السلام عليكم. انا باسم عليوة ودي سبوبة حلال  ناس كتيرة بتسألنا ازاي احسب زكاة المحل التجاري بتاعي؟ عندي بضاعة عندي فلوس عندي اصول ملكان رفوف تكييفات ازاي احسب الزكاة عليهم؟ كل ده واكتر
هتعرفوا معنا في الحلقة دي؟ ركز معنا. تعالوا نحسب الزكاة بتاعتنا النهاردة على ارض الواقع وندخل محل ونشوف ايه الحاجات اللي ممكن تكون موجودة جواه. خلينا نقسم المحل لجانبين جنب اسمه
ممتلكات وجنب اسمه الالتزامات. والممتلكات دي هنقسمها لنوعين. حاجة اسمها الاصول السابتة وحاجة اسمها الاصول المتداولة. الاصول السابتة هي الممتلكات التي ليست بغرض البيع. زي في ايه؟ زي الكمبيوترات زي التكييفات زي المانيكان او اي تجهيزات داخل المشروع. تاني نوع هو الاصول المتداولة. والاصول المتداولة معناها الممتلكات اللي انت اشتريتها بنية
تجارة او السيولة النقدية اللي موجودة معك او الديون اللي لك برة عند الناس بس الديون الجيدة. النوع التالت حاجة اسمها الالتزامات السابتة. الالتزامات السابتة هي عبارة عن الالتزامات طويلة الاجل. عليك دين وهتسدده على خمس ست سنين. فديت بنحطها تحت الالتزامات السابتة
النوع الرابع حاجة اسمها الالتزامات المتداولة. والالتزامات المتداولة هي معناها الديون اللي عليك للغير بس اللي هتدفعها خلال فترة قصيرة وليكن سنة مسلا. طب ورقة وقلم عشان نحسب زكاة المحل ده. اول حاجة هنستبعد الاصول السابتة خلاص مش عليها زكاة. لان احنا قلنا احنا مشترينها بغرض ان احنا نستخدمها في المشروع. تاني حاجة تعال على
الفصول المتداولة عشان فيها شوية تفاصيل. واحد النقدية هناخدها بنفس قيمتها. يعني لو عندي نقدية بميت الف جنيه خلاص هناخد المية الف جنيه. سواء كانت موجودة عندي في الخزنة او في
الدرج او موجود عندي في البنك. رقم اتنين حاجة اسمها الديون. الديون اللي موجودة لي برة عند الناس هتنقسم الى تلات انواع. يا اما ديون مشكوك فيها يعني انا مش عارف هي هتيجي امتى. يا اما ديون معدومة. انا متأكد ان هي مش جاية. يا اما ديون جيدة. انا متأكد ان هي جاية لي خلال السنين اللي جاية. الديون الجيدة بس هي دي
اللي انا هاخدها هحطها في وعاء الزكاة. وليكن كانت قيمتها عشرين الف يبقى انا دلوقتي بقى عندي مية نقدية وبقى عندي عشرين الف جنيه ديون جيد. رقم تلاتة البضاعة والبضاعة
نقيمها بقيمتها السوقية. البضاعة يعني السلعة اللي انا جايبها بغرض البيع. هتتقيم بقيمتها السوقية او بقيمتها الاستبدالية. زي ما اتكلمنا في حلقات زي كانت عروض التجارة. ولو قيمنا البضاعة اللي عندنا بخمسين الف جنيه. كده بقى عندي الاصول الزكوية نقدية بميت الف. بقى عندي ديون جيدة بعشرين الف. وعندي بضاعة بخمسين الف. خليهم بقى في الجنب كده عشان هارجع لهم
تاني. تعالوا بقى للناحية التانية بتاعة الالتزامات. جانب الالتزامات فيه قلنا الالتزامات السابتة اللي هي طويلة الاجل. والالتزامات المتداولة اللي هي قصيرة الاجل اللي هي خاصة بسنة الحول هناخد من الالتزامات السابتة الالتزامات اللي خاصة بسنة الحول فقط
يعني كان علي دين مسلا تلتميت الف جنيه واللي خاص بسنة الحول هنا تلاتين الف جنيه بس. يبقى هاخد منهم تلاتين الف جنيه. والالتزامات المتداولة اللي عليها برة للناس زي الديون او الكمبيالات او غيره
كانت حوالي عشرين الف جنيه. وبالتالي بقت كل الالتزامات اللي علي تلاتين سابت وعشرين متداول فبقى عندي خمسين الف جنيه. ازا بقى عندي الاصول الزكوية فيها مية وسبعين الف وبقى عندي الالتزامات واجبة الخصم بقى فيها خمسين الف جنيه هقوم قايل مية وسبعين ناقص خمسين الف يبقى كده معايا مية وعشرين الف جنيه صافي وعاقل
الزكاة. هحسب الزكاة عليها ازاي؟ هاضربها في نسبة اتنين ونص في المية. لو انت شغال على الحول الهجري او اتنين وستة من عشرة في المية لو انت شغال على الحولي الميلادي. والقيمة اللي هتطلع هي قيمة الزكاء
وبكده يبقى انت حسبت زكاة المحل بتاعك بشكل سهل وبسيط. لو فيه اي اسئلة واستفسارات ممكن تسيبوها لنا في كومنتات تحت او تبعتوا لنا رسالة على الواتساب. وان شاء الله اشوفكم في الحلقات القادمة