السلام عليكم ورحمة الله وبركاته مشاهدينا الكرام اهلا بكم ومرحبا والنهاردة بنتكلم عن موضوع هو مكمل للحلقات الماضية. يمكن اتكلمنا مع حضراتكم آآ الحلقة اللي فاتت تحديدا عن تركستان الشرقية. وطبعا عرفنا حضراتكم وانا عرفت طبعا كمشاهد بداية قبل ما اكون طبعا مع الدكتور العزيز دكتور رجب السرجاني اه موضوع تركستان وتركستان الشرقية والمسلمين فيها والاقليات فيها وكان يمكن اخر حاجة اتكلمنا فيها في الحلقة اللي فاتت عن اه دخول الاسلام تركستان الشرقية ودلوقتي طبعا بنبدأ الحلقة ديت مع دكتور راغب عن بعد دخول الاسلام هل حصل بعض الاحتكاكات بين المسلمين و قبائل اخرى او بين المسلمين وبعض اه بسم الله والحمد لله والصلاة والسلام على رسول الله احنا قلنا ان الاسلام دخل بداية عن طريق الدعامة. مم. فترة الدعاة دي ما كانش فيها نوع من الاحتكاك وكان فيه نوع من التقبل للاسلام بشكل جميل قوي من اهل البلد وبدأ الاسلام ينتشر ولكن ببطء في ارض التركستان الشرقية اللي هي زي ما قلنا غرب الصين يعني اقصى اسيا. بسهولة تقبلوه في البداية بسهولة. مم. اه بدون مقاومة اه كبيرة لكن عندما بدأ عدد المزمنين يكتر عادة بيحصل نوع من المقاومة من اصحاب السلطان والحكم وما الى ذلك. فحصل نوع من التصدي لهذه الدعوة الاسلامية مع ان المسلمين رايحين برسالة حب ورايحين بنوع من اللطف في التعامل بس حصل بالزبط فحصل نوع من الحرب انطلق بقى الجيش الاسلامي الفاتح اللي هو قلنا الحلقة اللي فاتت كتيب ابن مسلم الباهلي في اخر عهد الوليد بن عبدالملك وفتحت ارض التركستان الشرقية وبدأ الناس اه بدأت تكون تحت حكم اسلامي وان لم يكن المسلمون اغلبية في ارض التركستان في ذلك الوقت اها. الاحتكاكات بقى في بين المسلمين وبين اهل التركستان الحقيقة اللي هم الاصليين بقى اللي هم الوثنيين لسه في زلك الوقت آآ كانت قليلة جدا. وده لافت جدا للنار ان التعامل بين المسلمين وبين اصحاب الديانات الاصلية اللي موجودة في ارض التركستان الشرقية وارض الصين نفسها. انت عارف ان البعثات ديت ما وقفتش عند التركستان. كملت في الصين المنطقة نفسها. اه الصين نفسها دولة الصين الامبراطورية القديمة العميقة جدا في التاريخ الفين تلت تلاف خمس تلاف سنة في التاريخ. مم لم تقف امام الكلمات الاسلامية العميقة المؤثرة السهلة السلسة العقيدة الواضحة فبدأ الاسلام ينتشر في داخل الصين نفسها طينه في التركستان الشرقية. عهد الدولة الاموية وعهد الدولة العباسية. الدولة العباسية بعتت اتناشر بعثة علمية دينية عقائدية للصين. فبادين في الوقت الدين الموجود اللي موجود. الموجود كان معظم ارض آآ الصين احنا عندنا في الصين تلات ديانات رئيسية في ديانة اللي هي البوذية دي اشهر ديانة واكبر ديانة والديانة اللي عكسها كونفوشيسية. مهم. بوذية طبعا نسبة الى بوذا. احد الفلاسفة الصينيين القدماء. ايوة. اللي كان بيعيش حياة اه اله بعد كده اه هو عملوه اله بعد كده هي البوزية نسبة الى بوذا. تمام. الكونفوشيسية نسبة الى كونفوشيوس. كونفوشيوس احداس الصينيين اللي خد جنب عكسي عن بوذا. بوذا كان بياخد الجانب الروحي والاعتزالي. وآآ وان هو يقعد في كهف ويعتزل حياة الناس ما لوش دعوة بالحد وبيعبد زي منهج الصوفية مسلا. زي كده يعني هو مزهب منهج آآ وثني. اه. كانوا بيعبدوا في الاخر بوزة. تشبيه طبعا كان مادي. هم. جدا. القواعد كلها مادية. قوانين مادية. حكم مادية. خد هذه لادارة الناس وللتعاون مع الناس ودول الديانتين الرئيسيتين وكان فيه ديانة تالتة اسمها لوتسو موجودة في ارض الصين. فالديانات التلاتة اديت وثنية وضعية ده كان الاساس في الصين. موجودة في الصين. فبدأت الناس تدخل في الاسلام اعداد نسبيا قليلة وليست طبعا انت عارف ارض الصين طول عمرها جموع من البشر يعني اعداد كبيرة يعني مش من فراغ ان الصين دلوقتي مليار وتلتميت مليون بني ادم اعدادنا ضخمة لكن الغالب الاعم كان من البوذيين والقنفوجوسيين. ومع ذلك يا اخي لعدة سنوات ولعدة قرون لم يحدث احتكاك. هم. بين الشعب المسلم والشعب البوذي الوثني او الوثني اللي عايش في الصين. غريبة! يعني فعلا! مع ان كان متوقع غير كده! نموذج من نماذج التعايش اللي محتاجة تدرس فعلا تعايش مع انه دلوقتي مش اهل كتاب. مم. يعني مسلا احنا بينا وبين النصارى فيه روابط كتيرة. صحيح. ولتجدن اشد الناس عداوة للذين عملوا اليهود الذين اشركوا ولتجدن اقربهم مودة للذين امنوا الذين قالوا انا نصارى. زلك انا منهم. اه. اه. لكن وعندهم في الكتاب ان في نبي جاي وعندهم اه ايمان بقضية النبوة اساسا وكمان بكلية البعث اساسا اما دول وثنيين لا يعرفوا دنيا الاخرة ولا يعرفوا حساب ولا يعرفوا يوم قيامة ومع ذلك الاحترام متبادل بين المسلمين وبين هؤلاء كان سمة مميزة لهذه الفترة وهي لافتة اه للنظر ومحتاجين ندرس التجربة ديت كيف يتعايش المسلمون؟ صحيح. مع اقوام وده واقع احنا عايشينه. اه. يعني شوية نسمع فتنة فين اه الحقوا في المنيا حصل ايه الحقوا في الاسكندرية حصل ايه. وكلها مشدات يعني مش عشان واحدة نشرت غسيل يبقى حصل بعقول في عام المسلمين يعني يا جماعة خلوا بالكم احنا مش بنتكلم وخلاص قصص وحكايات بنقولها والسلام احنا يهمنا ناخد الشاهد والعبرة بالزبط احنا طبعا مشاهدينا ومشاهدي قناة الناس اعتقد انه مشاهد مثقف وفاهم وواعي ويضع النقاط على الحروف. صحيح. يعني حالة التأقلم والزوبان. مم. بين المسلمين وهزه والبوزية والاقليات المجوسية والوثنية. دابوا في بعض. الكلام ده. يعني لكم دينكم؟ انا عايز ولي دين. اه والله انا عايز اديك آآ قصة هنخرج بيها برة تركستان بس مش هنخرج بيها برة المعنى ونرجع تاني. اه هي احنا في نفس المعنى. اتفضل. وبنتجول في التاريخ بنتفسح مع مشاهد. صحيح. والمشاهدة في التاريخ اديك موقف غريب جدا سيدنا آآ قيس بن سعد بن عبادة رضي الله عنهما طبعا كويس ان كلام الصحابة وابوه من عظماء الصحابة سعد بن عبادة سيد الخلق نعم معاه سيدنا سعد ابن ابي وقاص الاتنين رضي الله عنهما كانوا قاعدين في فارس في العراق. سعد بن عبادة قيس ابن سعد ابن عبادة وسعد ابن ابي وقاص. بالزبط. ايوة. قيس ابن سعد ابن عبادة ابن ابي وقاص الاتنين كانوا قاعدين في اا العراق ومرت عليهم جنازة فوقف احتراما للجنازة فقال لهم رجل انه انها جنازة رجل من اهل الارض يعني ايه اهل الارض؟ يعني من اصحاب حتة هنا يعني اه. مجوسي. مم. هو ليس نصرانيا ولا يهوديا. مم. هو مجوسي يعبد النار من دون الله عز وجل ولكن فقال اوليست نفسا ادي نفس تحترم وهزم فعل رسول الله. اليهودية. بالزبط. الموقف فالراجل استغرب فقال له الاتنين مع بعض مرت جنازة برسول الله صلى الله عليه وسلم. يا سلام فقام لها فقال رجل يا رسول الله انها جنازة يهودي. فقال اوليست نفسا؟ في رواية مسلم صحيح مسلم يقول فوقف لها رسول الله صلى الله عليه وسلم حتى توارت يعني مش وقوف دبلوماسي وهنا في حد شاهد كمشاهد وهو قد ايه ان الصحابة كانت بتحترم جدا افعاله صلى الله عليه وسلم. عليه الصلاة والسلام. يعني احترامهم للافعال صلى الله عليه وسلم. احنا بنقولها كلام دكتور خلينا واقعيين ومشاهدينا يشهدوا على كده احنا بنقول اقوال بس لكن اين نحن من الافعال؟ مم. دي مشكلة مع الله. هو الصحابي آآ الاكتر من كده انه بيجتهد كمان في النص. هم. يعني الرسول عليه الصلاة والسلام وقف لجنازة يهودي كان ممكن نتيجة انه بيحاربه دلوقتي الفرس يقول لك والله ده يهودي اهل كتاب انما دول فرصة لكن لأ طبق المنهج على كل البشر يا سلام! اي بشر انا احترمه. وهو ده الاسلام الحقيقي. اه يعني وقف الجنازة احتراما بقى عن كل المزايدات وعن كل العصبيات. هو ده الدين بتاعنا. والارقام قيادة. اه هو ده الدين بتاعنا. ده اللي اتطبق بارض فارس. مم. وده اللي اتطبق في ارض التركستان. وتعايش المسلمون مع البوذيين ومع اهل كونفوشيوس مش اهل كتاب. اه مش اهل كتاب. خلوا بالكم يا جماعة مشوا مع بعض. لا دولت اذوا دولت ولا دولت اذوا دولت. يا سلام! والله لا علينا كمان في الحلقات القادمة نتعرض لبعض المواقف المبهرة مم. لتعايش المسلمين مع غيرهم. وانا بتكلم هنا على فكرة مش بس بشكر في فعل المسلمين انا بشكر في فعل البوذيين ومن البوذيين من نشكر فعلهم ومن يعني قيل للدكتور راغب على قناة الناس ان انا بشكر باشكر المعنى ايوة وانك انت تقبل ان تتعايش مع عقيدة اخرى لا اكراه في الدين. قبول الاخر. ولغة الحوار يا اخي الرسول عليه الصلاة والسلام ودايما انا احب ارد مشاهد للسيرة النبوية. نعم. ولافعال الحبيب صلى الله عليه وسلم. عليه الصلاة والسلام. في موقعة بدر لما اسر سبعين واحد قال لو كان المطعم بن عدي حيا لوهبت هؤلاء يعني مطعم بنعديه ده مشرك لو كان عايش كنت اديته دولت ببلاش هؤلاء هكذا دون فدية ودون طلب ودون اي شيء. ليه؟ لان متعب العادية كان راجل محترم. ايوا. مع انه كان بيسجد الاصنام من دون الله لكن يقر فيه انه نخوة العربي للدفاع عن الحقوق اقر فيه ان هو كراهيته للظلم اقر فيه عونه للمحتاج اقر فيه ان هو حمى الرسول عليه الصلاة والسلام بالسيوفي وسيوف ابنائه المشركة. هم. لما دخل مكة المكرمة وحاربه اهله ويمكن من بني هاشم. صفة العدل والزلم ديت هي واقع اليم بينا يعني في حديس حضرتك فكرتني به ان الله لينصر دولة العدل ولو كانت اه ده كلام ابن تيمية. اه. ابن تيمية بيقول ان الله لا ينصر الدولة الكافرة الدولة العادلة اه. ويخذل الدولة الظالمة ولو كانت مسلمة. شف فهم دراسات فهم المسلمين بفضل الله يعني وجدوا نوع من من الحياة الجميلة في ارض التركستان يتعايشوا مع بعض. بالزبط فترة تنوم اقلية ولا زاد عددهم واستطاعوا بالفعل ان هم يبقى لهم كيان. انا اقول لك على حاجة غريبة جدا. هم. هم الحقيقة فضلوا اقلية فترة من الزمن لحد القرن الرابع الهجري. مهم في سنة تلتمية تلاتة وعشرين هجرية يعني تقريبا في القرن العاشر الميلادي حصل حاجة غريبة جدا اسلم رجل اسمه استوق بغراخان واتمنى اتمنى مم. ان المشاهد والمشاهدة يسمعوا هذا الاسم يحفزوه ليه عشان يحكوا لولادهم قبل ما ابنك ينام ولا بنتك تنام بدل ما تحكي له حكاية الشاطر حسن كيلو حكاية تطبخ رخام طوق بوغرخان بوغرخان ستوك بوغرخان بقولها لك تلات مرات اربع مرات عشر مرات عشان تحفز هذا الاسم الجليل قطب جرهان ده كان زعيم من زعماء الايجور. المشاهد دلوقتي بيقول يا جماعة احنا الكلام ده صعب علينا يا اسيادنا. تخيل! احنا الاولاد توم وجري بالعافية يعني قصص كده يا جماعة هي مش كده يعني. اهو مشاهد قدامنا وبيقول الكلام ده كلمها للدكتور؟ اه لا لان بعض المشاهدين دايما بيحاولوا ايه؟ بيحاولوا ينكروا الواقع قالوا له صرحاء. مم. هم مش عاوزين نعيش على ارض الواقع لكن ده امر مفروض علينا. سبحان الله. يعني شف حضرتك قد ايه اه بتقول هزه الشخصية؟ شخصية ما حدش يعرف عنها حاجة. اه. ستوك بوهرغان ده رجل وثني كان بيعبد بوزة سمع رسالة الاسلام وبعدين؟ عجبته فاسلم يوم ما اسلم كان زعيم قبيلة يوم ما اسلم راح لقبيلته كلها اسلمت. وقف وقفة سعد بن معاذ الانصاري رضي الله عنه وارضاه تماما. انا بكلمك على صحابي في القرن الرابع الهجري مم. الصحابة ماتوا في القرن الاول. ايوة. ده فعل الصحابة هؤلاء هم اخوان الرسول عليه الصلاة والسلام وجدت ان لو ارى اخواني اوليس اخوانك يا رسول الله اخواني قوم يأتون بعد ذلك يؤمنون بي ولم يروني. قال انتم اصحابي. اه انتم اصحابي الشخص ولا احبابي. دول بقى دولت اللي جاي بعد كده ستوك بوغرخان ده اللي قاعد في التركستان الشرقية يؤمن فيتحرك لا يكتفي بايمانه. ما اقولش انا خلاص انا امنت الحمد لله عديت. لا. يذهب الى قومه. يتكلم معهم بلغتهم يدعوهم الى الاسلام في يوم اسلام استوك بوغرقان يا اخي اسم هذا الرقم. هم. وهو رقم مذهل دخل في الاسلام متين الف عائلة اكثر من مليون انسان في يوم واحد. سبحان الله هذا رقم مهول هؤلاء جميعا اهو اللي بيسميهم العوام العوام زي دلوقتي العوام بيتأثروا بالدعوة المركسية الدعوة الشيوعية الدعوة الرأسمالية الدعوة الاسلامية عشان كده دايما اقول اخطر اخطر جهاز الدولة والجهاز الاعلامي مم. لو الاعلام ده فاسد فسدت الدولة. صحيح. لو الاعلام ده سليم وصحيح وصالح صلحت الدولة الاعلام ساعتها كان في يد هذا الرجل البوق الاعلامي تكلم بالاسلام بعد ما كان بيتكلم البوذية. الجموع اللي مش فاهمة حاجة بتوقر كبيرها دخلت معها في الاسلام زي ما الجموع دخلت في الاسلام ايام سعد بن معاذ وقامت الدولة الاسلامية على اكتاف سعد بن معاذ واسيد بن حضير لما اسلموا كذلك قامت الدولة الاسلامية التركستان التركستانية على اكتاف سطوب بوغراخان يتحفز اسمه ولا ما يتحفزش راجل دخل مليون بني ادم قدوة يا دكتورة يا غادة قدوة كبيرة هل احنا فينا كمجتمع اسلامي الان هذه القدوة امسالها وهنجاوب على ده ولكن بعد الفاصل خليكم معنا زي ما كنا بنتكلم مشاهدينا الكرام آآ عن بعض الشخصيات اللي زكرها دكتور راغب انا باخد منها كمشاهد بقول الشاهد هنا ايه قدوة هل احنا فينا دلوقتي كمجتمع اسلامي مسلم في شتى بقاع الارض هذه الشخصية التي تجعل الالوف بل الملايين يسلمون في صعيد واحد وفي ان واحد يعني الحقيقة موجود موجود بس احنا محتاجين مم. نعرف نكلم الناس في المية رجالا ونساء وده زي ما قلت لحضرتك رجالا ونساء في احدى الحلقات قلتها لحضرتك وهي ان قرطبة عاصمة الاسلام كانت تشع حضارة جوهرة العالم. في حين انجلترا كانت لان انت ممكن تكون بتستخدم مفتاح غلط يعني ممكن يكون انا اه داعية اتكلم بلغة لا تناسب القوم يعني انا ازكر مرة واحد اه اه كان في قرية من القرى الداعية يعني داعية بسيط يعني اه اه كان امام مسجد حب بان هو يوصل معنى للناس فبالما يتكلم على فتنة خلق القرآن وصراع المعتزلة مع اهل السنة وو في قرية فاللي قاعدين مش فاهمين ولا كلمة من اللي بيقولوا. ففي اخر التذكرة ضربوه وانا حضرت شخصيا خطبة مش فاهمين حاجة. بالظبط كده انا اهو ده اللي احنا عايزين نعمله. وامرت ان اخاطب الناس على قدر عقولي لاهم ده مين اللي قال الكلام ده؟ اه يعني اوصل الناس معنى يفهموه مش عايز افتري الناس في دينهم يعني حتى الرسول عليه الصلاة والسلام يعني يعني بيقول للناس آآ خاطبوا الناس على قدر عقولهم اتحبون ان يكذب الله ورسوله لما تقول له حديس يستغربه وهو عقله ما يستوعبوش يقول لك لا لا الكلام ده كده. طب ما هو كدب الرسول عليه الصلاة والسلام. ما ينفعش. خاطب الناس على قدر عقله. انا حضرت خطبة يعني ما انساش والله. الخطبة كانت الحقيقة الراجل آآ كان آآ كان آآ خريج دار علوم ودارس اه مقارنات الاديان وعارف كثيرا جدا في التوراة وقعد يتكلم الخطبة عايز هو عايز في النهاية يقول ان اليهود لهم اخلاقيات مش كويسة فقعد الخطبة حوالي ساعة يتكلم بنصوص من التوراة وقام مش عارف مين وقال ايه وفي سفر كزا وفي كزا طبعا الناس اللي قاعدة انا كان في حي بسيط. صحيح. حاشم حاجة. اما هي حاجة. لازم تحصل فجأة. وانا شخصيا تهت في مرة في الخطبة. ايوة. فهو آآ قعد يتكلم يتكلم يتكلم. انا لا لا انسى هزا الموقف. قام لواحد من الجمهور اسناء الخطبة والله اسناء الخطبة وقال له يا اخي حرام عليك هو احنا عارفين القرآن لما تقول لنا على التوراة؟ يعني احنا صحيح. عارفين ان القرآن الكريم لما تيجي يكلمنا على التوراة. صحيح صحيح. يعني فعلا السماح في العلمي بتتكلم مع يعني آآ القساوسة والرهبان بتحجهم بالتوراة والانجيل ومقارنة الاديان. مم. واللي قعد مع حي بسيط عايز يعرف دينه. ايوة ستوب جغران قام كلم الناس بلغتها قدوة قام قدوة وقال لهم انا اعتنقت هذا الدين وهذا الدين عظيم. هذه كلمة تكفيهم. هم بيثقوا هذا الرجل بيثقوا في دينه. فلسفتهم اعتنقوا الاسلام. اعتنقوا الاسلام. دخلوا في الاسلام. ومن هنا اصبحت دولة التركستان القرن الرابع الهجري دولة اسلامية يعني غالب اهل تركستان مليون بني ادم في المطارات دي كانوا كتير. مم. فاصبحت دولة اسلامية وبدأ الاسلام ينتشر وابنه بقى قائد المسلمين. هم. وحفيده كان اسمه هارون بوغراخان. ايوة. بقى قائد التركستان الايجور المسلمين. حفيده ده كان قصة هارون بوغراخان ده القصة لوحده يعني. اه والله. يعني من برده من الاسماء يا ريت برضو نحفظه. مم. ويا ريت نعرف نحكي لولادنا هارون بوغرخان هارون بوغرخان ده قائد مسلم. قائم قائد مسلم قائد تركستان. تركستان. تركستان. ايوة اوقف خمس الاراضي الزراعية في دولة التركستان على اقامة المدارس الدينية والمساجد وتعليم الناس الاسلام اوقف خراج خمس الارض قمص املك الدولة خليها بس وقف لهذا عشرين في المية. دي مخصصة للمدارس الدينية وللمساجد ولتعليم الناس الاسلامي. هم ويدي منها اجور للي بيعلموا ناس الاسلام وو وبعدين عمل حاجة اه يعني اه من من اروع الاشياء انه خلق التعليم في كل هذه في كل هذه البلاد مجاني وهذا انتشر منها الى الاماكن المجاورة. جميل. التعليم ده على الدولة التعليم الديني والتعليم العلمي على الدولة. ليه؟ لان عرف الكلام ده الحضارة الاسلامية الحضارة الاسلامية اللي موجودة في بغداد وموجودة في دمشق وموجودة في اندلس وو لما قرا عن الاسلام. مم. لقى ان الحضارة الاسلامية فيها التعليم بالمجان يعني عبدالرحمن الناصر في الاندلس خلى التعليم بالمجان لارض الاندلس كلها. مم كلها انا عايز اقول لك الاندلس على سبيل المسال انا باخد المواطن او مشاهد معاد ومشاهدة دلوقتي من اقصى الشرق احنا بنتكلم في الصين لاقصى الغرب رايحين الاندلس واسبانيا في عهد عبدالرحمن النصر هو يوازي عهد ستوك بوغرخان. ايوة. في نفس القرن الرابع الهجري. هم. ما كانش فيه امي واحد في ارض الاندلس نسبة الامية في القرن الرابع الهجري يعني العاشر الميلادي يعني من الف سنة صفر زلمات شف حضراتنا قد ايه سرقت. اه ده يعني نشر الاسلام بشكل اه اه رائع وخلى قضية الدولة ناشر الاسلام عرفه الكرغيز الكرغيز دولت اللي هم فرع من قبائل الاتراك غيرهم الايجور. هم. راحوا بدون اي نوع من الحساسية عرفوهم اسلام. زي الاوس والخطر مين اللي عرف الاوس الاسلام مصعب ابن عمير وهو قاعد مع اسعد ابن زرارة الخزرجي اسعد ابن الزرار الخزرجي خد مصعب ابن امير ودخل الحديقة للاوس مم. لا في نزعة قابلية ولا احنا مالنا ولا كلام من ده عرفه. بمنتهى البساطة. ودخل الاسلام على طريق على ايدي الخزرج. مم. نفس القصة هارون بوغ رخام عرفه القرغيص دولت الاسلام اسلمت عشر الاف قبيلة في وقت واحد. ما شاء الله. واصبحت دولة قايرغزستان اللي موجودة دلوقتي نواتها على ايدين هارون بوغراخان والمسلمين اللي كانوا عايشين ايام الايجور اه اه من من نتاج اه. اه. واخد بالك؟ احنا يعني وكتيبة بن وصل من البهي اللي دخل اتلم البلاد ديت كل القصة دي في ميزان حسناته في الاخر. صحيح والله. المليون اللي جم بعد تلتميت سنة من وفاة كتيبة بن مسلم الباهلي في ميزان حسنات كتيب المسلم الباهلي الاولاد المليون بني ادم اللي اسلموا في عهد سطوب بوخراخان اولادهم واحفادهم واحفاد احفادهم لحد دلوقتي بيصلوا. هم. وبيصوموا وبيتصدقوا وبيقوموا الليل في ارض تركستان لحد دلوقتي ميزان حسنات ستوب ورخام وميزان حسنات قتيب ابن مسلم وفي ميزان حسنات الدعاة اللي راحوا في ايام سيدنا عمر بنص الحديس. وفي سنة حسنة فله اجرها واجر ايه؟ من الحسنات الخلفاء الراشدين خرجوهم. مم. حسنات الحبيب صلى الله عليه وسلم. عليه الصلاة والسلام. اللي وصل الاسلام للناس دي كلها فلازم نفهم هزا المفهوم ونتحرك بالاسلام زي ما الناس اتحركت يعني فكرتني حتى بالقياس ان سنة القتل هزه السنة السيئة. اه نعم. يعني كل من يقتل حتى الان ياخز قارون. اه بالزبط. اه طيب القرآن انتشر ازاي في هذه الربوع مم. رغم ان هم كانوا اتراك. صحيح لغتهم مختلفة. اللغة مختلفة. صحيح. انتشر ازاي وازاي قدروا يقروا القرآن. وخليني اقول لك اه على برضو اه ده على فكرة هيسحبنا لموضوع كبير قوي الراجل ده هارون بوغرخان ده اللي هو حفيد ستوك بوغرخان وانا عايز اقول الاسم عشرين مرة عشان المشاهد يحفزه لازم يحفزه هارون بوغرهان ابن حفيد ستوك بوغرخان. تمام. هارون بوراخان ده. هم. عمل عمل من اعظم اعماله قاطبة انه بدأ يجيب العلماء اللي يكتبوا اللغة التركية بالحروف العربية باللغة التركية بالحروف العربية. ازاي؟ يعني هم اللغة بتاعتهم منطوءة غير مكتوبة. اه فبدأوا يكتبوها. يكتبوها بالحروف العربية. فرانكو اراب يعني. ايوة هو مسلا لما نجيب الكلمات بالانجليزية وتكتبها تكتب مسلا فور مسلا فه واو رهف فه واو رهف مسلا يمكن المشاهدين معنا يعني بعض القواميس بتجيب الكلمة بالانجليزي مسلا ومع بالزبط والنطق بتاعها بالعربي. هو عايز يعرف الناس بالحروف العربية. وان كان ده مش مزبوط يعني. لكن هو يعني هو هو لا وجد مسعى طيب طيب. واجه صعوبة كبيرة جدا في ان الناس تتعلم كلها اللغة العربية مرة واحدة. مم. فقام جاي كتب اللغة التركية بالحروف العربية وبالتالي لما ييجي يقرا القرآن الكريم هيقراه صح هيقراه بالحروف صح هيقراه منطوقه صح. هم وبدأ من هنا يقرأ اهل تركستان القرآن الكريم ويقرأوا السنة المطهرة. وبدأوا بعد كده يتعرفوا على معاني اللغة العربية. وبدأوا يعرفوا اللغة العربية وده اللي الصين حاولت يعني الصين دلوقتي بتحاربه الصين بتمنع اخواننا الايجور اللي موجودين في تركستان الشرقية. مم. فعن الصين محتلين زي ما هنشوف ان شاء الله في الحلقات بتحتاج تركستان. بتمنع اللغة الاجورية عشان مكتوبة باللغة العربية بتمنعها عشان تقطعهم عن القرآن الكريم اللغة الايجورية. الايجورية اللي هي التركية الايجورية. جميل. اللي هي مكتوبة باللغة بالحروف العربية. ايوة. ولما نجيب بعض الصور للمساجد هناك هتلاقي مكتوب عليها كلمات باللغة عربية ولكن احنا مش فاهمينها لانها حروف عربية لكنها منطوقة باللغة التركية. تماما زي اللغة الفارسية دلوقتي مهم. زي اللغة الاردية. لغة الباكستان الاردن. الهنود والباكستان بيكتبوا اللغة بتاعتهم. مسلا في الدول العربية. التركية القديمة. الدولة العثمانية الكلام بتاعه مختلف. بالزبط. اه. اللي هو الدولة العثمانية لغتها حروف عربية. عشان كده نقدر نعرف المصيبة اللي عملها مصطفى كمال اتاتورك وهي اللي هو غير حروف اللغة التركية الاصلية اللي هي لغة الدولة العثمانية من الحروف العربية الحروف اللاتينية بدل ما تقول الكلمة فاء واو ره اكتبها وهكذا بدأ يحولها. كان متميز كان مضطر لكده على اساس آآ في اختلاطات بالغرب وبدأت يعني لا ده قطع ده هو اختلط فعلا بالغرب نتيجة هذا الفعل. اه. لكن طاعن الاسلام مم. قطع الناس عن القرآن. مم. قطع الناس عن السنة خلاص المعاني دي كلها راحت من الناس. هو قال لهم في البداية والله اللغة اللاتينية اكثر مرونة. هم. الكلام ده كلام وهم لان اللغة العربية اثرى لغات الارض. جميل. ياه. طيب دكتور في تركستان في الوقت ده كانت بجوار من غلي. نعم. ومنقول من غلي يعني نفتكر التتار انت تار ومغول ما قصروش على تركستان في الوقت ده. مم. ايجابا او سلبا. اه خليني اقول لك طبعا المغول او المنغولية كانوا الى حد كبير. مم لكن مجرد ما ظهر فيهم شخصية من ابشع الشخصيات في تاريخ الانسانية اتغير مسار الدولة المنغولية دي اللي هو جنكيز خام اه. جنكيز خان اه اه عمل دولة التتار او الدولة المنغولية في سنة ستمية وتلاتة هجريا يعني اوائل القرن السابع الهجري لما اقول ستمية وحاجة يبقى ده القرن السابع تمنمية وحاجة يبقى القرن التاسع دايما بنزود بيبقى الاقل يعني. اه. فانا في القرن السابع الهجري اللي هو ستمية تلاتة جنكيز خان عمل دولة التتار وكانت من ابشع الدول في تاريخ الانسانية. مهم. دولة دموية من الدرجة الاولى فبدأت الدولة المنغولية ديت اللي هي التتار التتار هم المغول او التتار فرع من المغول حقيقة متتار لانهم اتوا يعني لا لا اسمه تاتر تاتر حتى الدولة بتاعتهم الموجودة دلوقتي اللي هي جذورهم الاسلامية دلوقتي اسمها تاتارستان هي محتلة من روسيا من مهم. اقليم جوة روسيا اسمه تاتارستان. ايوة. التتار اللي هم اا عيلة اسمها تاتار تاتار تي ايه تي ايه ار. تمام. التتار دولت عيلة من من المغول. والمغول ديت العنصر اللي بيعيش في ارض منغولية اللي هي موجودة في شمال الصين. هو ده كان ان يبقى التتار سم تتار ده من ضمن الاراء يعني ده لانهم اتوا اي قبائل قبائل العالم الاسلامي لكن هم طبعا لعل هزه الكلمة قيلت في المسلمين لما سمعوا باسمهم. ايوة. واحنا ساعات احنا بعض الناس اه وبالزات كتابنا الافاضل القدام السلف بياخد من الكلمة اه معنى معين. تمام. ياخد منه حتى احيانا اه يعني زي ما الرسول عليه الصلاة والسلام وهو قاعد في وسط الحديبية وجالهم مكرز وبعد كده جاله عروة وجاله كزا واحد وفي الاخر جاله سهل سهيل ابن عادية. مهم. سهيل ابن عمرو قال لي ايه؟ قال لاصحابها ايه؟ قال هذا سهيل قد سهل امركم سهيل ختامه الكلمة نفسها سهيل التورية اه خد منها معنى في تفاؤل. صحيح. فقال سهيل فلعل الناس كانت فسرت بانهم يأتون تترا لانهم فعلا يأتون تترة. هم. لكن ليس هزا اصل التسمية. جميل. طيب يمكن اه طبعا بكده يمكن هختم بها الحلقة ديت ونكمل ان شاء الله في حلقات قادمة يا دكتور لو تسمح لي. ان شاء الله بازن الله. اه طبعا مشاهدينا الكرام يمكن موضوع تضطر الموضوع مهم جدا لانه مرتبط بمنغلي يعني جنكيز خان تاسيره ايه على الاقليات المسلمة او والعدل المسلم الكبير مش هيقول اقليات في زلك الوقت في تركستان ده اللي هنتكلم فيه ان شاء الله الحلقة القادمة. شكرا لكم وسلام الله عليكم ورحمته وبركاته