ننتقل الان الى الكلام عن الخيار نحن سبق معنا الكلام عن الثمار بيع الاصول والثمار صح ولا لا؟ الثمار هي الفواكه ولا باقي عندنا الخضروات فنتكلم اولا عن الخيار تمام بعدين يجي ايش؟ بقية الانواع. صح كده يا شيخ نعم الخيار ما هو الخيار الذي يؤكل؟ لا الخيار هو طلب حق الانسان في اختيار امضاء العقد او اختيار الغاء العقد وانواع الخيار متعددة اولها خيار المجلس خلينا نعطي هذا الدرس خاص بامثلة للاخوات خيار المجلس دخلت المرأة الى محل الملابس خلاص ووجدت على سبيل المثال يعني فستانا واشترت هذا الفستان راحت عند المحاسب واعطته مئتين ريال حق هذا الفستان واخذته في كيس وهي طالعة في نفس المحل قبل ان تخرج من الدكان وجدت فستان ثاني بلون افضل منه قالت لا ارجع هذا واخذ هذا فرجعت قالت له رجع البضاعة ابغى اخذ الثاني قال لا ما في ترجيع ايش رأيكم؟ من حقها ان ترجع البضاعة؟ نعم نقول من حقها ترجع البضاعة لانه يثبت لها خيار المجلس. النوع الثاني الشرط لكن لو خرجت من الدكان وراحت الدكان اللي جنبه ووجدت بضاعة افضل رجعت تبغى ترجع ها خلاص ليس من حقها اذا تراضوا على ذلك اهلا وسهلا. لكن لا تلزمه بالرد لانه ينقطع خيار المجلس بالخروج من مجلس العقد مثل المحل ماشي؟ الثاني خيار الشرط ايش هو خيار الشرط؟ لما تشتري اي واحد تروح لمحلات الملابس ها الماركات ولا ايش تلقى تب على الفاتورة آآ ترجيع يسمح بترجيع البضاعة لمدة ثلاثة ايام صح ولا لا؟ خلال ثلاثة ايام هذا اسمه خيار الشرط. اذا جاك ثاني يوم ترجع البضاعة من حقها لانه خيار الشرط. ولابد ان يكون بمدة معينة محددة. الثالث خيار العيب ايش خيار العيب؟ اخذت البضاعة على سبيل المثال ولما رجعت للبيت وجدت ان الثوب هذا مشقوق فيه مقطوع جزء منه فيه عيب ينقص القيمة ولا لا؟ ينقص القيمة يثبت لها خيار العيب ترجع للدكان وترجع له البضاعة من حقها ان ترد البضاعة طيب لو انها قررت ان تحتفظ رجعت للمحل قالت خذ رجع البضاعة فيها عيب ابغى اخذ وحدة مثلها بدل منها قال لا خلصت ما عاد باقية اخر قطعة قالت اذا ساحتفظ بها لكن اريد تعويض عن النقص هذا اسم الارش عند الفقهاء. هل من حقها ان تحتفظ بالسلعة وتطلب الارش هالخلاف بين العلماء المذهب يقولون نعم في خيار العيب يخير المشتري بين رد السلعة واخذ الثمن وبين الاحتفاظ بالسلعة واخذ الارش اللي هو الفرق بين قيمة السلعة الصحيحة وقيمة السلعة مع العين. ماشي او يردها وياخذ فلوسه بكيفه الرابع خيار التدليس خيار التدليس مثل ايش نعطيكم مثال للرجال ومثال للنساء للرجال نبدأ بالنساء طيب راحت اشترت مثلا آآ تنورة اشترت التنورة فحصت التنورة التنورة سليمة ليس فيها اي مشكلة مكتوب على هذه التنورة ختم ماركة من الماركات المعروفة بالجودة والاتقان خلاص واشترتها لما رجعت الى البيت اكتشفت انه ايش انه هذه الماركة غير حقيقية وان هذه البضاعة على قولهم ها اكتشفت ان هذه البضاعة وان كانت البضاعة سليمة لكنها اقل من ما كانت تظن فيه تدليس هنا فنقول يثبت لها حق ايش؟ الخيار ترجع البضاعة. ماشي؟ هل لها حق ان تمسك البضاعة وتاخذ لأ ما في قرش في خيار التدريس الارش في خيار العيب. الرجال واحد راح للحراج يبغى يشتري سيارة جيب وحصل سيارة يبغى يشتري جيب لكزس. كم جيب اللكزس ها يا شيخ كم سعره مئتين الف مئتين الف طيب راح حصل سيارة عليها علامة جيب اللكزس يحرجون عليها واخذها بمئة الف ريال لما رجعه للبيت اكتشف ان هالاند كروزر بس مغير العلامة. بدال ما هي لان حاط علامة تويوتا حاط علامة لكزس هذا يثبت له خيار التدليس ماشي طيب الخامس من انواع الخيار خيار اختلاف المبيع انت شفت السلعة شفت السيارة وشفت العداد السيارة ماشية الف كيلو قلت له انا افكر واشاور اخوي وكذا وارجع لك خلال الايام الجاية. رجعت له بعد اسبوع على اساس تشتري السيارة على بالك انها جالسة في المعرض اشتريتها السيارة يوم ركبت السيارة وطلعت من المعرض العداد بدال ما كان الف كيلو صار خمسطعشر الف كيلو اشتغل فيها كداد خلال هذي العشرة ايام يحق لك ان ترد السيارة ولا لا؟ يحق لك ان ترد السيارة لانها اختلفت عن الصفة المتفق عليها واختلفت عن الرؤية التي رأيتها بها. كذلك من الخيار خيار الغبن ايش خيار الغبن؟ خيار الغبن هو الشخص الذي لا يعرف السلع لا يعرف الاسعار ولا يحسن المماكسة ثم اشترى السلعة باكثر من ثمنها يعني واحد من الحجاج جاي للمدينة خلاص اول من جاء واحد يعني نزل محل التمر شافوه حاجي ما يعرف شي ولا يعرف الاسعار وطيب ما يعرف يكاسر قال اعطني تمر قال التمر الكيلو بخمس مئة ريال ما شاء الله هذا شكله تمر المدينة يعني آآ مميز بركة ودفع خمس مئة ريال على الكيلو ثم علم بعد ذلك ان هذا البائع باعه باكثر من الثمن. يثبت له خيار ايش خيار الغبن ويثبت ايضا في بعض المسائل كالنجش وآآ تلقي ركوان وغيره خيار الاختلاف المتبايعين. ايش اختلاف المتبايعين؟ اختلفوا. انا اشتريت من عندك السيارة واتفقنا يا اخي ان السيارة بتسعين الف رح تجيب لك الفلوس التسعين الف لما جيت لك التسعين الف قلت لي لا. نحن اتفاقنا مئة وعشرين الف يا رجل اتفاقنا تسعين قال ابدا اتفاقنا مئة وعشرين الف جايب لي تسعين باقي لك ثلاثين الف فنقول هنا يثبت لكل منهما الخيار خلاص فيحلف البائع يقول والله ما بعتك بتسعين الف وانما بعتك بمئة وعشرين. ثم يحلف المشتري يقول والله ما اشتريته بمئة وعشرين وانما اشتريته ايش؟ تسعين الف ولهما ان يفسخ العقد