سلام عليكم ورحمة الله وبركاته. اخواني واخواتي في الله شعارات الجزء السابع عشر اقترب للناس حسابهم. من الف وربعميت سنة. ربنا بيقول الحساب قرب. اومال الوقت قرب قد ايه ؟ جميع علامات الساعة الصغرى تقريبا او معزمها زهرت يا جماعة. علامات الساعة الكبرى ممكن تزهر في اي لحزة. النبي عليه الصلاة والسلام اصحاب
وقدام في حياته كانوا خايفين ان ابن صياد ده كاهن يهودي انه يبقى المسيحي الدجال. والنبي ما استنكرش عليهم. يعني في اي لحزة ممكن كل حاجة تيجي الله بيمهد الارض لاحداس رهيبة في نهاية الزمان. لن يسبت فيها الا الرجال. هل انت جاهز؟ انت جاهزة للاحداس الرهيبة اللي جاية اقترب للناس
وهم في غفلة الا استمعوه وهم يلعبون. ما يأتيهم من ذكر من ربهم محدث الا استمعوه. بيسمعوه بس وهم يلعبون. يبقى مش مجرد سماع القرآن هيغيرك هو ده فكرة السلسلة كلها. اني مش لاني باسمع ازاعة القرآن الكريم ومشغلة هتغير. مش لان انا بقرأ القرآن اتغير الا استمعوها وهم يلعبون
وهم خاشعون. مش وهم مركزين. وهم يلعبون. يبقى فيه ناس كتير اوي بتسمع قرآن وبتقرا قرآن ولكن لاهية قلوبهم. قلبه مش مع اللي بيسمعه. قلب مش مركز فده مش هيوصل لحاجة. فاسألوا اهل الذكر ان كنتم لا تعلمون. مين اهل الذكر يا عم الشيخ؟ اهل الذكر يعني اهل العلم. طب امال ربنا
اهل الزكر ليه ؟ لان العلم لوحده ما يوصلش لربنا انما اهل الذكر يعني العلماء العاملين بعلمين. اللي على طول ذاكرين لله بالسنتهم وجوارحهم واعمالهم هم دول اللي بتسألوهم في الدين. يبقى ما تروحش تسأل واحد معه ماجستير ودكتوراه في الفقه. وممكن يكون واحد اصلا بيقول كلام عشان ياخد فلوس ولا ياخد منصب ولا ياخد كرسي
انت تسأل اللي حاله بيصدق علمه. عشان كده ربنا بيقول ايه فاسألوا اهل الايه؟ اهل الذكر اللي حاله صالح وعنده هم دول اللي فعلا تسألهم ويدلوك. فلما احسوا بأسنا. الاية دي بتضحكني. ربنا بيقول وكم قسمنا من قرية كانت ظالمة
وانشأنا بعدها قوما اخرين. فلما احسوا فلما احسوا يعني عارف لما واحد يقول له يا اخي ده انت سقيل يا اخي انت ما بتحسش على دمك ده اما بدأ يحس حس والعزاب نازل. هو انت اما بتحس ما بتحسش غير وفيه مصيبة
يعني انت كل الرسايل الربانية اللي جت لك قبل كده ما حستش بها. كل معاملة ربنا ما حستش بها. كل الايات اللي ربنا بعتها لك على السنة الدعاء الى الله. والدنيا
اللي سمعتها ما خلتكش تحس وما بدأتش تحس ما بدأش يحس على دمه. غير وربنا بينتقم منه وهو خلاص بيدخل في النار والعياذ بالله فيه ناس بتفهم متأخر اوي. فيه ناس بتحس متأخر اوي. حسيت ولا لسة ؟ قلبك لقط مع القرآن ولا لسة ؟ المؤشر بتاع قلبك اتولف على
البث القرآنية ولا لسة ؟ فهمت ولا لسة ؟ نورت ولا لسة ؟ فيدمغه فاذا هو زاهق. بل نقذف بالحق. شف الكلام. سورة الانبياء فيها قوة. قصص الانبياء كلها فيها قوة. بل نقذف بالحق قذائف
المفروض يبقى قلبك مليان غل على الباطل. المفروض يبقى قلبك مليان كراهية. عشان كده سيدنا موسى وهو بيكلم آآ السامري وبيقول له العجل. بيقول له انظر الى الهيك الذي ظلت عليه عاكفا لنحرقنه ثم لننسفنه في اليم نفسه هولع فيه وبعد كده ارميه في البحر البارد فجأة
هنسفه هو مش عايز وفيه قراءة عشرية لنحرقن الحرق اللي هو البرد. هبردوا هتبرده يعني ايه يعني افرض ملامحه هخليه بلا ملامح. عشان بني اسرائيل اللي عبدوه اخر منزر في قلوبهم له. قبل ما يتنسف انه بلا ملامح. فما يبقاش فيه اي
صباع في قلوبهم عنه. ده عايز يطهر القلوب بالباطل. نفس الكلمة اللي لسيدنا ابراهيم هنا في سورة الانبياء فجعلهم جذاذا. الجذ هو التهشيم ان انا الازاز يبقى جزاز لما يتفرم. وفي نفس الوقت الجذب في اللغة هو الاستئصال من الجزور. انا مش عايز احارب الباطل بس
فيه ده انا عايز اقضي على الجزور بتاعته عشان ما يرجعش ينام بالتاني. ايه ده! ايه العاطفة الجبارة اللي في قلب اهل الحق ضد الباطل دي! لازم تبقى قلوبنا مولعة على اي معصية موجودة في الحياة مش على العاصي. على المعصية. مش على العاصي على المعصية. بل نقذف بالحق على الباطل فيدمغه. فيدمغ
يعني ايه فاذا هو زاهق لو انت معك طلقة واحدة وفيه طيارة فيها مليون جند من جنود الباطل. ومطلوب انك تقتليهم بالطلقة دي هتعملي ايه؟ طلقة في راس التيار الدماغ فهي دماغه يبقى ربنا لما بيضرب الباطل بيضربه في مقتل فيبقى الباطل في قمة قوته وتلاقيه ينهار. فاتى الله بنيان
انهم من القواعد. القواعد اللي هم مقومين المبنى عليها اصلا. اللي هم معتمدين ان هم واقفين بسببها اصلا. ربنا بيضربهم من اخر حاجة كانوا يتوقعوا انهم يضربوا منها. ولا يستحسرون ربنا بيوصف عبادة الملائكة. عارفين انحسار المجرم المجرم
تمد وبعد كده الجزر بقى يرجع الملايكة مد بلا جزر ولا يستحسنون. ما فيش انحسار خلاص الخطوة اللي تاخديها في علاقتك بالله ما ترجعيش فيها تاني انت خدت خطوة حجاب امهات المؤمنين ما ترجعيش. ما تستحسنش في علاقتك بالله
ما تندمش على خطوة خدتها في طريقك لربنا. الخطوة اللي خدتها تبت فيها اوعى تخسر مكتسباتك. في علاقتك بالله. ما تعرفش اللي هيدخلك الجنة ايه ؟ انت عملت ورد قيام ليل ما ترجعش بقى. انت ربنا نور لك طريقك وبقيت بتصوم اتنين وخميس ما ترجعش بقى ولا يستحسرون. الخطوة اللي
تاخدها اوعى ترجع فيها وجعلنا السماء سقفا محفوظا عن اياتها معرضون. من الايات اللي كانت بتأسر فيها تأسير كبير اوي طول حياتي. وهم عن اياتها معرضون. الواحد يبقى خارج من جلسة الضحى من المسجد يبص
على منظر الشمس اشرقت هو اللي ده شرق ليه؟ يقول لك انا شرقت يعني الماية مالت زوري فما عدش فيه مكان للهوا يدخل فبموت اشرقت الشمس الهوا اتملى نور الهوا شرق بالنور. زي ما الزور شرق بالماية كده. اشرقت الدنيا نور والشمس عزيمة. وتجري لمستقر الله. والقمر منازل
والليل الصافي وهم عن اياتها معرضون. يعني لازم تبص في السما. لازم قصة سيدنا ابراهيم. قالوا من فعل هذا. قالوا سمعنا فتى قال من فعله كبيرهم قالوا اانت فعلت هذا؟ قال افتعبدون من دون الله؟ قالوا حرقوه. قال قالوا
المقال قالوا لحد ما قالوا حرقوه قلنا يا نار كوني بردا ربنا مش هيسيبك وكنا به عالمين. الشعار اللي كان بيصبر الواحد في السنين الصعبة بتاعة او الالتزام وكنا به عالمين. اوعى تفتكري ان ربنا سايبك. اوعى تفتكر لان الزروف صعبة حواليك ماديا
ودينيا وايمانيا وما فيش صحبة وما فيش مربي. اوعى تفتكر ان ربنا سايبك اوعي تفتكري ان ربنا مش عالم بك وبجهادك. وبصبرك من اجل انك انت تستمر على الطريق اليه. وكنا به عالمين انت
معي انت بسمع الله وبصره ابشر ابشر عشان كده شف كنا به عالمين وابراهيم قالوا قال بطل واقف لهم ما بيسبش كلمة باطل الا بيقف في وشها. ما بيسبش منكر ينزل في في الواقع من غير ما ما يقف له. ما بيسيبش مسلسل يشوه عقائد المسلمين من غير
ارد عليه. ما بيسيبش معصية ولا بدعة تنتشر من غير ما يرد عليها بطل. ففي الاخر قالوا حرقوه قلنا يا نار كوني مردا. يا نار كوني بردا وسلاما هو ده اسم الله ايه ها صح اللطيف
اللطيف يقول لك ملطف للجلد جربتها مرة آآ ايدي اتحرقت حاسس بالم هيخرج من دماغي. فخدت ملطف جلد دهنته ولا كأن في حاجة. ابص على الحرق الحرق لسه في ايدي. ولكن انا مش حاسس بحاجة. هي
اللطيف ان يبقى الواقع حواليك نار اهل الباطل مولعينها زي نار ابراهيم وانت مش حاسس بحاجة. انت فرحان انت في برد وسلام. يا لطيف! الطف بنا يا لطيف ابراهيم من الشعارات القرآنية فكشفنا ما به من ضر
اكتشفنا دي الامراض المزمنة زي مرض ايوب ما بتروقش اصلا غير في سنين. يعني هو فيه مريض سكر بقى له عشرين سنة بياخد دوا فجأة يصحى يلاقي نفسه راق. كشفنا
دي زي واحد اتكشف عنه بطانية في لحزة ربنا قادر ان اصعب مرض في حياتك يتكشف في لحزة. فكشفنا ما به مش بس المرض مش بس ارضه اللي اتحرقت مش بس ولاده اللي ماتوا. مش بس ما به لما الفرج بييجي بيجي مرة واحدة. ابشروا يا جماعة ربنا
انه يفرج كل مشاكلك في لحزة. ما به من ضر وذكرى للعابدين. سيدنا ايوب كان محافظ على ورد العبادة اليومي بتاعه الطول طول السبعتاشر سنة ابتلاء. فربنا بيقول ده ذكرى لكل واحد عابد مش هسيب الكرب في حياتك. اسبت انت بس على العبادة
وذكرى لكل واحد مبتلى اعبدني وانا فرج الكرب بتاعك. اعظم سبب لتفريج الكربات. ولتنزل العطاءات وللغمر بالرحمات هو العبادة والاستمرار على العبادة. فظن ان لن نقدر عليه. الله اه وهو في بطن الحوت لن نقدر اي لن نضيق. قدر عليه رزقه اي ضيق عليه رزقه. ظن ان لن نضيق عليه انك تبقى في ازمة وتقول
انت هتسيبني يا رب! مش ممكن تسيبني يا رب اظن ان لن نقدر عليه حسن الظن بالله سبب لتفريج الكربات وتقطعوا امرهم بينهم. الله! الاية دي مؤلمة اوي اوي. بعد قصص الانبياء ربنا بيقول للاجيال اللي جت مع الانبياء بقى تقطعوا
امرهم بينهم. امرهم يعني دينهم. تقطعوا قطعوه حتت. قعدوا كل واحد يهبش حتة من الدين زي الديابة بالزبط. اللي نزلت على غنمة كل ديب قعد يقطع ويمزق حتة منها. ربنا بيوصف اهل الدين. اللي بينهم وبين بعض تعصب. فبقوا عاملين زي الدئابة. كل واحد بياخد حتة من الدين ينهشها
ويقسموا الدين ما بينهم ويعلى على كتاف الدين. ديابى. ديابة فيه رجال دين عند الناس وهم اول من ستسعر بهم جهنم يوم القيامة اترمو في جهنم قبل ما فرعون هيترمى فيها. خراب الواقع والله لا بسبب الظالمين ولا بسبب حرب امريكا واليهود. ولا بسبب خراب
موقع بسبب بعض رجال الدين. اللي ما بيتقوش الله وبيطبقوا الدين. وبيتعاونوا بينهم وبين بعض. وبيعيشوا وسط الملتزمين ويحنوا ويربوهم. خراب الدين بسبب ناس من جواه. فاختلف الاحزاب من بينهم. مصيبتكم من بينكم ما تروحوش تدوروا من برة. عشان كده لما كانوا زي
الديابة ربنا قال بعدها حتى اذا فتحت يأجوج ومأجوج وهم من كل حدب ايه ينسلون النسلان هي مشية الذئب. سبحان الله! سبحان الله! عشان كده ابن عاشور في التحرير بيقول جزاء من جنس العمل. لما تثائبوا على دين الله ارسل الله عليهم ذئاب بشرية. اللي هم
ومأجوج. الجزاء من جنس العمل. وتتلقاهم الملائكة. هذا يومكم تتلقاهم. مش هتدوقوا ولا لحزة خوف يوم القيامة. لسة طالع من حتى القبر كده تلاقي الملايكة جميلة ما تخافيش ابشري قومي هذا يومكم. دي ليلتك يا عريس. تفكركم وانا بشرح لكم قول الله ها؟ آآ ان
ان قدم صدق عند ربهم. قدم قلنا التقديم هو عدم تأخير الشيء على الاطلاق. يعني والتقديم هو هو ان يقدمك الله على غيرك. يعني من اول اول لحزة في يوم القيامة ربنا مش هيتأخر الفرج والبشرى من اول لحزة الموت الملايكة تتنزل من اول لحزة القبر. الملايكة هتتنزل ما تخافوش طول ما انتم
ربنا سبحانه وتعالى يوم نطوي السماء حد فينا حس ان جلده اقشعر؟ يوم نطوي السماء المية وستين مليار سنة ضوئية ده دول حتة من السماء الدنيا. يوم نطوي السماء هو ربنا كبير كده
مشكلة ايه اللي ربنا ما يقدرش يحلها لك المرض اللي ربنا ما يقدرش يشفيه. فقر ايه اللي ربنا ما يقدرش يغنيه! يا رب يا رب افتح علينا في القرآن الكريم يا رب
يا رب اطلبه من ربنا بقى ايه اللي ربنا ما يقدرش يديه لك؟ كل واحد يطلب بقى. اللي عايز دين يطلب واللي عايز دنيا يطلب. ولقد كتبنا في الزبور من بعد الذكر. اشمعنى الزبور
كتاب داود. اعبد البشر كما قال النبي صلى الله عليه وسلم. فربنا بيجيب سيرة العبادة. ان في هذا لبلاغا لقوم عابدين. مين اللي ربنا اهل العبادة. العبادة مش دروشة يا شباب. ما تصدقوش اللي بيقول لكم سيبوكم من الدراوشة اللي بيوعظوا ويكلموكم في العبادة. الاسلام مش هينتصر كده لأ الاسلام هينتصر كده
دي من اركان ان في هذا اي في هذا القرآن لبلاغا. القرآن هيبلغ مين وهيوصل مين؟ لقوم عابدين. فقل اذنتكم على سواء يعني اعلمتكم بكل حاجة فبقيت انا وانتم مستويين في المعرفة بالحلال والحرام. هي دي بس مهمتهم مهمتنا في الدعوة. اذنتكم على سواء. يعني
لو ربنا جاب شاب من شباب القهاوي يوم القيامة وقال له انت عملت المعصية دي ليه ؟ وقال له والله يا رب ما كنت اعرف انها حرام. اللي هيتجرجر على وشه ساعتها الداعية اللي ما بلغوش
وزيفتي الداعية اذنتكم يعني اعلمتكم بالحلال والحرام. على سواء يعني انا وانت انا وانتم بقينا مستويين عارفين الحلال من الحرام. الفرق بقى في واحد طبق واحد ما طبقش لو شباب بلدك يا ايها الداعية بقوا مش عارفين الحلال من الحرام. بسبب انك قصرت في النزول لهم. انت المتهم فيها. خاف
من المساءلة امام الله سبحانه وتعالى. ومن الناس من يعبد الله على حرف. ربنا بينكل به. الحرف اللي هو واقف على الطرف مش راضي يدخل جوة بيئة الايمان. مش راضي
يدخل جوة جو الدين واقف يقول لك ايه آآ ان انتصر الجيش قر وان انهزم الجيش فر. مش راضي يدخل جوة بقية الايمان. فكانت النهاية خسر الدنيا والاخرة ضاع كل حاجة. ليه؟ لانه مش راضي يدخل بيئة الايمان
ثم ليقطع من كان يظن ان لن ينصره الله في الدنيا والاخرة. نختم على المعنى الجبار ده لانه معنى جبار. من كان يظن ان لن ينصره الله في الدنيا والاخرة اللي فاكر ان ربنا مش هيقدر ينصر المتدينين ومش هينصر التيار الاسلامي فليمدد بسبب الى السماء. قدامك حل واحد بس يا اهل الدين. بص كل اللي انتم
اعملوه ده في في الفاضي. كلام فارغ. كل حربكم على الدين وترويعكم للمؤمنين وسجن كل ده كلام فارغ. امال ايه؟ ننتصر على اهل الدين ازاي يا رب فليمدد بسبب الى السماء طلعوا حبل للسماء او اسانسير للسما ثم ليقطع. اقطعوا الوحي
اقطعوا القرآن عن اهل الدين. لو عرفتم تقطعوا القرآن عن اهل الدين هتنتصروا عليهم. يبقى احنا سر نصرنا هو القرآن. يبقى اتصالنا بالقرآن هو سر وجاهدهم به جهادا كبيرا. هو ده سلاحنا. هو ده سيفنا. اتعلموا القرآن واسمعوا القرآن واقروا القرآن وادعوا بالقرآن. وكلموا
الشباب على القهاوي بالقرآن هو ده سلاحنا طول ما احنا متصلين بالقرآن لن يكسرنا اهل الباطل ابدا. اللهم اجعل القرآن العظيم ربيع قلوبنا ونور صدورنا وجلاء احزاننا وذهاب همومنا اللهم امين