنا فيه الشباب افكارها اختلف تماما. الاطفال دول ما ينفعش تتعامل معهم ان هم اطفال. ما ينفعش تتعامل مع البنت ان هي طفلة في السن
احنا مش بنقول ان اولادنا بنشيطنهم او بنقول ان هم مش متربيين او كده. لكن البيئة دي اللي انا بحطه فيها واللي انا سايبه بدون رقابة دي للشيطان ان البنت تبقى في السن ده او الولد في السن ده لما يجي ولد مسلا من الشباب ان هم اكبر شوية ويتعرف على البنات اللي
مقبلين على البلوغ او هم هي البنت نفسها تحس ان هي آآ يعني بقت انثى وبقى بينزر اليها الشباب معجبين بها. دي فطرة في البنت. فالوقت ده في غاية الخطورة. ممكن اي شاب من الشباب يأسر على البنت والامر يتطور
وكان بيحصل مصايب وبلاوي بسبب التجمعات دي ايا كان بقى تجمعات اسرية ما فيش ما فيش محارم في اختلاط زيادة بيحصل بتتفاجئ ان انت شايف البنات اللي هي يعني في اعدادي بيجري وراها ولد في برضو في نفس سنها وبيلمسوا بعض وبيهزروا مع بعض بالايد وهزار وشتايم ولمس
قاعدين مع بعض بيهزروا وسهرانين فترة طويلة. آآ ده ده احنا حاطين اولادنا في بيئة خطرة جدا. يعني فئة خطر ان انا دلوقتي عودوا على الاختلاط وان البنت دي تتعود على الهزار مع الشباب وان الحياء عندها بيتكسر مع الوقت ان هي بتهزر مع ده وبتكلم ده وبتلمس ده وبتهزر مع ده
بالايد وده بيجري وراها وده بيشدها من شعرها وده بيعمل انا مش بتكلم دلوقتي على الشباب اللي في السن ده تفكيرهم فين؟ يعني ممكن واحد بيفكر في بنت حضرتك اللي انت شايفها طفلة وانت شايف الطفل ده آآ ان انت شايفه طفل ده بيفكر تفكير مش كويس. يعني بينظر لها نظرة مش كويسة. لان هو بيتفرج على افلام
اباحية ولان هو محتك بواقع ومحتك بانفتاح مش زي زماننا مش زي زمان حضرتك. فما تتعاملش معه ان هو طفل. ان هو تفكيره طفل لا هو معدي حاجات كتير يعني آآ يعني ارجو ان الاهل يكونوا مدركين الوضع ده. ان احنا عايزين
حب البنات على الحياء. معاني الحياء. ان هي في السن ده وهي مقبلة على البلوغ. وهي في سن اعدادي ان هي ما ينفعش تهزر مع اولاد اجانب عنها ان هم مش من المحارب. هزار بالايد وان هي تبقى قدامهم مش محجبة او لابسة لبس. احنا في مصيف بقى. آآ او ان
يحصل تجاوزات ايا كان نوع التجاوزات. اه ده احنا بنفسد اه قلوب الشباب دي. ان البنت ممكن قلبها يتعلق بولد من الولاد دول اكبر منها شوية ويحصل مصايب. بلاوي بتحصل. لان ما فيش رقابة. الولد قاعد فترة طويلة برة والبنت قاعدة فترة طويلة برة. وفي مكان
ممكن يحصل اي حاجة لا قدر الله آآ فالامر خطير جدا امر خطير جدا فاحنا عايزين نربي الاولاد والبنات حتى من وهم صغيرين في السن ده اللي احنا شايفينه ان هم صغيرين لا انا بربي البنت على الحياء. بربي البنت ان هي ازاي بتتعامل مع الولد في حدود الضرورة بالادب وبالاحترام ان
هي لا تخضع بالقول ما تتمايصش في الكلام ما تتدلعش في الكلام تبقى بتغض بصرها ازاي؟ يبقى حجابها عامل ازاي؟ يبقى عندها حياء ازاي؟ ان انا باربي البنت على المعاني دي
لكن لما انا اسيب البنت في وسط الولاد في وسط البر والفاجر في وسط الانفتاح اللي احنا فيه الرهيب اللي احنا فيه ده. وتعامل ان هم لا عادي اصلا وهم اطفال ده يعني انا شايف ان ده غلط كبير وخطأ تربوي كبير. ارجو ان الاباء تنتبه للامر ده. آآ ابنك آآ
ركز معه في الفترة دي. الفترة دي خطر جدا. الفترة دي ممكن يشرب فيها سجاير. الفترة دي ممكن علاقته بالبنات تتطور حتى لو هو ما بلغش. لكن الامر آآ دي نصيحتي للاباء ونصيحتي للشباب الصغيرين والبنات حافزوا على قلوبهم
وحافظوا على نفسكم في الفترة دي. آآ ربنا يا رب يحفظ شبابنا ويحفظ بناتنا. جزاكم الله خيرا ونعتذر على الاطالة سبحانك اللهم وبحمدك اشهد ان لا اله الا انت استغفرك واتوب اليك. السلام عليكم ورحمة الله