السلام عليكم ورحمة الله صباح الامل والتفاؤل والبهجة والفرح بالله اعظم فرحة في الوجود. لا تحسبوه شرا لكم لا تحسبوه بطل حسابات بقى. معمل التحاليل اللي في دماغك ده والله العظيم هو اللي مبهدلك. خواطر الاكتئاب والتوتر اللي في حياتك دي كلها بسبب الحسابات الكتير الغلط
وانت مع ربنا ما تحسبهاش. ما دام انت معه. ما دام انت صح في طريقه لا تحسبوه شرا لكم. اوعي تحسبي ان فيه اي حاجة وحشة هتحصل لك. وانت مع ربنا
خليك مع الله وبطل حسابات. خليك مع الله في العبادة والذكر والتوكل واليقين والدعاء. وايقني ان ما فيش اي حاجة شر ابدا هتيجي مش هييجي غير الخير. من اللي عمرنا ما شفنا منه غير الخير