الحمد لله واشهد ان لا اله الا الله وحده لا شريك له واشهد ان محمدا عبده ورسوله صلى الله عليه وسلم. اما بعد. مرحب بكم في لقاء جديد مع آآ قصص النبي عليه الصلاة والسلام نتعلم مباشرة من رسول الله صلى الله عليه وسلم يتلقى منه التربية والتزكية بشكل مباشر. وكأننا نحن الصحابة ونحن الان نسمع قصة من النبي عليه الصلاة والسلام استهينوا بالقصة وقد تربى عليها اصحاب رسول الله صلى الله عليه وسلم. وكل ما ناخده قصة ونشوفوا كم الفوايد اللي فيها. هتعرفوا قيمة القصة في التربية لا اقول تربية الصغار بل تربية الكبار ايضا. تمام اه قصة بين ايدينا قصة مشهورة جدا يمكن من اشهر قصص النبي عليه الصلاة والسلام لكن دورنا النهاردة ان احنا اه نطلع منها فوايد يعني اه اقل من ينتبه اليها وهي ما من قصة الا فيها عشرات عشرات الفوائد. لكن في العادة القصة في الخطاب الدعوي آآ بتختزل في فايدة او فايدتين او تلاتة لكن آآ مش دورنا ان احنا نعمل كده. دورنا ان احنا نطلع اغلب ما فيها من الثمرات والفوايد في العادة القصة بتدور حول معنى كبير صح وبيبقى تركيز اي حد بيتكلم في القصة دي على موضوع واحد لكن الحقيقة ده من من ظلم القصة. ان القصص بيبقى فيها عشرات الفوائد. عشرات الفوائد. لكن تحتاج بس تأمل وصبر تلاقي نفسك كده ايه طلع واحدة واحدة. كل واحدة فيهم تحل لك مشاكل كتير واحيانا بتكون الفايدة الجانبية آآ تأثر في واحد اكثر من الفائدة الرئيسية النهاردة هنشوف نموزج من كمية فوايد كتيرة جدا في قصة هي مشهورة جدا ومعروف هي بتساق لاجل ماذا؟ يعني ايه الفايدة الرئيسية منها وهي القصة الشهيرة المعروفة بقصة قاتل المئة نفس. قاتل المئة نفس. قصة شهيرة جدا. يمكن كلنا عارفينها رجل قتل مئة نفس اه دل على عالم راهب وعالم والكلام دوت طيب قاتل مئة نفس القصة ديت مشهورة بتساق في سياق ايه؟ سياق الكلام على سعة رحمة الله والكلام دوت. لكن هل هي بس صيغة لاجل هذا اكبر من ذلك بكثير خلونا الاول نسرد القصة عادي زي ما جاءت في السنة. وبعد كده نمسك بقى ايه؟ حتة حتة ونمشي معها. تمام؟ هذه القصة وردت في اه يعني الصحيح من حديث ابي سعيد رضي الله عنه وارضاه. قال النبي صلى الله عليه وسلم كان فيمن كان قبلكم رجل قتل تسعة وتسعين نفسا. حلو مش حلو اكيد فسأل عن اعلم اهل الارض تدل على راهب فاتاه وقال انه قتل تسعة وتسعين نفسا. فهل له من توبة فقال لا فقتله فكمل به المئة ثم سأل عن اعلم اهل الارض تدل على رجل عالم وقال انه قتل مائة نفس. فهل له من توبة؟ فقال نعم ومن يحول بينك وبين التوبة. انطلق الى ارض كذا وكذا. فان بها اناس يعبدون الله تعالى فاعبد الله ايه معهم. ولا ترجع الى ارضك فانها ارض سوء فانطلق حتى اذا نصف الطريق اتاه الموت فاختصمت فيهم ملائكة الرحمة وملائكة العذاب. فقالت ملائكة الرحمة جاء تائبا مقبلا بقلبه الى الله وقالت ملائكة العذاب انه لم يعمل خيرا قد فاتهم ملك في صورة ادمي فجعلوه بينهم فقال قيسوا ما بين الارضين. فالى ايتهما كان اقرب او كان ادنى فهو له تقاسوا ما بين الارضين فوجدوه ادنى الى الارض التي اراد اللي هي ارض الخير في رواية بشبر فقبضته ملائكة الرحمة وقال الحسن تعليقا على الحديث ذكر لنا انه لما اتاه الموت نأى بصدره. يعني هو كمان ما كانش قريب من الارض دي لكن هو في الاخر عمل حركة كده راح ايه نقى بصدره فالحركة اللي عملها دي هي دي الشبر اللي فرقت في الاخر اه شبر. فهو لو عمل بصدره كده يبقى عمل شبر تقريبا روى نائب صدره فكان الفرق ايه؟ شبر في روايات ان الله تعالى اوحى الى الارض هذه الارض ان تباعدي لارض الشر والى هزه الارض انت قربي قبل ما اقيسه على طول فقاسوا ما بين الارضين فوجدوه ادنى الى الارض التي اراد بايه؟ بشبر. هذا هو الحديث باختصار مشهور جدا حديس قاتل الميات ايه؟ قاتل مائة نفس. طيب خلينا بقى نقف مع وقفات مع هذه القصة نمسكها واحدة واحدة اول وقفة معنا ان هذا الرجل قتل تسعة وتسعين نفس ولكن جاءت لحظة لحظة يقظة كده اللي هي كده واقف مع نفسه ايه اللي انا بعمله دوت وانا هفضل كده لغاية والمفروض اتوب وما ينفعش اكمل كده وهي دي اول اول منزلة لو مسلا ابن القيم في مدارج السالكين بيتكلم في اول منزلة من منازل العبد في ايه؟ اليقظة دي اليقظة دي اللي هي ايه؟ الدنيا نورت كده وعادت. ايه اللي انا بعمله دلوقتي سؤال عادي بقى وانت قاعد كده بقى لك سنين بتعصي سنين بتشرب سنين بتعمل اباحية سنين بتمشي مع بنات سنين بتمشي تعمل منكرات سنين بتسرق ما فيش ما فيش مرة جه في بالك السؤال دوت لكن في مرة كده ما تعرفش ايه اللي حصل كنت رايق كان في حد ميت كنت مريض آآ شفت موقف مؤثر فجاء لك كده خاطئ كده نسميه اليقظة اللي هو ايه انا بعمل ايه هنا هفضل زفت كده لغاية امتى وامتى هتوب ؟ اللحظة دي اللحظة دي جت لقاتل مئات نفس وعايز ادل اللحظة قد تأتي لاي احد مهما عمل يعني لا يمكن آآ نيأس من احد ان الله قذف في قلب هذا الرجل هذا الخاطر. اللي هو ايه؟ انا هبطل امتى؟ عائز اتوب. طلبت معه يتوب. قمت جاي لي بعد ساعات تتوب اه انا عائز اتوب دلوقتي تمام؟ فهنا قاتل مئة نفس اجمل حاجة عملها في القصة كلها ان هو مسك في اللحزة ديت وما افوتهاش ما تخليهاش تعدي لان من اكبر المصائب اللي بتحصل لينا كلنا ان احنا كتير بيجي لنا اللحزة دي لكن بنتجاوزها وبنحاول احنا نعديها يعني ايه احنا اللي بنفوتها وبحاول اغفل نفسي. علشان ما اركزش في الايه؟ في الخاطر اللي جه والانزار اللي قاعد يرن كده في عقلك وقلبك. في حاجة غلط زبط حالك توب فانت تتغافل وتاكل وتشرب وتنام وتنزل وتلاقي نفسك مع اصحابك عشان تسكت الخاطر دون ودي اكبر كارسة ممكن حد يعملها في نفسه. ان دي نعمة من الله سبحانه وتعالى. ان ربنا ارسل لك الخاطر ده اصلا في ناس كتير بيعيش ويموت ما جالوش الخاطر ده اللي هي تطلب معه يتوب ده. يعني دي نعمة من الله سبحانه وتعالى مقاتل مئة نفس ما ضيعهاش. رغم انه من احوج الناس انه يضيعها. لان هو يعني اعمل ايه انا؟ اتوب ايه؟ بتاع الدنيا بعيدة قوي لكن هو ما ضيعش اللحظة دي اللحظة ديت. فلذلك آآ التوبة لحظة. فلا فلا تضيعها اول ما مسك فيها صرع باستثمارها دايما احنا بنحزر الشخص اللي بيأتيه خاطر التوبة ان هو يضيعها. ليه لان احنا عندنا مشكلتين المشكلة الاولانية وهي الخوف من من الا تأتيك بلاش الا تأتيك. خلينا نخوف الاشهر الخوف من ان يأتيك الموت قبل ان تستسمر هزه اللحزة يعني اللحظة دي جات لك امتى هتتوب؟ امتى هتبقى كويس؟ اللي حصل ان انت طنشت مرة جات لك تاني طنشت تاني جات لك تالت طنشت تالت مت قبل ما تيجي لك رابع وقبل ما تستثمرها اصلا تمام كما قال تعالى وانفقوا مما رزقناكم من قبل ان يأتيكم الموت ان يأتي احدكم الموت فيقول ربي لولا اخرتني الى كاجل قريب فاصدق واكن من الصالحين. ولن يؤخر الله نفسا ازا جاء اجلها. والله خبير بما تعملون. عندنا مشكلة اساسية لو انا جاء لي اليقظة ديت وانا آآ رفظتها او انا ما تعاملتش معها بجدية ان انا اه ممكن تيجي لي ثاني لكن انا مش هكون موجود ساعتها تمام؟ يبقى الموت يجي لك قبل ان تستسمر لحظة اليقظة. هذه المصيبة الاولى المصيبة التانية لو افترضنا ان انت مغسل وضامن جنة وقاعد وعندك عهد من الله انك انت مطول لسه في مصيبة تانية المصيبة التانية الا تأتيك هي اصلا مرة ثانية. يعني هتعيش عيش زي ما انت عائز لكن هي نفسها ما تجيلكش تاني. الخاطر ده اللي بيزن زن على دماغك فترة كده وانت طنشته واهملته هو نفسه ما يجيش تاني ويكون ما يجيش تاني عقوبة من الله. تخيل الملك يدي لك هدية انت ترفضها بصور انه هيديك هدية تاني مش هدي لك هدية ايه؟ مش هدي لك هدية تاني اذا فما ظنكم برب العالمين سبحانه وتعالى اذا اهدى العبد هدية زي ايه؟ زي ارادة التوحيد العبد رفضها ومازا تتوقع من الله سبحانه وتعالى؟ تمام الله سبحانه وتعالى الله سبحانه وتعالى يعطي هزه الهدية ارادة التوبة وممكن يحرمك منها ربنا سبحانه وتعالى بين في القرآن ان في ناس اعطاهم هدية ما استفادوش بها قال سبحانه وتعالى ونقلب افئدتهم وابصارهم كما لم يؤمنوا به اول ايه؟ اول مرة ونزروا في طغيانهم يعلمون تمام؟ ربنا قال على المنافقين في غزوة في غزوة تبوك قال فان رجعك الله الى طائفة منهم استأذنوك للخروج فقل لن تخرجوا معي ايه ابدا ابدا. ولن تقاتلوا معي عدوا. ليه؟ لانكم رضيتم بالقعود اول مرة اقعدوا مع الخالقين اقعدوا مع الخالقين لانهم رفضوا اول مرة عوقبوا بالحرمان المؤبد الا تخشى انك انت ترفض هدية الملك مرة هيحرمك منها الى الابد. فازا وارد ان انت تجي لك الخاطر دوت وانت ترفضه او تتجاهله او تتعمد عدم استغلاله فتتحرم من ان هو يأتيك ايه؟ مرة ثانية. والقصص كثير يعني في القصة ديت ان ناس كثير ما استثمروش الوليد ابن المغيرة هو نفسه لما قعد مع النبي عليه الصلاة والسلام وقعد يناقشه ويحاوره والكلام دوت. فقرأ عليه النبي عليه الصلاة والسلام ايات من سورة فصلت. تمام فعاد الوليد ابن الغيرة الى قومه وهم اول ما شافوه قالوا يعني نشهد انه قد تغير. فيه وش ووشه متغير. هو قال قال ان هذا الكلام له حلاوة وان عليه لطلاوة وان اعلاه لمثمر وان اسفله لموضخ وانه ليعلو ولا يعلى عليه. فاوشك ان يسلم لكن طبعا ايه تشويش تشويش تشويش لدرجة ان هو ايه طنش الخاطر دوت واعرض عنه كزلك عقبة ابن ابي معيط عقبة ابن ابي معيط لنفسه اللي هو اشقى القوم اللي وصفه النبي عليه الصلاة والسلام انه اشقى القوم اللي وضع سلى الجزور على ظهر النبي عليه الصلاة والسلام هو نفسه في يوم يعني تقريبا اسلم لما مر النبي عليه الصلاة والسلام مر عليه. فهو رجل عربي كريم فقال له تعال كل معي. قال له والله لا اكل حتى تسلم طلبت معها قال لها ازاي بقى ما ياكلش وتقل والموضوع ويكبر كبر معه. فاسلم خلاص اسلم سبحان الله يعني وخلاص وممكن يحصل اسلامه وممكن بعد كده تيجي معه لقي امية بن خلف وحكى له اللي حصل. قال له الصراحة الراجل جه بتاع احرجني وبتاع. فرحت انا دخلت ليه؟ الاسلام نعم الكرم عشان ياكل معي. فاقسم امير بن خلف الا يكلمه ابدا حتى يزهب الى محمد صلى الله عليه وسلم ويبصق على وجهه ويكفر بالله سبحانه وتعالى وفعلا عزم عليه على زلك وفعلا راح عقبة ابن ابي معيط وعمل كده فما دخل الاسلام في قلب من بعدها قط. وصار يسمى اشقى القوم اللي وضع سلة على ضهر النبي عليه الصلاة والسلام القصص كتير في ناس جات لهم الفرصة مرة لم يغتنموها فحرموا منها الى الابد. حرموا منها الابد. فكل واحد فينا بتجي له لحظة كده كعب ابن مالك حتى في قصة توبة كعب بن مالك في غزوة تبوك جات له اللحزة دي كزا مرة سبحان الله مش مرة واحدة كان كل يوم بيجي له خاطر اطلع اطلع الحق الجيش هو نفسه يروح ايه يسوف ويقول لأ بكرة ان شاء الله بكرة الحقهم بكرة هتجهز انا شاب وسريع ومعي دابة قوية والحق الدنيا يجي بكرة يجي له خاطر اطلع الحقه. فيقول بكرة الحقهم وبعد كده لقى نفسه مش طالبة معه يطلع. فعلا فقد الرغبة نفسها خلاص ما بقاش عايز يطلع وحتى هو بيقول في رواية لا يا ليتني فعلت. يعني يا ليتني استجبت للخواطر اللي جا لي امبارح واللي جا لي اول امبارح. انا النهاردة حاسس ان انا كده ايه خذلت مش عايز اطلع فعلا خلاص خز بقعة الخاطر ما جالوش تاني جاله يومين وبعد كده الحرم منه. تمام؟ فسبحان الله يعني آآ فالتسويف ممكن يؤدي الى ان يكره الله منك العمل كله. ولكن كره الله انبعاثهم فثبطهم. وقيل اقعدوا ايه؟ مع القاعدين. بعد ما تاخد اه بذرة اليقظة دي مش بس انك انت تفرح بها وخلاص. انما لابد ان ترعاها بسرعة وتسقيها بسرعة حتى تصير نبت وتذوق ثمرتها وحلاوتها فاذا لم ترعاها بسرعة فان في في شيطان يا جماعة احنا مش قاعدين لوحدنا وزي ما انت جالك الخاطر ده الشيطان حس بيه وحاسس فيه تغيير عندك في هزه اللحزة في هزه اللحزة سيجمع عليك الجيوش كلها. ده غالبا اي اخد بيفكر يلتزم جديد يشعر بمقاومة عنيفة جدا. ممكن ما يشعرش بها الاخ الاديم اللي ملتزم بقى له زمان. فتلاقي في بداية التزامك بيجي لك خواطر صعبة جدا. ممكن يجي لك وسوسة في العقيدة. ممكن يجي لك وسوسة في الطهارة. ممكن يجي لك وسوسة في الصلاة ممكن يجيلك خواطر كفرية ممكن يعني الدنيا تبوز معاك تلاقي حاجات تقول انا انا عمري ما كنت كده مش عارف ايه اللي بيحصلي انت بيجي لك دلوقتي خواطر التغيير وانت بتحاول ان انت تستسمرها. في جيش يعني الشيطان كان شغال عليك بواحد ولا اتنين لا الراجل هيفلت مننا يا جماعة. متوقع حد فهمان زي الشيطان يعني مش هيسيبك على وضعك دوت ولا هيشتغل بنفس الايه؟ بنفس الطاقة البشرية. هيبعت جيوش في اللحزة ديت عشان يلحقك لانه لو ما لحقش دلوقتي مش هيلحقك. انت الان اضعف ما يمكن فلو دلوقتي ما اتلحقتش مش هتتلحق بعدين ولزلك دايما المعاناة بتبقى في اول التزام. عشان كده الاخ اللي بيشتكي في اول الالتزام من من شوية حاجات كده بتيجي له كلية كانت بتكون الاجابة ان كلنا حصل لنا كده في اول التزامنا وهي مرحلة مؤقتة لن تستمر. هو بيظن المسكين هيفضل كده على طول. هيفضل في الوجع والتوتر والقلق. والوسوسة والخوف والكلام ده هيفضل كتير. قل له اي كلنا عدينا المرحلة دي. ودي مرحلة طبيعية تدل انك انت كويس. لان طالما الشيطان اهتم بك الاهتمام دوت يبقى هو نفسه رأيه الشخصي فيك. انك انت بقيت كويس. يعني دي شهادة والحق ما شهدت به لاعدائه. وهو نفسه بيشهد لك عارف يا وائل وعارف انك انت اي كلام زي كل مرة ورمضان وانت هتصلي تراويح وهترجع تاني عادي هتلاقي الدنيا ماشية معك عادي زي كل ما بيحصل بتصلي ما بيحسش السواسة بتتوضأ ما تحسش الوسوسة الدنيا ماشية عادي. اعرف ان انت مش شغال كويس اول ما تحس بالمقاومة دي اول ما تحس ان انت بتطحن او تحس بمعاناة اعرف ان انت القرار المرة دي بجد بشهادة الشيطان نفسه وهو شاف فيك ان انت داخل فعلا في طريق الهداية بجد المرة دي. مش مجرد آآ نزوة كده في في موسم طاعة ولا بتاع. لأ المرة دي بجد ناوي تتوب بجد يبتدي يخش بقى بكل تقله عليك في اللحزة دي. فلوجدت زلك استبشر اصلا ما تخفش دي بشرى. ان انت صح وتأكد انها مرحلة مؤقتة وتأكد ان الجميع مر بها. وتأكد ان هي لن تدوم. مجرد ما تقتحم العقبة دي وتعديها خلاص تلاقي الدنيا جوة ايه؟ حصيرة والدنيا جميلة. عشان كده اي اخ قديم مش هتلاقيه بيعاني من القصص ديت المواضيع دي بطلناها. اه الشيطان شغال عليه بس مش بنفس القوة ديت. احيانا بييأس كمان من الناس كما جاء في ايه؟ عن عمر رضي الله عنه ما رأيك الشيطان سالكا فجا الا سالك ايه؟ فجا اخر هو هيخاف على نفسه اصلا من سيدنا عمر احسن يأسر في ايجابيا. تمام؟ فالفكرة ان انت على طول خد البذرة ورعاها. ليه بترعاها بسرعة؟ انت بتقاوم دلوقتي حد بيكسرها. يعني انا لما تيجي لي دلوقتي انا عندي جار شرير اول ما يشوفني بزرع هيبتدي يهد في اللي انا بزرعه فانا على طول بعمل سور حوط على الزرعة بتاعتي واعمل حراسة واعمل وردية صبح وليل واحاول اسقي بسرعة واحط تقاوي بسرعة بحيس ان النبتة تقوى حتى لو جه خسر بعد كده مش هيعرف فانا لو ما قرعتش النبتة دي بسرعة نبتة اليقظة دي بسرعة. يوشك الشيطان يهجم هجمة قوية يخطفها منك ويجري. اه تبقى انت يعني حسيتها واستثمرتها شوية بس ما ما راعيتهاش بسرعة. ما قوتهاش بسرعة فاتسرقت منك يعني مش هتقول ان انت اهملتها لأ انت خدت بالك منها وعجبتك وقلت الله الشيخ قال لنا حلوة دي. بس انت ما اهتمتش بها بقى لم ترعاها. عشان كده الراجل ده اول ما جا له الخاطر عمل ايه؟ عمل رعاية قوية جدا عمل ايه؟ سأل عن اعلم اهل الارض. انت متخيل؟ يعني واحد يقول لك ايه عمل لفتة ودور ايه؟ ايه اقوى سور في العالم ايه اقوى حارس شخصي في العالم؟ ايه اجمد آآ ورديات صبحي انا عايز رعاية عنيفة جدا قلبه جامد قوي. سأل عن اعلم اهل الارض. عايز بقى يكمل وعايز يأمن الثمرة بتاعته. عايز يرعاها وعايز حد يقول له اعمل ايه؟ وعايز نفسي ازاي؟ طب اقوي نفسي ازاي؟ رعاية غير عادية. فسؤاله فقط عن اعلم اهل الارض يدل على الهمة العالية ويدل على امر خطير. يدل على ان هزا الرجل بهاء بفطرته يعلم ان له توبة ولولا زلك ما سأل يعني ممكن واحد زي ده يقول هتوب يعني اروح اسأل مين؟ اتنيل على عينك واقعد ساكت. في ستين داهية خلاص ما فيش امل لا هو ما هو بيسأل او اسأل ليه؟ هو فيه فطرة جواه ان اكيد اكيد فيه مخرج. يعني مش ممكن ربنا برحمته ما يعني. انا مش عارف هو حتى وهو بيسأل هو مش عارف فعلا. بس فيه فيه نداء جواه بيقول له فيه بدليل انه لما اتقال له لا سأل تاني. انت ومع انه سأل مع انه هو لما قتل الراهب ما يعرفش ده راهب هم قالوا له ده اعلم اهل الارض قتلوا وهو المصاب بيقول لأ ده مش اعلم اهل الارض اكيد. اعلم اهل الارض لازم يقول لي اه فاهم متخيل الدماغ؟ هو متأكد ان الاجابة اه بس هو عايزها تطلع من عالم وما حدش يقول لي لأ انا مش مصدقك. انا مش مصدقك انا اكيد ربنا يقبلني. ما يقبلنيش ليه طب ويعني طب ايه الحل؟ انا عايش دلوقتي عايش. يعني هل يمكن الامل ينعدم مش ممكن يبقى اكيد لي توأم. هي مسألة بس ازاي فلما اتقال له لا ما صدقش بل قتل قال له لأ انت كداب هاتوا لي واحد غير الراجل دوت هذا يدل على رجاء الفطر وقوة رجاءه في الله. والحقيقة الرجاء ده نفعه. سبحان الله! كان ممكن ييأس من اول واحد. فلما يقول له لا خلاص يكبر دماغه خلاص هو راجل قال لي لأ هعمل ايه يعني انا هجيبها من عندي تمام يعني سبحان الله وهو فعلا لو مش صادق التوبة كان ايه كان زي ما بيقولوا كده حطها في رقبة عالم. قالوا له ده عالم والعالم قال له ما لكش طب وخلاص. هو يا رب اللي قال لي ايه؟ ما لكش توبة انا اعمل ايه بقى؟ فاهم؟ حطها في رقبة واطلع يا سالم. فدايما آآ آآ النداء الفطري اللي جواك ده آآ تتبعوا ممكن واحد احيانا العكس بقى مسلا ايه عايز يسأل دي مسألة هو عارف ان هي حرام. هو هو جواها عارف ان هي حرام دعبس كده على اي حد. فجا له شيخ فايه او سأله فقال له حلال هو لو صادق في طلب الحق في العادة مش مستريح يعني اصل انا عارف ان هي حرام. انا بس عايز شيخ يأكد لي بس معلومة بس ما نضحكش على بعض ما باينة ما انا عمري ما عملتها الا والدنيا خربت معي. فما تقنعنيش ان دي يعني فاهم ازاي؟ ما فيش شيخ قال له فهو صادق فعلا ان هو عايز اتأكد عايز يتوب من الحاجة دي هيروح يسأل شيخ تاني لغاية ما يلاقي واحد واتنين وتلاتة يقولوا له حرام فيطمن طيب توب خلاص عكس التاني بقى في واحد تاني العكس اما يروح يسأل شيخ يقول له حرام يدور على شيخ يقول له ايه؟ حلال شف الفرق بين الاتنين فرق كبير بين الاتنين ده صادق الطلب هو فعلا احساسه الفطري ان ده غلط. والاسم ما حاكى في صدرك وكرهت ان يطلع عليه الناس. هو بيحييك في صدره. عارف ان مش ممكن الاغاني دي تكون تكون حلال يا جماعة. مش ممكن المهرجانات دي تكون حلال. مش ممكن الراب ده يكون حلال في شيخ قال له ما فيهاش مشكلة. انا مش مقتنع باللي انت بتقوله انا مش انا حاسس ان هي حرام انا عايز اتوب ما تشتغلنيش ما تموتنيش. فيروح يسأل شيخه تاني لغاية ما يلاقي واحد اتنين تلاتة اربعة يقولوا له حرام هيبطل بالعكس بقى واحد يتقال له حرام ده مش بيفكر يفكر بالهواء بقى. الهواء نكس الفطرة الهواء بينكس الفترة فاتنكست الفطرة فهو بيدور على حد يقول اول ما حنان ما بيسألش بقى خلاص. يوقف هنا ويقول لك خلاص اهو رغم ان الراجل ده قال له ما لكش توبة بس هو ما رضاش بالاجابة ديت. عنده صدق فعلا في طلب الايه؟ التوبة. طيب اه تعالى بقى نقف شوية مع في شخصية كده محورية القصة وهو اه يمكن اتقالت في في كلمة واحدة فدل على راهب تدل على رهن البني ادم بقى ايه المجرم اللي هو ودى الراجل ده للايه؟ للراهب ده اللي قتل يا راهب في الحقيقة. اقصد يعني ده اللي سبب المشكلة الحقيقية يعني هو الراجل سأل. انا راجل يا جماعة ما بفهمش قولوا لي يا علماء الارض في واحد دله على راهب هزا الراهب وهزا القاتل وعمل مشكلة كبيرة جدا. الراجل ده اكبر مشكلة في القصة. الحقيقة تمام؟ فده ما ناخدش بالنا منه. اللي قال له هو ده انا ما ليش دعوة. انا باقول فين اعلى ما الارض؟ فقال لك ايه؟ هو الراجل ده اكتر واحد بيفهم فينا. فاول شيء هذا رجل ظن انه يحسن صنعا مجرد ان هو دله على على واحد شكله شكله آآ صالح هيبقى الموضوع خلص. يبقى انا عملت اللي علي. هو لم يفهم. ان المطلوب هنا عالم مش مجرد رجل صالح. وان المسألة من اخطر ما يمكن جاي لك واحد هو عارفه اكيد الراجل ده مشهور. يعني ما تقنعنيش ان اللي اتسأل ده مش عارفه واحد قتل تسعة وتسعين نفس اكيد اشهر النار على العالم ده اكبر بلطجي في المنطقة تمام؟ ده يعني خلاص المعلمين كلهم. يعني واحد قتل تسعة وتسعين نفس يا جماعة. وقت تسعة وتسعين نفسه ما حدش قادر يعمل معه حاجة. انت متخيل بيمشي في الشارع عادي يعني ازا ده معدي. يعني كان بيقتل وما حدش يقدر يعمل معه حاجة. يعني هو من الشهرة بمكان ومن الرعب بمكان يعني فبالتالي اكيد اللي اتسأل ده عارفه بنت عارفه وعارف خطورة السؤال رح وديه لاي حد دي كارسة واحد دلوقتي بيسألك دي برضو هتدخلنا في حتة تانية اللي هي العشوائية في تقييم الناس والتخبط والتخليط في العادة آآ الاخوة الايه الطيبين يخلطوا دايما ما بين العالم والعابد والداعية والقارئ والايه؟ المحفز كل دول عندهم ايه؟ شيوخ وخلاص ادي كارسة ممكن تسبب مصايب مش معنى ان اخ طيب بيصلي بنا في الايه؟ في المسجد انه عالم مش معنى ان اخ داعية انه عالم مش معنى ان ان واحد مقرئ انه عالم في فرق يا جماعة. يعني مسلا ما تجيلكش مسألة عجوزي طلقني بالتلاتة وطلقني قبل كده بستمية مرة وحلف علي النهاردة وقال لي هتحرمي علي زي امي واختي فاهي بص الشيخ ده ابن حلال رح اسأله. ايه يا عم وعشان اقرب بالكوسر والاخلاص خلاص هيجاوب عليهم مسألة طلاق بالحجم ده وطبعا يطرح للشيخ فطبعا ده الشيخ بقى الناس كبروني بقى يعني هقول مش عارف بعد كل ده روح ادي اي حاجة عشان بريستيجك وممكن نعيد بيت يعيش في حرام. او ممكن بيت اتخرب وكان فيه مخرج بس هو مش عالم فممكن يضيع او هيفسد بشكل ما. وحتى لو افتى وطلعت صح برضه حرام. ليه؟ لانه افتى بجهل تمام؟ حتى لو اصاب تمام كارسة عندك المجتمع الايه الناس طلبة العلم ملتزمين بالكلام ده ان هم ما بيفرقوش في الكلام دوت. فمجرد واحد قارئ مسلا صوته حلو كويس ومسجل مصحف الشيخ جامد قوي لا هو مش شيخ ولا جامد ولا اي حاجة. هو قارئ جيد بس وده اللي نعرفه عنه. اما ان هو يسأل ويستفتى؟ لا تمام؟ فلان الكل تعرفه عنه انت ما جربتوش في العلم. مجرد تعرف عنه مقاطع دعوية هو ده اللي معروف عنه. سمعته في طلب علم. سمعته في شرح فقه. سمعته في شرح عقيدة؟ لأ فما تفتيش وتقول ده فلان ده جامد وعلامة هات لي رقم وعائز اسأله. تسأله في ايه يقول لك عائز رقم فلان اسأله اسأله في فتوى هو اصلا له اي فتوى على النت لأ ليه شرح اي كتاب؟ لأ هو قال ان هو شيخ. حد قال عليه انه عالم؟ لأ. انت عايز ايه؟ مشهور. بس اهي دي دي دي شهادته ان هو مشهور في مسألة ضخمة زي ديت وحرجة زي ديت تسلم دينك لاي حد الناس كلها افاضل بس انت اللي غلطان انت ايه اللي وداك هنا؟ تمام؟ فطبعا احنا شفنا كوارث كتير في الفترة اللي فاتت بسبب تخليط الشباب بين المشهور وبين العالم حصل ان الناس بقت تحط قول المشهور قصاد قول الايه العالم هيقول له فلان العالم بيقول كزا. بيقول لك طب ما فلان قال كزا وفلان قال كزا. فلان دول مش علماء فلان وفلان مشاهير دعاء مقرئين وعاظ ائمة ازاي تحط ده قصاد ايه؟ قصاد ده وتخلص توازن الكف يقول لك اصل دول ده فريق وده ده مش موجود اصلا انما الاقوال تقول لي عالم قصاده عالم عالم مشهور له بالعلم واشتهر بين اهل العلم فعلا وله مصنفات وله مؤلفات وله شروحات تشهد بعلمه اما تحط لي داعية قصاد عالم او قارئ قصاد عالم احنا بنهزر ده ضيع شباب كتير. وزنوا ان الحق في الكفة دي عشان فيها كتير. والكتير دول اغلبهم ايه دعاء ومقرئينه العلماء يقول لك مش معروف مين ده فعشوائية الراجل دي اللي مش عارف يميز ده. والعشوائية دي عندنا على فكرة. وبنضيع بها ناس كتير مسائل خطيرة جدا. بندل الناس على على ايه؟ على واحد من النص نص نص اللي احنا قلنا عليه دوت. تمام؟ وزي ما قلنا الاسوأ من كده ان ان الراهب اغتر بشهادة الناس ليه انه عالم هو بيقول لك اعلم اهل الارض. فالناس قالوا اه يا عم اعلم اهل الارض اهو. فهو صدق نفسه ما دي مشكلة انت احيانا انت اللي بتفتن الشخص من كتر العمل يحط حواليه هالات ومسميات الشيخ الداعية الفخم الضخم المبجل اللي مغير الشباب واللي مغير الكوالين الابواب ولا في ايه يا عم ايه يا عم يعني انا لو فاهم في مؤتمر امم في المتحدة مش هيقولوا عليا كده انت بتفتن الشخص ادي كل واحد حجمه الطبيعي ما تفتنش حد ده داعية خلاص اخينا فلان خلاص اخونا فلان. مش لازم بقى اللي طويل العمر يطول عمره من سرعة ما هو لازم هفتي اكيد بعديها عيب يعني بعد كل المقدمة دي ما فيش اي هبدة يعني برستيج حتى ما يسمحليش بكده فما تفتنوش الناس. ادي كل واحد حجمه. الشيخ تقول عليه شيخ داعية تقول عليه اخونا. الداعية القارئ المقرئ الواعظ ادي كل واحد حاجة. الالقاب دي بتخدع الناس فخلينا كل واحد نديله حجمه الطبيعي. واللي يزعل يزعل هو ده حجمك عايزين نفتن الناس. تمام؟ آآ فممكن احنا نغر الايه؟ العابد او نغر الداعية بنفسه. فهو اللي يفسد بعد كده. ويستحي قل لا ادري. والحقيقة ان كلمة لا ادري كلمة عظيمة جدا. ليه؟ لان لا ادري توصل الى المعلومة ليه؟ لان انا لو قلت لا ادري سيضطر السائل يبحس عن من يدري فيسيبني وهيروح يسأل حد تاني فيقال له لا ادري هيضطر يدور على واحد تاني. ويتقال له لا ادري. لغاية ما حيوصل في الاخر للاجابة الصحيحة ازا لا ادري توصل الى الاجابة الصحيحة وادري وانت لا تدري تدمر الايه؟ تدمر الدنيا. صلاح النية لا يصلح العمل الفاسد. هذا الرجل الراهب كان نيته خير. قال لك افتيه فصلحت نيته لكن فسد عمله. فلم ينفعه الايه؟ صلاح النية. بل ضيع نفسه وكاد ان يضيع الرجل هو الزي قتل نفسه ويصح فيه ومن الجهل ما قتل ومن الجهل ما قتل. يعني النبي عليه الصلاة والسلام لما بعض الايه الصحابة المبتدئين افتوا رجل عنده جرح عميق في دماغه. قال لهم اغتسل ولا ما اغتسلش؟ قالوا له اغتسل ماية حط ماية اه حط ماية. ما ينفعش لازم ماية معلومة سطحية عنده. راح حط مية على الجرح مات قال النبي عليه الصلاة والسلام قتلوه. شف قتلوه هم اللي قتلوه. قتلهم الله هلا سألوا ازا لم يعلموا انما شفاء العي السؤال. وهذا رجل اسوأ بقى. هذا رجل قتل نفسه بالجهل دي فتوى قتل نفسه. قتل نفسه فضيع نفسه وكاد ان يضيع الايه؟ وكاد ان يضيع هذا الرجل ويعني العجيب ان هزا الرجل لا عنده فقه شرعي ولا فقه واقعي حتى لا فقه شرعي ولا فقه واقعي انا اسألك سؤال. واحد داخل بيقول لك انا قتلت تسعة وتسعين نفس وشايل سلاح وبيقول لك هل لي من توبة لو ما لوش توبة هتقول له ايه؟ يا باشا انت اصلا من اولياء الله الصالحين. يا باشا ده احنا بان احنا اللي نتوب يعني انت معدي انت يا باشا ما لكش ما فيش كلام معك. توب ليه اصلا ما عملتش حاجة. وتطبطب عليه ويمشي. يعني لو الاجابة ما لكش توبة فانت لازم يعني خلاص كده كده ما فيش توبة يعني تفرق معي يعني مش هيفرق معي ان انا ايه روح. المهم ايه امشي من هنا. او تجري يعني لكن تقول له ما لكش توبة ده لا فقه شرعي ولا فقه واقع يعني حتى موازنات كلها بتقول ما ينفعش تجاوبوا كده. يعني الراجل داخل معه سيف وبيقول لك ها ليه يا طب يا حبيبي ولا لا؟ متوقع حضرتك ايه بعد ما تقول له لا اه يعني مش فاهم هو ازاي يعني ازاي قلت كده؟ يعني يعني لو واحد مكانه فعلا لو فعلا ما لوش توبة مش من الحكمة انك كنت تقول له كده حفاظا على ايه؟ على روحك يعني اصل هو كده كده لو هو فعلا ما لوش طابع مش هيفرق معي بقى قل له ايه؟ لك ولا ما لك؟ ما خلاص مش ما فيش اسوأ من كده. قل له اي حاجة بقى. يعني المهم بقى نهرب احنا من من الموقف دوت اه هذا رجل اللي هو دل على الراهب دوت هو نموزج لتضييع الكفاءات نموزج لتضييع الكفاءات تضييع الكفاءات عن طريق تصدير المعارف شخص بنستشيره بنقول له احنا عايزين حد كويس في الموضوع دوت. في الموضوع دوت في تخصص معين والله انا عايز واحد فهمان في الادارة عايز واحد فهمان في التكييفات عايز واحد فهمان في كزا. هات لي واحد. فيجي في باله ايه حبايبه مية مية محترم جدا محترم. ما حدش بيفهم الصراحة. محترم جدا وحبيبي وسقة وبص وتمام. فيدل عليه فيفسد تخيل بقى لو احنا شغالين بالاداء دوت على المستويات الكبيرة بقى. مستويات بقى آآ ادارة دول وادارة المؤسسات وبتاع. كل واحد يدل على اللي هو حبيبه اقرب واحد له ده شيخ المسجد اللي بصلي فيه ده حلو ده انت تعال نسأله فلابد انسان يتجرد اما تيجي تنصح تتجرد ممكن انت تدل على شخص لا تحبه. لكن هو ده الكفر شخص لا تعرفه لكن هو ده الكفر شخص كافر بس هو ده اللي ينفع هنا. النبي عليه الصلاة والسلام خد خريج كافر في رحلة الهجرة. بس هو ده الكفر مش هعمل واجب انا واضيع الهجرة. واخد واحد حبيبي عشان حبيبي وهو ما لوش في الايه؟ في السكة وبكل الهجرة تضيع عشان عشان ده حبيبي. لا تعال كافر كافر تعالى بس هو ده اللي ينفع هنا ولازم يكون في حالة من تجارب ولو اتحط الكفء في المكان الدنيا بتجري ولو ما اتحطش الكفء في مكان انت ضيعت حاجتين. ضيعت الشخص ده وضيعت التاني ضيعت الفرصتين وحرمت اللي انت حطيته ده من المكان اللي كان ممكن يكون فيه كفء. انت صدرته في حتة هي مش بتاعته تمام نعم بعد كده العجيب بقى ان الراجل دوت بعد ما اتقال له لأ ليس لك توبة وقتله. قتل راهب دي جريمة ضخمة جدا يعني تكاد تكون اسوأ جرايمه على الاطلاق قتل راهب وبعد كده العجيب انه ما زال يسأل بعد عمل جريمتين يعني وقع في الزنب تاني بس لسه بيسأل قال دلوني على اعلم اهل الارض. وما زال عنده خاطر جواه ان في حاجة غلط. والراجل ده ضحك علي. واكيد الاجابة مش كده ما زال يطلب ما زال يطلب. هو حس ان الراجل ده مش اعلم اهل الارض ولا حاجة وهو عنده حكمة لا تسلم دينك الا لعالم ازا كنت تسلم بدنك لا ترضى ان تسلم بدنك لنصف طبيب بيقول لك فالدكتور ده اخباره ايه؟ قال لك يعني ايه نص نص مش هترضى تعمل معه عملية لأ هيقولك نص نص خش اطلع نص نص من عندو لأ هاتلي بقى واحد ايه جامد صح انت فبدنك مترضاش تروح لواحد نص نص ما بالك بدينك تسأل هتستفتي خاصة سؤال خطير سؤال مهم سؤال مؤثر يبقى لازم تنقي بقى اللي انت الامر ايه؟ امر دينك. لزلك كان السلف يقولون ان هزا الدين عزيم. فانظروا ممن تاخزون دينكم اه شخصية الراهب يظهر فيها حاجة مهمة قوي شخصية الرعب شخصية عاطفية جدا ودل على تسرعه الفتوى انه استعظم اوي السؤال واجاب عاطفة مش بحسابات شرعية وعقلية ودي مصيبة كبيرة جدا وبتحصل من اغلب الناس ما عدا العلماء. العلماء ما يعملوش كده يغلبوا دايما الحكمة والشرع والعقل على العاطفة. حتى لو كان سؤال فظيع زي دوت هيجاوب بما يعلمه من الشرع مش عشان واحد قال له كده تروح انت ايه لا مش ممكن بقى فاهم تحس ان انا حاسس ان الراهب اجاب اجابة عاطفية جدا ان هو لما سمع الايه السؤال دوت اتخض. اما اتقال له انا قتلت به النفس. فهو بيقول له لك بالتوبة اجاب بسرعة وبعاطفية لا لا مش تسعة وتسعين لا طبعا ما لكش طبق فاهم؟ انت متخيل الجو؟ هو واضح ان هو اجاب عليه كمان لا مؤاخزة بغشومية. دليل ان هو نرفزه هو حس ان هو هب فيه. فواضح ان الاجابة كلها ايه؟ كلها اجابة عاطفية وهذا لا يصلح لا يصلح ان يكون شخص آآ يسأل ويفتي يكون شخص عاطفي والا ممكن العاطفة تحمله على ان يقول غير دين الله سبحانه وتعالى فيتقال له فلان قال كذا وعمل كذا فيتنرفز يقول لا لا لا ما ينفعش الكلام ده مش ما لوش حل هو له حل او يعقد المسألة وهي ممكن تتحل. تمام؟ فالعواطف عموما في القرارات المصيرية لا تصلح لا تصلح لزلك المرأة لا تقبل شهادتها في الجنايات. المرأة لا تصلح تشهد على جريمة قتل ولا تصلح ان تشهد على جريمة زنا ليه؟ لان المرأة عاطفية بطبعها فممكن تشوف جريمة قتل مسلا تشوفها بعينيها. فتروح عند القاضي من كتر ما هي ايه؟ منفعلة تقول كلام زيادة. او ناقص. تمام؟ او تتخيل ان هي شافت حاجات ما شافتهاش من كتر ما هي اتهزت او او اتخافت. او اتأسرت بالمشهد دوت فالشرع رحمها وقال ما تشهدش خالص رحمة بها. عشان حتى لو حصل قدامها حاجة زي كده ما تضطرش تبص اصلا كده كده مش هنستفيد حاجة من نزرك فارحمي نفسك وارحمي الناس لان هي فعلا ممكن تخطئ بسبب ضعف عقلها لما تغلب عليه الايه؟ العاطفة. اما الرجل ممكن ان هو رغم ان هو متأثر جدا باللي شافه يقدر يرتب الاحداث. ترتيب منطقي ويقدر ان هو يوصف لك ايه؟ وصفه حتى انت ممكن تشوف الموضوع ده في اي بنت في اختك في مسلا بيحصل يعني ممكن ممكن من كتر تأسرها تقول كلام مش ما حصلش خالص اصلا الحق مش عارف في ايه؟ في حشرة قد كده في الاوضة. يا ناس حشرة اللي قد كده اللي في الاوضة دي. وكل ناس في العيال كلها بتعيط وبتاع وفين وانت بقى داخل بقى معك بقى ايه رشاش هتعوم مع الحشرة القد كده اللي في الاوضة. تخش هي فين؟ اهي تلسكوب عشان تشوف هو فاهم وتطلع وساخة كانت على الحيطة يعني ما فيش حاجة اصلا هي في كده آآ طبيعة طبيعة تهويل دايما مش قصدي فيها طبعا مش كله كده بس فعلا بيحصل. بس هي في طبيعة العاطفة تؤدي للتهويل والتهويل هيؤدي الى ان انت بتحط المسألة مش في حجمها. والحجم لو مش هو حجمه الطبيعي هيبقى القرار بيترتب عليه قرار غلط اوعد الناس مسلا ممكن ترى زلم بيحصل مسلا الدماء تسال مش عارف ايه فالعاطفة دماء وظلم وبتاع طب نعمل ايه؟ فياخد قرار ايه؟ انفعالي قرار متهور قرار مش محسوب العواقب سيزيد الدماء يزيد الظلم يزيد الفساد ولو سمع صوت العقل في الموضوع ده والحكمة والشرع ينكره ويتهم اللي بيتكلم بالعقل والحكمة وبيحسب حسابات واقعية والكلام ده ان هو متخاذل او ان هو ضعيف او ان هو جبان او ان هو منافق او ان هو عميل لان العاطفة هو عمياه ومش قادر ان هو يستوعب ان دوت ان احنا مش هنعمل كده. وان احنا لازم نعمل ولازم ناخد رد فعل. طب ما رد الفعل هيؤدي الى ماذا طب فكر بالراحة تفكر بالشرع. فكر بالعقل. كل حاجة بتقول لك مش هينفع رد الفعل العنيف. لانه هيزيد الظلم وهيزيد القتل. هو وده بيكثر في النساء للاسف تمام؟ فلذلك في معاناة ان يبقى في قرار مصيري متعلق بمسألة خطيرة زي ديت. ويكون في ضغط من الجانب الايه؟ الجانب العاطفي بيبقى القرارات احيانا متأثرة بالقصة دي. فاللي عايز اقوله ان الراهب غلب جانب العاطفة على جانب العقل فدمر الدنيا دمر الدنيا. وكما قيل العواطف عواصف العواطف عواصف العاطفة لو دخلت في القرارات المصيرية تؤدي الى عاصفة في النهاية ودمار لا يعلمه الا الله سبحانه وتعالى طيب تعالوا كده لو حطينا روشتة للتغيير عملها القاتل دوت الروشتة دي عبارة عن تلات كلمات بالزبط اول حاجة الاعتراف تاني حاجة تحديد الهدف تالت حاجة البحث عن وسيلة للوصول الى الهدف وده دي روشتة اي حد عايز يغير اي حاجة الاعتراف اولا تعترف ان هناك خلل ما. وهذا الاعتراف ينفعك في اي حاجة في الدين وفي الدنيا انا عندي الزنب الفلاني. انا مقصر في صلاة الفجر انا مش كويس في اللغة الانجليزية انا مش بزاكر انا فعلا مش بزاكر ما تسألش نفسك انا ضايع في المادة ديت. ده اسمه اعتراف هنا بداية التغيير. مجرد ما اعترفت بالخطأ دنيوي او اخروي. المهم ان انا اعترفت. بعد كده بتحدد الهدف بقى. ايه هو الهدف؟ اخلص المادة. ايه هو الهدف؟ اخد تلاتة ليفل انجليزي مسلا. ايه هو الهدف؟ اطلع من مأساة الاباحية. اتوب من السجاير. اتوب من الكلام مع البنات. كزا وكزا اصعب بقى كيف تصل الى هدفك؟ احنا ممكن تلاقي واحد واتنين بيحصلوا دايما. انا مقصر في كزا ونفسي اعمل كزا. يبقى انت اعترفت وحددت المطلوب. لكن المشكلة دايما ايه فكان ماذا؟ صوت يعني يعني عملت ايه بعديها؟ ايه بقى الخطوات العملية اللي انت هتوصل بها من الاعتراف الى الى الهدف الراجل ده عمل كل حاجة الصراحة. اولا حدد المشكلة. انا مزنب مقصر. ايه الهدف؟ ان انا اتوب. ايه السبيل دلوني على علم دلوني على عالم انا مش حافز قرآن. عايز احفز قرآن. دلوني على محفز متقن منتزم. ممكن ايه؟ يشد علي شوية كده عشان انا ايه؟ بدلع. خلاص واحدد كده بمساره بالظبط واضح جدا حتى مع نفسه. انا بدلع فعايز محفظ ما يكونش طيب. عايزه يكون شديد شوية معه. ويا ريت يكون جنب البيت عشان ما اكسلش. ويكون متقن ماضي عمل كل الايه؟ خطة واضحة جدا. انا مش فاضي فعايز محفظ يكون مركز معي شوية وما يديني يديني وقتي على قدي عشان انا مش هعرف مش هعرف اقعد في حلقة كتير. هو عايزه شديد عشان انا بتدلع وعايزه يكون متقن عشان ما يعني من الاول كده ايه ناخده نختصر عشان مش هعرف اعيد على شيخ تاني واخد اجازة ما عنديش وقت فخليني مع الاول مع واحد معي اجازة. اه ويا ريت يكون جنب البيت عشان انا مكسل. فلو جبت لي واحد بعيد عن البيت مش هروح له. واضح جدا معلش سالك هو عارف مشكلة انا مش حافز قرآن الحل احفظ قرآن الهدف ايه الوسيلة واحد اتنين تلاتة اربعة راجل محدد جدا وده في العادة اللي بيوصل انا جاهل هدف عايز اتعلم. طيب آآ اعمل ايه بقى؟ خش على النت اقعد اسمع في مقاطع وقلب في شوية مقاطع واسمع الدعاوي يمين وشمال وتقعد انت سنين طويلة قاعد تجمع من الشرق ومن الغرب ولا وصلت لاي حاجة لأ انا عايز منهج. طب منهج مين اللي احطه لك طالب علم كويس او شيخ. طب مين دول؟ طب تعال لي تعال هات لي طلب العلم الكويس دوت اللي سبقني من سنين. طب يا شيخ ما تديني كده كتب وقل لي كل كتاب ده قال لي سبني المستوى الاول المستوى التاني المستوى الاول المفروض ياخد مني قد ايه وقسم الكتاب ازاي واخد انهي درس الاول طب اخد درسين تلاتة في الاسبوع ولا واحد واركز فيه كده انت بتتكلم صح اما الاماني ليس بامانيكم ولا اماني اهل الكتاب. الموضوع مش احلام مش مجرد اناني. انما لو ما فيش في الاخر خطة واضحة الراجل عمل خطة. انا مشكلتي كزا عايز اتوب دلوني على عالم. السكة سالكة. دي روشتة التغيير بتاع اعتراف بالخطأ تحديد الهدف تحديد خطة الوصول الى الهدف صدق هذا الرجل في طلب التوبة ظهر في الاصرار على التوبة الصادق يحاول الف مرة وضعيف الهمة ييأس من اول مرة وهنا درجات الصدق بتختلف وفي واحد صادق والصدق ضعيف. وفي واحد صدق متوسط في واحد صدقه عالي جدا فاللي صدقه كل ما عالصدق بيبان في كثرة محاولاتك للوصول الى نفس الهدف وانا بشوف ناس يعني حتى في في في فيديوهات مسلا اللي هي بتجيب لك رياضيين ومش عارف ايه. ممكن احيانا بقى تلاقي فيديو جايب لك مسلا رياضي. آآ من عشر سنين مسلا سنة مش عارف الفين خد المركز العاشر. وبعد كده يجيب لك الفين واتنين خد التامن. الفين واربعة خد السادس الفين ومش عارف وكام لغاية ما يجي لك مسلا عشرين عشرين طالع الايه طالع الاول. ما يأسش خالص. يعني هو من الاول يقول لك مسلا في النص اتكسر وعمل عملية رباط صليبي ورجع منها وراجع اكمل عادي. وطلع الاول فيه صدق في مش مهم في اي في بس هو واضح طالما في الاصرار الغريب ده ان هو يوصل لهدفه ده يدل على صدق عالي جدا. يعني اولى بزلك اهل الدين وطلبة العلم والدعاة ان هو يكون عندهم صبر على الوصول لهدفهم في واحد مجرد ما يعني يخش في موضوع كده اما يلاقي الدنيا مش سالكة انا خلاص عملت اللي علي ويزن عمل اللي عليه كده خالص فعلا هو يقول لك خلاص ينسحب تماما فتقول يا عم انت يقول لك انا حضرت دروس كتير حسيت ان انا مش فاهم خلاص كده ببساطة جدا ما كلنا ما كناش فاهمين في الاول. يعني انا اذكر ان يمكن قعدت سنة في بداية طالب علم الشام ولا حاجة بس بعد كده بركة بس. قل يمكن افهم فبدأت تلقط معي. الكلام بيتكرر بدأت ايه؟ اه ما دي اتقالت قبل كده وجمع دي مع دي بدأت افهم الايه؟ مصطلحات. كنت قاعدة لشيوخ كبار فبيتكلموا كلام كبير فاهم؟ يعني ما ما ما حدش خدني بالهادي كده. فكل اللي قاعدين جوة الجامدين وانا قاعد في النص كده ايه مش فاهم حاجة فالشيخ بقى معلي بقى بيتكلم بقى فاهم ازاي اسانيد وبتاع وانا فاهم مش فاهم اي حاجة ايه اللي بيحصل ده فاهم ازاي يمكن قعدت مدة طويلة مش فاهم بس بعد فترة طويلة كده بدأت ايه اجمع بقى الكلام اه دي دي بعد كده خلاص اتعودت على الايه؟ على الاسلوب وخلصت. لو واحد حضر مسلا حتى انا للاسف بقى واشفق على اللي بيعمل كده. لما حد مسلا هيلتزم يقول له اوديه طب ايه رأيك نوديه للشيخ فلان؟ اقول له لا ما توديهوش للشيخ فلان ممكن ما يصبرش زي ما انا ايه صبرت ممكن لو فعلا حاولت درسين تلاتة للشيخ فلان يبطل يعني هييأس. هيظن ان هو عنده حاجة مشكلة وكل الناس فاهمة معه ده هو فالشاهد يعني انت ما تيأس يعني مهما كان الامر فيه صعوبة يقول لك السيجارة بتحفظ قرآن لان حفز ضعيف يعني حاول تاني خلاص مجرد ما قلل الحفز. يعني في في مية حل. تمام؟ انا حاولت ابطل العادة السرية كزا مرة وما جتش معي خلاص انا هكمل على اول تاني وتالت ورابع وخامس ازا كنت صادق فعلا سيزهر هدف تكرار المحاولات وبعد كده اذا رأى الله منك فعلا صدق دل عليه تكرار المحاولات هيوصلك زي ما وصل الراجل ده. هو الراجل ده لما كرر المحاولة وصل ان تكرار محاولة كان امارة ان هو صادق فلما صدق مع الله صدقه ايه؟ صدقه الله هل لي من توبة؟ وبعد كده نتنقل لصاحبنا دوت لمين ؟ للعالم. ها الحمد لله. وصل للعالم فقال هل لي من توبة وقال نعم ومن يحول بينك وبين التوبة. خلينا نعرف بقى ايه وقفات هنا الوقفة الاولى هي الوقفة الاشهر طبعا مع القصة دي وهي وقفة التأمل في سعة رحمة الله تعالى. اللي عبر عنها هذا العالم بقوله نعم نعم بكل بساطة نعم بكل بساطة قتل مائة نفس؟ نعم بكل بساطة نعم له توبة ولاضعاف هزا رجل ايضا له توبة قل يا عبادي الذين اسرفوا على انفسهم. لا تقنطوا من رحمة الله. ان الله يغفر الذنوب ايه؟ جميعا ما فيش درجة معينة من الزنوب توصل لها انت كده خلاص عديت عديت الحد الاقصى. ما فيش حاجة اسمها كده. ما فيش حدود لعدد زنوب معين ممكن تعمله يوصلك انك انت خلاص. انت كده ما لكش آآ ما فيش عارض للرحمة لك خلص. ما فيش الكلام ده ربنا سبحانه وتعالى يا جماعة عرض التوبة على ناس ما تتخيلهمش لقد كفر الذين قالوا ان الله ثالث ثلاثة. ايه رأيك في القول ده ده تكاد السماوات يتفطرن منه وتنشق الارض وتخر الجبال هدا ان دعوا للرحمن ولدا. القول ده ربنا قاله في سورة المائدة لقد كفر الذين قالوا ان الله ثالث ثلاثة وما من اله الا اله واحد. تمام؟ وان لم ينتهوا عما يقولون لا يمسن الذين كفروا منهم عذاب اليم. وبعدها افلا يتوبون الى الله ويستغفرونه والله غفور رحيم. ياه ببساطة كده. يعني بعد كل ده اه لو تابوا من القول دوت ورجعوا اليها خلاص. انا حبيبهم انا وليهم انا اقبلهم اصعب من كده ان المنافقين في الدرك الاسفل من النار ولن ولن تجد لهم نصيرا الا الذين تابوا واصلحوا واعتصموا بالله واخلصوا دينهم لله. فاولئك مع المؤمنين وسوف يؤتي الله المؤمنين اجرا عظيما. يا سلام! ده يبقى المنافقين اللي هم في اللي كانوا في الدرك الاسفل انهم من شوية لو تابوا خليهم فوق اعلى عليين. ما فيش مشكلة. اتوب عليهم واقبلهم. رغم ما مكروا في الاسلام اسوأ منهم ان الذين كفروا ينفقون اموالهم. ليصدوا عن سبيل الله فسينفقونها ثم تكون عليهم حسرة ثم يغلبون والذين كفروا الى جهنم يحشرون ليميز الله الخبيث من الطيب ويجعل الخبيث بعضه على بعض فيرقمه جميعا فيجعله في جهنم اولئك هم الخاسرون قل للذين كفروا لينتهوا يغفر لهم ما قد سلف ايه ده ببساطة بعد كل ده انت قريت طبعا اللي في الاول ده قلت تقول له انسى بقى. ده ما لهمش توبة ابدا. تكتشف فجأة مرة واحدة اية بتقول لك ايه ده بعد كل بعد كل ده يعني دول لو بيبطلوا خلاص خلاص؟ اه خلاص قل الذين كفروا لينتهوا يغفر له ايه؟ ما قد سلف فتخيل بقى ان ربنا يعرض التوبة على ايه؟ على امثال هؤلاء. الشاهد يعني ان الله سبحانه وتعالى فتح باب التوبة وهذا اوسع ابواب الله سبحانه وتعالى على الاطلاق الله سبحانه وتعالى جعل الرحمة مائة جزء. مائة جزء. انزل الى الارض ايه؟ جزءا واحدا. به تتراحم ليه؟ الخلائق وابقى لدي تسعة وتسعين جزء. تخيل الجزء ده فيه آآ رحمة الامهات كلهم باولادهم. رحمة آآ جميع الكائنات بابنائهم رحمة النبي عليه الصلاة والسلام بهزه الامة رحمات رحمات كل الرحمات دي كلها في الجزء ايه؟ في الجزء دوت بقى ما ابقى الله عنده من الرحمة كم يسع الناس؟ لو ازا كان الله سبحانه وتعالى كما قال النبي عليه الصلاة والسلام لما رأى امرأة رأت ولدها في السد فاخدته القامته سديها. قال اترون هذه المرأة طارحة ولدها في النار؟ قالوا لا. قال لا الله ارحم بعباده من هذه المرأة ايه؟ من هذه المرأة بولدها الله ارحم بعبادي من هزه المرأة ايه؟ بولدها. وجاء رجل الى النبي عليه الصلاة والسلام رجل كبير في السن لدرجة ان حواجبه واقعة على عينه وقال يا رسول الله ارأيت رجل عمل الذنوب كلها ما ترك حج ولا دجة. خاربها يعني لو قسمت خطيئته على اهل الارض لاوبقتهم واهلكتهم. يعني لو ذنوبه بس اتوزعت على الناس كلهم يخشوا النار وهو شايل لوحده يعني لو قسم زنوبه على الناس كلها اللي ربنا خلقهم كلهم يخشوا النار. استريح انا لوحدي بقى معي كل دول. ايه رأيك؟ بص بيعقدها خالص. يعني هو برضه ده سؤال فقيه. انا بجيب لك الاخر عشان ما يروحش اوسوس فلما اروح. اقول له انا عملت زنوب ليه اصل انا ما قلتلوش عملت ايه ؟ لأ بيسودها خالص. خالص. بيقول له بص من الاخر عملت زنوب انت ما تتخيلهاش انا بس بديك مسال انا لو ذنوبي اتوزعت على الناس كلهم يخشوا النار مستريح ها عشان بس ابقى واضح معك وده من الفقه برضو. ان انت اما تسأل اسأل صح عشان تاخد اجابة ايه؟ صح قال النبي عليه الصلاة والسلام تشهد ان لا اله الا الله واني رسول الله؟ قال له اه تمام انا معك في الحتة دي. ماشي فقالت اعمل الحسنات وتترك السيئات يجعل الله كل سيئاتك حسنات انا مش مصدق برضو قال رسول الله وغدراتي وفجراتي قال مغادراتك وفجراتك. قال وغدراتي وفجراتي كل قال وغدراتك وفجراتك الراجل من سقوط الفرحة مشي مش عارف يتكلم يقول ايه قعد يقول الله اكبر الله اكبر الله اكبر لغاية ما اختفى من عين النبي عليه الصلاة والسلام ما حدش شافه تاني وسبحان الله يعني. فده سعة رحمة الله سبحانه وتعالى آآ الله سبحانه وتعالى ما زال يغفر الزنوب. ذنبك لن يكون كبيرا على الله سبحانه وتعالى. الذي غفر لمن قتل مائة نفس ايسر عليه ان يغفر ذنبك تمام؟ فسعة رحمة الله. طيب. الشاهد يعني هنا بقى الراجل العالم ده بقى احنا ايوة وقفنا مع الدال وقفنا مع الراهب صح؟ ووقفنا مع القاتل وتعال نقف مع الايه؟ العالم بقى. هذا العالم الذي في قصة قاتل مائة نفس انا ازعم انه وبطل القصة الحقيقي. ممكن كل الناس تتخيل نبطل القصة والقاتل. لان هو الذي حقق التوبة ولكن الحقيقة والبطل في هزه القصة هو العالم بلا خلاف لان لولا العالم ما تاب قاتل مئة نفس ولولا العالم ما توقع اصلا قتل مائة نفس ان يكون له باب الى التوبة. العالم هو الذي فتح له الباب. العالم هو الذي دله على الله. العالم هو الذي ازال عنه اوهام ان هو ما لوش توبة. العالم هو اللي بث فيه الامل. العالم هو اللي ادى له الخطة. العالم هو اللي ساعده العالم هو ده بطل القصة الحقيقي. وهكزا ينبغي ان يكون الفقيه والعالم الناس تعتقد تعتقد ان العالم هو اللي ايه بيشدد. هو اللي هيعقد لك الدنيا. العالم الزي يعلم فعلا الشرع ويعلم الواقع يظهر فيه كلامه على طول يحاول ان ان هو ييسر على الناس لا يعسر يحاول ان يجد لهم يعني مخرج يحاول ان هو يعني ما يديش اجابة مقتضبة. انما يبقى فاهمك. انت بتسأل في ايه؟ وعارف وراء السؤال ايه هيجاوبك على اللي بتقوله ويديك كمان اللي انت عايز تقوله. ده عالم عنده فراسة عشان كده لما قال له هنا العالم قال له هل لي من توبة؟ قال نعم ما لوش نعم بس هو فاهم ان اللي بيسأل ده هيوسوس كمان بعد ما يسألني ممكن يشك عايز يأكد عليه ويدي له كلمة زيادة لانه عارف ان في دماغه فيه شيطان بيقول له مش ممكن لك توبة. ما هو الشيطان مش ساكت. اكيد فيه شيطان في دماغ الراجل ده بيقول له ما لكش ايه؟ توبة. فقال له نعم ومن يحول بينك وبين التوبة. وعارف ان واحد قاتل مية نفس. دوت هيتوب ازاي؟ اكيد ما يعرفش يتوب ازاي فمحتاج ايه؟ مساعدة. كل دي اسئلة هو بيتوقعها ويمكن السائل نفسه مش عارف ان المفروض يسأل الاسئلة ديت ده عالم فممكن تلاقي نفسك تستفتي عالم فيسألك طب وحصل كزا طب ولو حسيت بكزا تقول له اه اه انت مش واخد بالك الحاجات دي لها علاقة بالسؤال. فيجاوبك اجابة صح ده عالم تعرف ده عالم فعلا عنده دراية بالمسائل عنده دراية بالواقع عنده رحمة بيحاول يلاقي لك مخرج بيحاول يدور على المشكلة فين ويحاول يساعدك مش بيرميها لك كده وخلاص. لأ. هو حس به حاسس انك موسوس اجاوبك اجابة تانية قول له انت ليه قلت له كده؟ يقول لك اصل ده موسوس هي دي الاجابة الصح اللي تناسبه. انت خدت بالك انه وصل ازاي؟ يقول لك خبرة انا انا قريته تيجي واحد تاني يقول لك آآ اسأله فايه يتوه معي في الاجابة ما يديهالوش صريحة. قلت له ما قلتلوش ليه؟ يقول لي انا اصل انا عارف ده لو عملت قلت له هيروح يعمل ايه يعمل كزا فده لازم ايه ما وفي واحد ييسر له خالص انه عارف ده متشدد جدا على نفسه بيحاول ان هو يسهل عليه زي انا اقوم وافطر واصوم واقوم اتزوج النساء. ده متشدد قدامي. فلازم افتح له واحسسه الدنيا مش كده. عالم العالم هو اللي بيفهم الناس العالم هو اللي بيفهم الواقع الفقيه من ييسر ولا يعسر. الفقيه يعيش مع الام الناس الفقيه يعيش مع احلام الناس. يعرف الناس دلوقتي بتتألم من ايه بيعرف الناس دلوقتي نفسها في ايه علشان يقدر يقيم اجاباته ويكون فعلا على مستوى ليه؟ على مستوى الحدس. مش بيعيش الوهم مش بيتكلم من برج عالي مش عايش في واقع مختلف عن واقع الناس هكذا والعالم. زلك هذا العالم هو فعلا بطل هزه القصة الحقيقي. فضل عالم على العابد كفضل القمر على سائر الكواكب بعد كده قال له ازهب الى ايه؟ الى ارض كزا وكزا. حلو ليه قال له كده جابها منين؟ واحد قاتل تسعة وتسعين نفس يبقى المجتمع بتاعه عامل ازاي اوعى زبالة ما حدش انكر عليه. ما حدش يوقفه عند حد. اكيد في حد بيشجعه. اكيد اللي حواليه الزفت فقال له على طول امشي من البلد دي خالص ما ينفعش تكمل فيها. لسببين اولا هو اصلا المجتمع ده زبالة هو ده اللي وصلك للي انت فيه ده. سانيا انت لو فكرت تتوب الف واحد هيمنعك اللي هم ليه الزباين بقى بتوعك الصبيان بقى. فاهم ازاي؟ ما هو احيانا الانسان بيخليه يكمل في الجريمة اتباعه بيغروه تمام القصة دي حكيتها ان كان كنت اعرف واحد بلطجي يعني بلغ المنتهى في البلطجة يعني اه من الناس اللي هم الرموز يعني يقول لك مسلا محافظة كزا فيها فلان. فاهم ازاي؟ ماما كنت اعرف واحد فيهم يعني. هو اللي يعرفني بقى اه اصل هو هو كان احيانا كده كل فين وفين بيصلي كده هو كان فيه خير كان بيبعت ابنه يحفظ معنا قرآن. ما تسألنيش ازاي كان بيتبرع علينا في المسجد عشان نحفظ الولاد. فكان ياخد الفلوس طبعا نتصدق بها عشان دي فلوس حرام. كلها من المخدرات فطبعا فعلا المهم يعني فمرة قعدنا معه يعني زنقناه في المسجد يعني والله لو فلان انت امتى هتوب ومش عارف ايه حرام عليك انت راجل فيه خير وفعلا فيه خير عجيب والله فيك خير وبتاع وبيحترم الشيوخ جدا ولو شاف طالب علم بس معدي يقوم يقف له هو هو مرعب اصلا في المنطقة يعني فالمهم يعني فقلنا له انت هتوب امتى؟ قعد يعيط قاعد يبكي قلنا خلاص هيتوب بقى. يا فلان انت طب هتقوم امتى؟ قال انا ما ينفعش اتوب طب ليه ما ينفعش اتوب؟ هل عشان في كوم لحم في رقبتي اللي هم الصبيان يعني اللي هو مشغلهم. فدولا بيصرفوا على بيوت. فلو هو تاب هيتخرب بيتهم فهو حرام اتخرب بيتهم فانا قررت ما توبش رحمة بالبيوت ديت ان هي ما تتخربش وفعلا ما تابش والى الان هو معلم لغاية دلوقتي وبيوت كتير مفتوحة على حسه ما شاء الله. فانا بتكلم انك ممكن يحول بين الانسان وبين توبته اللي حواليه اللي هم بينفخوا فيه انت جامد انت البوب انت الجان انت التنين انت الشبح فخلاص انا الشبح الشبح ما بيتوبش فاهم يعني فممكن اللي حواليك هم هم اللي يضيعوك. فانتبه يعني. ممكن يكون اصغر منك بس هو مفخمينك قوي. فهو قال له امشي من هنا خالص تمام؟ فقيه فزاده في الجواب لانه متوقع ان مسل هزا الشخص لا يا اسطى لا يعرف كيف يتوب. لا يعرف كيف يتوب تمام؟ بدأ صاحبنا الجمال بقى في الراجل دوت ان هو نفز بسرعة خلي الكلام بجد وبحسم وهو فعلا جاي يسأل عالم عشان هو جاهل مش جاي يسأل عالم عشان يروح يقول له ايه اصل انا مش عارف الراجل ده بيقول كلام اي كلام لا اصل رحت سألت عالم لسه بعض الناس يسأل عالم فيجاوبوا يقول لك بس انا حاسس ان هي مش حرامي. طب انت جاي تسألني ليه؟ انت خنقتني يعني. الشيخ انا حاسس ان انت بس يعني انت جاي تسأل ليه؟ تسأل تاخد الاجابة تمشي ما تقعدش تتكلم. عندك علم نتكلم بعلم. لكن حاسس وشايف وشيخنا بس انت ما سمعته امشي من هنا خد كلام وخلص انت رايح تسأل عني منين عشان تقعد فعلى طول خد منه ازهب الارض كزا هو ما كنش متوقع الاجابة ديت بس خدها بجدية ما عدش يسأله اصل الحوارات انا عندي بيتي وعيال وبتاع وفي كوم ولحم وفيه ديون ما فيش الكلام ده خد الكلمة فورا بسرعة جدا الراجل ده اكيد قال لي الزبدة. روح بيته خد شنطته ومشي ما عدش ثانية ما تشربش كوباية شاي ما ما اتعشاش. ما نزلش على القهوة قال طب بكرة ما نمش وصحي فورا ودي اللي لحقته الراجل ده في الاخر مات على شبر. فرقت مع ايه؟ شبر الشبر ده يا جماعة في كم يقطع؟ شبر. لو انت حبيت تمشي شبر سانية صح؟ سانية عشان تمشي شبر تخيل الراجل ده فرق معه القرار في ايه؟ سانية واحدة لو كان اتأخر سانية عن قرار التوبة كان زمانه دلوقتي اقرب الى الارض السيئة. تخيل بقى لو اخر خمس دقايق لو قال بكرة كان مات في مكانه. لو اخر ساعة كان مات في مكانه تمام وكان هيبقى الموقف صعب جدا خلاص يعني فاحيانا ممكن تأخيرك لقرار معين في حياتك لساعة او اليوم يأثر على المدى البعيد تأسير سلبي جدا سموه تاسير الفراشة ممكن خبطة هنا كده تعمل ايه؟ تعمل تأثير على المدى البعيد سيء جدا. لان كل التأخير ده اسر دي اسرت في دي. ودي اسرت في دي اسرت زيت دومينو كده الاخر في حاجة في حياتك في الاخر تخسرها كبيرة اوي وسببها ان انت اليوم ده اخرت القرار اللي كان مفروض تاخده تمام؟ كان مسلا قرار ان انت يعني كنت انت عندك استعداد وبتاع كان ممكن السنة دي تروح تطلب علم عند فلان لأ قلت اجلت قلت بعد السانوية بعد الكلية فلان مات راح منك علم كتير جدا فلت منك. خدت قرار مسلا هتجوز فلانة وانت مستعد وهي كويسة وانت كويس وبتاع كسلت وريحت وبتاع اتخطبت ودي كانت هتفرق في حاجات كتير ممكن رحت لواحدة تانية اقل منها ففي معاناة في حياتك كبيرة جدا بسبب ان انت اخرت القرار كان حلو وكان صح بس انت اتأخرت ليه اتدلعت ليه؟ كنت تحسمه على طول وتاخد القرار سريع. فانا عايز اقول ان السرعة في التنفيز ممكن تأثر في حياتك في حاجات كتير قوي خلاص مش هتعرف ترجع لها تاني. تخيل بقى الاخ ده لو صاحبنا ده كان اخر قرار التوبة خمس دقايق بس كان حاله ايه؟ كان زماننا مش قاعدين دلوقتي اصلا. كان ممكن نعتبر خلاص العكس وفعلا خد الطريق ما هزرش ما التفتش قطع واقبل بقلبه على الله سبحانه وتعالى. والحقيقة ان رحلة هذا الرجل كانت رحلة قلب لم تكن رحلة بدل. رحلة قلب قلب قلب هاجر الى الله قبل ان يهاجر البدن. قلب حقق التوبة بالكامل قبل ان يسجد البدن سجدة واحدة وفعلا انقطع عن المعاصي قبل ان يبدأ في طريق الطاعات. خلص الكلام معه قلبيا خلص. عشان كده وصل وصل لم يصل بالبدن في الحقيقة انما البدن كان بس كده ايه مظهر من مزاهر رحمة الله سبحانه وتعالى. وانما هو قد وصل بالقلب فعلا قد وصل الى الله فكم من واصل في الظاهر بالبدن وهو مقطوع عن الله بالقلب وكم من قعيد في بيته وقلبه يطوف حول العرش. تمام نجا بقلبه اولا ولو كان قطع الارض كلها بدون توبة صادقة في القلب ما نفعه الطريق لو كان ما فيش توبة قلبية حقيقية وهو راح كده للارض التانية وهو ناوي يخربها هناك برضو ما كانش دفعه ان هو يقطع السكة كلها. صح؟ ولكن هو من اول ما طلع من البيت نوى ان هو تاب الى الله سبحانه وتعالى. نفعته الخطوات حينئذ آآ لما وقع في نص السكة احنا قرينا في الرواية انه نأى بصدري صح؟ يعني هو بيموت مات خلاص بيخلص طب ما خلاص استسلم راح عمل ايه؟ عمل كده ليه عمل كده انا اقول انه عمل كده بسبب العالم عشان كده نرجع نقول ان العالم هو بطل القصة الحقيقية العالم حط في الشخص ده جرعة امل غير عادية لما قال له ومن يحول بينك وبين التوبة. الى اخر لحظة حاسس ان انا عندي امل وان انا اكيد في رجب واكيد في حل وطالما في ايدي خطوة اعملها هعملها وعلى الله وفعلا هل انا بموت خلاص رجله مش شايلاه خلاص. بس صدري لسه بيتحرك فنأى بصدره الى ناحية الارض الصالحة. رغم ان هي ممكن تقول ما لهاش قيمة. هو ما يعرفش ان دي الحركة دي كانت هي كل حاجة. دي اللي فرقت الشبر. هو ده الشبر اللي ايه اللي قطعه وقطعه في صدره لانه فعلا بث العالم فيه الامل وايقز فيه رح هي دي الروح اللي حركت السدر ونأى بها الى الارض الصالحة اقبل على الله وسيسخر الله لك الكون. لانه في رواية الحقيقة بعد ما مشى وبعد ما لقى بصدره هو بردو كان بعيد عن الارض الايه؟ الصالحة. في رواية بقى قال فاوحى الله الى هذه الارض ان تباعدي. اصل الحقيقة كان الناحية دي برضو واوحى الى هزه الارض اللي هي الاراضي الصالحة ان تقربي بعد ما قرار الملك اللي جه قيسه ما بين الايه؟ الارضين ربنا اوحى في اللحزة دي دي تقرب دي تبعد جم يقيسوا اللي هو اقرب الى الارض التي اراد بشبر لذلك اذا لم تكن من اهل القرية الصالحة ولا اقل من ان تميل اليهم بصدرك. قرب منهم. فهم القوم لا يشقى ايه؟ لا يشقى جليسهم. فهؤلاء كمثل حامل المسك هينفعك هينفعك. لن تتضرر منه ابدا. فاذا كان هذا حال الرجل لما ناء بصدره في منتصف الطريق فكيف حاله لو وصل الى اهل القرية فكيف الحال لو عاش مع اهل القرية سنوات؟ اذا كان هذه رحمة الله وقبول العبد في اول يوم اقبال على الله ما تتوقع من الله لو مشيت في طريق الالتزام سنين. مازا تتوقع من الخير والبركة والرحمة والسكينة والرضا؟ انت مجرد التزمت ساعتين تلاتة يومين تلاتة دخلت مسجد اعتكاف رحت عمرة تقول لي انا حاسس ان انا واحد تاني اه احنا بقى جايين لك من المستقبل نقول لك ان الطريق جميل مشرق رائع مليء بالبهجة مليء بالطمأنينة مليء بالسكينة وكل ما تمشي فيه اكثر تجد ما هو اجمل واجمل واجمل؟ ده اللي شافه الرجل لما قرب شبر وكان عاش هناك كان هيشوف ايه؟ سبحان الله اخيرا دعونا نتعرف على الله. في عجالة كيف ترى ربك في هذه القصة هذه مسألة مهمة في كل قصة. لابد ان تسأل نفسك سؤالا كيف ترى ربك في هذه القصة؟ ما هي صفات الله التي رأيتها في هذه القصة احسنت رؤوف رحيم. الرحمة رأينا صفة الرحمة دي من اصغر الصفات في هزه القصة الصمد والجبار. الجبار من باب جبر جبر الايه؟ الكسر. ومن باب النوم تلجأ اليه الخلائق احسنت الشكور دي واضحة جدا الله شكور زاهر جدا في هزه القصة لانه شكر العمل اليسير لهزا الرجل وشكر له الخطوات اليسيرة ودخله الجنة. واحد قتل ميت نفس وما عملش حاجة غير صح. بس خطوات يسيرة دخل بها الجنة قصاد عمل بشع فظيع لكن ربنا شكور يعطي الكثير شكور يعني ايه؟ يعطي الكثير على الايه؟ على القليل. خطوات يسيرة اعطى عليه الكثير اه والله يريد ان يتوب عليكم. تواب سبحانه وتعالى ودود احسنت. ودود يعني مش بس بيغفر لك لا يتودد اليك. مين اللي قرب الارض؟ ربنا. مين اللي بعد التانية؟ ربنا. هو بيتودد الى العبد الذي تاب اليه. تفضل الهادي احسنت جزاك الله خيرا الهادي الهادي هو الذي يعني القى في تروع هذا الشخص اللي قتل ميت نفس الارادة التوبة. هو فعلا كان تجي له الارادة دي ازاي؟ سبحان الله الرحمن الرحيم. فيه صفة جميلة تانية الحليم تخيل واحد قتل تسعة وتسعين نفس ربنا ما عاقبوش. الفترة دي كلها ويوم بس ما فكر يتوب ربنا قبله بسرعة حليم يعجل يؤجل العقوبة جدا. ومجرد ما بس العبد يبادر بالتوبة يقبله على طول اما كل ده ما عاقبتوش اه ليه؟ هو حليم سبحانه وتعالى. هم يسر له امر امر التوبة صح احسنت جزاك الله خيرا. اللطيف دبر لعبدي في الخفاء. قرب الارض بعد الارض نزل ملك يحكم. وهو سبحانه وتعالى يعلم ان الحكم مرتبط بشيء هو سيدبره وايضا فساق لعبده الخير من حيث لا يدري الحليم الكريم احسنت. المهم دي دي حاجة مهمة ان في كل قصة نحاول ان احنا نعرف ربنا من خلال هزه القصة. شف بقى شفت القصة القصيرة دي اللي طلعنا منها بفايدة دي فديت ده قيمة القصص النبي عليه الصلاة والسلام في التربية. جزاكم الله خيرا احبابي سبحانك اللهم ربنا وبحمدك اشهد ان لا اله الا انت استغفرك واتوب اليك