1
00:00:00.200 --> 00:00:21.800
اشرح لي صدري ويسر لي امري واحلل عقدة من لساني يفقهوا قولي. سلام عليكم. يوم حداشر فبراير حصلت حاجة ما كانش مصري يقدر يحلم بها. يعني لما كان حد يحلم كده ان الرئيس مبارك مش رئيس وابنه ما جاش مكانه كان قبل ما يصحى هيكون

2
00:00:21.800 --> 00:00:41.850
بيتاخد جوة الحلم. انا انا فاكر كويس انا فاكر كويس ان تاني يوم على طول يوم اتناشر ده انا صحيت الصبح فمراتي سألتني بتقول لي ها ايه احساسك بقى وانت بتصحى كده

3
00:00:42.000 --> 00:01:07.150
لاول مرة والرئيس مبارك مش هو رئيس الجمهورية بصي احنا اتقابلنا في عهد الرئيس مبارك. واتجوزنا في عهد الرئيس مبارك جبنا ولادنا في عهد الرئيس مبارك. وما شاء الله عندنا بنت بتتخرج دلوقتي في عهد الرئيس مبارك. وطبعا كنا فاكرين ان احنا وعيالنا هنموت في عهد الرئيس مبارك

4
00:01:07.150 --> 00:01:29.550
ويمكن نبعس يوم القيامة في عهد الرئيس مبارك. لكن الحمد لله  نعمة كبيرة من عند ربنا على مصر المحروسة اننا ما سقطناش النظام دوا في تلات اربع تيام صحيح راح شهداء

5
00:01:29.900 --> 00:01:51.050
لكن ده من ستر ربنا ان احنا قعدنا تمنتاشر يوم عشان نوقع الرئيس مبارك. وبعدها شهرين عشان نوقع نظام الرئيس مبارك. عشان يفضل المصريين طول عمرهم عارفين قيمة الوحدة والائتلاف. لولا الوحدة والائتلاف ما كناش عرفنا نحقق هزا الحلم. مين فينا هينسى اجمل ايام في حياته

6
00:01:51.100 --> 00:02:23.600
اجمل ايام ايام المجد ايام التحرير ايام التحرير هي ايام المسلمين والمسيحيين. هي ايام الاخوان ايام المسلمين والمسيحيين وايام الاخوان والليبراليين وايام السلفيين وايام العلمانيين وايام الصوفيين وايام الاشتراكيين دي كانت ايام التحرير. لكن للاسف

7
00:02:24.650 --> 00:02:41.400
ما دامتش الايام دي كتير بعد ما كانت الملايكة بتحفنا في ميدان التحرير الشياطين بقت بتتنطط حوالينا في كل مكان المشكلة في الشياطين مش انها بتوسوس لا. المشكلة في الشياطين انها ما بتتشافش بالعين المجردة

8
00:02:42.300 --> 00:03:01.100
ايه المشكلة؟ فيجي الشيطان يضرب واحد مصري على قفاه فيقوم متدور ما يشوفوش يشوفوا اخوه المصري التاني فيفتكر اخوه المصري هو اللي ضربه على قفاه ونبدأ نتخانق مع بعض مسلمين ومسيحيين واخوان وليبراليين وسلفيين واشتراكيين وعلمانيين وصوفيين

9
00:03:01.300 --> 00:03:21.600
هي دي المشكلة طب ايه الحل الحل ان احنا نبص على جمهورية التحرير ونوسعها شوية بس قبل ما بقى لازم نعرف هل احنا عندنا استعداد او عندنا مقومات الاندماج مع بعض ولا لأ

10
00:03:21.850 --> 00:03:46.750
لزلك لما نيجي نتكلم عن مقومات الاندماج لازم نتكلم عن حاجة اسمها مقومات الهوية وعلماء الانسانيات قسموا الهوية دي الى خمس مقومات رئيسية اول حاجة الدين الحاجة التانية اللغة الحاجة التالتة

11
00:03:47.050 --> 00:04:05.350
العادات والتقاليد الحاجة الرابعة الانتماءات والحاجة الخامسة التراث. دي الخمس حاجات اللي بتشكل هوية الشعوب تعالوا نمسك حاجة حاجة فيهم لان كل واحدة من دول لها وزن عشرين في المية في تحديد هوية

12
00:04:05.650 --> 00:04:22.150
الشعب. تعالوا نشوف الدين هل في مساحة مشتركة بين الدين الاسلامي والدين المسيحي بعض المتطرفين يقول لي لا ما فيش اي اي حاجة مشتركة بين الاسلام والمسيحية خالص اقول له لأ انا اسف جدا

13
00:04:22.350 --> 00:04:41.700
انا مش بتكلم عن الاسلام والهندوسية ولا انا بتكلم على المسيحية والبوزية الاسلام والمسيحية. هناك رموز مشتركة في الدينين السيد المسيح عيسى ابن مريم عليه السلام والسيدة مريم ايوة لنا نزرة مختلفة لهم ولكن الاتنين الدينين بيقدسوهم

14
00:04:41.800 --> 00:05:05.150
لكن بطريقة مختلفة سيدنا ابراهيم مشترك سيدنا يعقوب اسحاق داود سليمان ما تعدش يبقى فيه مساحة مشتركة كبيرة. واحد تاني متطرف يجي يقول لي ده مساحة مشتركة مية في المية ما فيش فرق بين الاسلام والمسيحية. ده ايضا تطرف او نفاق. لا يا جماعة هناك اختلافات جذرية في العقيدة

15
00:05:05.400 --> 00:05:22.500
نقدر نقول المساحة المشتركة بين الدينين خمسين في المية لأ انا هبقى متشائم اوي وهقول المساحة المشتركة خمسة وعشرين في المية بس يبقى من العشرين في المية بتاعة الدين هنكسب خمسة في المية بس لصالح الاندماج

16
00:05:23.900 --> 00:05:46.100
وهخسر خمستاشر في المية تعال بقى نشوف اللغة   نيجي نبص على اللغة بتاعتنا يا جماعة والمسيحيين انا طول عمرنا فاهمين ان اللغة العربية مرتبطة بالاسلام. فانا جيت كده آآ عند عمو جوجل وكتبت آآ

17
00:05:46.100 --> 00:06:08.450
ادباء المسيحيين العرب عملت سيرش طلع لي مليون مية وتلاتين الف نتيجة بحس قلت يمكن ما بيقولوش شعر رحت جيت عند جوجل رحت عامل سيرش على الشعراء المسيحيين العرب طلع لي مليون وسبعين الف نتيجة بحس

18
00:06:09.450 --> 00:06:29.100
دعيت انا عايز اقول لكم حاجة شعراء كتير مسيحيين عرب من قبل حتى ظهور الاسلام في الجزيرة العربية. يعني اللغة العربية متجذرة في المسيحيين جيت آآ دعيت اقول كلمة في كنيسة في شبرا قبل تفجيرات كنيسة القديسين بيوم او اتنين

19
00:06:30.300 --> 00:06:44.200
كان في ايرلنديين وانجليز فجيت اتكلم بالانجليزي قال لك لا لا انت بتعمل ايه ليه ؟ قال لك لأ احنا هنا معزم الجمهور بتاع الكنيسة مصريين مسيحيين فاتكلم عربي احنا هنترجم للاجانب

20
00:06:44.800 --> 00:06:57.850
الله! يعني مش عشان المسيحيين بيعرفوا انجليزي ولو كنت في مسجد كان اتقال لي نفس الكلام. اتكلم عربي لان جمهور المسجد معظمه برضه مش هيستريح في اللغة الانجليزية. اتكلم عربي

21
00:06:58.050 --> 00:07:15.000
ازا نقدر نقول ان ايضا اللغة مشتركة بنسبة مية في المية فيما بينا. يبقى احنا كسبنا عشرين في المية بالكامل بتاعة اللغة تعالوا نبص على العادات والتقاليد ازاي اعرف ان كان الشخص ده مسلم ولا مسيحي؟

22
00:07:16.450 --> 00:07:34.200
هل المسلمين لهم لون معين؟ يختلف عنهم المسيحيين؟ هل المسيحيين لهم لبس غير لبس المسلمين تعرف ما حدش يقدر يقول لي يعني آآ الراجل الطيب ده مسلم ولا مسيحي؟ بطرس عم بطرس ولا عم مصطفى؟ ما حدش يقدر يعرف

23
00:07:34.250 --> 00:07:52.650
الجندي الشجاع ده ما حدش يعرف ده ريمون ولا محمود. لازم المصري تسأله عن اسمه عشان تعرف هو مسلم ولا مسيحي. اسمك ايه ايهاب انا مش فاهم. لا استنى استنى هجيبه لكم دلوقتي

24
00:07:52.850 --> 00:08:08.900
ايهاب ايه ما انت بتتلائم بقى اه ايهاب كامل ايوة ايهاب بتعمل ايه ايهاب كامل فؤاد لازم يقول اسمه الرباعي عشان يطلع بطرس يطلع جرجس يطلع مصطفى عشان تقدر تعرف

25
00:08:09.150 --> 00:08:21.550
ازا نقدر نقول اصل هي العادات والتقاليد بتاعتنا واحنا شم النسيم مين فينا اللي بياكل فسيخ؟ مسلمين ومسيحيين صح؟ ومين بيتشعبط في الاتوبيس؟ لما تشوف كناس بيتشعبطوا في الاتوبيس دول المسلمين

26
00:08:21.750 --> 00:08:49.050
ودول مسيحيين مسلم ومسيحي ايد واحدة. انتم مش فاهمين مش فاهمين. ايد واحدة والباقي كله معبط فيها لا هي نفس الاعداد والتقدير. رحت افطر مع واحد صاحبي مسيحي. قلت رايح افطر مع واحد مسيحي بقى اكيد هيطلب هو ومربى ما فيش. توست وزبدة زي الانجليز. لا هو

27
00:08:49.050 --> 00:09:05.050
اربعة فول وتلاتة طعمية وبعد ساعة ضرب طبق كشري هي نفس العادات والتقاليد نقدر نقول بقى ان احنا عندنا كده كسبنا كمان عشرين في المية بتاعة العادات والتقاليد لصالح الاندماج. يفضل عندنا

28
00:09:05.050 --> 00:09:29.100
الانتماء الانتماءات بتاعتنا بتختلف يعني الصعايدة كلهم مسيحيين هل اهل بحري كلهم مسلمين لو انا شفته واحد اسكندراني بيقول ايو واحيه ده يبقى مسلم ولا مسيحي وهم كلهم مسلمين ومسيحين نفس الانتماءات. فما فيش بلد مقفولة على مسلمين او مسيحيين

29
00:09:29.450 --> 00:09:44.950
آآ الاهلي والزمالك يمكن المسلمين كلهم مسلا زملكاوية والالتراس ده فيه مسلمين ومسيحين. اكيد يعني ما بيقعدش آآ محمود مع ريمون يشجعه في الالتراس بقى يقول له ايه ؟ يلا يلا عشان نتخانق في ماسبيرو. ما فيش

30
00:09:44.950 --> 00:10:08.400
بيشجعوا المهن ما فيش مهنة مقفولة على مجموعة معينة الصيادلة كلهم مسيحيين لأ انا ابويا الله يرحمه كان صيدلي وكان مسلم اه والله. اسف. انا اقول لكم الله يرحمه كان اسمه فؤاد كامل سليمان. كان يمكن عشان كده عدى

31
00:10:08.400 --> 00:10:37.000
يبقى يا جماعة حتى حتى الانتماءات بتاعتنا واحدة يفضل بقى التراث نتكلم جد بقى شوية يا جماعة مصر اهلها الاصليين هم الاقباط نتكلم بصراحة شكرا شكرا. بس عايز اقول لكم حاجة

32
00:10:37.200 --> 00:11:06.550
قبطي مش يعني مسيحي قبطي يعني مصري ايجيبت ايجيبت ايجيبت الجيبتين بالله القبطي يعني اللي جاي من الطينة السوداء نهر النيل قبل المسيحية كان اهل مصر اسمهم اقباط فانا اصلا لي دراسة الماجستير بتاعي اصلا في ده

33
00:11:06.750 --> 00:11:27.550
اسبت ان المسلمين والمسيحيين في مصر مع بعض الفين سنة وان مسلمين مصر في معزمهم طبعا مش جاي من الجزيرة العربية بل مصري اقباط وهم امتداد لما يسمى بالاريسية ازا في الحالة دي يصبح حسن ومرقص شركاء في البلد دي من الفين سنة

34
00:11:28.150 --> 00:11:44.150
لو البحس بتاعي ده غلط والخطاب الاخر هو الصحيح وهو انه الاسلام جه بعد المسيحية وان المسلمين هنا من الف وربعميت سنة بس. ومش امتدادها. جايين كلهم من الجزيرة العربية

35
00:11:44.500 --> 00:11:59.100
طب والمسيحية قبل الاسلام بقد ايه يا جماعة خمس تلاف سنة ما هي المسيحية كلها عمرها اقل من الفين سنة. وعلى ما وصلت مصر احنا بنتكلم في فرق خمسمية سنة. خمسمية في الفين يبقى فرق خمسة وعشرين في المية

36
00:11:59.100 --> 00:12:19.100
يبقى هقول بمنتهى التشاؤم لو هزا الخطاب هو الصحيح يبقى التراث فرقنا خمسة وعشرين في المية راح ضد الانتماء ضد الاندماج يصبح عندنا في التراث خمستاشر في المية كسبناهم مع الاندماج. يبقى عندنا مقومات اندماج تمانين في المية. تمانين في المية ومش عارفين نندمج

37
00:12:19.100 --> 00:12:36.000
بصوا على دول زي امريكا ما عندهمش مقومات اندماج حتى عشرة في المية وسود ولاتينوس اللي هم والمكسيكان والناس دي. وعندك آآ امريكان من اصل عربي مسيحيين ومن اصل عربي مسلمين ومن اصل هندي

38
00:12:36.000 --> 00:12:56.000
فسيخ وهندوس ومسلمين ومسيحين. ومن اصل اسيوي وناس مندمجة واخر حلاوة. ليه؟ اه بصوا مبسوطين ازاي عارفين ليه؟ عشان مصلحتهم. مصالحهم تخليهم يندمجوا. ده كزا لغة. ده انا اخر مرة في واشنطن اتخانقت في

39
00:12:56.000 --> 00:13:14.550
البنك عشان ولا تيلر في الخمسة بيتكلم انجليزي. مش عارف كله كله لازم اسباني بتكلم جد ومع زلك مندمجين عشان مصلحتهم. واحنا بقى مقومات اندماج تمانين في المية وتحديات خطيرة بتواجهنا. هو السرطان بيفرق بين مسلم ومسيحي

40
00:13:15.800 --> 00:13:36.350
الفقر بيفرق البطالة بتفرق مشاكل التعليم مفرقة مشاكل الكهربا مشاكل العيش مشاكل السولار دلوقتي عندنا كم تحديات خطيرة. يبقى الحل نرجع لجمهورية التحرير ونشوف التحرير كان بيحصل فيه ايه في التحرير كنا مندمجين مع بعض قوي

41
00:13:36.400 --> 00:13:53.050
النادي اللي كان بيحصل في التحرير المسلمين يصلوا وعشان ما يجيش مظاهرة بيقودها نادر السيد او الدكتور صفوت حجازي تخبط الناس وهم ساجدين يقوم اخواننا المسيحيين واقفين عاملين دول حواليهم عشان ما حدش يخبط الناس اللي بتصلي

42
00:13:53.300 --> 00:14:11.750
ييجي الاخوة المسيحيين عاملين قداس ويجي المسلمين محاوطينهم عشان ما حدش في مظاهرة تيجي تخبطهم وهم بيصلوا ليه الاندماج ده حصل بلاش ليه اصلا اخلاقنا جوة التحرير كانت اخلاقنا غير برة التحرير؟ جوة التحرير واحد كان يخبط حد يقول انا اسف جدا ما تزعلش مني

43
00:14:11.850 --> 00:14:27.700
برة التحرير هتفتح البتاع ما هو هو وقت السورة. برة التحليل كانوا مختلفين. عايز ارمي حاجة في الارض ومش لاقي تفضل حاططها في ايدي احطها في جيبي خمسين متر عشان نحط في كيس الزبالة اللي موزعة لجنة النزام ولجنة النضافة

44
00:14:28.450 --> 00:14:43.000
برة في الارض على طول طب ليه؟ هو ايه الفرق بين التحرير وبين التحرير يا جماعة؟ المصري هو المصري. انما المكان اختلف قعدت افكر فيها طول السورة يا جماعة التحرير مكان احنا حررناه

45
00:14:45.000 --> 00:15:08.950
وبقى بتاعنا نضفناه جملناه لما حسينا بالانتماء ناحيته وحبيناه وفي ناس ضحت بحياتها عشان تحميه فبقى النشيد الوطني بتاعنا جوة التحرير اللي كنا بنغنيه هو بلادي بلادي بلادي. لك حبي وفؤادي

46
00:15:08.950 --> 00:15:34.700
برة التحرير كان النشيد هو بلاده بلاده بلاده. مصر الحسني وولاده. اه في حاجة ركز بقى معي اللي حصل هنا ان احنا عملنا تكامل ليه اسامة صاحبي اللي معي في المكتب تتسرق عربيته وهو بيصلي الجمعة اللي فاتت

47
00:15:35.450 --> 00:15:55.400
عشان الحارس بتاع المسجد البيه كان بيصلي وليه الحارس يصلي؟ الله مش مسلم؟ لأ هو ليه الحارس مسلم ليه مش كل مسجد يعين حارس مسيحي ليه مش كل كنيسة تعين حريندو حارس مسلم؟ ليه ما نكملش الشغل ده ؟ ليه ما نعملش تكامل؟ الحل يا جماعة هو التكامل

48
00:15:55.450 --> 00:16:15.100
مش الشعارات الناس اللي عايزة ده مش محسوب كل الوقت اللي انا باقول لك اهو  عايز اقول لكم حاجة انا ضد الشعارات الناس اللي عايزة تدمر مصر ما بترفعش الشعارات وتقول الهلال ضد الصليب ما بتعملش كده

49
00:16:15.450 --> 00:16:28.650
هي بتحرق كنيسة بتخطف واحدة مسلمة بيعملوا شغل اي حاجة تدمر البلد. ما بيرفعوش شعارات. احنا بقى بنواجه ده بالشعارات حط الصليب مع الهلال يلا على الفيسبوك آآ البس لي تيشيرت عليها الصليب واللال

50
00:16:28.750 --> 00:16:39.250
صدقوني كفاية نفق بعض يا جماعة المسلم اللي مش مؤمن بالصليب بتلبسه ليه على انت مش مؤمن به ما انت بتنافق اخوك عشان يحبك مش هو ده اللي هو عايزه منك

51
00:16:39.300 --> 00:16:53.300
اخوك المسيحي اللي عايزه منك انه لما آآ يسافر آآ والفلوس تخلص من البيت عنده بدل ما مراته تركب من مدينة نصر لغاية الهرم عشان تستلف فلوس من مامتها ما تستلف منك ومنا يا اخي على لغاية ما هو ييجي. هو ده اللي هو محتاجه منك

52
00:16:53.450 --> 00:17:13.450
انا اللي محتاجه من اخويا المسيحي مش انه يرفع الهلال. اصلا الهلال مش شعار الاسلام. الهلال شعار شركة بتعمل مقشات وجرادل. اه بجد الهلال مش شعار الاسلام لا اله الا الله محمد رسول الله

53
00:17:13.450 --> 00:17:28.150
اللي مؤمن بيمسكه. اللي مش مؤمن به ما يمسكوش. لكن يقدر يعمل ايه بقى؟ لما سافر ياخد ولادي يوديهم المدرسة نتكامل الحل هو ان احنا نتكامل ونبطل شعارات ونوسع شوية جمهورية التحرير واشكركم جدا

54
00:17:28.300 --> 00:17:35.339