1
00:00:00.250 --> 00:00:29.500
اهلا وسهلا. اهلا وسهلا يا دكتور. المرة اللي فاتت آآ قلنا يعني نفتكر ان احنا نقول المرة دي مسال بتاع قبول الضعف اه مع من الصحابة؟ الحقيقة ده من احب الامثلة الى قلبي

2
00:00:29.950 --> 00:00:46.800
اه احد الصحابة اسمه قتادة اه كان في غزوة احد مع النبي صلى الله عليه وسلم وكم من القلة القليلة اللي كانوا مع النبي لما انفض الناس عنه فاحنا بنتكلم في شخص المفروض انه في مخيلتنا يبقى راجل كويس

3
00:00:46.950 --> 00:01:04.400
واحد عمالقة الصحابة. نعم. خصوصا لما تعرف بقى انه كان في سهم جاي على النبي صلى الله عليه وسلم راح واخده عنه. فجه على عينه فاقتلع عينه. مم آآ التقطها بيده فجعل الصحابة يقولون له القها عنك. ارميها. طيب

4
00:01:04.450 --> 00:01:19.400
ليه؟ احنا عايزين نحمي النبي صلى الله عليه وسلم. راح قايل ايه قال لهم لا والله حتى اتي رسول الله طيب دي بقى محتاجة وقفة لو واحد مننا هيقول ايه ده بقى معقولة شكلي قدام الناس خلاص هلقيها طبعا عشان بس الناس يقولوا عني ان انا جامد

5
00:01:19.600 --> 00:01:30.600
بكل بساطة لأ هو مش هامه. مم. انا عايز عناية طيب راح جاي عند النبي صلى الله عليه وسلم قال له يا رسول الله طبعا بعد ما نفض الناس قال له يا رسول الله

6
00:01:30.650 --> 00:01:47.400
ردها عليه انا عايز عنيا فقال له النبي صلى الله عليه وسلم تصبر ولك الجنة انا دايما بسأل الجمهور لو كملت دلوقتي انت النص اللي لوحدك هتقول ايه؟ طبعا يا رسول الله اصبر. ليه؟ لان احنا عندنا وهم كمان. هم

7
00:01:47.500 --> 00:02:00.400
ما عندناش فهم للنفس بالانسانية قال له ايه؟ المفاجأة بقى قال له يا رسول الله اني امرؤ مبتلى بحب النساء واني لاكره ان يرينني اعور العين على الحال التي ترى

8
00:02:00.550 --> 00:02:16.700
طب يبقى انت عايز ايه يا قتادة فردها علي وادعوا الله لي ان اكون من اهل الجنة. عايز الاتنين غاية في الوضوح وغاية في الشفافية وغاية في قبول الضعف. هم. انا انسان اللي عاجبه عاجبه اللي مش عاجبه مش عاجبه. هم. طيب

9
00:02:16.800 --> 00:02:30.200
وبيصارح النبي بكده وفي وجود الصحابة. اه. مش خده على جنب بقى ومش عارف ايه. طيب لو احنا هنكمل لو لو شيخ من المشايخ الا من رحم الله كان الموقف ده معه كان هيقول له ايه

10
00:02:30.650 --> 00:02:40.350
بخس عليك اه بقى انت قبل شوية رامي نفسك وواخد سهم ومش عارف ايه في سبيل الله ومجاهد وتيجي تقول لي بتحب النسوان ومش عارف الرسول صلى الله عليه وسلم ضحك

11
00:02:41.450 --> 00:03:01.200
وردها عليه وقال اللهم اجعلها احسن عينيه ودعا له بان يكون من اهل الجنة. هم. طيب انا دايما لما بقول قصة قتادة الحقها بقصة تانية موجودة في الصحيح. مم انه في يوم من الايام كان في برق ورعد وكزا فطلع بالليل وراح رايح للنبي صلى الله عليه وسلم في المصلى بتاعه. قتادة. قتادة

12
00:03:01.300 --> 00:03:15.250
فلما جه عند النبي صلى الله عليه وسلم فظهر النبي مع يعني مع البرق شاف الضل بتاعه فخاف فقال له من؟ قال له هون عليك يا رسول الله انما انا قتادة. قال له ما اخرجك الساعة. ايه اللي طلعك؟ اه. في الجو ده

13
00:03:15.500 --> 00:03:28.900
قال له رأيت ما ترى اللي هو الجو. فخشيت ان لا يؤنسك احد في مصلاك. هم. انك تبقى لوحدك ام فاردت ان انسك بنفسي اه طيب عايزين وقفة يبقى قتادة نفس بشرية

14
00:03:29.600 --> 00:03:48.850
احد الصحابة احد شجعان الصحابة طيب بسيط شفاف بيحب النساء يحب يتشاف جميل. مم ورقيق القلب ويصلي الليل ويحب النبي صلى الله عليه وسلم. صلى الله عليه وسلم هو ده الباكدج اللي نفسي الناس يفهموه. هم. نفسي الناس يفهموا ان انا

15
00:03:48.900 --> 00:04:05.350
اناس نخطئ ونصيب ان الصحابة اناس يخطئون ويصيبون. ان التابعون التابعين اناس يخطئون ويصيبون سيبكم بقى من الوعظ التقليدي والتربية الاسلامية اللي للاسف ما لهاش اي دعوة بالسيرة الصحيحة. مم. اننا نريد ملائكة تمشي على الارض. لا لا احنا كلنا نخطئ ونصيب

16
00:04:05.400 --> 00:04:18.300
احنا مش عايزين نلبس انفسنا اثواب بقت تضيق علينا الى ان تضيق بانفسنا. مم. ونبقى عايشين في في عالم غير العالم كم اتتني حالا في العيادة فلان اللي في العمل الاسلامي اتجوز واحدة من العمل الاسلامي وجم

17
00:04:18.400 --> 00:04:30.850
اخفقوا عند اول امتحان الفرح اه وصلت الفرح امال فين اللي انتم كنتم فيه؟ اه اصل احنا كنا عايشين في آآ عالم خيالي لما نزلنا على ارض الواقع واذ بالدنيا اكلانة ومغلبة

18
00:04:31.050 --> 00:04:45.350
اقبلوا انفسكم واقبلوا ضعفها واعلموا ان الله يغفر وان التوبة تجلب ما قبلها وان الاسلام يجب ما قبله. وخذوا من السيرة الصحيحة. ولذلك انا بنصح اقرأوا السيرة من منابعها الاصيلة. قبل ما تقروها من

19
00:04:45.350 --> 00:04:59.600
كتب المعاصرين اللي بتحلل اقرأ السيرة من اصلها. مم. هتجد ان في عندك نماذج رائعة تفهمك النفس الانسانية جميل. طب دكتور انا دلوقتي قبلت ضعفي. طيب. وتعايشت معه زي ما حضرتك بتقول كده. اه. ايه الخطوة اللي المفروض اعملها بعد كده

20
00:05:00.100 --> 00:05:10.700
طيب بعد ما اقبل ضعفي طب الكلاكيع اللي جوة هعمل فيها ايه؟ طب انا قبلت ضعفي. طب الكلاكيع اللي جوة هعمل فيها ايه بالمناسبة انا كنت عايز اديك روشتة المرة اللي فاتت ونسيت

21
00:05:10.750 --> 00:05:27.200
اه اللي هي روشتة متعلقة بقبول الضعف ودي هغششها لك في مادة موجودة عندي اسمها التحديث بنعمة الله دي ده فيديو ولا لا مادة مكتوبة. اه يعني ايه التحديث بنعمة الله؟ احنا في الكورس اللي احنا بنقدمه

22
00:05:27.650 --> 00:05:43.750
بنخلي الناس كلهم يستعدوا يكتبوا افضل ما لديهم ويطلعوا قدام الجمهور ويتكلموا عن نفسهم عن انفسهم بطريقة كويسة طبعا الناس يقول لك ايه ده يا دكتور معقولة؟ بالزبط. عقب الغرور ومش عارف ايه تنمية بشرية كده؟ بالزبط

23
00:05:43.800 --> 00:06:03.800
اقول لهم لا تعالوا نشوف بعض النماذج من من قصص القرآن والسيرة الصحيحة وقصص التابعين والعلماء ازاي كان ما عندوش اي مشكلة ان ما لديه من خير طالما انه في عنده عمائل اعمال خبيئات مع الله سبحانه وتعالى احنا احنا متكلفين اوي. مم. يعني يعني مسلا تيجي انت تقول لي

24
00:06:03.800 --> 00:06:13.800
دكتور آآ المادة بتاعتك الناس بتمدحها فانا بقول لك استغفر الله لأ طبعا دي مادة حقيرة يا اخي ليه ليه كده ليه يا ابني لأ انا مادتي كويسة وانا افاخر بها واريد ان القى بها

25
00:06:13.800 --> 00:06:24.800
الله يوم القيامة بس لا يعني ان انا متكبر اه وممكن لو نقدتني حقبل النقد ليه ما يبقاش عندنا التوسط ده عائشة كان يأتيها الصحابة فيسألونها. عارف تقول لهم ايه؟ ايوا. على الخبير سقط

26
00:06:25.400 --> 00:06:39.450
مم عرفت تسأل مين اه يوسف عليه السلام لما سألوا السجينان. هم. قال لهم ايه لا يأتيكما طعام ترزقانه الا نبأتكما بتأويله قبل ان يأتيكما. لكن ذلكما مما علمني ربي

27
00:06:40.000 --> 00:06:52.150
فعشان كده بقول لك يعني الناس محتاجة تتعلم ازاي ممكن لما لما ابقى قاعد في مجلس عائلي وعندي معلومة ليه ما اقولهاش ؟ مم. لأ اصل انا انه الرياء والمش عارف

28
00:06:53.300 --> 00:07:02.600
اتعلموا صح اتعلموا صح. طيب على العموم المادة موجودة ممكن ازودك بها ان شاء الله. جميل. طيب الكلاكيع اللي جوايا دي اعمل فيها ايه؟ هنا بقى انا محتاج لما يسمى بالتخلية

29
00:07:02.850 --> 00:07:17.700
والتحلية انا يعني انظف نفسي واغسلها مما فيها من مساوئ. ده التخلية. ده التخلية طب بعد بعد كده ان احلي نفسي بما احتاج لا ما اشتهي لأ طب ناخد واحدة واحدة

30
00:07:18.650 --> 00:07:34.550
اولا التخليم مش انا بصيت جوة نفسي لقيت ان في حاجات كتيرة. مم. انا عندي شوائب متعلقة ببعض علامات الاستفهام تجاه ربنا. مم عندي شوائب متعلقة بنفسي. هم. عندي شوائب متعلقة بالاخرين. عندي زنوب. عندي ذنوب

31
00:07:34.700 --> 00:07:53.550
عندي افكار سيئة تجاه الاخرين. هم. عندي كلاكيع متعلقة بان انا كاره فلان اللي قبل تلات شهور عدى علي وما سلمش بالطريقة المناسبة. هم. اه اللي قالت لي مش عارف ايه حمايا اللي لما كنا عنده آآ يعني ما ضيفنيش الضيافة اللي انا كنت متوقعها. عدم قبولها مسلا لشكلها مسلا. مسلا

32
00:07:54.200 --> 00:08:10.450
هنا بنقسم التخرية الى ثلاث اقسام. قسم متعلق بربنا وقسم متعلق بالنفس وقسم متعلق بالاخرين اما القسم المتعلق بالله فهو كل ما يتعلق بالشبهات انت ليه خلقتني ليه خلقتني انثى

33
00:08:10.600 --> 00:08:26.350
ليه قلت الرجال قوامون على النساء؟ ليه الميراث مش عارف ايه؟ آآ طب ليه يا رب الشر ومش عارف هتلاقي معظم مشكلتنا مع ربنا للاسف طبعا انت هتقول لي معقولة يا دكتور في حد متدين وكزا ويبقى عنده طبعا ده مليان. هم. ده العيادة

34
00:08:26.350 --> 00:08:38.500
بأمثال هؤلاء اللي هو ظاهر الأمر انه ملتزم لكن تعال بقى افتح الجرح بتاعه هتلاقي صديد وقيح متعلق بعلاقته بربنا. هم آآ ولذلك نقول له انت محتاج منك حاجتين بس

35
00:08:38.600 --> 00:08:58.500
اقرأ في ردود الشبهات واقبل على الله وعليك بالصلاة والدعاء الاتنين دول هينضفوا الحكاية تماما ننط بقى على انا طب ازاي اقبل المسائل المتعلقة فيه واخليها نرجع لقبول الضعف اللي اتكلمنا عنه امبارح

36
00:08:58.800 --> 00:09:12.950
والتحديث بنعمة الله اللي انا اتكلمت عليه قبل شوية طيب نيجي بقى لقصة القصص والكراكيع كلها اللي هي ازاي اخلي ما في نفسي تجاه الاخرين هنا انا بتكلم دايما قصة

37
00:09:13.450 --> 00:09:35.850
اولا ينبغي ان تحمل شعار الله اولا مم. يعني انا في انا في نفسي عليك شيء اول حاجة لازم ادرك ان الله اولا مش انت لانه لو انت اولا هبقى خايف منك ومش عارف اتكلم وحتكلف وانافق انما لو الله اولا وعايز اخلي ما في نفسي انت لن تعنيني. هم. لكن لان الله اولا

38
00:09:35.850 --> 00:09:55.600
مش هغلط فيك. اه. لان انا عايز اخلي ما في نفسي من غير ما افتح ملف تاني. مم. طيب طب ما العمل الخماسية دي مهمة الله اولا التخلص من حقيبة الاعراف الجاهلية. يعني ايه حقيبة الاعراف الجاهلية؟ عزة النفس والكرامة والاهانة. ازاي

39
00:09:55.900 --> 00:10:06.150
انا عايز اخلي ما في نفسي لك ما الذي يمنعني يعني انا هقول له دلوقتي اللي في نفسي هيقول ايه ده؟ ده انت طلعت يعني آآ عقلك بتشيل قوي. مش بتشيل قوي

40
00:10:06.300 --> 00:10:21.150
ما يهمنيش انا يهمني ان اخلي ما في نفسي طيب تلاتة التخلية ليست انتقاما. هم. يعني ايه يعني انا جاي مش في نيتي ان انا انتقم منك اصل البعض يقول لك بص انا عايزك بس اقول لك حاجة في نفسي كده

41
00:10:21.800 --> 00:10:40.250
يا قليل الادب  ايه ده هو في الحقيقة انا بنتقم انا مش بخلي ما في نفسي. اه. طيب اربعة التخلية لا تشترط الاعتذار يعني ايه ؟ اه. انا عايز اخلي ما في نفسي بس جوايا بقى ها بعد ما هاخلص بقى هيقول لي انا اسف ولا لأ ؟ هم

42
00:10:40.350 --> 00:10:52.400
يبقى انا لسه حاطط مفاتيحي في ايدك يبقى انا لسه تقديري جايبه منك. هم. صحيح. هو الاصل ان انا جاي اخلي ما في نفسي علشان اروح لحال سبيلي واخد بالي من نفسي. مم

43
00:10:52.850 --> 00:11:10.500
خمسة التخلية لا تشترط الاصلاح يعني ايه اجي بقول لك انا بصراحة في نفسي عليك شيء من كم جلسة كده واحنا قاعدين حطيت رجلك في وشي كده وما عجبتنيش الحركة دي ومش عارف ايه. واحس انه طريقة اعدادي كتير يعني بصراحة ما احترمتي. اوكي خلاص خلصت اللي في نفسك

44
00:11:11.400 --> 00:11:30.450
طب افرض تاني يوم رحت قاعد نفس القعدة ارجع ازعل تاني ما خلاص ما انا ما انا عارفك. هم. التخلية لا تشترط ان انت طب هتقول لي زوجته طب لا هي انتقام ولا تشترط الاعتذارات. امال انا بعمل كده ليه؟ عشان اخلي ما في نفسي. اطلع بس اللي جوايا. علشان انضف اللي جوايا. علشان من حقك علي ان انا

45
00:11:30.450 --> 00:11:44.550
لما اشوفك بكرة لا ابتسم ابتسامة متكلفة لا انافقك ده وانت لازم تقدر لي الكلام ده. ما تزعلش. ده انت لازم تعرف انه من قيمتك عندي. انا خليتنا في نفسي. هم. لان لانك لولا تعني لي اصلا

46
00:11:45.100 --> 00:11:56.400
مش ههتم بك. طيب الكلام ده بقى هيفتح مجال كبير لاسئلة كتيرة. اه. طب يا دكتور هو انا ممكن اعمل الكلام ده مع ناس يعني مسلا زي بابا وماما؟ اه طبعا

47
00:11:56.450 --> 00:12:18.750
طبعا والكلام ده حتى لا اطيل فيه ربما ساحيلك الى بعض يعني في حلقات موجودة حزودك بيها. تمام. بفصل فيها ازاي الانسان ممكن يمارس التخلية والتفريغ حتى مع المقربين مع باباه ومامته حديك مسال سريع كده. جاتني واحدة عندها مشكلة انها مقاطعة باباها خمس سنين. ياه! خمس سنين

48
00:12:18.800 --> 00:12:33.200
ليه لانها مرة دخلت عليه وهي خمستاشر سنة من غير ما يحس وكان بيشوف مادة اباحية سقط من عينه مم وقاطعته فانا بقول لها خمس سنين وما عندوش اي مشكلة

49
00:12:33.450 --> 00:12:47.750
قالت لي اه وبتخشوا وبتخرجوا ومش عارف ايه وما بتسلميش عليه. قالت له ومش بس كده وشاري لها عربية وبيدفع قسط الجامعة بتاعها انت انت انت ازاي ما اقدرش انا مش قادر اتخيله

50
00:12:48.200 --> 00:12:57.200
فقلت لها بصي انت لازم تواجهيه. نعم انا اواجهه وبر الوالدين. قلت له نعم بقى انت مقاطعاه خمس سنين وجاية على بر الوالدين انك ما تقوليش ليه في نفسك؟ هم

51
00:12:58.200 --> 00:13:16.650
وكل ما عايزة تاخد معي موعد في في العيادة برفض واقول لها لازم تكلميه. هم لحد ما في يوم من الايام طبعا في حاجات كتيرة قلت لها اجبري نفسك. واكسري الكبر اللي في نفسك واقبلي ضعفه. والدك ضحية لتربية. الله اعلم اتربى ازاي؟ والله اعلم هو حصل له. المهم

52
00:13:17.100 --> 00:13:30.450
فضلت وراها لحد ما في يوم من الايام كان عندنا عيد الفطر اول وكان عندنا معايدة اول ما دخلت عرفت ان في حاجة اختلفت. الابتسامة والهدوء فبصيت عليها كده قلت لها قعدتي معه؟ قالت لي اه. والنهاردة صلينا العيد مع بعض

53
00:13:30.750 --> 00:13:42.850
قالت لي مم. فجأة يا دكتور افتكرت كل حاجة حلوة. ازاي كان بيشيلني وكان بيشتري لي ايس كريم وكان قلت لها سبحان الله الكلام ده كله كان فين الكلام ده كله كان فين؟ كان في نضارة سودا

54
00:13:43.350 --> 00:13:59.450
تنظر الى هذا الرجل على انه سيء ومش عارف ايه وكذا في حين مجرد انها نزعت هذه القشرة. اه. وخلت ما في نفسها انا يمكن الجلسة اوشكت على الانتهاء مسال اخير وانهي به حتة التخلية واحيلك الى

55
00:13:59.550 --> 00:14:11.450
رابط اخر في يوم من الايام واحدة من الاخوات جت مرة العيادة وبعتت رسالة قبل ما تيجي آآ قولوا للدكتور عبدالرحمن ان انا جاية مع مامتي وعايز اتكلم في وجودها

56
00:14:11.600 --> 00:14:24.400
مم. دي حاجة غريبة الناس معتادة عادة انا عايز اتكلم لوحدي. اه. بس انا اخجل ان انا اقول لماما اخرجي فانا عايزة الدكتور يقول لأ دي بقى العكس. مم جم قعدت هي وقعدت مامتها

57
00:14:24.800 --> 00:14:39.950
السلام عليكم وعليكم السلام انتم مش عارف ايه اسمك كده فتلقائيا بعد التعريف رحت متكلم مع مين اه. مامتها. اه السلام عليكم ايوة يا حاجة قولي لي عندك ايه؟ قالت لي لا احنا جايين عشان بنتي. قلت لها انا عايز اسمع منك انت

58
00:14:40.000 --> 00:14:55.400
مم طبعا انا في نفسي هدف. اه. وهو ان امارس نوع من التخلية غير مباشرة. مم قالت لي لا بس انا انا جاية مع بنتي قلت لها معلش بس طبعا بنتها كانت بتشاور لي كده. انا انا. هو انا مطنشها

59
00:14:56.050 --> 00:15:06.950
قلت لها يا حاجة انا يعني مصر انك انت تيجي تتكلمي. مم. قالت لي طب هقول ايه قلت لها اقول لك كلميني من اول ما اتجوزتي ثلث ساعة من الكلام والبكاء

60
00:15:07.800 --> 00:15:27.550
اه. البنت ستة وتلاتين سنة تسمع اشياء من والدتها لاول مرة تسمعها في حياتها. هم. ازاي كانت بتضرب من من اخو جوزها الكبير وازاي كانت بتتشد من شعرها قدام جوزها والزوج قاعد لانه ده اخويا يحق له ان يفعل ما يشاء. هم. وازاي البيت اللي هم ساكنين فيه من فلوس امها وهي ما تعرفش

61
00:15:27.800 --> 00:15:41.100
وازاي العربيتين اللي راكنة قدام البيت من فلوس مامتها وهي ما تعرفش طبعا الام بتتكلم وبتعيط والبنت بدأت تعيط. مم بنص الكلام قامت وباست ايد مامتها وباست دماغها ورجعت تاني

62
00:15:41.650 --> 00:15:56.250
خلصت قلت لها خلاص يا حاجة وهنا الحقيقة انا تأثرت اذكر ربنا يسامحك قلت لها كمان ليه قالت لي انا ما كنتش عايزاها تسمع الكلام ده بصيت على البنت قلت لها عندك حاجة؟ قالت لي لا

63
00:15:56.700 --> 00:16:11.700
الى اكيد انا ايه اللي عملته؟ انا قشرت لها مامتها شافت النفس اللي جواها وكأني مارست التخلية عنها. طيب روحوا بعتت رسالة اشكروا الدكتور عبدالرحمن على احلى مشوار اطلعه مع مامتي في حياتي

64
00:16:13.650 --> 00:16:29.250
ارجو ان يكون ده مدخل لحتة اهمية التخلية وان نخلي ما في انفسنا لانه صدقني والله الدنيا لا تستحق انه نعيش يوم واحد وفي انفسنا شيء على بعضنا. بعض الاهالي لما بيتخانقوا عندي في العيادة بقول لهم

65
00:16:29.300 --> 00:16:48.450
تخيلوا ان واحد فيكم هيموت النهاردة. فجأة يروحوا معيطينه وحاضنين بعض. يعني هو احنا نازلين نعمل كده! طب ما تعيشوا مبسوطين يا جماعة وتخلوا ما في انفسكم وعلى العموم زي ما قلت لك انا ساحيلك الى مادة عشان بس الجلسة يعني اه طالت زيادة عن اللزوم. فربما احيلك الى مادة وننتقل الى موضوع اخر في الجلسة القادمة ان شاء الله. نعم اشكرك يا دكتورة

66
00:16:48.450 --> 00:17:08.650
اهلا وسهلا. اهلا وسهلا السلام عليكم ورحمة الله