الحمد لله وكفى وصلاة وسلاما على عباده الذين اصطفى. اللهم لك الحمد كله ولك الملك كله هو بيدك الخير كله واليك يرجع الامر كله. اللهم صل على عبدك ونبيك محمد. صلى الله عليه وسلم في الاولين والاخرين وفي كل وقت وحين. اما بعد اه اه يعني هو دلوقتي اه دكتور وليد بيتكلم عن نوعية عدت موجودة فعليا وسطنا يا جماعة. يعني انا في جولة من الجولات وانا بتكلم مع شاب وبكلمه عن المعازف قال لي بس الحديس ده من معلقات البخاري يعني هشام ابن عمار فالشاب اصلا هو واضح ان المعلومة الوحيدة اصلا. الاهرامة من الدين كله. من اوله لاخره. ولكن هو فعلا للاسف الشديد الشبهات آآ كثير ومواقع شبهات عدد كثيرة وشبهات خطافة. وانتم عارفين ان الصراط عليه خطاطيف وايه؟ وكلاليب. الكلاليب لمن تكالبت على قلبه الشهوات والخطاطيف لمن خطفت قلبه الشبهات والشبهات خطافة. يعني آآ يعني ونحن في زمن آآ ابتلاء شديد يا جماعة. احنا في زمن ابتلاء شديد الاسلام بيتحارب حرب شبهات بقى له الف وربعمية سنة والقرآن سجل كثير من الرد على هذه الشبهات. ولكن فعليا الزمن اللي احنا فيه ده بقى حرب جبارة. يعني هم شغالين ليل نهار وهذا من ادلة صدق هذا الدين. ان الدين اللي بقى له الف وربعمية سنة بيتحارب هزه الحرب. ولا يزال صامد هزا الصمود وينتشر هذا الانتشار آآ آآ يعني دين عظيم ولكن فعلا يعني كان مين اللي بيقول آآ آآ هو يعني انتم عندكم الله في الاسلام يعني كل حاجة داخل فيها ليه ؟ يعني استغفر الله العظيم بالتعبير بتاع الالحاديين يعني هو الله في الاسلام كل حاجة. يعني لو شوية مطر نزلوا الله اللي نزلهم ولو المطر ما نزلش الله اللي منعهم ولو آآ مش عارف كل حاجة عندكم والذرة ما فيش ما يعزب عن ربك من مثقال ذرة. وانتم ليه يعني ربنا المفروض ان هو بقى ايه يعني مهم بقى وبيشوف حاجات اعظم من هزا فانت لازم تبقى بترد عليه. فواحد رد فقال سبحان الله! ممكن دبانة واحدة تغير مجرى آآ دولة كاملة يعني الاسكندر الاكبر قائد من اكبر قواد التاريخ. اتقتل مات بسبب ايه؟ بعوضة. النمرود في القرآن مات بسبب ايه؟ بعوضة بسبب سد مأرب اليمن كلها انهارت بسبب ايه؟ فئران. يبقى ازا اصغر مخلوق ممكن يغير. ممكن يغير تركيبة الارض كلها. بل ممكن يعني حتى يقول لك ان الدبانة بتضع كم مليون بيضة؟ فيقول لك لو كل بيضة منها فقست وبعد كده طلعت دبانة في خلال اسابيع عملت كزا مليون بيضة يقول لك في خلال كزا شهر الكرة الارضية كلها داير ما يدور بايه؟ بعدة امتار من الذباب. فيعني دبانة واحدة تخرج عن هيمنة الله وعن سيطرة الله. الارض لا تفسد. سمكة واحدة تخرج عن هيمنة الله وقوانين الله سبحانه وتعالى البحار كلها تفسد. آآ يعني ان احنا يا اخواني فعلا مسألة عايزين نتعلم ديننا عايزين نطلب علم عايزين نتعلم كل جزء من جزئيات الدين بتاعنا. لان الاسلام جسد من نور. الاسلام مش لحم ودم. هم فاكرين اسلام صناعة بشرية لحم ودم فلو اتطعن زي اي لحم ودم هينزف ويموت. ولكن الاسلام جسد من طور من نور. كل ما يطعن يخرج ايه نور فالمكان اللي بيطعنوا فيه والشبهة اللي بيطعنوا فيها. والاية اللي بيطعنوا فيها اذا بها اصلا قبس من نور. واذا بها تزيد الاسلام نور وتزيد الاسلام وتزيد الاسلام بهاء. حاجات كتير جدا ولكن آآ يعني الكلام اللي احنا نخرج به من هزه الكلمة. آآ وان كنا نتمنى انكم نرد لنا على على كل اللي قاله لان آآ يعني لان طبعا انت ما يعني ما تعرفش كل الناس اللي قاعدة يعني مستواه الفكر ايه بالظبط ولكن ان شاء الله احنا منكم يا جماعة اه فعليا فعليا عايزين نطلب علم يا جماعة. فعليا الدين الوقتي محتاج بناء. الدين الوقتي محتاج ناس مبنية. محتاج ناس بتزاكر وبتقرا وبتتضلع من القرآن والسنة وبتنزل الواقع وبتشوف الدنيا وصلت لايه. والناس وصلت لايه؟ مش الحل ان احنا ندفن راسنا في الرمال الحل ان احنا نتضلع من القرآن والسنة. نتضلع من انوار القرآن والسنة. نعمل في الواقع واحنا بنعمل في الواقع. ياما نسمع. وان كان فعليا برضه يعني الواحد بفضله ومنة الله اللهم اجعلني يعني يعني على قدر الجولات اللي نزلناها في الشوارع والقهاوي والنوادي وساحات الجامعات وكل حتة بفضل الله في مصر من فوق لتحتها اللهم لك الحمد. من اسكندرية لاسوان يعني انت ممكن تلاقي مسلا آآ اقل من واحد في المية ممكن يصير شبهة. يعني اقل من واحد في المية من الشباب اقل بكتير جدا كمان. هو اللي ممكن يسير شبهة. او هو اللي ممكن يتسائل ولكن فعليا انسى ردك على ده فلقى واحد من الاخوة يعني بيخطب ايه جمعة على مكان مرتفع كده وبيخطب في ناس في قرية من القرى. فقال له بقول لك ايه وقام خبط شبهة. قام رده ايه دي للتسعة وتسعين في المية الباقيين سقة ان انت فاهم. ان انت بتتكلم في الدين وانت فاهم دين. فطبعا يعني هذه الكلمة آآ تحملنا مسئولية آآ آآ فهم كتاب الله والتضلع من كتاب الله. الكلمة بتاعة النهاردة بقى كانت عبارة عن ايه كلمة النهاردة حاف فينا من حول العرش عايزين نغنم الفرصة اللي احنا اتكلمنا عنها امبارح واحنا بنطوف يعني النهاردة عن عبادة الطواف يا جماعة النهاردة كلمة جنة الطواف. واحنا بنطوف ندعي ربنا ان ربنا يبنينا. واحنا بنطوف ندعي ربنا ان ربنا يعلمنا. انتم دلوقتي بتسمعوا الكلام ده هزه بعد الف وربعمية سنة انتم متخيلين وهي بتتقال للنبي عليه الصلاة والسلام. اول مرة بقى لما احبار اليهود قعدوا بقى يعبقروا بقى. اول مرة يطلعوا بقى ايه اول ما اهرش ومقابلة الامة اصلا. متخيلين! يعني الكفاح اللي اصحاب النبي عليه الصلاة والسلام كافحوه عشان يردوا على كل مصادر التوك شو اللي كانت موجودة في المدينة المنورة. زي بالزبط التمانية وعشرين قناة توك شو اللي موجودين دلوقتي في الاعلام. القصة قديمة. قصة الشبهات قصة قديمة. وقصة ضرب الدين بالدين قصة قديمة. وقصة حرب الدين بالشبهات قصة قديمة. وكل ما يقال الان في الاعلام وكل ما يقال من شبهات من الف وربعميت سنة اتقال امام النبي عليه الصلاة تمام ويعني والنبي عليه الصلاة والسلام رد عليه واصحاب النبي ردوا عليه. ولكن كانت معركة دعوية كبيرة اوي. عشان كده احنا عاملين عمرة التربية ان الطريق ما عدش سهل. الطريق ما عدش لعبة. المواقع الفاسدة القزرة. آآ مواقع الشبهات والالحاد آآ والتنصير اللي اهل الباطل وهجوم اهل الباطل اغراءات الفجور في القنوات الفضائية. فتن ضغوط الدنيا الواقع عاد صعب جدا يا جماعة. الواقع عاد رهيب ما عادش يعني من رأى احوال الارض في هزه الايام علم ان الله يمهد الارض لاحداس خطيرة. وان الله يمهد الارض لاحداس عزيمة. لن يقوم فيها انصاف الرجال. الارض دلوقتي بتهيأ لاحداس خطيرة جدا. والاحداس كبيرة جدا والاحداس عالمية. انصاف الرجال مش هيقدروا يعملوا حاجة في المستقبل. مش هيقدروا يقدروا يعملوا حاجة في الاحداس الكبيرة اللي الارض بتمهد لها. كل اهل الباطل بيجيشوا. كل اهل الباطل بيجندوا. كل اهل الباطل بيربوا. لو ما لوش رجالة ترد على الباطل. الباطل قاعد يربي. وقاعد يعمل محاضر تربوية. وقعد يفرغ. وقاعد يصرف وقاعد ينفق وقاعد يطول وقاعد يعد ويجهز كل الباطل على الارض بيجهز يا جماعة. هل معقول ان الحق ما بيجهزش؟ عجبت من جلد المنافق وعجز الثقة كلمة سيدنا عمر بن الخطاب عجبت من جلد المنافق وعجز الثقة ان المنافق مستعد يسهر طول الليل في بطون الكتب مسلا بتاعة التفسير عشان يطلع اصلا عالم تفسير. وهو بيقول اشكال ها ويرد عليه. يشيل الرد ويجيب الايه ويجيب الشبه هو هو بيجيبها منين ؟ هو بيقوم جايب كتب التفسير مسلا القديمة اوي ويقوم ايه ويقوم زي القرطبي مسلا ويقوم مطلع مسلا القرطبي قال لي مازا قال الله وهنا مسلا كده وهناك كزا والقرطبي يرد بقى ويرد ويجود هو يقوم شايل الرد خالص يقوم جايب لك ايه ؟ جايب لك السؤال. وانت ما انتاش عارف الاجابة. هو عارف اجابة ولكن هو قضيته ان هو ايه يسير الشبهات يعني الواقع عاد عايز رجالة بحق وحقيقي ناس مبنية بحق وحقيقي وده هدف تربية وهدف عمرة التربية وهدف ان احنا نتحصل بفكر التربية ما فيش عشر تيام واحد هيتربى في عشر تيام لا يمكن يعني كل واحد فينا لازم يرجع وطن نفسه انه لازم يكمل مسيرة التربية. لازم يكمل مسيرة البناء. الباطل يعني احقر مما نتخيل. واضعف مما نتخيل كل الشبهات بتاعتهم في ليلة واحدة انت ممكن تفهمها كلها وترد عليها كلها. وتتطلع منها كلها ولكن هل عزائمنا ضعفت لدرجة ان احنا هزه الليلة او هزه الساعات احنا اضعف من ان احنا نحضر لدينا لما بانزل مع الاخوة في الجولات الاقي كل الاخوة تقريبا او معزم الاخوة نازل وهو مش محضر اي حاجة. ما فيش واحد سمع شريط مسلا قبل ما ينزل. ما فيش واحد مسلا زاكر كتاب قبل ما ينزل. ما فيش واحد جاب تفسير اية وحديس وزاكره كويس عشان ينزل يكلم الشباب بهم. امال انت هتقوله للشباب ايه الخواطر يعني ويا جماعة اهل الباطل قاعدين يموتوا نفسهم في الاحترافية في هدم الدين. وانت بتتعامل في خواطر انت قاعد تتكلم في خواطر وهما لما كنا في اوغندا يعني قبل ما نوصل كان في آآ قسيس وكان نشيط جدا جدا ونزل في قرية ونصرها وبنى مسجد يعني كان عامل شغل جبار يعني. فمعدي مرة النصارى. فقام الخطيب يعني اخ من الاخوة اللي على علم قام رادد عليه على الشبهة فالرد وقع في قلب الايه ؟ الشاب اللي هو القسيس النشيط جدا ده فاسلم ورجع اقنع اهل القرية كلها اللي بنى فيها كنيسة بالاسلام. وحولوا الكنيسة لمسجد. ولما انا وصلت اوغندا كان عدد القرى لاسلمت على ايديه كان عدد كبير يعني مش فاكر قد ايه بالزبط. ولكن كان عدد يعني كان فضل منة الله. كل ده بسبب ايه؟ انه لقى واحد فاهم انه قابل واحد بيعرف يرد. ان قابل واحد قاري في الدين قابل واحد فاهم في الدين. انما للاسف الشديد احنا واخدين الموضوع دراع او واخدين الموضوع مشاعر. والتزام المشاعر ده ما ينفعش يا جماعة. الدين مش هينتصر بالمشاعر. الدين مش هينتصر بالنوايا الطيبة. الدين مش هينتصر مصمصة الشفايف. والقهر النفسي قدام برامج التوك شو وبيقولوا كلام يعني انا لا انسى واحد قسيس على البال توك مرة دخل على الشباب قال لهم انتم الاسلام عندكم ما فيش فيه اخلاق. واتحداكم تخيلوا اتحدى اللي يجيب لي خمس ايات بتتكلم عن الاخلاق. يجيب ايه؟ شف الاخ آآ خمس قال تكلم عن الاخلاق. هو اللي مزهل مش الكلام الغريب اللي هو بيقوله. المزهل ان ما حدش رد عليه المذن ان الشباب المسلم اللي على البال توك ما ردش عليه اصلا. ما هوش عارف يرد عليه. مش عارف يجيب خمس ايات وخمس احاديس عن الاخلاق في الاسلام سيدنا عثمان ابن عفان يقول ما قر الاسلام في قلبي الا حينما نزل قول الله سبحانه وتعالى ان الله يأمر بالعدل والاحسان وايتاء ذي القربى وينهى عن الفحشاء والمنكر اية في الاخلاق سيدنا عثمان لما سمع اخلاق الدين الباهرة رسخ اليقين في قلبه. ايات الاخلاق والصاحب بالجنب اللي احنا قاعدين نتكلم فيها من التربوي الاول والتاني من واحنا في المنصورة هات الاخلاق والشباب مش عارف حاجة. ما هوش عارف حاجة في الدين بتاعه لما بننزل الجولات تيجي توقف تلاتة يا شباب يلا ندخل المسجد نصلي يقول لك احنا جنب مش آآ يعني جنب يعني يعني مش نافع يصلي اصلا ده عايز يروح يغتسل يعني شباب ياما سألناهم قل لي يا ابني العشرة المبشرين بالجنة. ما هيش عارف حاجة. طب قل لي يا ابني اسماء آآ فريق البارسا ولا فريق يجيب كل حاجة بكل تفاصيلها لدرجة واحد صاحبنا عمل ورقة يا جماعة والله ورقة ادمت قلوبنا واحنا بنوزعها بين الشباب. ورقة يعني عملها عشر اسئلة كده يعني السؤال الاول اغنية اه كزا. مسلا يعني اللي غناها مين ؟ الهضبة ولا ولا كينج ولا مين اللي غناها طبعا كل الشباب عارفين. السؤال التاني الصورة التي نزلت مرة واحدة يشيعها سبعون الف ملك. سورة الانعام. سورة ايه؟ ما حدش عارف. السؤال التالت كلمة همام في امستردام. البطل بتاعه فلان ولا فلان ولا فلان. كله عارف. السؤال الرابع. قال رسول الله صلى الله عليه وسلم انت مني بمنزلة هارون من موسى. من الصحابي الزي قال له النبي هزه الكلمة ما حدش عارف حاجة. السؤال الخامس اغنية مش عارف ايه اللي غنتها فلانة ولا فلانة وفلانة كله عارف. احنا كنا بنوزع الورقة على الشباب الواد يبص كده بالزبط نص دقيقة يحط راسه في الارض ويبقى عايز الارض تتشق وتبلعه. مش عارف حاجة. يعني هو ورقة بتفضحه قدام نفسه انت مش عارف حاجة في دينك. انت كل حاجات الدنيا فاهمها وفي دينك ما انتاش عارفها. كان احد اخوانا نازل مرة في جولة فيعني فداخلة على الشباب بيقول لها سلام عليكم فواحد قال له معلش قال له في ايه؟ قال له انا اسمي جورج وانا اسمي مينا وانا اسمي مش عارف ايه. فقال لهم على فكرة يا شباب طيب كويس قوي يعني ان انت جورج وانت مينا. خدوا بالكم يعني والنبي جه كان هيزعل اوي لو كنتم طلعتم محمد واحمد وابراهيم. الحمد لله ان انتم شفتم يوحنا ومينا. طلعوا بيشتغلوه. فهو قام قالبها عليهم. شاب منهم كان هيعيط. او بكى فعلا النهاية من من التبكيت اللي هو بيبكيته. انت بتتنصل من دينك عشان ما تسمعش كلمتين يزكروك به. يا جماعة الواقع فعلا بقى بعيد ما عدش ينفع ان احنا نتعامل آآ تعامل هواة. هم محترفين. هم سحرة محترفين. احنا لسة بنتعامل تعامل هواة عارفين اللي هو داخل بتاع بيعمل كده؟ ها مش التاني عامل له كده وده ايه؟ وده كده هتيجي كده ازاي؟ يعني ازاي هو يغلبه محترفين؟ لازم نبقى احنا كمان محترفين في الحق. دين ربنا يستاهل ان احنا نحترف من اجله. دين ربنا يستاهل ان احنا نتضلع منه. دين ربنا يستاهل ان احنا نتعلم تعلم حقيقي والناس اول ما بيشوفوا هو الناس ليه ؟ يعني مشايخنا الناس يعني ملايين. الناس عبر العالم ليه ملايين الناس عبر العالم سلمت قلوبها للمشايخ بتوعنا ؟ لانه لقى واحد بيتكلم في الدين ده علم. واحد بيتكلم بعلم، فيه فرق وواحد بيتكلم بمشاعر وخواطر، واحد بيتكلم بعلم عايزين الوقتي ان شاء الله بازن الله آآ آآ يعني نتكلم عشر دقايق كده يا اخواني عن الطواف. سريعا بازن الله سبحانه وتعالى. لان ده يعني آآ اهم بالنسبة لنا في مكة دلوقتي. اهم موضوع الطواف الطواف. يعني اللي بياكل اكلة حلوة نفسه يكلم الناس كلها عنها. اللي بيروح مكان حلو عايز يكلم الناس كله عن اومال اللي يدخل الجنة؟ جنة الطواف. الطواف هو ارقى عمل على وجه الارض. قال تعالى واذن في الناس بالحج يأتوك رجال وعلى كل ضامر يأتينا من كل فج ايه؟ عميق المفسرين وقفوا قالوا هو ربنا قال ليه يأتينا من كل فج عميق؟ مش ياتينا من كل فج ايه بعيد ليه من كل فج عميق؟ قال لك لاني بعيد يعني حاجة بعيدة. قال لك انما عميق يعني تحت. فكأن اللي جاي يقرب من مكة كل ما بيقرب كل ما بايه كل ما بيعلى كأن مكة دي قمة العالم. كأن الطواف ده قمة الحياة كلها. فاللي قاعد يقرب من الطواف كل ما بيقرب من خوف ايه ؟ كل ما قلبه بيتوهق كل ما بيعلى. كل ما بيرتقي كل ما بيوصل للقمة. بل الطواف هو جنة الملائكة. قال تعالى وسيق الذين اتقوا ربهم الى الجنة زمرا. ربنا بيوصف المؤمنين وهم زمرة رايحين الجنة حتى اذا جاءوها وفتحت ابوابها. اللهم اجعلنا من اهل الفردوس الاعلى يا رب وقال لهم خزنتها سلام عليكم طبتم فادخلوها خالدين. وقالوا الحمد لله الذي صدقنا وعده واورثنا الارض نتبوأ من الجنة حيث نشاء. فنعم اجر العاملين. كل ده وصف في نعيم اهل الجنة. لسه في اية في السورة يا جماعة في سورة الزمر. الاية اللي بعد كده ايه وترى الملائكة حاسين من حول العرش اللي هو عنوان الدرس بتاعنا ده. وترى الملائكة حاسين من حول الارض اليك قاعدة تطوف حوالين عرش الله. يسبحون بحمد ربهم وقضي بينهم بالحق. وقيل الحمد لله رب العالمين. فبعض المفسرين قال لك ايه الترابط لان كل اية مترابطة مع اللي قبلها ومع اللي بعدها اعجاز الترابط الموضوعي في القرآن. فقالوا ايه الترابط؟ ربنا كان بيتكلم عن نعيم اهل الجنة. ها؟ يعني كان لو الصورة ختمت هنا كان بقى مشهد جميل قوي ان اهل الجنة دخلوا الجنة وبيحمدوا ربنا. طب ليه المشهد بتاع طواف الملائكة حول العرش ده؟ فقالوا ان هذا ها هو جنة الملائكة. ان المسلمين المؤمنين تعبوا. فربنا بيقول اديتهم الجنة. طب يا رب الملايكة عبدوك اكتر من البشر. طب هو نعيم الملايكة ايه هو سواب الملائكة مقابل العبادة اللي عبدوها ايه ؟ فقالوا ان الطواف جنة الملايكة. يعني الطواف ده نعيم الملائكة. بعد ما زكر والله نعيم المؤمنين زكر النبي الملكي. يعني الطواف ده جنة. الطواف ده جنة وحقيقي. الطواف هو عبادة ملائكة الملأ الاعلى. بل عبادة ملائكة السماوات السبعة. ما فيش ولا سما من السماوات الا فيها مكان زي الكعبة. ملايكة هذا السماء تطوف حوله. السماء الاولى بيت العزة. السماء السبعة ايه؟ البيت المعمور خد بالك ان ملائكة السماء السبعة كل يوم يدخل البيت المعمور سبعين الف ملك. يفضلوا يطوفوا حواليه. وبعد كده يتركوه. فلا يعودوا له. من ثم ربنا خلق السماء السابعة والبيت المعمور كل يوم سبعين الف ملك جديد ولحد دلوقتي ملايكة السماء السبع ما خلصتش. يعني كل ملك في السماء السابعة تأشيرته الطواف كان مدتها قد ايه؟ يوم واحد يوم واحد كل ملائكة السماء السبع تأشيرة امكانيته لعبادة الطواف يوم واحد في عمره كله. يوم واحد في حياته كلها شوفوا كرم ربنا معك. ان ربنا فاتح لك بيته لو عايز تجاور ليل نهار. لو عايز تعيش هنا والطفل النهار طفل النهار. تخيل بقى يعني لو انت حياتك كلها لا يسمح لك بالطواف مع عبادة الطواف غير. يوم واحد في عمرك كله. تخيل بقى عشان تعرف قيمة هزه العبادة. فشوف الوقت كرم عليك الطواف هو عبادة الكون كله وعبادة كل ذرة في الكون. انت وانت بتطوف حوالين الكعبة الكعبة اهي زي الميكروفون وانت بتطوف ازاي بتطوف كده صح؟ يعني عكس عقارب الساعة مزبوط؟ الشمس اعتبر ان دي الشمس بقى. ودي الارض اهي والكواكب بيطوفوا حوالين الشمس برضو وفي نفس الايه ؟ في نفس الاتجاه عكس عقارب الساعة. جميع المجرات اللي بتطوف حوالين المراكز المجرية. وجميع وحوالين مركز مركز الكون وجميع الاقمار اللي بتدور حوالين الكواكب. وجميع الكواكب اللي بتطوف حوالين النجوم. وجميع النجوم اللي بتطوف حوالين مركز المجارة بتاعتها انها تطوف عكس عقارب الساعة. بل الزرات نفسها لما اكتشفوا الزرات بقى لقوا ان كل الالكترونات بتطوف حوالين الزرات مليون مرة في الثانية يعني لو ده تسبيح الالكترونات الالكترون بيسبح ربنا مليون مرة في الثانية. مليون مرة في الثانية عكس عقارب الساعة. فلقوا ان ما فيش لا ظرف ولا مجرة في الكون كله الا بتطوف عكس عقارب الساعة. فانت لما تيجي تطوف انت تنضم للحركة الكونية تتوافق مع حركة الكون كله فالكون كله يطوف لله سبحانه وتعالى. الطواف عبادة سوابها عالي اوي يا جماعة قال رسول الله صلى الله عليه وسلم ينزل كل يوم مئة وعشرين رحمة على آآ آآ الكعبة. ستون للطائفين واربعون المصلين يبقى ستين يعني نص رحمات. الحرم المكي كله لمين؟ ها؟ للكزا الف واحد اللي بيطوفوا. نص رحمات نازلة للمجموعة اللي بتطوف بس. ونص الرحمات الباقية متوزعة على كل الناس. اللي في الحرم المكي والصحن اللي حواليه. فتخيلي اللي بيطوفوا دول نص الرحمات. نص اجابة الدعوات. نص العطاءات. نص الكرامات. نص النفحات للناس اللي قاعدة بتطوف بها لوحدها. ستون للطائفين واربعون للمصلين. يبقى اللي سوابه اعلى الصلاة ولا الطواف الطواف. طب ازا كان وده قول الامام مالك. طب ازا كان الصلاة بميت الف ضعف. يبقى تخيل الطواف يبقى سوابه قد ايه بقى؟ يعني ازا كان الصلاة بميت الف ضعف الطواف سببه ايه؟ قال رسول الله صلى الله عليه وسلم من طاف بالبيت اسبوعا لا لغو فيه يعني سبع اشواط من غير لغو. هو الكلام في الطواف جائز ولكن لو انت توفت بقى بس كلها زكر بقى كان كعدل رقبة. وقال النبي صلى الله عليه وسلم من طاف بالبيت سم صلى ركعتين كان عتق رقبة. يبقى عشان تاخد سواب عتق رقبة. النبي قال كم شرط؟ ها كم شرط؟ اتنين خليهم تلاتة. واحد تطوف سبع تشواط. اتنين. استنى انا اسف انا اسف. سم صلى ركعتين. من طاف ببيتي سم صلى ركعتين كان عتق رقبة طوف ايه؟ سبع تشواط. اتنين صلي ركعتين بعدهم. تلاتة! لا لغو فيه. خلاص؟ طب يعني لازم بعد كل طواف اصلي ركعتين؟ لأ مش لازم بعد كل صلاة بتصلي ركعتين. ولكن يعني لو انت حبيت تعملها ايه ؟ كاملة وتاخد سواب عتق الرقبة. عشان كده يا جماعة الجزاء من جنس العمل. تلاقي كلمة الطواف ديت في ايات يطاف عليهم بصحاف من ذهب واكواب. يطوف عليهم غلمان لهم. يطوف عليهم ولدان مخلدون. يطوف يطوف ليه؟ لانهم طافوا في طاعة الله. لانهم كانوا يطوفون بين الاعمال الصالحة. فجزاء من جنس العمل يطاف عليهم بانواع خدمة جزاء من جنس العمل بل في ايات النار يطوفون بينها وبين حميم الان كما طافوا بين اصناف المعاصي. يعني الطواف ده عشان احزر من طواف الكزابين. احزر انك تبقى بتطوف بجسمك حوالين الكعبة. وبتطوف بقلبك حوالين شهوات الدنيا احزر من عمرة الكزابين. احزر انك تبقى بتسعى بجسمك بين الصفا والمروة وترجع من العمرة لكل سعيك يبقى عشان اهلك ده في الدنيا احزر من تلبية الكزابين. احزر انك تقعد تقول لبيك اللهم لبيك. انا تحت امر شرعك يا رب. وترجع تاكل ربا بنوك وترجع تاكل مال حرام وترجع تاكل رشوة وترجع تعق والديك وترجع تقطع رحمك وترجع تعق جيرانك احزر احزر من عمرة الكزابين. احزر من طواف الكزابين. عشان كده يا اخواني في الله يعني الصالحين كان لهم علو همة عالي جدا في الطواف. سيدنا عبدالله ابن عمر وهو بيطوف فجه اه اه يعني حد من ابناء سيدنا اه الزبير ابن العوام يعني لا اذكر مين تقريبا عروة ابن الزبير يخطب بنته. فسيدنا آآ ابن عمر ما ردش عليه. فزعل بقى يعني من الزبير زعل. فجا له سيدنا ابن عمر قال له لا تحزن. كنا يعني انا ما رديت لأ انا ما رفضتش انك تخطب بنتي. انا مش معنى كده ان انا رافض ان انا اجوزك بنتي. وانما كنا نطوف ونحن نتخايل الله بين اعيننا. احنا كنا بنطوف وكأن جلال ربنا كأن قلوبنا ديت تبصر جلال الله وملكوت الا من كتر الرهبة بتاعة الطواف ده عبادة مهولة. الطواف ده حفينا من حول العرش. احنا قاعدين الوقتي والملايكة الملأ الاعلى حافينا من حول العرش. عبادة جبارة. عبادة انت تشابه بها ملائكة السماء السابعة. العلوة اما سيدنا آآ آآ آآ ابن الزبير آآ عبدالله بن الزبير لما نزل سيل على الكعبة فغرقت الكعبة بقى الماية آآ ارتفاع امطار حواليها سيدنا عبدالله بن الزبير طاف سباحة طاف سباحة يعني ايه عام حوالين الكعبة آآ طواف سبع تشواط بالسباحة وكان بطل من الابطال يعني في العبادات بتاعته احد اصحاب النبي عليه الصلاة والسلام كان ازا جاء الى مكة طاف بعدد الايام التي تغيب فيها عن مكة. يعني ايه؟ يعني عايز يقابل ربنا كل يوم من عمره بشوط حوالين الكعبة. في كل يوم من عمره شوط حوالين الكعبة. فالطواف ده كان فيه همم عالية. وليس للصالحين فقط همة في الطواف. بل اهل الفساد والباطل او مهمة في الطواف. الطواف زكر في القرآن مع اهل الباطل يا جماعة الطواف زكر في القرآن مع رأس الباطل كله اذا مسهم طائف من الشيطان تذكروا يعني ايه طائف؟ يعني الشيطان قاعد زي ما انت بتطوف حوالين الكعبة كده الشيطان قاعد يطوف حواليك قاعد يطوف حواليك. يطوف يعني ايه؟ ما انت انت يعني ايه بتطوف؟ بتطوف يعني ايه؟ يعني مسلا قطة خدت ولادها حبستهم في اوضة. قاعدة تطوف حوالين الاوضة دور على مدخل فالشيطان قاعد يلف حواليك يدور لك على ايه ؟ على مدخل يا ترى ده مدخله فتنة النساء ولا مدخله المركز وشكله ومنظره ولا الفلوس ولا مدخله مدخلك ايه مدخلك ايه مش كلمة مرعبة طائف من الشيطان دي كلمة مرعبة معناها الشيطان ده عامل زي الحرام اللي قاعد يلف حوالين الفيلا يدور على باب اتساب موارب على شباك اتسب وارب يدخل يقتل منه صاحب الفيلا ويسرقه. يبقى قضية يعني الطواف ده معنى كبير اوي يا جماعة. معنى كبير جدا يعني عايزين نتكلم عن ثمرة الطواف. الطواف ده مدرسة تربوية. مدرسة في التغيير. مدرسة يا دكتور وليد دايما يتكلم في آآ تغيير شخصية يعني وهزا يعني بالنسبة لي من اكتر الموضوع اللي انا مهتم بها في حياتي. صناعة الشخصية القيادية. صناعة الشخصية التغييرية. صناعة الوصية اللي صناعة العقلية عقلية النجاح. فهل الطواف ده مدرسة في القلبيات بس؟ ولا الطواف ده مدرسة في النجاح في الحياة يعني ايه مدرسة في النجاح وبناء الشخصية التغييرية؟ تغريدة مين؟ هو الطواف ده مش ان انا بطوف بقى وباقول يا رب هو الطواف يا جماعة مدرسة. الطواف ده بيعلمك انك تبقى شخصية تغيير في الحياة. بيعلمك قواعد النجاح في الحياة. اول حاجة قبل ما بتبدأ تطوف تستلم الحجر. تستلم الحجر ليه؟ من الاول. الحجر ده قطعة من الجنة. افتكر الهدف اللي انت هتطوف عشانه. افتكر الهدف اللي انت هتعرق عشانه. افتكر الهدف اللي انت هتتعب عشانه. التارجت ان كل واحد لازم يبقى له هدف. اللي ما لوش هدف مش هيصبر على لواء الطريق. يبقى اول حاجة من قواعد النجاح في الحياة ان يبقى لك هدف وتقف تستحضر الهدف قبل ما تنطلق عشان مهما قابلت من تفتكر الهدف. الحاجة التانية الطواف ده فيه مشاعر قلبية مهولة. اول شعور في الطواف ايه ؟ ها وانت يعني ايه بتطوف ؟ الطواف ده يا جماعة اصلا فعل غريب جدا. يعني الطواف ده معانيه القلبية مش ما تيجي غير لما تفهم اصلا معنى الحركة. اول حاجة مسلا النبي عليه الصلاة والسلام قال على القطط ايه؟ هم الطوافون عليكم. والطوافات رايح جاي. معنى الطوافون عليكم والطوافات ان فيه انس ما بين الانسان وما بين هزا الكائن. فمعنى الطواف من معاني الطواف الانس بالله. الائتناس العظيم بالله. انت حاسس بالانس بالله ده فعلا؟ الانس بالله ده فعلا لو انا الوقت قلت لك فيه درس عن ربنا يزلزل القلب في الصين. بس هتركب طيارة لوحدك وتروح تعيش لوحدك وتقدر ما هو ده الانس بالله انك تقدر تخوض غمار الحياة لوحدك وربنا معك سيجعل لهم الرحمن ودا. ربنا يملى قلبك انس به ويملأ قلوب الخلق انس بك. على قد ما قلبك يتملى انس بالله سبحانه وتعالى. انس بالله. الحاجة التانية ان الطواف ده يا جماعة انت بتلف. وبعد فتخلص اللفة تلاقي نفسك فين في نفس النقطة اللي كنت بادئ منها. تقوم تلف تاني. وتتعب وتعرق. وبعد ما خلصت تبص تلاقي ايه؟ انت في نفس النقطة اللي انت بادئ منها تلف تالت وتتعب وتبان بعد كده تلاقي نفسك فين ؟ في نفس فالطواف من معانيه الحيرة. الحيرة الطواف يعني انسان محتار يعني ايه محتار؟ اوصل لك ازاي يا رب؟ افتح لي باب ادخل عليك منه يا ملك الملك. وصلني لك مش عارف اوصلك فمن معانيه الافتقار الافتقار الى الله سبحانه وتعالى. من معانيه الافتقار. يعني زي ما قلت لكم كده زي القطة اللي تقعد تلف حوالين البيت الحب والشوق. اوصل لك ازاي افتح لي باب اوصل لك منه يا رب. معاني. فالحاجة التانية من قواعد النجاح في الحياة في الطواف انه بيربطك بالله ربط عزيم اوي. وبيصلك بالله صلة تستغني بها عن المخلوق. من اهم اسباب فشل الناس في الحياة. الاعتمادية النفسية على المخلوق. مش الاعتمادية النفسية على الخالق. الاعتمادية النفسية على المخلوق ده من اشهر الامراض في الطب النفسي اللي اتكلموا كتير جدا في علاجه. ما اقدرش ازاكر الا لو حد سندني ما اقدرش ما اقدرش. لأ الصحبة الصالحة مش معناها انك تبقى فاشل وانت لوحدك فالطواف بيعلمك ان تستغني بصلتك بالله عن اي صلة بمخلوق. طيب الحاجة التالتة في الطواف ايه؟ شوفوا بقى انا قاعد اقول لكم ايه شعور الافتقار شعور الانس بالله وشعور الحب والشوق. اللي عايش مع المشاعر دي بيفكر في حاجة اللي عايش مع المشاعر ديت فاكر حاجة؟ تلاقي النبي وهو بيطوف يقوم يطبع يطبع عليه عشان العضلات تبان. عشان الرجالة كده تبان عضلاتهم قدام الكفار. والنبي عليه الصلاة والسلام بيطوف. والكفار يشوفوا من المسلمين بادي بيلدو ان المسلمين مش كروش ومش آآ مترهلين وان المسلمين اقويا وحاجة كمال اجسام وحاجة ترعب وتفزع وكمان النبي يعمل رمل. رمل يعني ايه؟ جري في المحل. يعني احنا اقوياء. واللياقة البدنية بتاعتنا قوية. ومش اول شوط كسرنا ولا تاني شوط كسرنا منه. ده احنا تلات اشواط ورا بعض حوالين الكعبة بالرمل. عشان نقول لكم ان احنا لياقتنا قادرة على المواصلة. هو ايه ده ايه ده! الاتنين دول يتركبوا مع بعض ازاي! ازاي تركب الانس بالله! يا ربي! معنى جبار لو فهمناه. انزل بالله والشوق والافتقار تلاقيه دايما الاخ ده فاشل في دراسته. آآ والده يكلمه يقعد يبص لوالده كده لحد ما بيقول له يا ابني غور من قدامي مش عايز اشوفك اصلا. خلاص انا اعتبر ان انا ما خلفتش حد اصلا ييجي يتجوز يسيب مراته ويفضل في الجامع هو ده بقى بتاع الانس بالله تفاجأ ان بتاع الانس بالله قبح وبادي بيلت ورمل ولياقة بدنية وبيحافز على صورة الاسلام قدام الكفار وقدام العالم وفاهم قضية كسب الرأي العام اسمها ايه ولافتة انزار الناس دي خدوها يبقى مش معنى الربانية والمشاعر ان انت تبقى درويش مش معناها انك تبقى مش واقعي. يبقى الواقعية من قواعد النجاح في الحياة انك تفهم انك عايش في واقع. انك تفهم ها يعني زي ايه؟ اللي داخل منازرة داخل كده. يعني داخل كده ازاي يا ابني! ما هو لا قواعد ولها اليات ولها دراسة ولها علم. شف منازرات القرآن كان شكلها ايه! شف موسى لما نازر فرعون يعني انت عارف اللي هو واحد بيجي يضربك كده تقوم واخد الضربة على ايدك وتقوم قلبه. يعني جاب فرعون الارض. جاب فرعون لمس اكتاف. وفرعون جاي يكلموه في اول سورة الشعراء سيدنا ابراهيم وقومه فالطواف مدرسة تربوية. رابع حاجة بعد قضية الهدف في التارجت. وبعد قضية الصلاة بالله والاستغناء بالخالق عن المخلوق. والقدرة على ان تسير ان فقدت اي مخلوق او عون اي مخلوق. رقم تلاتة الشخصية الواقعية الواقعية زات الاعتبارات الواقعية اللي ابعاد الواقع مرسومة في حساباتنا كويس جدا. رقم اربعة ان بعد الطواف ها كان مفروض بقى بعد الطواف بقى ايه الله اكبر خلاص خلصت العمرة. وينتهي المشهد بقى. بقى تنزل بقى كده ايه المشهد الاخير عليك وانت بتبكي بقى. انما المشهد الاخير في العمرة ايه؟ سعي مش طواف. المشهد الاخير في العمرة ساعي. فيه فرق بين السعي والطواف. اه طبعا فيه فرق بين السعي والطواف. الطواف انت قاعد تلف واحد هايم. واحد اوصل لك منين يا رب؟ الساعة وبترجع لنفس النقطة الطواف السعي انت عارف هدفك. انت رايح الصفا. راجع على المروة. راجع على انت واحد عارف انت رايح فين. عارف انت بتعمل ايه لك وجهة محددة. يبقى انت محتاج الشخصيتين محتاج شخصية المفتقر اللي مرمي على اعتاب الملك. اللي بيقول له وصلني يا رب انا ما اعرفش اوصل بنفسي. لن اصل اليك الا بك يا ملك الملك ومحتاج شخصية الساعي. المجاهد اللي له وجهة. المصمم اللي بيخبط على الباب بتاع الصفا وبعد كده يقول لأ انا مش هخبط على باب واحد بس طريقه لربنا. فيه باب تاني اسمه المروة اروح اخبط عليه. يروح يخبط على كل الابواب اللي ممكن توصله لربنا. وبعد ما يخبط على باب هو انا خبطت مرة ما اتفتحش هارجع اخبط على الصفا تاني. وهارجع اخبط على الصفا تالت. لما هاخبط على الباب هاخبط الف مرة. ولما هاخبط هاخبط على كل ما ربنا مش انا هجاهد في كل الابواب. هجاهد في كل السبل اللي توصلني لك يا رب. مش هسيب الشيطان يقطع علي طريق واحد يوصلني لك ايه ده يا جماعة! شخصية الساعي غير شخصية الطائف. شخصية الطائف شخصية ربانية جدا. عالية جدا. شخصية الساعي شخصية قوية جدا حركية جدا. منظمة جدا. مصر مصمم هيموت وهو رافع الراية. ايه ده! يبقى القضية مش قضية معاني قلبية بس القضية ان الدين ده بيعلمك ازاي تبقى انسان ناجح. لما تيجي تبص بقى قدامك على ان ده دينا ودي معاني دينا. تتكسف من نفسك قوي تفتكر النملة اللي حبت الجمل فراحت قالت له انا باحبك وباموت فيك. ولو انت ما تجوزتنيش وعشت معي انا هانتحر وهاموت نفسي. هاولع في نفسي وهتبقى قدام ربنا انت بقى اللي تشيلها الجمل مشي وراه. طبعا انتم عارفين الجمل مشي وراها. لحد ما وصل للبيت الصغنن خالص بتاعها. فالجمل بيبص مجنونة دي ولا ايه؟ اعيش هنا ازاي مجانين دول ولا بيحسبوها ازاي ؟ الاسلام المسلمين دول حسبوها ازاي ؟ فقال لها اما ان تتخذي بيتا يليق وبمحبوبك او تتخذي محبوبا يليق ببيتك. يا اما تبقوا على قد الاسلام. يا اما يا عم يعني مش قادر انطق واقول نرحم الاسلام مننا بقينا سب على هزا الدين بقينا سبب عدم دخول الناس فيه. بقينا سبب نفور الناس منه. بقينا اكبر عائق في وطريق دخول غير المسلمين اسلام اللي بيقرا على الاسلام في الورق بيزهل. اللي بيشوف المسلمين بيتقفل. بيتقفل وما بيصدقش الكلام اللي قرأه على الورق. ازاي نبقى على قد دينا؟ ازاي نبقى على قد المسئولية ازاي ما يجيش علماني ما هوش فاهم حاجة. ما هوش فاهم حاجة. ولكن معتمد ان الدنيا دروشة عندنا. فاللي بيطلع يتكلم كثير منه بيطلع وهو مش جاي ازاي تبقى انسان مليء ممتلئ علم حتى اذا اقلت سحابا سقالا سقناه لبلد ميت. تقدر تبقى انت السحاب السقال ده. تقدر تبقى انت الانسان اللي مليان بالمعنى تقدري تبقي انت الانسانة اللي مليانة بمعاني القرآن والسنة وفهم الواقع ربنا يسوقك لبلد ميتة لامة من النساء ميتة لسكشن من صحابك في الدراسة ميتين قلوبهم ميتة ربنا يحيي بك الواقع. تبقى شخصية تغييرية تبقى زي زي سيدنا عيسى مباركا اينما كنت. الطواف يا جماعة ان شاء الله بازن الله في النهاية هنعمل ايه في الطواف واحد يقول انا مش لاقي حاجة اقولها في السبع اشواط. هاقول له عيب يا اخي. عيب. ملايكة السماء السبعة الملأ الاعلى حافين من حول العرش في حاجة اسمها مش عارف حاجة اقولها. في حاجة اسمها في الطواف اعلى عبادة في الحياة. ما انتاش عارف حاجة تقولها. ازاي يا ابني؟ يا عمي خد شوط تسبيح وشوط استغفار وشوط حمد على نعم ربنا. طب عايز ادعي خد يا عم شوط ادعي فيه لدنيتك يا رب يا رب انا عايز اتجوز وعايزة عريس حلو يا رب ويكون غني ويكون ملياردير ويكون يا رب وعايز يا رب اخلف عيال شباب بتوع البامبرز يا رب. وعايزة يا رب آآ افضل يا رب زي القمر طول حياتي كده. مش كنا بنقول ايه لحد ما يبقى عندي سبعين سنة وانا زي القمر كده يا رب. والناس كلها تبص لي وتقول ما شاء الله على الجمال المذهل اللي ماشي في الشارع. يبقى شوط ويا رب وعايزة روقني واشفني ونجحني واغنيني ماشي وبعد كده شوط ادعي لدينك بقى يا رب قلبي يا رب طهر قلبي يا رب استعملني نصرة دينك يا رب يا رب شرفني بقيام الليل بين ايديك. يا رب زكي نفسي من امراض النفوس اللي هتضيعني. بعد كده شوط لاخرتك بقى يا اخي. يا رب الجنة يا رب ارزقنا الفردوس الاعلى. يا رب نجيني من النار ومن عزاب القبر ومن سكرات الموت. بعد كده شف بقى يا رب جارت فلانة ارزقها الزرية الصالحة. يا رب صاحب فلان اشف له ابنه. يا رب امي الله يرحمها ارحمها يا رب. يا رب وممكن يبقى شوط لوالدك ووالدك كمان. وبعد كده شوط يدعي للامة. يا رب سور ينقزها. يا رب مضايا فرج كربون. يا رب اخوانا المزلومين صوت بقى له هموم الامة. كده وصلنا كم شوط لحد دلوقتي يعني انا انا اعرف ناس يعني ممكن يطوف سبعة اشواط مسلا بالتسبيح بس. سبع تشواط يعني زمان يا جماعة يعني ايام الحرم انا كنت اعرف اخوة والله ما كانت تطوف من تحت ولا تعرف الطواف من تحت اصلا شكله ايه. او ما يطوفوش غير من فوق. ايام ما كان الحرم مبني من فوق. من فوق ده كيلو ونص تقريبا. يعني تخيل سبع اشواط ده بقى خلصهم في قد ايه؟ يعني يعني يا اخوانا الطواف ده حياة. الطواف ده مدرسة. الطواف ده شعور مهول. مهول. فعايزين بازن الله سبحانه وتعالى يعني طوف يا عم وانت بتقرا القرآن طوف وانت بتسمع القرآن. طب اطوف قد ايه والله الكلام الواقعي اللي يتناسب مع طاقة الجميع. يا عم على الاقل مرة بالنهار ومرة بالليل. على الاقل اما تصحى لقيام الليل ادخل اول حاجة اعملها طوف وادعي ربنا في التلت الاخير من الليل في الوقت الخطير ده. وبالنهار مرة بقى بعد الفجر. اه بعد الضهر بعد العصر انت حر بقى. يعني يبقى على الاقل مرة بالنهار ومرة بالليل يعني ده اقل شيء. عايز تطوف بعد كل صلاة تطوف. واحد النهارده بيقول لي طب لو عايزك تكتر يا عم اقعد توف اربعة وعشرين ساعة. يا عم افضل عبادة هنا اصلا هي الطواف. ما فيش عبادة افضل من القافلة تعبت من الطواف تعال بقى صلي وانت واقف او انت قاعد عشان تاخد سواب الميت الف ايه عشان تاخد سواب الميت الف صلاة ان شاء الله بازن الله اخواني واخواتي في الله عايزين آآ آآ بالنسبة الاخوات النساء آآ احنا مفتقدين كسير من يعني شوفوا منزر الرجالة منظر الرجالة يفرح. شوفوا منظر الستات يحزن. صح ولا ايه ولا انا مش شايف ؟ لأ منزر الستات برضو يحزن شوية مش زي الرجالة ما شاء الله لا قوة الا بالله الرجالة ايه ها قولوا يا رجالة وقولوا الله اكبر ان شاء الله شف بس اتطلع وقول الله اكبر هنقعد نضحك عليهم الوقتي. ها فاحنا دلوقتي عايزين آآ آآ ان شاء الله بازن الله يعني بقية الايمان النسائية تقوى يعني النهاردة كنا عاملين اجتماع مع المشرفات ربنا يبارك فيه بقى وام سعد وام اسلام وام زياد وان شاء الله بازن الله ام معاز اعتقد انها زمانها آآ وصلت يعني عايزين يا اخواننا يبقى فيه ارتباط ما بين النساء وبعض اكتر من كده. امبارح جلسات التعارف الرجالية في الحرم في جلسة الضحى كانت تحفة. ليه ما جلسة التعرف امبارح ما عملتوهاش. بكام واحدة من الاخوات بتقعد في المكان المقام اللي في ضهرنا على طول؟ ترفع ايديها كم واحدة من الاخوات اللي معنا بتقعد في المكان المقامي اللي في ضهرنا على طول طيب جميل اللي ما رفعوش ايديهم دول كلهم ما بيقعدوش ليه المكان حر من الضهر للعصر هو من الضهر للعصر بس. وكمان فيه ضوء ليلة. من الضهر للعصر. يا ستي استحملي في سبيل الله. بس عشان تتقابلي مع اخواتك. ما احنا لازم ندفع تمن بيئة الايمان يا جماعة. لازم ندفع تمنها. انا عايز ان شاء الله بازن الله. كل الرجالة يختفوا من هنا مش عايزين نشوف ولا ايه ولا لحية في هزا المكان. مش عايزين نشوف ولا راجل. ها عايزين النساء يقعدوا الوقتي بازن الله سبحانه وتعالى خمس دقايق بس خمس دقايق يتفقوا مع المشرفات على تصحية قيام الليل لان انا بحزن واحنا قاعدين امبارح نصحي في قيام الليل الرجالة ما شاء الله كلها بتقوم فورا. والستات مش بيرد خالص. يعني تخبط كده نادر لو حد رد. فيعني فحاجة تحزن يا جماعة. يعني المفروض ان اللي انا اعرفه ان الستات همتي اعلى من الرجالة بكتير. ولا ايه يا جماعة ولا ده آآ يعني فاحنا عايزين الوقتي المشرفات الاخوة الرجالة يقعدوا مكانهم. تعال يا حبيبي اقعد مكانك اقعد مكانك يا شيخ محمد الستات يقعدوا الوقتي مع المشرفات بتوعهم. يعني انا هاجي لكم تلات دقايق بالزبط بازن الله سبحانه وتعالى. واسيبكم مع بعض عشان تتفقوا على قيام الليل على التواجد في المكان المقامي على جلسات جلسة التعارف بتاعة الفجر النهاردة جلسة الضحى تقضوها في التعارف بينكم وبين بعض بازن الله. عيب ان فيكم ناس ما حدش عارف عنهم حاجة ولا هم عارفين عن حد حاجة. خلاص يا اخوانا ان شاء الله بازن الله بكرة ايه؟ الاربع. يوم الخميس ان شاء ميت ميت الف اعتكاف. وميت الف يوم صيام. انتم عارفين على على يعني فيه قول ان الصيام هنا بميت الف. فيه قول بقى احنا هنعتكف يوم الخميس ان شاء الله هنتسحر كل واحد هيتسحر وهينزل الحرم. هنفضل معتكفين من قيام الليل لحد العشاء. بازن الله اللي هنبقى صايمين بازن سبحانه وتعالى. وهنرجع هنا نفطر مع بعض. بس ان شاء الله بازن الله الفطار مش هيتأخر بقى المرة دي. بازن الله. مش هيتأخر ومش هيبقى زي المرة اللي فاتت خالص يعني ان شاء الله اه اه وهيبقى اعتكاف بميت الف اعتكاف. شوفوا في رمضان بنعتكف عشر تيام وبنتعب عشانهم قد ايه. انت الوقتي عندك فرصة مية الف يوم اعتكاف يبقوا في ميزانك فنتجهز بكرة يا جماعة عشان ان شاء الله بازن الله. قيام الليل مش اللي جاي ده اللي بعده بقى. اللي هو اللي هو فجر الخميس هنتسحر وهننزل نعتكف ونصوم بازن الله ربنا يسددكم وربنا يبارك فيكم. وعايزين ارتباط يعني الاخوة اللي قدامي دول. كم واحد فيهم من الشباب بقى كان معنا النهاردة في بيت الايمان ده كم واحد من الفجر كده جه في بيت الامام عايز تعرف مكانها آآ تعالى الساعة تلاتة في بهو الفندق. تلاتة الفجر وانت هتلاقينا رايحين ان شاء الله اللي ما كانوش موجودين بقى ما كانوش موجودين ليه ها اللي ما جوش بيت الامام معنا ما يكونوش موجودين ليش يعني عايزين يا جماعة هم خلاص يومين اخواننا باقيين وانما الاعمال بالخواتيم ربنا يسددكم ربنا يبارك فيكم. ربنا يجزي دكتور وليد فتحي خير الجزاء ربنا يستعملنا ولا يستبدل بنا