صورتكم انتم هو بجد دول ده فيه الشروط ديت ولا لأ ؟ الله يصلح احوالنا. والله يوفقنا جميعا والله يرزقنا جميعا السعادة في الدين والدنيا
سلام عليكم ورحمة الله وبركاته. اسئلة كتير بتيجي لي يا جماعة من واحدة زوجة اولى زوجها اتجوز عليها تاني وزوجها زلمها ورماها اهو ما صرفش عليها واهملها اسئلة بتيجي لي من واحدة اتزوجت تاني وبعد كده يعني ايه اتبسط معها شوية وبعد كده رماها
تقولي الزوجة التانية دي جوازة في الشارع يعني هو مش عارف ان آآ يعني امرأة في رقبة راجل دي امانة مهما كانت ومهما كان زروفها اسئلة بتيجي كتير بقى من شباب ومن رجال عايزين نتزوج تاني. انا دلوقتي بتكلم عن الجواز التاني والجواز الاولاني يا جماعة. انا بتكلم ان الجواز للرجالة. الجواز مش لمجرد
الزكور فيه فرق بين الراجل والزكر فيه فرق بين معنى الرجولة ومعنى الذكورة. طب انا هجيب لكم الوقتي الاية بتاعة الجواز التاني والتالت والرابع في القرآن ونبدأ نتفكر فيها يا جماعة نلاقي في معاني رهيبة تفهمنا هو الجواز التاني لمين بحق وحقيقي. الله سبحانه وتعالى يقول آآ انكحوا يا ايها الرجال ما
لكم من النساء لا ده ربنا حط الاول شرط قال وان خفتم الا تقسطوا في اليتامى. ربنا بيكلم مين؟ ربنا بيكلم واحد خايف انه ما خايف انه ييجي يوم القيامة قدام ربنا زالم. خايف انه ما يؤديش الامانة. خايف انه ما يقدرش يدفع مهر المسل في اي زواج
خايف من ربنا انه ما يبقاش عادل. ربنا بيكلم واحد راجل. واحد شاهم. واحد عنده تحمل المسؤولية. واحد قد الكلمة بتاعته. واحد قد ان يبقى امرأة هو مسؤول عنها وقيم على حياتها ودينها ودنيتها. وكأنه بالزبط مسئول عن كل تفاصيل حياتها. امام الله سبحانه وتعالى
تعالى ربنا بيكلم مين ؟ ان خفتم الا تقسطوا في اليتامى فانكحوا. يبقى انت عايز تتجوز انت الاول راجل ولا مش راجل. انت بتخاف من ربنا ولا لأ ؟ الرجولة مش
زكورة عالية منسوبها عالي في مستوى الدم. ربنا ما قالش وان كانت شهوتكم زائدة فانكحوا ما طاب لكم من النساء. وان كان فلوسكم كتيرة فانكحوا ما طاب لكم من النساء. وان كان عندكم وقت فاضي كتير فانكحوا ما طاب لكم من النساء. ربنا قال وان خفتم الا تقسطوا في اليتامى. لو انت انسان بجد
عندك خوف من الله. شف بقى ان فعلا تبدأ تفكر فانكحوا ما طاب لكم من النساء. عارفين ربنا بيكلم مين اصلا يا جماعة؟ على فكرة المفاجأة يعني اللي مطلعين على كتب التفسير وكتب الفقه. عارفينها. عارفين ربنا بيكلم مين اصلا في الاية دي؟ بيكلم راجل في ولايته واحدة
آآ هو بقى اللي يعني هي في ولايته بعد كده وبينفق عليها ولكن آآ هو ينفع ان هو يتجوزها. البنت دي جميلة جميلة صدقة جذباك انثى. البنت دي غنية عندها فلوس. البنت دي وهو لو مد ايده هيتجوزها. يعني ايه؟ يعني لو قال لها بس اتجوزيه
سيدي هي هتوافق هو ينفع يجوزها ويقدر يتجوزها وفي امكانياته يتجوزها والزروف كلها معه ان هو بمجرد ان ينوي ان يتزوجها يتجوزها على طول. والبنت جميلة وغنية يعني ما كنا بنيجي نتجوز زمان. يقول لك انا عايز واحدة من الزوات الاربع آآ تنكح
المرأة لاربع دينها وجمالها انا عايز واحدة عندها كل حاجة انا عايز واحدة فول اوبشنز قدامه واحدة كل حاجة الجمال والمال وهو يقدر يتجوزها ربنا قال له استنى. انت معك مهر المسل. انت الموضوع اللي انت داخل فيه ده معك تمنه شرعيا. انت تقدر
المهر اللي لو اي واحد اتقدم من برة هيديه لها لأ يا رب انا ما عييش مهر المسل بتاعها. ربنا قال له اتق الله. خاف بقى. اتق الله ان خفتم الا تقسطوا في اليتامى
انك ما تقدرش تديها حقوقها المالية بحق وحقيقي. وانك انت فعلا تمهرها المهر بتاع مسلها. ربنا قال له خلاص النساء كتير. يعني واحد يا جماعة قدام انه يتجوز جوازة حلوة جدا ولكن خوفا من الله يقول لأه انا مش قد الجوازة دي انا مش قد الامانة دي ربنا بيكلم راجل بحق وحقيقي
ساعتها بيقول له فانكحوا ما طاب لكم من النساء. مثنى وثلاثى ورباع. طب ولسه شروط الجوازة دي لسه ما تمتش. فان خفتم الا تعدلوا شفتم تاني اول الاية خفتم واخر الاية خفتم؟ ربنا بيكلم واحد خايف من عدم العدل. خايف انه ييجي يوم القيامة وهو شقهما الملووح. ملووح
بيعرج ملوح يوم القيامة لانه اتجوز اتنين وزلم واحدة من الاتنين. فان خفتم الا تعدلوا تاني خفتم؟ ايوة ربنا بيكلم واحد بيخاف من ربنا. يا جماعة اللي ما عندوش خوف من ربنا ما يتجوزش اصلا. اللي ما عندوش خوف من ربنا اصلا حرام انه يجيب واحدة يلطمها ويدمرها. ويدمر لها نفسيتها. فان خفتم الا تعدلوا فوا
واحدة او ما ملكت ايمانكم. وفي الاخر ده لسة فيه شرط تالت زلك ادنى الا تعولوا. من معاني تعوله يعني يبقى عندكم عيال كتير وكل عيل له مصاريفه يعني كانت والدتي زمان الله يرحمها تقول العيل بيتاء الوزن بيتصرف عليه عشان يتربى. وزنه فلوس. الوقت يا جماعة بقى العيل عشان
عايز وزنه دهب في الايام اللي احنا عايشين فيها دي. فربنا بيقول للي عايز يتجوز تاني انت عندك تحمل مسئولية ولا هتخلف وترمي؟ هتعرف تربي ولا مش ربي هتقدر تشيل الشيلة ولا مش هتقدر تشيل الشيلة. لو عندك تحمل مسئولية وخايف من ربنا. وخايف الا تقسط في في المرأة اللي انت رايح تتجوز
وازا لو راجل يعني لو راجل بحق وحقيقي مش مجرد شنب ومش مجرد هرمونات زكورة في الدم ساعتها اتجوز فانكحوا ما طاب لكم. من النساء مثنى وثلاث ورباع. لانك انت راجل انا بكلم
دلوقتي بقى في نهاية المقطع انا بكلم الراجل والست. انا بكلم الراجل اللي رايح يتجوز تاني بس مش عشان هو يعني ناجح في حياته الاسرية وفي نفس الوقت بيتقي الله وعنده بحق وحقيقي يقدر يقول لك انا عايز اتجوز ليه ؟ انما انا بتكلم آآ واحد هو فاشل في حياته الاولانية
وبيهرب جوازه التاني وهو هروب اصلا. وتخيل واحد بينط من السفينة. حبيب السفينة اللي انت بتنط منها دي انت الربان بتاعها. المشروع اللي انت بتهرب منه ده انت المدير بتاعه
يعني الفشل بتاعه في وشك انت. يعني لما تبقى ناجح في حياتك الاسرية. ساعتها انت ينفع انك انت نقول لك بقى خايف من ربنا ولا لا انت تقدر تشيل امانة امرأة تانية في رقبتك ولا لأ ؟ انما فعليا الجواز التاني مش هروب يا جماعة. الجواز التاني مش بيت بيتبنى على
خد بيت ما تبنيش بيت بهدم بيت. ما تعمرش بيت بخراب بيت. ما تعمرشي حياة بخراب حياة تانية. الجواز التاني الجواز ده له فقه. الجواز التاني ده له احكام. الجواز التاني ده له اركان. الجواز التاني ده حاجة ممكن احيانا بتبقى مهمة وبتبني الحياة. وبتنقز نساء كتير
جدا في المجتمع وبتعمر المجتمع ولكن الجواز التاني لما بيتعمل في الاطار الشرعي اللي ربنا قاله. يعني الجواز التاني يا ايها ايها الراجل ما هواش هروب ما هوش مجرد جوازة متعة بس حلال آآ ما هوش مجرد نزوة ما هياش واحدة في الشارع هاجيبها وآآ وآآ ولو ما عجبتنيش
مع السلامة خلاص اصلا. انت لا لك حقوق ولا لك حاجة والا خلاص. وبرضو بالنسبة للمرأة سواء زوجة اولى سواء زوجة تانية انا عايز اقول لكل امرأة اللي يتقدم لك شوفيه الاول. ما تبصيش على ماركة عربيته الاول. ما تبصيش على الفيزا بتاعته فيها كم والرصيد بتاعه في البنك فيه كم الاول
بص الاول هو راجل ولا مش راجل! بص الاول هو ده يتحمل امانتك في الحياة ولا لأ ؟ بص الاول هو ده انسان لو حطيت ايدك في ايده توصله للفردوس الاعلى مع بعض
ولا لا؟ بص الاول هو ده يتحمل المسئولية ولا لأ؟ دي البداية. دي البداية يا اخواننا الجواز الاولاني للرجالة والجواز التاني للرجالة وآآ الحياة كلها امانة والحياة كلها مسئولية. واللي عايز حاجة يدفع تمنها. واللي عايز حاجة يبقى قدها. واللي عايز يعني يعيش حياته
يدهن الهوا دوكه ويعيش حياته زي ما هو عايز. ده يا جماعة في الاخر هيندم. لانه هيتحاسب على الفواتير دي كلها دنيا واخرة. في النهاية للامة كلها للرجالة كلها للنساء كلها ايا ما كانت مطلقة. ارملة آآ آآ فرصتها صعبة انها تلاقي حد يرتبط بها في وسط
ظروفها او سنها آآ للزوجة الاولى للي معروض عليها انها تبقى زوجة تانية. للي معروض عليها زوج اصلا آآ وهيبقى يعني يعني هم الاتنين لا يرتبطوا ببعض في حياتهم وان خفتم الا تقسطوا في اليتامى. فانكحوا ما طاب لكم من النساء مثنى وثلاث ورباع. فان خفتم الا تعدلوا
ان خفتم الا تقسطوا ان خفتم الا تعدلوا ذلك ادنى الا تعولوا تلات شروط مهمة اوي في الراجل اللي ينفع يتبنى عليه بيت بحق ربنا يصلح احوال الاسر بتاعتنا. ربنا يصلح اوضاع امة الاسلام. ربنا يجبر نفسيات الرجال والنساء. ربنا سبحانه وتعالى
آآ آآ يعني انت انت غالية آآ فيه لو انت عملت نفسك تاج الراجل هيحطك على راسه. لو انت عملت نفسك نضارة يحطك على عينيه. لو انت عملت نفسك مداس ما تزعليش بقى من اللي هو هيعمله. مش بقول لك ما تتكسريش لزوجك. مش بقول لك ما تقبليش قوامة زوجك. انا بقول لك بس السفينة اللي انت هتركبيها
اعرفي مين الربان بتاعها قبل ما تركبيها. مش لمجرد ان انت فرصتك قليلة تركبيها في اي سفينة. مش لمجرد ان هو عنده مميزات في شكله في فلوسه تركبي في اي سفينة اعرفي الاول ده ربان بحق وحقيقي ولا لأ ؟ التلات شروط للمرجلة للانسان اللي يبني بيت اللي ربنا قالهم في اول سورة النساء