السلام عليكم ورحمة الله وبركاته. اعوذ بالله السميع العليم من الشيطان الرجيم. بسم الله الرحمن الرحيم. الحمد لله رب العالمين والصلاة والسلام على اشرف المرسلين سيدنا محمد وعلى اله وصحبه ومن تبعهم باحسان الى يوم الدين اما بعد. ده الدرس التاني بفضل الله عز وجل من سلسلة مجددون وبنتكلم عن اول مجدد جدد الله سبحانه وتعالى به الدين. وهو امير المؤمنين عمر بن الخطاب رضي الله عنه. صاحب الانجازات تعظيما وصاحب العبقرية الفذة. وزي ما اتفقنا الاسبوع الماضي من الذي سمى عمر بانه عبقري؟ مش عباس محمود العقاد. هل شو العباسي محمود العقاد اللي سمن عمر ابن الخطاب بكونه عبقريا هو من؟ هو رسول الله صلى الله عليه وسلم. وذكرت لكم الدرس الماضي انه عمر كانت له فضائل كثيرة جدا. احنا هنبدأ النهاردة اول جزئية متعلقة بعمر الا وهي الدين. وعمر عقلية ادارية. عمر عقلية ادارية يا شذة وعمر حول كل شيء الى انه لازم يضار عن طريق ادارة محكمة. عايز اشوف النهاردة عمر اللي النبي صلى الله عليه وسلم رأى له رؤية رائعة جدا متعلقة بدينه. كيف استطاع عمر ان يدير الايمان في قلبه ويستطيع بالفعل انه يتحول بالفعل الى هذا رجل الفذ الذي قال النبي صلى الله عليه وسلم في شأنه رأيت الناس يعرضون علي وعليهم قمص منهم ما تبلغ الثدي ومنهم ما دون ذلك ورأيت عمر بن الخطاب رضي الله عنه يجر ازاره قالوا يا رسول الله فما اولته؟ قال ها سين قال الدين. اذا النبي صلى الله عليه وسلم لما يرى لعمر هذه الرؤيا انتم كما تعلمون ان الحديث ده فيه عدة فوائد. الفائدة الاولى ان رؤيا الانبياء ها وحي. اذا اوحى الله سبحانه وتعالى لنبيه بهذه الرؤيا لعمر. حتى يتبين مين هو عمر ليتبين للناس ايه قدر دين عمر؟ الفائدة التانية ان انت لو في منامك رأيت انك مسلا لابس بنطلون بس ومن فوق وعريان يبقى فيه مشكلة عندك في الدين. لو جيت رأيت مسلا الثياب بتاعتك شفافة او مقطعة او فيها حاجة خد بالك ان الثياب في الرؤية تدل على ها دين الانسان. فالنبي صلى الله عليه وسلم اول رؤيا رآها وهي وحي من السماء يوضح الله عز وجل فيها لنبيه دين عمر طيب عمر رضي الله عنه دينه عبارة عن ثياب يعني بيجرها بيجرها عمر رضي الله عنه. طب منزلة دين عمر بالنسبة لدين الناس اه. ايه منزلة دين عمر رضي الله عنه بالنسبة للناس؟ قال النبي صلى الله عليه وسلم رأيت الموازين فقد وضعت فجيء بي ووضعت في كفة. ووضعت امتي في كفة فرجحت بامتي ثم جيء بابي بكر رضي الله عنه فوضع في كفة وامتي في كفة فرجح بهم. ده دين ابو بكر افضل من دين الامة كلها. ليه؟ هنعرف دلوقتي. ثم جيء بعمر رضي الله عنه فوضع في كفة ووضعت امة كلها في كفة فرجح بهم عمر. يا نهار ابيض! اكن لو وضعنا كل ايماننا في كفة وايمان عمر رضي الله عنه في كفة لرجح عمر. او لرجحت كفة ايمان عمر رضي الله عنه. هو معقول كان دين عمر بهذه الصورة؟ دي عمر كان بهذه القوة ايوة دي عمر كان بهذه القوة. تخيل ان لو جبنا ايمان الامة كلها من لدن رسول الله صلى الله عليه وسلم. حاشا النبي صلى الله عليه وسلم وابي بكر ووضع كل الناس من لدن رسول الله صلى الله عليه وسلم. الى ان يرث الله الارض ومن عليها في ميزان عمر لرجح بهم عمر. ايمانك اعظم ثم تملك ايمانك اعظم ما تملك. ايمانك ده اللي انت على قدره تسعد في الدنيا. ايمانك ده اللي على قدره تسعد عند ايمانك ده الا على قدره بتسعد وانت في قبرك لان وانت في القبر بتسأل تسأل عن الايمان. ايمانك ده وانت موقوف بين يدي الله عز وجل تسأل عنه ايمان عمر رضي الله عنه. عمر لماذا وصل الى هذه المرحلة؟ ان عمر يتحط في كفة. او ايمان عمر يتحط في كفة ايمان الامة كلها يتحط في كفة عمر يرجح بهم. ليه؟ حط علامة استفهام. حط علامة استفهام. عمر كان قاعد في بيته نايم الاربعة وعشرين ساعة ابدا عمر كان قاعد كده بيتمنى الايمان فانزل الله على قلبه الايمان ابدا ابدا ولكن عمر استطاع بحق انه نفسه ازاي يدير نفسه علشان يكون فعلا صاحب هذه المنزلة العالية جدا من الايمان. لدرجة ان الصحابة رضوان الله عليهم كما في صحيح البخاري من حديس ابن عمر يقول رضي الله عنه وعن ابيه يقول قدا في زمان النبي صلى الله عليه وسلم لا نعدل بابي بكر احد ثم عمر ثم عثمان ثم نسكت. ويصل هذا الى رسول الله صلى الله عليه وسلم ولا ينكره. ليه عمر وصل هذه المرحلة لعمر وصل لهذه ليه ايمان عمر ازداد لهذه الدرجة؟ ليه امام عمر رضي الله عنه وصل لهذه المكانة؟ اكيد في والاسباب دي اللي هنحاول بقدر المستطاع نشوف عمر كان بيعمل ايه رضي الله عنه ونبدأ يعامل النهاردة نطبقها عندنا في حياتنا لو طبقناه يا هاني اكيد ان شاء الله اه احنا لن نصل الى مرتبة. ولن نصل الى مكانته. ولكن يكفينا ان احنا اجتهدنا ان احنا نتشبه بهؤلاء وانتم كما تعلمون ان التشبه بالرجال فلاح. واحد لماذا وصل ايمان عمر لهذه المرحلة؟ واحد لان ذكرى الاخرة كان لا يفارق قلب عمر. ذكر الجنة والنار لا يفارق قلب عمر. ذكر انه موقوف بين يدي الله عز وجل مسؤول لا يفارق قلب عمر ابدا. ابدا بحامل الاحوال. انت كده انت كده يعني في اقوالك وفي افعالك وفي حركاتك وفي الاخرة دايما واخدة جزء كبير جدا من تفكيرك ولا انت ناسيها اصلا؟ اللي ناسيها بيضيع عمر رضي الله عنه من اوائل الاسباب اللي جعلت عمر يتبوأ هزه المرتبة العالية انه كان دايما حاطط في اعتباره انه هيتسأل حاطط في اعتباره انه هيقف بين ايدين ربنا. هذه هذه الفكرة سيطرت على كيان عمر. كانوا دايما بيقولوا المحرك الاساسي فكرة ومقتنع بها. الفكرة اللي اتحرك عمر هي فكرة اليوم الاخر. الفكرة اللي اثرت في حياة عمر كلها انه هيقف بين ربنا وهيتسأل خلي الفكرة دي تسيطر عليك. خل فكرة انك هتقف بين ايدين ربنا وهتتسأل هي دي اللي تسيطر على حياتك. خليك وانت في الجامعة الفكرة اللي بتحركك ومسيطرة على دماغك ووجدانك وحياتك كلها انك هتتسأل. صدقني ساعتها هتلاقي عينيك والله لا تتوجه الى لما يرضي الله عز وجل لسانك لا يتكلم الا بما يرضي الله عز وجل. طب اديني نمازج من حياة العبقري ده. سيدنا عمر رضي الله عنه كان يقول والله انني انا اخشى ان تتعثر دابة بارض العراق انني لا اخشى ان تتعثر دابة بارض العراق. ليه يا عمر؟ الفكرة اللي مسيطرة على وجدانه قل اخشى ان يسألني الله عنها يوم القيامة يا عمر لم لم تمهد لها الطريق؟ يبقى انت علشان تنجح في حياتك لازم تكون في فكرة مسيطرة عليك هي دي اللي بتوجهك. الفكرة اللي كانت مسيطرة على قلب عمر وعقله فكرة اليوم الاخر. ان انا هقف ايدين ربنا واتسأل. خليك راكب النهاردة في الميكروباص او راكب التاكسي او راكب العربية بتاعتك. انني لا اخشى اذا وقفت بين يدي الله عز وجل يوم القيامة ان يسألني يا جمال انت ليه بصيت للحرام؟ يا جمال ليه بصيت للبنت دي؟ لو الفكرة دي سيطرت عليك لو قدرت لو قدرت بالفعل ان الفكرة دي تاخد كيانك صدقني ساعتها ان شاء الله بازن الله تحشر مع عمر. لان دي نفس الفكرة اللي كانت مسيطرة على قلب عمر رضي الله عنه. عمر رضي الله عنه كما يقول الحسن كان عمر ربما او قد نارا. ربما عمر اللي كان في يوم من الايام ييجي يولع شمعة كده ثم يضع يده عليها فلما يتلسع يقول يا عمر يا عمر هل لك صبرا على هذه في الدنيا؟ فكيف تصبر على نار الاخرة؟ كان ييجي يلسع نفسه يتلسع فيقول يا عمر ده انت مش قادر مش قادر تصبر على النار اللي انت على نار الدنيا. نار شمعة. فكيف لك ان تصبر على نار الاخرة يوم القيامة فكان عمر يتفزع. عمر فيه فكرة جواه مسيطرة عليه. انه هيقف بين يدي الله عز وجل يوم القيامة. وهو مسئول بين يدي الله. سيدنا عثمان وده النموزج التالت. سيدنا عثمان بيقول اخرجت راسي ذات يوم من باب من باب الدار. من الباب كده فلفحني السموم السموم هي الرياح شديدة الحر. فدخلت حتى وازيت الدار. واذا برجل يجري وراء بعيرين واحد بيجري ورا جملين حتى اتى بهما. فتأملت فيه وانا اقول ما الذي اخرج هذا الرجل في هذا الجو الحر؟ انت متخيل مسلا شهر الساعة اتنين الضهر كل مستخبي في بيته مولع التكييف قاعد تحت المروحة مزاجه رايق فاكر واخد بالك من الوقت ده هو بيقول انا لقيت واحد في الوقت ده وده حرب الجزيرة. حار الجزيرة العربية. والله يا اخواني علشان اوصل لك بس انك تعيش مع الموقف كان كنا بنطلع عمرة بري فالمسافة من تبوك للمدينة الاتوبيس كان بيبقى موديل للسنة وفاتحين التكييف على اعلى درجة ودرجة الحرارة جوة التكييف جوة التكييف جوة الاتوبيس وواصلة لتسعة وتلاتين. فما بالك برة! يعني فما بالك برة على السموم الهوا شديد الحرارة دي. سيدنا عثمان بيقول فلقيت واحد بيجري وراء بعيرين قد ندا. فقلت سبحان الله من يخرج هذا الرجل في هذا الوقت فلما اقترب فاذا به عمر فقلت له امير المؤمنين اصلح الله بالك ما اخرجك في هذا الوقت؟ فقال قال يا عثمان بعيرين من ابل الصدقة ندا فخشيت ان يفقد فيسألني الله عنهما يوم القيامة القيامة هي دي هي دي الفكرة اللي كانت مسيطرة على كيان عمر. هي دي الفكرة اللي مسيطرة على كيان عمر. ان انا اخاف ان ده يضيع يتوه يتسرق فربنا يسألني يوم القيامة. اقول له ايه ؟ انا عايزك النهاردة الفكرة المحركة لك هي الفكرة دي. الفكرة اللي تبناها عمر انا هاقعد فين ربنا؟ هقول له ايه؟ هقول له ايه؟ ادي النموزج التالت النموزج الرابع عبد لعمر عبد لعمر وكان لعمر ناقض كان كل يوم العبد ده يروح يحلب لها يحلب اللبن بتاعها ويأتي به لعمر فيشرب عمر من لبن هذه الناقة. بتاعته ويعرف لبناها كويس جدا. في يوم من الايام جاء عبده له بلبن فلما شرب منه لما شرب من اللبن ده قال هذا ليس بلبن ناقتي. اللبن ده من اين اتيت به؟ قال يا امير المؤمنين من ابل الصدقة. ده انا الناقة بتاعتك جاء ابنها فاخذ كل ما في ضلعها من لبن. فانا اتيت لك بلبن من ابل الصدقة. فقال اعوذ بالله سقيتني نارا سقيتني نار يعني شوية اللبن دول يدخلوني جهنم يوم القيامة. متخيل؟ فوضع يده فوضع اصبعه في فيهم فلا زال ليخرج هذا اللبن حتى ظننت ان ان نفسه ستخرج معها. هل ستخرج مع هذا اللبن؟ متخيل! متخيل لك في فكرة مسيطرة اللي بيحرك الانسان مننا فكرة مؤمن بها. فكر معتقدها دي اللي بتحرك دايما الانسان. ده كان حال عمر. عمر رضي الله عنه عشان نختم بقى بالانموزج ده عشان اقول لك من اوائل الاشياء اللي اثرت في دين عمر اثرت في ايمان عمر فكرة مسيطرة عليه عمر رضي الله عنه كان من عادته انه يخرج ليتفقد احوال الناس بالليل فرأى ذات يوم ناسا قد اوقدوا نارا فذهب اليهم وقال السلام عليكم يا اهل الضوء. يقول اسلم كره ان يقول يا اهل النار لان اهل النار دول مين كثروا الفجار فقال لهم شف ادب عمر. شف الادب. فقال السلام عليكم يا اهل الضوء. فقالوا وعليكم السلام ورحمة الله وبركاته فوجد اطفال يبكون وامرأة موقنة للنار ووضع عليها قفز فسألها ايه حالك؟ قالت اطفال صغار يبكون لا طعام لهم ولا شراب. فقال فما هذا الذي على في القدس؟ قالت ما انيمهم به. ده انا باضحك عليهم بالقدر فخرج عمر مسرعا الى بيت مال المسلمين. واخذ الطعام والشراب وحمله على كتفه. فاسلم مولاه بيقول له عنك يا امير المؤمنين احمل عنك يا امير المؤمنين. انا اشيل شوال الدقيق ده على كتافي واشيل الاكل والشرب ده. وانا اروح اعمل لهم اللي انت عايزه فيقول وانت تحمل عني وزري يوم القيامة هي دي. هي دي الفكرة اللي محركة لعمر طب ويوم القيامة انت هتشيل عني؟ قال وانت تحمل عني وانت تحمل عني وزري بين يدي الله عز وجل يوم القيامة يا اسلم قال ويذهب عمر الى المرأة ويوقد النار. قال والله لقد رأيت الدخان يتخلل لحية عمر. الدخان طالع من لحية عمر. يا نهار ابيض يا نهار ابيض! فاقول له اقوم بذلك يا امير المؤمنين. قال وانت تطفئ عني النار يوم القيامة يا اسلم. نفس الفكرة. وانت تطفئ عني النار يوم القيامة بسبب ان انا قصرت مع الناس دي وانت هتطفئ عني النار يا اسلم يا نهار ابيض على التفكير ده! انا مش قادر اتخيل الفكرة سيطرت على ودان عمر للدرجة دي فسقاهم واطعمهم وما خرج حتى فرض لهم من بيت مال المسلمين ما يكفيهم. ده كله ليه؟ اانت تحمل عني وزري يوم فكرة اعيش بها فكرة اعيش بها. ممكن احمد جلال في لحظة الان يموت. ربنا يا رب يدي لكل في دعاتنا وعلمائنا ومشايخنا طول عمر حسن العمل. ممكن في لحظة كل الدعاء يترموا في السجون في لحظة. اتاخدوا اتحطوا في السجون في لحظة. بقيت لوحدك ايه اللي يحركك اللي يحركك فكرة انت مقتنع بها. اللي يحركك فكرة انت مؤمن بها. خلي فكرتك دايما اللي تحركك لدين سبحانه وتعالى دي انك هتقف بين ايدين ربنا وهتتسأل. العامل الاول اللي اثر في ايمان عمر وفي دين عمر فكرة اقتنع بها الفكرة ايه يا عامر؟ الفكرة ايه؟ هاقف بين ايدين ربنا. هاعمل ايه ساعتها؟ هاموت هاعمل ايه ساعتها؟ هاتحط في قبري. هاقول ايه ساعتها؟ واقف بين ايدين ربنا هجاوبه ازاي ساعتها في الامر الاول اللي اثر في ايمان عمر فوصله لهذه الدرجة؟ فكرة انت لازم تقتنع بفكرة تقابل بها ربنا سبحانه وتعالى. الفكرة دي انك هتقابله. العامل التاني الشيطان مع الواحد. وهو مع الاسنين ابعد. علشان كده كان عمر رضي الله عنه ما بيحبش ابدا يكون لوحده وده اثر قوي في ايمانه. في زمن النبي صلى الله عليه وسلم كان دايما ملازم له ما بيسبهوش. حتى النبي صلى الله عليه وسلم مقال كما قال علي كثيرا ما كنت اسمع رسول الله صلى الله عليه وسلم يقول ذهبت انا وابو بكر وعمر اتيت انا وابو بكر عمر وهكذا دخلت انا وبكر وعمر خرجت انا وبكر وعمر. هو كان دايما ملازم النبي. صلى الله عليه وسلم. بعد موت النبي صلى الله عليه وسلم. لازم الصديق رضي الله عنه ما كان يتركه ابدا. طب بعد موت الصديق قرب منه الصالحين. انت لوحدك ضعيف. هتبعد عن مجالس العلم هتبعد عن صحابك اهل الخير واهل الصلاح هتبعد عن الملتزمين وتبقى لوحدك صدقني. اصبح الشيطان هيتلاعب بك زي ما العيال بتتلاعب بالقوى الصغيرة النبي قال لنا كده الشيطان مع الواحد وهو مع الاثنين ابعد لعبقرية عمر فيما يتعلق بدينه كان دايما بيفكر ازاي انا ارتقي بايماني فما كانش ابدا بيكون لوحده رغم ان عمر النبي صلى الله عليه وسلم قال له يا عمر والذي بعثني بالحق ما رآك الشيطان سالكا فجا الا ها؟ سلك فجا اخر. ومع ذلك عمر ما خدش الحديس ده وكبر دماغه وخلاص. لا لا لا ولكن عمر عبد الله بين الناس بين الناس. عارفين احبابي قاتل المئة نفس؟ العالم اللي دله على العلاج عالم عبقري. عارف كويس جدا ان هو طول ما هو لوحده هيضيع. او طول ما هو مع بيئة فاسدة هيفضل ضايع. فعلشان كده عمر العالم ده لما راح له قتل مئة نفس قال له لا لا لا بص سب بقى البيئة اللي انت عايش فيها. مشكلة كتير من الشباب كده. الشاب دايما ييجي يقول لي انا هضيع وهبوز وهعمل ليه انه قاعد في بيئة في بيئة والعياذ بالله بيئة بتبعده عن ربنا. ما هو طول ما انت مختار البيئة دي هتفضل بعيد. عمر رضي الله عنه جعل لنفسه بيئة. في زمن النبي كان النبي في زمن ابو بكر كان ابو بكر طب في زمنه قرب منه الصالحين. قرب منه الناس الصالحة. قرب منه الوعاص العلماء وقال لهم انا مش عايز اعبد ربنا لوحدي. انا عايز دايما اكون وسطكم. يا شباب طول ما انتم دايما في البيئات دي بيئة المسجد. بيئة الشباب بقية الشباب اللي بيقابل مشاكل كبيرة جدا في شهوات بيقابل صعوبات كتير جدا في الجامعة. بيقابل فعلا مصايب داخل الشوارع وصابر. وهو فعلا والله قابض على الجمر. قابض فعلا على الجبر. تعبان نفسيا بسبب اللي بيشوفه وصابر عشان يقول يا رب مولاي رضاك. عمر رضي الله عنه جعل لنفسه بيئة. وده التاني اللي خلى عمر يصل لهذه المرحلة. العنصر ده البيئة الصالحة اللي وضع عمر نفسه فيها. علشان كده علا ايمانه وزاد البيئة دي اللي انت لو نسيت في يوم من الايام تفكرك. ولو غفلت تذكرك. عمر رضي الله عنه كان يدني منه كعب الاحبار ركاب الاحبار كان يعتبر من الوعاظ. اللي ما شاء الله كان يهودي وبعد كده اسلم وعنده ما شاء الله علم التوراة وعلم علم التوراة وعلم القرآن كمان بقى جمع بين الاتنين. فكان عمر بيقرب كعب جدا منه. حتى كان عمر رضي الله عنه يقول يا كعب يقول كعب كنت ذات يوم عند عمر فقال يا كعب خوفنا ربنا. خوفنا من ربنا يا كعب. هي دي. هي دي انك تقابل واحد لما تشوفه هي دي انك دايما لما تحس كده ان قلبك بقى قاسي تدور على حد يلين لك قلبك. سيدنا الامام ما لك ابن انس؟ سيدنا الامام الملك بن انس كان بيقول كنت اذا وجدت في قلبي قسوة بحثت عن محمد بن المنكدر. فوالله ما هي الا نظرة حتى يجدد الله عز وجل الايمان في قلبي. نظرة واحدة بس. سيدنا الامام ما لك بن دينار كان بيقول كنت اذا اخذ اخذت القسوة قلبي بحست عن محمد بن واسع اذهب اليه واسمع منه. هي دي الناس اللي عايزة توصل لربنا سبحانه وتعالى. الناس دايما اللي بتجد لنفسها البيئة اللي تروح تجري عليها علشان ربنا سبحانه وتعالى يعللها ايمانها. علشان الايمان في قلبها يتجدد. يا شباب حاكموا انه لابد الايمان في قلوبنا بيفطر. الايمان في قلوبنا بيضعف انا اعمل ايه علشان اعلى؟ فعلا انك تجد لنفسك ضيقة. عمر اوجد لنفسه هذه البيئة. البيئة اللي دايما تعينه على طاعة الله. لانك ممكن تكسل النهاردة عن حفز القرآن. بس لما تكون مرتبط انت واتنين تلاتة زمايلك مع شيخ بتحفزوا قرآن تلاقيكم ما شاء الله بينكم وبين بعض منافسة. بينكم وبين بعض منافسة. زي ما هي الان فكان عمر رضي الله عنه اوجد لنفسه البيئة اللي تاخد بايدين ربنا سبحانه وتعالى. يقعد مع كعبه. يقول له يا كعب خوفنا ربنا يا كعب خوفنا ربنا يا كعب مش كده وبس يقابل ابو موسى الاشعري رضي الله عنه. انتم عارفين ان ابو موسى ربنا ادى له ميزة كانت جميلة قوي هي ايه؟ هي ايه اقصده كان جميل. النبي كان بيقول لابي موسى الاشعري ايه ها؟ لقد اوتيت مزمارا من مزامير ال داوود. سيدنا عمر رضي الله عنه كان بصوا يا جماعة بصوا دلوقتي كان بيقول لي كعب خوفنا ربنا. جايب ابو موسى الاشعري لما قابله في طريق وقال له يا ابا موسى شوقنا الى ربنا شوقنا الى ربنا بالله عليك بالله عليك امتى كانت اخر مرة شفت فيها حد من اخوانك واحبابك وقلت له اقرأ علي قرآن وانت نكست راسك كده وقعدت تسمع آآ مش هنسى يعني حديس النبي. ده النبي كان بيحتاج دي قابل النبي صلى الله عليه وسلم ابن مسعود ذات يوم فقال له يا ابا يا ابن مسعود اقرأ علي. قال يا رسول الله اقرأ عليك وعليك انزل. اقرأ عليك القرآن وعليك انزل فقال انني لاشتهي ان اسمعه من غيري. خدها عمر من النبي يا ابا موسى شوقنا لربنا يا ابا موسى. تعال شوقنا لربنا اقرأ علي القرآن فيقرأ عليه وينكس عمر رأسه وتدمع عين عمر ويرق قلب عمر. هي دي. احنا محتاجين والله يا اخواني يا محمود محتاجين واحنا قاعدين في الجمعية كده ولو خمس دقايق قبل العمل او بعد العمل. يلا يا محمود شوقنا ربنا. شيخ احمد الناس اللي معك اللي في اوضة في المدينة الجامعية محتاجين دي. يلا يا جماعة فنشتاق الى الله عز وجل نشتاق الى لقاء الله عز وجل نعمل ايه؟ واحد يلا يا جماعة حسن الصوت كده يقرأ علينا القرآن احنا قاعدين نسمع بس كل اللي بنعمله احنا قاعدين نسمع القرآن النبي كان بيعملها مع الصحابة. بل ربنا امر النبي انه يعمل كده مع الصحابة. النبي في يوم قابل ابي ابن كعب فبيقول له يا ابي ان الله امرني ان اقرأ عليك سورة البينة يقول له يا رسول الله الله سماني لك ربنا قال اقرأ على ابي ربنا قال اسمي عمر اوجد لنفسه البيئة. انت اوجد لنفسك البيئة اللي تحط نفسك فيها ساعتها تعلو قوي. هي دي عبقرية عمر في ايمانه. هي دي العبقرية والله. ان ويوجد لنفسه بقى البيئة بقى. هو اوجد لنفسه اولا فكرة اقتنع بها بيعمل بمقتضاها. اوجد بنفسه بعد كده البيئة. يقابل ابو موسى يقول له تبنا الى ربنا يقابل الكعبة يقول له خوفنا ربنا يا يا كعب. مش كده وبس بل يقول عبدالله بن عمر كان ابي اذا لقى الرجل او الرجلين من اصحاب النبي صلى الله عليه وسلم يأخذ بايديهما ويقول امشوا بنا نزداد ايمانا متخيل تعالوا يا جماعة نزود ايماننا تعالوا نزود ايه منا؟ متخيل يا هاني؟ متخيل؟ متخيل يا احمد؟ امشوا بنا نزداد ايمانا. وقام عايش المعنى ده يبقى الامر الاول اللي اثر اوي في ايمان عمر واحد واحد ها اسمع منكم حبايبي واحد فكرة فكرة بها عايش من اجلها. الفكرة دي كانت ايه ؟ حياة الاخرة. دار الاخرة. انا وقوف بين ايدين ربنا سبحانه وتعالى. اتنين اللي اثر اوي في ايمان عمر وفي حياتهم عمر واثر اوي في دين عمر كانت ايه؟ اوجد البيئة. الامر التالت هو زات نفسه بقى. هو زات نفسه عمل لو حركته وجد واجتهاده وطاعته بين ايدين ربنا سبحانه وتعالى. عمر رضي الله عنه كان دايما لما بيكون مقتنع بفقرة او الانسان من اللي بيكون مقتنع فكرة ويقابل ناس صحابه يأثروا معه ويزودوا الفكرة دي عنده. بتكون النتيجة انه لما بيرجع بيته المسألة بتتغير اوي. المسألة بتتغير اوي عمر رضي الله عنه كان يقول ابن عباس والله ما مات عمر حتى سرد الصيام. كان بيصوم الايام المتتابعة مش اتنين وخميس. مش خمستاشر مش يوم ويوم ده سند الصيام لا يفطر الا يوم اضحى او ينفطر. ده كلام ابن عباس يقول ابن عمر والله لقد عمر الصيام قبل ان يموت سنتين. سنتين ما بيفطرش الا في ايام الشرع نهى عنها. عيد الاضحى وعيد الفطر وايام التشريق الثلاثة وكده بس رضي الله عنه ايه ده سند الصيام للدرجة دي؟ اه بل مش سند لأ بصوا اللي بيبقى عنده فكرة مقتنع بها ومسيطرة على وجداني وعنده اصحاب وبيئة بتاخد بايديه لطاعة الله سبحانه وتعالى. بتكون النتيجة انه مش هييجي يقول انا حاسس ان قيام الليل تقيلة علي اوي مش هيجي يقول انا حاسس ان قراءة القرآن صعبة علي اوي. لأ ده هو هيحب. هو هيحب. اسمع. فكرة خد القاعدة دي. فكرة سيطرت عليك زائد بيئة وضعت نفسك فيها يساوي حب الطاعة. حب الطاعة من اجل ذلك كان سعيد بن المسيب رحمة الله عليه يقول لقد كان عمر يحب القيام في كبد الليل. في كبد الليل. عمر رضي الله عنه آآ كان بيحب القيام. انا عايز بس آآ ااكد او اقف مع جزئية ايه يا شريف؟ انه بيحب القيام. مش صعب عليه. مش بينام وما بيقومش. لأ ده بيحب القيام؟ هو حابب قيام الليل. هو حابب ان هو بين ايدين ربنا. حابب انه بالليل يقوم يقف كده في ظلمة الليل يفضل يعيط. هو حابب دي هو حابب دي لدرجة ان هم في يوم من الايام بيقولوا له يا عمر نام شوية احنا عايزينك تنام. فقال لهم يعني ان نمت بالنهار ضيعت حق الرعية. وان نمت بالليل ضيعت حق الله. فكانت كالنوم عمر مجرد غفوة بس كده. بس. ليه؟ ده واحد عايش بفكرة عمر كان بيحب القيام. بيحب القيام في جوف الليل. انت كده انا محتاج منك كده. لا لا لأ. انت محتاج كده الله يحب انه يراك في جوف الليل. ربنا يحب ده. ربنا سبحانه وتعالى بيعجب. بصوا يا شباب والله انا مقدر قدر الفتن والبلايا اللي انتم بتعانوها في ايامنا. والله مقدرها. ولكن انا هاديك حديث. النبي صلى الله عليه وسلم يقول يعجب ربنا من شاب له فراش حسن وامرأة جميلة. يقوم بالليل يكابد يكابد اهو يكابد. يكابد الطهور فيتوضأ ثم يكابد الصلاة فيصلي فيقول ربنا عز وجل للذين هم من وراء حجاب. يقول ربنا للذين هم من وراء الحجاب انظروا عبد بهذا له فراش حسن. وامرأة جميلة يقوم يصلي فيقول ربنا تبارك وتعالى للذين هم من وراء الحجاب الا انما سألني عبدي هذا فهو له ها تضيعها اوعى تضيعها. فده حتة كان عمر رضي الله عنه يحب الصلاة في كبد الليل. في كبد الليل. وانتم عارفين طبعا النبي صلى الله عليه وسلم لما بيسأل ابو بكر ها انت بتقوم من من بتقوم اي جزء من الليل؟ فقال ابو بكر يا رسول الله لا انام حتى اصلي. انا اصلي قبل ما انام. اصلي العشاء واصلي قيامي والوتر بتاعي وانام. فسأل عمر يا عمر وانت قال يا رسول الله انام ثم اقوم اصلي ثم اصلي الفجر فقال لابي بكر رضي الله عنه اخزت بالرخصة وقال لعمر اخزت ها؟ بالعزيمة. اخزت بالعظيم بالعزيمة. عمر رضي الله عنه. مش كده وبس ، بل عمر رضي الله عنه بصوا بالفكر اللي اقتنع بها. مع البيئة اللي حط نفسه فيها بقية الدروس درس جمعة ما شاء الله ودرس الاربع ودرس السبت بتاع ما شاء الله الدكتور عبدالرحمن ودرس جمعة الشيخ حازم ربنا يا رب يحفظهم. اللي بيضع نفسه في البيئة دي بعد كده بيبقى من الامور الشاقة عليه اوي انه يضيع منه ورد. من الامور الشاقة عليه اوي انه يضيع منه عبادة. انه يضيع منه طاعة. يقول ابن عمر خرج عمر ذات يوم الى حائط له الحائط اللي هو البستان. خرج عمر ذات يوم الى حائط له فرجع وقد صلى الناس العصر. رجع عمر رضي الله عنه البستان بتاعه لقى الناس صلوا صلاة العصر. فقال خرجت الى حائطي فضاعت علي صلاة العصر اشهدك ربي انه لك ما فيش حاجة تشغلني عن ربنا في يوم من الايام البستان بتاعي شغال ده عن صلاة. واحدة! في يوم من الايام البستان بتاعه صلاة العصر مش ده رجع يعني رجع من البستان دخل المسجد لقى الناس صلت. خلاص. خلصت صلاة العصر. انت متخيل كان ابن القيم رحمة الله عليه يقول ان من علامة صلاح القلب من علامة صلاح القلب ان يتحسر لفوات ورده بالم اشد من الم الحريص على ماله اذا فقده ده دي من علامات صلح القلب. يعني واحد تخيل معه مليون جنيه حطهم في البورصة خسر ممكن يموت فيها صح؟ من علامات صلاح القلب انك لو في يوم من الايام ضاع عليك ورد القرآن بتاعك ورد واحد نام قام بعد الفجر قام الساعة حداشر اتناشر قام الضهر وما قال ازكار الصباح من علامات صلاح القلب كما يقول ابن القيم انك تتألم لفوات الورد عمر في يوم من الايام بس انشغل عن صلاة الجماعة الاولى للعصر بسبب البستان. عمل ايه؟ قال ايه يا اشرف؟ وفي سبيل الله خلصت ما فيش حاجة تشغلني عن ربنا. ما فيش حاجة تشغلني عن ربنا. بل قال ابي مسلم رضي الله عنه شغل عمر رضي الله ذات يوم مع قضايا الناس عن صلاة المغرب فاعتق عبدين. شف العبقري كان بيتعامل ازاي علشان دينه ما بقصرش ابدا في ديني ولا ايماني. في يوم قضية من القضايا معروضة عليه وهو خليفة وامير للمؤمنين. اتنين قضية حل لهم المشكلة بينهم وبين بعض راح مسجد النبي لقى صلاة المغرب انتهت لسة في وقت المغرب الشباب اللي بيضيع الصلوات بتضيع منه صلاة واتنين وتلاتة من المسجد. لأ خد بالك. عمر رضي الله عنه الان في قضية يعني في امر من امور المسلمين. امر عظيم من امور المسلمين. عمر عمر. عمر. العبقري شغل في يوم بسبب قضية من القضايا عن صلاة المغرب اعتق عبدين يا نهار ابيض يا عمر! رضي الله عنك! رضي الله عنك! يبقى ده اساس تالت من الاسس اللي عمر رضي الله عنه اجتهد فيها فعلشان كده وصل ايمانه للدرجة دي. واحد ها واحد فكرة سيطرت عليه. هي الفكرة كانت ايه انت الفكرة اللي مسيطرة عليك ايه؟ الفكرة اللي مسيطرة عليك ايه؟ في واحد الفكرة اللي مسيطرة عليه آآ انه يطلع مرحلة جديدة في المزرعة السعيدة في واحدة فكرته فتلاقيه قاعد على الفيس عمال يبعت لك ها علشان عايز اطلع آآ درجة. عايز ابني بيت في المزرعة السعيدة. دي واحد في كده واحد فكرته كده. فيه واحد فكرته تسويق شبكي او هرمي دي فكرته. فتلاقيه ما شاء الله اول ما يقعد معك يقول لك بص بقى هات لي ورقة وقلم يرسم لك. لازم تبقى هنا وتجيب واحد على اليمين وواحد على الشمال. فيه واحد فكرته كده. فالفكرة دي بيحاولوا سيطرت عليه. اقواله وافعاله كلها من هل الفكرة في واحد ربنا يا رب يعافيني واياكم فكرته المسيطرة عليه البنات. البنات فتلاقي كل تصرفاته وكل افعاله راحة في الجانب ده انت فكرتك اللي مسيطرة عليك ايه؟ عمر الفكرة اللي سيطرت عليه آآ الاخرة. لما يقابل ربنا هيقول له ايه؟ لما يتحط في قبره هيقول ايه؟ فاول شيء ادى الى نجاح عمر في ايمانه وفي دينه. اول حاجة ها فكرة سيطرت عليه. اتنين بيئة اوجد نفسه فيها. تلاتة عمل عمل وجد واجتهاد ما فيش حاجة ابدا تأسر علي فتخليني اسيب فرض من الفروض او عمل من الاعمال. اربعة دعاء عمر ومناجاته عمر تحس كده معه لما تخش عليه بيته كده تفتح باب البيت وتشوف عمر وهو عمال يدعو تحس قد ايه كان ذليله كان فقير بين ايدين ربنا سبحانه وتعالى. دي سمة الصالحين دايما لما الفتن بتتكالب عليهم اوي وبيبقوا مش قادرين يخرجوا من الفتن تلاقيه دايما ذليل بين ايدين ربنا. يا رب اعني. اظن البنات من اكتر الفتن اللي اصابتكم في الزمن ده. صح بس مين فيكم بالليل كده يناجي ربه عز وجل؟ يا رب نجيني يا رب. سيدنا يوسف عليه الصلاة والسلام آآ لما كانت الفتنة بسيطة آآ قالت هيت لك الا معاذ الله انه ربي احسن مسواي انه لا يفلح الظالمون بس بس لما بقت الفتنة اكبر منه اول حاجة عملها يا رب يا رب يا رب ما ليش غيرك. يا رب نجني يا رب يا رب انا بحبها جدا متعلق بها جدا يا رب اصرف قلبي عنها يا رب. يا رب انا مش قادر اغض بصري يا رب اعني يا رب يا رب قويني يا رب. يا رب انا ضعيف يا رب اعني يا رب عمر كان كده. عمر كان كده. في مشكلات هتقابل عمر. فتلاقي دايما من اكتر الاشياء اللي اثرت في ايمان عمر مناجاته وذله بين ايدين ربنا سبحانه وتعالى يقول الاسود بن هلال كان عمر يقول في دعائه اللهم اني غليظ فليني يا رب. انا غليظ في قلبي غلظة وشدة على يا رب اني غليظ فليني. يا رب اني ضعيف فقوني. ده دعاء عمر. سيدنا يوسف نرجع له تاني لما الام كان في واحدة بس هي اللي بتراوضه دلوقتي الكل بيراود يوسف ما خطبكن اذا راودكن يوسف عن ده كلهم بيراودوا يوسف عن نفسك. وهنا عمر يعني يوسف عليه الصلاة والسلام اتحط في بلاء صعب اوي. يا تعمل كده اللي انا هاأمرك به يا اما اسجنك. يا اما اسجنك. تشوف دعاء سيدنا يوسف وذله وافتقاره بين ايدين ربنا سبحانه وتعالى. ربي ياه رب السجن احب الي مما يدعونني اليه. والا تصرف عني كيدهن. اصب اليهن يا رب لو ما اوتنيش يا رب انا هاضعف يا رب لو ما حفزتش بصري انا هبص. يا رب لو ما صرفتش قلبي عن المعصية انا هاقع ذل انكسر. والله العظيم يا شباب على قدر انكسارنا بين ايدين ربنا واحنا بنقول له يا رب احنا ضعاف قوي. والله بيصرف عنك خد بالك اللي صرف عن يوسف اول مرة ربنا كذلك ليصرف عنه السوء والفحشاء. احنا اللي صرفنا عنه. قل يا رب يا رب كما صرفت السوء والفحشاء عن يوسف اصرف عني السوء والفحشاء. قل له كده. تذلل بين ايديك. الاسود ابن هلال بيقول كان دعاء عمر يا رب يا رب اني غليظ والخلافة مش عايزة غلظة دا انت عايز تكون لين قوي مع الناس. يا رب يا رب اني غليظ فليني يا رب اني ضعيف فقوني. ده دعاء عمر. وكان عمرو بن ميمون يقول كان دعاء عمر كنت كثيرا ما اسمى عمر يقول اللهم توفني مع الابرار. يا رب توفني مع الابرار. ولا تجعلني مع الاشرار. والحقني اخيار ده دعاء عمر. يا رب وفق لي صاحب خير يعيني على طاعتك. يا رب اصحاب السوء اللي حواليا اصرفهم عني يا رب. يا رب الحقني بالاخيار. الحقني بابي بكر وعمر وعثمان وعلي. يا رب الحقني بالنبي صلى الله عليه وسلم. يا رب الحقني بيوسف. الحقني يعقوب الحقني بايوب الحقني بيونس الحقني بموسى الحقني بعيسى يا رب الحقني بهؤلاء. ده كان دعاء عمر رضي الله عنه. اللهم توفني مع ابرار ولا تجعلني مع الاشرار والحقني بالاقياط. ذل وانكسار بين ايدين ربنا. ذل وانكسار بين ايدين ربنا. كان عمر رضي الله عنه آآ انتم عارفين عمر رضي الله عنه كان دايما بيشوف مشكلته ايه ويدعي ربنا ويتذلل بين ايدين ربنا انه يرفع عنه المشكلة. عارفين يا اخواني عمر اكبر نسبة فتوحات كانت في زمن عمر انتم متخيلين ان عمر بيت بني المسلمين ما عادش مكفي للاموال اللي جواه. فلما جاءوا بقى في اخر معركة اللي جابوا فيها آآ التاجر بتاع ملك فارس ما فيش مكان. بيت المال مليان فلوس. مليان حاجات. فسألوه نضع اين نضع اموال المسلمين؟ قال ضعوها في في المسجد حتى اخرج لوزعه على الناس. فعمر سبحان الله رأى الدنيا كلها قد اقبلت بين يديه. وعلى فكرة خدوا المعنى ده يا اخواني خدوا المعنى ده آآ ربنا يصرف عنكم الدنيا. ربنا يجعل الدنيا في ايديكم مش في قلوبكم عمر رضي الله عنه رأى اقبال الدنيا. وهو عارف كويس جدا اللي بيتفتن بالدنيا بيضيع. كما قال صلى الله عليه وسلم ان الدنيا حلوة الخضرة ووالله ليأتي عليكم زمان لا يزيغ قلب الواحد منكم الا هي او لا يزيغ قلب الواحد منكم الا في يوم من الايام بعد ما تخلصوا جامعة وتطلعوا للدنيا وللاعمال والوظائف هتلاقي سبحان الله الوظيفة دي تشغلك عن الدروس. هتلاقي الوظيفة دي تشغلك عن الطلب تلاقي الوزيفة دي تشغلك عن القرآن تلاقي الوزيفة دي تشغلك عن حاجات كتيرة جدا. اوعى خد بالك. عمر رضي الله عنه اول ما شاف الدنيا اقبلت عليه تجد سبحان الله دعاء عمر كان عجيب جدا. كان عمر رضي الله عنه لما اقبلت عليه الدنيا. لما الدنيا قربت منه. عمل ايه؟ فتنتها عظيمة يا جماعة. يا جماعة ده تاج ملك فارس تاج المملكة العظيمة دي كلها بقى بين ايديا. بين ايديا يخاف منها عمر. لانه شاف النبي خايف منها. النبي في يوم قاعد مع الصحابة بعد ما جا له مال من البحرين بدأ النبي يوزع على ده شوية وده شوية وده شوية. اخذ النبي عودا كان في يده. وكان فيه يعني زي سلسلة من دهب كده فاخذ النبي صلى الله عليه وسلم يضع العود فيها ويرفعها وتقع. ويضع فيها العصا ويرفعها كده وتقع. ثم نظر النبي الينا وقال اي اخوان؟ والله فهم الفقر اخشى عليكم ولكن اخشى ان تبسط عليكم الدنيا. اخشى ان تبسط عليكم الدنيا. فتنافسوها كما تنافسوها فتهلككم كما اهلكتكم. عمر كان بيسمع الكلام ده. الدنيا كان خايف رضي الله عنه. فلما رأى اقبال الدنيا عليه شف عبقرية عمر عبقرية حتى في الدعاء. عبقرية حتى في الدعاء. شاف نفسه غليظ قال اللهم اني غليظ فليني. شاف نفسه ضعيف قال اللهم اني ضعيف فقويه طب ولما اقبلت الدنيا قال ايه قال رضي الله عنه في دعائه اللهم لا تكثر علي الدنيا فاضغى. اللهم لا تكثر علي الدنيا فاطغى ولا تقلل لي الدنيا فانسى. فانه ما قل وكفى خير مما كثر والهى ده كان دعاء عمر. اللهم لا تكثر علي الدنيا ها فاضغى ولا تقلل علي الدنيا فانسى فانما قل وكفى خير مما كثر وقالها. ده دعاء عمر رضي الله عنه بل شف سبحان الله عبقريته لما رأى مملكة الروم اتهزت في زمنه ووقعت وفتح بيت المقدس وقد ايه ملك الروم اخذ على حين غرة ولما شاف مالك فارس بعد الملك العظيم والجاه والكبرياء في لحظة الملك فارس اتزل وبقى مناخيره في الارض وكنوزه امواله وثراءه وحاجته كلها بقت غنيمة للمسلمين قد ايه اتاخد على حين غرة. قد ايه سبحان الله! فتحت عليه الدنيا سبحان الله! اخت على حين غرة لما رأى هلاك الامم بين يديه كان يقول في دعائه وشف عبقرية عمر حتى في الدعاء. عبقرية عمر حتى في الدعاء. فكان رحمة الله عليه يقول يقول اسلم مولى عمر لما فتح الله على عمر كسرى قيصر لما الدنيا كلها اتفتحت لعمر وشاف الملوك دول قد ايه اتاخدوا على حين غرة! فكان عمر يقول في اللهم اني اعوذ بك ان تأخذني على غرة اللهم اني اعوذ بك ان تأخذني على غرة او انتظرني في غفلة او ان تجعلني من الغافلين. اللهم اعصمنا بحفظك وثبتنا لا على امرك يا نهار ابيض! شاف ملوك بيقعوا. شاف ممالك بتنهار. شاف ناس بعد الكبرياء والعزة في الدنيا انهاره الان. شف دعاؤه بيقول ايه. شف دعاء بيقول ايه. الناس دي كانت في غفلة. شف ايه اللي حصل لهم. فكان يقول اللهم اني اعوذ بك ان تأخذني على غرة زي الناس دي. يا رب انا مش عايز ابقى زيهم يا رب اعوذ بك ان تأخذني على غرة او ان تذرني في غفلة. او ان تجعلني في الغافلين اللهم احفظنا بحفظك. وثبتنا على امرك. اللهم اعصمنا بحفظك. وثبتنا على امرك عبقرية حتى في الدعاء عبقرية في الذل بين ايدين ربنا سبحانه وتعالى. رضي الله عنه. العبقرية دي. ايه الفهم ده؟ انت انت كده. انت في يوم من الايام يعني عدت عليك بنت والعياذ بالله في قمة السوء في لبسها. انت دعائك في اللحظة دي ولا بتبص وبتحلق؟ انت دعاءك ساعتها ايه عمر انا ظني ان عمر لو كان هنا ساعتها والله العظيم كان قال اللهم لا تجعلني من الغافلين اللهم لا تأخذني على غرة كان يخاف اوي عمر في لحظة زي دي. والله يا اخواني شوفوا شوفوا انت ممكن لما بتشوف بنت تفكيرك بيروح فين يا رب اتجوز واحدة جميلة زيها يا رب. لا لا لا تفكير عمر مش هنا خالص. خالص. رضي الله عنه. رضي الله عنه واحد عبقرية عمر في دينه اول حاجة ها واحد لا مش معي واحد ايه فكرة سيطرت على وجداني اتنين البيئة اللي وضع نفسه فيها تلاتة عملوا اربعة دعاء مناجاة بين ايدين ربنا سبحانه وتعالى. خمسة ايش يعني نكمل بعد الاذان ان شاء الله. صلى الله على نبينا محمد وعلى اله. بسم الله والحمد لله والصلاة والسلام على رسول الله. صلى الله عليه وسلم وبعد. الخمسة اللي اثرت قوي في دين عمر وفي ايمان عمر. ان عمر ما كانش عايش لنفسه. انا هتكلم النهاردة عن جانب الدين ان هيبقى في وقفة مع عبقرية عمر الانسانية آآ عبقرية عمر علشان يزداد ايمانه اوي ما كانش عمر رضي الله عنه عايش لوحده. بل كان يسعى دائما انه ياخد بايدين الناس لدين ربنا. والله يا اخواني لن تجد شيء يثبتك على الدين وعلى الطاعة والقرب من ربنا سبحانه وتعالى زي بتكون حريص انك تاخد بايدين الناس لربنا. سبحان الله! ممكن في يوم من الايام انا كلمت عامر، عامر التزم على ايديا بكلمة انا قلتها له. بحديس قلته له في يوم من الايام وانا جاي المسجد خدت بايديه وجبته معي المسجد. بس. والله ربنا يثبتك علشان انت ثبته واحد. ما هو دايما الجزاء من جنس العمل انت كنت سبب انك تهدي انسان بتكون النتيجة ان ربنا يهديك. انك كنت سبب انك تسبت انسان على الحق بتكون النتيجة ان ربنا يثبتك انك تكون سبب انك تعلم واحد امر من امور الدين. بتكون النتيجة ان ربنا يعلمك ما هو الجزاء من جنس العمل. علشان كده عمر رضي الله عنه من اقوى اللي سبتت قلب عمر وسبتت ايمان عمر وكان فعلا عبقري. عبقري رضي الله عنه في الجزئية دي انه كان دايما حريص الناس حريصة على هداية الناس. حريص انه ياخد بايدين الناس لطاعة ربنا سبحانه وتعالى. عمر زمان زمان في زمن النبي صلى الله عليه وسلم كان في رمضان شاف النبي وجمع الناس في صلاة التراويح. اليوم وكده وما شاء الله كان يوم جميل رائع. انتم متخيلين يا جماعة رمضان له روحانية روحانية تخيلوا لما يكون اللي واقفين جنبك ابو بكر وعمر وعثمان وعلي وطلحة والزبير ومعاز وسعد وسعيد. كل دول واقفين جنبك روحانية تكون عاملة ازاي ؟ لا لا لأ خد اللي اعلم منها دي جاه تخيل بقى ان اللي بيصلي بك هو النبي انك بتسمع القرآن من صوت النبي تخيل روحانيتها عاملة ازاي ؟ فعمر رضي الله عنه عاش الحلاوة دي عاش الجمال ده ان شاهد رمضان يا رب بلغنا رمضان يا رب. يا رب بلغنا يا رب. اه اه سبحان الله عمر كان شاهد الحلاوة دي والجمال ده. النبي صلى الله عليه وسلم صلى بهم اليوم والتاني وبعد كده قطع عليه. لان النبي خاف ان هو لو اثبت العمل ده ايه اللي يحصل؟ يتفرض على الناس. وظل الامر كده كل مجموعة ما شاء الله شريف والاخوة مسلا بتوع موبايلات فؤاد واسامة والمجموعة دول ييجوا ما شاء الله ييجوا مسلا في مسجد الصديق يصلوا المجموعة دي مع بعض كده صلاة التراويح. اخونا احمد والمجموعة بتاعة المدينة الجامعية ييجوا ما شاء الله يصلوا مع بعض. اخونا محمد عادل بتاعة هندسة ييجوا ما شاء الله بيصلوا مع بعض. اخونا محمد ويجي كده كانوا كل مجموعة تخش تصلي ايه مع بعضها في المسجد كده. فعمر رضي الله عنه ايه رأيكم اما نعيشكم في روحانية زي ما كانت موجودة في زمن النبي؟ طب نعمل ايه؟ ايه رأيكم نجمع الناس كلها على صلاة التراويح في المسجد؟ طب ومين اللي الناس هنختار واحد النبي صلى الله عليه وسلم زكاه. مين ؟ هتجيب ابي بن كعب. ابي بن كعب ييجي يصلي بالناس. يصلي بالناس صلاة التراويح. فكل الناس بدأت ايه تتجمع على ايه؟ على امام واحد وانتم عارفين كل ما بتكون الجماعة عددها اكبر كلما كانت ازكى واحب الى الله. فبدأ عمر رضي الله عنه يصلي مع الناس. ابي ابن كعب يصلي بالصوت الجميل الرائع العذب اللي خده من النبي صلى الله عليه وسلم والقراءة الجميلة. فبدأ ابي ابن كعب وبدأت الناس كلها تتجمع مع بعضها على الصلاة. وبدأ عمر نور المساجد كده عارفين في رمضان لما بيعلقوا الانوار والكلام ده بدأ عمر ينور المساجد رضي الله عنهم والناس تخش اللي يقرأ قرآن واللي واللي يصلي مع الجماعة بدأت صلاة التراويح مع بعضها. كل ده كل ده يأثر اوي في ايمان عمر. زي ما جمع الناس على الايمان ربنا يجمع الايمان في قلبه. زي ما جمع الناس على الصلاة الناس حست بروحانية الصلاة. ربنا يضع الروحانية في قلبه. انت في بيتك كده. مع اخواتك كده مع اصحابك كده مع زمايلك كده. كل ما هتكون سبب انك تعلمهم اكتر جايبوا منتجي المسجد لدرس العلم ربنا يثبتك اكتر. جايبهم ما شاء الله يتعلموا معك. ربنا يثبتك اكتر واكتر واكتر. عشان كده كان سيدنا عمر بعد ما مات كان سيدنا علي بن ابي طالب لما يعدي عليه شهر رمضان يخش مسجد النبي ياه يا رب ارزقنا رمضان في مسجد النبي او في الكعبة يا رب. كان سيدنا علي ابن ابي طالب يعدي على مسجد النبي كده فيجد ما شاء الله صوت ابي ابن كعب بيصلي. والناس ما شاء الله بتجهر بالتأمين وراه كده. فيخش ويلاقي المسجد كده صور كده فكانت فيه دعوة جميلة قوي لسيدنا علي بن ابي طالب لسيدنا عمر. فكان يقول آآ نور الله لعمر قبره كما نور مساجدنا بالقرآن شف الدعوة شف الدعوة نور الله لعمر قبره كما نور مساجدنا بالقرآن. ده نورها بالانوار ونورها بالقرآن بس النور الحقيقي بالقرآن لما جمع الناس على وشف قد ايه فرحة عمر رضي الله عنه لما دخل عليه وهو بيصلي قال له ايه ؟ نعمة البدعة هذه هي مش بدعة ده سنة النبي عملها صلى الله عليه وسلم ولكن بيقول ما شاء الله اعظم عمل من الاعمال اللي عمله عمر انه جمع الناس على صلاة التراويح. تخيل كل اجتماع على صلاة التراويح. رايح لمين رايح لمين ؟ لاول من احيا هذه السنة مرة ثانية. مين ؟ عمر رضي الله عنه. شف قد ايه كان حريص على الناس علشان كده على ايمانه وكل شف ما هو لما اقول لك بقى الناس كلها اتحطت في كفة وعمر في كفة لان اعمال الناس كلها راحة لمين؟ راحة العمر سواء بالدين زي ما انتم شايفين في صلاة التراويح وهييجي دلوقتي في القرآن او بالجهاد. احنا احنا كل المسلمين اللي في مصر رايحين في ميزان مين؟ عمرو بن العاص وعمرو بن العاص في ميزان مين عمر رضي الله عنه اه عمر رضي الله عنه شف العبقرية شف العبقرية. لما بدأت حروب الردة لما النبي صلى الله عليه وسلم مات وارتدت العرب. بدأ القراء حملة القرآن بدأوا يطلعوا للجهاد كادوا يقاتلوا في سبيل الله. في عدد كبير منهم بدأ يموت. وبيخسف معركة اليمامة اللي كانت مع مين؟ مع مين؟ مسيلمة الكذاب. عليه لعنة الله وحديقة الموت ومات عدد كبير جدا من الصحابة القراء حملة القرآن في الوقت ده لما مات عدد كبير جدا آآ عمر رضي الله عنه راح لابي بكر يا ابا بكر ان القتل قد استحر باهل اليمامة. ان القراء يموتون باليمامة. وانني لا اخشى ان تحر بهم القتل القتل يزداد فيهم جدا جدا جدا. فيضيع القرآن. فقال ابو بكر يا عمر فما ترى ان نفعل؟ قال يا خليفة رسول رسول الله اجمع القرآن. ما هو القرآن كان فين؟ انت حافز شوية وده حافز شوية وده حافز شوية انا عندي شوية رقاع انا عندي لوح ومكتوب عليه بعض القرآن. فقال عمر يا خليفة رسول الله اجمع القرآن. فقال افعل شيئا لم يفعله رسول الله؟ قال والله انه الخير. انه الحق. ويجمع سبب مين؟ كل حرف تقرأه في القرآن رايح عند مين؟ عمر. العبقري. يبقى احنا خدنا النهاردة خمس حاجات ان شاء الله هنشوف اثرهم بقى على شخصية عمر. الدرس الجاي ان شاء الله. اول حاجة الايه؟ الفكرة المسيطرة عليك. انت النهاردة ما تخرجش من غير بعد ما تخلي فيه فكرة سيطرت عليك. واحد فكرة سيطرت عليه. اتنين البيئة الصالحة اوجد لنفسي بيئة صالحة. شف بيتك تلاتة عملوا اجتهاده وما فيش حاجة دايما بتعطله عن ابدا عن ربنا سبحانه وتعالى. ولو حاجة في يوم من الايام عطلته كان بيعمل فيها ايه؟ لا هي لله خلاص اربعة دعاء ومناجاة وذل وافتقار بين يدي الله. خمسة حرصه على هداية الناس. حرصه على هداية الناس. دي خمس حاجات من ضمن عشر حاجات نكملهم ان شاء الله الاسبوع القادم بازن الله. في عبقرية عمر من جهة الايه؟ من جهة دينه ومن جهة خوفه وورعه رضي الله عنه مش بقول لكم كان عبقري مين اللي سماه عبقري؟ النبي صلى الله عليه وسلم اما الحديث فالنبي صلى الله عليه وسلم قال رأيت كأني على دلو انزع من بئر فجاء ابو بكر فنزع دلوا او دلوين. والله يغفر له ثم جاء عمر فاستحالت غربا. الدلو الصغير ده حاجة كبيرة جدا. دلو كبير جدا. فما رأيت عبقريا يفري فليهوه. خمس حاجات ما تنسهمش ادت الى ان عمر يكون عبقري من جانب الدين فكر سيطرت عليه. اتنين بيئة اوجد اوجدها لنفسه. تلاتة عمله الصالح اربعة دعاؤه ومناجاته وذله وافتقار بين يدي الله. خمسة حرصه على هداية الناس. اسأل الله سبحانه وتعالى ان يوفقنا واياكم لما يحب ويرضى. وصلى الله على نبينا محمد وعلى اله وصحبه وسلم. سبحانك اللهم وبحمدك اشهد ان لا اله الا انت استغفرك واتوب اليك