السلام عليكم ورحمة الله وبركاته. كل سنة وانتم طيبين. كل سنة واحنا في بداية رمضان. رمضان في زمن الكورونا. يا رب رمضان اللي المساجد فيه مقفولة. رمضان اللي ما فيش امام تراويح صوته جميل. نخشع وراه. رمضان اللي ما فيش دعاء في اخر التهجد نبكي وراه. يا رب
رمضان اللي شبه رمضان ايام النبي عليه الصلاة والسلام بالزبط. كل واحد كان بيصلي لوحده في المسجد النبوي. يا رب رمضان ده يبقى احلى رمضان في حياتنا ويبقى اعظم موسم للتغيير في حياتنا كلها. كل سنة وانتم طيبين يا جماعة. وهو بيموت ابنه واقف جنبه. قال له انا سبت لك كلمتين
في ورقة. الكلمتين دول هم مفتاح النجاح والسعادة في حياتك كلها. الاب مات. الابن بيفتح الورقة. بيبص في الكلام لقى كلام عادي. مش فاهم فيه حاجة. مش حاسس ان وراءه اصرار خطيرة ولا حاجة. ولكن بمرور الوقت اكتشف ان كل كلمة في الرسالة وراها خطوة من خطوات الوصول للكنز الخطير
اللي الاب سابه له. ان كل كلمة كانت خطوة في الوصول لكنز عمره كله وحياته. شفنا القصة دي في افلام كتير يا جماعة. ولله المثل الاعلى هي دي قصة القرآن. الكلام اللي احنا بنقراه وكل المسلمين بيقروا القرآن في رمضان. وفاكرين ان هو كلام عادي. او ان هو كلام جميل او بيزود الايمان بس
مش واخدين بالهم ان كل كلمة وكل حرف وكل جملة في القرآن بتنقز حياتك وحياتك طوق نجاة بينتشلك من مشكلة من اكبر مشاكل حياتك. القرآن هو اكبر كتاب رفع همة وتقوية معنويات في الدنيا. القرآن هو اكبر كتاب مليان
السعادة والامل والنجاح والتفاؤل والاستبشار في الحياة. القرآن كل جملة من جمل القرآن. هي اكبر دافع للتغيير في الحياة القرآن كله روشتات لاصلاح كل مشاكل حياتك. القرآن يا جماعة ده كنز اعادة اكتشاف القرآن. هو ده هدف السلسلة بتاعتنا في رمضان السنة دي بازن
هدف السلسلة بتاعتنا في رمضان السنة دي اني انست نورا. اني انست نارا دي لما سيدنا موسى وهو في وسط الظلام والمطر وفي وسط موقف كله موت وشاف نار. النار خطفته من اهله. النار خطفته من الازمة اللي كانت فيه. وقال اني انست انس. انس ازاي يا موسى
انت في موقف كل اللي بيتحطوا فيه بيموتوا. اهو ده يا جماعة اني انست نورا. ان ازاي ان كل جملة من جوة للقرآن بتخطفنا من الدنيا بتخطفنا من مشاكلنا بتوصلنا لربنا سبحانه وتعالى بتملى قلوبنا بالانس. في اللحزة اللي الكل حاسس فيها بالوحشة. هدف السلسلة دي يا جماعة ان احنا نفهم الكلمة المزهلة
اللي هيسمعها اهل القرآن يوم القيامة وكل اللي ما تاجروش مع ربنا بالقرآن وما كانوش من اهل القرآن. هيبكوا دم ساعة ما الملايكة بتكلم اهل القرآن بتقول لهم وان كل تاجر من وراء تجارتك. كلمة مسند الامام احمد رواية مسند
احمد وان كل تاجر من وراء تجارتك. الملايكة والقرآن بيكلموا صاحب القرآن. بيقولوا له كل اللي تاجره مع ربنا بالدعوة بصنائع المعروف بالاعمال الخيرية بالتربية بالعبادة كلهم من وراه تجارتك انت انت كنت السبب. وانك اليوم من وراء كل تجارة
انت شريك لكل واحد عبد ربنا في سواب العبادة. انت شريك لكل واحد دعا الى الله في سواب الدعوة. انت شريك لكل واحد اطعمه اسر فقيرة ووزع شنط رمضان في ثواب الاعمال الخيرية. ليه ؟ انت اللي نورت للدنيا كلها. انت اللي لما كنت بتشرح للناس تفسير القرآن كان الكل بيفهم
كانت الحياة بتنور كانت الظلمات بتتبدد. هدف السلسلة دي فاستمسك ان في سورة الزخرف ولاهل الباطل بيعملوا الدجل الزخرفة والشعوزة والبخور بتاع كل دجال عشان يخطفوا عينين الناس. عن الدين وطريقة دين ربنا قال للنبي فاستمسك امسك في القرآن
هو اللي هينور لك في وسط الضباب اللي بيعملوه حواليك. هو اللي هيعرفك النور الحقيقي والطريق الحقيقي. هدف السلسلة دي اعادة اكتشاف القرآن اعادة اكتشاف اعجاز الجملة القرآنية. ان كل جملة وكل اية وكل كلمة وكل حرف فيه روشتة لانقاز مشكلة من
شكل حياتك هدف السلسلة دي خاتمة صح. ان احنا نختم القرآن في رمضان بس ختمة صح المرة دي. نقرا واحنا فاهمين نقرا واحنا حاسين ان احنا مش نقرا نكرر نكر الكلام ورا بعض وخلاص لأ ان احنا نقف عند كل جملة ونشوف الجملة دي ايه النور اللي ربنا اداه لنا فيه ربنا
كده بصائر من ربكم بصائر. كل جملة في القرآن عين. ربنا بيديها لك تنور لك حتة ضلمة في حياتك حذف السلسلة دي يتلونه حق تلاوته. مش يتلونه بس حق تلاوته. ان احنا ازاي نقرا القرآن صح؟ اعظم طريق
للوصول لنور القرآن ان انت تقرئيه صح. ان انت تقراه صح. اه لو قرينا القرآن صح. ساعتها القرآن هيغير كل حاجة في حياتنا. هدف دي بصمات النور ان كل جملة في القرآن تسيب بصمة على قلبك. تخرج من القرآن وقلبك عليه بصمات الجمل القرآنية. بتنور لك
حياتك الشعارات القرآنية. ازاي ان كل جزء من التلاتين جزء في القرآن هناخد كل يوم ان شاء الله جزء من اجزاء القرآن. نطلع منه خمس جمل عشر جمل بس ، سبع شعارات بس ، تمان بصمات نور بس ، نطلع منه عدد محدود من الشعارات. ولكن نتعلم مع بعض ازاي
نقرا ازاي ان كل جملة انت بتعدي عليها كده وخلاص كان ممكن تغير كل حاجة في حياتك. ازاي ان احنا نرتبط بكلام الله سبحانه وتعالى افهم ان الرسالة السطرين تلاتة اللي احنا كنا بنتفرج في افلام على نفس المعنى ده طلع كل جملة فيها خطوة من الخطوات للكنز
فكل جملة في القرآن خطوة من خطوات السعادة وشحن الايمان وشحن القلب وعلو الهمة وفهم التغيير وروشيتات الانقاز شعرات السعادة والامل والتفاؤل في حياتنا هو ده هدف هزه السلسلة المباركة اني انست نورا فاستمسك
اعادة اكتشاف القرآن. يلا نبدأ مع بعض. يلا النهاردة معادنا مع الجزء الاولاني في القرآن. معادنا نبدأ بايه؟ نبدأ بسورة الفاتحة هي اسمها لوحده كده كأن ربنا من اول القرآن بيقول لك انا اريد ان انت تبقى فتح. انا اريد ان انت ما تبقيش ملتزمة عادية. انا مش اريد انك تبقى نسخة مكررة من نسخ الملتزمين
انا اريد انك تبقى فتح جديد في واقع الامة. اريد انك تبقى بطل من ابطال الامة. سورة الفاتحة ناخد شهرين اصعب مهمة في الحياة. ان احنا نختار من كلام الله اللي كله شعرات انقاذ. ولكن هنحاول نختار مع بعض. اول شعار هناخده اياك نعبد
اياك اياك دي ده سورة الفاتحة اللي بنكررها سبعتاشر مرة في اليوم غير النوافل. اياك دي كلمة بتفيد الوجهة ان انا حددت له وجهتي. وجهتي هو يا رب وبعد كده نعبد ان انا بزلت المجهود. نعبد نستعين. المجهود جه ولكن بعد ما الوجهة اتحددت. الحياة قصة قصيرة. اوعى تضيعي عمرك
في تجارب خاطئة كتير. الحياة لا تحتمل انك انت تدفع تمن الفهم. وتمن الخبرة انك انت تدفع عمرك في تجارب خاطئة كتير. حدد الودن عشان ما تندمش على المجهود اللي انت هتبزله. اوعوا تضيعوا عمركم يا اخواني. اوعوا تضيعوا عمركم في تجارب فاشلة. واخطاء نتعلم منها
ولكن التمن هو عمرنا اياك قبل نعبد. اياك قبل نستعين. تحديد الوجهة قبل بزل المجهود. اوعى تبزل شبابك ومواهبك وطاقتك وفلوسك في طريق غلط تندم عليه. الشعار التاني غير المغضوب عليهم. غير اول سورة في القرآن بتقول لك انت لازم تبقى غير
لازم تبقى غير لازم تبقى نسخة مختلفة عن الدنيا كلها. لازم تبقى اضافة. لازم تسيب بصمتك في الحياة. الخريطة اتغيرت يا اخواني لازم تغير القبلة. الناس قبلتها الشهوات والملذات. لازم انت تخلي قبلة زمايلك في الدراسة او جيرانك او اسرتك
لازم تغير قبلة الناس وتخليها ربنا. والدار الاخرة غير غير دية التغيير. ربنا ما قالش سبحانه وتعالى ليس المغضوب عليهم غير. التغيير كلمة التغيير هنا كلمة مقصودة عشان تبقى مش مغضوب عليك لازم تتغير. انت فيك جواك صفات كتير جوة قلبك. جوة نفسيتك جوة شخصيتك
جواك عيوب. العيوب دي ممكن تغضب ربنا عليك. لازم تدفع تمن التغيير. لازم تتغيري عشان تبقى من المغضوب علي. عشان ما تبقاش من المغضوب عليهم. طب المغضوب عليهم مبني للمجهول ليه؟ ليه مش غير الذين غضب الله عليهم؟ لان لو ربنا غضب الدنيا كلها بتغضب. الكون كله بيبقى بينك وبينه
الكون كله والغضب هو مقدمة الانتقام في اللغة. الكون كله بيبقى عايز ينتقم من العاصي. المعصية دي سكة نهايتها سودا. عشان كده بداية القرآن بترعبك. من انك تخالفي ربنا او تعصي ربنا. عموما يا اخواني واحنا في بداية القرآن وفي الجزء الاولاني. الجزء الاولاني في القرآن ده اعادة
استصلاح شخصيتك. اعادة تأهيلك للحياة. صناعة خليفة الله في الارض اني جاعل في الارض خليفة. طب ليه؟ مش اني جاعل في الارض خلف خليف خليف صيغة مبالغة فعيل. يعني والتاء المربوطة اللي في الاخر دي بتفيد المبالغة زي داعية اسلامي مش داعي
متمكن في الدعوة. اني جاعل في الارض خليفة. يعني انت عرفت وزيفتك. انت وزيفتك خليفة الله في الارض. انت وظيفتك الله في الارض عرفت ليه ربنا اسجد لك مليارات الملايكة اللي بقى لها ملايين السنين بتعبد ربنا؟ انا احسن منها في ايه ؟ عشان انت خليفة الله في الارض
مهمتك يعني انت مش مهمتك انك رئيس اكبر دولة عربية. انت مش مهمتك انك ملكة او سيدة الاولى في في دولة من الدول الاسلامية انت مش مهمتك انك ملك من ملوك الخليج. تخيلوا لو رئيس جمهورية وقعد يلعب بلايستيشن ولا يشيت على الفيس. جنون انت خليفة الله في الارض انت
اعظم من اي رئيس دولة. انت اعظم من اي رئيس وزرا. انت اعظم من اي اميرة او ملكة او سيدة اولى انت خليفة الله في الارض. اني جاعل في الارض
ربنا قبل ما يقول خليفة قال في الارض عشان كده ابليس كان فاهم ان ادم نازل الارض نازل الارض هو مش مخلوق للجنة الاول ولكن الجنة دي كانت مرحلة مؤقتة ربنا
بيأهلوا فيها للارض. عشان كده ابليس ما كانش هدفه طرد ادم من الجنة. هو عارف ان ادم خارج خارج. ولكن كان عايزه يعصي عشان ينزل الارض مكسور. ما ينزلش خليفة
ما ينزلش حاسس بالقوة. ما ينزلش حاسس بالمهمة الجبارة اللي ربنا حطها في رقبته. انه يعمر الارض دي كلها بعبادة ربنا. ينزل مكسور فابليس يعرف يكسبه في الجولة. التانية دخلة القرآن دخلة مرعبة. اول مسل في القرآن مثالهم كمثل الذي استوقد نار
الكلمة دي ما فيش حد فينا في قمة تدينه وصل لعشرها الذي تمكن في الصفة استوقد الف وسين وتاء. يعني واحد دور على الهداية. ودور على الوقود ودور على النور. نارا نكرة للتعظيم. الراجل ده كان عنده طموح
رهيب كان عندها طموح انها تبقى الاولى على البشرية بعد الصحابة في الوصول الى الله. فلما اضاءت ما حوله فعلا مجهوده ومجاهدته جابت نتيجة قيمة النور جه ونور له كل حاجة حواليه. القرآن فهمه كل حاجة حواليه بتحصل فيها ايه. نور له كل حاجة. فلما اضاءت ما حوله
ذهب الله بنورهم ذهب الله بنورهم انتكاس بعد كل ده هو فيه انسان ممكن يوصل للدرجة دي وينتكس فهم لا يرجعون ليس بينه وبين في جهنم الا الموت. طب ليه؟ لانه حط شيطان في حياته اسمه عبدالله بن ابي بن سلول وراح سمعه. اوعي تحطي شيطان في حياتك. اوعي تحطي
شيطان او شيطانة في حياتك تدمر علاقتك بالله. انما العبرة ان اول مسل في القرآن مسل انتكاس. انسان بعد ما وصل للقمة انهار في اول قصة في القرآن قصة ادم قصة واحد خرج من الجنة بسبب معصية واحدة. معصية واحدة الموضوع ده يخلع قلبك ويعرفك المعصية خطيرة قد ايه
اول دعاء في القرآن امين. آآ اهدنا الصراط المستقيم امين. اهدنا الصراط يا رب هو الصراط واحد. يا رب انا متاح قدامي الف طريق وانا عارف ان هو طريق واحد اللي يرضيك. كل الطرق مكتوب عليها المغضوب عليهم والضالين. هو ده الطريق الوحيد الصراط المستقيم. والطريق الوحيد فيه ملايين الجثث. ملايين
مين اللي انتكسوا؟ ملايين اللي مشوا في الطريق ورجعوا يا رب خليك معي. عشان كده بعد ما قلت اهدنا الصراط المستقيم قلت امين. امين زي ما النيسابوري بيقول من الامن
من اسم الله المؤمن يا رب امني. يا رب انا مرعوب. يا رب انا قلبي هيقف هيجي لي سكتة قلبية. من الرعب يا رب كل الطريق حواليا ناس كانوا احسن مني
ناس كانوا ازكى مني وضاعوا وتاهوا وانحرفوا. يا رب امني ان انا اعرف اوصل لك. يا رب الشيطان واقف لي في خطوة خطوة في الطريق يا رب فيه مليون طريق شبهات وشهوات على يمين الطريق وشماله. يا رب خليك معي. اول دعاء دعاء واحد مرعوب. اول صفة للمؤمنين
القرآن الذين يؤمنون بالغيب. الغيب ده الغير محسوس وغير ملموس وغير مرئي. اللي بيسموه الملحدين الميتافيزيكس ما وراء الطبيعة يؤمن من الامن دايما الانسان امنه بحاجة شايفها بعينيه. ده حاجة ماسكها بايديه برصيد بنك بفلوس في جيبه برتبة على كتفه. انما ده مصدر
الامن في حياته حاجة مش شايفها مصدر الامن في حياته ربنا. مصدر الامن في حياته الملايكة. مصدر الامن في حياته خزائن الله. مصدر سر سعادته في حاجة مش شايفها. هو ده الايمان
الايمان انك تبقى قلبك مليان يقين ان ربنا مش هيتخلى عنك. رغم انك انت ما تملكيش شيء زي الابن اللي ماشي جنب ابوه وابوه في جيبه مليون جنيه ما فيش في جيبه شلن. الابن مطمن بالفلوس اللي في جيب ابوه. رغم ان هي مش في جيبه ومش شايفها ولكن مسنود بابوه. الذين تخلط القرآن اول قصة
اول مثل انتكاس. اول قصة خروج من الجنة بسبب معصية اول وصف للمؤمنين ان مصدر يقينهم حاجة مش شايفينها. ولا حاسينها ميتا فيزيكس زي ما بيقولوا. اول دعاء امين انا مرعوب يا رب امني يا رب. اول وصف
النار في القرآن وقودها الناس مش وقودها بترول ولا مفاعل نووي وقودها لحمنا ودمنا. النار بتفضل متقدة بلحمنا ربنا يحفزنا ويجيرنا من النار بلحم ودم العصاة الى الله اعدت للكافرين. اعدت يعني النار موجودة دلوقتي والجنة برضو اعدت. يعني النار
لكل واحد عصى ربنا والجنة جاهزة لكل واحد اطاع ربنا بس انت جاهز. انت جاهزة النار جاهزة والجنة جاهزة. احنا جاهزين؟ رمضان اهو يا جماعة احنا في رمضان الوقتي ابواب الجنة التمانية دلوقتي خلاص مفتوحة. ابواب السماوات السبعة مفتوحة. خزاين ربنا كلها مفتوحة. مش معنى ان احنا مش حاسين
ورمضان في الارض ان ما فيش رمضان في السما. ان ابواب الجنة ما اتفتحتش. ان ربنا مش هيتنزل ثلثي الليل. ان ليلة القدر مش هيتنزل ملائكة اكتر من عدد حصى في الارض ان ثواب الاعمال مضاعف الاف الاضعاف. كل حاجة جاهزة في رمضان. انت جاهز؟ انت جاهزة ان يطلع منك الدعاء. اللي يقبله
انت جاهز انك لو مت الوقت تدخل الجنة احنا جاهزين ولا مش جاهزين؟ كل يوم ان شاء الله بازن الله هنعيش مع بعض شعرات من جزء مع بعض جمل من الجزء هنعيش مع الايات القرآنية اللي تغير حياتنا. وتغير كل شيء فينا. عايزين
نقرا القرآن صح. يا ترى انت هتخرجي النهاردة بكام شعار قرآني؟ يا ترى وانت بتقرا الجزء الاولاني وانت بتسمعه في التراويح وانت بترتلي هتخرج بكام شعار؟ يا جماعة يكاد يخطف ابصارهم. البرق ربنا عبر عن القرآن بالبرق. فيه فرق بين البرق والبريق. البريق ده كل حاجة حواليه دلوقتي بتبرق لان فيه نور
يعكس النور النور مش اصلي ولكن البرق ده النور الاصلي النور الحقيقي. اول ما برق القرآن بيطلع بريق الدنيا بيطفي من اول القرآن ربنا بيقول لك اطفي بريق الدنيا في قلبك. عشان توصل لربنا كل جملة نور. عايزين نعيش مع كل جملة من كلمات القرآن. ونعيش مع كل
نور من انوار القرآن عشان ما ينطبقش علينا قول الله في قلوبهم مرض فزادهم الله مرضا. المرض بيضعف جسد الانسان. كذلك مرض القلب هو السبب انك مش قادر تقوم الليل ان فيه جوة مرض. طب زادهم الله مرض ده عقوبة نزلت على القلب. يعني اعظم عقوبة من ربنا على انسان مش انه
تمرض مش انه يعاقبه في فلوسه انه يعاقبه في قلبه. ان انتقام ربنا ينزل على قلب الانسان. طب ليه؟ لانه عمل اعظم جريمة في قلوبهم مرض على ان محل نظر الله فيه امراض شهوات وشبهات ما صلحهاش. عايزين نقف مع قلوبنا في رمضان ونطهر قلوبنا ونصلح قلوبنا
يا رب اللهم اجعل رمضان هذا خير رمضان. مر علينا في حياتنا. اللهم اجعل القرآن العظيم ربيع قلوبنا ونور صدورنا وجلاء احزاننا وذهاب همومنا. اللهم اجعلنا من اهل القرآن. اللهم امين. جزاكم الله خيرا