السلام عليكم ورحمة الله وبركاته. ان الحمد لله نحمده ونستعينه ونستغفره ونستهديه. ونعوذ بالله من شرور انفسنا ومن سيئات اعمالنا انه من يهده الله فلا مضل له ومن يضلل فلا هادي له. واشهد ان لا اله الا الله وحده لا شريك له واشهد ان محمدا عبده ورسوله. اما بعد
الحلقة اسميها شبه الاخيرة. في الهباء المنثور. ليه شبه الاخيرة؟ لان هي اخر حلقة في دروسنا هذه المجموعة الان لكن في استكمال يعني في حلقات اخرى الموضوع لم يستوفى كامله ان شاء الله تبقوا تتابعوها على القناة في قناة اليوتيوب او على الموقع اسلامي ستير دوت كوم آآ او ان شاء الله في مسجدكم
على موقعه ان شاء الله تتنزل يعني. خلاصة ما ذكرناه في الحداشر حلقة السابقة دي الحلقة الثانية عشر. خلاصة ما سبقنا ممكن نجمله في تلات امور. كبيرة عناوين كبيرة. تحت
تاج ان تفعلها لكي تتجنب مشكلة الهباء المنثور. ويا ريت نأخذ الموضوع ماخذ الجد ونبتدي ايه؟ نشتغل هذا الماء نكون فقط نفكر فيما سبق والام شديدة في القلب نتيجة قصور في العبادات على مدار سنين طويلة
الى خلينا عمليين اللي فات ما بيرجعش خلينا نفكر في اللي قدام فنعمل التلات حاجات دولت. اول حاجة الاخلاص نتعلم الاخلاص. ده عنوان كبير. اتكلمنا عليه حلقة كاملة. وملخص النقاط دلوقتي ان شاء الله. يبقى دي اول اول فرع
اتعلم الاخلاص واحرص عليه. واجدد نيتي في كل عمل اعمله. وده هيكون صعب في الاول بس بعد كده تتعود ان شاء الله وتكون اعمالك كلها خالصة لله عز وجل. والامر التاني دراسة السنة النبوية. دراسة السنة النبوية. دراسة ما ينفعني في دنياي
في اخرتي خاصة ما فرض عليك وده ان شاء الله برضه هنتكلم عليه كده بايجاز. والحاجة التالتة الكبيرة قوي حسن الخلق مع الناس حسن الخلق مع الناس. لو انا عملت التلات حاجات دولت اتعلمت الاخلاص ودرست السنة. وعاملت عاملت الناس باخلاق حسنة. ان شاء الله
مش هيكون فيه هباء منثور، تكون كل الاعمال بازن الله في الميزان وثابتة. لا تلغى من الميزان. الاخلاص قلنا في وسائل كتيرة واجملها كده بايجاز وارجعوا اسمعوا الحلقة بتاعتها. اولا قراءة القرآن الكريم. حاول انك انت تختم القرآن الكريم مرة
كل شهر او اقل من كده لو قدرت. الحاجة التانية التفكر في عظيم خلق الله عز وجل. ولما تشوف حاجة عزيمة قل سبحان الله وحاول ان انت ما تاخدش الامور بشكل اه اه عادي او اتعودت عليه. لا التفت. وهتلاقي الاعجاب
في كل خطوة من خطوات حياتك. في الكون في نفسك في الحيوانات اللي حواليك في النباتات في كزا قل سبحان الله كتير عشان الاخلاص في قلبك. الحاجة التالتة كثرة القراءة عن الدار الاخرة. يزل لها كورسات ومحاضرات ودورات
اسمع اشرطة محاضرات يعني تسمع محاضرات لغير العلماء المختلفين يعني وتقرا فيها كتير كل اما عشت اكتر في دار الاخرة كل اما كبرت في عينيك كل ما صغرت الدنيا. لما تصغر الدنيا يتزرع الاخلاص في القلب. لان هتلاقي كل الناس اللي انت بتشتغل لهم في الدنيا
ما لهمش اي وزن الى جوار رب العالمين سبحانه وتعالى والدنيا كلها على بعضها لا وزن لها الى جوار الاخرة. فيزرع الاخلاص. فاحنا محتاجين ندرس ندرس الاخرة الكلام ده مش هيجي عن طريق دروس عشوائية يعني احنا في الدروسنا ديت اتكلمنا مرة كده على الميزان واخدنا حلقة حلقتين وهتلاقي
درس تاني حد اتكلم على الصراط ودرس تالت حد اتكلم على شيء في الجنة ما ينفعش الحاجات العشوائية ديت محتاج تدرسه بشكل آآ نظامي احترافي من اول الموت ودخول القبر لحد جنة او نار. دي رحلة طويلة جدا جدا
فيها تفصيلات كتيرة جدا جت في القرآن الكريم وفي السنة المطهرة. الحاجة الرابعة معايشة الدار الاخرة انما ما تبقاش مش مجرد قراءة ان انا اعايش الدار الاخرة ازاي اعيشها قلنا زيارة المقابر وعيادة المرضى واتباع الجنائز وما الى ذلك من امور. الحاجة الخامسة اعمال في السر الى جوار العلن. امبارح الحمد لله
في ناس اه دفعت اه اموال لصالح المسجد كتير ما شاء الله. لا قوة الا بالله. انصحهم انهم يخرجوا برضو للمسجد بس بعيد عن او جمع التبرعات العلني اللي كان موجود. يعني او مش لازم لنفس المسجد مش لازم لنفس النوع من النشاط بس
في الخير زي ما كان في عنده عمل قدام الناس يكون عنده عمل في السر. ادعوا الله الحاجة الساتة ادعوا الله ان يرزقك الاخلاص ونحفز او حفزناه ان شاء الله. اللهم اني اعوذ بك من ان اشرك بك شيئا اعلمه. واستغفرك لما لا اعلمه. قلها الصبح قلها بالليل. دوام
الله لا يزال لسانك رطبا من ذكر الله. انواع الازكار كتيرة وفي درس كامل في نصيحتي لك اسمه اذكر الله. اول درس في نصيحتي لك. آآ آآ ارجعوا اسمعوه كله يعني. واخر حاجة قلناها في موضوع الاخلاص قلل من الاختلاط بالناس على قد ما تقدر. الشغلانة اللي تتعمل مع الناس في ساعتين ما تعملهاش
في اربعة يعني حاول تقلل ان كل ما اختلطت اكتر اه كل اما وقعت في اخطاء اكثر واه مش بقول لك يعني اعتزل وان كان الموضوع على خلاف بين العلماء لكن يعني نقول ان شاء الله تخالط الناس وتصبر على اذاهم تكون افضل
وبرضو في درس في نصيحتي لك رقم اتناشر اسمعوه برضو في تفصيلات اكتر في هزا الموضوع. ده كله تحت عنوان يبقى انا اتعلم بالوسائل ديت اكون مخلص. هعمل الوسائل ديت ان شاء الله هتلاقي في فرق كبير جدا جدا في آآ
سلوكك مع الله عز وجل وفي تركيزك في ان العمل يكون له سبحانه وتعالى. بس الحاجات اللي قلناها ديت مش حاجات اسبوع او اسبوعين. ده منهج حياة. يعني قراءة القرآن الكريم مش هروح اقراه الشهر اللي جاي ده او اللي بعده وخلاص على كده هفضل طولة عمري. التفكر في خلق الله هفضل طول عمري ومعايشة الاخرة وزيارة المقابر واتباع
الجنازة. هافضل طول عمري. هي دي قصة حياتي. هي دي اهم حاجة ان انا اعدي من الدنيا. الدنيا معبر الى الاخرة. اعدي هذا المعبر الجسر امن فاوصل كده يوم القيامة تستقبلني ملائكة تبشرني عند بعثي والاقي ايه الامور ميسرة في هذا اليوم الصعب
نمرة التانية او العنوان التاني الكبير دراسة السنة. فيه اربع عناوين كده سريعة. آآ دراسة الفرائض او نبدأ بالفرائض الحاجات اللي مفروضة عليك زي ما قلنا اي اي شيء مفروض عليك فرض عليك تعلمه
يعني الرسول صلى الله عليه وسلم يقول طلب العلم طلب العلم فريضة على كل مسلم. فريضة على كل مسلم كل العلم مش كل العلم. العلم الذي فرض عليك هو العلم الفرائض التي فرضت عليك وجب عليك ان تتعلم كيف تؤدى. فابتدي بالفرائض ابتدي بالصلاة والصوم والزكاة
الحج لو ربنا يسر لك الحج او العمرة تكون دا لسه عشان لو ربنا ييسر لك العمرة. آآ وما تحتاجه في حياتك بشكل دوري. وانت تاجر مسلا لازم تكون قاري فقه التجارة كويس. لو انت يعني
اني مزارع تبقى فقه الزراعة لو انت مش عارف لو انت عندك لا لا قدر الله في حالة وفاة يبقى انت اخد فكرة عن الميراث ما اراده الله عز وجل. يبقى ندرس الحاجات ديت بشكل آآ مبسط. ويا ريت المسجد يوفر يعني مسل هذا الامر
بشكل بردو اا منتزم مش عشوائي يعني بمعنى ان انا لما اخد فقه الصلاة مبديش خاطرة كده عن الصلاة مرة اه عن الركوع ومرة عن القيام ومرة عن السلام لأ انا باخد الموضوع بشكل منتظم احترافي من اول الموضوع
اخره بشكل مبسط يعني مش هخش في التفاصيل التفاصيل احنا مش فقهاء ولا علماء احنا بندرس نتعلم ازاي اصلي وازاي اصوم صح وازاي ده صح لان ممكن تكون فيه اخطاء جسيمة الواحد بيعملها بتطير الشيء. واحنا نكون مش عارفينها. يبقى دية حاجة. والحاجة التانية دراسة
في دراسة السنة برضو دراسة العقيدة بشكل مبسط. طبعا العقيدة فيها كتب ضخمة جدا. احنا عايزين حاجة مبسطة تعرفني اه الله عز وجل الملائكة الدار الاخرة الرسل الكتب يعني بشكل مبسط. دراسة الاخلاق الاسلامية
مهمة جدا انها تنفعني في النقطة التالتة اللي هي في مخالقة الناس بخلق حسن ادرسها عشان اعرف الحدود لان انا ساعات ببقى متخيل ان ده من الصدق او ده من كرم او ده من الامانة او ده ويطلع توصيفي انا الموضوع غلط ومدخلين الاعراف
العرس يعني في حكم الشريعة. يعني الغيبة مسلا كتير مننا بيتكلم على الناس في ضهرها. ولما تيجي تسأله تقول له يعني انت ازاي بتتكلم عليه في ضهره ما هو هياخد منك حسنات يوم القيامة يقول لك والله انا ما بكدبش. انا الحاجات دي فعلا فيه. طب ما انا عارف ان هي فيه. هم. ما هي لو فيه يبقى ده غيبة
مش فيه تبقى كارسة اكبر. يبقى بهتان. وده اعلى. انما يبقى انا لو انا عارف دي لها توصيف في الشريعة. لما اكون عارف اننا ذكري اخي بما يكره وهو غائب هي دي الغيبة عرفتها المعلومة دي اتعلمتها خلاص مش هتكلم على حد وهو مش موجود. حتى لو كان الكلام ده
في فعلا تمام؟ وساعات واحد تقول لي واحد برضو ما تتكلمش على حد يقول لك ايه انا بقول له الكلام ده في وشه. ما انا عارف انك بتقوله في وشه جزاك الله خير
انت جريء يعني انما ما تقولهاش في ضهره. يعني حتى لو بتقولها في وشه ما بتقولهاش في ضهره. ضهره دي غيبة برضه. حتى لو انت كنت انت بتقول في ضهره وفي وشه ما ينفعش. ده مثال وفي امور تانية كتيرة جدا في الاخلاقيات. احنا مش عايزين نعرف الاخلاقيات
حسب اعرافنا نعرف الاخلاقيات حسب تعريف الله سبحانه وتعالى ورسوله الكريم صلى الله عليه وسلم في الاحاديث في الايات وفي الاحاديس وده محتاج دراسة والحاجة الرابعة دراسة السيرة النبوية اخد فكرة عن حياة الرسول صلى الله عليه وسلم من اول ما بعث الى ان آآ مات
وطبعا يا ريت نلحق بيها دراسة تاريخ الخلفاء الراشدين لان جزء من دينا بردو عليكم بسنتي وسنة الخلفاء الراشدين المهديين من بعدي هتقول لي ادرس منين الكلام دوت؟ يعني انصحك في عندي كتاب صغير قوي كاتبه زمان لعلي لو راجعته دلوقتي ممكن اغير فيه حاجات بقى له عشرين سنة
اسمه القراءة منهج حياة. القراءة منهج حياة. في الكتاب ده هو كتيب صغير. برشح في كتب تقراها. يعني جوة بعد اما قلت ان في اوله بقول ان القراءة يا اخوانا مش هواية. لان بعض الناس بتقول والله انا مش هواية القراءة او انا ما ليش يعني كده على
ما اقدرش اقعد كتير اقراه وده ما حدش يقول كده زي ما كنا ما بيحبش ياكل ما بحبش اشرب يعني ايه ما بتحبش تاكل هتموت القصة لو انت ما بتحبش تقراها تموت. ما لهاش حل. هو اصلا منهجك كله على بعضه كده بادئ باقرأ. القرآن الكريم العزيم
وده اول كلمة فيه اقرأ ولوحدها. يعني حتى مش الخمس ايات نزلوا ده هو اول قال له اقرأ بس وسكت واقرأ تاني وسكت واقرأ تاني وسكت وبعد كده كمل الخمس ايات الاولانية وكلها بتتكلم على قضية العلم. يعني ما ينفعش تقول لي مش هوايتي القراءة او ما
ما اقدرش اقرا كتير ما ينفعش لازم اتعلم ان انا اقرا كتير. فانا قايل في الكتاب دوت يعني الموضوع ده اهمية القراءة وفي الاخر رشحت عشر امور تقرا فيها عشر مجالات ومنها المجال الشرعي احد المجالات العاشرة يعني
والمجال الشرعي ده مرشح فيه عشر كتب. اما تقرا الكتب دي كتب بسيطة كلها اوليات كل فرع لما قراها هتفتح لي بقى افاق تاني يعني. هتلاقيك بعد ما خلصت بالسيرة من كتاب كزا ولا العقيدة من كتاب كزا هتلاقيه فتحت لك ايه حاجة تانية
واقعد اقرا لحد ما تموت. مش هكون خلصت الكرسي خلاص خلص. ما فيش كده. هقعد طول عمري اقرا. لحد لحد اخر الحياة وانا عمال اقراه برضه. القراءة منهج حياة. الحاجة العنوان الكبير بقى التالت ده مهم جدا المعاملة
حسنة مع الناس. طبعا اكون انا عملت الايه؟ الاتنين الاولانيين مخلص لله عز وجل ودارس السنة. انا بعمل التلاتة في شكل متوازي وبعامل الناس بطريقة حسنة اساسا اهم حاجة خالص في معاملة الناس حفز اللسان
حفز اللسان حاول ما تتكلمش كتير. والله تخيل حاول تسكت. هو الرسول عليه الصلاة والسلام بيقول كده من كان يؤمن بالله واليوم الاخر فليقل خيرا او ليصمت. الكلام اللي هو آآ اللي بينا
بعض ده المودة والمحبة نقعد نتكلم مع بعض كتير لازم هيقع سقط في الكلام. فقلل على قد ما تقدر من الكلام لا تقل الا خيرا تؤمر بالمعروف تنهى عن المنكر يعني تمدح شيء آآ يعني ممدوح من غير ما ما تزعلش حد منك ما
لفظ جارح لفظ بذيء لفظ نكتة ما ما لهاش آآ آآ ادب الاسلام يعني حاجات يعني ايه على قد ما تقدر ما تتكلمش كتير لو اتكلمت اتكلم اتكلم بخير. الرسول عليه الصلاة والسلام بيقول من يضمن لي ما بين لحييه وما بين رجليه
اضمن له الجنة. الله اكبر. يعني اللسان والفرش ما بين لحيه عظمتين الفك دولت وما بين الرجلين الفرج يعني تجنبت الزنا وتوابعه ان شاء الله رب العالمين يكون يعني ده اسهل عليكم اللسان هو اللي صعب هو المشكلة في في اللسان
عشان كده الرسول عليه الصلاة والسلام زي ما قلنا قبل كده بيقول وهل يكب الناس في النار على وجوههم الا حصائد السنتهم؟ هي المشكلة في اللسان لان هو بينفلت بسهولة ابو بكر الصديق
رضي الله عنه وارضاه كان بيحط حجر في في بقه زلاطية كده صغيرة حجر صغير في بوقه. طول ما هو ماشي. ليه؟ عشان بس ما يعرفش يتكلم وهو في بقه
عشان نتكلم نعمل ايه يخرجه يتكلم فياخد هنيهة كده يفكر فيها هقول ايه عشان مش اي كلام يتقال لان كله متسجل طيب ان العبد عشان ساعات بتبقى الموضوع يعني هين جدا على قلوبنا بس الموضوع بيبقى
كبير عند ربنا. ان العبداء ليتكلم بالكلمة من رضوان الله. يعني كلمة كويسة جميلة قلتها. من رضوان الله لا يلقي لها بالا يعني انت ما كنتش مركز قوي هي بس هي كلمة كويسة انت متعود على الادب. فهو واحد قابلك بهاء قلت له ما شاء الله اثنيت على حاجة عنده
فالكلمة دي شجعته خلته يعمل حاجات عزيمة جدا جدا انت ما تعرفهاش. انت لا تلقي لها بالا لا تلقي لها بالا يرفعها الله بها درجات وفي نفس الحديس وان العبد ليتكلم بالكلمة من سخط الله لا يلقي لها بالا يهوي بها في جهنم
كلمة سيئة قالها وكان لها تواب اهو ما يعرفهاش التوابع ديت. لا يمكن لها بالا. ما يعرفش ما يعرفش ان اللي خد الكدبة مسلا اللي قالها ديت انتقلت الرجل ان الرجل يتحدث بالكذبة تبلغ عنه الافاق. ودلوقتي بالزات خلي بالك موضوع الفيسبوك تويتر والانستجرام يلا
بتقول الكدب قد كده او الغيبة قد كده على مستوى العالم بقى. بيتكلم بالكبدة بتاعتك فاحرصوا على هذا الموضوع. آآ المعاملة الحسنة مع الناس تتضمن اعادة الحقوق لاصحابها. ده خلاصة ما زكرناه في الدروس السابقة. رجع الحقوق لاصحابها ويشمل زلك الديون. ولو في بينك وبين حد شبهة في حاجة خليها عليك
اتنازل عن حاجة امتى يغلب على زنك انها بتاعتك. بس مش متأكد انها بتاعتك خلاص سيبها له سيبها له احسن لو كانت بتاعته بقى وانت خدتها منه هتدفعها له يوم القيامة. هيتحول العمل لهباء منصور
خليها عليك احسن في الدنيا خليها عليك احسن. وزكرنا امسلة لكده في الدروس ترجعوا لها وافكركم او آآ اقول لكم حديث الرسول عليه الصلاة والسلام قالوا بيقول الناس اللي بيختصموا عنده في مسألة من المسائل يعني في اتنين
مختلفين على حاجة على مال على ارض على اي شيء او حتى على نزاع شخصي. فراحوا لواحد يعني يحكم بينهم فهو نفسه صلى الله عليه وسلم. تخيل بقى الحكمة والعظمة والوحي والرأي وكل شيء. بيقول ايه؟ انكم تختصمون الي
ولعل بعضكم الحن بحجته من بعض. يعني انا انا بشر. لما غازي وحي يبقى انا هحكم بالسماع اللي اسمعه من كلامكم. فيه واحد ما شاء الله بليغ. يعرف يقنع اللي قدامه وياخد
الحقوق كلها من الناس بالكلمتين اللي بيقولهم. والتاني غلبان يا عيني ما عندوش هزه الحجة في الاقناع. بيقول ايه؟ ولعل بعضكم الحن بحجته من بعض. في بعضكم بليغ في الحجة فممكن يقنعني فاحكم له. فمن قضيت له بحق اخيه شيئا بقوله يعني بسبب
القوي اللي قاله ده اديته انا حكمت له والحق ما كنش بتاعه بس هو عنده قدرة على تزييف الحقائق والتاني ما عندوش مش هزه القدرة مش عارف يتكلم فراح الحق فبيقول ايه فلو حكمت له قضيت له بحق اخيه شيئا بقوله
انما اقطع له قطعة من النار. فلا يأخذها. انت دلوقتي عديت بها في الدنيا خدتها بالكيمتين اللي قلتهم ربنا سبحانه وتعالى هياخدها منك حسنات يوم القيامة وهي في الاخر قطعة من النار. يعني في ميزان السيئات
كان شيء خطير. فديت نقطة برضو مهمة جدا. غلطت في حق ناس هياخدوا منك حسنات زي ما قلنا ده طبيعي لو انت قلت حد غلط في حقك هتاخد انت منه حسنات. يعني ده زي ده. طب انا لو انا غلطت في حق ناس
اعمل ايه دلوقتي؟ اطلب المسامحة من الناس ديت اللي انا غلطت فيها في الدنيا. اه عندي غلط في فلان او اصدقاء اصحاب الرحم ابويا امي اولادي اي حد غلطت في حقه اطلب منه المسامحة في الدنيا. فلعله يسامحك
في الدنيا ساعتها ايه؟ ساعتها ان شاء الله ربنا سبحانه وتعالى يكون حفز لك حسناتك بدون ما تتاخد منها شيء. ما تستهونش بهزا الموضوع ابو سفيان رضي الله عنه قبل ما يسلم كان رايح المدينة المنورة قبيل فتح مكة
كان عنده مشكلة كان كان حصل اه نقد للعهد بتاع الرسول عليه الصلاة والسلام فلو هو متوقع الرسول عليه الصلاة والسلام يهجم على مكة وهو مش ما لوش طاقة فهو ايه رايح يمد في الاجل ولا يستأزن ولا يعتزر بس هو لسة على دين مكة لسة لسة لم يسلم
فدخل المدينة فاما هو معدي على المدينة معدي قصدي على في الشوارع متجه للرسول عليه الصلاة والسلام عشان يستأزنه يعني في الموضوع ده اتى على وصهيب وبلال في نفر. مجموعة من الصحابة قاعدين وسطهم سلمان الفارسي. وصهيب الرومي وبلال الحبشي
فقالوا التلاتة قالوا والله ما اخذت سيوف الله من عنق عدو الله ما اخذها انت داخل دلوقتي في عهد فاحنا مش عارفين نعمل لك بس المفروض انت تدبح. السيف الله لسة ما اخدتش مأخذها
من من اه من عنق عدو الله. ابو بكر معدي سمع الكلمتين دول ما عجبوش. الموضوع لان ابو بكر كان آآ رقيق وكان لطيف وكان يؤمل في اسلام اي حد. فالكلمتين دولت بدل ما هيطيبوا قلب ابو
سفيان هيهيجوه اكتر فيتمسك بكفره فهو عنده منطق عايز يتعامل معه باللين لعله يسلم يوفر على المسلمين دماء وحروب وقتال وفي نفس الوقت يستنقذوا من الكفر. فما عجبوش الكلام قال لهم اتقولون هذا للشيخ قريش
وسيدهم فزعق لهم لامهم عاتبهم ومشي راح لرسول الله صلى الله عليه وسلم. ابو بكر بقى ايه مش بيقول الكلمة ويعديها. كل كل حركة يسأل صح كده ولا غلط انا كده على الشريعة ولا مخالف؟ يا الله وابو بكر العلم كله يعني اعلمنا كما يقول ابو سعيد الخدري وكان ابو بكر
اعلمنا اعلمنا ومع زلك دايما لسه فراح للرسول عليه الصلاة والسلام سأله قال له انا حصل الموقف الفلاني ده وهم قالوا له كزا وانا رديت كزا قال له ايه بقى الرسول عليه الصلاة والسلام؟ فاجئه بقى. قال له يا ابا بكر لعلك اغضبتهم. اوعى تكون زعلتهم
سلمان وبلال انت هتشتري ود ابو سفيان برضا سلمان وبلال وصهيب يا ابا بكر لعلك اغضبتهم لان كنت اغضبتهم لقد اغضبت ربك. خل بالك ابو بكر لا رجالهم جري. يا اخوتا اغضبتكم. رايح بقى يستسمح. اش بقى ابو بكر الصديق وتاني راجل
في الاسلام ما فيش هنا وعايز الميزان بتاعه ما يتاخدش منه حاجة يوم القيامة. حافز على السروة بتاعته شغال طول الوقت عاتق عبيد وانفاق في سبيل الله وهجرة وجهاد احافز على الكلام ده كله. لحسن ان سليمان ياخد مني حتة وبلال حتة وبعدين. يا
اخواتاه اغضبتكم؟ قالوا لا. لا لا ما اغضبتنا. يغفر الله لك يا اخي. دعوا له بالمغفرة سامحوه. يعني هم برضو كانوا زعلانين شوية انه يغفر الله لك اللي عملته فينا. مع انه ما عملش احيانا انت بمنطق ممكن تقول والله هو عنده حجة. ابو بكر عنده حجة في الموضوع
لكن هو حساس جدا من الموضوع دهوت والرسول عليه الصلاة والسلام بيقول له خلي بالك ما تغلطش في حق الناس ديت الناس ديت الناس دي واصلة الواقع وده بيكلم ابو بكر يعني مش بيكلم اي حد سبحان الله. برضه في المعاملة الحسنة في الناس اللي غلطت في حقهم ادعي لهم
ايه ده! آآ في النقطة اللي فاتت على فكرة استسماحهم استسماحهم لو كان الموضوع واصل لهم. يعني انت مسلا تعديت على حد كلمة او زي موقف كده ابو بكر انت كلمته فزعلته. لكن افرض انت اتكلمت عليه في ضهره. لو كان وصل
لما انت اتكلمت رح اعتزر استسمحه لو ما كانش وصله العلماء انقسموا بقى في هزا الموضوع انك انت تروح تقول له برضه وتستسمحه وفي طائفة من العلماء وانا اميل لها الرأي الاخير ده انه يقول لك لا ما تروحلوش عشان ما تغرش صدره لان هو ما يكونش سمع اصلا ان انت اتكلمت عليه
انت كده هتزعلو منك بقى فعلا بس ادعيلو بقى ادعيلو واستغفرلو بظهر الغيب عشان تعوضو عن اللي انت عملتو فيه وده دي النقطة اللي جاية بقى اللي هي الدعاء لمن اخطأت في حقهم. ادع لهم في في زهر الغيب وربنا سبحانه وتعالى ياخد الدعاء ده يعادل به الازمة اللي انت عملتها
معهم قبل كده واتعود تدعي للمسلمين كلهم وللمسلمات والرسول عليه الصلاة والسلام بيقول حديس جميل قوي يقول لي من استغفر للمؤمنين والمؤمنات كتب الله له بكل مؤمن ومؤمنة حسنة. حاجة رهيبة دي. ايه رأيكم في دي
اللهم اغفر للمؤمنين والمؤمنات. طب ده كان في مؤمن ومؤمنة؟ ده مليارات. ده والحديث صحيح بيقول كتب الله له بكل مؤمن ومؤمنة حسنة. اللهم اغفر للمؤمنين والمؤمنات. قلها كتير. قلها كل يوم ما تعديش عليك يوم
لما تستغفر للمؤمنين والمؤمنات وكمان الزين سبقونا بالايمان. يعني مش بس اللي عايشين في زماننا. استغفر للمؤمنين والمؤمنات على طول كلهم. هو مش جيبك يعني استغفر تطلب مغفرة من ربنا فاستغفر قل له ان شاء الله في ميزان حسناتك وفي نفس الوقت لو كنت غلطت في حق مؤمن
او مؤمنة من دولت يبقى انت وصلت له حاجة. وصلت له حاجة ممكن ما ياخدش منك بدالها يوم القيامة لان انت وصلت له شيء في الدنيا. الحاجة الخمسة في موضوع الخلق الحسن ده كن في حاجة الناس. حاول كل يوم تساعد حد بطريقة او اخرى. لان
جزاء من جنس العمل. الرسول صلى الله عليه وسلم يقول المسلم اخو المسلم لا يظلمه ولا يسلمه. ومن كان في حاجة اخيه الله في حاجته ومن فرج عن مسلم كربة فرج الله عنه كربة من كربات يوم القيامة. ومن ستر مسلما ستره الله يوم
فانت بتعمل الحاجات ديت ان شاء الله ربنا هيحافز لك على حسناتك. بس تكون بتساعد الناس لو حصل في يوم من الايام كنت غلطت في حق حد ولا حاجة دي قدام دي وان شاء الله ما ياخدش حاجة منك يوم القيامة. خليك دايما في مساعدة الناس. واخر حاجة في موضوع الخلق الحسن وان كان طبعا في حاجات كتيرة احنا
المفروض ندرس الاخلاق الاسلامية زي ما قلنا نتجاوز يا اخواننا عن اخطاء الناس في حقنا. سامح سامح الناس كل اما سامحت اكتر بردو الجزاء من جنس العمل ربنا يفتح قلوب الناس انها تسامحك لما تعمل انت مشكلة وكلنا بنعمل مشاكل كل
بني ادم خطاء ما حدش كده معصوم ما بيعملش مشاكل يعني. كلنا بنقع في حق الناس. بس ساعات الناس تتعنت ومش عايزة تسامحك. لان انت ما تسامحش. الجزاير من جنس العمل. سامح ربنا سبحانه وتعالى يردها لك بقى. تلاقيك انت لما تعمل غلطة يبقى زي موقف سلمان كده وصهيب
لا ده ولا حاجة يا ابو بكر لان ابو بكر قدم كتير قبل كده. قدم كتير قوي فهم مش معقول يعني هيقف قدام بابا عشان غلطة عملها معهم يعني. تمام
الجزاء من جنس عم سامح وخليك حافز حديس الرسول صلى الله عليه وسلم ما نقصت صدقة من مال. كما يقول صلى الله عليه وسلم ما نقصت صدقة من مال. كنا بنقول امبارح في جمع التبرعات للمسجد. والحاجة التانية وما زاد الله عبدا بعفو
عزا انما انت تعفو عن الناس ما تفتكرش ان ده ضعف. شف المقابلة الناس ما بترضاش تسامح ليه؟ عشان ما يفتكرش ان انا ضعيف عشان ما ياخدش علي عشان مش كده؟ هي دي الاعزار اللي بيقولها الناس. ده هو بيقول لك لا بالعكس ده انت تصير اكثر عزة عندما تسامح
ومين اللي بيزودك عزة؟ الله عز وجل. هو اللي بيعزك. العزة لله جميعا. يكون وما زاد الله عبدا بعفو الا عزا. والتالتة وما تواضع احد لله الا رفعه الله. ديت
امور اللي احنا اتكلمنا فيها تقريبا اجمالا محتاجين نتعلم الاخلاص محتاجين ندرس السنة النبوية دراسة ممنهجة منظمة ومحتاجين نتعامل مع الناس باخلاق حسنة. الجزء التاني ان شاء الله من مجموعة الهباء المنثور ده هبقى اسجله ان شاء الله في مصر وهتلاقوه ان شاء الله
موجود على القناة وعلى الموقع هيشمل استكمال للجزء بتاعنا ده هنتكلم في عن محبطات العمل في اعمال معينة لو عملتها تحبط العمل اللي اتعمل قبل كده وساعات ما بيكونش لهم علاقة ببعض. يعني زي ايه مسلا زي من ترك صلاة العصر حبط عمله
حديس الرسول صلى الله عليه وسلم. زي حديس مسلا آآ من شرب الخمر لم تقبل له الصلاة اربعين يوما هو شرب الخمر في يوم تمام وخلاص فاق منها بس معه اسر اربعين يوم ما فيش صلاة مقبولة
ده ده العقاب بتاعها العقاب بتاعها عند ربنا كده. وده كمان للي شربها مرة ولا مرتين ولا تلاتة الشير الرابعة بقى بيبقى فيه كوارث اكبر في الحديد بس انا مش داخل في التفاصيل دلوقتي. من اتى عرافا فسأله عن شيء فصدقه لم تقبل له
صلاة اربعين يوما ففي اعمال كده الرسول صلى الله عليه وسلم حزر منها قوي قال لك الحاجات ديت مش اثرها ان سيئة بس ده بتضيع من الميزان بتاع الحسنات حاجات تانية. فهي ديت ان شاء الله المجموعة اللي هنستكمل بها الامر. عشان نكون عرفنا ايه هو الهباء المنثور
على بعضه وان شاء الله يتجنب كل الاعمال التي تؤدي الى ضياع الحسنات. ويظل بعد ما نخلص الهباء المنصور ديت عندنا مجموعة تانية كبيرة عن الكبائر بردو هتبقى حوالي عشرة او اتناشر محاضرة كده او خاطرة عن الكبائر ومجموعة تانية بيتكلم عن الاستغفار وكيفية تكفير السيئات
مسح الذنوب عشان تقابل ربنا سبحانه وتعالى وميزان السيئات ان شاء الله فاضي. ما فيهوش حاجة حتى لو كنت وقعت في السيئات ازاي تكفر السيئات ديت؟ يبدو منهج عامل الرسول عليه الصلاة والسلام مديه لنا واحد اتنين تلاتة اربعة عشرة اتناشر وسيلة تمسح بها اللي موجود في ميزان السيئات كله. في حاجات كده بتوعي
يعني تاخدها تمسح اللي موجود كله. فجميلة جدا. محتاجين برضه ايه؟ نتعلمها. نسأل الله عز وجل ان يفقهنا في سننه. وان يعلمنا ما ينفعنا ان بما علمنا سعدنا جدا بصحبتكم ونسأل الله ان يجمعنا على الخير دائما. والسلام عليكم ورحمة الله وبركاته