1
00:00:00.250 --> 00:00:32.800
السلام عليكم ورحمة الله وبركاته  معدلات اعتناق الاسلام عام الفين تلاتة وعشرين زادت بصورة ملحوزة جدا وشاهدنا عدة موجات. هم موجتين بالزات. الموجة الاولى في النصف الاول من السنة الفين تلاتة وعشرين وكانت في رمضان

2
00:00:33.450 --> 00:00:47.550
بعض مساجد بريطانيا والمانيا وامريكا سجلت ارتفاع من خمسة وعشرين الى تلاتين في المية زيادة عن الطبيعي في اعداد المقبلين على اعتناق الاسلام. السبب ايه فعلا مش قادرين نعرف بالزبط

3
00:00:48.000 --> 00:01:03.200
في ناس شايفين ان ده توابع الهزة اللي حصلت في نفوس الكثير من البشر بعد ازمة فيروس كورونا في ناس شايفين ان كاس العالم في قطر كان له ايضا دور كبير

4
00:01:03.250 --> 00:01:25.900
كأس العالم حصل فيه حاجتين ملفتتين جدا اصرار قطر على منع الخمور وعدم الرضوخ لمطالب الشواذ وهنتكلم في الموضوع ده وهقول لكم ده ازاي اثر في ناس بتقول ان من اسباب اقبال الناس على اعتناق الاسلام هو دخول عدد من المشاهير في الاسلام

5
00:01:26.400 --> 00:01:47.250
آآ وهو انهم آآ يعني لهم آآ متابعين وفانز على صفحاتهم على انستجرام وفيس بوك وتويتر فده اكيد له اثر مسلا في ممثلة فرنسية وعارضة ازياء وفتاة اعلانات اسمها مارين اليمر

6
00:01:48.150 --> 00:02:09.550
مارينا اعتنقت الاسلام وهي في اوج مجدها وشهرتها. مش بعد ما كبرت لا لا لأ في اوج مجدها وشهرتها اعتنق الاسلام وارتدت الحجاب في قلب فرنسا اللي بتحارب الحجاب كم بنت متابعة لها هتعجب او هتتعجب من هزا القرار الجريء

7
00:02:10.000 --> 00:02:36.400
وهتبدأ تقرأ عن الاسلام. اكيد كتير مغني راب مشهور في بريطانيا اسمه رابر دوت شافيلي اه ده اعتنق الاسلام ايضا يا ترى كم شاب آآ آآ بعد ما شاف الفيديو بتاعه وهو بينطق بالشهادتين في احد المساجد. هم. زي مارين اليمار برضو ما طلع لها فيديو بتنطق بالشهادات

8
00:02:36.400 --> 00:02:54.250
في احد مساجد فرنسا. كم شاب بيحب الفن او الموسيقى او الراب؟ هيسمع انه هيشوف انه بيسلم وهيتعجب ويحب انه يقرأ عن الاسلام اكيد الاف الشباب اه الملاكم الشهير اندرو تيت

9
00:02:55.250 --> 00:03:20.500
وده شخص مثير للجدل لدرجة كبيرة جدا. لدرجة ان بعض المسلمين ما استريحوش في اعتناق الاسلام شغله قبل كده قبل الاسلام كان في حاجات تخص انتاج المواد الاباحية آآ دايما بيتكلم بطريقة فيها غرور وتعالي. آآ هو العدو الاول لذلك كلامه بيؤول كتير على انه معادي للمرأة

10
00:03:20.500 --> 00:03:36.350
الغريب ان بعد شهور قليلة من اعلان اسلامه اتقبض عليه ووجهت له تهم اغتصاب وتجارة الرقيق الابيض اللي هي الدعارة المقنعة يعني لكن اللي الناس كان لازم تلاحزو هو ان بعد ما اسلم

11
00:03:37.050 --> 00:03:50.400
راحوا يقبضوا عليه ويوجهوا له التهم دي ده ايه ده اكيد لتشويه صورته لان ما عملوش كده ليه قبل ما يسلم؟ ما بقى له عشرة اتناشر سنة بيعمل نفس النشاط ده

12
00:03:52.000 --> 00:04:10.650
طيب ظهر بقى وهو مقبوض عليه وداخل المحكمة في رومانيا وهو ماسك المصحف واصبح هناك حالة من التعاطف معه وسط الشباب ده كله عمل للاسلام ما يسمى بالبراندنج علم التسويق مجرد انك تشوف اسم المنتج ده دعاية

13
00:04:10.850 --> 00:04:24.600
انت بتشوف كلمة كوكاكولا في الاعلان لوحدها كده مش بيقول لك كوكاكولا هي ايه؟ ما بيقول لكش انها مشروب في متناول الجميع ولزيز ومنعش. ما بيقولش الكلام ده خلاص مش محتاج يقوله. خلاص اتعمل براندنج

14
00:04:25.400 --> 00:04:41.200
البراند وحده اصبح دعاية. البراندنج كعلم من اكبر علوم من اهم علوم التسويق. زي ما حصل بعد حداشر سبتمبر كلمة اسلام دخلت كل بيت وسمعتها كل اذن سواء ايجابا او سلبا

15
00:04:41.300 --> 00:05:04.950
المهم ان البراند اتعرف الرأي في البراند ممكن يتغير مع الوقت لكن البراند لازم يتعرف قال رسول الله صلى الله عليه وسلم ليبلغن هذا الامر ما بلغ الليل والنهار ولا يترك الله بيت مدر ولا وبر الا ادخله الله هذا الدين. بعز عزيز او بذل ذليل عزا يعز

16
00:05:04.950 --> 00:05:27.550
الاسلام وذلا يذل الله يذل الله به الكفر عندك كمان نجم الكورة الهولندي كلارينس سيدروف وده كان بيعتبر خليفة بيليه اسطورة الكرة البرازيلي ولعب لاكبر اندية في اوروبا. منهم ريال مدريد وايسي ميلان واياكس

17
00:05:28.100 --> 00:05:44.350
الاسلام ايضا يا ترى الكام رياضي وكم محب للكورة هيسمع ويشوف وهو بيسلم وهيتعجب هو يروح يقرأ عن الاسلام واللي مش لاعب الكورة الوحيدة. عندنا كمان السنة دي برضو اسلم او سنة تلاتة وعشرين اسلم

18
00:05:44.500 --> 00:06:02.000
اه توماس بارتي بتاع نادي ارسنال لاعب عالمي محترف في فريق ارسنال. الانجليزي. وقبلها كان في اتليتكو مدريد الله ومن بين العلماء دكتور علم الاقتصاد والاجتماع الشهير البريطاني مارك تومسون

19
00:06:03.450 --> 00:06:28.250
حتى بين الشباب المنحرف فكريا شاب يعتبر زعيم عبدة الشيطان. اسمه ايفي زباني فتنست يعني يعني بيعبد الشيطان. كان بيدعو الشباب للانضمام لعبادة الشيطان. وكان عنده طرق مبتكرة جدا دخل في منازرات لكن لما وجد الحقيقة اسلم

20
00:06:29.100 --> 00:06:48.500
في ناس بترجع زاهرة زيادة معدلات الاقبال على الاسلام في الفين تلاتة وعشرين لدخول هذه في الاسلام. لكن يبقى السؤال طب هو ليه اصلا المشاهير دول دخلوا الاسلام وده يرجعنا بقى لكاس العالم اللي تم تنزيمه في قطر

21
00:06:49.250 --> 00:07:10.700
وكان هناك ضغوط على قطر كي توقف تطبيق قوانينها اللي بتمنع شرب الخمور والمجاهرة بالشزوز الجنسي. ومع زلك دولة قطر تمسكت بدينها وباخلاقها وقوانينها واثارت انها تمارس حقها ومنعت الفرق الاوروبية من ارتداء شعار الشواز على اكتافهم كما كان مخطط

22
00:07:11.000 --> 00:07:34.000
فرق المانيا وهولندا وسويسرا وبلجيكا والدنمارك وانجلترا وويلز كانوا مخططين انهم يرتدوا هذه العلامة على اكتافهم طبقا لقوانين الاتحاد الدولي لكرة القدم ممنوع اي شعارات سياسية وهذا هو القانون اللي عوقب به اللاعب ابو تريكة كابتن ابو تريكة لما اظهر تيشرت مكتوب عليه

23
00:07:34.050 --> 00:07:50.450
آآ تعاطفا مع غزة. وقت ما جاب جون راح رافع التيشيرت بس تعاطفا مع غزة. الاتحاد الافريقي وقع عليه عقوبة فقطر تمسكت بحقها في منع شعارات الشواز لان ده نوع من ازهار الاحتجاج على قوانين البلد فاصبح امر سياسي

24
00:07:50.800 --> 00:08:07.800
الفريق الالماني عمل حركة قليلة الادب وهو بياخد الصورة التزكارية قبل المباراة بتاعته مع اليابان ظهروا في الصورة التذكارية حاطين ايديهم على بقهم كده وكأنهم بيعبروا عن الاحتجاج على كتم حرية التعبير في قطر

25
00:08:08.100 --> 00:08:23.400
واذا بمنتخب المانيا اللي حصل على كاس العالم اربع مرات. ووصل للنهائي تمان مرات ينهزم هزيمة من كرة في اليابان في الماتش ده. اليابان اللي ما حدش سمع عنها في الكورة قبل سنة تمانية وتسعين

26
00:08:23.800 --> 00:08:37.200
عمرهم ما وصلوا اصلا لدور التمانية حتى في كاس العالم هزموا المانيا ادوه علقة. اربعة واحد في المباراة دي. المانيا كانت اضحوكة. الناس بقت تنكت وتقول لهم ما هو انتم لو كنتم ركزتم في الكورة بدل

27
00:08:37.200 --> 00:08:57.450
الشزوز كنتم كسبتم وخرجت من كاس العالم. المسألة التانية هي تمسك قطر بمنع الخمور  بالرغم من الضغوط والمحاولات المضنية لاقناع قطر بتخفيف الاجراءات دي في محيط الملاعب بس اصل مش معقول جمهور الكورة الاوروبي

28
00:08:57.850 --> 00:09:13.000
هيتفرج على مباريات كورة بدون بيرة شعوب كاملة مش قادرة تفهم ازاي بالنسبة لهم ما ينفعش يعني زي كده الصلاة بدون وضوء للمسلمين. ازاي يتفرج على الكورة وهو مش بيشرب بيرة

29
00:09:13.200 --> 00:09:38.400
قطر تمسكت والاعلام العالمي اظهر هذا التمسك في هيئة تشدد دي مسلا مقرة نيويورك تايمز عن منع قطر للخمرة واذا بالجماهير الغير مسلمة تعبر عن سعادتها بهذه التجربة الجديدة. وهي انهم يتفرجوا على المباريات وهم فايقين مش سكرانين

30
00:09:38.600 --> 00:09:56.450
دي بالنسبة لهم تجربة قالوا انهم استمتعوا جدا بالمباريات. بناتهم قالوا انهم لاول مرة يشعروا بالامان وهم في ملاعب الكورة الجمهور اللي مش سكران ما كانش بيتحرش بالبنات ويضايقهم زي قبل كده. المضايقات والتحرشات كانت منعدمة

31
00:09:56.700 --> 00:10:13.950
بل المذيعين بتوع القنوات كانوا بيعملوا لقاءات مع الجماهير. والجماهير العربية كان دمهم خفيف. وكانوا بيضحكوا مع الكل. فاحد المزيعين قال كلمة انا مش هانساها. قال انا دلوقتي فهمت ليه المسلمين مش بيشربوا خمرة؟ اصلهم مش محتاجين خمرة عشان يدحكوا

32
00:10:14.450 --> 00:10:33.050
بيضحكوا من غير ما يكونوا شاربين خمرة دي تاني مرة اسمع الكلمة دي في حياتي وانا شاب كنت في المانيا مع بعض الاصدقاء المصريين كان خمستاشر ستاشر سنة وقاعدين بنقول نكت وبنضحك بصوت عالي كده تعال بقى المصريين يقعدوا مع بعض ينكتوا يقولوا نكت بصوت عالي ويضحكوا وبتاع

33
00:10:33.100 --> 00:10:52.350
فالشباب الالمان جم بسرعة يقعدوا معنا من هنا بنضحك كده وبعدين بصوا على الترابيزة وقالوا امال فين الخمرة احنا ما بنشربش قالوا امال بتقدروا تضحكوا كده ازاي دي الحقيقة عرفتني نعمة كبيرة من نعم ربنا علينا وهي اننا نقدر نضحك واحنا فايقين

34
00:10:52.600 --> 00:11:15.600
غيرنا لما بيفوق بيكتئب لازم يشرب علشان يضحك العامل التاني بقى هو بعد انتهاء موجة كورونا حصل زيادة كبيرة اه اه في الاقبال على الاديان عموما دي احصائية عملها مركز دراسات امريكي اللي هو بيو

35
00:11:15.650 --> 00:11:30.450
عمل اه اه قال لك وجد ان الدول اللي ضربها الفيروس بقوة زي اسبانيا وايطاليا وامريكا ازداد معدلات الرجوع الى الصلاة في الكنائس  وممارسة الشعائر بنسبة اتنين واربعين في المية

36
00:11:30.800 --> 00:11:49.750
طيب ما هو فيه ناس كانت متوقفة عن ممارسة الشعائر مش لانهم مقتنعين لانهم مش مقتنعين باديانهم. يعني في ناس ما كنتش بتصلي عشان مش مقتنعين بالمسيحية دول ايضا شعروا بالحاجة للقرب من الخالق. بالتالي عملوا ايه بقى؟ مش عايزين يرجعوا للمسيحية. فبحثوا وقرأوا واسلموا

37
00:11:50.050 --> 00:12:08.750
وده يخليني احيي الجنود المجهولين وهم الناس القائمين على امر مواقع الترجمة. وتقديم الاسلام لغير المسلمين باللغات المختلفة الموجة التانية اللي حصلت حصلت في اخر تلات شهور من الفين تلاتة وعشرين

38
00:12:08.800 --> 00:12:28.100
بعد احداس طوفان الاقصى لكن هذه الظاهرة هعمل لها حلقة خاصة لوحدها انها من اعجب ما يمكن مش هينفع نظلم الموضوع ده اللي احنا نتكلم عليه بسرعة ابدا خلونا نرجع بقى للجنود المجهولين وهم ايه القائمين على ترجمة الكتب والمواقع الاسلامية

39
00:12:30.400 --> 00:12:49.650
واحد منهم يبقى صديق عمري طارق عزت اعرفه من حوالي تلاتة وتلاتين سنة انا هو اتجوزنا في نفس الوقت وانجبنا اولادنا في نفس الوقت واتعرفت عليه اصلا من دروس كنا بنحضرها واحنا شباب لسة

40
00:12:49.700 --> 00:13:11.250
متخرجين عند مجموعة من العلماء والدعاة وتوثقت علاقتنا فبدأنا نقعد في جلسات خاصة في البيوت نتدارس القرآن ثم طلعنا حجينا احنا الاتنين مع بعض سنة واحد وتسعين. انا كنت بحج لابويا كانت تاني مرة احج. وهو كان اول مرة يحج حتى لو كانوا كنا اربعة خمسة فعملوني

41
00:13:11.250 --> 00:13:27.150
انا امير الحج بتاعهم عشان السنة اللي قبلها كنت بحج انا ايه مع الشيخ عمر عبدالكافي وبتاع فقال لك انت بقى اللي حجيت قبل كده يبقى انت الامير. المهم طارق كان خريج جامعة من اكبر جامعات اوروبا. واخد ماجستير في علوم الادارة

42
00:13:27.800 --> 00:13:42.600
واول وظيفة اشتغل فيها واحنا لسة شباب صغير اشتغل في اليونسكو باجر اضعاف اضعاف اي حد في سننا ومع زلك ضحى بكل يعني كان مرتبه بالالاف وانا كان مرتبي في الاول مية وخمسين جنيه

43
00:13:42.700 --> 00:13:56.900
شهر هو كان بياخد الاف ومع زلك ضحى بكل ده من اجل خدمة الاسلام طارق والدته كانت انجليزية مسيحية وبدل من اجل اسلامها جهد شديد ووقت طويل والاصعب من ده كانت اعصاب

44
00:13:57.150 --> 00:14:15.700
بذل اعصابه لان امه هي امه ويهمه مصيرها وده ادى ان هو دايما كان حريص على توصيل كل كلمة مكتوبة او مسموعة عن الاسلام للمتحدثين بالانجليزية في الفترة دي اعلن الشيخ القرضاوي رحمة الله عليه حملة

45
00:14:15.750 --> 00:14:39.250
في جهاد. يعني الجهاد الالكتروني طارق استجاب وترك الوزيفة المرموقة في اليونسكو واشتغل في شركة حرف اللي كانت من اوائل الشركات اللي عملت دي جيتايزيش للقرآن الكريم وتفاسيره. يعني ادخلوه على الكمبيوتر بقى بالكمبيوتر تقدر تايه تستدعي القرآن. ما كانش لسه فيه انترنت

46
00:14:39.300 --> 00:14:58.000
وبدأ يضغط من اجل زيادة حركة الترجمة ترك شركة حرف وراح اسلام اونلاين وكان من الاوائل اللي بنوا هذا الصرح اللي خدم الاسلام خدمات جليلة خاصة في تقديم الاسلام الانجليزي اسلام اونلاين كان موقع عربي انجليزي

47
00:14:58.150 --> 00:15:16.400
اخر حاجة له كان مدير موقع اباوت اسلام دوت نت طارق عزت كل ما كان يشوف فيديو لي ويعجبه يقوم مكلمني والنهاية هتعملوا انجليزي امتى اقول له يا طارق والله ما فاضي. يضغط يضغط يضغط علي لغاية ما اعمله

48
00:15:17.100 --> 00:15:29.950
كنت بقول له يا عم طارق انا عندي برنامج طويل اللي هو التدبر اليومي بتاع مقاطع حظر التجول. فمحتاج اركز محتاج تركيز بالعربي مش قادر ان انا كل شوية تضغط علي عشان اعمل كل ده بالانجليزي

49
00:15:30.050 --> 00:15:42.200
كان يقول لي ربنا هيسألنا عن الناس اللي ما بتعرفش عربي يا فاضل انت مستعد للسؤال ده؟ لو ربنا سألك ليه ما قلتش نفس الكلام بالانجليزي؟ طالما انك عارف انجليزي هترد تقول ايه

50
00:15:44.350 --> 00:16:08.100
طارق مات في صيف الفين تلاتة وعشرين السرطان ودفن في مدينة برمنجهام طارق مع ابنه محمد ابنه الكبير وده طارق مع ابنه التاني عمر زرته في مرضه وكان دايما بيوصيني بترجمة تدبر القرآن اللي هو حظر التجول كله

51
00:16:09.050 --> 00:16:26.800
قلت له الله يسامحك. دول الف وعشرة حلقة. يعني لا يقل عن تمنميت ساعة هو بصوت واطي كده تعبان نفسه مش طالع معلش الناس محتاجين الاسلام لذلك احنا فعلا بدأنا

52
00:16:27.250 --> 00:16:46.050
بترجمة نص حلقات التدبر المعروفة بمقاطع حظر التجول وانا اعلن من هذا البرنامج اللي هو كان بيحبه جدا ذكرى وعبرة اني اهدي هذه الترجمة لروح اخي ومعلمي وقدوتي طارق عزت

53
00:16:46.900 --> 00:17:05.100
انا بقول قدوتي والله لا ابالغ طارق عمره ما اتكلم عن اي حد بطريقة سلبية. حتى لو انسان مش كويس. لو جت سيرته يسكت في ناس ما حدش يختلف عليهم. تغاو ظالمين وفاسدين وظلمة

54
00:17:05.200 --> 00:17:18.200
لو جت سيرة حد منهم اه يسكت ما يوسخش لسانه بكلمة مش نضيفة او بحق او بسيرة حد منهم. كلنا لاحزنا انه كان مختلف جدا عن اي حد مننا قليل الكلام جدا

55
00:17:18.800 --> 00:17:36.400
مش قليل الكلام عن نفسه كان قليل الكلام اصلا نقعد ساعتين ممكن ما يتكلمش خالص يفضل يسمعنا كلنا يسمع اكتر ما يتكلم وصية لاولاده كانت الصلاة ثم الصلاة ثم الصلاة. انا عندي سورة يعني سورة الوصية بخط ايده

56
00:17:36.750 --> 00:18:02.700
كاتب فيها اوصي اسرتي بعدم الانزعاج عند وفاتي الموت مرحلة سنمر بها جميعا ثم نلتقي في الجنة باذن الله انا مهما حكيت عن طارق لن اوفيه حقه رحم الله طارق عزت وكل الجنود المجهولين اللي بيبذلوا الجهد لتقديم الاسلام لكل العالم

57
00:18:03.450 --> 00:18:26.442
السلام عليكم وما تنسوش تشتركوا في القناة. وتعملوا شير للفيديو او لو ما عجبكوش ده بينشر المقاطع بتاعتنا. السلام عليكم