وهاديك جوج د المليون خصها تزكى كل سنة خمسة خمس الاف ريال في المليون يعني عندك جوج د المليون عندك عشر الاف ريال في العام. عشر الاف ريال في العام خاصك تخرجها
اذا تعينت لا يجوز لاحد ان يخرجها عن الجهة التي تعينت فيها. بحال الحبوس. الى واحد حبس واحد حبسها في سبيل الله. وقال هاد الأرض هادي انا حبستها على فلان وولادو. را ما عندكش الحق شي واحد اخر يجي لتما. من الفقراء والمساكين لا اللي علاش
لأن الحبوس محدد. ويراعى قصد المحبس. فإذا انا اعطيتك كلفتك بهاد الحوايج او هاد الفلوس سير اديها لفلانة ووليداتها ونتي ديتيها للجمعية وديك الجمعية داوها لمرا خرا هذا عمل سيء فعلا هاد الأخت هادي غفر الله لها كتحمل
المسؤولية ديال هاد الغلط هذا ولذلك زعما اذا قادرة قادرة باش تكفر على هاد المشكل وهو انه تمشي لهاديك المرا اللي كان خصها تعطيها داكشي وتعوض لها تعاونها لأنه يعني اللحظة باش خصك تفهمي مزيان اشنو وقع فالشرع هادي هبة
وصدقة بحال بحال المعنى بحال بحال لأن هوما مختلفين يعني من حيت القصد ولكن في النتيجة يعني الشرعية بحال بحال لما نقول انا مع راسي بأن هاد الفلوس راني عطيتهم لفلان. وخبرت شي واحد حدايا. عرفتو شنو وقع؟ هاد الفلوس هادو ولاو فملكو. هداك فلان ولاو
ملكو ملكو وكيتورتو حيت الى مات الورتة ديالهم يورتو ولاو فملكو انا لي عطيتهم ليهم مباقيش عندي الحق نعاود نتصرف فيهم انا انا مولاهم لي عطيتهم لو لأن خرجوا من الملكية ديالو مبقاوش دياولي الى ما تسجلت عند الناس راه تسجلت عند الله لأن هاد الفلوس ما بقاوش ديالي وراه ولاو دياول فلان ولاو دياول فلانة
فإذا ديك المرا راها هي مولات هداك الرزق. ماشي واحد اخر. تعطاو لجهة اخرى راه يعني هاديك الدولة رزقها داولها رزقها هاديك المرا. فخصو يرجع ليها. ادا باقي ممكن دابا يرجع ليها خصو يرجع. ما بقاش ممكن يرجع خصو يتعوض. لأن بحالا ديتو ليها ديالها خصكم تعاودو تخلصوها فيه
هادشي ديال الخير والإحسان ما عنداك وما يوقعش فيه التلاعب يوقع فيه التخربيق والإجتهاد الخاوي معندكمش الحق اذا تعينا نقولك اودي هادو عطيوهم اليتامى هاد الفلوس عطيوهم لليتامى وديك الساعة نتي تخيري اليتامى لي بغيتي
انا ما حددتلكش اليتامى. اما الى قلت لك هادو ديهم لليتامى لي في الموضع الفلاني اولاد فلانة اولاد فلانة. صافي. ما باقيش عندك الحق تحوليهم اما نقولك اليتامى وكان ايوا اليتامى راهو فالعالم كامل فيه ليتامى نتي يمكن لك تعطيه هنا ولا لهادي ولا لهادي كاع اللي عندها اليتامى ويلا قلت لك عاود اليتامى ماشي تديهم لشي وحدة
مريضة لا لأن انا قلت اليتامى خصهم يمشيو لليتامى. وخا وحدة مريضة كتموت ما تعطيهملهاش لأن انا حددت الجهة. هاديك للي مريضة يجيب لها الله ويدبروا لها الناس واجب على المسلمين نتعاونوا معها باش يحاولوا ينقدوها الى كتب الله. اما هادوك الفلوس اللي خرجوا اليتامى خاصهم يمشيوا لليتامى. لأن
الجهة التي وهبت او تصدقت حددت. ويلا وقع التحديد ما بقى كلام. وما بقاش اجتهاد. الاجتهاد مع النص. يعني على سبيل القياس هادي كتسولو واش يمكن لها تختم القرآن الكريم مع الجماعة؟ هادي يعني القراءة الجماعية للقرآن الكريم. ما كاينة في العالم الا في المغرب
وهي لي بغا ياخدها بالوجه ديالها الحسن. انما استعملها المغاربة للتعليم. هي دارت للتعليم تعلم الناس القراية هذا الأصل لي مكيعرفوش يقراو القرآن. كيجلسو مع الفقيه ويبداو يقراو جماعة باش كيتعلمو. ففرق بين قصد التعلم وقصد التعبد
فرجل او مرا كيعرف يقرا القرآن الكريم ادا بغى يعبد الله فعلا او يشعر بالحلاوة ديال العبادة يقرا بوحدو يقرا بوحدو لكن الى مكيعرفش وباغي يتعلم راه لا بأس. ميكونش بنادم متشنج ومتشدد. او معندو فقه راه الفهم ديال الدين هكا داير. خصو
يعني لأن الوسائل هدا كيتعتابر دابا داك الحزب. كيتعتابر من الوسائل التعليمية. ماشي التعبدية. فمن دخله بقصد التعلم فلا بأس به شحال من واحد كان امي ما كيعرف يقرا والو وكيجلس مع الناس في الحزب. وتطلق لسانو سبحان الله العظيم بالقرآن الكريم. ماشي تقولو الحزب حرام وفيه وسير قريه
هذا ماشي جاي فقط للعبادة جاي يتعلم. فإذا نفرقو بين الأمرين اذا كانت هاد المرأة ما عندناش قدرة لتلاوة القرآن تخطئ تلحن ما فيها باس تجلس مع الجماعة وتبع بودنها. وتحاول اليوم وغدا تحرك لسانها باش تضبط الأداء ديالها
شحال من واحد كيقرا واحد الحرف مقلوب في القرآن مكيعرفش يقرا مزيان. او واحد يعني جملة او كلمة ميعرفش يخرجها مزيان. فإذا كان حالها ان تجلس في المسجد ساعة قراءة القرآن الكريم الجماعي وتنصت الى ذلك وتتابع ايضا بلسانها بقصد التعلم حتى اذا تم
كانت من قراءة كتاب الله على احسن ما يكون. ديك الساعة تخلو الى ربها بنفسها وتقرا القرآن مع مولاها اللي خلقها. وهو افضل شي واحد او وحدة رهنت بجوج د المليون كتسولو واش تزكي به على ديك جوج د المليون تزكي. تزكي لأنه سلف وخا راه كاين داك التعويض لا التعويض ماشي زكا
عود كيتسمى ربا هداك التعويض حرام. لي هو السكن بمعنى انه الى نتا جوج د المليون عطيتها يعني مول جوج المليون هو لي كيزكي ماشي قابضها ماشي لي قابضها لأن لي قابطها هو مول الدار. لا لي ساكن كاري هو غير كاري. هو عاطي جوج دلمليون. ولكن معاطيهاش مني
اهمية ديال السلف لأن نهار تبغي تخرج غادي تشدها خصك تزكي عليها. وخا كتعطي واحد التعويض بسيط لمول الدار هداك التعويض ديال الكدوب. كيقولو كيحل ما عمر الحرام ما كيتحلل ديما الحرام حرام. فهداك التعويض ما داخل شاي نهائيا في الزكاة ما يتحسبش
ولي ما خرجها في الدنيا يخرجها من ضهرو في الآخرة نطلبو الله السلامة والعافية. هذه امرأة جاهلة وعليها ان تنقطع عن هذا الفعل بتاتا يعني كاين بعض المصائب حقيقة هي مصائب في المجتمع. آآ كبيرة نسأل الله العافية. شي وحدة كتخاف من السحر
وتخاف من تخطي بعض الأشياء. قال لك تأخذ البول اعزكم الله وترشه. هذا فعل الشيطان. هذا هذا اكثر من السحور هذا. يعني النجاسة صافي ما لقى بنادم يخدم غي بالنجاسة هداك هو اللي يجيب الشيطان هاد الفعل هو اللي يجيب لك الشياطين ويجيب لك الجن توصل لدارك يسكنوا معاك
ويباتو معاك وينعسو معاك. باش يطرد الإنسان السحر ويطرد الشياطين تعرف اش خصو يدير. خصو ينظف ينقي. لأن الشياطين ما مع الطهارة. اش هاد الميزان المقلوب؟ النبي صلى الله عليه وسلم قال لك الوضوء سلاح المؤمن حيت تكوني موضية راكي
فحصنا عندك الواقي لباس الدرع الواقي من الرصاص. النصارى لابسة داك الحديد واخا يضربوك ملي تكوني موضية حالا راك لابسة داك الحديد لي مكيدخلش فيها الرزاز. علاش؟ الطهارة كاين الوسخ حداك
الشياطين حداك. ايوا هذا الميزان المقلوب. خايفة من السحر هي كتجيب السحر. وهذا من اعمال السحرة وهاد الخدمة من اعمال السحرة. مع الاسف تجاه المصيبة مصيبة كبرى. يعني شي مرا عندها شي عائلة على حساب ما فهمت كتآديها وما قادراش تصل الرحم ديالها رغم ان الله تعالى يأمر بالرحم. لا
واجب عليك الا تصبري لديك الرحم وتمشي تصل الرحم ديالك. اذا كانت هاد العائلة عندها حق الرحيم لأن العائلة اللي الرحم هي اولو الأرحام. اولو الأرحام. يعني اختك. خالتك. عمتك
القرابة القريبة اللي معروفة. هادو راه واجب عليك تصلي الرحم ديالهم ويصلوا الرحم ديالك. كانوا عائلة بعيدة مزيان صدر رحيم في الحدود الشرعية. الحدود الشرعية ما فيه غير الخير. انما اللي واجب وكيتحاسب عليه الانسان يوم القيامة هي العائلة اللي قريبة بزاف. اللي
يعني يعني كيمكن لك الا رجال مثلا تشوفيهم بلا حجاب. خوتك خوالك اعمامك هوما الى كانوا الرجال هما لي واجب عليهم الجهنم ويلا كانوا النسا راكم قادين. نتي تشوفيهم هوما يشوفوك. خالتك عمتك وهكذا. فهادو وخا يظلموك وخا يظلموك
خوك ماشي غير كيآديوك كاينين فوق الأذى كيظلموك كاع صبري ليهم. والحساب يوم القيامة كل واحد يتعامل على قد فعلو. صبري ليهم وصلي الرحم ديالك مرة في العام. ما غاديش دير لك شي حاجة د المرة في العام. غير الشيطان كيجيب الوسواس. اما الانسان تكون سنوات ومنقطعة واحد العائلة ما كيشوفهومش. بل قصدهم العمد
هذا والعياذ بالله يدخل في قوله جل وعلا ويقطعون ما امر الله به ان يوصل. نسأل الله العافية