اتهز هز انت بتبص للصوت ده جاي منين؟ ده زلزال ده ولا ايه؟ لقيت الصوت طالع من محل من المحلات بتبص عليه لقيته معمول ستائر من برة ما فيش اي حاجة باينة من جواه بصوا على العنوان بتاعه لقيت مكتوب نايت كلاب نايت كلاب في المكان ده وسط البيوت والمساجد نايت كلاب زين في عز الضهر وشغال ازاي؟ وسط امة محمد ازاي كنت هتتجوز السلام عليكم ورحمة الله وبركاته. الحمد لله وكفى وصلاة وسلاما على عباده الذين اصطفى. اللهم لك الحمد كله ولك الملك كله وبيدك الخير كله واليك يرجع الامر كله. اللهم صل على محمد وعلى ال محمد كما صليت على ابراهيم وعلى ال ابراهيم. انك حميد مجيد. ثم اما بعد على فين يا شباب؟ على فين يا شباب؟ امة محمد؟ على فين يا بنات امة محمد؟ على فين يا شباب الامة الاسلامية؟ على فين يا شباب الامة؟ اخواني في الله واحبابي في الله تخيل لو تخيل لو انت ماشي في الشارع في عز الضهر في عز الضهر وانت ماشي رايح اي مشوار سمعت صوت بيرج الارض رج الارض بتترج نزلت وبصيت على اللي جوة ويا للصدمة! ويا للزهول! فوجئت اني قاعد شباب وبنات! وحاطين قدامهم كؤوس الخمر! وناس بتصب طولهم من ازاز الخمر كؤوس الخمر. كنت هتتجنن الكلام ده ازاي وسطنا؟ الكلام ده ازاي في عز الضهر بيحصل؟ ازاي الكبائر دي بترتكب؟ كنت هتتجنن شوية وسمعت الصوت اللي بيرج الارض بتبص عليه لادي جهات رهيبة كلها طالع منها اصوات من كتر الصوت ما انتاش اصلا عارف تفهم. الكلام اللي طالع منها ايه عربي ولا اجنبي وبأي لغة في وسط الذهول بتاعك وفي وسط الصدمة بتاعتك فوجئت انك انت بتزود وانت مسرخ في يوم حرام يا جماعة حرام يا شباب ترضوا نفسكم جهنم فوجئت ان ولا واحد باصص لك. ولا واحد بيبص لك كلهم بيبصوا في اتجاه المسرح. بيبصوا على ايه؟ وكانت المفاجأة المزهلة. بتبص المسرح كان قلبك هيقف. لقيت شو روسي في اب في اسوأ المشاهد وهو موجود على المسرح. وكله بيتفرج عليهم. كنت هتتجنن نزلت الصدقة فيهم حرام عليكم. وكانت المفاجأة الاشد زهول. ازا بالشباب اللي قاعدين ده فلان اللي بيصلي معنا. الله! ده فلانة! ده محجبات ده مختبرات. ده فلان اللي ده كل دول ملتزمين وملتزمات. وانت هتتجنن وجاي تصرخ فيهم. لقيتهم كلهم بيبصوا لك كده يا عيني اللي مش فاهم حاجة. يا عيني على المتشدد ولقيت اتنين خدوك. قالوا لك تعال بس تعال بس للمدير بتاع النيكلاب ده وهو يفهمك كل حاجة. رحت للمدير ده اخر روايات الزهول فوجئت ان الشيخ فلان الداعية فلان ازاي لقيته بيطبطب عليك وبيبتسم في وشك وبيضحك اوي وبيقول لك يا ابني في ايه؟ انت ليه؟ انت مش شايف المنكرات اللي برة؟ منكرات ايه يا ابني؟ اعوز بالله. فين المنكرات دي؟ دول بيشربوا خمرة خمرة! يا ابني الخمرة لو كانت من غير العنب حلال لو ما اسكرتش على مذهب ابو حنيفة. الله! طب والمعازف اللي بيسمعوها الكليبات اللي بيتفرجوا عليها! يا ابني المعازف حلال عند ابن حزم. انت ما تمشيش وراء اقوال العلماء ولا ايه؟ طب والروس اللي شغال يا ابني النزر للاجنبية يجوز. يجوز عند بعض الفقهاء قال ما فيهوش حاجة. يا ابني بلاش تشدد يا ابني. انت ما بتؤمنش فك الخلاف! انت ما عندكش احترام لاقوال العلماء ولو ما عندكش فقه في ان انت تبقى متشدد ومتنطع وارهاب يا جماعة حرام اللي بيحصل ده يا جماعة. حرام اللي بيحصل ده. حرام اللي بيتقال ده. حرام اللي وصلنا له. حرام. هو انتم شايفين كمان المعازف قليلة الامة عشان كمان جايين تقولوا حلال المعازف بقت في كل مكان الوقتي. تتصل بواحد الكول تون بتاعته اغنية. المساجد دخل فيها اسماء المغنيين والمغنيات واغانيهم كلها من الموبايلات بتاعة الشباب. الشباب ماشي في الشارع حاطط السماعات بتاعة الام بي ثري على ودنه وقعد يسمع اغاني. البنات ماشية في الشارع مشغلة الاغاني على الموبايلات بتاعتها المواصلات تركب مواصلة تلاقي اغاني تركب ميكروباص تلاقي اغاني. تدخل محل تشتري حاجة تلاقي اغاني. تتكلم مع بتاع اسار اسرها وهو مشغل اغاني باعلى صوت يقول لك يا دي اللي بترزقني والعياذ بالله دي اللي بتجيب الناس. افتتاح اي محل لازم دي جي واغاني اي فرح. هو فيه فرح من غير اغاني؟ كسبنا في مباراة يعملوا امنية فرح. خسورنا في مباراة يعملوا اغنية زعل. اوبريت الليلة المحمدية والا نحتفل برسول الله ازاي من غير معازف. ازاي؟ المعازف بقت في كل مكان بقت في في الهارد ديسكات في الكمبيوترات في سرقات في الموبايلات. بقت في الجامعات بقت في الحفلات بقت في المصايف. بقت ليل ونهار نار اغاني حياتنا كلها. بقت اغاني وكلها اغاني حب. كاننا امة حلينا كل مشاكلنا. وما عادش عندنا غير مشكلة الحب والنتيجة النتيجة شبابنا بيموتوا على غير لا اله الا الله. النتيجة شبابنا بيموتوا وهم بيتكلموا الاغاني. النتيجة النتيجة ان قبور المسلمين الله اعلم بقى شكلها ايه بقى العذاب اللي فيها شكله ايه؟ النتيجة ان شبابنا واخواتنا بيموتوا على غير لا اله الا الله. النتيجة ان احنا ضعنا في الدنيا. قبل ضياع الاخرة ليلة سبعة وستين وايام سبعة وستين ايام سبعة وستين يا جماعة لما كان المذيع اللي عمل للناس البحر طحينة وقعد يقول انتصرنا وطائرات تحلقت وهو بينادي الامة وهو بيقول لهم ابشروا يا عرب. ابشروا يا عرب ام كلثوم معكم. ابشروا يا عرب فادية كامل تحارب او تناضل او تغني من اجلكم. ابشروا يا عرب شادية معكم والناس ما فاقتش غير على النكسة وضياع سناء والجولان في الاندلس. الاندلس من اسباب ضياع الاندلس كان فيه مغني اسمه زرياب. كان مغني كان مغني اصلا في العراق ضمن الخلافة في العراق. ولكن طردوه من العراق بسبب طبعا مش الورع والتقوى. ولكن بسبب خلافات بينه وبين مغنيين اكبر منه. راح الاندلس. بدأ هو يعمل المرشحات الاندلسية. بدأ يعمل موضة لبس للصيف لبس للشتا. ولبس للمناسبات. بدأ يعلم الناس اكلات جديدة. لبس جديد. بدأ يعمل حاجات كده بدأ ينشر حفلات ويعمل حفلات ويعمل سهرات. لغاية ما غير تفكير الناس. المؤرخين بيعدوا زي رياب من اسباب سقوط الاندلس. ولو سكوتنا على المغنيين الموجودين دلوقتي هيبقوا من اسباب سقوطنا. سقوطنا التام اكتر ما احنا ساقطين. جاهدوا وتعبوا. جاهدوا وتعبوا يا جماعة عبدالوهاب. ام كلثوم لفت قرى مصر كلها عشان تنشر صوتها. عبدالوهاب كان بيركب تلات اربع مواصلات. ولما يخلص المواصلات يركب حمار. ولما ما عدش يمشي بحمار كان يمشي على رجليه وسط الغيطان ويقع في في الطين عشان يروح صوان في قرية يوصل صوته للناس جاهدوا لغاية ما دمروا الامة. جاهدوا لغاية ما ضيعوا تفكير الشباب. يا شباب يا شباب احد اخوانا اخوه حصلت له الحكاية دهيت. اخوه كان موجود في السيارة اللي حصلت فيها الحكاية ديت. راكب على ميكروباص ومسافر مصر ومعه مجموعة كبيرة من الشباب. وكلهم كانوا اصحاب ادوا سيديهات للسواق عشان السواق يشغل لهم اغاني طول ما هم ماشيين في الطريق. السواق كان قدامه اتنين شباب بموتوسيكل كل شاب بموتوسيكل مشغلين على الطريق السريع اغاني اعلى صوت وباعلى درجة. والشباب مشغلين الاغاني باعلى صوت. والراجل بيدي له سيديهات فهو بيبص في سيديهات كده. بيقول لهم اشغل لكم ايه منها يا رجالة اشغل لكم في اللحظة دي يخبط الميكروباص في موتوسكل شاهد الحادسة دي اخو اخ من اخواننا. اخو واحد صاحبنا كان في ميكروباص يخبط في يطير الموتوسيكلين. الاتنين يقع الموتوسيكلين والشابين يقعوا على الطريق السريع. ويتقطعوا حتت على الطريق السريع. الراجل بتاع الميكروباص الميكروباص نفسه يتقلب. وهو بيتقلب الراجل رقبته تدخل في الازاز بتاع الباب اللي هو السواق بتاع الباب. الازاز يدبحه ويقطع رفع رقبته ويموت هذا السائق واخر كلمة قالها قبل ما يقابل ربنا اخر كلمة ختمت بها حياته اشغل لكم ايه يا رجالة وهو ماسك السيليهات بتاعة الاغاني يختار لهم واحدة منها. الاخ نزل من الميكروباص يجري لما الناس نجت بفضل الله. يجري بسرعة يشوف الشباب اللي في الموتوسيكل الاتنين بيموتوا وصوت الاغاني طالع باعلى صوت من الموتوسيكلين. بيقول كان الحزن اللي جوايا على الصوت اللي طالع اكتر من الشباب اللي بيموتوا. وكان اهم حاجة عنده ان انا اقفل الصوت قبل ما ان انا اشوف الشباب دول احوالهم ايه ومات الشباب. ومات سائق الميكروباص. خواتيم اصحاب المعازف. خواتيم مدمني الغناء خواتيم مدمني المعازف. بعض من الشباب وشباب الجامعة الالمانية وشباب الجامعة الكندية وشباب الجامعة الامريكية والواقع الرهيب. اللي وصلوا له ربنا يهديهم الواقع الرهيب اللي وصلوا له والحفلات اللي بيعملوها. والسهرات الواقع الرهيب. يعني طبعا مش الكل فيهم ناس محترمة وملتزمة ومن افاضل الناس. طبعا. ولكن احنا نتكلم عن بعض من هناك في هذه الباءات الخطيرة اللي بقت الموبقات بترتكب فيها ولا كأنها صغائر. يعني بعض الشباب نزل في حمام سباحة. اولاد وبنات مع حفلة من حفلاتهم عشان يسبحوا فيها. ومشغلين الدي جي الموصول بالكهربا طبعا ومشغلينها على اغاني عشان يستمتعوا بالوقت بتاعهم. وهم في هذا الحال يسقط الجهاز يسقط الكاسيت بتاعهم في الماية وهو متصل بسلك الكهربا وتتكهرب الماية ويموتوا جميعا مصعوقين ويكون اخر حاجة بيموتوا عليها سماع الاغاني زي الشاب اللي كان سايق العربية ومشغل اغنية هل رأى الحب سكارى مثلنا؟ وهو بيموت لما عمل حادسة وهم بيحاولوا يقولوه يقول لا اله الا الله قعد يقول هل رأى الحب سكارى مثلنا؟ هل رأى الحب سكارى مسلنا؟ نتيجة انتشار المعازف شبابنا بيموتوا على غير لا اله الا الله. شبابنا بيموتوا على غير الله لا اله الا الله. احد الاخوة كان ماشي على الطريق السريع وهو ماشي بالعربية بتاعته لقى عربية جاية زي الصاروخ من وراه. وبيبص عليها لقى شاب ومشغل اغاني باعلى صوت اعلى صوت. وجنبه بنت والاتنين منطلقين على طريق وسبقته العربية بيقول ما هي الا يعني دقائق بسيطة واذا بحادثة مروعة لهذا الشاب دخل تحت عربية نقل بيقول نزلت بسرعة ده اخ من بسرعة عشان اكلم هزا الشاب. اكلمه اقول له قل لا اله الا الله انقذه بكلمة لا اله الا الله قبل ما يموت. فبيقول له قل لا اله الا الله لقاه بيحتضر قال فازا الشاب يقول له انا بكرهه انا بكرهه والعياز بالله. المعازف وصلته انه يموت على الكفر. هو رايح بيمني نفسه بكل الملزات كل الشهوات الشباب الوقتي فيه شاب بيعصي ربنا بس بيرجع يندم وبيتوب وبيقف مع نفسه. وفي واحد تاني بيقول لك انا مصمم اخد كل حاجة. انا مصمم ما اسيبش شهوة ما استمتعش بها انت مصمم ما سبش حاجة نفسي فيها ما اعملهاش. انا مصمم ما فيش لزة ما حصلهاش. هو بيمني نفسه بكل لزة ازا به تنتهي حياته. تماما والعياذ بالله فيموت على كلمة انا بكرهه والعياذ بالله. رسالة لكل مغني. رسالة لكل واحد بيتاجر في الدي جي. رسالة لكل واحد منتج افلام. رسالة لكل واحد صاحب قناة وهي بتعترض المعازف. رسالة لكل واحد بينزم حفلات لمغنيين. رسالة لكل واحد بيحضر الحفلات ديت. رسالة لكل واحد صاحب موقع اغاني ومعازف رسالة لكل شاب بيهتم انه يحمل على النت. اخر اغنية نزلت او اي اغنية ويفرح اما يلاقي ميت الف ولا الف ولا خمسمية واحد حفلوها. وهو ما هوش عارف ان كل دي فئات جارية في ميزانه. كما قال السلف طوبى لمن مات وماتت سيئاته معه. طوبى للي بيموت وسيئاته تموت معه. انما اللي بيموت سيئاته لسة شغالة لسة مفتوحة عداد السيئات الجارية شغال. يعني مغني غنى اغنية. سمعها بعد ما تحملت على النت وكل المواقع. وبعد ما اتبعتت على واتبعتت وبعد ما اتحملت على وبعد ما الشباب اشتروا سيديهاتها. وبعد ما اتحملت واتعرضت في القنوات سمعها عشرين مليون واحد. عشرين مليون واحد يا جماعة لغاية دلوقتي فيه مغنيين ماتوا من سنين لغاية دلوقتي قدر احمق الخطب تتشغل بتاعة عبدالحليم حافظ. لغاية دلوقتي جايين الدنيا ما نعرف ليه بتتشغل البتاعة وهاب لغاية الوقت جئت لا اعلم من اين ولكني اتقيته بتتشغل. بتاعة نزار قباني ولا بتاعة آآ الراجل التاني آآ الراجل التاني بتاع اللي هاجر في امريكا الجنوبية مش فاكر اسمه الان. لغاية دلوقتي هذه الاشياء بتتشغل لحد دلوقتي ليه ابو مؤمن. لغاية دلوقتي هزه الاشياء بتتشغل. هم في قبورهم والاغاني شغالة والمعازف شغالة. والسيئات الجارية شغالة. عشرين مليون واحد سمعها. عشرين مليون يا جماعة في كل كلمة بكم؟ في كل كلمة بكم كل واحد سمعها ميت مرة الواحد لما بيسمع الاغنية ما بيزهقوش منها. زي ما بيزهقوا من القرآن لما ييجوا يقرأوه للاسف لان القلوب فسدت. تخيل عشرين مليون يعني اتنين قدامها سبع تصفار. فيه ميت مرة سمعها يعني صفرين فيه عشرين مليون سمعة فيه مسلا كلمة ميت الاغنية مية كلمة يبقى صفرين تانيين. تخيل الرقم الفلكي من السيئات اللي بسبب اللي بسبب اغنية واحدة بس. لغاية الوقت ممكن تكون شغالة. تخيل عداد السيئات الجارية اللي موجود في دايت الوقت بسبب اغنية واحدة. نهايات المطربين خواتيم المطربين. انا اعرف مطرب الله يرحمه الله يرحمه مطرب جاله سرطان فين؟ في اللسان في اللسان الله يرحمه زرته وكنت في جنازته الله يرحمه. الله يرحمه وتاب الى الله بعد ما اصيب بسرطان اللسان تاب الى الله سبحانه وتعالى بس تخيل السرطان ييجي فين ؟ تخيل الرسالة اللي ربنا باعتها لكل مغني اعرف اشهر بيانست كان في مصر اشهر بيانست كان في مصر واعرف اشهر واحد بتاع دي جي كان في مصر ولكن سبحان الله ده تاب الى الله. من اسباب توبة اشهر واحد بتاع دي جي في مصر عارفين ايه. بيقول قل كم مرة في حفلة في الجامعة والشباب هيقطعوا الدنيا. وهو مشغل لهم الاغاني والشباب هيقطعوا الدنيا. بيقول بنت محجبة قامت ترقص. وسط الشراب اللي بيرقصوا. وهي في قمة الانفعال الطرحة بتاعتها وقعت على الارض. بيقول الشباب قاموا واخدين الطرحة سم ربطوها. يعني بالتعبير العامي حزموها بها. عشان ترقص بهذه الطرحة بيقول هزا المنزر يعني حتى الان لا ينساه. وهذا المنزر كان من اسباب توبة هزا الشاب الى الله سبحانه وتعالى اشهر واحد اشهر انا زرته ابتلي بمرض الله يرحمه. يعني من احسن من رأيت من الخواتيم الله يرحمه. ولكن انا عايز اقول لك يعني ازا كانت ده عقوبة الدنيا. اومال اللي ما تابش بقى اومال اللي ما تابش اومال اللي ما رجعش لربنا بعقوبته ايه دنيا واخرة؟ اومال اللي ما دام اشهر بينزل اصيب بمرض بيسمى عندنا في الطب يعني تصلب في السائل النخاعي اللي في المخ والعمود الفقري. المرض ده بيصب بكمية الالام وبيسبب نوبات من الالام لا يعلم ما فيها الا الله. هذا الرجل قعد خمس سنين. خمس سنين بيتعرض لهزه الالام الرهيبة. حتى مات الله يرحمه. الله يغفر له ويرحمه. طبعا توبة يعني من احسن ما رأيته بفضل الله. يعني كانت توبة يعني ان شاء الله نظنها مقبولة عند الله سبحانه وتعالى. من الاخاء من اخر الاغاني حرام. من الاخر المعازف حرام. انا عايزك تجيبي يا اللي شاكة في هزا الكلام. الشيخ الفلاني قال حلال والدعاء الفلاني قال حلال والداعية الفلانية قال انا عايزك تجيب ميزان كفتين وتحط في كفة اللي قاله حرام وفي كفة اللي قاله حلال وتشوف في الاخرة توزن ايه؟ ادي الكفتين اهم يا جماعة انا عايزك تجيب في كافة حط في الاول قال الله ومن الناس من يشتري لهو الحديث ليضل عن سبيل الله. قال عبدالله بن مسعود بسند صحيح. واحد هيقول يا عم يعني ايه مقال ابن مسعود وخلاص لا عشان لما يطلع واحد تاني يضحك على الناس ويقول للصحابي الفلاني قال واصحابه كله كلام فين اسانيدك؟ هو اي كلام وخلاص اي حد بيقول اي حاجة وخلاص. قال ابن مسعود بسند صحيح والله الذي لا اله الا هو لهو الحديث هو الغناء. والله الذي لا اله الا هو هو الغناء. والله الذي لا اله الا هو هو الغناء. وابن عباس قال هو الغناء. وابن عمر قال هو الغناء. ده دول صحابة بيفسروا كلام الله. ابن عباس ترجمان القرآن وابن مسعود ده قال ما فيش اية نزلت لله وانا اعلم اين نزلت وفي من نزلت. يقسم بالله ان هي القرآن ان هي المعازف. لهو الحديث ليضل عن سبيل الله. اللي هيدخل في سكة الاغاني لازم هيضل. لازم هيضيع. عبدالوهاب كان عايز يسجل القرآن كله معزوف ومتلحن. لولا الازهر ايامها كان له كلمة مغنية تانية سجلت سورة الرحمن. سجلتها لولا الازهر ايامها كان له كلمة. الان في مغنيين برة ومغنيات بيلحنوا القرآن الوقتي. وبيسجلوه بيسجلوه مهو السكة دي رايحة فين؟ احد الناس اللي تابت من هزه من هزا الطريق طريق الاغاني وطريق بيقول انا انا من الحاجات اللي خلتني اتوب اني اترعبت السكة دي رايحة لفين زمان كان لو واحدة مغنية وبنت طلعت قالت اغنية يتقال دي فاجرة. الوقت وصلنا لفين؟ قارن ما بين ام كلثوم وما بين عجرم. والوقت كمان بيقال على هزه بيقال عليه انه يقال ربنا يهدينا جميعا يا رب. بيقال عليها ان دي المؤدبة المحترمة بالنسبة للي طلعوا بعدها كمان رايحين لفين السكة ديت هتوصل لغاية فين؟ لغاية فين من الاخر المعازف حرام. الاغاني يا عم الشيخ. احنا سألنا شيخ قال لنا الاغاني حلالها حلال وحرامها حرام. احنا احنا بنقلد يا عم الشيخ يا عم الشيخ يا اللي سألوك. احنا ما بنسألكش عن حاجة في المريخ. احنا بنسألك على الاغاني دي. الاغاني بتاعة حفلات الطبراوية والعمراوية دي. الغالب فجرات لبنان دي الكليبات اللي في القنوات دي الاغاني اللي على مواقع النت بتاعة الاغاني دي. احنا بنسألك دي حلال ولا حرام؟ ما تقولش ما تقوليش حلاله وحرامه. فحسنه قبيحه الدين حلال ولا حرام. دي حلال. دي امام الله سبحانه وتعالى تقابل ربنا ان هي حلال. طيب احنا لسة كبستين محطوطين حطينا قول الله اظن دي خلاص لو واحد مسلم لامر ربنا. يبقى الموضوع انتهى. كمان حديس رسول الله صلى الله عليه وسلم في صحيح البخاري. ليكونن اقوام من امتي وقد قال يا رسول الله يستحلون يعني دي حرام. يستحلون الحرى اللي هو الزنا والحرير والخمر الخمر دلوقتي شركات الخمور في بلادنا بتكسب ارباح بتبيع مبيعات مهولة يا جماعة. والخمر والمعازف. الرسول قارن بين الخمر والمعازف. قارن بين الزنا والمعازف عشان نعرف هذه الاشياء حرمتها قد ايه. الكفة لسة ما تقلدش عندك. الكفة لسة ما تقلدش عندك. طب حطوا كمان اتفاق الائمة الاربعة. ابو حنيفة ومالك احمد والشافعي. طب حطوا كمان اجماع العلماء في القرون كلها. اجماع العلماء. يا جماعة يعني طب والشيخ فلان؟ اه حط بقى الشيخ فلان الناحية التانية طب هو يعني يعني المفروض ان فيه خلاف. وقضية خلافية لازم نحترمها. ولازم تخيلوا احمد زويل جه يزور مصر. احمد زويل نزل يزور مصر فقام جاي واحد آآ يعني آآ يعني فاتح مسلا ايه محل سندوتشات او محل مائدة او اي حاجة شغلانة حلال بس هو يعني ايه ما لوش دعوة بالكيميا. راح قال له يا دكتور احمد انا لي نزريات في الكيمياء ومن فقه الخلاف انك تحترمه رأيي في الكيمياء. ولازم اي اذا انام قلت رأيي انكم تحترموا هذا الرأي. يبقى ساعتها ما عادتش جايزة نوبل بقى اللي خد احمد زيول يا جماعة. تبقى جايزة شيكابالا بقى خلاص بقى الموضوع كله باظ والموضوع كله راح. امال ايه؟ ايه يعني ايه الخلاف بين العلماء؟ مش اي خلاف خلاف بين ابو حنيفة وابن حنبل. خلاف بين مالك والشافعي خلاف بين ابن مسعود وابن عمر خلاف من ابن تيمية وابن الطيب. انما خلاف بين جماهير علماء الامة في العصور كلها. واجماع العلماء واتفاق الائمة الاربعة كل من تبعهم والصحابة جميعا واقوال التفسير واقوال الحديث وصحيح البخاري كل ده خلاف بينهم وبين الداعية فلان يبقى ده خلاف اصلا يبقى ده ينفع ان هو يسمى خلاف اخواني في الله اخواني في الله من الاخر الموسيقى الموسيقى حرام. طب انا يا عم الشيخ عايز اغني آآ لمراتي اغنية حب جميلة كده وانا آآ وانا في البيت كده اقعد اغني لها اغنية حلوة اول حاجة انت بالتاكيد ما اتجوزتش ما دام بتقول هزا الكلام. لما تتجوز وتشوف الصدمة تكتشف الحقيقة ساعتها السؤال بتاعك هيتغير هيتغير. احد الاخوة متجوزين يعني فمراته بتقول له انا نمت وحلمت ان انت جبت لي عربية وان انا باتعلم السواقة عليها. قال لها طب نامي تاني يمكن تعملي حادسة وفي النومة اللي بعدها يعني لما ان شاء الله يا اخواني هتتجوزوا ان شاء الله يعني بالتأكيد هتغيروا رأيكم في الكلام ده. وان كان يا عم يعني اللي عايز يغني لمراته يغني لمراته ان شاء الله بس يتجنب اغاني الفسطاط والفجار يعني المغنيين زعموا لنفسهم يا جماعة. يعني لما واحد يطلع ويقول يا شبشب الهنا يا ريتني كنت انا. يا شبشب الهنا. يا جماعة الشبشب بيتكلم معجزات كرامات. اصحاب المعازف بقوا بيدعوا الوقت الكرامات والمعجزات. وان الجماد بينطق من اجلهم كمان. رسالة يا شباب يعني بوجهها وببدأ من يعني هذه الحملة يعني يعني ببدأ هذه الحملة من على الند باذن الله من على الفيسبوك بازن الله سبحانه وتعالى رسالة بوجهها لكل شاب سمعني. ولكل بنت سمعتني حتى اللي سمعوا معازف حتى اللي بيسمعوا معازف. انا عارف انها معصية صعبة. وعارف ان فيه شباب كتير بيقولوا ده موضوع صعب ازاي ونعمل ايه يا شباب يا شباب انا بادئ دلوقتي الحملة دهيت من معكم بازن الله سبحانه وتعالى وبازن الله الحملة دي هنفضل فيها الايام الجاية بازن الله سبحانه وتعالى وعايزين كل واحد بازن الله سبحانه وتعالى حتى اللي سمع معازف يقنع كل الناس بموضوع ان احنا لازم نقف وقفة مع السرطان ده اللي هيضيع دنيتنا واخرتنا. عايزين الكل يتشارك فيها. عايزين الكل يتشارك في هذه الحملة. الكل يؤدي بدوره. الكل يشيل. يعني انا بفكر اسميها كلاب زي اسلامي. وبفكر وبفكر اسميها يعني على رأي احد اخواننا دول عصابة يعني وبافكر اسميها اسماء كتير ولكن يا اخواني من الاخر المعازف حرام يا جماعة طب انا باحبها ومش قادر اسيبها يا ابني يا حبيبي يا اختي يا ابني انت لو شفت المغنية اللي انت ما بتقدرش ما تتفرجش على على اغانيها ولا كلماتها لو شفتها اسبوع واحد من موتها لو شفت شفايفها الايام ابتسمت بها بعد ما ازرقت واتنفخت وفرقعت. لو شفت عينيها اللي هي ما سبلت بها في حفلاتها بعد ما جحزت وفرقعت وسالت الماية بتاعتها على على وشها. لو شفت رموشها وحواجبها وشعرها اللي كان منفوش بعد ما وقع كله جنب جسمها لو شفت صدرها اللي كانت بتفتن به الشباب بعد ما انفجر وفرقع. لو شفت جسمها اللي كانت بترقص به بعد ما ملايين الدود بينهش في كل حتة فيه. لو شفت لسانها اللي كانت بتغني فيه دي بعد ما ما ما ما تحجر وبرز برة بقها وطلع وهي في القبر تحت التراب. وبرز قاعد ياكل في كل حتة فيه. لو شفته ساعتها وطلعت لك بنفس المنزر ده بتغني لك الكليب ده. مرة تانية ساعتها هتعمل ايه؟ يا جماعة الاغاني اللي انتم مفهورين بها الاغاني ديت الاغاني داهية دي جيفة يوم القيامة هتبقى عرق يعرق به اهل المعازف والعياز بالله عرق منتن جيفة ما يطقش حد ما حد من ريحتهم لو قلب طاهر وسمع المعازف ديت يموت. احد السلف احد صالحي السلف والله حسيبه. احد الامراء الظلمة لما اراد ان هو ما جابش الة عزاب وعزبه اومال عمل ايه؟ جابه وايده وجاب فرقة معازف وقعد قعدوا يغنوا قدامه. مات وهو بيسمع المعازف. مات وهو بيستمع الى هزه في معازف مات. مات ليه؟ سبحان الله! عذاب! على وقلوبنا طاهرة! هيبقى ده نوع من انواع العذاب. لو شفنا سخط ربنا ونظرة غضب من الله على حفلة يا شباب المسلمين قاعدين يرقصوا فيها. والعياذ بالله. ليه؟ للفجر او للصبح. يا جماعة النبي عليه الصلاة والسلام اهدر دم واحد كان بيكتب شعر زي كلمات الاغاني كده كان بيكتبها لانه كان بيتغزل في نساء المسلمين. يعني اللي بيغني بقى البنات والحقوني والحب اللي بيتغزل دول يبقى ده مهدر الدم ده ولا ايه؟ ده يعني ما حدش يقول ده ده بيقولوا اقتلوا المغنيين. لأ يا جماعة. ولكن انا بقول لك حكم ان ازا كان واحد عشان بيتغزل في نساء المسلمين اللي بيغنوا من البنات وبيغنوا لحبايبهم وبيغنوا لحبيباتهم. يعني بعض الشباب الوقتي بعض الحبيبة يستنوا الحبيبة الطمراوية والعمراوية يستنوا اخر البوم نزل. لو اخر البوم نزل عن الفراق والهجر والبعد يقوموا يتشاكلوا مع بعض ويتخاصموا مع بعض. ليه يتشاكلوا مع بعض عشان يعيشوا في الاغاني ديت. ولو الالبوم ده بيتكلم بقى عن اللقى بقى والحنان والعطف. يقوموا يتصالحوا مع بعض ليه؟ عشان ان يعني يبقى يعيش مع الاغاني ديت يعني اخوانا اه اخواني في الله واخواتي في الله عايزين بازن الله سبحانه وتعالى يعني على قد ما نقدر يا جماعة ان احنا نفعل موضوع الحرب على المعازف نفعل موضوع الحرب على هذا السرطان. نفعل هذا الموضوع بكل ما نستطيع من قوة. الحملة بدأت بازن الله. يعني خمسة في المية من الحملة دي على ايه؟ خمسة وتسعين في المية عليكم لكل واحد نشر في يوم من الايام اغنية ينشر حاجة بتحارب المعازف عشان ربنا يكفر بها. بيعديه. كل واحد مفتون بالاغاني يحارب هزا الفيروس يحارب هزا الداء عشان ربنا يشفيه منه. يعني ان شاء الله ده كان اول لقاء لنا مع بعض. اقول قولي هذا واستغفر الله لي ولكم. سبحانك اللهم وبحمدك تشهد ان لا اله الا انت استغفرك واتوب اليك. جزاكم الله خير