1
00:00:00.200 --> 00:00:14.450
فالنبي عليه الصلاة والسلام بيقول لابن عمر ايه؟ كن في الدنيا كأنك غريب او عابر سبيل واقف هنا شوية. كلمة اود يا جماعة لفز قوي ده الحرف ده العلماء قالوا او هنا بمعنى بل الاستدراكية. يعني لما اجي اقول لك ايه

2
00:00:15.500 --> 00:00:31.350
آآ فلان آآ اه مسلا ايه اسن من فلان بل هو اكبر منه بكثير. بل الاستدراكية يعني يعني لأ ده كمان مش كده لأ ده ده معدي كمان. بل دي بيسموها الاستدراك كده. ماشي

3
00:00:32.100 --> 00:00:40.100
فهنا قال ايه ؟ كن في الدنيا كأنك غريب او عابر سبيل. يعني بل عابر سبيل. اقفوا هنا شوية. الغريب ده عايزين نفهم يعني ايه غريب يعني ايه عابر سبيل عشان تفهم النبي عايز يقول لك ايه

4
00:00:40.450 --> 00:00:50.600
وليه النبي ما قالكش على طول كلمة الكون في الدنيا كأنك عابر سبيل. ما كان يقولها ويخلص. عليه الصلاة والسلام. وهو الزي اوتي فيها جوامع الكلم يعني ايه؟ يعني هو مش محتاج يستدرك الا المعنى عاوز يقوله لك

5
00:00:51.150 --> 00:00:58.800
طيب يعني ايه غريب ويعني ايه عابر سبيل عشان نفهم النبي عايز يقول لنا ايه عليه الصلاة والسلام. الغريب ده اللي هو يا جماعة الغريب ده اللي هو زي واحد

6
00:00:59.150 --> 00:01:14.500
فوالله سافر بلد من البلدان آآ سافر الكويت سافر قطر سافر اي بلد هيقعد فيها سنتين تلاتة اربعة. ده اسمه غريب صح؟ اسمه غريب الغريب ده هيعمل ايه الغريب ده اول ما يسافر

7
00:01:15.000 --> 00:01:29.250
هيجيب شقة؟ هو غريب صحيح فهيأجر شقة مش هيشتري تمليك ليه؟ لانه غريب هيتملك فين بقى في بلده حتى حتى. لو هو دلوقتي في الغربة. مش ده اللي بيحصل يا جماعة؟ حضرتك بتسافر قطر ولا الكويت ولا الكويت تشتغل

8
00:01:29.600 --> 00:01:47.200
دول الخليج وتفضل مأجر شقة حتى لوقات عشر سنين وعمال تتملك فين ابعت مصر قل لهم اشتروا لي الفيلا الفلانية اول ما تنزل في الصيف تشتري في الساحل ليه ؟ لان انت في غربة

9
00:01:47.750 --> 00:02:05.600
فمش هتملك. طيب لما جيت تجيب عفش في الشقة اللي انت فيها غريب دي جبت عفش شكله ايه رحت بصيت لعفش مستعمل. او ارخص حاجة في السوق والعفش الجديد البراند الماركة العالية جبته حطيته فين؟ في شقتك اللي في بلدك

10
00:02:06.000 --> 00:02:17.500
وما حدش بيستنكر ده عليك صح ولا لا؟ ليه؟ لان انا هنا غريب انا شوية وراجع وتلاقي العمر بيمر وبتقعد عشرة وعشرين سنة بس برضه احساس الغربة ده بيخليك تتصرف كده

11
00:02:17.950 --> 00:02:37.350
عمرك ما هتتملك وعمرك ما هتجيب حاجة عالية ده كله بتسيبه لبلدك اللي هي اصلك. صح ولا لا طيب ده الغريب يعني ايه عادل السبيل بقى النبي صلى الله عليه وسلم بيقول لك كن في الدنيا كأنك غريب. لو وقفنا لغاية هنا كانك غريب. يعني ايه ؟ ما تتملكش في الدنيا. الدنيا

12
00:02:37.650 --> 00:02:49.100
اجر فيها وخلي الميلك اللي انت بتبنيه ده ابنيه فين في الاخرة. صح كده؟ ده معنى الغريب. طب ايه عابر سبيل دي بقى؟ اللي هو بعد ما النبي قال لك كن في دنيا كأنك غريب لا لا لا هو بيقول لك كده. كان النبي عايز يقول لك كده

13
00:02:49.100 --> 00:03:05.650
عليه الصلاة والسلام. لأ مش غريب. لأ ده عابر سبيل. عارف بقى ايه عابر سبيل ده ؟ عابر سبيل ده اللي هو حضرتك وحضرتك بقى رايح من مصر للكويت  او نبعدها شوية مسلا نخليها اي دولة تانية. علشان هقول لك ليه دلوقتي. فنزلت ترانزيت في دبي

14
00:03:06.250 --> 00:03:17.950
خلاص هي طبعا دبي معروف وحضرتك رايح من مصر لاي بلد فنزلت ايه ترانزيت كده ايه في المطار ساعتين تلاتة في دبي فالساعتين تلاتة دول انت اسمك فيهم عابر سبيل

15
00:03:19.200 --> 00:03:31.350
هو جمال عابر سبيل معدي بس لا انت غريب هيبقى اسمك انت غريب. لما تروح البلد اللي انت رايحها دي. ايا كان البلد بقى ولا انت مقيم اللي هو انت مصري وقاعد في مصر. ده انت في المطار. ساعتين تلاتة ترانزيت

16
00:03:31.400 --> 00:03:50.000
اسمك في الحتة دي انت عابر سبيل آآ تصرفك عامل ازاي دلوقتي؟ وانت عابر سبيل بقى تخيل كده! تخيل كده مندوب لكومباوند في دبي قاعد في المطار في الترانزيت وجه اول ما لقاك قاعد ترانزيت ساعتين تلاتة

17
00:03:50.100 --> 00:04:02.700
قال لك انا عندي اوفر انك هتأجر مش هقول لك هتتملك هتأجر طبعا دبي دي انت لا في دماغك تروحها ولا انت بس الساعتين تلاتة. فيقول لك ده احنا عندنا كزا كزا وبقسط على عشرين سنة وبسعر رخيص يا عم

18
00:04:03.850 --> 00:04:15.950
بالله عليك هتفكر في ده اصلا هتفكر تأجر بسعر يا عم لو قال لك انا هقول لك اهو يعني مسال اهو بعشر تلاف جنيه. وانت مش في دماغك عمرك انك هتفيد دبي دي. هتدفع العشر تلاف جنيه في فيلا

19
00:04:16.850 --> 00:04:32.300
لأ. ليه ؟ لاني انا عابر سبيل يقول لك ده انا معي عروض على غسالات وآآ تلاجات ولا هتسمعه اصلا. ولا هتسمعه. ليه بقى؟ لان آآ اللي هو بيسموه الايه

20
00:04:32.300 --> 00:04:46.900
يعني تصرفك او يعني يعني مش عارف اسمه ايه الصراحة. لكن المهم يعني ايه آآ تفكيرك وقتها وكده مش هيكون بنفس تفكير المقيم ولا الغريب المقيم بيتملك الغريب بيأجر عابر السبيل ده ولا في دماغه حاجة اصلا

21
00:04:47.450 --> 00:05:10.100
امال عادل السبيل بقى بيبقى ايه اللي في دماغه عابر سبيل اللي في دماغه انا عاوز الاكل والشرب اللي يكفوني لنهاية الرحلة بس هو ده عابر السبيل انا عاوز الاكل والشرب اللي خل بالك مش زيادة ليه مش زيادة لانك فاهم كويس اوي ان الزيادة معناه حمل على ضهرك على الفاضي

22
00:05:11.300 --> 00:05:24.200
يعني لو حضرتك عارف ان الساعتين تلاتة اللي هتقعدهم في مطار دبي هيكفيك فيه مسلا. سندوتش وازازة مية وعلبة عصير. مسلا هتاخد علبتين تلاتة اكل واول ما تركب الطيارة هينزل لك وجبة

23
00:05:24.350 --> 00:05:36.350
فانت مش محتاج حاجة في الطيارة هتلاقي نفسك مش بتفكر انك يبقى معك علبتين تلاتة اكل طالع بهم من مصر وانت طالع لأ مش هفكر كده ليه شيل على الفاضي

24
00:05:37.000 --> 00:05:53.300
هو انا عاوز ايه ؟ عاوز اللي بس يا دوبك ايه يوصلني دي نفسية اه هي كلمة نفسية اللي انا بفكر فيها. دي نفسية عادل السبيل اللي النبي صلى الله عليه وسلم عاوزك تعيش بها. عرفتوا ليه النبي لما قال كن في الدنيا كانك غريب او عابر سبيل

25
00:05:53.800 --> 00:06:07.250
ليه النبي ما قالش على طول كل في الدنيا كأنك عابر سبيل؟ عشان تفهم المعنى ده دي نفسية عابر سبيل يا جماعة يعني انت عاوز تقول ايه اللي النبي قاله عليه الصلاة والسلام. شف بقى كلمة عابر سبيل دي اربطها بحديث النبي صلى الله عليه وسلم. مالي وللدنيا

26
00:06:07.450 --> 00:06:23.400
ما لي وللدنيا. انما مسلي ومسلها كراكب استظل تحت شجرة ثم راح وتركه. هو ده عابر السبيل انا راجل راكب مسافر اتفاجئت عاوز انام ساعتين فنمتهم تحت شجرة هي دي الدنيا

27
00:06:23.600 --> 00:06:37.400
ثم راح وتركها. فما لي وللدنيا ايوة يعني انا اعيش اللي النبي عاوز يقوله ايه ؟ النبي عاوز يقوله عليه الصلاة والسلام عش في الدنيا بنفسية الشخص عابر السبيل تزود منها يا دوبك الزاد اللي يوصلك

28
00:06:38.950 --> 00:06:49.800
يبقى ما تستكثرش من الدنيا لانه حمل على ضهرك على الفاضي مش محتاجه لانك مش قاعد هنا فانت مش محتاجه