1
00:00:09.100 --> 00:00:36.000
السلام عليكم ورحمة الله وبركاته. اهلا بحضراتكم في المقطع رقم مية وعشرين من مقاطع حظر التجول  والمقطع رقم تسعة من مقاطع سورة النمل. ما شاء الله ربنا يتقبل يا جماعة مية وعشرين حلقة في مية وعشرين يوم بفضل الله. ارجو تكونوا افتكرتوا تجيبوا المصاحف. آآ

2
00:00:37.200 --> 00:00:58.250
هنبدأ النهاردة من الاية خمسة وستين. بس هنرجع بسرعة الاية ستين وهنشوف كده علاقة الايات اللي جاية بالايات اللي فاتت   الاية الستين رجع للاية الستين الاول. بدأت بسؤال اعوذ بالله السميع العليم من الشيطان الرجيم

3
00:00:58.450 --> 00:01:19.600
امن خلق السماوات والارض وانزل لكم من السماء ماء فانبتنا به حدائق ذات بهجة. ما كان لكم ان تنبتوا شجرها فاله مع الله بل هم قوم يعدلون اقرا بقى معي خمسة وستين وشوفوا الرد

4
00:01:19.700 --> 00:01:44.500
مين اللي خلق السماوات والارض وخلق كل ده قل لا يعلم من في السماوات والارض الغيب الا الله وما يشعرون ايانا يبعثون فالاية الستين بتبدأ بسؤال مين اللي خلق السماوات والارض ونزل الماء اللي انبت الحدائق؟ االه مع الله؟ الرب

5
00:01:44.500 --> 00:02:09.100
في الاية خمسة وستين تنفي الالوهية عن كل ما في السماوات والارض الا الله. قل لا يعلم من في السماوات والارض الغيبة الا الله. وما يشعرون ايانا يبعثون اسمع  قل لا يعلم من في السماوات والارض الغيبة

6
00:02:09.250 --> 00:02:24.150
الا الله. ما فيش حد يعرف الغيب اللي في السماوات والارض الا الله. السماوات والارض اللي خلقها فقط هو اللي يعلم الغيب بتاعها اله مع الله عن كل ده االه مع الله

7
00:02:24.350 --> 00:02:42.650
ازاي ازاي يبقى في بعد كل ده اله مع الله؟ لما ما فيش حد يعرف الغيب اللي في السماوات والارض الا الله. هتجيبوا اله تاني مع الله قبل ما نتدبر الاية ستة وستين تعالوا نراجع الاية واحد وستين اللي تدبرناها امبارح برضو

8
00:02:43.650 --> 00:03:10.950
امن جعل الارض قرارا وجعل خلالها انهارا. وجعل لها رواسي وجعل بين البحرين حاجزا االه مع الله بل اكثرهم لا يعلمون يعني اكثرهم لا يعلمون ان الله هو الذي جعل الارض قرارا يعني مكان يصلح للاستقرار وجعل خلالها انهارا وجعل

9
00:03:10.950 --> 00:03:28.450
لها رواسي يعني جبال وجعل بين البحرين حاجزا يعني قوانين فيزيائية تمنع اختلاط مياه المحيطات مع مياه الانهار االه مع الله بل اكثرهم لا يعلمون. لا يعلمون هذه الامور الدنيوية

10
00:03:28.750 --> 00:03:50.750
امال هيعرفوها امتى ؟ اقرا الاية ستة وستين وشف الرد بل ادارك علمهم في الاخرة بل هم في شك منها بل هم منها عمود. يعني هيعرفوا هيعلموا امتى لا يعلم في الاخرة بل ادارك هيتداركوا هذا العلم اللي ما كانش عندهم في الاخرة

11
00:03:51.350 --> 00:04:06.600
ان هم سانية واحدة آآ بل ادارك علمهم في الاخرة بل هم في شك منها. يعني هيعرفوا العلم اللي ما كانوش عارفينه ده في الاخرة اللي هم اصلا شاكين فيها. وهم عنها عامون

12
00:04:07.050 --> 00:04:27.400
يعني وهم منها عامون يعني مش قادرين يشوفوا حقيقة انها قادمة يعني قادمة. قادمة لا محالة الاية واحد وستين بتنتهي بل اكثرهم لا يعلمون. والاية ستة وستين بتبدأ بل الدارك علمهم في الاخرة

13
00:04:27.550 --> 00:04:57.050
يعني يتداركوا عدم العلم ده بالعلم آآ في الاخرة اقرا معي ستة آآ سبعة وستين وتمانية وستين  وقال الذين كفروا ائذا كنا ترابا واباؤنا انا لمخرجون لقد وعدنا هذا نحن واباؤنا من قبل

14
00:04:57.400 --> 00:05:15.600
ان هذا الا اساطير الاولين. اربط الايتين دول بالاية اربعة وستين اللي تدبرناها امبارح. اللي بتتكلم عن بدء الخلق واعادته مرة اخرى عند البعض الاية اربعة وستين اللي خدناها امبارح كانت اخر اية امبارح

15
00:05:16.600 --> 00:05:37.300
امن يبدأ الخلق ثم يعيده. ومن يرزقكم من السماء والارض. االه مع الله  قل هاتوا برهانكم ان كنتم صادقين. هم مش بس مش مصدقين ان الله سبحانه وتعالى هو الذي بدأ

16
00:05:37.300 --> 00:05:54.000
خلق وسيعيد البعث مرة اخرى سيعيد الخلق في البعث مرة اخرى لا دول كمان مش مصدقين ان في بعث اصلا عاصم تمانية وستين وقال الذين كفروا ااذا كنا ترابا واباؤنا

17
00:05:54.050 --> 00:06:18.400
فان لمخرجون. معقول احنا واباءنا واجدادنا اباؤنا يعني آآ الاباء بقى الاجيال اجيال اجيال. اباءنا واجدادنا بعد ما نبقى تراب نبعث مرة ثانية من الارض سبعة وستين وقال الذين كفروا ائذا كنا ترابا واباؤنا ائنا لمخرجون

18
00:06:18.650 --> 00:06:37.150
تمانية وستين لقد وعدنا هذا نحن واباؤنا من قبل ان هذا الا اساطير الاولين. الكلام ده اتقال لنا واتوعدنا به احنا وابائنا واجدادنا قبل كده الكلام ده كله اساطير قديمة. طب عرفتوا ازاي انا اساطير قديم

19
00:06:37.650 --> 00:06:55.100
يعني تأكدتوا ان هو مش هيحصل ليه؟ يعني لما لما ربنا بيقول انكم هتبعثوا يوم القيامة. تقوموا تتريقوا وتقولوا لقد وعدنا هذا نحن واباؤنا من قبل المفروض تقول مسلا ايه وما حصلش طب هو هيحصل ازاي ما هو لسه في ميعاده ما جاش. هو لسه لم يأتي زمانه

20
00:06:56.500 --> 00:07:23.950
اقرا تسعة وستين قل سيروا في الارض فانظروا كيف كان عاقبة المجرمين قل لهم امشوا في الارض وشوفوا الناس اللي كذبت زيكم كده. حصل لهم ايه قبلكم شوفوا الامم البائدة الام التي استؤسرت زي عاد وثمود وقوم شعيب وقوم لوط. ازاي بلادهم النهاردة مهجورة

21
00:07:23.950 --> 00:07:42.400
عروبة وتم استئصالها طيب وبعد ما النبي عليه الصلاة والسلام يقول لهم كده هيتعظوا هل متوقع ان هم يؤمنوا؟ بص الاية سبعين. ولا تحزن عليهم ولا تك في ضيق مما يمكرون. يعني ربنا بيقول بعد

22
00:07:42.400 --> 00:08:01.850
بتقول لهم قل سيروا في الارض فانظروا كيف كان عاقبة المجرمين وما تزعلش بقى عليهم. يعني مش متوقع ان انهم يؤمنوا يا ابو حمطة مش متوقع ربنا ما ما اداش امنيات للرسول عليه الصلاة والسلام كبيرة. مش ولا تحزن عليهم ولا تك في ضيق مما يمكرون. مش

23
00:08:01.850 --> 00:08:18.900
اتوقع ان الكل سيؤمن في ناس ستؤمن وناس مش هتؤمن في ناس هتفضل في السر على الكفر وتموت على الكفر. مش متوقع فما تحزنش عليهم ولا تحزن عليهم دول ما يستاهلوش انك تزعل علشانهم يا محمد. ولا تحزن عليهم

24
00:08:19.200 --> 00:08:42.400
انت اغلى من انك تحزن على امثال هؤلاء. اللي بيكفروا نتيجة ظلما وعلوا بيكفروا لانهم مطبوعين على الظلم وعلو استعلاء على الحق ولا تك في ضيق مما يمكرون. ما تقلقش بقى من المكر بتاعها

25
00:08:42.800 --> 00:09:02.400
هيحاولوا يخططوا علشان يضروك ويصيبوك بشر وضرر واذى ارجع هات الاية خمسين بقى في نفس السورة. هات الاية خمسين. اقلب كده وارجع. هات الاية خمسين في سورة النمل ومكروا مكرا ومكرنا مكرا وهم لا يشعرون. فما تشلش هم

26
00:09:02.650 --> 00:09:19.100
وتضايق نفسك خالص. لان لو هم مكروا بك ربنا بيمكر بها  بس قلنا مكر ربنا خير ما هوش تدبير شر في الخفاء لكنه تدبير خير في الخفاء بعيدا عن اعينهم

27
00:09:20.300 --> 00:09:33.600
عايز اقول لكم ان من ادلة النبوة ان النبي صلى الله عليه وسلم كان بيمشي معه دايما مجموعة من الصحابة بيحرسوه. حرس بودي جاردات وواقفين على باب بيته ليل نهار

28
00:09:33.600 --> 00:09:47.850
خايفين عليه هو مش هم خايفين عليه. هم عملوا نوبات وهو ما عينش حرس. بس هم واقفين له بودي جاردات لغاية ما نزلت الاية في سورة المائدة. والله يعصمك من الناس

29
00:09:48.050 --> 00:10:15.100
يا جماعة لو سمحتم روحوا خلاص مش عايز مش عايز حظ فلو كان النبي عليه الصلاة والسلام مش نبي. وهو اللي بيفبرك القرآن. معقول هيغامر بحياته ولا هو وحي؟  حديث عن السيدة عائشة رضي الله عنها وارضاها قالت كان النبي صلى الله عليه وسلم يحرص حتى نزلت

30
00:10:15.100 --> 00:10:34.750
الله يعصمك من الناس فاخرج رأسه من القبة فقال ايها يعني من شباك البيت. ايها الناس انصرفوا فقد عصمني الله يمشيوهم ازاي لو هو مدعي نبوة وهو اللي بيفبرك. تمام

31
00:10:34.800 --> 00:11:07.950
كان خاف على نفسه برافو عليك يا ياسمين. طيب اقرا معي واحد وسبعين  ويقولون متى هذا الوعد ان كنتم صادقين وبيقولوا بتحدي فين العزاب اللي بتوعدونا به ده لو كنتم يا مسلمين فعلا صادقين ورونا العزاب ده. ويقولون متى هذا الوعد ان كنتم صادقين؟ اقرا اتنين وسبعين. قل عسى

32
00:11:07.950 --> 00:11:27.950
ان يكون ردف لكم بعض الذي تستعجلون. قل لهم يا محمد ما تستعجلوش كده. ممكن يكون تم تعجيل جزء من من اللي انتم بتستعجلوه فعلا. قل عسى يعني ربنا بيقول النبي عليه الصلاة والسلام ما يجزمش وما يؤكدش انهم سيعاقبوا في الدنيا

33
00:11:28.700 --> 00:11:40.650
ما تقولهمش هتعاقبوا في الدنيا اكيد ولا تقول لأ مش هتعاقبوا. ودي تربية للنبي عليه الصلاة والسلام نفسه دايما تقول الله اعلم دايما تقول الامر بيد الله انا ما اعرفش ده الامر بيد الله

34
00:11:42.250 --> 00:12:01.450
ده درس لنا احنا طول النهار بنتكلم مع اي حد بيعصي ربنا بنؤكد له انه هيعاقب وانه كزا وانه كزا ده اسمه تألي على الله  ما حدش يعرف ربنا بايده يعمل كل حاجة يهدي في اخر لحظة اي حد. وفي نفس الوقت

35
00:12:02.300 --> 00:12:15.300
يجعل اي حد يكفر في اخر لحظة انا عندي حلقة اتفرجوا عليها عن الراجل اللي قاعد اربعين سنة ما يركعهاش وصلى قبل ما يموت على طول بعشر تيام ودخل في كومة ومات

36
00:12:16.150 --> 00:12:36.300
انا بصراحة اترعبت ممكن انا بقى اعمل العكس ممكن ممكن الواحد يقعد اربعين سنة يصلي ويبطل قبل ما يموت بعشر تيام. دي تبقى كارثة ان الرجل ليعمل بعمل اهل النار حتى لا يكون بينه وبينها الا ذراع فيسبق عليه الكتاب فيعمل

37
00:12:36.300 --> 00:13:04.600
عمل اهل الجنة فيموت فيدخلها وان الرجل ليعمل بعمل اهل الجنة حتى يكون بينه وبينها ذراع فيسبق عليه الكتاب فيعمل بعمل اهل النار فيدخلها قل محمد عليه الصلاة والسلام قل عسى ان يكون ردف لكم بعض الذي تستعجلون. ردف رديف يعني يقول لك

38
00:13:04.600 --> 00:13:16.450
ابن عباس كان رديف الرسول عليه الصلاة والسلام. يعني قاعد وراه على الجمل يعني قريب منه. يعني لعل ان يكون ربنا قرب لكم بعض بعض الذي تستعجلون في بعض العتاب

39
00:13:17.000 --> 00:13:42.800
تدوقوه كده. طب اقرا بقى تلاتة وسبعين وان ربك لذو فضل على الناس ولكن اكثرهم لا يشكرون. بدل ما اذكروا ربنا انه بيمهلهم ومش بيعجل لهم العزاب وده فضل من الله. بدل ما يشكروه بيتحدوه ويستعجلوا العذاب. بص الاية وان ربك لذو فضل على الناس. امهال الناس ده فضل من الله

40
00:13:42.800 --> 00:13:58.650
ولكن اكثرهم لا يشكرون. ما بيشكروش ناس على فضل ربنا. انتم متخيلين يا جماعة لو كان النظام انه اللي آآ يكسر صيامه بدون عذر في رمضان يجي له فشل كلوي فورا

41
00:13:59.150 --> 00:14:16.000
او مسلا اللي يفوت فرض قلبه يقف فورا يجي له هارت تاتاك فورا تبقى مصيبة. ربنا قادر كان يعمل كده لكن ما عملش كده. ربنا بيمهلنا. وحتى لما بيقولوا لنا ان في عقاب عقاب في الاخرة

42
00:14:16.500 --> 00:14:41.250
عشان يحفزنا ان احنا نصحح نفسنا. طيب وان ربك اقرا معي اربعة وسبعين وان ربك ليعلم ما تكن صدورهم وما يعلنون تخيل معايا كده ايه معنى الكلام ده؟ ايه ايه موقعه هنا؟ وان ربك ليعلم ما تكن صدورهم وما يعلنون. اللي هم قاعدين بيطلبوا العزاب دول. تخيل معي لما العزاب

43
00:14:41.250 --> 00:14:56.050
بينزل بهم بيبقوا عاملين ازاي الناس اللي فاردة صدرها دي وعاملين نفسهم رجالة قوي وشجعان قوي وياللا ورينا العزاب يلا يا اخويا امطر علينا حجارة من السماء بيبقى هو عامل ازاي وزي الفران

44
00:14:56.300 --> 00:15:16.500
زي الفران من الخوف والرعب والجبن. ما فيش فيهم حد بيبقى راجل وقتها خالص هم بيتزاهروا بالشجاعة وبيتزاهروا بالرجولة وبيتزاهروا بالتحدي. وان ربك ليعلم ما تكن صدورهم وما يعلنون اجبن ناس ولما العزاب بينزل بيبقوا زي الحشرات

45
00:15:16.650 --> 00:15:33.050
وعلى عكس المؤمن شف المؤمن بيواجه الموت بشجاعة ازاي في الحرب من اجل مبادئه لكن الكافر بيموت من اجل الباطل ومش بيثبت بصوا فرعون بص فرعون جاب ورا ازاي لما لقى نفسه بيغرق

46
00:15:33.400 --> 00:15:49.650
في اول صورة ما تقوليش بقى لأ بس فيه كفار برضه في الحرب مش بتكلم على الحرب. انا بتكلم لما بيتحدى الانسان ربنا وبينزل عليه العزاب بيواجهه ازاي في اول سورة تدبرناها. فاكرين في اول اللوك داون على طول تدبرنا ايه؟ يونس

47
00:15:50.550 --> 00:16:16.250
فاكرين الاية تسعين وجاوزنا ببني اسرائيل البحر فاتبعهم فرعون وجنوده بغيا وعدوا حتى اذا ادركه الغرق قال امنت انه لا اله الا الذي امنت به بنو اسرائيل فانا من المسلمين. فرعون اعلن اسلامه

48
00:16:19.200 --> 00:16:39.300
امال فين فين الرجولة وفين التحدي وفين الشجاعة وفين كل التحدي اللي انت اتحديته لربنا الخوف والهلع ده ما بيزهرش على الكافر وهو بيتحدى المؤمنين. لكن مين اللي يعرفه؟ مين يعرف حقيقة اللي جواه

49
00:16:39.350 --> 00:16:57.500
اقرا اربعة وسبعين وان ربك ليعلم ما تكن صدورهم وما يعلنون ما نعرف كل حاجة كده. هو ايه الحاجات اللي ربنا يعرفها؟ اقرا خمسة وسبعين وما من غائبة في السماء والارض

50
00:16:57.550 --> 00:17:14.500
الا في كتاب مبين. ما تستغربش ان ربنا يعرف اللي في الصدور ده كل حاجة مستخبية ربنا عارفها. يعني مش كل حاجة ربنا عارفها؟ لأ ده كل حاجة مستخبية ربنا عارفها. يعني لو ربنا يقول لي مسلا ايه آآ انا عارف ان قدامك مات طب ما انا كمان عارف ان قدامي مج

51
00:17:14.650 --> 00:17:34.650
لكن لما ربنا يقول لي انا عارف ان الكنبة اللي انت قاعد عليها دية تحتها تحت الشلتة في حاجة منسية من ايام الناس اللي كانت ساكنة الشقة ديه من تلات سنين اه ده ده عجيب غائبة شيء غائب وما من غائبة في السماء والارض

52
00:17:34.650 --> 00:18:01.200
الا في كتاب مبين كل حاجة تغيب عن الناس. يعني مشاعر في قلوب الناس افكار في عقول الناس شيء مدفون تحت الارض معروف عند ربنا بيقول لك ايه؟ اكتشفوا عقل اكتشفوا ده انتم اللي اكتشفتم ربنا ما ربنا عارف ان في عندك حقل بترول هنا. عارف ان عندك حقل عسكري هنا. كل شيء

53
00:18:01.200 --> 00:18:19.200
عند ربنا ومتسجل في السجلات  طيب علاج فيروس كورونا. اللي العالم كله في كل جامعاته بقى له عشر شهور بيلف حوالين نفسه وبيدور عليه. معروف عند ربنا. ما اعرفش هم اكتشفوه بقى

54
00:18:19.200 --> 00:18:35.450
ولا لسه مكتشفهوش لكن معروف عند ربنا ومن اول يوم ومن اول سانية في سورة سبأ عالم الغيب لا يعزب عنه مثقال ذرة في السماوات ولا في الارض. ولا اصغر من ذلك

55
00:18:35.450 --> 00:18:52.200
لك ولا اكبر الا في كتاب مبين ذرة ذرة في السماوات او الارض او اصغر من الذرة او اكبر. كله متسجل عند ربنا في كتاب. انا يا جماعة التدبر بتاعي لهذا الكلام بيجعلني اطمئن

56
00:18:52.200 --> 00:19:14.900
في نفس الوقت ليه اطمئن لان ربي والهي وخالقي مطلع علي وعلى شؤوني فبيحفظني بحفظه ويحملني وينتقم ممن يظلمني هو قادر عليه. فبشعر بالاطمئنان لما اعرف ان ربنا هيعرف كل حاجة. انا بشعر بالاطمئنان. يعني انا لما بعيش في دولة

57
00:19:14.900 --> 00:19:26.750
انا عايز اعيش تحت حكومة قوية. مش حكومة متسامحة مع المجرمين. لأ انا سعيد كده بس في حاجة تانية كان اللي بيخوفني برضو اذا عملنا ان ربنا مطلع علي في خلواتي

58
00:19:27.000 --> 00:19:46.600
مطلع على ما يجول في خاطري. مطلع على ما افكر فيه قبل ان يصبح عمل ربنا عارف انا بنوي ايه. ده شيء مخيف الحقيقة. الواحد بيشعر ان هو عريان انها دائرة معي ستة وسبعين بقى

59
00:19:46.800 --> 00:20:03.750
ان هذا القرآن يقص على بني اسرائيل اكثر الذي هم فيه يختلفون. نتوقف هنا ونخلي الاية دي بكرة اللهم ارزقنا حبك وحب من يحبك وحب كل عمل يقربنا الى حبك

60
00:20:03.800 --> 00:20:33.350
اللهم اجعل القرآن الكريم ربيع قلوبنا ونور صدورنا وجلاء احزاننا وذهاب هموم همومنا وهمومنا ومغفرة ذنوبنا اسأل الله ان يجعل هذا التدبر في ميزان حسناتي وحسناتكم اللهم انك تعلم ان هذه القلوب قد اجتمعت على كتابك واجتمعت على محبتك

61
00:20:33.650 --> 00:20:58.450
والتقت يا ربنا على طاعتك وتوحدت على دعوتك وتعاهدت على نصرة شريعتك وثق اللهم رابطتها. وادم ودها واهدها سبلها. واملأها بنورك الذي لا يخبو اشرح صدورها بفيض الايمان بك وجميل التوكل عليك

62
00:20:58.550 --> 00:21:14.450
واحكيها يا ربنا بمعرفتك وامتها على الشهادة في سبيلك. انك نعم المولى ونعم النصير. والسلام عليكم عليكم ورحمة الله وبركاته. ونراكم غدا باذن الله ان كنا من اهل الدنيا