افتح لنا صدورنا ويسر لنا امورنا. اللهم ربنا اتنا في الدنيا حسنة اتنا في الدنيا حسنة اتنا في الدنيا حسنة وفي الاخرة حسنة وقنا عذاب النار. اللهم ارخص اسعار المسلمين
اللهم امين. سبحانك اللهم وبحمدك اشهد ان لا اله الا انت استغفرك واتوب اليك. جزاكم الله خيرا
السلام عليكم ورحمة الله وبركاته. اخواني واخواتي في الله. انا باكلم مين دلوقتي ؟ انا باكلم كل واحد اللمبة الصفرا بتاعته عربيته نورت ومش عارف هيجيب فلوس من مين منين ؟ انا بكلم كل ست بيت عاملة تلات ورقات فلوسكات طلبات لزوجها اول ما يجي له فلوس البيت عامل زي الارض العطشانة ومش عارفة. لو جه
الف ولا الفين ولا حتى خمس تلاف جنيه ولا عشر تلاف هتحطهم فين ولا فين ؟ انا بكلم كل زوج دخلت المدارس داخلة طب هدفع فلوس المدارس منين ؟ طب البساطة
تربطة بكسوة الشتا طب الولد التعبان طب البنت اللي عندها احتياجات طيب السبلايز اول ما المدرسة تدي للاولاد بقى والكراريس والطلبات العجيبة والمبالغ فيها او اللي مش مبالغ فيها. بس اللي معيش فلوسها هجيب منين ساعتها كل اللي مطلوب مني ده هي دهوات وفلوس السبلايز وفلوس
الشتا وفلوس المدارس انا انا بكلم انا بكلم كل موظف دخله الشهري ما بيكفيهوش وبيضطر يستلف من يوم عشرة او خمستاشر في الشهر انا بكلم كل واحد مرعوب لما بيسمع التحليلات الاقتصادية وتوقعات زيادات الاسعار وكلمة الاسعار جاية من السعار اصلا. يعني كأن حاجة مسعورة وبتهجم على الناس
عشان كده الاسعار دي لا يرخصها الا الله سبحانه وتعالى. انا مش باتكلم خطاب تخديري. انا باتكلم خطاب ايقاف يا جماعة. انا عايز مشكلتك تتحل. انا عايز مشكلتك تتحل انا عايزك تختنى. انا عايز اكلمك عن اسهل روشتة في القرآن كله. اختنا ازاي يعني؟ يعني اجيب منين؟ اغير مستوى دخلي ازاي؟ يا جماعة
اسرع حل عشان اي انسان يختنى ان واحد غني يدخل في حياته. ده اسرع حل واحد غني فجأة اتقدم لبنتك. المستوى بتاع البيت كله اتغير واتقلب واحد غني فجأة اتجوزك واحد آآ غني صاحبك ويعني بقى حبيبك ولا يمكن يشوفك في زنقة ويسكت. دخول واحد غني في حياتك ده
اسرع حل عشان كل مشاكلك تتحل. طب هو فيه اغنى من ربنا سبحانه وتعالى؟ خير الرازقين. مش هو سمى نفسه خير الغافرين. لان ما فيش ولا زنب مهما كبر ما يقدرش يغفره. مش هو سمى نفسه خير الناصرين. لان ما فيش ولا معركة ممكن تدخلها في حياتك ما عدو الا ويقدر ينصرك فيها. كذلك سمى نفسه خير
رازقين لان ما فيش ولا ازمة ممكن يسيبك فيها دخلة مدارس سبلايز عربيتك لمبتها الصفرا منورة او اللمبة الصفرا منورة في اي مشكلة من مشاكل حياتك وما انتاش عارف هتجيب منين الناس بتغلى يا جماعة. الناس بتغلي من الاسعار. الناس بتغلي من الرعب من بكرة. الناس بتغلي من الاحتياجات اللي ما عدوش عارفين يعملوا فيها ايه
ويواكبوها ازاي الناس بتغلي من ان بيوتهم بقت عاملة زي الارض المتشققة عايزة غيث من المطر عشان الاحتياجات ديت تتكفى في حياتهم ناس بتغلي من الاحساس بالظلم الاجتماعي ومن الاحساس بان كان ممكن مستواه يبقى احسن من كده الناس بتغلى يا جماعة. ولكن الحل ايه؟ اقوى الحل بقوله النهاردة
ان واحد غني يتبناك ويتولاك ويدخل في حياتك. ما فيش زي ربنا. ما فيش زي ربنا سبحانه وتعالى. ربنا يا جماعة نص سروة الكرة الارضية حطها في ايد خمسة وتمانين
واحد ربنا قادر انه يرزق. فيه واحد غني بيطلع كل يوم تسعين الف جنيه صدقة. واحد غني يعني من من الناس اللي عايشة وسطنا ومعنا. يعني بيكسب كم؟ يعني بيكسب
مسلا مليون وبيطلع عشرة في المية مسلا. تسعين الف جنيه يوميا صدقة. اومال ربنا بيصرف قد ايه يوميا؟ امال البر ده كلمة البر لما ربنا سمى نفسه البر؟ اما اكون في بحر والدنيا وبغرق بقول انا نفسي ارسي على بر. انا نفسي اوصل للبر. البر ده يعني الامان. البر ده يعني النجاة. ربنا سمى نفسه البر. ما فيش
جه في الدنيا من الازمات الاقتصادية والمالية الا بالاتصال بالله سبحانه وتعالى. ربنا قال عن نفسه الرسول عليه الصلاة والسلام وصفه سحاء الليل والنهار يعني يمين الرحمن سبحانه وتعالى منهمرة منها العطاءات ليل نهار. ربنا سبحانه وتعالى منهمر العطاءات من يديه ليل نهار
يا عبادي لو ان اولكم واخركم وانسكم وجنكم قاموا في صعيد واحد فسألوني سبعة مليار بني ادم كل واحد قال يا رب انا عايز كرة ارضية دهب. فاعطيت فورا ما فيش خطط خمسية ولا عشرية. كل واحد منهم مسألته لو خرج من خزائن ربنا الوقتي
سبعة مليار كرة ارضية دهب ما نقص ذلك من ملكي. ولا هينقص من ملك ربنا حاجة. ربنا قادر ان هو يهديك. ربنا سبحانه وتعالى هو الغني فيه على وجه الارض دخلهم السنوي اكبر من الدخل القومي لدولة زي جمهورية مصر العربية. دخلهم السنوي وفرد واحد. ربنا قادر انه يوسع عليه
ربنا قادر انه يديك. اه لو نعرف ربنا غني قد ايه. يعني كل الشيكات واموال البنوك وارصدة البنوك المركزية في العالم والخزاين بتاعة المليارديرات اللي فيها كل ده من خزاين ربنا. كل مجوهرات الملكات والاميرات. كل قصور الملوك
والامراء كل ده كل ده حاجة كده من خزاين ربنا سبحانه وتعالى. كل الفلوس اللي في الدنيا كل الثمار اللي بتطلع من اشجار الكرة الارضية كل ده من دين الله. لو الغني تولاك. لو الغني سبحانه وتعالى دخل في حياتك. لو ربنا سبحانه وتعالى رب العرش العظيم
ولاك هيحصل ايه في حياتك؟ وربنا هيديك قد ايه ؟ وربنا هيعمل لك ايه سبحانه وتعالى. ماذا لو تولاك الغني؟ الازمات المادية فرصة يا شباب الازمات المادية فرصة انك انت تعرفي قد ايه الفقير بيعاني. الازمة المالية فرصة انك تعرفي ربنا كان انعم عليك قبل كده قد ايه وانت مش حاسة
الازمة المالية فرصة انك انت تعرف ربنا لما تتزنق فترفع ايدك فتتوسل اليه فيفتح عليك. ويرزقك من حيس لا تحتسب. الازمة لي فرصة انك انت تكتشف حقيقة ايمانك وحقيقة يقينك وحقيقة قلبك. هو انت بجد محسن الظن بالله ولا انت ايمانك مهزوز ويقينك مهزوز بالله سبحانه
وتعالى الازمات المالية فرصة عايزين نستغلها صح. طيب انا الوقتي مش باتكلم خطاب تقديري انا باتكلم خطاب ايقاظي بازن الله سبحانه وتعالى. انا باكلمكم دلوقتي بكل صراحة نعمل ايه عشان نخرج من الازمة المالية اللي احنا فيها. كلنا محتاجين فلوس من ربنا سبحانه وتعالى. ومحتاجين رزق. اول حاجة الهم مش حل
انك تحط ايدك على خدك انك تعيطي انك تشيل هم. الهم بيضرب شريان في القلب. الهم بيجيب فشل كلوي. الهم بيجيب ضغط دم. الهم بيوقع الانسان سكتة دماغية. الهم بيجيب جلطة. الهم ما بيحلش حاجة. الهم مش حل. طيب يعني الهم مش حل؟ اه. طيب امال ايه الحل؟ الحاجة التانية ان على فكرة
بصوا يا جماعة على فكرة حتى السعي الفوري ما هواش حل فوري. ليه؟ لان الوقتي انزل اجري هات فلوس. طب هاعمل ايه؟ يعني هاجيب منين؟ ما هو اللي بينتحر واللي مشي على كوبري
في طلخا عندنا في المنصورة وقعد يصرخ اجيب فلوس منين اجيب فلوس اكل منين واقوم رامي نفسه في النيل. الله يرحم جميع موتى المسلمين والمسلمات يا رب اللهم امين ده يا جماعة مشكلته ايه؟ مشكلته انا اجيب منين؟ انا عايز حالا اهو. السعي ما هواش حل فوري. لان عشان كده ربنا في كل حاجة قال لك اسعى
انما في نقطة الرزق في اللحزة دي قال ويرزقه من حيث لا يحتسب. ان ربنا قادر انه يفتح لك ابواب انت لا تتخيل انها موجودة ربنا قادر ياما بالدعاء فرجت كربات. ياما بالدعاء دفعنا مصاريف المدارس. ياما بالدعاء كلنا واكلنا ولادنا وعيالنا. ياما بالدعاء خرجنا من ديون كنا هنبيع
فيها بيوتنا وكنا هنبيع فيها العربية اللي احنا راكبينها. ياما بالدعاء الاتصال بواحد غني. عايزين نثق في الله سبحانه وتعالى. ثقة حقيقية يبقى عندنا يقين. النقطة التالتة يا جماعة ان المال الحرام مش حل. اصحاب السبت لما قبلوا المال الحرام يوم السبت اللي محرم عليهم. الصيد فيه ربنا مسخهم
المال الحرام بيمسخ حياتك. وبيمسخ حياتك المال الحرام مش حل. بل الفلوس نفسها لو جت ممكن ما تبقاش حل. واحد واحد مرة كنت وقبل ما يموت بساعات فبيقول لي انا امنت مستقبل ولادي. انا سايب لهم ارض بملايين تأمين لمستقبلهم. هزا الرجل الله يرحمه مات من سنوات قليلة
ولاده باعوا الارض وصرفوا الفلوس والازمات المالية يعني بدأت يعني يا جماعة القصة يعني مش قضية ان انا معي فلوس. من جعل الدنيا يا همه نزع الله الغنى من قلبه. ده حديس النبي عليه الصلاة والسلام. يبقى زي منزوع الدسم كده منزوع الغنى ما هوش حاسس ان فيه غنى في الدنيا
الندبة على ان فيه زلم اجتماعي وانه فلان كل ورسي ولا فلان كل مال آآ الناس ولا فلان كل ما له برضه مش هو الحل. خد كل الاسباب اللي تجيب بها حقك. خد كل الاسباب اللي تسعى بها. ولكن اعرف ان الحل الاول والحل الاساسي هو ان واحد غني يدخل في حياتك. وما في
ما فيش اغنى من ربنا ولا اطيب من ربنا. ولا اكرم من ربنا سبحانه وتعالى. ربنا سبحانه وتعالى يا جماعة. اول حاجة اليقين الله سبحانه وتعالى بيقول وما من دابة في الارض الا على الله رزقها. وما من دابة ربنا بيوعد ما دام خلقك انت رزقك مترتب لاخر لحظة في حياتك
عشان كده ربنا قال ويرسل عليكم حفظة. يعني ايه حفظة يا شباب؟ حفظة بيحفظوا عليك رزقك لاخر لاخر لقمة. ولاخر بق بيحفزوا عليك اجلك لاخر لحزة. بيحفزوا عليك انفاسك لاخر نفس. انت لك رزق هتاخده هتاخده. الحوت الحوت يا جماعة بياكل اتنين
اتنين طن اكل في الوجبة الواحدة. معظمهم جمبري. طب ربنا بيبعت له في الوجبة الفين كيلو جمبري وربنا بيبعتهم له. الله! الحوت ده لما لما بيموت تخرج منه دهن اتناشر برميل زيت ربنا بيبعتهم له سبحانه وتعالى. الوجبة بتاعة كل مرة وجعلنا لكم فيها معايش ومن لستم
له برازقين. النمل مين اللي بيرزقه؟ الطيور في السماء مين اللي بيرزقها؟ اتفرجت مرة على فيلم عن سحارة صحاري امريكا والكائنات الملايين الكائنات اللي سحارة جرداء ما فيش فيها نقطة ميه الفيلم كله الناس دي المخلوقات دي بتاكل ازاي ؟ كان عقلي هيطير. المخلوقات اللي في الصحارى وفي الجبال وفي القطب
شمال ومين اللي بيرزقك؟ مين اللي بيرزق كل ده؟ يبقى ما دام خلقك يقين هيرزقك هيرزقك سبحانه وتعالى. عشان كده سمى نفسه الغني سبحان كنت على عشان يلهفك على بابه. سمى نفسه البر عشان يفهمك ان ما فيش طوق امان في الحياة. غير الاتصال به. سمى نفسه الواسع. عشان ما تضيقيش دماغك. ان انا والله عندي
او تلاتة بيجي لي منهم دخل. اجيب منين تاني بقى ؟ يبقى ما فيش فايدة. ربنا الواسع. قادر انه يفتح ابواب لا تتخيلي انها موجودة اصلا. امال ربنا بيقول ولو ان اهل القرى امنوا واتقوا لفتحنا عليهم بركات. يعني ايه فتحنا؟ فتحنا يعني في ابواب كتير حواليك للرزق. مش ما فيش ابواب فيه ابواب ولكن
مقفولة. الزنوب سدتها. لما نصلح علاقتنا بالله ونتوجه الى الله سبحانه وتعالى. الابواب بتتفتح من عند الله. رقم واحد اليقين. ورقم اتنين العقل يا جماعة اول سورة الزاريات ربنا قال والزاريات ذروة الرياح قاعدة تطلع الماية بعد كده الحاملات واقرأ بقت سحاب مليان ماية
بعد كده الجاريات يسرا. المية نزلت وطلعت زروع وسفن التجارية بتنقل المزروعات من بلد لبلد. بعد كده المقسمات يا امرأ الملايكة بتوزع الارزاق والفواكه والثمار على الناس. بتمدي ايدك تاخدي ثمرة فاكهة او برتقانة. دي اللي رزقك اسمك مكتوب عليها من وهي بتتزرع
مش قضية انك انت نقتيها وعجبتك بس ممكن فاكهة اجمل منها جنبها وانت ما خدتيش بالك منها. لانها مش رزقك واسمك مش مكتوب عليها او اسم ابنك اللي او اسم زوجك اللي هياكلها مش مكتوب عليها. الله سبحانه وتعالى كلمك في اول سورة الذاريات عما خلقه الله لاجلك. الكون مقلوب عشان رغيف
عيش اللي انت هتفتري عليه بكرة الصبح. والانس الا ليعبدون. ما خلقت لاجله. يبقى اول سورة الزاريات ما خلق لاجلك تلتمية وستين جندي من جنود ربنا الوقتي شغالين عشان رغيف العيش اللي انت هتاكله بكرة الصبح. واخر سورة الزارية ما خلقت لاجل
كأن رسالة سورة الذاريات اياك ان تنشغل عما خلقت لاجله بما خلق لاجلك. هو كده كده شغال عشانك. عشان كده في وسط سورة الذرية ربنا سبحانه وتعالى بيقول وفي السماء رزقكم وما توعدون في السماء. فوق ما نابع التقسيم تحت مخازن التسليم. علق قلبك بفوق بالله سبحانه
تعالى علق قلبك بالله ده مش خطاب تكديري ده خطاب ايقاظي ده خطاب هو الخطاب الاساسي لتغيير مستوى الدخل بتاعك. ارفع مستوى دخلك غيري مستوى معيشتك. ارفع مستوى دخلك بالصلة القوية بالله. بالاتصال بالله الغني. اسعى وانزل اشتغل وخطط لمستقبلك. وشف
اكمل اللي واخد منك حقك وواكل منك حقك. خد كل الاسباب الحلال اللي ربنا قالها. ما ربنا قال. امشوا في مناكبها وكلوا من رزقه. امشي في مناكب وكل من رزق الله ولكن اعرف ان السبب الاعظم للرزق واسرع سبب للرزق. فيه الف باب مقفول حواليك
وانت مش واخد بالك. الف باب للرزق باسباب ولكن يرزقه من حيس لا يحتسب. انت مش عارفها. الدعاء الحار والتوبة الحارة. هو هو ده التشكيل بتاع المقطع ده. الدعاء الحار يا جماعة قم الوقت اتوضا. قومي الوقت اتوضي. لو يعني اصابك ما اصاب بنات ابن ادم وما
ما ينفعش تصلي قم الوقتي اقعدي في مكان لوحدك وارفعي ايدك وعيطي لربنا. قومي الوقت اتوضا وصلي ركعتين. وابكي له وقل له ويا رب انت اللي خلقتني. رزقي عليك. انت مالك خزاين السماوات والارض. انت في ايدك كل شيء يا رب. انت يا رب اديت بلا حساب لمن شئت يرزق من
بغير حساب يا ما رزقت بغير حساب يا رب. ان هذا لرزقنا ما له من نفاد. انت تقدر ترزق يا رب بلا نفات. وجعلت ومالا ممدودا مهما خد منه مدد بيجي مهما خد الابواب بتتفتح اكتر مهما صرف. فيه ناس ربنا اداها فلوس لو ولعت فيها
لحد ما تموت مش هتخلص. انت يا رب ايامك اديت وياما اعطيت وياما نجيتني وياما انقذتني وياما اغزتني زي ما سيدنا زكريا قال لربنا ولم اكن بدعائك ربي شقيا. انا يا رب عمرها ما ضاقت علي وانت معي. خير الرازقين عمرها ما قفلت وانا بتوسل اليك. قومي
يا طينو قم عيط لربنا هو قال كده. هو جعل البكاء واستمطار الرزق من ايديه. سبب للرزق النبي عليه الصلاة والسلام ما فيش في السما سحابة. الناس موت من العطش دخلوا عليه في الجامع وهو بيخطب. قالوا له يا رسول الله هلكنا الناس هتموت من العطش. الرسول رفع ايده وطلب من الله المطر. والنبي لسه
على المنبر ودي حصلت لنا واحنا في السعودية في المسجد النبوي والايمان بيدعي بالغوث والمطر والله خرجنا من المسجد في الدنيا والدنيا كلها شتا يا جماعة الله قادر سبحانه وتعالى. النبي رفع ايده السحب تلبدت لدرجة ان ان قعدت تشتي اسبوع
بلا توقف اربعة وعشرين ساعة يوميا لمدة اسبوع. الناس راحت له في الخطبة اللي بعدها هلكنا من كتر المطر يا رسول الله. ادعو الله حوالينا لعنة علينا خلاص بقى يا رسول الله تروح على بقى وعلى القطم وعلى الجبال اللي جنبنا والوديان اللي جنبنا يا رسول الله هنهلك كده من كتر المطر خلاص
الله قادر انه يغيثك. لحد ما تقول جزاء من ربك عطاء الحساب حساب حساب حسابا. يعني بيرزقوا في الجنة لحد ما يقولوا حسبك. كفاية. هنعمل ايه بكل ده ربنا قادر. ربنا قادر انه يغنيك. ربنا قادر انه يديك. انا اعرف شباب والله العظيم اعرفهم بالاسم. اخواني واصحابي انا تيمي
بنعبد بنصلي قيام ليل ساعات مع بعض بنعبد ربنا مع بعض اعرفهم شباب افقر من ان يتكلم مضجع الفقر والله اعرف واحد من اخواني وحبايبي لا يملك شيء. اصلا من حطام الدنيا ولكن قيام الليل بالنسبة له ده فريضة سادسة. يعني يعني من اكتر من
يقوم الليل في حياتي ويهتم بالعبادة وتكبيرة الاحرام دي بالنسبة له حاجة مقدسة. الوقتي عنده عربية متجوز جوازة حلوة عنده ذرية ساكن في شقة آآ آآ اه اه شغلانة ما شاء الله يكتب لها بتدر عليه دخل. ازا انا كنت موقن ان ده ربنا مش هيسيبه. وكل ما باشوف شاب صالح باقول له يا ابني والله ربنا ما يخذلك. والله
والله العظيم ربنا ما هيسيبك. احنا يا جماعة ياما بالدعاء سدينا ديوننا. انا مرة اتداينت وكنت نازل ابيع شقتي وابيع عربيتي عشان اسدد الديون بتاعتي ساعتين والله العظيم ركعتين بس توسل وتضرع وبكاء الى الله سبحانه وتعالى. ربنا قادر. ربنا سبحانه وتعالى يعني صرف عني وكشف
سبحانه وتعالى ياما كلنا بالدعاء ياما سدينا ديونا بالدعاء. ياما دفعنا مصاريف ولادنا بالدعاء. انا مش بكلمكم يا جماعة عن روشتة تخديرية. انا بكلمكم عن واقع لحد اللحظة دي احنا عايشينه. وانا عايشه وانا بكلمكم. عايش يعني ايه كلمة يا رب ربنا بيفرج بها الكربات وبيؤدي بها الديون وبيرزق بها
افتح بها الابواب. عايزين نصدق ربنا. عايزين يبقى عندنا يقين وثقة في الله. سبحانه وتعالى. مهما جت مشاكل الدنيا مهما بقى جت ورقة السبلايز المصاريف ربنا يا رسول الله ازا نكثر قال الله اكثر. مهما الدنيا كترت عليك من مطالبها. مهما الحياة كترت عليك من الاعباء. الله اكثر
قادر انه يمدك بمدد من عنده. ولكن احنا نستاهل احنا في صلة بينا وبين ربنا تشكيل المقطع ده يا جماعة اسعوا. اشتغلم. ربنا جعل ده سبب للفرج ولكن لو عايزين تغيير سريع جدا. اول حاجة واهم حاجة الدعاء الحار وتغيير العلاقة بالله وقوة العبادة
وكثرة التوسل والتذلل الى الله. شاب والله العظيم ما قابله في الحرم. اقسم بالله كان هو قاعد يسحي دموعه وانا قاعد قدامه يسحي دموع. احنا الاتنين جه بيقول لي انا
انا قاعد في الحرم بقى لي اسبوع قاعد استغفر. ما بعملش حاجة غير الاستغفار. بيقول جه واحد قاعد جنبي قاعد جنبي قال لي يا ابني انا عندي فنادق ومش لاقي محاسب يمسكها لي
قل لها تعال امسكها لي كلها. وعندي بنت ايه رأيك اجوزها لك؟ وعندي انا الشاب والله يا جماعة هو بيحكي لي. شاب طيب كده وغلبان وشاب مصري. بيقول هو قاعد هو مين ؟ الكلام هو بيقوله بقى وهو بيحكي لي قصة اسبوع استغفار ليل نهار في الحرم. الشاب قاعد يبكي وانا قاعد قدامه وحاسس ان انا هانهار من
يعني من كتر القصة المؤثرة بتاعته اللي بتجدد اليقين في الله في القلب. ربنا قادر. من لزم الاستغفار. جعل الله له من كل هم في الفرج ومن كل ضيق مخرجا ورزقه من حيث لا يحتسب. انا مش جاي اقول لك اسعى لانك انت هتسعى وانا هسعى وكلنا هنسعى وكلنا
يعني الواحد عدى سن الاربعين ولسه قاعد بزاكر في امراض الكلى وفي الدراسات العليا وباسعى على رزقي. انما السبب الاعظم اعظم والاوسع والاكبر واللي هيجيب معنى لكل السعي كل اسباب السعي يصفار. والاتصال بالله والدعاء الحار واحد
غير الواحد الاصفار ما لهاش قيمة. ادعي ربنا توسل ارفع ايدك ادع كتير. اصبر على الدعاء. اصبر. اقعد ساعة قل يا رب طب اقعدي نص ساعة عيطي له. قومي اتوضا وصلي ركعتين وعيط له. والله العزيم ربنا بيدي. والله بيدي شقق. والله بيدي شبكة. تتجوز بها. والله
عزيم ربنا بيجيب عرايس. والله العزيم خزاين ربنا مليانة عربيات. ومليانة شهادات وماجستير ودكتوراه وبورد وزمالة. والله العزيم ربنا بيدي وطيب الله الطيب سبحانه وتعالى. مش هيعنتك وهو بيديك. الطيب اللي بيدي لما يديك حاجة ما يلومش نفسه لما بيدي
اكتب الساهل كتير يسموه طيب. الله الطيب الله الودود. الله سبحانه وتعالى بيتودد اليك بالرزق عشان تعرفه عشان تتوجه اليه. ربنا عنده كل حاجة. خزاين فيها حاجة ده مقطع من اجل تجديد اليقين بالله وبرزق الله. واحنا داخلين في فترة من مواسم الانتحار في المجتمعات
دخلة الشتاء ودخلة المدارس دايما بنسمع فيها اللي رمى نفسه من المترو واللي ولعت في نفسها واللي اتشاكل مع مراته ورمى نفسه في النيل من فوق الكوبري واللي رمى نفسه من الدور العاشر دايما في دخلة المدارس بيبقى فيه هوجة انتحار كده. احنا عايزين في دخلة المدارس هوجة توسل. هوج التوجه هوجة لجئ الى
الله فلولا اذ جاءهم بأسنا تضرعوا. لما ربنا بيبتلي الناس والدنيا بتضيق عليهم ده كل ده ربنا بيقول لك تعالى ربنا بيقول لك تعالي اسأل الله. اللهم وسع ارزاق المسلمين. اللهم وسع ارزاق المسلمين. اللهم وسع ارزاقنا وارزاق المسلمين. اللهم فرج كربنا
اللهم وسع لنا في دارنا. وبارك لنا في رزقنا. اللهم اطل حياتنا على طاعتك. وابتغاء مرضاتك. اللهم اغفر لنا اللهم اكثر اموالنا واولادنا وبارك لنا فيما رزقتنا. اللهم يا مقلب القلوب ثبت قلوبنا على دينك. اللهم