1
00:00:01.450 --> 00:00:20.900
ان الحمد لله تعالى نحمده ونستعين به ونستغفره ونعوذ بالله تعالى من شرور انفسنا وسيئات اعمالنا من يهدي الله تعالى فلا مضل له. ومن يضلل فلا هادي له واشهد ان لا اله الا الله وحده لا شريك له

2
00:00:21.150 --> 00:00:44.200
واشهد ان محمدا عبده ورسوله اما بعد فان اصدق الحديث كتاب الله تعالى واحسن الهدي هدي محمد صلى الله عليه واله وسلم وشر الامور محدثاتها وكل محدثة بدعة وكل بدعة ضلالة وكل ضلالة في النار

3
00:00:44.250 --> 00:01:01.850
اللهم صل على محمد وعلى ال محمد كما صليت على ابراهيم وعلى ال ابراهيم في العالمين انك حميد مجيد وبارك على محمد وعلى آل محمد كما باركت على ابراهيم وعلى آل ابراهيم

4
00:01:01.900 --> 00:01:25.100
في العالمين انك حميد مجيد قال الامام ابو عبدالله محمد بن اسماعيل البخاري رحمه الله تعالى باب في الامل وطوله وقول الله تعالى فمن زحزح عن النار وادخل الجنة فقد فاز

5
00:01:25.250 --> 00:01:58.100
وما الحياة الدنيا الا متاع الغرور وقال بمزحزحه بمباعده وقوله ذرهم يأكلوا ويتمتعوا ويلههم الأمل فسوف يعلمون  وقال علي ارتحلت الدنيا مدبرة والاخرة مقبلة ولكل واحدة منها بنون. ولكل واحدة منهما بنون

6
00:01:58.350 --> 00:02:20.500
فكونوا من ابناء الاخرة ولا تكونوا من ابناء الدنيا فان اليوم عمل ولا حساب وغدا حساب ولا عمل حدثنا صدقة ابن الفضل اخبرنا يحيى بن سعيد عن سفيان قال حدثني ابي

7
00:02:20.700 --> 00:02:41.600
عن منذر عن ربيع بن خثيم عن عبدالله رضي الله عنه قال خط النبي صلى الله عليه عليه واله وسلم خطا مربعا وخط خطا في الوسط خارجا منه وخططا صغارا

8
00:02:41.650 --> 00:03:04.500
الى هذا الذي في الوسط من جانبه الذي في الوسط وقال هذا الانسان وهذا اجله محيط به. او قد احاط به وهذا الذي هو خارج امله وهذه الخطط الصغار الاعراض

9
00:03:04.650 --> 00:03:33.400
فان اخطأه هذا نهشه هذا وان اخطأه هذا نهشه هذا آآ هذا هو الباب الرابع الذي عقده الامام البخاري رحمه الله في كتاب الرقاق سبقه باب قول النبي صلى الله عليه وسلم كن في الدنيا كأنك غريب او عابر سبيل

10
00:03:35.350 --> 00:03:57.200
اه وقد ذكرت قبل ذلك ان الامام البخاري رحمه الله رتب اه ابواب هذا الكتاب ترتيبا بديعا لا يصل الى حقيقة ما يريد البخاري رحمه الله الا المتأمل وهذا كان من عادة الائمة القدامى

11
00:03:57.600 --> 00:04:18.150
كانوا يتكلمون بما يشبه الان الشفرة بما يشبه الشفرة يعني يحتاج الانسان ان يعمل عقله وان يعمل نظره حتى يصل الى ما يريد هؤلاء العلماء لذلك يعني اختلف العلماء في بعض تراجم البخاري اختلافا كثيرا

12
00:04:18.300 --> 00:04:35.800
فما بين متعقب له يقول ان لا علاقة بين الترجمة وبين الحديث وما ما بين متأول وما بين متكلف وانما هذا كما قلت قبل ذلك لشفوف نظر البخاري رحمه الله تعالى

13
00:04:36.300 --> 00:04:57.250
آآ في الباب الذي قبل ذلك وصاة النبي صلى الله عليه وسلم للرجل الذي يريد ان يقطع مفازة الدنيا بسلام لان الدنيا كالوادي المهلك اذا لم يكن مع المرء علامات طريق

14
00:04:57.400 --> 00:05:14.350
ظل كاي طريق اه طويل لاحم وفيه اه منازل او في آآ او هو متفرع ازا لم يكن علامات تدل على ان النزول الى المكان الفلاني في في هذا الفرع

15
00:05:14.450 --> 00:05:32.350
او المكان الاخر في هذا الفرع يظل الانسان ماشيا سادرا لا يلوي على شيء فربما يصرف النهاية الى واد مهلك فهذا الغريب الذي يمشي في الدنيا وله اعداء يتربصون به

16
00:05:33.050 --> 00:05:56.350
اعداء الانسان الشيطان والنفس الامارة بالسوء اللي هي اه تتعامل مع الشيطان ضد الانسان النفس الامارة بالسوء دي اللي بتتعاهى هذا هو الجاسوس وهي العين المسلطة على ابن ادم وهي بين جنبيه

17
00:05:56.950 --> 00:06:23.700
عميل خائن نفس الامارة والسوء بتعامل مع الشيطان لاهلاكي صاحبها اه وعندنا شياطين الجن آآ اللي هم ابليس يرسلهم الى بني ادم كالسرايا كما في حديث جابر ابن عبدالله الانصاري عند مسلم. وكما في حديث ابي موسى الاشعري وصححه ابن حبان وغيره

18
00:06:24.900 --> 00:06:45.450
يقول النبي صلى الله عليه وسلم في هذا الحديث ان ابليس يضع عرشه على الماء الصباح كل مع مطلع كل صبح يضع عرشه على الماء ويجلس عليه في حديث ابي موسى فاعظمهم منه فتنة اقربهم منه منزلة

19
00:06:46.050 --> 00:07:07.150
ويقول كما في حديث ابي موسى من اضل اليوم مسلما البسته التاج عدنا الى حديث جابر فيرسل سراياه الى بني ادم فترة يعني يتبع بعضهم بعضا. كموج البحر لا تكاد موجة تنفك عن اختها

20
00:07:08.050 --> 00:07:25.100
في تواتر في الارسال كل شيطان من هؤلاء له مهمة مش مهمة محددة لا مهمته المحددة ان يضل واحدا من بني ادم باي وسيلة من الوسائل يعني رجل مسلا هائج

21
00:07:25.550 --> 00:07:51.400
في معركة عادة الشيطان لا يقول له ازني او اسرق انما يقول له اقتل ليه؟ لان هو ده مقتضى الحال على حسب زي ما تيجي معها اذا استطاع ان يضله باي وجه من وجوه الضلال لا يتردد. ما فيش شيطان مكلف يقول له انت شيطان الزنا وانت شيطان القتل وانت شيطان المش عارف

22
00:07:51.400 --> 00:08:10.600
عقوق انت شيطان لا من اضل اليوم مسلما باي وجه من وجوه الاضلال البسته التاجر فاعظمهم اقربهم منهم هزهلا اعظمهم فتنة اللي شره يبقى مستطير ده اللي هو اقرب الى ابليس

23
00:08:11.050 --> 00:08:27.050
فدي شياطين ترسل الى بني ادم في اخر اليوم لازم يبقى فيه حساب برضو يقوم قاعد على الكرسي ويبتدي يحاسبهم يعني بنو ادم لو كان عندهم من الجد ما عند الشياطين لا انصلح حال الناس

24
00:08:27.250 --> 00:08:44.650
لكن في بني ادم يبعت واحد خط سير يروح يروح بيته وما يروحش الشغل ولا يروح خط السير ومظبط المسائل قبل ما يمشي والامضاءات والتوقيعات والبتاع ده والكلام ده وطبعا رئيسه في وادي ورئيسه في وادي والدنيا ضايعة

25
00:08:44.900 --> 00:08:59.250
لا ابليس ما بيعملش كده ابليس بعد ما ينتهي اليوم يقعد على الكرسي ويبتدي يقفوا طابور واحد واحد يبتدي يحاسب كل واحد ماذا فعلت اليوم يقول له ما تركته حتى فعل كذا وكذا

26
00:08:59.300 --> 00:09:15.650
كذا وكذا دي اجناس المعاصي حط انت تحت كذا وكذا اي معصية تخطر على بالك ما تركته حتى قتل اباه ما تركته حتى قتل امه. ما تركته حتى عقبته حتى زنى ما تركته حتى يعني آآ سرقها

27
00:09:16.000 --> 00:09:29.450
اي معصية من اجناس المعاصي سواء كانت من الكبائر او من اللمم كل ده لم تصنع شيئا لم تصنع شيئا لم تصنع شيئا كل ده شغل ولا له قيمة ايه يعني قتل اباه

28
00:09:29.900 --> 00:09:47.700
ايه اللي انا كسبته يعني؟ لما قتل اباه ونفسه مسدود على الاخر يعني ما فيش واحد حتى فاتح نفسه يعني بحاجة عليها الطلاق يعني لحد ما يجي واحد من الشياطين الكبار آآ مازا فعلت؟ يقول له ما تركته حتى فرقت بينه وبين اهله

29
00:09:48.450 --> 00:10:03.900
خلاص فضلت استفزه وفضلت استفزها لحد امتى كابس على نفسك؟ لحد امتى بيعاملك زي الجارية؟ لحد امتى مبهدلك؟ لحد امتى الكلام ده اطلبوا منه الطلاق. قولي له لو ابوك خلف راجل طلقه

30
00:10:04.600 --> 00:10:19.850
هو ايه يعني؟ هو انت هتفضلي عبد ذليل لحد فين؟ ده احنا في القرن الواحد وعشرين. وفي حاجة اسمها حقوق المرأة والمجتمع مش عارف ايه القومي للحقوق مرأة والكلام ده وبعدين عادي جدا تتجوزي ست كيلو. ايه الاشكال يعني

31
00:10:20.300 --> 00:10:38.100
وينفخ فيه برضو قال هي تفضل طول عمرها تكشر كلامك وتقول لها يمين تقول شمال والكلام دهوت وتيجي تلاقي البيت عبارة عن خراباية لا البيت نضيف ولا كزا ولا كزا ونبهتها ميت مرة انها ما تعملش كزا وبرضو بتعمل الكلام ده قالها امال الشنبات اللي في وشك دي يا ابو السباع دي فايدتها ايه

32
00:10:38.300 --> 00:10:50.300
مش اتحرك يا رجل اعمل اي حاجة قل لها انت طالق ادبها شردها عشان تعرف ان الله حق وتعرف ان الزوج لو افة عضمة على سرير المرأة لها قيمة في الدنيا بزوجها

33
00:10:50.650 --> 00:11:00.400
بدل ما تبقى مطلقة والكلام ده خليها تدق المر وتدخل اي بيت يبقى النسوان كلهم خايفين منها انها احسن تكون خطافة رجالة ولا حاجة ولا تخطف ومش عارف ايه وبتاع

34
00:11:00.750 --> 00:11:18.150
شوف ينفخ في هذا وينفخ في هذه لحد ما قال لها انت طالق وقد تكون الطلقة التالتة بعد ما يفوق من المصيبة دي يروح للمفتين بقى. يقول له يا عم الشيخ والله انا كنت اقصد. قلت لها انت طالق بالتلاتة يحل لك ابو حنيفة حرمك الشافعي ومش عارف ايه والكلام ده

35
00:11:18.550 --> 00:11:34.450
وما كنتش اقصد ويعيط شوية والمرأة تعيط شوية والكلام ده ودي الطلقة التالتة وعايزين يرجعوا مرة تانية ازا ما رجعوش مرة تانية الاولاد بيحصلوا نوع من التشرزم الضيف الاسري بينتهي. خلاص

36
00:11:34.900 --> 00:11:56.200
القعدة على على مائدة الاكل والشرب واستقبال الاب والكلام ده حرم منه الابناء النهاردة الاب والام راسهم كلها عيون بيبص من هنا ومن هنا ومن الخلف والعيال بينحرفوا فساد الآن اصبح يعني اذا اصاب دقيقا

37
00:11:56.500 --> 00:12:14.750
مهمة الآباء والأمهات بقت في منتهى الصعوبة حتى يستقيم الأولاد ويقفون على درب الهدى وعادي جدا الواد بيطلع بره انت ما تعرفش الواد بيعمل ايه فتصور بقى مع وجود الاب والام وكلهم يعني اهتمام بالاولاد والكلام ده

38
00:12:14.800 --> 00:12:29.250
ومع زلك بيفسد الاولاد بسبب انتشار الفساد في المجتمع ولا رقيب ولا حسيب ولا الكلام ده. امال لو ولد ما لوش اب يرعاه وما لوش ام تحنو عليه والكلام ده الطبيعي يروحوا يتشرذموا ويرفع العصابات

39
00:12:29.600 --> 00:12:49.100
والكلام يبقى هم دول بقى اللي هم الاحتياطي جيش ابليس من شياطين الانس اللي بينافس بيهم مخططاته على الارض تلاقيهم كلهم عصابات مخدرات وقتل وسرقة وزنا وعقوق كل حاجة من الشر بيستعمل ابليس هؤلاء

40
00:12:50.300 --> 00:13:10.900
فاحنا عندنا السالك الى الله تبارك وتعالى مهمته شاقة جدا جدا عشان يسلك كله بعدين مقسمين نفسهم على مراحل كل واحد واقف له على مرحلة اذا استطاع بفضل الله عز وجل ان ينجو من العدو الاول من الكمين الاولاني المنصوب له

41
00:13:11.500 --> 00:13:25.500
ما يفرحش قوي لسه في كمين جاي اذا فلت من التاني لسه فيه التالت وبعدين اللي فلت منه ده بيقوم رايح له قدام اوي قدام شوية عشان يبقى واقف له برضو في كمين

42
00:13:25.800 --> 00:13:45.800
ويفضلوا على طول الطريق الى الله حتى المنزل اللي هو المنزل هو اخر العمر اخر نفس للانسان الشيطان ده قاعد على راسه ما طمع ابدا ان يضله وهو حي يمكن ان يضله

43
00:13:46.350 --> 00:14:06.050
وهو يجود بنفسه يعني حتى ذكروا في ترجمة الامام احمد رحمه الله ان هو يعني وهو يحتضر جعل يقول بعد بعد يعني فيه فلما افاق سألوه ايه بعد دي قال

44
00:14:06.600 --> 00:14:21.100
ان ان الشيطان قال لي افلتت مني يا احمد خلاص انت هتموت على التوحيد اهوت وافلت مني ما اعرفش اعمل معك حاجة فيقوم يقول له بعد لسه الروح ما خرجتش

45
00:14:21.750 --> 00:14:38.250
اما الروح تخرج يبقى نجا فاي انسان في الدنيا انا مش فاهم يعني الناس اللي ماشيين في الدنيا مش عارفين حقيقة ما يؤول اليه مصيرهم. انا مش فاهم والله الغفلة دي ربنا يعني ينجينا وينجيهم من الغفلة

46
00:14:38.300 --> 00:14:56.550
الامر جد خطير فعلا انه الجد ليس فيه شيء من الهزل مطلقا فانت قدامك اعداء كثيرون الاعداء دول كل واحد منهم يطمع في قلبك علشان هو ده يعني مستودع الاخلاص ويوزن المرء بقلبه يوم القيامة

47
00:14:56.800 --> 00:15:10.750
فالقلب ده الكل الاعداد ولهم بانما العراق مستمر والقتال مستمر على هذه المضغة مش على حاجة تانية اذا شدد الشيطان سهما الى ابن ادم انما يريد قلبه مش عايز حاجة تانية

48
00:15:11.950 --> 00:15:36.250
فاذا طالما الانسان ماشي وعنده اعداء كثيرون لازم يحصل اللي عنده نوع من الاستيحاش عنده نوع من الاستلحاج يبقى كن في الدنيا كأنك غريب الامام البخاري انما عقد هذا كما قلت لكم انا اذكر يعني عشان اقدر ادخل على الباب اللي بعديه واوضح لك ان هذا الباب يؤدي

49
00:15:36.250 --> 00:15:51.850
الى الباب الذي بعده كن في الدنيا كأنك غريب او عابر سبيل احنا قلنا قبل كده غريب قال لك لأ ما تبقاش غريب. قال لك كن في الدنيا كأنك غريب وبعدين استدرك

50
00:15:52.350 --> 00:16:06.450
قال لا تكن غريبا فان الغريب يأنس في دار الغربة. والمفروض والمطلوب لا تأنس. تبقى دايما خايف مستوحش قلق لا تأنس بشيء طب الذي لا يأنس بشيء هو عابر السبيل

51
00:16:07.250 --> 00:16:34.200
بدأ الامام البخاري رحمه الله يذكر شيئا من المهلكات شيئا من المهلكات ايه اللي ممكن يضيع البني ادم قلنا الانس ان يأنس بالارض طب الانس ده ايه وقوده ايه اللي بيغزي ثمرة الانس

52
00:16:34.450 --> 00:16:50.400
وترك الاستيحاش وخلي الواحد ينسى ويدب اليه داء الغفلة قال لك طول الامل طول الامل شاب يقول لك النبي صلى الله عليه وسلم لسه قدامي سنين العيلة بتاعتنا كلها معمرة

53
00:16:50.800 --> 00:17:11.200
يا ابا ابويا كان تمانين سنة وجدي كان تسعين سنة والكلام ده فيقول لك انا لسه شباب فيقوم هذا الامل يغره فينقله الى مرتبة التسويف التسويف ده اللي هو سافعل

54
00:17:12.000 --> 00:17:36.650
سوف افعل س  هو ده ده اللي ضيع آآ اناسا كثيرين وصدق القائل كم من حشرات في بطون المقابر مات وكان نفسه يعمل حاجة كان عايز يتوب كان عايز يصلي

55
00:17:36.750 --> 00:17:51.500
مأجل كل الكلام ده زي برضو بعض المغفلين. يقول لك ايه انا انا دلوقتي مشغول وعندي اما اطلع على المعاش هفضى بقى لا ورايا شغلة ولا مشغلة والكلام ده اصلي بقى والكلام ده. بيطلع المعاش يقعد على القهوة

56
00:17:53.900 --> 00:18:11.450
ليه؟ لان العبادة دربة اوعى تكون متصور ان انك اذا لم تعتد على شيء تستطيع ان تفعله لا لا لا ان الغصون اذا قومتها اعتدلت ولا يلين اذا قومته الخشب

57
00:18:12.550 --> 00:18:35.700
لما الانسان يهبل رعاية نفسه وهو صغير بتستعصي عليه كبيرا زي الاباء برضو الذين يهملون تربية ابنائهم يقول لك اما الولد يكبر انا هأمره هيسمع الكلام اه اخطأ خطأ جسيما

58
00:18:36.700 --> 00:18:54.850
زي بردو بعض الاباء والامهات اللي هم آآ يعني آآ ينكرون تماما ان تحتجب البنت الصغيرة تلبس الحجاب الصغيرة يقول لك دي لسه صغيرة سيبها لما تكبر لان قلب التكليف لم يجب عليها انا معك

59
00:18:55.050 --> 00:19:14.000
انه لم يجب عليها بمعنى ليست اثمة لكن يا اخي هناك فرق بين ان تعود ابنتك على لبس الخمار وهي صغيرة يصير جزءا منها وهو ده اصل التربية اصل التربية ان يربه

60
00:19:14.350 --> 00:19:30.200
ان يرده والتربية والرب ده عايز حركة انت عارف في الفلاحين يعرف حاجة اسمها يرب اللبن لما يحب يطلع زبدة من اللبن يقعد يربه بايده كده ويعمل كده لحد ما

61
00:19:30.250 --> 00:19:46.500
تحصل رغوة اللبن طلع منه الزبدة بعد كده آآ يربوا يعني يبتدي ايه يتعاهدوا ابتداء شيئا فشيئا فشيئا لحد ما يتدرج ويصل الى نهاية ما يريد انا بقول اللي عايز يربي بقى

62
00:19:46.750 --> 00:20:06.750
اللي فاهم النفوس صح يعامل الاولاد او يعامل نفسه كمعاملة الشجرة التي يزرعها امام باب داره يعني انا لو لسه بزرع شجر قدام الباب الدار عندي ما بجبش شجرة قد كده

63
00:20:06.900 --> 00:20:28.800
الساق بتاعها تخن كده لا بجيب عود آتي بعود خفيف وجرى لما بتترك العود بيميل لوحده كده انت بتعمل ايه عشان تطلع شجرة زي ما انت عايز مش زي ما هي عايزة زي ما انت عايز. تعمل ايه؟ تجيب حبل

64
00:20:29.100 --> 00:20:44.950
تربطه في الشجرة وتقوم شاددها وتقوم رابطه الحبل اللي رابطه وتدق الوتد في الارض تطلع الشجرة كده لو انت عايز هتطلع كده هتشد برضو الحبل عشان تدي الميل اللي انت عايزه

65
00:20:45.150 --> 00:21:01.200
سواء كان يمنة او يسرة او امام او خلفه لكن كل الناس بتخلي الشجرة مستقيمة مما يدل على ان الاستقامة شيء ضروري في اذهان الناس جميعا. ما فيش حد ابدا يقول لك اطلع شجرة كده

66
00:21:01.500 --> 00:21:20.350
انما يطلعها مستقيمة طيب خلي هذا الرجل زرع الشجرة دي قدام باب الدار ثم اهملها سابها تلات اربع خمس ست سنين الساق بتاع الشجرة بقى تخن كده يقدر بقى يشدها يشدها بحبل ولا بجنزير ولا الكلام ده

67
00:21:20.450 --> 00:21:40.250
ما اعرفش ده لو شدها بالصورة دي هيخلعها من جدرها مش هتيجي معها. ده معنى بقى الكلام ان الغصون اذا قومتها اعتدلت غصن شاق يعني حاجة بسيطة فرع ولا يلين اي معك

68
00:21:40.400 --> 00:21:58.350
اذا اردت ان تقومه ولا يلين اذا قومته الخشب اهو الشجرة انت بتاخد منها خشب امتى لما تستوي وينتهي نموها بتبقى خشب تقدر تقطعها وتشقها خشب انما طول ما هي لسه في طول النمو ما تطلعش خشب

69
00:21:58.750 --> 00:22:11.300
اول ما تشقها عشان تعمل خشب يقوم على طول يتلوي كده والتاني وتنتهي الشجرة والخشب يكش في بعضه كده وينتهي يعني لا تصل الى الخشب الا بعد مرحلة الاستتمام النهائي

70
00:22:11.600 --> 00:22:38.600
فاي انسان يعلم ذلك ويعلم ان النفس لابد ان تروض كما يروض الوحش اي انسان عارف هذه الحقيقة يقوم يتعاهد نفسه من البداية يعني اه قال بعض المتعبدين  عالجت قيام الليل سنة

71
00:22:39.800 --> 00:22:58.650
واستمتعت به عشرين سنة عالج يعني تعب قيام بالليل لا سيما صاحب شغل عشان يستيقز بالليل يكون لسه مخدش قسط وافر من الراحة اه زي الايام دي كده في برد شديد

72
00:22:58.850 --> 00:23:13.200
عشان يقوم بقى من تحت اللحاف ولا تحت البطانية والكلام ده تبقى برضو عايزة مجاهدة في ترجمة ثابت ابن اسلم البناني انذاك آآ في ترجمة ثابت اظن قال ثابت عالجت قيام الليل عشرين سنة

73
00:23:13.400 --> 00:23:33.050
كان جمعاني مجلس مع شيخ محمد يعقوب حفظه الله يعني ايه اتكلمنا في المسألة دي شوية هو الشيخ قال انا محفوظي عارضت قيام الليل عشرين سنة واستمتعت بعشرين سنة انا قلت له انا محفوظي اعددت قيام الليل سنة واستمتعت به عشرين سنة

74
00:23:33.500 --> 00:23:50.300
آآ هو صح وانا صح. يعني انا آآ لما بحست في المسألة بعد ذلك وجدت ان كلام الشيخ صحيح. وجدته صحيحا ايضا. اقول هذا برضه علشان لما انا قلت له لا محفوظي كذا ربما يتوهم بعض اخواننا ان الشيخ اخطأ ولا حاجة

75
00:23:50.350 --> 00:24:06.800
لا هذا موجود فعلا في ترجمة ثابت ابن اسلم البناني احد اوثق الرواة عن انس ابن مالك رضي الله عنه. وقد لازم انس اربعين سنة آآ دي بقى تبقى على حسب بقى ايه؟ على حسب مغالبة النفس للشخص يعني

76
00:24:06.950 --> 00:24:24.300
فهو المقصود ان المرأة قد يعالج يعالج الخصلة الواحدة مدة ويستمتع بها مدة اما زيها واما اكثر منها او اقل. المهم ان العبادة تحتاج الى معالجة. ولذلك يعني درج كثير من العلماء

77
00:24:24.300 --> 00:24:38.650
على تسمية اوامر الشرع آآ ونواهيه يسموه تكليفا. مع ان في يعني لي نزر على مسألة تسميته بالتكليف. يعني ربما يعني في اه يعني اه مجال اخر اقول النظر ده له يعني

78
00:24:40.050 --> 00:25:00.300
اكبر مشكلة تواجه الانسان زي ما قلت مسألة التسويف سأتوب سوف اتوب الموت لا يمهل احدا اللي بيأجل الطاعة اللي بيأجل الطاعة دي لغد احمق ليه؟ لانه قد لا يعيش

79
00:25:00.600 --> 00:25:29.050
قد لا يعيش لغد بل قد لا يعيش لحظة من اللحظات يعني رجل يأكل كما ورد في بعض الآثار يأكل ويشرب وينكح ويتمنى وقد سقطت ورقته. ورقة ورقة حياته بيقول انا بكرة هعمل كزا والشهر الجاي هعمل كزا واتكلم في التليفون السنة الجاية انا عندي دراسة جدوى وهعمل كزا وهو هيموت بعد ساعتين

80
00:25:29.700 --> 00:25:45.450
او هو هيموت بعد ما يخلص المكالمة وانا شفت ناس ناس بيتكلموا في المحمول وبيتكلموا في صفقات وبيبيع آآ حاجة بضاعة زي سيارة او الكلام دهوت خلص المكالمة من هنا طب ساكت من هنا

81
00:25:45.450 --> 00:26:07.600
هؤلاء الذين يموتون وموت الفجأة كثر وهو من علامات الساعة موت الفجأة كثر فالانسان الذي يموت فجأة هذا كما قال النبي صلى الله عليه وسلم موت الفجأة اخذة اسف اسف ليه

82
00:26:07.750 --> 00:26:24.550
لانه ما لحقش يتوب ما لحقش يتوب. يعني يمكن المرض بين يدي الموت نعمة كبيرة خلاص الانسان يبقى خلاص بيبقى عارف انه في النازل ممكن يتحلل ممكن يتوب ممكن يتضرع

83
00:26:24.850 --> 00:26:41.300
عليه ديون يسد الديون. يتحلل من اصحاب الديون في مظالم يجيب الراجل اللي هو ظلمه يتحلل منه يبوس رجله حتى يعفو عنه لان الامر جد ليس فيه شيء من الهزل كما قلت

84
00:26:41.650 --> 00:26:59.500
هناك ليس هناك دينار ولا درهم في حسنات وسيئات انا عملت حسناتي بشق الانفس عشان اسبت اسبت لنفسي حسنات قمت الليل كت محتاج الفلوس وتصدقت بها قلت كلمة الحق وشردت في جنبات الارض

85
00:26:59.600 --> 00:27:13.350
كل ده عشان اسبت بدخل صحيفتي حسنات فما فيش حسنة دخلت في صحيفتي بالساهل يعني ولا ولا ولا بالامر اليسير لا ممكن تكون في حسنة كلفتني الكثير عشان تدخل في صحيفتك

86
00:27:13.550 --> 00:27:26.150
تقوم الحسنات دي كلها تطلع من صحيفتي بمنتهى البساطة واليسر عشان زلمت ده ولا زلمت ده ولا زلمت ده فالانسان اذا يعني اه مرض واقتربت منيته بيحصل عنده نوع من الاخبات

87
00:27:27.400 --> 00:27:45.900
ونوع من التضرع ونوع من التذلل لان المغفرة تأتي مع التضرع قال الله عز وجل فلولا اذ جاءهم بأسنا تضرعوا يعني لما نزلت عليه المصيبة مش يقول انا غلطان مش يقول يا رب انا تبت

88
00:27:46.300 --> 00:28:01.000
دي خلاص انا انبت ارفع عني البلاء وانا تبت ما هو ده ما هو ده هذا التضرع هو ده هو ده اللي هو وقود الذل. لا يذل المرء الا اذا كان متضرعا. الا اذا كان خاشعا

89
00:28:01.850 --> 00:28:26.300
وما ارسلنا في قرية من نبي الا اخزنا الا بالبأساء والضراء لعلهم يضرعون واشوف هنا بقشاء وضراء الاتنين وراء بعض مش بأساءه سراء ولا سراء وضراء؟ لا بالبأساء والضراء ترقي في العقوبة

90
00:28:28.150 --> 00:28:53.650
البأساء ان يرى ملامح البأس في عاصفة هتقوم بس ما قامتش في مخايل ابتلاء فيه بؤس قادم انما الضراء وقوع الضر الاول ادى له يعني نزل عليه حاجة خفيفة كده

91
00:28:54.200 --> 00:29:23.750
لم ينتبه ده بقى عايز قارعة عشان ينتبه في بعض الناس بيقروها غلط بعض الناس بيقروها غلط يعني الجماعة اللي هم قوم عاد لما رأوا الغمام في السماء السحاب قالوا هذا عارض ممطرنا

92
00:29:25.000 --> 00:29:44.150
ده سحاب هينزل علينا مية  فقال الله عز وجل بل هو ما استعجلتم به ريح فيها عذاب اليم تدمر كل شيء بامر ربها. فاصبحوا لا يرى الا مساكنهم قروها غلط

93
00:29:44.700 --> 00:30:06.400
عاصي وملأ الارض بالكفران ويرجو النعمة يعني يكذبون النبي ويشردون المؤمنين ويستهزئون بهم وبعدين يقول هذا عرض ممطرنا عشان كده شف شف الفرق بقى بين من اتاه الله عز وجل يقظة وبصيرة

94
00:30:07.150 --> 00:30:30.650
وبين هؤلاء في الصحيحين من حديث عائشة رضي الله عنها قالت كان النبي صلى الله عليه وسلم اذا رأى غيما في السماء كرب له اصابه كرب وظهر على وجهه والرسول عليه الصلاة والسلام يروح ويجيء

95
00:30:31.100 --> 00:30:55.700
مضطرب فتقول له عائشة يا رسول الله ان الناس اذا رأوا الغيم استبشروا رجاء ان يكون فيه ماء واراك كلما رأيت الغيم كربت له قال يا عائشة وما يؤمنني ان يكون فيه عذاب

96
00:30:57.400 --> 00:31:17.800
ان قوما قالوا هذا عارض ممطرنا فكان الجواب بل هو ما استعجلتم به النبي عليه الصلاة والسلام يقول انا لا ادري اهذا العارض؟ اهذا السحاب ينزل منه ماء الذي هو حياة كل شيء

97
00:31:18.100 --> 00:31:42.000
او ينزل منه خسف ففي ناس بيقروها غلط اذا اعطاه الله عز وجل نعمة ظن ان هذا علامة اكرام. فيتمادى ما هو ده من جنس آآ ظن المشركين وقالوا نحن اكثر اموالا واولادا وما نحن بمعذبين

98
00:31:43.550 --> 00:32:03.200
فقال الله عز وجل لهم وما اموالكم ولا اولادكم بالتي تقربكم عندنا زلفى الا من امن فاعطاء المال ليس دليل كرامة ولا ان انت مرضي عنك كما ان نزع المال او الابتلاء ليس دليل اهانة. ده

99
00:32:03.250 --> 00:32:24.150
انسان غبي لا يفهم ليه؟ لان البلاء قد يكون بالنعمة وقد يكون بالضر فالاول من رحمة الله عز وجل ينزل بأس يصيبهم ببأساء نوع من البؤس حاجة تحتمل بؤس صحيح لكنه ممكن يحتمل

100
00:32:24.500 --> 00:32:47.600
ما فاقش ولا تنبه ولا قرأ قراءة صحيحة تجيلو بقى الضراء تنزل بقى المشكلة على دماغو فاخطر شيء وهو من حبائل الشيطان طول الامل لا تسوف فانك لا تدري اتعيش الى الغد؟ لا اقول الى الغد

101
00:32:47.800 --> 00:33:07.100
اتعيش الى اللحظة القادمة القادمة ام لا نفس دخل ممكن ما يخرجش خرج ما يدخلش وده كلام ابن عمر الذي ذكره في نهاية الحديث السابق اللي هو يكون في الدنيا كأنك غريب او عابر سبيل

102
00:33:07.600 --> 00:33:26.700
قال خذ من صحتك لمرضك ومن شبابك لهرمك اه يبقى الانسان العاقل هو الذي يتزود باستمرار. ليه؟ ما يدري متى يحين الرحيل وكما قلت من اغمض حبائل الشيطان طول الامل

103
00:33:27.900 --> 00:33:51.550
وطول الامل هذا يقذف دائما في منطقة التمني. لان هناك فرق بين الامل وبين التمني اه الامل عادة يكون باسباب فاذا فقد المرء الاسباب تمنى ولزلك الانسان ممكن يتمنى ما لا يخطر على البال

104
00:33:52.000 --> 00:34:11.650
كل احلام اليقظة عبارة عن اماني يتمنى يكون عنده اي حاجة يتمنى الشيء المفقود الذي فقد اسبابه لكن طول ما انت بتأمل يبقى عندك اسباب المفروض يكون عندك اسباب دافعة الى الوصول الى هذا الامل

105
00:34:11.950 --> 00:34:37.750
عجزت يتخيل بقى واي حاجة في الدنيا ابقى من بني ادم يعني مسلا الكتاب اللي انا بكتبه كراسا اللي انا بستعملها. القلم الذي في يدي النظارة التي البسها. الكوب الذي اشرب فيه. ممكن هذا الكوب يعمر بعد الانسان دهورا

106
00:34:39.450 --> 00:35:13.100
يعني شوف سيبويه رحمة الله عليه امام اهل البصرة في النحو  ومات قريبا من الكهولة مات دون الاربعين آآ كان ينشد بمرض موته ويقول آآ لتبقى له فمات المؤمل دون الامل

107
00:35:14.200 --> 00:35:40.950
حثيثا يروي اصول الفسيل فعاش الفسيل ومات الرجل الفسيل اللي هي آآ النخلة الصغيرة الشتلة بتاعة النخلة ده اللي هو الفسيل فهو بيقول لتبقى له فمات المؤمل دون الامل كان عايز يعيش

108
00:35:41.150 --> 00:36:07.700
لما يشوف ولاده كبار اتهنى بيهم يشوف اولاده اصحاب مناصب. المصنع يكبر المش عارف ايه اي امل من الامال التي تعرض للانسان. كان  ان يعيش الى ان يحقق امله يأمل دنيا لتبقى له. فمات المؤمل قبل ان يصل الى امله. فمات المؤمل دون الامل

109
00:36:07.750 --> 00:36:27.300
حثيثا يروي اصول الفسيل كل شوية ياخد المية من الابريق ولا حاجة ويقوم ايه يروي الايه الفشيل اللي هو شتلة النخلة دي. حثيثا على طول بسرعة بجد واجتهاد والكلام ده يروي اصول الفسيل فعاش الفسيل ومات الرجل

110
00:36:29.600 --> 00:36:50.800
فده من اكبر شباك الشيطان وهو آآ وهي وهي آآ شباك خفية عشان كده الامام البخاري لم يذكر كل الامراض اللي ممكن تعرقل البني ادم حيزكر بعضها بعد ذلك لكنه احسن جدا

111
00:36:51.000 --> 00:37:17.000
في ذكر هذا الداء ليه؟ لان هذا الداء قلما يفطن اليه الا يقظ يغتال اكثر الناس في هذا البئر يسقطون في بئر الامل و ذكر آآ ثلاثة ايات قرآنية ذكر حرفا من اية

112
00:37:17.100 --> 00:37:37.600
وذكر ايتين هنشوف بقى صحة الترجمة هل الايات دي لها علاقة بالتبويب ولا لا انا لو تفتكروا زمان وانا مع كل يعني ترجمة بحاول اذكر برضه عشان آآ يعني ايه ما تنسوش الكلام

113
00:37:38.450 --> 00:38:02.800
آآ الترجمة لابد ان يكون لها علاقة بالنص الذي اتى به الامام احنا قلنا الامام البخاري رحمة الله عليه يترجم بالاية والحديث والاثر الاثر اللي هو حنقول ما يعني آآ ورد عن الصحابة والتابعين وتابعيهم

114
00:38:03.350 --> 00:38:21.150
طبعا وعلماء الحديث اه اللي فيه اختلافات بينهم آآ الحديث المرفوع نسميه ايه؟ هل نسميه خبر ولا نسميه اثر ولا نسميه حديثا مثلا ولا نسميه ايه اصطلحات ما تلزمناش الامر كله قريب بعده. بس احنا هنصطلح بينا وبين بعض كده

115
00:38:21.250 --> 00:38:40.000
ان احنا نخلي الحديث المرفوع نسميه حديثا و اه الا عن الصحابة والتابعين وتابعيهم عن اي احد نسميه اثرا يبقى الامام البخاري اذا اورد الترجمة يورد تحتها انماطا من الادلة

116
00:38:40.750 --> 00:38:59.100
اما ان يكون قرآنا واما ان يكون سنة مرفوعة الى النبي صلى الله عليه وسلم واما ان يكون اثرا عن الصحابة او عن التابعين لتكون الترجمة صحيحة لابد ان يكون هناك مناسبة

117
00:39:00.100 --> 00:39:28.550
لابد ان يهناكم مناسبة ما بين الترجمة وما بين النص قال باب في الامل وطوله وقول الله تعالى فمن زحزح عن النار وادخل الجنة فقد فاز وما الحياة الدنيا الا متاع الغرور

118
00:39:28.800 --> 00:40:00.000
اول الاية كل نفس ذائقة الموت وانما توفون اجوركم يوم القيامة فمن زحزح عن النار وادخل الجنة فقد فاز فاز من الذي فاز؟ من زحزح شوف شوف الفعل الرباعي الذي يكون من حرفين

119
00:40:00.950 --> 00:40:30.000
يتكرران في مقطع مقطعي الفعل فيه معنى الاضطراب به معنى الاضطراب زحزح ده الفعل ده مكون من حرفين حرف الزاي وحرف الحاء المهملة المهملة يعني ما فيش فيها نقض انما اللي فيها نقد اسمها معجمة

120
00:40:30.650 --> 00:40:47.200
اسمها ايه؟ معجمة ساعات بعض الناس آآ يقرا الكلام ده ومش فاهمه يقول لك بحاء مهملة واحد يقول لك طب ما الحاء مهملة اصلا ليه يقول مهملة اقول لك لان حاء الجيم

121
00:40:47.550 --> 00:41:11.450
والحاء والخاء الاتنين ممكن يشتبهوا مع بعض فانا وانا بقرأ ممكن تسقط النقطة فما بقاش عارف الدقيق تطلع ايه تطلع جيم ولا تطلع حاء ولا تطلع خاء فيقوم يقول لك ايه الحاء المهملة. فتقول انت تفهم انها حق على طول

122
00:41:12.400 --> 00:41:32.600
مش ممكن تفهم انها جيم ولا تفهم انها خاء عشان كلمة الايه؟ المهملة طيب طب ما الجيم النقطة من تحت والخاء النقطة من فوق فلما يقول لك بالمعجمة فانت ما انتاش عارف هي خاء ولا جيم يقول لك ايه؟ بالمعجمة من تحت

123
00:41:33.550 --> 00:41:48.900
يبقى انت تعرف انها جيم على طول او بالمعجمة من فوق تعرف انها خاء على طول كل ده ايه؟ اتقاء التصحيف عشان ما يحصلش في ايه؟ في خطأ يعني اه في احد اه مشايخ شعبة

124
00:41:50.500 --> 00:42:15.050
آآ شعبة له شيخان الشيخ الاول يكنى بابي الحوراء والتاني يكنى بابي الجوزاء طب شيل النقطة بتاع الايه؟ النقط الموجودة في الجوزاء. هيبقى الحوراء فالاتنين بيتلخبطوا عفوا ليس ابو الحوراء ولا ابو الجوزاء

125
00:42:15.150 --> 00:42:37.600
اه ابو ابو جمرة وابو حمزة نعم ابو جمرة وابو حمزة الاتنين لو شلتهم واقف ما تعرفش هو حمزة ولا جمر فكان بعض الرواة اذا روى عن شعبة عن ابي عن ابي حمزة يكتب فوقها كده ايه؟ حور عين

126
00:42:38.600 --> 00:42:56.500
حور عين انت تفهمها انها ايه ابو حمزة على طول  الحرف بقى اللي هو زحزح الكلمة اللي هي زحزحة الزاي ها دي عليها نقطة لما يعمل زي يقول لك بالمعجمة

127
00:42:57.200 --> 00:43:21.250
لان لو لو قلب المهملة تبقى ايه تبقى راء والحاء الحاء يعني دي برضو ايه المهملة ولا المعجمة يبقى الفعل ده عندي يكون من حرفين ازاي المعجمة والحاء المهملة تتكرر مرتين زح

128
00:43:22.100 --> 00:43:43.500
زح طبيعة الحرف زي ما قلت لكم طبيعة الفعل اللي يكون من حرفين يتكرران في مقطع الفعل بمقطع الكلمة يعني في معنى الاضطراب زي زلزلة هي الزلزلة ايه يعني زلزل التراب

129
00:43:45.200 --> 00:44:03.750
لخلخ لخلخ يقول لك ايه انت عائز وتد في الارض عائز تنزعه من الارض اول ما تيجي تشده كده ما يطلعش معك. يقولوا لك ايه؟ لخلخوا لخلخوا يعني ايه؟ يعني يوديه مرة كده ومرة كده

130
00:44:04.350 --> 00:44:20.650
ادي معنى يعني ايه؟ يعني يبقى الحركة بتاعته في آآ يعني جهتين متناقضتين متعاكستين يبقى ايه لازم يفضل يعمل كده عشان يبقى اسمه ايه؟ لخلغوا اول ما يلخلخوا كده يقدر ايه؟ يشده

131
00:44:21.500 --> 00:44:43.800
زي ما قال الله عز وجل فكبكبوا فيها هم والغاوون اصل كبكبة ما هو كب كب الكاف والباء كبكبة يعني كلما قام انكفأ على وجهه فينكفئ على وجهه مرة بعد مرة

132
00:44:46.050 --> 00:45:12.250
فعندما تقرأ قوله تبارك وتعالى فمن زحزح يعني بالعافية بينه وبين النار سنتيمتر واحد ملي بينه وبين النار طالما ما وقعتش فيها هذا هو الفوز العظيم ليه لانه كما قال الله عز وجل ان عذابها كان غراما

133
00:45:13.400 --> 00:45:40.050
ما فيش حد بيتحمل النار اجارنا الله عز وجل منها لي قرارها بعيد في الحديث ان اصحاب النبي صلى الله عليه وسلم سمعوا جلبة صوت ارتطام صوت ارتطام شديد فسأل الصحابة عن ذلك فقال النبي صلى الله عليه وسلم هذا حجر

134
00:45:40.150 --> 00:46:02.150
القي من على شفير جهنم ما وصل الى قعرها الا الان ده من يوم ما خلقت النار والحديث او قد على النار الف سنة حتى احمرت واوقد عليها الف سنة

135
00:46:03.500 --> 00:46:30.550
حتى ابيضت واوقد عليها الف سنة حتى اسودت فهي سوداء مظلمة الطعام فيها غسلين وصديد بياكل هيموت ما تقوليش بقى بياكل جبنة حادقة ولا بياكل الكلام ده ولا بياكل رنجة ولا بياكل فسيخ ولا بياكل ولا واكل شوال ملح وهيموت عايز مية

136
00:46:31.500 --> 00:46:55.600
لا بعد ما ياكل هيموت على المية خد بلع وسقوا ماء حميما فقطع امعائهم وان يستغيثوا يغاثوا بماء كالمهل يشوي الوجوه بئس الشراب وساءت مرتفقا حتى وهم في النار مع بعضهم بيشتموا بعض

137
00:46:57.300 --> 00:47:21.100
بخلاف اهل الجنة على سرر متقابلين. ما فيش واحد قفاه للتاني لان لما واحد يدي قفاه للتاني ده معناه الاعراض لكن لتمام المحبة وشهم لبعض باستمرار ليه؟ لان هذا ادعى واوكد للمحبة

138
00:47:21.550 --> 00:47:39.850
انه لا يغادر صفحة وجهه النقيض على طول في النار النقيض في الجنة عذاب النار فعلا غرامة الذي يقدر عذاب النار لا يعصي الله انما هي الغفلة اللي هي بتركبنا

139
00:47:40.400 --> 00:48:01.750
فنقع في الذنوب فيفيق المرء وده كله بسبب فعل الشيطان. ان الذين اتقوا اذا مسهم طائف من الشيطان اي وقعوا في الذنوب تذكروا فاذا هم مبصرون فالزنب لما بينزل على الانسان ده بسبب الشيطان بيبقى زي الاعمى

140
00:48:02.900 --> 00:48:24.750
يقدم على الذنب وهو يعلم قبل ان يفعله انه ذنب ومع ذلك يقدم عليه ايه اللي حصل له من جهل جهل العلم بالذنب؟ لا انما اوتي من جهل بالمراقبة وبمقام الله تبارك وتعالى

141
00:48:25.250 --> 00:48:41.450
وانه ينظر اليه وانه بعينه لكن يحصل نوع من الغفلة كما قال النبي صلى الله عليه وسلم لا يزني الزاني حين يزني وهو مؤمن يرتفع عنه الايمان لانه لو كان مستحضرا للايمان لكان الايمان حاجزا له ان يفعل

142
00:48:42.350 --> 00:49:06.650
انما اللي يخليه يخطي ويعدي اصل الى محارم الله ايه الغفلة دي  كون الانسان يعني يطلع برة ما يدخلش النار ما يدخلش بس ده فوز عظيم الجماعة اللي هم ناسيين نفسهم تماما

143
00:49:06.750 --> 00:49:35.200
والدنيا لاهياهم الكلام دهوت لو كان ملكا مطاعا لو كان معبودا كفرعون لو كانوا يسجدون له ويقربون اليه القرابين ما رأى ذلا قط ولا مرضا قط ولا افتقر يوما ولا اشتهى شيئا الا وجده عنده

144
00:49:35.400 --> 00:49:56.650
هنفترض فيه بني ادم كده وده مش موجودة ده مش موجود اذل الله عز وجل الناس بالمرض والموت ما فيش واحد كبير يمرض زي اي بني ادم يمرض لا يستطيع ان يدفع عن نفسه شيئا

145
00:49:57.550 --> 00:50:21.100
ابدا لكن هنفترض ان هناك انسان بهذه المثابة اللي انا قلتها دي يؤتى بهذا المخلوق كما في حديث ابي هريرة بصحيح مسلم عن النبي صلى الله عليه وسلم قال يؤتى بانعم اهل الدنيا

146
00:50:22.700 --> 00:50:49.100
اللي انا قلته ده فيغمس في النار غمسة واحدة يوضع ويطلعوه ثم يقال له هل مر بك نعيم قط يقول لا وعزتك ما مر بي نعيم قط. ما شفتش عافية في حياتي

147
00:50:51.400 --> 00:51:12.750
لان الانسان ابن اللحظة اللي فات مات ده كلام حقيقي اذ لا سبيل الى استرجاعه مرة اخرى كان اه بطل مغوار عضلاته وكمال اجسام والكلام ده نام جا له شلل

148
00:51:15.500 --> 00:51:35.250
اه انا كنت امبارح بشيل الحديد وانزل واطلع به. النهاردة مش عارف يتحرك مش عارف يقلب على جنبه لا لازم يقلبوه اه ماتت العافية اللي فات مات مات راح امبارح

149
00:51:35.550 --> 00:51:49.900
لا سبيل الى استرجاعه مرة اخرى عشان يسترد العافية مرة اخرى بازن الله ممكن ياخد له سنين او يأخذ شهورا او اياما بس اللي فات مات اللي هي ايه؟ اللي هي

150
00:51:49.950 --> 00:52:13.450
طيب الانسان ابن اللحظة حياته كلها لحظة ثواني الجماعة اللي بيجروا في الدنيا جري الوحوش اهم حاجة عنده ياكل كويس ويلبس كويس ويسكن في مكان فخيم يركب افضل سيارة الناس اللي زي دول

151
00:52:13.850 --> 00:52:35.000
حياتهم اكل هو انت عارف يا مسكين استمتاعك بالطعام. قد ايه مدة بقائه في فمك ادي استمتاعك بالطعام هو البني ادم لما ياكل ويقعد يشطر كده ويخلي اللقمة في بوقه لمدة خمس دقايق

152
00:52:35.450 --> 00:52:53.600
يقرص منها هو مجرد ما يمضغها وساعات يزلطها ازا كان الموقف يقتضي زلك يعني عايزين ندخل في خمس دقايق ازلط ازلط والمعدة تايه تقوم بالدور والكلام ده لكن ازا افترضت عايز يستمتع يعني بالاكل والكلام ده ما يقدرش يغيب دقيقتين

153
00:52:54.100 --> 00:53:14.350
او او دقيقة يمضغ في لقمة يقرف يعني اذا مدة استمتاعك بالطعام تلاتين سانية طب الاكل اللي انت عايز تاكلها دي اللي مكلفاك مبلغ يعني جبت الفلوس في قد ايه

154
00:53:15.200 --> 00:53:27.600
نفسي اكل اكلة معينة وانا راجل على قدي وهصرف على الاكلة دي ميت جنيه متين جنيه تلتميت جنيه خمسميت جنيه اي حاجة على حسب بقى كل آآ كل برغوتي على قد دمه زي ما بيقولوا في المسل يعني

155
00:53:28.550 --> 00:53:43.450
خليها خمسين ستين جنيه وانت راجل مرتبك تلتمية جنيه ولا بتاع ولا ربعمية جنيه لو انا حبيت احصي عدد الساعات اللي هي تساوي الخمسين جنيه او المية جنيه ممكن الاقيها عشر ساعات

156
00:53:44.550 --> 00:54:03.900
شغال مرمطون عشر ساعات عشان تستمتع تلاتين سانية سو ما بلعت انتهت الحدوتة المسل عندنا بيقول اذا عد اللسان بانتان. خلاص والكلام ده متاخد من كلام النبي عليه الصلاة والسلام

157
00:54:04.350 --> 00:54:34.550
قال ضرب الله مثلا الدنيا لابن ادم بطعامه عايز تعرف الدنيا فعلا اهو ده المثل اللي النبي عليه الصلاة والسلام ضربه بطعامه لئن قزحه ومن لحه فانظر كيف يخرج قطع لبهارات وتحط عليه متبلات ومش عارف ايه الكلام ده تشم الريحة قبل ما تدخل البيت خلاص تبقى هتموت عشان تاكل

158
00:54:35.850 --> 00:55:01.000
والريحة دي تخليك بقى ايه يبقى على طول عايز تاكل اه ادي الدنيا اذا حلت اوحلت واذا كست اوكست واذا ادبرت برد واذا اينعت نعت وكم من ملك رفعت له علامات

159
00:55:01.100 --> 00:55:25.800
فلما علامات هي دي الدنيا اذا اقبلت على انسان منحته محاسن غيره واذا ادبرت عنه سلبته محاسن نفسه هي دي المحنة الكبيرة التي لا يشعر بها الا من ترك المنصب الكبير

160
00:55:26.550 --> 00:55:40.200
طول ما هو في المنصب يبقى هو بيفهم في كل حاجة بيفهم في السياسة والاقتصاد ويفهم في الزراعة ويفهم في الرياضة ويفهم في الالكترونيات ويفهم في النووي ويفهم في الذري ويفهم في كل حاجة

161
00:55:41.700 --> 00:56:05.450
هل هو كذلك طبعا لا اذا اقبلت عليه المنافقون الذين لا يخلو منهم زمان كل واحد يضفي عليه صفة من صفات الاخرين وليست فيه اذا اقبلت الدنيا على انسان اعطته محاسن غيره

162
00:56:06.500 --> 00:56:25.400
لكنها اذا ادبرت عنه سلبته محاسن نفسه يبقى ما بيفهمش يطلع بقى المذكرات وتطلع التقارير وتطلع كذا ده كان حرامي وكان لص وكان وكان وكان لدرجة الرجل دماغه يلف الله

163
00:56:25.450 --> 00:56:37.700
قال طب انا كده انا فعلا كده يعني انا فش اي ميزة الله طب فين الجماعة اللي كانوا بيخلعوا علي؟ من صفات الكمال ونعوت الجلال وكانوا بيقولوا كزا كزا كزا كزا

164
00:56:38.800 --> 00:57:01.400
يشك الراجل في نفسه يدخل في مرحلة اكتئاب لحد ما يموت ادي الدنيا يبقى مسألة الاستمتاع دائما كل متع الدنيا اولا مؤقتة الحاجة التانية كما قلت قبل ذلك من هوانها

165
00:57:01.800 --> 00:57:25.750
انها مبنية على الحرمان كل متع الدنيا مبنية اساسا على الحرمان. الحرمان وانت بتفرح بالحاجة ليه كنت محروما منها ثم ظفرت بها ده اللي خلاك فرحان في الدنيا نعيمها يبنى على الحرمان

166
00:57:26.950 --> 00:57:47.150
عشان كده كما قال النبي عليه الصلاة والسلام يؤتى بانعم اهل الدنيا فيغمس في نار جهنم غمسة واحدة يقال له هل مر بك نعيم قط يقول لا وعزتك ما مر بي نعيم قط

167
00:57:47.500 --> 00:58:12.250
ويؤتى بابئس اهل الارض فالفقير اللي هو كان مشردا معذبا لا يجد قوت يومه ومريض وحالته كرب لكنه صابر محتسب لا يظهر التسخط على قضاء الله يقول اذا ابتلي في بدنه

168
00:58:13.000 --> 00:58:37.800
اللهم لان ابتليت فلكم عافيت ولئن اخذت فلقد ابقيت اخذ مالا اخذ ولدا ده يظهر الرضا عن ربه يبئس اهل الارض يغمس في نعيم الجنة غمسة واحدة ثم يقال له

169
00:58:38.550 --> 00:59:03.400
هل مر بك بؤس قط يقول لا وعزتك ما مر بي بؤس قط كون الانسان يزحزح بالعافية بينه وبين النار مليمتر ملي المهم ما يقعش لا يسقط فيها ده الله عز وجل قال فقد فاز

170
00:59:05.800 --> 00:59:34.900
العمال بقى اللي دخلوا بقى الجنة وتنعموا ودخلوا قبل الحساب ما ينتهي وترقوا في الدرجات ده يبقى ايه الاية دي لنا معها وقفة ان شاء الله تبارك وتعالى فيما يستقبل من الحلقات ان احيانا الله عز وجل والتقينا بكم مرة اخرى ان شاء الله تعالى

171
00:59:34.950 --> 00:59:53.600
واعتقد انه يعني باقي حوالي ربع ساعة فيعني نتلقى فيها بعض الاتصالات عشان اخوانا المنتزرين على الهاتف نعم    السلام عليكم ورحمة الله. وعليكم السلام عليكم يا فضيلة الشيخ. وعليكم السلام ورحمة الله

172
00:59:53.750 --> 01:00:12.700
والنبي انا عايز اسأل سيادتك سؤال وتوجهني وتوجهنا للخير يعني. نعم تليق بحضرتك اتفضل انا عندي بنتي متجوزة يعني زي ما بتقول مدرس مم. المدرس ده بيتعامل مع بنات. مم. فلاغي وجودها

173
01:00:13.800 --> 01:00:27.600
لاغي وجودها يعني بيقول للطلبة عنده ان مش متجوز وحاجة زي كده وبتاع. اه وفوجئنا ان صاحب العمارة اللي هو ساكن فيها ابلغنا ان كان في بنت بتخش عنده وطلعوا البنت من عنده

174
01:00:27.700 --> 01:00:50.650
العمل معه ايه؟ هل بنت تكمل معه؟ هل بس ده اللي احنا بنسأل سيادتك فيه. نعم نعم السلام عليكم ورحمة الله طيب حاضر نعم نعم السلام عليكم. السلام عليكم ورحمة الله

175
01:00:51.200 --> 01:01:08.650
تفضل اه بارك الله فيك شيخي الفاضل. الله يحفظك تفضل. والله اني شديد الفرح اني اتكلم معكم من تونس الله يحفزك. آآ ربنا ياخدها مني بحبك في الله. احبك الله خيرا

176
01:01:09.000 --> 01:01:40.650
آآ ابشرك بان تبدل كثيرا يعني كثير من الناس آآ قد يتحسن بحالهم ومن بين ما انا طبعا اه فرحت كثيرا ما  آآ بصراحة انا آآ لاني لا اقدر ان اعبر عن شعوري

177
01:01:40.900 --> 01:02:02.300
كلمات شيخي الفاضل   آآ بارك الله فيكم. والسلام عليكم ورحمة الله. عليكم السلام ورحمة الله. الصوت غير واضح يا عبدالحميد اه من عنده طيب هو يعني كان بيتكلم ابشرك يعني عن وضع غزة ولا ايه

178
01:02:02.800 --> 01:02:17.500
اه طيب الحمد لله الحمد لله الحمد لله. نعم تمام نعم السلام عليكم ورحمة الله. وعليكم السلام ورحمة الله وبركاته. فضيلة الشيخ ربنا يبارك لنا فيك واسألك الدعاء لي بالزرية الصالحة

179
01:02:17.650 --> 01:02:34.450
وآآ والبقاء لله في آآ اخونا الشيخ محمد عمرو عبداللطيف. الحمد لله. وربنا يخلفنا فيك الخير يعني. الله يخليك. وعندي السؤال بالنسبة لطول الامل يعني كيف الواحد يفرق بين طول الامل والطموح

180
01:02:34.750 --> 01:02:54.750
يعني الامر آآ التبس علي شوية فيعني احتاج توضيحه. آآ الطموح بالنسبة للعمل بالنسبة لما هو ات يعني. وازاي ان هو لا يتنافى مع مع اللي حضرتك شرحته. نعم. وما تنساش يا شيخ ربنا يبارك لك. ادعي لي بالزرية الصالحة. وانا اكون مجتهدين يعني

181
01:02:54.750 --> 01:03:11.550
بارك الله فيك نعم  شيخ نعم السلام عليكم ورحمة الله. دعني احبك في الله يا شيخ. احبك الله جزاك الله خيرا. اه نحب نسألك سؤال بس يا شيخ بالنسبة للطرق الصوفية في مصر. بالنسبة

182
01:03:11.550 --> 01:03:34.450
ليه اه اهلنا متمسكين بها واحنا موجودين في السعودية وايقنا ان هذا الموضوع ليس صحيح. مم. وبنلاقي رفض شديد جدا جدا للاهل نعم. فهل لكم من توجيهه او كده يعني لدرجة ان احنا يعني بقينا بينا وبينهم شقاق بسبب هزا الموضوع. نعم

183
01:03:34.800 --> 01:03:59.450
طيب ماشي. وجزاكم الله خيرا. بارك الله فيك. الله يحفظك نعم نعم السلام عليكم ورحمة الله وبركاته لو سمحت فضيلة الشيخ. اه كان سؤال في احاديس بسرعة كده حضرتك حريص هل يوجد حديث من راني في المنام فلن يدخل النار؟ وفي حديس تاني اللي هو اخركم موتا في النار. النبي صلى الله عليه وسلم قرأته في البداية والنهاية. اه شاف اه

184
01:03:59.450 --> 01:04:11.700
اه يعني قال لي طبعا من الصحابة كمان من الصحابة اخركم موتى في النار آآ وكان اخرهم اتنين مش فاكر اسم واحد منهم والتاني ابو هريرة رضي الله عنهم. نعم. وبالنسبة للحديس اول جيش يغسل يغزو القسطنطينية مغفور له

185
01:04:11.750 --> 01:04:24.900
وكان قائد الجيش يزيد بن معاوية حيث برضو صحيح وفيه حديس له بتاع النبي صلى الله عليه وسلم يوم القيامة ينظر الى مش عارف ده المقصود بالصحابة ولا بالاتباع النبي صلى الله عليه وسلم. هم. فان الملايكة تأخز مع اليمين والشمال

186
01:04:24.900 --> 01:04:38.200
فيقولون فيقول يا رب امتي فيقول آآ فيقولون يا محمد انك لا تدري ماذا حدث بعدك. فلا تحديس مقصود به الصحابة والمقصود به الاتباع النبي صلى الله عليه وسلم تمام. مم. وجزاكم الله خيرا. نعم. بارك الله فيك

187
01:04:38.550 --> 01:05:02.050
طيب ماشي ماشي نعم نعم تفضل السلام عليكم ورحمة الله. السلام عليكم. وعليكم السلام ورحمة الله يا شيخ انا كنت عايز اسأل سؤال حضرتك اه سؤال والدي اه بيشتغل في الشركة الشرقية للدخلة. الشركة الشرقية للدخان. مم. فهو يعني

188
01:05:02.050 --> 01:05:26.950
يعني هو دلوقتي عدى الخمسين. فكنت بس عايز اعرف لو سمحت يعني هو بيقول هي دي الاول شركة شغل يعني في الشركة الشرقية. حرام نعم طيب حاضر  طيب اه اه الاول بالنسبة اخونا اللي سأل اول سؤال فيما يتعلق

189
01:05:27.850 --> 01:05:56.200
ان بنته آآ زوجها يعمل مدرسا وبيدي دروس للبنات البنات البالغات ويعني آآ قال لهن انه غير متزوج وصاحب العمارة يعني ابلغه انه يعني انه كان مع بنته والكلام ده يعني. لا وانا بقول له هو طبعا هو قاله في الاول خالص. قال والنبي عايز اسألك سؤال احنا بنقول له طبعا انه لا يجوز

190
01:05:56.250 --> 01:06:13.350
ان يحلف المرء الا بالله تبارك وتعالى اه فالانسان اذا يعني حلف بغير الله عز وجل فليقل لا اله الا الله اه بالنسبة المسألة دي انا يعني شايف انها ما بتدخلش في باب الفتوى اكتر منها في باب

191
01:06:13.500 --> 01:06:31.900
اه اه النصيحة او كيف يتعامل مع هذا الرجل عشان كده انا بازن الله الكريم بعد اه الحلقة يتصل بي على آآ صفر عشرة واحد ستة واحد صفر تلاتة تلاتة خمسة

192
01:06:32.050 --> 01:06:46.450
اه اقدر ايه اخد يعني بعد الحلقة بس بنصف ساعة كده ولا حاجة اقدر اخد وادي معه لانها مهدي فتوى ربما تكون دي زلة من الرجل ربما تكون هفوة مسلا ربما يكون في معطيات في الموضوع

193
01:06:46.550 --> 01:07:00.850
فانا لو عرفت القصة كلها ممكن اعرف اذا كان هذا الرجل يعني لا يعاشر ام لا. لكن هو اعطاؤه على اي حال. دروسا للبنات البالغات لا يجوز وانا بقول لاي اه مدرس

194
01:07:01.150 --> 01:07:19.350
لا يحل لك ان تعطي دروسا للبنات البالغات وهذا من اعظم اه مواقع الفتن وانا عندي اشياء لا استجيز ان اذكرها ليه؟ لانها يعني رهيبة وعظيمة وبقول برضو لاولياء الامور

195
01:07:19.500 --> 01:07:32.500
اللي هم الجماعة اللي هم متصورين ان حصول البنت على الشهادة يساوي دخول الجنة واحنا عارفين القصة كلها بقت ورق ما لهاش قيمة. ليس لها قيمة. لا للرجال ولا للنساء معا

196
01:07:32.650 --> 01:07:45.300
كان زمان اه بيحصل نوع من التنفس لان في وظيفة حد بينتزر. لكن دلوقتي كلنا بنطلع نقعد على حصيرة الصيف يعني المدارس الآن بقت ايه؟ ارحام تدفع حتى الغش بقى شبه رسمي

197
01:07:45.400 --> 01:07:57.700
ودلوقتي كله ما فيش حاجة فيه تعليمات ان ما فيش حد يسقط. لان هيسقط ليه؟ هنقعده ليه؟ يقعد يشغل المكان ده ليه؟ يغور يروح بقى يتخرج ولا يروح يقعد على الرصيف ولا بتاع

198
01:07:57.800 --> 01:08:11.200
لكن كان زمان اه لابد من التدقيق والبتاع والكلام ده. العملية التعليمية كلها عملية فاشلة. والقاصي والداني يعرف هذا الكلام فانا عايز اقول لما يكون رجل يسمح لابنتي انا شفت بنات

199
01:08:11.750 --> 01:08:26.000
في صلاة الفجر صلاة الفجر ماشيين في الشارع لوحدهم انا مرة سألت بنت يعني اتناشر سنة او تلتاشر سنة قلت لها يا بنتي انت رايحة فين؟ قالت رايحة اخد درس جغرافيا

200
01:08:26.100 --> 01:08:47.950
درس الجغرافيا الكلام ده من خمستاشر سنة كده درس جغرافيا ينزل الفجر عشان تروح درس جغرافيا نوع من الغفلة الشديدة فيقوم يسمح للبنت انها تروح عشان تاخد عنده استاز والكلام ده ولما تقع الواقعة الولد يخطفها ولا تتعرف على يبتدي ايه يندب حظه العافر

201
01:08:48.000 --> 01:09:04.100
انا بقول كل هذه الظواهر دي ظواهر مرضية وهي من المعاصي البينة لا سيما ان ما فيش مدرس بيشرح من وراء حجاب كله لازم يكون كلهم قدام حتى لو كانت البنت منتقبة كمان

202
01:09:04.400 --> 01:09:23.950
لان البنت مش عميا والبنت يعني مش مش صديقة يعني برأى شيطانه شياطينه والكلام دهوت هو مش شايفها لكن هو لا هي شايفاه فدي بكل اسف مآسي يعني نسأل الله عز وجل ان يرد المسلمين الى دينهم ردا جميلا. الاخ اللي بيسأل عن الفرق بين الامل والطموح ده الكلام ده لسه جاي

203
01:09:24.250 --> 01:09:44.250
لان احنا برضو مش معنى ان بنقول لك لا امل انك انت آآ تقعد بقى تندب حظك. لا هو لولا الامل لبطل العمل. يعني الانسان لولا ان عنده امل في شيء ما لا توقفت الدنيا. احنا الكلام ده برضو اللي فيه فروق دقيقة يعني في المسألة دي ان شاء الله نستوفيها في

204
01:09:44.250 --> 01:09:57.850
اه مكانها الاخ اللي بيتصل بيقول يعني ان اهالينا يعني اه بتبع اه من الطرق الصوفية والكلام ده واحنا عرفنا بقى السنة والكلام ده ففي مشاكل بينهم وبين اهاليهم. انا بقول لك يا اخي الكريم

205
01:09:58.150 --> 01:10:23.600
اه اعذر هؤلاء بمعنى انهم لا يعرفون الحق لم يجدوا من يدلهم على الحق وبعدين كثير من شبابنا بيبقى عنده نوع من الاندفاع لسببه الغيرة على السنة فيقوم لا يراعي ظروف الناس ولا يراعي ان ده راجل كبير ولا ان له منصب في قومه ولا ولا ولا الى اخره

206
01:10:23.650 --> 01:10:37.000
فبيبتدي ينكر عليه فالاب او الخال او الجد او العمة او الكلام ده لا يتحمل انكار الولد وبيعتبره قلة ادب وان الولد من يوم ما التزم بقى قليل الادب فيحصل نوع من الارتباط ما بين اللحية وقلة الادب

207
01:10:37.850 --> 01:10:55.550
ودي طبعا مشكلة احد اسبابها الهامة هذا الاندفاع اللي سببه الايه؟ الغيرة على السنة آآ انما الانسان اذا يعني ترفق معروف كما قال القائل ليس هناك حمل اثقل من البر

208
01:10:56.150 --> 01:11:14.850
من برك فقد اوثقت ومن جفاك فقد اطلقك وانا لا انسى ان في مرة من المرات زمان من حوالي عشرين سنة كده آآ كان في آآ شاب بيحضر آآ عندي في آآ شرح كتاب رياض الصالحين

209
01:11:15.750 --> 01:11:29.900
وكان اياميها كنا في اخر شعبان وعلى مشارف رمضان فانا كنت انبه على البدع اللي بتكون في يا رمضان اه فذكرت منها قراءة قل هو الله احد بين الايه؟ بين ركعتي القيام

210
01:11:31.100 --> 01:11:46.150
في شاب بقى كان دايما مواظب آآ قدامي على طول آآ اه اه لا يتخلف ابدا عن الجمعة وما كنتش عارف قصته خالص شاب من ضمن الشباب لحد ما تاني اسبوع

211
01:11:46.300 --> 01:12:07.600
لقيت الشاب ده عمل مشكلة مع والده اتاري بقى والده ده كان رجلا اه قطبا او وتدا في طريقة صوفية كما يقال وكان بيهيأ ابنه انه ياخد الخلافة بعده الولد طلع من طوعه يعني وبدأ يحضر عندنا والكلام ده فكانت تحصل مناوشات

212
01:12:08.000 --> 01:12:22.600
آآ بينهم فبعد ما سمع مني ان ده بدعة والكلام دهوت راح لوالده وحصل بينهم نقاش وعنف والكلام ده فهو ابوه قال له انا لازم اجي علشان اعرفك ان شيخك ده ما بيفهمش

213
01:12:23.650 --> 01:12:42.800
وعلى رؤوس الاشهاد وهتكلم وهقول انا عرفت الكلام ده طبعا بعد ما وقعت الواقعة يعني فانا قاعد في الدرس اتكلم بنهاية الدرس رفع ايده وقام واقف قال يا عم الشيخ انت بتقول لابني

214
01:12:43.050 --> 01:13:04.250
ان قراءة قل هو الله احد بدعة الكلام ده صحيح قلت له قراءة قل هو الله احد بين ركعات القيام بدعة صرخ بقى قال يعني لما اقرأ قل هو الله احد ابقى مبتدع

215
01:13:04.850 --> 01:13:25.850
اللي هي تلت القرآن قلت له لا انا قلت لك قراءة قل هو الله احد بين ركعات القيام بدعة فانا عايزك دلوقتي تفهمني. هسألك تلات اسئلة وتجاوب علي السؤال الاول

216
01:13:26.250 --> 01:13:44.350
هل النبي صلى الله عليه وسلم فاته شيء من الخير قال لي لأ قلت له طيب السؤال التاني هل قصر في البلاغ حاجة كتمها يعني ما قلهانيش ولا الا لما مات

217
01:13:44.450 --> 01:14:00.850
عليه الصلاة والسلام كان الدين تم وكملت النعمة قال لي لا ما قصرش قلت له السؤال التالت بقى هل فعلها النبي عليه الصلاة والسلام وقف قلت له ما انت يلزمك احد امرين

218
01:14:01.500 --> 01:14:23.400
لو قلت فعلها هقول لك كما قال اهل العلم ان كنت مدعيا فالدليل لازم تقول لي انت قلت فعلها جبتها منين ان قلت لي لم يفعلها ارجع للسؤالين الاولانيين لم يفعلها اذا

219
01:14:23.550 --> 01:14:44.850
يا فاته شيء من الخير انت بتستدرك عليه لقصر في البلاء ولابد ان يلزمك هذا الايه؟ هذا الكلام فسكت شوية كده وقال لي يعني انت عايز تقنعني ان انا بقالي ستين سنة مغفل

220
01:14:45.900 --> 01:15:02.350
انا ما اقدرش اقول له ايوا انت مغفل ليه هذا سيجعله ينفر الاعداء على رؤوس الاشهاد ومعروف ان وجود الناس بيخلي الانسان يركب حظ نفسه حتى لو كان رجلا فاضلا

221
01:15:03.050 --> 01:15:23.900
ولزلك قال الله عز وجل لقريش لما زعمت ان النبي صلى الله عليه وسلم لم يرسل اليهم قال قل انما اعظكم بواحدة ان تقوموا لله مثنى وفرادى مش تلاتة مثنى وفرادى

222
01:15:24.050 --> 01:15:44.400
ثم تتفكروا ما بصاحبكم من جنة اليس بمجنون فقال انتم عايزين قوموا فرادى. الانسان اذا كان فردا ممكن يقعد يتأمل وازاي مجنون قال ازاي ازاي كله ده انسان عاقل وكلنا كنا بنشهد له بالعقل

223
01:15:44.750 --> 01:16:00.300
جاله الجنان منين؟ يعني فممكن يصل اتنين ممكن يتنازروا ما فيش حد هيغلب حد ما هو ما فيش حد شايفني. انا هغلبه ليه او ببقى حريص اني اغلبه ليه؟ عشان الطرف التالت اللي قاعد هيطلع ينقل

224
01:16:00.700 --> 01:16:15.050
ويقول له انه غلبه وانه انتصر عليه والكلام ده طالما في اتنين ممكن الحق يطلع في واحد ممكن الحق يطلع ثلاثة فصاعدا دخلنا بقى في القصة اياها اللي احنا بنتكلم فيها

225
01:16:15.300 --> 01:16:27.400
فما ينفعش لما يقول لي يعني انا بقالي ستين سنة مغفل ما اقدرش اقول له ايوا لك ستين سنة يا مغفل. ايه اشكالك انك تبقى مغفل يعني لكن قلت له

226
01:16:27.750 --> 01:16:44.450
ان الانسان ممكن يظل فترة طويلة من دهره لا يعلم ثم يعلم ايه الاشكال هو الانسان اوتي علم كل شيء طب ما الانسان بيتعلم وكل ما تمر به الايام بيتعلم

227
01:16:44.750 --> 01:17:04.500
يتعلم شيئا اليوم ما كان يعلمه امس ويتعلم في الغد ما كان جهله اليوم اليس عيبا انما العيب ان يصر المرء على جهله قلت كلام بهذا المعنى انا مش حافظ طبعا الكلام اللي انا قلته لان الايه؟ الحوار استمر بينا في حدود خمس دقائق

228
01:17:04.550 --> 01:17:17.800
آآ الرجل المهم طلع مكسور وطبعا غير راضي مع ان انا ترفقت به جدا وحاولت ان انا ما استخدمش الالفاظ القاسية حتى لا ابعده عن الحق انا عايز اقول اه بالنسبة لاخوانا

229
01:17:17.900 --> 01:17:40.700
الذين ذاقوا طعم السنة ويروا آآ اهليهم. آآ ما زالوا في هذه الخرافات وما زالوا وما زال بعضهم يتوسل به الاضرحة والكلام دوت وان هو يعني فليكن سفيرا جيدا لدينه. ويحاول ان يترفق مع هؤلاء لا سيما ان كانوا اصحاب

230
01:17:40.700 --> 01:18:01.750
مناصب واصحاب عزوة وكما يعني قلت ليس هناك حمل اثقل من البر من برك فقد اوثقك ومن جفاك فقد اطلقك اول ما تقع فيه هيقع فيك. خلاص صار حرا طليقا يفعل بك ما يريد

231
01:18:02.350 --> 01:18:22.100
ويقول فيك ما يشاء ما هو ما عدش حشمة لكن انت اول ما تستخدم يعني اخلاق الحميدة بتصل على طول اقصر طريق اقصر طريق الى قلوب الناس الاحسان اليه والتغاضي عن زلاتهم لا سيما

232
01:18:22.150 --> 01:18:44.550
اذا لم يكن تحت ذلك كبر انما كان جهل المقام طبعا طويل الكلام فيه طويل لكن هذه وصية انا اوصي يعني صاحبنا بها اه اخيرا الاخ بقى اللي هو فبيقول بقى حديث من رآني في المنام فلا يدخل النار وحديث اخركم موتا في النار

233
01:18:44.750 --> 01:19:03.950
الاتنين دول كلاهما ضعيف لا يصح لكن اخركم موتى في النار ضعيف جدا ومران في المنام فلا يدخل النار هذا ايضا لا يصح اول جيش يغزو القسطنطينية حديث جيد وحديث انك لا تدري ما احدثوا بعدك هذا ليس

234
01:19:04.050 --> 01:19:24.550
آآ مقصودا به الصحابة عند آآ اهل العلم انما الصاحب يطلق ليس على الصحبة المباشرة انما يطلق على من انتهج نفس النهج. ولزلك تلاقي اصحاب العلماء المذاهب اه المتأخرون يقول لك ايه؟ وقال اصحابنا الشافعية

235
01:19:25.300 --> 01:19:42.300
وقال الشافعي يقول وقال صاحبنا الربيع او المزني او البويطي مثلا الحنفية قال صاحبنا ابو يوسف او صاحبنا محمد بن حسن الشيباني او وقال صاحبنا سحنون للمالكي او عبدالوهاب مسلا

236
01:19:42.550 --> 01:19:55.700
الى اخره. يعني عايز اقول انا ببقى متأخر اهوت في الزمان ممكن اقول وقال به من اصحابنا مسلا لو انا شافعي المذهب اقول وقال به من من اصحابنا فلان وفلان وفلان

237
01:19:57.800 --> 01:20:17.800
برغم ان انا بيني وبين هذا الذي اعزب اليه الكلام بيني وبينه بون شاسع ويعني اه سنوات طويلة. فالمقصود يقول اصحابي اصحاب ابي اي من سلكوا طريقتي وسلكوا آآ نفس النهي فيقول انك لا تدري ما احدثوا بعده. اسأل الله تبارك وتعالى ان

238
01:20:17.800 --> 01:20:38.700
على قلوبنا حتى نلقاه وان يقبضنا على الكتاب والسنة. وان يجعل اسعد ايامنا يوم لقائه تبارك وتعالى والله سبحانه وتعالى اسأل ان يجعل ما قلته لكم وما سمعتموه مني زادا الى حسن المصير اليه

239
01:20:38.800 --> 01:20:51.078
وعتادا الى يمن القدوم عليه انه بكل جميل كفيل وهو حسبنا ونعم الوكيل. وصلى الله وسلم وبارك على نبينا محمد. والحمد لله رب العالمين