1
00:00:00.000 --> 00:00:10.000
بسم الله والحمد لله والصلاة والسلام على رسول الله. كل شهر لقاء زي كده آآ هنكمل فيه في السلسلة اللي احنا بدأنا فيها. آآ حد فاكر اخر مرة احنا كنا اتكلمنا في ايه

2
00:00:10.000 --> 00:00:30.000
هو معلش هو طبعا هي شكل المحاضرة. يعني يعني انتم السن بتاعكم مش الانسب للمحاضرات. الانسب اللي هو الحاجات اللي زي الورش كده لو زي الحلقات بتاعتكم تبقى عشرة بيقعدوا يعني يتكلموا مع بعض ويتناقشوا ويتشاركوا بالعكس انتم الانسب لكم في العملية التعليمية كده. بس معلش

3
00:00:30.000 --> 00:00:50.000
استحملوا بقى المحاضرة بتاعتي لانها بتبقى مرة في الشهر. آآ والانسب ان يعني تبقى مناقشات اكتر يعني ده انسب لسنكم يعني. آآ اه فنحاول نركز فيها شوية لانها يعني ان شاء الله يرجى انها تكون معاني مفيدة بالنسبة لكم يعني. فاكرين احنا كنا اخر مرة اتكلمنا في ايه

4
00:00:50.000 --> 00:01:10.000
انا اخر مرة كنت عندكو انتو هنا. سيدنا موسى. ايوة صح كنا بدأنا في بدأنا في القصة بتاعت سيدنا موسى بس قصة ان موسى كبيرة قوي صح؟ اه اخدنا الحتة اللي هي بتاعة برافو عليك صح. احنا قلنا يعني برضو الجميل ان اه

5
00:01:10.000 --> 00:01:30.000
اللي خلقنا مين بنات؟ الله صح واللي نزل القرآن ده مين ؟ القرآن ده كلام مين؟ يبقى تقريبا كل حد فينا يحتاج حاجة يلاقيها حاضرة في قرآن. طيب وهتبقى حاضرة في القرآن بطريقتين. ممكن تبقى حاضرة بشكل خطاب مباشر عادي خالص ان ربنا يقول لك افعلي ولا تفعلي

6
00:01:30.000 --> 00:01:50.000
لما تبقي زعلانة اعملي كزا ولما تبقي متضايقة اعملي كزا وتبقي محتارة تعملي كزا دي بنسميها النسخة المستورة ماشي وفي بقى نسخة منزورة يتحكى لك قصة قصة ان انت لما تبقي زعلانة ولزلك كل واحد فينا لازم اول من اوائل الحاجات اللي يهتم بها يدور على الحاجات اللي تخص في القرآن

7
00:01:50.000 --> 00:02:10.000
يعني انت مسلا كبنوتة دلوقت في قصص تخص النساء ولا لأ في القرآن في ايه قصص تخص النساء فانت ضروري تقفي معه لان اكيد القصة اللي تخص النساء دي فيها توجيهات ربنا بيوجهها لك فيها منهاج ربنا حاططه لك انت لو فهمتيه كويس هيفرق في حياتك جدا. ماشي؟ طيب

8
00:02:10.000 --> 00:02:30.000
اتفقنا في مرة لو فاكرين قلنا احنا عايزين لما مسلا نتعامل مع القصص بتاع القرآن نتعامل معه ازاي يعني انا دلوقتي عندي قصة اعمل معاها ايه؟ عندك قصة نقعد نسمعها ونتسلى

9
00:02:30.000 --> 00:02:40.000
وجميلة وهايلة وشوفتي بقى ده كانوا خمسمية والواد اللي هو التخين ده عمل مش عارف ايه. احنا هنتعامل مع القصة ازاي؟ قلنا المرة اللي فاتت شوية حاجات كده. انا عارف انه

10
00:02:40.000 --> 00:03:00.000
وقت طويل بس يعني اللي فاكر الطشاش كده اه اتفضلي. اه. هنركز في التفاصيل ايوة صح صح الحقائق مش الدقائق. يعني ببساطة يا بنات ببساطة عشان اسهل عليكم الموضوع. النهاردة انا لما

11
00:03:00.000 --> 00:03:20.000
بسمع قصة بستمتع بها ولا مش بستمتع؟ استمتع لو كويس ماشي؟ طيب دايما قلنا في بعدين بعد اسمه الاستمتاع وبعد اسمه بتاع احنا عايزين في القصة القصة اللي تبقى مفيدة او هادفة عايزين نركز على بعد الانتفاع مش بس الاستمتاع

12
00:03:20.000 --> 00:03:40.000
يعني القصص القرآني فيها الميزتين دول قص ممتعة. انتم عارفين هي مش ممتعة بالنسبة لنا ليه؟ وممكن بيعجبك الرواية بتاعة مش عارف ايه ولا القصة مش عارف الفيلم الفلاني لان هي متعرضتش كويس ومتمش عرضها بشكل يعني مخدتش حقها صراحة في العرض ولذلك بناء عليه اصبحت احنا نزرتنا ليها كده انما القصة

13
00:03:40.000 --> 00:04:00.000
قرآنية لو واحدة مش مسلمة خالص بدأت تقرا مسلا قصة سيدنا يوسف في القرآن الكريم ممتعة جدا. ومسلا بتقرأ قصة ابن موسى في القرآن الكريم ممتعة جدا ماشي؟ المهم القص القرآني في بعد الاستمتاع ده حاضر. بس فيه بعد تاني جميل اللي هو بعد الانتفاع. بعد الايه؟ المقصص نافع

14
00:04:00.000 --> 00:04:20.000
احنا مش عايزين بقى نعلي الاستمتاع على حساب الايه الانتفاع ماشي يعني النهاردة انت ممكن مسلا تروحي تتفرجي على فيلم الفيلم ده فيه قصة بس كالعادة الافلام العربي ايه واحد بيحب واحدة ومش عارف اتخانقوا ولا حصلهم ايه وفي الاخر هيتجوزوا صح كده بس معروفة ما فيش آآ

15
00:04:20.000 --> 00:04:40.000
لأ اخرها كده لو فيلم هندي يبقى هل البطل هيموت في الايه؟ في الاخر وانا اعيط على البطل. يعني يعني انا تقريبا يعني ما طيب القصة قصة بهم ممتعة في الاحداس ومش عارف وايه والحبكة بتاعتها بس في النهاية فيها بعد الانتفاع يعني هي بالنسبة لنا نافعة ولا اي حاجة انت اقعدي مسلا

16
00:04:40.000 --> 00:05:00.000
انتم مسلا بقى في السن ده الشغوفات جدا بالروايات بقى. الروايات آآ مم اي حاجة في اي حاجة يعني كلام ما لوش معنى تلاقي مسلا الرواية كلها من اولها لاخرها عمالة بتحكي تقول خرجت من بيتي يوم السبت بعد العصر. ماشي؟ طب انا ما لي

17
00:05:00.000 --> 00:05:20.000
انت خرجت السبت ولا الحد انا مالي وتقول لك في هزا الوقت كانت السماء في هكزا وكانت الارض مليئة مش عارف بماء الامطار الزي هطل عليها الامس وهناك على بعد مش عارف عشرة متر كانت بلاعة. تلك البلاعة امام محل عم سيد بتاع القصب. وعم سيد بتاع القصب كنت بشكر

18
00:05:20.000 --> 00:05:40.000
عنده قصب وانا صغيرة وعمي سيد ده اصلا هو من سوهاج. وانت عمالة ايه؟ احنا بنحب الهري. الرواية كلها عبارة عن كده الرواية تقريبا بتاخد لها يعني انت عايزة تقولي ايه؟ وهناك في الاخر قابلته فرأيته ورآني ومش عارف ايه يعني انت قاعدة

19
00:05:40.000 --> 00:06:00.000
تلاتين صفحة عشان تقولي لي قابضة. طب ما انت ممكن تقولي انا خرجت من البيت قابلت المعلم فلان قدام البتاعة وخلاص يعني خلصنا. لأ يعني ليه؟ عشان الفراغ اغلى عند الناس احنا عندنا فراغ يعني انت دلوقتي لو مشغولة قدامك خمس دقايق بالزبط وانا قلت لحضرتك عايز اكلمك في موضوع هتقولي لي ايه؟ المختصر

20
00:06:00.000 --> 00:06:20.000
انا مش فاضي يعني قلت لك بقى انا هجيب لك الموضوع من الاول. انا اصلا اتولدت في بني سويف. ومش عارف والدي وانا بقى في الابتدائية يا عم انت عايز تقول ايه؟ قل اه ما فيش وقت دول هم خمس دقايق. احنا عشان عندنا فراغ فعادي ممكن

21
00:06:20.000 --> 00:06:40.000
تقعدي تقري الرواية دي تقري والرواية التانية والتالتة والرابعة. نوع من الفراغ. هو مش المشكلة بس في مسألة الفراغ بقى المشكلة في المعاني اللي بتغرسها النوع اللي بيغرسها النوع ده من الروايات في دماغكم. يعني الروايات كلها بتتمحور حوالين بنت

22
00:06:40.000 --> 00:07:00.000
بنت متحررة عاشها حياتها بتحب عتريس وعتريس ده صح؟ هي يعني الروايات كلها بتدور حوالين الايه؟ يعني هي بتوصل لك افكار بتعمل صياغة لعقلك لعقلك الباطن دون ان تشعري. دون ان تشعري. انت من غير ما بتحسي كده بدأ

23
00:07:00.000 --> 00:07:20.000
يبقى عندك مفهوم ان انت متمردة على الحجاب. يعني ليه البس حجاب؟ تقول لك مش عارف فخرجت والهواء الطلق مش عارف يعمل ايه في شعري هي ما قالتلكيش ان انا مش حابة الحجاب. بس بدأت تدي لك صورة من الاستمتاع مع غير الحجاب. فانت مع الوقت

24
00:07:20.000 --> 00:07:40.000
وتبدأي تنفري من فكرة الايه؟ هي بتحكي لك على الوضع انها حبت فلان وراحت معه واستمتعنا وكانت ايام جميلة. طب لو انت بتقري كل القصص على ان انا بخرج مع البنات صحباتي ومش عارف بيحصل كزا واحنا مبسوطين. وقعدت مع بنات قرايبي وكنا مبسوطين. ومش عارف اه كنت كنت في

25
00:07:40.000 --> 00:08:00.000
المدرسة بتاعتي لها بنات صحباتي واحنا قعدنا ومبسوطين. هيبقى في دماغك الانبساط مع البنات. صح؟ انما بقى لما القصص دي كلها انا قابلته ومش عارف وايه وكانت لحزات جميلة شعرت فيها بكزا. وبعد شوية فرأيته في المدرسة فهفهف قلبي وطار ومش عارف وبعدين شفته عند عم سيد بتاع

26
00:08:00.000 --> 00:08:20.000
القصب بيشتري قصب من عم سيد فحصد. انت هيبدأ هيبدأ لا اراديا عندك ان اللحزات السعيدة مرتبطة بايه؟ بوجود المعلم عتريس في اي حتة صح؟ عند بتاع القصب في المدرسة صح؟ بقت مرتبطة يعني انت لا اراديا بدأ يتعمل صياغة لعقلك الباطن ان الكلام ده

27
00:08:20.000 --> 00:08:40.000
هي صدرت لك صورة هي مش موجودة حتى في الحقيقة. يعني الكلام ده حتى مش موجود في الايه تعرفوا اا يعني كنت قريتها كات احصائية كات عاملاها مؤسسة من مؤسسات البلد الكبيرة لقوا ان خمسة وتسعين في المية

28
00:08:40.000 --> 00:09:00.000
من الناس اللي هو بحبه يا بابا وبحب بابا وبحبها يعني بيحبوا بعض واتجوزوا. خمسة وتسعين في المية منهم اتطلقوا في السنة الاولى طيب ليه؟ لان هم اصلا هم عايشين واقع مش حقيقي. لان

29
00:09:00.000 --> 00:09:20.000
ان هو راسم الصورة بتاع الايه؟ الافلام والمسلسلات بيتغدوا حب ويتعشوا حب ويقوموا يناموا قاضيينها كده. لكن الواقع مش ايه مش كده ما انت عايشة في البيت انت متلاقية مسلا ممكن باباكي حد كويس ومامتك ست كويسة جدا بس ما فيش اتنين عايشين مع بعض مش هيختلفوا. مش

30
00:09:20.000 --> 00:09:40.000
تم اعادة تلاقيهم مختلفين الصبح ومتراضين بالليل. ده طبيعة الايه؟ الحياة. ده جزء من تصوراتكم اصلا اللي اللي صنعتها الافلام واللي هيأثر على حياتكم اللي جاية ان انت هتبقي عايشة لأ انت لمجرد تحصل مشكلتين تلاتة لأ لأ مقدرش اعيش في الجحيم ده وبعدين انا انا مش هكمل

31
00:09:40.000 --> 00:10:00.000
وهيجي لي بقى آآ زي اللي حصل في فيلم كزا. اول ما هتطلق منه هتجوز فلان مش اتجوزت ساعتها منعم ومنعم عمل معه وتطلق بقى وتستنى يا منعم بقى. ما يجيش منعم انه اصلا دي تمسيلية. هي اصلا ايه؟ تمسيلية. واضح

32
00:10:00.000 --> 00:10:20.000
يعني اللي اقصده يا بنات انا عايز اقول الكلام ده ليه؟ انا عايز اوصل لكم فكرة ان مش خطورة الروايات في الوقت اللي بيروح ولا مسلا مش هقول بقى الوقت اللي بيروح في المباح لا في اوقات ممكن تفضلي مأخرة الصلاة فيطلع صلاة العصر. الرواية

33
00:10:20.000 --> 00:10:40.000
عاجباكي ومكملة معاه ده كده بقى حرام يعني المباح لما يخليه نسيب فريضة بقى ايه حرام مش المشكلة بس في وقتك اللي بيروح اللي غالي قوي. آآ المشكلة ان التورط في مناكير. المشكلة الاخطر اللي ممكن انت ما تبقيش واخدة بالك منها وانا

34
00:10:40.000 --> 00:11:00.000
حابب انبهك لها ان انت بيتم صياغة عقلك الباطن دون ان تشعري. بتبدأي مع الوقت يبقى عندك طيب النهاردة لو كل الروايات كل الروايات هقول لكم حاجة تصوروا احنا مسلا عندنا مصر اهو. ماشي؟ القاهرة بقى ومصر والكلام من ده كله. وواحد مسلا

35
00:11:00.000 --> 00:11:20.000
في فنلندا خلاص انت دلوقتي كده بمجرد المعلومات العادية القاهرة كان من ناحية النضافة ومش عارف والجمال بتاع المكان الجناين والحدائق والشوارع والكلام ده كله. القاهرة ولا فنلندا؟ ايه اللي لعبته؟ القاهرة ايه؟ فنلندا طبعا. تمام؟ طيب سؤال. الراجل اللي ما

36
00:11:20.000 --> 00:11:40.000
القاهرة ده هو قرأ روايات لنجيب محفوز بيتكلم فيها عن القاهرة وفيها وهناك وتجد الناس. وبعدين روايات تانية ارى مسلا وليكن انيس منصور وبيقول مش عارف ايه. وقرا لفلان وبيقول ايه. تصوره عن القاهرة ايه؟ رهيبة. القاهرة اللي

37
00:11:40.000 --> 00:12:00.000
في الروايات مش القاهرة اللي موجودة النهاردة خالص. طيب حتى اللي كاتب الرواية كاتبها سنة الف تسعمية وتلاتين اللي فعلا حقيقة القاهرة ما كتش القاهرة بتاع النهاردة. المعلم اللي عايش فنلندا ده بقى هيفضل حلمه يزور القاهرة

38
00:12:00.000 --> 00:12:20.000
وحابب القاهرة جدا ومش شاغله خالص الا ان قد ايه القاهرة دي هتبقى جميلة. طب ماشي اما يجي القاهرة اهلا وسهلا به يا مرحبا فعلا القاهرة هتبقى اجمل من مكان تاني مش هيضره. مش دي ازمتي بقى. ازمتي انا شخصيا تعرضت للمسألة دي

39
00:12:20.000 --> 00:12:40.000
في مرحلة كنت بقرأ اه مجموعة اه اصدارات اسمها الادب العالمي للناشئين. ما اعتقدش انها موجودة دلوقتي دي كانت سلسلة كانت فكرتها ايه؟ انه يجيب القصص بتاعة شارلز ديكنز ويجيب القصص بتاع يعني بتاع الادباء الاجانب المشهورين

40
00:12:40.000 --> 00:13:00.000
مترجمة بس يعني مترجمينها ترجمة متناسبة مع الايه؟ مع السن اللي هو يعني كنت في سنكم كده تقريبا. خلاص كل الروايات طبعا بما انه ادب عالمي للناشئين فبيتكلم بقى عن اللورد مش عارف مين والكونتسا مش عارف مين وقالت يعني انا

41
00:13:00.000 --> 00:13:20.000
بقى عندي لا اراديا شغف رهيب بين نزول الغرب. يعني عندي اوروبا دي ايه؟ روما لندن باريس ده ده اللي فين اللي في الروايات بقيت لا اراديا حتى لما بشجع في الكورة والاقي مسلا يعني يعني

42
00:13:20.000 --> 00:13:40.000
خفت شوية مسلا برومو فبقيت لو ايطاليا بتلعب مع البرازيل باشجع ايطاليا دون شعور ما مش ولو جتلي فرصة اروح ايطاليا اروح ايطاليا كات عاجباني اسبانيا جدا اسبانيا اللي في الروايات مش اسبانيا بتاع الاندلس

43
00:13:40.000 --> 00:14:00.000
عجباني اسبانيا جدا وكنت يعني حاسس ان انا ايه لو حد قال لي تعيش في اسبانيا ولا تعيش في في مكة صراحة هقولو اسباني وانتو هتقولو كده بجد ليه انتي بتقولي كده بالعاطفة الدينية دلوقتي

44
00:14:00.000 --> 00:14:20.000
انما عقليا لأ هناك دنيا حلوة وجمال وشكل ومش عارف وايه خلينا واقعيين مش هضحك على نفسنا ليه لان احنا الكتب اللي احنا بندرس فيها مادة اللغة الانجليزية. هي مادة اللغة الانجليزية بتحببت في مكة ولا بتحببك في لندن؟ بتحببك في لندن. لا ده انت بقى الفاجعة

45
00:14:20.000 --> 00:14:40.000
اكبر لو انت بتدرسي في مدرسة ده انت بقى الجغرافيا اللي بتاخديها بتاع انجلترا المملكة المتحدة بتاخدي التاريخ بتاع انجلترا الامسلة بتاعة اللي انا دايما بعتبرها مدارس الترشيد دي بعتبرها احتلال على ارضنا المسلمة

46
00:14:40.000 --> 00:15:00.000
انا عايش هنا بس بمتحن مع الولاد بتوع لندن وبدرس تاريخ بريطانيا كما لو كنت اسمي ويليامز. ماشي؟ والجغرافيا بتاعة بريطانيا انا لا انتمي للارض اللي انا عايش عليها. حتى يعني لو الناس تفكر فيها حتى وطنيا او يفكروا فيها على مستوى البلد حاجة مش مقبولة اصلا. على فكرة مش مقبولة اصلا

47
00:15:00.000 --> 00:15:20.000
المهم ما علينا فبقى لو انت كمان بتدرسي في مدرسة انترناشيونال فيبقى دايما تصوراتك وتطلعاتك ازاي؟ اللي بيدرس في مدرسة مسلا او مدرسة فرنسية او مدرسة المانية. هو هيبقى طموحه ايه؟ يروح المانيا. ده طبيعي. ليه؟ لان المانيا

48
00:15:20.000 --> 00:15:40.000
تصدر له ازاي؟ ثوبي كده رهيب. دون ان يشعر. طيب ايه اللي دخلني في القصة دي يا بنات؟ اللي دخلني في ان ما تتصوريش انها قصة وعدت لا مش قصة وعدت الرواية ورا الرواية ورا الرواية بتصوغ عقلك الباطن

49
00:15:40.000 --> 00:16:00.000
حاجة معينة تقولي مش عارفة انا كنت والله حابة الحجاب كت حابة الجو بتاع البنات اللي هما اللي بيصلوا دول المحترمين مش عارفة ليا فترة كده مش عارف فمش قلب للدنيا دي ليه انا بتكلم عالروايات كمسال للافلام والمسلسلات وغيرها برضو بقى هتبقى يعني ازا كانت الرواية

50
00:16:00.000 --> 00:16:20.000
بتأثر التأثير ده امال بقى الفيلم التركي هيبقى ازاي؟ والفيلم الكوري والمسلسل المسلسل ده يبقى ازاي؟ اكيد هيعمل ايه انتي لو انتي متابعة المسلسل الكوري طبيعي هتبقى كوريا دي بالنسبالك ايه يعني وانتي انك تروحي كوريا وتشوفي البنات الكوريات وبيعملو

51
00:16:20.000 --> 00:16:40.000
الفترة مسلا اللي كان المسلسلات التركي اه حاضرة فيها انتم وتركيا دي بقى مش اه بتقول ايه انا هسمي ابني مهند. ولو جا لك تعريسه اسمه مهند ده على طول هتجوزه ده اسمه مهند هيطلع زي مهند اللي في المسلسل. وطبعا ممكن يبقى مهند مصري. اه كده. بس انت بقى في دماغك مهند

52
00:16:40.000 --> 00:17:00.000
بتاع الايه؟ بتاع المسلسل. انت الموضوع ما مرش. يعني انت يا بنات اتمنى ننتبه لكده. هو لا يمر انت متخيلة انه مسلسله بايه ؟ وبيعدي. مش عايز اقول لك هناك ما هو اسوأ

53
00:17:00.000 --> 00:17:20.000
ان تقريبا انت كل خبراتك وخلفياتك هتبقى من المسلسلات. يعني مسلا اما كنت باكلمهم عن توم وجيري هو انت ليه النهاردة لما واحدة صاحبتك بتبقى شاطرة كده في الفصل بتبدأي بتبدأي تاخدي منها موقف عدائي وتعملي فيها مقالب؟ ده السلوك بتاع

54
00:17:20.000 --> 00:17:40.000
اللي انت تربيتي عليه. بجد انت اتربيتي على السلوك ده. ما تربيتيش على سلوك ايه؟ مسلا بتاع سيدنا يوسف لما اخواته عملوا وعملوا وعملوا ازوه مش مش بس ايه يعني مش هقول بقى لنفسه ده هم نفسوه منافسة غير شريفة

55
00:17:40.000 --> 00:18:00.000
وازوه حصل له حصل له حصل له حصل له. ولما جه في الاخر هو لما جو له عمل ايه؟ هنرحب به. عاملهم ازاي؟ عاملهم تعامل راقي جدا شفتي بقى توم بيرحب بجيري وجيري بيرحب بتوم فهي دي الازمة بقى ان ايه اللي حصل؟ ان اصبحت انت لما تتحطي في موقف

56
00:18:00.000 --> 00:18:20.000
النهاردة مع واحدة صاحبتك بتنافسك. مين المسال اللي هتستدعيه؟ تقوم مجرم. عم بطوط. صحيح. طب الكلام ده بقى وانت صغنونة دلوقتي كبرتي بقى وبقيتي بتستدعي فلانة في مسلسل مش عارف ايام الغرام. ولأ دي زي فايزة في

57
00:18:20.000 --> 00:18:40.000
مسلسل اللي مش عارف العشق المحروق. حاجات كده ايه ايا كانت القصة بقى عندك نمازج بتعملي ايه؟ لما لما تتحط في موقف بتستدعيها ما بتقوليش لأ استنى انا هعمل ايه مع فلانة دي؟ انا هعمل زي ما قال آآ جان جاكروسو في كتابه بتاع كزا

58
00:18:40.000 --> 00:18:52.704
انا حتى ما انتيش مسقفة. يعني يعني ده ده راجل اي كلام بس اللي اقصده ايه؟ انت حتى ما عندكيش يعني مش ايه؟ ما تقوليش طب انا هعمل زي ما قال ابن خلدون في المقدمة