1
00:00:01.300 --> 00:00:20.150
السلام عليكم ورحمة الله وبركاته. اهلا بحضراتكم في المقطع رقم سبعمية خمسة وتمانين من مقاطع حظر التجول والحلقة السابعة والعشرون من حلقات تدبر ال عمران. عايز اقول لكم ان احنا امبارح وصلنا

2
00:00:20.500 --> 00:00:38.600
اه اه لن تنالوا البر وده بداية جزء فاحنا كده تدبرنا حسبتها آآ لقيت ان احنا تدبرنا ربعمية خمسة وتمانين صفحة تقريبا في سبعمية خمسة وتمانين يوم وباقي حوالي مية وتسعتاشر صفحة

3
00:00:39.150 --> 00:00:52.800
يعني لو ربنا بتكلم طبعا على مصحف المدينة اللي هو المصحف الموجود عند الناس كلها اللي هو طباعة آآ مطبعة الملك فهد يعني لو ربنا سهل ان شاء الله واستمرينا بنفس هذا المعدل

4
00:00:53.150 --> 00:01:14.800
المفروض نخلص في حوالي تسعمية وتمانين حلقة يعني بعد اقل من متين يوم على اوائل شهر ديسمبر بازن الله مين عارف لو مدينا عشرين حلقة كمان ؟ يعني احنا احيانا الحلقات بتبقى قصيرة امبارح مسلا تدبرنا اية واحدة

5
00:01:15.300 --> 00:01:27.750
لو وصلنا الف حلقة وده مش صعب. لان احنا احنا اصلا باقول لكم احنا حسب الحسابات تسعمية وتمانين حلقة. لكن ممكن لو مدت في الف حلقة تبقى لطيفة جدا وممكن بقى ساعتها الناس اللي متضايقة

6
00:01:27.750 --> 00:01:42.000
من اسم المقاطع حظر التجول هنبقى نسميها ان شاء الله الف ليلة وليلة مع القرآن بازن الله لكن حابب بس ابشركم ان احنا كده ان شاء الله ايه آآ ماشيين كويس الحمد لله

7
00:01:42.500 --> 00:02:18.700
اقرا بقى معي الاية تلاتة وتسعين الى خمسة وتسعين اعوذ بالله السميع العليم من الشيطان الرجيم كل الطعام كان حلا لبني اسرائيل الا ما حرم اسرائيل على نفسه الا ما حرم اسرائيل على نفسه من قبل ان تنزل التوراة

8
00:02:18.700 --> 00:02:58.350
اه فأتوا بالتوراة فاتلوها ان كنتم صادقين فمن افترى على الله الكذب من بعد ذلك فاولئك هم الظالمون تيمو قل صدق الله فاتبعوا ملة ابراهيم حنيفا وما كان من المشركين

9
00:02:58.350 --> 00:03:19.500
ايه بقى الموضوع ده احنا يعني هنتكلم في الاكل بقى النهاردة يعني كل الطعام كان حلا لبني اسرائيل هنتكلم في المحرمات من الطعام وكده كنا بنتكلم في العقيدة بتاعة اليهود والنصارى والايمان والكفر والردة. وبعد كده اتكلمنا امبارح في الانفاق في سبيل الله واداب الانفاق في سبيل الله. وانه

10
00:03:19.500 --> 00:03:42.600
ويصل لدرجة الايثار لعلاج شح النفس. النهاردة غيرنا الموضوع وهنتكلم في الطعام لأ ما فيش كلام في الطعام ولا حاجة احنا هنرجع نتكلم في العقيدة تاني ونفند ادعاءات اهل الكتاب اليهود خاصة انهم بينتسبوا لابراهيم وانه كان يهودي

11
00:03:43.700 --> 00:04:14.050
اقرا كده معي الاية خمسة وستين عشان تفتكر ايه الموضوع ده يا اهل الكتاب لما تحاجون في ابراهيم وما انزلت التوراة والانجيل الا من بعده افلا تعقلون فاكرين احنا لما قلنا ان طبقا لتعريفهم هم اليهودي هو اللي بيتبع التوراة. والنصراني اللي بيؤمن وبيتبع الانجيل. طب انتم ازاي

12
00:04:14.050 --> 00:04:34.800
تقولوا ابراهيم يهودي وانتم تقولوا ابراهيم نصراني. ازا كان التوراة والانجيل نزلوا بعديه اقرأ كده معي سبعة وستين وتمانية وستين عشان نفتكر مع بعض ما كان ابراهيم يهوديا ولا نصرانيا. ولكن كان حنيفا مسلما وما كان

13
00:04:34.800 --> 00:04:56.500
من المشركين ان اولى الناس بابراهيم للذين اتبعوه وهذا النبي وهذا النبي الذين امنوا والله ولي المؤمنين فاحنا هنرجع النهاردة نتكلم تاني في ملة ابراهيم. هل هي مطابقة للديانة اليهودية

14
00:04:56.550 --> 00:05:17.650
لأ طبعا ابسط مثال المحرمات في اليهودية مش هي المحرمات على ابراهيم. ده حتى كل الطعام كان حلا لبني اسرائيل الا ما حرم اسرائيل على نفسه من قبل ان تنزل التوراة. قل فاتوا بالتوراة فاتلوها ان كنتم

15
00:05:17.650 --> 00:05:29.150
صادقين انتم بقى ايه ايه اللي جاب سيرة الطعام دلوقتي؟ احنا مش هنتكلم دلوقتي في حاجة فقهية ولا في طعام ولا في حلال ولا حرام والبتاع خالص احنا بنتكلم عن ابراهيم تاني

16
00:05:29.250 --> 00:05:48.250
وعشان هم اللي اثاروا الموضوع ده. اقول لكم دلوقتي ازاي اقول لكم ايه ايه اللي جاب سيرة الطعام بالزات جاية  معناها بقى الاية دي ايه؟ ان لغاية يعقوب اللي هو اسرائيل

17
00:05:48.700 --> 00:06:10.600
كان المحرمات هي نفسها اللي من زمن ابراهيم وبعدين يعقوب حرم على نفسه اشياء من باب الزهد من باب تربية النفس بيشد على نفسه شوية وده وارد على فكرة انا واحد يمنع نفسه مسلا من اكل النشويات. او من اكل الدهون لاي سبب

18
00:06:10.850 --> 00:06:25.550
لسبب بقى صحي لسبب بقى آآ تربوي. هو حر. يعني مش آآ ممكن واحد يعني يحرم على نفسه مش معناه ان هي تبقى حرام. لكن خلاص يعني يقول لك انا انا هحرم على نفسي الاكل الفلاني. مش هاكله

19
00:06:25.800 --> 00:06:43.750
واحد من العلماء كنت قريت له مرة ازن الامام ابو حامد الغزالي بيتهيأ لي مش فاكر. بيتهيأ لي هو كان يقول ظللت اشتهي الهريسة ثلاثون عاما وهي تصنع في بيتي كل يوم ولا اكلها

20
00:06:44.750 --> 00:07:06.200
يعمل لولاده بيعملوها في البيت. ونفسه ياكلها تلاتين سنة وما حطهاش في بقه بعض الناس ترى ان التضييق على النفس ده وحرمانها ده بيؤدبها مش مش وقته نناقش الموضوع ده دلوقتي. لا هاقول لكم رأيي في الموضوع ده ولا هاقول لكم ده صح ولا غلط. لكن كل واحد حر في طريقة تربيته لنفسه

21
00:07:07.050 --> 00:07:25.600
الدين لم يطالبنا بذلك ولا منعنا من ذلك ايضا. فكل واحد حر المهم ان انت تهذب نفسك فسيدنا بقى اسرائيل ده سيدنا يعقوب سيدنا اينما حرم اسرائيل هنا دي مش اسرائيل؟ لأه ده سيدنا يعقوب

22
00:07:26.200 --> 00:07:48.300
حرم على نفسه لحوم والبان الابل وبعض الاشياء التانية يبدو ان ولاده مشيوا على نفس النهج. خلاص بيتهم ما بيخشوش لا لحوم ولا البان ابل ما حرمهاش دينا ما فرضهاش على حد لكن ولاده مشيوا على نفس النهج. فاصبحت ثقافة

23
00:07:48.450 --> 00:08:06.700
انهم ما يكلوش حاجات معينة. والحاجات دي مش محرمة شرعا. لكن في الثقافة بقوا ايه؟ يعني ما يكلوهاش ماشي ثم مع الوقت اختلطت الثقافة بالدين ودي حاجة خطيرة جدا للاسف ده احيانا بيتسلل للاسلام

24
00:08:08.100 --> 00:08:23.050
لكن ربنا بيبعث على رأس كل مائة سنة من يجدد هذا الدين. يعني ايه؟ يعني يزيل ما علق به من اراء الناس واراء العلماء ويرجعوا لاصله الصافي اللي هو القرآن والسنة

25
00:08:23.350 --> 00:08:40.000
ان بعض اراء العلماء ممكن تكون مناسبة لوقتها. اشكال فقه متغير. الشريعة لا تتغير. لكن الفقه اللي هي الاحكام تتغير من زمن لزمن. ومن مكان الامام الشافعي مجرد انه انتقل من العراق الى مصر عمل مذهب جديد تماما واراء جديدة تماما

26
00:08:40.100 --> 00:08:57.450
تخيلوا بقى الامام الشافعي كان يبقى عايش النهاردة تفتكروا كان هيتمسك بنفس ارائه اللي من الف ومتين سنة برضه لأ ازا ده الاساس. اقول لكم على حاجة انا دايما ما بحب اشرح الموضوع ده حتى اما ببقى بعمل مسلا آآ تور كده لغير المسلمين في مسجد او حاجة

27
00:08:57.450 --> 00:09:16.450
باقول لهم لازم تفرقوا بين ما هو من الثقافة وما هو من الدين؟ لانه للاسف حتى المسلمين اشياء كتير بيعملوها ما يعرفوش انها مش من الدين. مسلا على سبيل المسال احنا ماشيين حافيين في

28
00:09:16.450 --> 00:09:35.900
مسجد صح قلعنا الجزم برة صح ده مش دين دي ثقافة الدين ممكن تخش المسجد بالجزمة بتاعتك بس احنا ما بنعملش كده عشان دلوقتي عندنا موكيت والموكيت ما بيتشالش وتنضيفه مش سهل فبقينا اتفقنا ان احنا نقلع الجزم برة. بس مع الوقت فيه ناس فاكراه ده دين

29
00:09:36.450 --> 00:09:55.700
انا هنا مسلا في انجلترا لو لو دخلت خطوتين جوة المسجد رخام لسة ما فيش السجاد ابتدى. مجرد دخلت بس من الباب لسه ما قلعتش الجزمة تلاقي الناس قامت هتاكلني. وكأن يعني يعني اعتديت على حرمة هذا الدين. مش عارفة تفرق بين الثقافة

30
00:09:55.700 --> 00:10:22.350
المهم اللي حصل ان بني اسرائيل استمروا الى عهد موسى على الاشياء دي محرمينها على نفسهم وهي مش محرمة بالفعل في الشريعة اللي في الشريعة بتاعتهم وبعدين في عهد موسى نزل بقى في سفر اللاويين خاصة تحريم حاجات كتير جدا ربنا صعبها بقى عليهم من باب التأديب

31
00:10:22.350 --> 00:10:44.750
وادبهم تجد في سورة النساء ان شاء الله الشهر الجاي كده احنا بنتبرع ربنا بيقول فبظلم من الذين هادوا حرمنا عليهم طيبات احلت لهم وبصدهم عن سبيل الله كثيرا. فربنا بسبب ظلمهم حرم عليهم طيبات مش خبائث

32
00:10:44.800 --> 00:11:03.750
طيبات ماشي فالتوراة نزلت حرمت بقى اشياء كتير جدا ومعزمها كان هي محرمها اسرائيل على نفسه بس بقت شرع بقى طب لو مش مصدقين الكلام ده ؟ روحوا هاتوا التوراة واقروها

33
00:11:03.950 --> 00:11:19.050
هات بقى الاية تلاتة وتسعين عشان نفهم هي يعني الاية بتتكلم عن ايه كل الطعام كان حلا لبني اسرائيل الا ما حرم اسرائيل على نفسه من قبل ان تنزل التوراة

34
00:11:19.050 --> 00:11:32.250
هو كان محرم الحاجات دي قبل ما تنزل التوراة مش مصدقين قل فاتوا بالتوراة فاتلوها ان كنتم صادقين. هاتوها هتلاقوا التوراة بتحرم الحاجات دي. ما دام بتحرمها يبقى ما كانتش محرمة قبل كده

35
00:11:34.100 --> 00:11:54.700
اقرا الاية اللي بعدها اربعة وتسعين فمن افترى على الله الكذب من بعد ذلك فاولئك هم الظالمون اللي بعد كل ده هيصر على الافتراء والكذب على الله بانه يقول ايه ؟ بانه يقول ان ابراهيم كان يهودي

36
00:11:54.950 --> 00:12:17.050
اللي بعد كل ده هيصر على الافتراء والكذب على الله هو الغلطان هو اللي زالم لنفسه هو اللي زالم للناس لانه بيضللهم  فمن افترى على الله الكذب من بعد ذلك التفات من المفرد للجمع. فاولئك هم الظالمون

37
00:12:17.250 --> 00:12:39.400
ناس ده اصله مش واحد اللي بيفتري على الله الكذب ده ربنا بيقول كل واحد بيفتري على الله الكذب كلهم ظالمون قل صدق الله فاتبعوا ملة ابراهيم حنيفا وما كان من المشركين

38
00:12:40.700 --> 00:13:00.700
فلو اليهود في المدينة يا محمد فتحوا بقهم تاني واتهموك انت والمسلمين انكم لستم على ملة ابراهيم عشان بتاكلوا اشياء لم يكن يأكلها ابراهيم؟ ما هم راحوا قالوا له ايه؟ انت بتاكل بتشرب البان الابل وبتاكل لحوم الابل؟ الحاجات دي اصلا محرمة

39
00:13:00.700 --> 00:13:14.800
ازاي تدعي ان انت من اتباع ابراهيم؟ لا الحاجات دي ما كانتش محرمة على ابراهيم اصلا. وما كانتش محرمة خالص لغاية ما نزلت التوراة هو كون بقى ان ان سيدنا يعقوب حرمها على نفسه. وفضلت الناس محرماه عن نفسها. هي ما كتش محرمة عليهم

40
00:13:15.550 --> 00:13:41.700
هنا بقى احنا هنصدق مين؟ هم يقول لك لأ انتم كزابين قل صدق الله احنا نصدق الله. وانتم بتفتروا على الله الكذب فوقوا بقى لنفسكم وايه فاتبعوا ملة ابراهيم حنيفا. وما كان من المشركين. اتبعوا الاسلام

41
00:13:41.950 --> 00:14:01.850
لان اتباع الاسلام هو اتباع ملة ابراهيم الملة الحنيفية وقلنا الحنيفية يعني الانحراف عن الانحراف بتاع الناس كلها يعني بمعنى ايه السباحة ضد التيار. الوقوف مع الحق حتى لو كان ده مكلف. هي دي الحنيفية

42
00:14:02.300 --> 00:14:22.500
انك لوحدك على الحق خليك لوحدك على الحق فاتبعوا ملة ابراهيم حنيفا وما كان من المشركين في بقى حاجة لازم نتساءل عنها هنا طب احنا كنا بنتكلم في العقيدة وبعدين اتكلمنا امبارح في الانفاق في سبيل الله

43
00:14:23.050 --> 00:14:41.100
وخلق الايثار وقلنا الاخلاق دي دليل قوة الايمان. وبعدين رجعنا تاني النهاردة نتكلم في العقيدة وملة ابراهيم طب احنا امبارح شفنا حسن التخلص من موضوع العقيدة لموضوع الايه الايثار والانفاق. جه عن طريق الفلوس

44
00:14:41.300 --> 00:15:07.050
بحيس ما يحصلش خبطة لما الموضوعات تتغير الدنيا تمشي مية واحدة كده الخيط اللي كان ماسك ايه قلنا امبارح وتفتكروا هات كده اية واحد وتسعين ان الذين كفروا وماتوا وهم كفار فلن يقبل من احدهم ملء الارض ذهبا. الدهب

45
00:15:07.400 --> 00:15:28.200
ولو افتدى به الاية اللي بعدها عن خلق الايثار قالت ايه؟ لن تنالوا البر حتى تنفقوا مما تحبون. وما تنفقوا تاني تنفق من شيء فان الله به عليم. فكلمة الذهب وبعدها كلمة تنفق مرتين عملت حسن تخلص

46
00:15:28.900 --> 00:15:49.450
وشرحنا امبارح يعني ايه حسن التخلص اللي مش فاهم يرجع لحلقة امبارح. طيب دلوقتي الموضوع هيتغير تاني بقى من الاخلاق خاصة خلق الايثار  الى العقيدة بقى والكلام عن الملة التخلص هنا هيحصل ازاي عشان ما يحصلش خبطة تانية

47
00:15:50.000 --> 00:16:05.950
عارفين التخلص فين كلمة كل الطعام هو في حاجات تانية كان ممكن في الدين ربنا ياخدها ويتكلم بها. لكن الطعام هنا مناسب عشان نعمل به حسن تخلص. ركز بقى معي في الحتة دي عشان تحاول نفسي

48
00:16:06.100 --> 00:16:27.150
يعني ما ربنا يقدرني وابسطها بس لما تسمع كلمة كل الطعام وانت شبعان انت شرعا دلوقتي ايه لسة متغدي كلوا الطعام لكن لو انا صايم وفاضل لي نص ساعة على الفطار هابقى انا هفتان

49
00:16:27.300 --> 00:16:54.100
اما اسمع كلمة كله الطعام لعابي هيسيل هيجري. هم. لاني جعان بس هو مش بالضرورة الجعان بيبقى جعان عشان صايم ممكن يكون جعان لانه فقير فلما فقبل ما ربنا يقول كلوا الطعام الاية اللي قبلها قال لن تنالوا البر حتى

50
00:16:54.100 --> 00:17:20.250
تنفقوا مما تحبون امن الفقير ان ناس اغنياء ينفقوا مما يحبون يعني يخرجوا انواع الطعام الجيدة اللي  دي الحاجات البسيطة اوي اللي مش هيشوفها الا القارئ المتدبر المتمرس اللي هي يعني احنا بقى لنا النهاردة سبعمية خمسة وتمانين يوم

51
00:17:20.400 --> 00:17:35.450
المفروض بقى الحاجات دي بتشوفها بسهولة بقى. كل الطعام جت من بعد تنفقوا مما تحبون خلي بالك الانفاق مع الدهب عمل حسن تخلص هناك. لكن مما تحبون يعني من لحم الكتف

52
00:17:35.650 --> 00:17:55.300
يعني حمام محشي يعني حاجات كده حلوة ها وبعدها كل الطعام عملت معك حسن تخلص ونقلت من الاخلاق والايثار على العقيدة وملة ملة ابراهيم من غير ما تشعر انك اتخبطت

53
00:17:55.750 --> 00:18:19.750
يا رب اكون ايه وضحتها. مش عارف هي طبعا ممكن تكون مش مؤثرة في المعنى. الرئيسي بتاع الايات لكن يعني الايات بتتكلم عن عقيدة التوحيد لكن لها تأثير غير مباشر في النفوس. انما يحصل تغير في الموضوعات مفاجئ ده هيؤثر في نفسيتك وانت بتقرأ

54
00:18:19.900 --> 00:18:45.050
وحتى تلقيك لايات بتتكلم في العقيدة مش هيكون تلقي سلس. مهم تبقى استريح كده وانت بتقرا  الكهرباء معي خمسة وتسعين قل صدق الله فاتبعوا ملة ابراهيم حنيفا وما كان من المشركين

55
00:18:45.550 --> 00:19:13.650
الكلام لليهود للمسلمين اليهود قالوا انتم توجهتم لكعبتكم وتركتم بيت المقدس ولو كنتم على ملة ابراهيم فعلا ما كنتوش تركتم بيت المقدس؟ الاية ستة وتسعين ان اول بيت وضع للناس للذي ببكة مباركا

56
00:19:14.050 --> 00:19:44.250
وهدى للعالمين فيه ايات بينات مقام ابراهيم ومن دخله كان امنا. ولله على الناس يحج البيت من استطاع اليه سبيلا. ومن كفر فان الله غني عن العالمين قل يا اهل الكتاب لم تكفرون بايات الله والله شهيد على ما تعملون

57
00:19:44.650 --> 00:20:03.650
قل يا اهل الكتاب لم تصدون عن سبيل الله من امن تبغونها عوجا وانتم شهداء وما الله بغافل عما تعملون طب ايه علاقة الردة او يعني انا اسف. ايه علاقة

58
00:20:03.900 --> 00:20:32.300
الرد ده بابراهيم يعني هم بيقولوا انتم توجهتم للكعبة وتركتم بيت المقدس ربنا راح مدي الرد ده طب ده علاقته ايه بابراهيم؟ هو مين اللي بنى البيت في مكة؟ يعني لما ربنا يقول ان اول بيت وضع للناس للذي ببكة مباركا. وهدى للعالمين. هو مين اللي بنى البيت؟ ما هو ابراهيم

59
00:20:33.100 --> 00:20:55.800
فلو انتم بتنتسبوا لابراهيم فعلا المفروض يكون هذا البيت هو قبلتكم وكفاية بقى صد عن سبيل الله. ما تحرفوش بقى ذكر مكة وشعائر الحج المذكورة في كتابكم  ما اتحرفوش. كفاية صد عن سبيل الله

60
00:20:55.950 --> 00:21:22.550
والقرآن هنا استخدم بكة للذي ببكة مباركا وبكة هو اسم مكة في مزامير داوود في الكتاب المقدس بتاع المسيحيين وبتاع اليهود المزمور اربعة وتمانين وادي بكة. طبعا فيه فيديو انا اللي نشرته النهاردة

61
00:21:23.300 --> 00:21:39.150
وقفنا عليه الدكتور بسام جرار بارك الله فيه يعني ده استازنا وشيخنا الفيديو ده عنوانه هل ذكرت مكة في الكتاب المقدس وجبت التحريفات اللي حصلت في الترجمة العربية خصوصا عايز اقول لكم ان

62
00:21:39.350 --> 00:22:06.400
ان التحريف اكتر تحريف حصل الانجيل النسخة العربية عشان المسلمين لغتهم الاولى العربية تم تحريف يعني مسلا انا فاكر في انجيل متى ازن اصحى ستة وعشرين او حاجة زي كده ان السيد المسيح في كل الاناجيل اللي في الدنيا بكل اللغات. مشى قليلا ثم سجد

63
00:22:06.400 --> 00:22:30.900
ده على وجهه يعني في الانجيل الانجليزي كده بيقول لك ايه نزل على وجهه يصلي. يبقى سجد الانجيل العربي بس نزل على ركبتيه يصلي ليه؟ عشان عشان ما يبقاش شكله زي الايه السجود بتاع المسلمين. هنا بقى بكة اتشالت عشان دي بكة موجودة في القرآن

64
00:22:31.100 --> 00:22:47.650
حطوا بقى حاجات كتير هتتفرجوا على الفيديو وادي البكاء وادي البلسان وادي البقا وادي كمية حاجات غريبة ما لهاش اي دعوة لكن كل الاناجيل الانجليزي بكة بكة بكابتال بي ، يعني ده اسم اسمه بكة

65
00:22:48.200 --> 00:23:09.300
هو اسم مكة   وبعد ايه بقى؟ يعني الحتة دي مشروحة في الانجيل او في المزمور بتقول بتتكلم عن ناس معتكفين في بيتك يا رب. ماشي ينتقلون من جبل الى جبل الصفا والمروة

66
00:23:09.500 --> 00:23:38.100
يهللون لبيك اللهم لبيك. لبيك لا شريك لك لبيك. ان الحمد والنعمة لك والملك. لا شريك لك  وصف الحج في البيت الحرام بين جبلين الصفا والمروة ومع اه رفع الصوت بالتهليل. في ايه يا وبكى الكلام ده بيتم في بكة. سبحان الله

67
00:23:38.850 --> 00:23:48.850
هنقول كم ده عشان كتير كده كان يجي يقول لك ايه انت بتتكلم كتير ان فيه اشارات للنبي في الكتاب المقدس طب ادينا مسلا مسال ده الامسلة كثيرة جدا عشان تبقوا عارفين جدا. طيب

68
00:23:49.750 --> 00:24:11.600
آآ ارجو تتفرجوا على الحلقة دي يا جماعة انا عايز اقول لكم ان مكة اسمها مكة في القرآن. بس في الاية دي بالزات عشان بتخاطب اليهود قال لهم بكة ارجعوا بقى للمزمور اربعة وتمانين لكن لكن مسلا في سورة الفتح ربنا قال آآ

69
00:24:11.650 --> 00:24:27.450
آآ هو الذي كف ايديهم عنكم وايديكم عنهم ببطن مكة من بعد ان اظفركم عليه. بيتكلم في سورة الفاتحة عن عن الفتح. فهي اسمها مكة. في القرآن برضه لكن هنا بكة. زي الاسم اللي ذكر فيه المزمور

70
00:24:27.450 --> 00:24:52.300
اربعة وتمانين من مزامير داوود طيب لكن اه طيب يبقى قلنا اول بيت وضع للناس للذي ببكة مباركا مباركة لان بتتجمع عنده القلوب قلوب العباد كلها بتتوجه الى هذا المكان

71
00:24:52.700 --> 00:25:10.350
بنصلي في دوائر حوله والدوائر تتسع تتسع تتسع الى انها تفرش على وجه الارض كله فالانسان مننا وهو واقف بيصلي حتى لو واقف يصلي لوحده في بيته عارف ان فيه اخوة واخوات في الدائرة دي معه لكن مش بالضرورة واقفين جنبه هو مش شايفهم لكن

72
00:25:10.350 --> 00:25:32.100
ممكن في البرازيل في اليابان فالكعبة بتوحد الناس دي في العبادة بحيث انهم يتوجهوا بقلوبهم ووجوههم في اتجاه واحد ايه اللي بيوحد الابيض والاسود والعربي والهندي والرجل والمرأة اللي بيتكلموا لغات مختلفة ولهم ثقافات مختلفة

73
00:25:32.150 --> 00:25:51.250
هذه الوحدة وحدة الامة في عبادة الله دي هي دي هدى للعالمين. دي الهداية توحيد الناس بهذه الطريقة على فكرة اية من ايات الله. ففي طالب سأل استاز في احدى الجامعات الامريكية

74
00:25:51.600 --> 00:26:10.850
انت لو عندك في مكان اتنين مليون شخص بيتحركوا في كل اتجاه عشان تصفهم صفوف منتزمة في شكل دوائر منتزمة مزبوطة محتاج وقت قد ايه الاستاز قال له لأ يعني طبعا الساعات

75
00:26:11.050 --> 00:26:24.350
ما اعرفش ممكن تلات اربع ساعات ما اعرفش بس هنحتاج وقت طويل راح مشغل له فيديو ورا له الطواف زحمة جدا وناس داخلاها خارجة ومرة واحدة اقيمت الصلاة في اقل من دقيقة

76
00:26:24.750 --> 00:26:50.250
ملايين واقفين دوائر منتزمة. كالبنيان المرصوص اية دي من ايات الله فيه ايات بينات مقام ابراهيم ومن دخله كان امنا ولله على الناس حج البيت من استطاع اليه سبيلا. ومن كفر فان الله غني عن العالمين

77
00:26:51.100 --> 00:27:11.650
فيه ايات بينت. هذا البيت فيه ايات من ايات ربنا بركة فيه هدى بنروح وبنتعب هناك وبنعيا وكلنا بنرجع عيانين لالتقاء فيروسات العالم عشان تبقوا عارفين ورحلة مرهقة بنرجع تعبانين وبناخد اجازة من شغلنا اسبوع وبنبقى

78
00:27:11.750 --> 00:27:37.600
وبرضو عاوزين نروح تاني وبرضه القلوب بتبقى يعني بترفرف كده لما تسمع او تشوف الادان في التليفزيون عايزة تذهب مرة اخرى شيء غريب بيربط القلوب بهذا المكان يعني دايما اوامر ربنا مرتبطة بالايمان يا ايها الذين امنوا كتب عليكم الصيام كما دايما يعني ربنا يقول يا ايها الذين امنوا

79
00:27:37.600 --> 00:28:02.050
اقيموا الصلاة واتوا الزكاة من هنا ولله على الناس حج البيت بيفكرك بان احنا اصلنا كلنا اصلنا انساني احنا ناس البيت ده بيوحدنا رجعك للاصل الانساني بتاعك قال لك لله على الناس حج البيت

80
00:28:02.600 --> 00:28:16.900
شيء غريب يعني هذا البيت هو مقام ابراهيم. الحرم كله اسمه مقام ابراهيم. ولكن في ناس بيعتبروا المقصود هو الحجر اللي وقف عليه سيدنا ابراهيم يتمم بناء الكعبة والحجر ده عليه اثار اقدامه

81
00:28:20.350 --> 00:28:33.850
احب اقول لكم ان ما فيش حاجة مؤكدة بتقول ان الحجر ده كان بيشتغل زي الاسانسير بطريقة اعجازية. طالع نازل عشان سيدنا ابراهيم وسيدنا اسماعيل يبنوا الكعبة. ما فيش حاجة بتقول كده

82
00:28:34.800 --> 00:28:53.200
ما فيش حاجة كمان بتقول ان اقدام سيدنا ابراهيم غاصت في الحجر. ما فيش حاجة برضو بتقول كده خلاص طيب سيدنا ابراهيم يا جماعة اخد تعليمات ببناء البيت ازا في يعني انا لما حد يقول لحد ابني بيت هيقول له انا عايزه بارتفاع كزا عرض كزا

83
00:28:54.050 --> 00:29:11.900
فسيدنا ابراهيم اراد ان يتمم بناء البيت. وما يبقاش البيت ده قصير اقصر من قامة الانسان. يبقى بيت ازاي وهو اقصر من قامة الانسان فما فيش هناك لا سلالم ولا بتاع. فجاب حجر وبقى ينقل الحجر كل شوية ويقف عليه عشان يحط

84
00:29:12.100 --> 00:29:39.500
يعني يزود حجر كمان اعلى من ارتفاع طول الانسان ده اتمام ده ده اهتمام واتقان في العمل هو وسيدنا اسماعيل بقوا ينقلوا الحجر كل شوية ويقفوا عليه عشان بيعلوا البيت يبقى اعلى من ارتفاع الانسان. هتقول لي طب ايه اثار الاقدام؟ الله اعلم. ممكن جدا. عشان بيطلع

85
00:29:39.500 --> 00:29:59.500
حجر كتير وبيستلم حجره وبيحطه يكون خايف انه يتزحلق او يقع فبيعمل عملية حفر في الحجر بحيس ان رجليه لما تخش تدخل تبقى سابتة ما يتزحلقش ما يقعش. يعني مش بالضرورة ان دي فيها معجزة خالص عشان تبقوا عارفين. ولكن ده دليل على الاتقان الشديد والاهتمام الشديد

86
00:29:59.500 --> 00:30:20.000
في بناء البيت ده سيدنا ابراهيم وسيدنا اسماعيل اجتهدوا انهم يعملوا احسن ما يستطيعوا  وهذا المكان بقى اللي هو واد غير ذي زرع ربنا قلبه الى محمية طبيعية. لا يقتل فيها حيوان ولا طير وممنوع فيها

87
00:30:20.000 --> 00:30:37.050
ممنوع فيها قطع الاشجار من دخله كان امنا التاريخ اسبت ان الكلام ده مش صحيح. وسيدنا عبد الله بن الزبير من العوام اضرب بالمنجنيق وقتل في قلب الحرم. ومش عارف آآ حاجة

88
00:30:37.050 --> 00:30:54.550
الموضوع بتاع السبعينات ده اللي هو المجموعة اللي دخلت احتلت الحرم وضربت نار ومات فيه ناس وبتاع لا لا الناس مش فاهمة. ومن دخله كان امنا دا تكليف الناس فاهمة ان ده ايه

89
00:30:54.750 --> 00:31:10.800
ان ربنا بيتكلم عن شيء آآ حالة لابد انها بتحصل. لا لا ده ربنا بيكلف الناس كده ومن دخله كان يعني تؤمنه الناس لما تدخلوا. الناس جوة المفروض ما تتسرقش ما تتنشلش. ما حدش يضرب حد ما حدش يخبط حد ما حدش خالص

90
00:31:11.300 --> 00:31:23.000
ده امر من الله ان اللي يدخله يبقى قايم لك ده مش معناه ان اللي بيدخله بيبقى امن فاهمين اقصد ايه؟ فده امر من الله. ده تكليف  حكم شرعي يعني

91
00:31:23.900 --> 00:31:42.850
في الجاهلية احترموا الكلام دوه يعني في الجاهلية يقول لك كان الرجل يرى قاتل ابيه يمشي عند الكعبة ولا يستطيع ان يثأر منه. ما يقدرش يمد ايده عليه. اللي قتل ابوه بس عند الكعبة الكعبة لها احترامها. الكفار كانوا بيحترموا الكعبة

92
00:31:45.200 --> 00:32:05.800
ولله على الناس حج البيت من استطاع اليه سبيلا دي الاية الوحيدة اللي فرض بها الحج واصبح الحج الى بيت الله الحرام ركنا من اركان الاسلام لان بعدها ومن كفر فان الله

93
00:32:05.800 --> 00:32:29.300
الله غني عن العالمين. تغليظ لخطورة عدم الحج للمستطيع ولله على الناس حج البيت من استطاع اليه سبيلا. يعني مستطيع ماديا انه يروح ومستطيع صحيا كمان انا بصراحة بيزعجني جدا اني اشوف شباب كتير

94
00:32:29.450 --> 00:32:46.050
مش بيفكروا في الحج خالص. اصل الحج غالي لسة عايز اتجوز ولسه عايزة اعمل جاليه وعايز اجيب عربية ولازم اجيب شقة وبادفع اقساط لا الحج ييجي قبل كل ده تعمل ايه بقى ؟ تحوش كل يوم جنيه

95
00:32:46.950 --> 00:33:07.050
بنية ان ده بتاع الحج ابدأ خطط واستعد للحج هتجد قوة بتسحبك على الحج وبترتب لك كل حاجة. بس انت تعزم وتبدأ اول خطوة انت اللي محتاج تحج خلي بالك

96
00:33:07.100 --> 00:33:28.750
ربنا مش محتاجك ولله على الناس حج البيت ده عشان يقول لك اهميته لكن انت اللي محتاجه انت فاكر ان آآ ده حق ربنا عليك يعني ربنا محتاجك لا ومن كفر فان الله غني عن العالمين. كفرة هنا ممكن تبقى كفر بنعمة بنعمة البيت وبنعمة

97
00:33:28.750 --> 00:33:50.400
الحج مش بالضرورة انها كفر يعني كفر من الاسلام. وان كان استغلوها ايضا عشان يثبتوا بها ان الحج من اركان الاسلام غير طبعا السنة طبعا ورد بالسنة هذا. لكن من الكتاب من القرآن هي دي الاية اللي بتفرض الحج وبتجعله ركن من اركان آآ الاسلام

98
00:33:50.450 --> 00:34:07.200
بصوا يا جماعة الدين ده دين الجماعة مش دين فردي احنا بنصلي في اليوم خمس مرات. والسنة نصلي جماعة على قد ما نقدر فاهل الشارع هيتقابلوا كل يوم ممكن تلات مرات

99
00:34:07.500 --> 00:34:24.850
ومرتين بصلي في المسجد بتاع اللي جنب الشغل بتاعي. فبرضو بقابل اهل الشارع اللي هناك اللي يغيب يوم والتاني التالت بيبقوا عنده بيزوروه ده المفروض. بيتفقدوه عشان يشوفوا احواله ايه. هو غايب ليه بقى له يومين

100
00:34:24.900 --> 00:34:47.550
احسن يكون مريض او احسن يكون عنده مشكلة. هم. طيب ده اجتماع بيتم للجيران خمس اجتماعات كل يوم احضر منها على قد ما تقدر يوم الجمعة بقى السنة اغلاق المساجد الصغيرة دي. واهل القرية او اهل الحي يجتمعوا في المسجد الجامع اسمه

101
00:34:47.550 --> 00:35:14.750
سامع لانه كبير بيجمع اهل الشوارع دي كلها الحي كله بيصلي في المسجد الجامع العيدين السنة اغلاق الجوامع ويخرج اهل المدينة كلهم الى الخلاء. يعني المنطقة المفتوحة اللي برة المدينة عشان تسعهم كلهم ييجوا كلهم بقى بالعيال وكله

102
00:35:15.900 --> 00:35:40.750
يبقى اجتماع يومي خمس اجتماعات اجتماع اسبوعي واجتماع نصف نصف سنوي الفطر وفي الاضحى مرتين في السنة. ومرة واحدة في العمر يبقى عضو في الوفد بتاع بلدك. اللي هيشارك في الجمعية العامة العمومية لمسلمي العالم

103
00:35:40.750 --> 00:35:57.400
في مكة البيت الحرام الجنرال السيمبلي بتاعة المسلمين. الجمعية العامة اللي هو الجمعية العمومية لذلك امير الحج ده اللي بيقود الناس في الحج ده المفروض ان هو منصب سياسي اصلا. ده المفروض

104
00:35:58.200 --> 00:36:31.400
طيب نقرا بقى كده الايتين دول وايه ونختم النهاردة ان اول بيت وضع للناس للذي ببكة مباركا وهدى للعالمين فيه ايات بينات مقام ابراهيم ومن دخله كان امنا ولله على الناس حج البيت من استطاع اليه سبيلا. ومن كفر فان

105
00:36:31.400 --> 00:36:54.400
ان الله غني عن العالمين اللهم انا نسألك حبك وحب من يحبك وحب كل عمل يقربنا الى حبك اللهم ما رزقتنا ما نحب فاجعله قوة لنا فيما تحب. وما زويت عنا مما نحب فاجعله فراغا لنا فيما تحب

106
00:36:54.400 --> 00:37:24.400
اللهم اجعل حبك احب الينا من اهلينا واموالنا ومن الماء البارد على الظمأ. اللهم حببنا اليك الى ملائكتك وانبيائك ورسلك وعبادك الصالحين. واجعلنا ممن يحبك ويحب ملائكتك وانبيائك ورسلك وعبادك الصالحين. اللهم احي قلوبنا بحبك. واجعلنا لك كما تحب. اللهم اجعلنا نحبك بكل

107
00:37:24.400 --> 00:37:52.000
لقلوبنا ونرضيك بكل اجسادنا. اللهم اجعل حبنا كله لك وسعينا كله في مرضاتك اللهم اجعل القرآن الكريم رابع قلوبنا ونور صدورنا وجلاء احزاننا وذهاب همومنا وغمومنا ومغفرة ذنوبنا. اسأل الله العلي العظيم ان يجعل هذا التدبر في ميزان حسناتي وحسناتكم

108
00:37:52.000 --> 00:38:13.150
جميعا اللهم فاطر السماوات والارض عالم الغيب والشهادة انت تحكم بين عبادك فيما كانوا فيه يختلفون. فبحق كل حرف فيه في كتابك تلوناه او تدبرناه. اكفنا واهلينا واخواننا واخواتنا شر كل من يكيد لنا ولهم. واحفظنا واياهم من

109
00:38:13.150 --> 00:38:41.350
ونجعلك اللهم في نحورهم فانت الوكيل ولا حول ولا قوة الا بك اللهم بحق كل حرف في كتابك تلوناه او تدبرناه. ايد بنصرك المرابطين في الارض المباركة فلسطين اللهم سدد رميهم وخيب رمي عدوهم. وكن مع اخواننا في تركستان الشرقية وفي كشميرا وفي سريلانكا

110
00:38:41.350 --> 00:39:01.350
وفي الهند وفي الشام وانصر يا رب من نصرهم واخذل من خذلهم وطهر المسجد الاقصى من الدنس فانهم لا يعجزونك واكتب لنا ختم القرآن فيه. اللهم انك تعلم ان هذه القلوب قد اجتمعت على كتابك وعلى محبتك. والتقت يا رباه

111
00:39:01.350 --> 00:39:28.750
على طاعتك وتوحدت على دعوتك وتعاهدت على نصرة شريعتك فوثق اللهم رابطتها وادم ودها واهدها سبلها واملأها بنورك الذي لا يخبو اشرح صدورها بفيض الايمان بك وجميل التوكل عليك. واحيها يا ربنا بمعرفتك. وامتها يا مولانا

112
00:39:28.750 --> 00:39:45.300
كان على الشهادة في سبيلك. انك نعم المولى ونعم النصير. وصل اللهم وسلم على محمد وعلى اله وصحبه ومن تبع هداه. والسلام عليكم ورحمة الله. ونراكم غدا باذن الله في نفس هذا الموعد. ان كنا من اهل الدنيا