ان الحمد لله تعالى نحمده ونستعين به ونستهديه ونستغفره ونعوذ بالله تعالى من شرور انفسنا وسيئات اعمالنا من يهده الله فلا مضل مضل له ومن يضلل فلا هادي له. واشهد ان لا اله الا الله وحده لا شريك له. واشهد ان محمدا عبده
ورسوله وبعده فان اصدق الحديث كتاب الله تعالى وخير الهدي هدي محمد صلى الله عليه واله وسلم وشر الامور محدثات وكل محدثة بدعة كل بدعة ضلالة وكل ضلالة في النار ثم اما بعد. وصلنا الى
قول المصنف رحمه الله خامسا خامس عشر في باب المنكرات المألوفة في العادات وفي الانكار على الامراء والسلاطين وامرهم بالمعروف. الباب الخامس عشر باب في المنكرات المألوفة في العادات وفي الانكار على الامراء والسلاطين وامرهم بالمعروف. يقول ولنذكر في ذلك فصلين. الفصل الاول
اعلم ان المنكرات المألوفة في العادات لا يمكن حصرها. لكن نشير الى جمل يستدل بها على امثالها. هو هنا هيعمل ايه ؟ هو بعد ما زكر التأصيل التأصيل قضية الامر بالمعروف والنهي عن المنكر وذكر ان آآ الحسبة
لها اربع اركان. الركن الاول المحتسب. وتكلم عن اه صفاته اللازمة فيه. وعن ادابه وعن شروطه وكذلك تتكلم عن الركن الثاني وهو المحتسب عليه اللي انت هتنكر عليه ده بقى مين؟ اللي هو
والد الزوج والحاكم وعموم الناس وو الى اخره. واتكلم عن ركن الثالث وهو المحتسب فيه المحتسب فيه اللي هو ايه المنكر اللي انت يجب عليك انكاره ومواصفات هزا المنكر الركن
ربع اداء الحسبة نفسها او آآ الاحتساب نفس الاحتساب وممارساته ودرجات الانكار ومراتب الانكار ومتى يشرع ومتى لا يشرع متى يجب ومتى يستحب ومتى يحرم وتكلم عن كل هذه الدرجات. هيبتدي بقى الكلام
عن تطبيق لما زكره. عايز يقول لك الكلام اللي احنا قلناه كتأصيل وتنزير. ما هو صداه في ارض الواقع؟ ايه صدى الكلام ده في ارض الواقع وتطبيقه الحقيقة ان الباب ده باب نافع جدا. ومع ان في اختلاف في الزمان بينا وبين مصنف الكتاب الامام الغزالي رحمه الله ميت سنة خمسمية وخمسة
اجري يعني تقريبا من تسعمية وتلاتين سنة او تسعمية خمسة وتلاتين سنة. ومع زلك فان رؤوس المنكرات واصولها هي هي وان اختلفت بعض السور العصرية لها. لكن آآ تجد هزا الباب فيه آآ فوائد ثمينة
في توصيف المنكرات الواقعية التي نحياها وتقسيمها بطريقة آآ بديعة ثم كيفية التعاطي معها زكر الاحكام الشرعية له. يقول اولا منكرات المساجد. يا المساجد اه المساجد فيها منكرات. فمن المسجد يعلم ان المسجد فيه منكرات وانه يجب عليه ان ينكر هذه المنكرات. اولا مما يشاهد
كثيرا في المساجد اساءة الصلاة بترك الطمأنينة في في الركوع والسجود وكذلك كل ما في صحة الصلاة. من نجاسة على ثوب المصلي لا يراها. او انحراف عن القبلة بسبب عمى او ظلام
يبقى بيقول من المشكلات او المنكرات اللي موجودة في المساجد اساءة الصلاة. الاصل عندنا في ذلك حديث المسيء صلاته النبي صلى الله عليه وسلم كان يجلس في المسجد فرأى رجلا يصلي. فلما انتهى من صلاته ناداه النبي صلى الله عليه وسلم
قال ارجع فصلي فانك لم تصلي. ارجع فصلي فانك لم تصلي انت كده ما صلتش. فرجع صلى فلما خلص النبي صلى الله عليه وسلم نادى له تاني قال ارجع فصلي فانك لم تصل. شف بقى الرفق في التعليم. رفق في التعليم وحسن خلق ده النبي
عليه الصلاة والسلام لم يعبس في وجهه ما قالوش انت جاهل بعض الناس الان بيمارس صفات السادية من اذلال وتعذيب واهانة المتعلمين. كأن المتعلم ده زنبه الوحيد انه جه جلس يستمع اليه. طبعا ده امر ليس من اخلاق السلف في شيء. ولا يمكن ابدا
ان احنا نتجاهل سنة النبي صلى الله عليه وسلم ونستدل ببعض الافعال الشاذة لبعض العلماء على سبيل الذم لهم. كان العلماء بيزكروها من من على سبيل الزم او بيزكروها في صور الصبر على بلاء الشيوخ والعلماء ونستعملها كأنها هي دي الاداب اللازمة في طلب العلم
المهم النبي عليه الصلاة والسلام ناداه فلما تكرر منه ذلك قال والذي بعثك بالحق لا احسن غير ذلك. انا مش هعرف اصلي غير كده. علمني بقى. فعلمه النبي صلى الله عليه وسلم وصار حديس المسيء للصلاة دي اصل لنا بيعرفنا كيفية الصلاة وايه هي اركان الصلاة التي يجب على الانسان ان يأخذها؟ وكان فيها
زكر الطمأنينة وغير زلك من اركان الصلاة. فدلوقتي انت لما بتشوف واحد بيسيء صلاته انت بتشوف في المساجد ناس بتسيء صلاتها قطعا بتناس بتسيء صلاتها يعني في اركان الصلاة معروفة. وشرائط الصلاة معروفة. لما واحد بقى لا يأتي بمسل هزه الاركان زي الطمأنينة مسلا. تخيل واحد
لا يمكن ابدا انه يأخذ آآ وقت لقراءة لذكر التسبيح في الركوع او السجود على الاقل مرة. كانه اللي هو حط راسه وارفعها كده. وخلاص ما فيش اي حاجة ما قلش حاجة. ده هو العبرة كانك صليت. ده محتاج حد ينكر عليه
ياخده بجميع بقى الاداب اللي خدناها قبل كده. هينكر عليه ازاي؟ اول مرتبة مرتبة الايه؟ التعليم. يعرفه ان اللي انت بتعمله ده منكر وحرام وصلاتك ووالى اخره. وبعدين لو لقاه متمادي في زلك يعظه بعد الوعظ يخش الله في القول الى غير زلك من المراتب اللي قلناها
طيب وكزلك اللي بنشوفه دلوقتي مسلا التهاون في بعض شروط صحة الصلاة زي ايه التهاون في شروط صحة الصلاة زي ستر العورة تجد الشاب ما اجلده وما اظرفه يعني حاجة كويسة خالص ولكنه يلبس آآ آآ ثياب قصيرة
فانلة كده قصيرة او قميص قصير لما يزركع او يسجد يظهر عورته يظهر ضهره من تحت. ده محل عورة. طيب ليه ايه بقى كده او تلاقي واحد جاي يصلي او شورت يدوب على حد الركبة فازا ركع وسجد انحصر عن
ركبتيه او عن فخذيه فكشف عورته. ليه كده؟ الصلاة لها شروط. شروط لصحة الصلاة. في شروط لصحة الصلاة. يبقى ده لما انت تشوف حاجة زي كده لان بقى ممكن تبقى في مزج في في مسجد في السوق تلاقي واحد جاي يصلي جزار جاي يصلي والجلابية كلها دم او الثوب بتاعه كله دم طب الدم نجس
ومن شروط صحة الصلاة اجتناب النجاسة في الثوب والبدن والبقعة اللي انت بتصلي عليها. طب انت بتعمل كده ليه؟ يبقى انت محتاج وهكذا كسير من ايه؟ ادي منكرات الصلاة اللي في المساجد. ايه تاني من منكرات المساجد؟ قال ومن زلك اللحن في القراءة
اللحن في القراءة. يعني واحد بيقرأ لا يقرأ على الاحكام. لا يقرأ باحكام التجويد. يلحن واللحن قسمان لحن جلي ولحن آآ خفي. لحن الجلي اللي هو اللحن معناه الايه؟ المايل والعدول عن القصد
انحراف يعني فالانحراف الجالي ده في القراءة بيبقى ايه ان الانسان يخطئ في حركات الاعرابية ويخطئ في بنية الكلمة لحن جلي او يبدل في كلمات الايات او غير زلك. فده اه يجب رده وده لو كان في الفاتحة بما
يحيل المعنى ده هيبطل الصلاة. يبقى انت لازم تنكر على ده. وبعض الناس للاسف لا يراعي آآ شروط الامامة. النبي صلى الله عليه وسلم قال اه يؤم القوم اقرأهم لكتاب الله. طب انت الاقرأ؟ لا احنا عندنا الامامة فيها قدر من الوجاهة. عم الحاج فلان يخش يصلي
الاستاز فلان يخش يصلي امام. ده عشان خاطر سنه وده عشان خاطر هو اللي بني المسجد. وده عشان خاطر هو اللي بيصرف على المسجد. وهو ليس اهلا يصلي امام فيدخل يلحن في القراءة. طب دي عايزة ايه؟ عايزة احنا نتواصل مع الناس اهل المسجد ونتواصل مع اللي بيصلي امام نفسه
ومن باب بقى يعني ازالة المنكر ده نفسه ان اتعمل في المساجد حلقات للتجويد لتعليم الناس القراءة. كل ده يا اخواننا بنقول انكار مع مراعاة اداب الانكار. ما ينفعش واحد شاب صغير يروح لراجل كبير في السن ويقول له انت يا استاز او يا حاج او يا عم فلان انت جاهل ما تعرفش تقرأ لا ما ينفعش
لازم يراعي اداب الانكار. بيقول واشتغال المعتكف بانكار هذه الاشياء. وتعريفها افضل له افضل له من نافلة يقتصر عليها. يعني بيقول لك لو واحد معتكف في المسجد ملازم هو كان قال قبل كده في اقسام الناس
ففيه العباد وفيه العلماء وفيه الزهاد وفيه الى اخره. ففيه واحد هو بيلازم المسجد للعبادة والانقطاع للعبادة ويعتكف لو انشغل بقى بانه ينكر على ده تحسين الصلاة وينكر على ده لحن في القراءة فده هياخد من وقته. هيأثر على الوقت اللي هو بيفرغه للعبادة والطاعة
هو هنا بيقول مسألة مسألة شرعية لو انت في مسجد ومعتكف تنشغل بانكار هزه المنكرات ولا تنشغل بما انت معتكف من اجله من اورادك وزكرك وطاعتك؟ قال واشتغال المعتكف بانكار هذه الاشياء وتعريفها
افضل له من نافلة يقتصر عليها. يبقى الاولى في حقك ان انت ايه؟ تشتغل بانكار المنكرات. ومن زلك تراسل المؤذن مين وتطويلهم مد كلماته اه التراسل اللي هو المد والتنطيط في
الاذان الترسل يعني ايه؟ التبهل قوي في الازان. الله! يفضل بقى يجيب الله دي. هي الله ما فيهاش مد اصلا. يعني ما فيهاش مد ولا حركة. كلمة الله ما فيهاش
مد ولا حركة. تخيل بقى واحد ممكن يمد كلمة ما فيهاش مد ولا حركة يمدها اتناشر حركة مسلا. ويطرب كده وينغم كل ده ما ايه بس هو بقى في الاصل الكتاب في الاحياء قال ان تراسل المؤذنين ده من المكروهات. وليس من المحرمات. الحنابلة عندهم
المسألة ديت لأ فيها اشياء في كلمات في الاذان لو مدها تبقى محرمة زي اكبر قال لك لو قال اكبر دي محرمة لان الله اكبر الله اكبر يعني اعظم من كل شيء. اكبر دي يعني الطبل. فهتنفع تقول بقى كده؟ قال لك ده لفظ منكر لا يصح قوله
طيب ومن زلك تراسل المؤذنين. اهي دي برضه نقطة تانية الاذان ده عبادة. والاذان ده له احكام وله سنن وله اداب وله شروط وفيه باب في كتابكم اي في اي كتاب فقه اسمه باب الازان. مين اللي يتولى الازان؟ وازاي يأذن؟ وايه اداب الاذان؟ اتعلمها. برضو هنا الاذان
بيدخلوا قدر من الايه؟ من الوجاهة والبحس عن هزا الدور. ومن زلك اي من المنكرات ان يكون على الخطيب ثوب حرير او بيده سيف مذهب. آآ الخطيب اللي هو خطيب الجمعة لو كان يلبس ثوبا من
الحرير حرام على الرجال الا للضرورة ايه الضرورة؟ قالوا الضرورة زي ان واحد عنده حكة عنده مرض جلدي لا يمكنه انه يلبس الملابس العادية بتؤلمه. فيرخصوا له في الوقت ده انه يلبس الحريق. طب الانسان الطبيعي اللي ما عندوش ضرورة
يحرم عليه انه يلبس الحريق. طب واحد بيخطب الجمعة ولابس بقى خطبة الجمعة الانسان بيلبس لها آآ من من السنة. ان الانسان في خطبة الجمعة يلبس لها يلبس لها ايه
آآ افضل ثيابه وافخم ثيابه. ايه اللي حصل؟ هو بقى بيخطب لابس حرير. ده منكر يبقى انت تنكره عليه. او بيده سيف في بعض الاقوال الفقهية ان من سنن الامام وهو يخطب انه يتكئ على سيف. يتكأ
على سيف وبعضهم يقول يتكئ على عصا. ماشي. لان فيها حديس عن النبي عليه الصلاة والسلام وان كان اسناده فيه ضعف. طيب هيتكأ على سيف فقال لك اتخذ سيفا مذهبا. لو واحد بقى هيكون خطيب جمعة عند الوالي ولا عند الامير ولا عند
ناس من اهل الوجاهة فهيتخز السيف بتاعه ده من من تمام الجو اللي هو فيه يبقى سيف مذهب. لأ ده لا يصح شرعا. انما يباح السيف او وطبيعة السيف من زهب فين؟ في حالة ايه؟ برضو في حالة مستسناة حالة الحرب. لما فيه من تقوية قلب المؤمن وكسر قلب الكافر
غير كده لا يصح انه يستعمل السيف ايه من زهب. ومن زلك اي من منكرات المساجد ما يجري من القصاص. القصاص اه الذين يذكرون القصص الضعيفة والموضوعة في اثناء الوعظ. واحد يقعد كده ويقعد
يحدس الناس ويكلمهم عن آآ قصص لم ليس لها اسانيد وقسمة للموضوعة والمنكرة وفيها احكام طبعا على احكام مخالفة للشريعة وده بيستجلب اه اه مدح عوام المسلمين. عموم الناس بتحب الواحد الصييت
اللي يقعد يكلمهم بقى عن ايه وفلان قال وفلان عاد والله والله ويزعق في الجامع كده فيقوم عموم الناس تنسجم معه تجاوبوا معه. لا ما يجري من القصاص في المساجد من الكذب يعني افحش هذا الكذب واقبحه. نسبة
آآ الاحاديس الموضوعة دي للنبي عليه الصلاة والسلام لا يكتفي فقط بزكر قصص موضوعة وضعيفة من عن السلف مسلا او وعن بعض العباد او عن بني اسرائيل لأ ينسب هزه القصص الى والاحاديس والاسار الضعيفة دي للنبي صلى الله عليه وسلم وده امر في نفس في
نفسه منكر فاحش. صح عن النبي صلى الله عليه وسلم انه قال من كذب علي متعمدا فليتبوأ مقعده من النار. نسأل الله السلامة. والاشياء المنهي عنها يبقى بيفعل ايه القصة القصاص دولت بيعملوا ايه؟ الكذب في القصص وفي نفس الوقت الاشياء المنهي عنها
كالخوض في الكلام الموجب للفتن. ان هو يتكلم في اشياء اما قضايا علمية شرعية لا تبلغها عقول الناس واما انه يتكلم في بعض الاشياء التي يعم بها البلاء والفتنة وتكون سبب في اضطراب الناس. كل ما يخرج
من الواعظ او العالم او المدرس او الخطيب من هزا الباب يجب ان ينهى عنه. فلو افترضنا ان في واحد بيتكلم بكلام لا يصح شرعا ويوجه الناس اليه. كأنه يأتي على بعض الامور المستقرة في الشريعة زي الحجاب مسلا
ويتكلم عنه ان الحجاب ليس كما تفهمون وليس هناك ما يسمى بفرضية الحجاب وده راجل مسلا استاز دكتور في آآ اصول فقه او في الفقه المقارن او في غيره. ده يجب ان احنا ننكر عليه. حتى لو الكلام ده هو قاعد بيقوله في مسجد او حتى الكلام ده بيقوله في دروس علمية او غيره. يبقى
من القصاص في المساجد من الكذب والاشياء المنهي عنها كالخوض في الكلام الموجب للفتن ونحو ذلك. الفتن بمعنيين فتن في الدين انه يفتن الناس في دينهم بمعنى يشككهم في الدين او يعرضهم لما لا اه اه يقبلونه او لما لا
آآ تتصوره نفوسهم وعقولهم او الفتن بمعنى ان هو يتكلم عن آآ احداث ووقائع ويهيج الناس ويسيرهم فيحدث فتنا واضطرابا في البلاد. ومن ذلك ان يكون الرجال مختلطين بالنساء فينبغي انكار ذلك عليهم. يبقى من المنكرات في المساجد ان يقع اختلاط بين الرجال والنساء. يقع اختلاط
للرجال والنساء وده امر نهت عنه الشريعة والنبي صلى الله عليه وسلم ثبت عنه انه نهى النساء ان يسرعن في الخروج من المسجد ونهاه ان يمشينا في وسط الطريق وقال ليس لكن ان تحققن الطريق عليكن بحافات الطريق. فده كله للمنع من الاختلاف. والله عز وجل يقول
واذا سألتموهن متاعا فاسألوهن من وراء حجاب. ذلكم اطهر لقلوبكم وقلوبهن. يبقى الاصل فيه ان يكون حجاب بين الرجال والنساء حتى وان صفت النوايا واكتملت الاخلاق لان الاية ديت نزلت في حق نساء النبي صلى الله عليه وسلم والخطاب لرجال الصحابة
ومن زلك ان يكون الرجال مختلطين بالنساء فينبغي انكار زلك عليه. ومنها الحلق يوم الجمعة لبيع الادوية الاطعمة والتعويذات وقيام السؤال سؤال اللي هم الشحاتين يعني والمتسولين. وانشادهم الاشعار ونحو هذا
هذه منها ما هو حرام ومنها ما هو مكروه. هو طبعا هنا لان هو مزهبه آآ الغزالي اصله الغزالي شافعي. فبيقول فهو يكره يكره البيع داخل المسجد. وفيه نهي عن البيع داخل المسجد. كسير من العلماء حملوا على الكراهة وبعض العلماء حملوا على التحريم. لا
حتى اللي قالوا بالكراهة قالوا لكن لا يتخذ المسجد دكانا. ما ينفعش انما يكون شيء عارض يعني. والنبي صلى الله عليه وسلم نهى عن البيع في المسجد وامرنا ازا وجدنا من يبيع من يبيع سلعة في المسجد ان نقول له ايه؟ لا اربح الله تجارتك
وكذلك بقى ان يتحول المسجد لسوق بقى. واحد قايم يقول شعر فيه نهي عن انشاد الشعر في المسجد اصلا. واختصوا العلماء ببعض انواع اللي هو فيه نوع من الابتزال واستسنوا من زلك الاشعار اللي فيها معاني شرعية واللي فيها زكر الاخرة
وتهزيب النفوس وغير ذلك. طيب منكرات الاسواق منكرات الاسواق. ومن زلك الكذب في المرابحة. المرابحة معناها ايه؟ معناها ان تقول اشتريت هذه السلعة بعشرة. وابيعها لك باثني عشر او باحدى عشر هكسب فيها درهمين او درهم. دي معنى المرابحة. تقول واحد انا اشتريت الحاجة دي بكزا. تعرفوا التمن اللي انت اشتريت به. وتقول له انا هربح فيها كزا. طيب لو واحد
كزب بقى اه قال من زلك الكزب في المرابحة واخفاء العيب انك بتبيع عربية مسلا عربية ما مخبوطة او عربية عاملة حادسة او عربية اه فيها عيب من الداخل ولكنه مستتر. ما تقولش على العيب اللي فيها. فمن قال
رأيت هذه السلعة بعشرة ورابح فيها درهما وكان كاذبا فهو فاسق. يبقى اللي هيكزب في بيع المرابحة ده فاسق. ويجب على من عرف ذلك ان يخبر المشتري بكذبه. فان سكت مراعاة للبائع كان شريكا له في الخيانة. يبقى ينبغي للانسان اللي
اعلم ان في بائع فاسق او غير امين ان هو يحذر منه. وكذلك اذا علم العيب لزمه ان يبينه للمشتري. وكذلك التفاؤل في الميزان والذراع يجب على كل من عرفه تغييره. اما بنفسه او برفعه الى الوالي حتى يغيره. لو واحد مبوز الميزان
بتاعه بحيس ان هو يطفي في الميزان. يجي يوزن يوزن لصالحه. او الزراعي اللي هو بيقيس به الايه؟ الملابس القماش وغيرها لو واحد عرف ان هو يفسد او يغش في الالة ديت اللي هي الة الوزن او الزرع اللي هو تقدير الطول يجب عليه ان
ان يغيره اما بنفسه واما برفعه الى الولي حتى يغيره. ومنها الشروط الفاسدة واستعمال الربا الطروط الفاسدة اي في العقود واستعمال الربا سواء بقى ربا الفضل او ربا النسيئة وبيع الملاهي اللي هي ادوات الله و المحرم
بيع بقى البيانو واللي يبيع العود واللي يبيع الطبلة واللي يبيع الدف والحاجات دي كلها. والصور المجسمة الصور مجسمة اللي هي ايه؟ هي التماسيل كل ده من المحرمات والمنكرات الموجودة في الاسواق. وينبغي الانكار عليه. وينبغي الانكار عليها
هنلحق بها بقى اليومين دولت ايه؟ اللي يبيعوا السجاير. واللي اللي هيبيعوا السجاير. وآآ اللي بيبيعوا بقى المشروبات المحرمة في محلات تخيل بقى بنبقى في دولة مسلمة كده وفي محلات واخدة ترخيص انها تبيع خمور. واخدة ترخيص انها تبيع خمور. فبيع الاشياء
ديت لأ طبعا الحاجات دي محرمة ويجب انكارها يجب انكارها. طيب منكرات الشوارع ايه المنكر اللي موجود في الشارع؟ بيقول ومن زلك دكان متصل بالابنية المملوكة. واخراج الاجنحة وغرس الاشجار اذا كان ذلك يؤدي الى تضييق الطريق والادارة
ضارب المارة يا سلام شوف بقى انت طبق الكلام ده على الاماكن بتاعتنا كده. الواحد يبقى المحل بتاعه مسلا اتناشر وطلع الحاجة بتاعته في الشارع قده مرتين. والطرف التاني في الشارع مطلع زيه. ولا عزاء
ولا للسيارات ولا اي حد مش من حقك لا تعدي لا بحتى برجلك ولا حتى بالعربية بتاعتك. هو خلاص احتكر الشارع كده. ده منكر. وللاسف بعض الناس بقى لما بتنزل المرافق او شرطة مرافق مع ما فيهم من زلم عشان بس نقرر دي مع ما فيه من زلم لكن لما بينزلوا يزيلوا يعملوا الازالات ديت
الناس بتتعاطف مع اصحاب المحلات مع ان هم اصحاب المحلات في الاصل ظلموا الناس بانهم افسدوا عليهم الطريق. ظلموا المسلمين بانهم افسدوا عليهم الطريق. او واحد مسلا يطلع البناء بتاعه للخارج بما لا يحق له او يغرس اشجار في طريق الناس فيؤزيه. كل ما يؤدي الى تضييق الطريق والاضرار بالمارة
فاما وضع الحطب والطعام في الطريق بمقدار ما ينقل الى البيوت فجائز. فان ذلك يشترك الكافة في الحاجة اليه. ده بالنسبة لهم لان كان دي من لوازم الحياة اليومية. فكان ده شيء مش دائم هيحط شوية حطب وطعام اللي هو زي القمح او غيره
ناس تحمله الى بيوتها ويخلص ده شيء غير دائم. لكن اللي هيبني ابنية معينة او يغرس اشجار او يخرج البضائع الى الطريق في ضيق على الناس ده من المنكر اللي يلزم انكاره. ومن المنكرات اي في الشارع ربط الدواب على الطريق. بحيس تضيق وتؤذي الناس. فيجب
منعه من زلك الا ازا كان بمقدار الحاجة للنزول والركوع. قس انت الكلام ده بقى على اللي بيحصل في السيارات. واحد عنده جراج كاتب بيافطة كبيرة جدا جراج خاص ممنوع الوقوف. وتلاقي واحد قام جاي واقف قدام الجراج قافل عربيته وماشي. انت تعمل ايه مع نفسك؟ انت خلاص
ليس عندك اي حل. طبعا بعض الناس اللي هم آآ يعني ليس عنده ورع وليس عنده تقوى بيعمل ايه؟ بيأدب صاحب العربية دي بيأدبه يبتدي بقى يتلف الاطارات السيارة اللي هي عجل السيارة او يبوز له الازازة وغيره لكن ده لا يحل شرعا على فكرة
التأديب لا يحيل شرعا. هو الراجل ده يعزر او يرفع امره لمن يعني يغرمه مخالفة او غيره. لكن ما ينفعش انت تبوظ له الحاجة بتاعته ولان تعزير الناس وتأديبهم ليس لاحد الرعية فده هيفسد البلد. لكن ده تخيل ده منكر
بيحب يركن عربيته والتعديل ده منكر او واحد مسلا يركن عربيته في قلب الطريق ويسيبها وينزل ويمنع الناس انها تعدي. والعربيات انها تعدي وفي اوقات بقى ساعات زروة ناس رايحة عندها مواعيد عند الاطباء ناس عندها مواعيد امتحانات ولا هو في دماغه هو اللي عمله كده وخلاص ده
يا اخوانا منكر تعطيل الطرق ده منكر. ومن زلك تحميل الدواب من الاحمال ما لا تطيق آآ يعني انسان بيستعمل آآ الدابة سواء بقى كان آآ ناقة او او فرس او حمار او بغل او غير زلك بغير ما
ثق فده قال لك دي من المنكرات. لان هو مأمور شرعا انه يحسن الى هذه البهيمة العجماء. وكذلك طرح الكناسة اعزكم الله الزبالة على جواد الطريق. وتبديد قشور البطيخ. او رش الماء بحيث يخشى منه الزلق. والماء
يجتمع من ميزاب معين. فاما ان كان من المطر فذلك على الولاة وليس للاحادي في ذلك الا الوعظ. يعني الناس اللي بترش ميه قدامها او او بتنضف فوق السطوح بتاعتها فينزل من الميزاب اللي هي المزراب ده ينزل منه ميه تحول الطريق الى مكان زلق زلق يعني ايه
الناس آآ تتعثر في المشي فيه فيفضي الى آآ الكسر او الخلع لبعض الاعضاء وكزلك آآ وضع الكناسة على جواد الطريق يعني اللي يحط اعزكم الله الزبالة في وسط الطريق يؤزي بها الناس. كل ده من المنكرات بيقول لك لكن لو
مطر اللي نزل وعمل بقى مية في الشارع قال دي على الولاة هما اللي مطالبين ان هما يرفعوها ليس للآحاد منكرات الحمامات اللي الحمامات مش مقصود بيها دورات المياه الحمامات اللي بتزكر هنا في كتب الفقه او في كتب الاداب ديت مش مقصودة
دورات المياه اشبه ما يكون بها الان اللي هي اه اماكن الساونا واماكن بعض انواع وغيره اللي بيبقى فيها اه كشف العورات وغيره. لكن المقصود بها الحمام هنا من الحميم اللي هو الماء الساخن. ودي كانت اماكن
اللي بيزهب ليها الناس للتنزف والاغتسال والتدلك وغير زلك فهي هنا اشبه الصور المعاصرة بيها زي ما اقول لحضراتكو كده حمامات الساونا او صالات بعض انواع صالات وغيرها. ما فيهاش جاكوزي وغيره. ايه بقى المنكرات اللي في الحمامات ديت؟ اول حاجة صور
حيوانات على باب الحمام او داخله. الحيوانات اي ما فيه الحياة فيه الروح. سواء انسان او حيوان. قال لك الصور دي منهي عنها شرعا طب لو كانت الصور دي صور لنساء خليعة او عورات مكشوفة يبقى اللي هنا فيه محرمين محرم السورة ومحرم الايه؟ كشف العورات
فتنة الناس. قس الكلام ده بقى على اللي موجود في التكاتك وفي بعض المحلات وفي بعض المعارض وفي بعض الاسواق من عورات مكشوفة دي كلها منكرات محتاجة لانكار فيها. طيب قول ويكفي في زوال زلك ان تشوه وجوه الصور. طمس الصور
يبطل بها به تصويرها. طمس السورة يكون بطمس الوجه. عايز ما يتقالش عليها دلوقتي انها صورة. ومن لم يقدر على الانكار لم يجز له الدخول لم يجز له الدخول الا للضرورة. وليعدل الى حمام اخر. يعني هو بيقول لنا ما تتساهلش في مسألة الانكار. طالما ان انت عندك
عدة حمامات او عدة اماكن مكان يخلو من منكر ومكان اخر فيه منكر وانت تعجز عن الانكار. لأ روح المكان الزي ليس فيه منكر. لا تعود نفسك انك تتواجد في بيئة فيها منكرات وانت تتعايش مع هزا المنكر ولا تنكره. ومن زلك المنكرات اللي في الحمامات كشف العورات
النظر اليها وكشف المدلك عن الفخذ وما تحت السرة لتنحية الوسخ او مس العورة كل ديت اه محرمات. مش بزعم ان احنا في اه صالة العاب او احنا في اه مكان للساونا او في غيره ان الناس تقلع هدومها كده
اقعد بقى بدون تحفظ لأ كشف العورات محرم في اي مكان فينبغي للناس انها تتحفظ من زلك ومنها غمس اليد والاواني النجسة في المياه القليلة. فان فعل ذلك مالكي لم ينكر عليه. بل يتلطف به. ويقول له يمكنك الا تؤذيني
بتفويت الطهارة عليه. ايه معنى الكلام ده؟ في مسألة عند الفقهاء اسمها مسألة آآ هل ينجس ماء القليل بمجرد ملاقاة النياثة حتى وان لم يتغير ولا يشترط في ان الماء يتنجس انه يتغير احد اوصافه
نجاسة فالزاهب الشافعية والحنابلة وغيرهم الجمهور يعني ان الماء ازا كان دون القلتين فانه تتنجس باي نجاسة حتى لو لم تغير احد اوصافه. وده بيسموه الماء الايه؟ القليل. يبقى الماء القليل هو ما دون القلتين. يعني تقريبا القلة
عايزين دول يعملوا زي ايه بتاع مسلا تقريبا كان في حدود مية وخمسين لتر كده. الامام مالك رحمه الله اول وعموما المزهب المالكي عندهم التنجس يكون تنجس الماء يكون بتغير احد اوصافه بالنجاسة. بغض النزر وهو قليل او ايه؟ او كسير. عشان كده بيقول لو فيه واحد
في حمام ابو بكر الحمام هناك ما كانش زي دلوقتي كانت فيها الماية موضوعة فيه انية او اواني آآ لمعدل الاستعمال. فلو واحد ايده فيها نجاسة وحطها في اناء والاناء ده قليل يعني دول القلتين ايه اللي يحصل عند آآ جمهور العلماء؟ يتنجس. يبقى ما عدش الناس كلها تعرف تستعمله. فبيقول بقى
من المنكرات ان واحد يحط ايده في النجاسة او يحط آآ ملابس فيها نجاسة او اواني غير نجاسة في المياه القليلة اللي هي دون القلتين. فان فعل ذلك مالكي يعني
واحد مزهبو ملكي لم ينكر عليه لان هو عنده في الواقع ما ايه ان هو ما نجسش الماية طب نسيبه كده هو نجست المية بس الجمهور العلماء والناس اللي بتقلدهم
هيقولوا على ماية نجس مش هيعرفوا يستعملوها. قال يتلطف به. ودي فيها فائدة ان الواحد بقى بيعمل منكر مختلف فيه. اه مش هينفع تنكر عليه وتغلظ عليه لكن في نفس الوقت في مدخل لانك تمنع ايذاء الامر ده عن الناس يقول لك تلطف معه. قل له يمكنك الا تؤذيني بتفويت الطهارة عليه. يقول له خلي بالك انت لو حطيت ايدك
او حطيت الاناء اللي معك فيه نجاسة ده وانا عارف ان انت عندك الكلام ده مش محرم. لكن بالنسبة لي وبنزل للناس اللي واقفة دي كلها مش هنعرف اتوضا منه. مش هنعرف
استعمله طب يعني انت يرضيك كده تقعد ايه يتلطف له في القول يقول منكرات الضيافة ومن زلك آآ فرش الحرير للرجال او فرش الحرير للرجال. اتنين. الفرش الحرير اللي هي الايه؟ الوسائد او الاماكن الحرير اللي يقعدوا عليها. فما ينفعش الرجال
تعملوا الحرير لا في اللبس ولا في الجلوس عليه. وكذلك البخور في مجمرة الفضة او الذهب. المجمرة اللي هي الايه المبخرة يعني. في بعض الناس الاسرياء والوجهاء المجمرة بتاعتهم دي بتبقى من فضة او زهب. طعن في زل الناس اللي احنا بنسمع الكلام ده واحنا عندنا ازمة اقتصادية
طاح هنا فاحنا شايفينه والكلام ده خيالي يعني هو مين اللي هيجي؟ الناس مش لاقية تاكل عشان يجيب مجمرة من الزهب والفضة. بس احنا بنشرح كلام الراجل الطيب ده عشان يعني ايه؟ لو فيه واحد في يوم من الايام
قعد في مكان فيه مجمرة من الزهب والفضة يبقى عارف الحكم بتاعها. وكذلك الشرب فيه ماء يحرم الشرب في انية الذهب والفضة واستعمال ماء الورد منهما. يبقى الاكل او الشرب او اتخاذهم على اي جهة للاستعمال تحرم. وده قول عامة اهل العلم
عامة اهل العلم وكذلك تعليق الستور وفيها الصور عندنا حديس عائشة في صحيح مسلم انها كان لها آآ اه ستر او قرام يستر سهوة لها وكان فيه تصاوير النبي صلى الله عليه وسلم غضب غضبا شديدا وابى ان يدخل الحجرة
حتى ازالت السيدة عائشة هزا الستر وبزقته وجعلت منه سائد. وكذلك سماع القينات اللي هم المغنيات الاوتار الادوات اللهو اللي هي المعازف واطلاع النساء على الشباب الذين تخاف فتنتهم شوف بقى احنا بنهدي هزا الكلام
للي بيسمح ان هو يقعد هو وزوجته كده يقعد يتقلب في القنوات افلام ومسلسلات واعلانات وكليبات كلها فتن ولا يلتفت لمسل هزا. وبعض الناس متهيأ له ان غض البصر يكون في حق الرجال بس. مع ان الله سبحانه وتعالى قال قل للمؤمنين يغضوا من ابصارهم
احفظوا فروجهم وقال وقل للمؤمنات يغضضن من ابصارهن ويحفظن فروجهن. فمن منكرات الضيافة انك عايز تكرم الناس ما ينفعش بقى لا تعمل لهم آآ آآ معازف ولا تأتي لهم بالمغنيات ولا تسمح للنساء بانهم يطلعوا على الشباب مما
يخشى منه وقوع فتنة فكل ذلك منكر يجب تغييره. ومن عجز عن تغييره لزمه الخروج. ودي برضو مسألة ايه اللي يحمل بعض يا اخوانا انو يتواجد في وسط من المنكرات وهو يقولك ده منكر ايه ايه بدون مصلحة شرعية واحد قاعد مع صحابو عالقهوة
وهم عمالين يشربوا بعض المنكرات ويتوبسوا بمنكرات وهو قاعد معهم. ما بيعملش زيهم صحيح. بس هو قاعد معهم. ايه حكم قعدتك معهم؟ هو بيقول لك هنا يجب عليك فورا ان انت تقوم. لو انت جلست معهم لمصلحة كأن يدعو الى زلك عمل او او اي مصلحة معتبرة
تنكر المنكرات اللي موجودة وانت جالس. وبمجرد ما ينتهي غرضك من هزا الامر تنصرف. اما انك تبقى في مسل هزا المكان. بدون اه مصلحة معتبرة شرعا فالامر ده منهي عنه. يلزمك ساعتها الخروج. اللي هنقوله بقى في القهاوي هنقوله في الزيارات عند
بعض الاشخاص اللي فيها محرمات هنقوله في استادات الكورة هنقوله في المولات والاسواق اللي فيها فساد كبير جدا هنقوله في الافراح اللي مليانة فاسد ومعازف واختلاط وعورات مكشوفة هو نفس الحكم. واما الصور على النمارق والبسط فليس بمنكر. اه هو بيقول ان السور
اللي هتبقى على السجاد اللي في الارض او بعض الوسائد اللي اللي بتمتهن فليس بمنكر. ليه؟ لانها ليست مأخوزة على جهة التكريم او التعظيم وكزلك الفرش الحرير والذهب للنساء فانه جائز. فانه جائز. ولا
رخصة في تثقيب اذان الصبية لاجل تعليق حلق الذهب لا. يعني اه ورد اه عن احمد رحمه الله جواز ونقل ابن القيم اه في تحفة المولود الكلام في هزه المسألة. هو بيقول لك ما ينفعش تخرم ودن البنت الصغيرة لان ده
امر مؤلم اه لا يصح الا بيقول وفي المخانق والاسورة كفاية عن زلك. والاستئجار على ذلك غير صحيح والاجرة مأخوزة عليه حرام. هو اه اه بيضيق جدا في المسألة ديت والامر على خلاف قوله. هو بيقول لك لا ما لوش لازمة تقعد تسقب ازن البنت الصغيرة الطفلة
عشان تحطو لها فيه الحلق وفي المخانق اللي هي القلائد السلاسل يعني والاساور اللي بتتلبس الاية دي كفاية عن زلك. عايز تلبسها دهب لبسها حاجة ما تؤديش الى الالم ده
وبيقول الاستئجار على زلك غير صحيح يعني لو فيه بقى ممرضة ولا حد من اللي بيسكب الازن هياخد عليها فلوس بيقول ده اجرة غير صحيحة والمال المأخوذ عليه حرام آآ الصواب خلاف قوله والله اعلم. الصواب خلاف قوله والله اعلم. ومن زلك ان يكون في الضيافة مبتدع يتكلم
في بدعته فلا يجوز الحضور معه الا لمن يقدر على الرد عليه. وان لم يتكلم المبتدعة جاز الحضور مع اظهار الكراهة له والاعراض عنه. ودي برضو فيها مسألة. بعض الناس اللي بيطلب ان هو يحضر آآ ايفنتات او
منتديات او ملتقيات لبعض الناس اللي عندهم انحرافات سواء انحرافات عقدية او انحرافات اه منهجية او انحرافات سلوكية او غيرها انت ايه اللي يقعدك في وسط مجموعة من دولت؟ انت لو هتزهب لمسل هزا المكان ينبغي ان يكون عندك قدرة شرعية على الرد على
هزا المنكر وبيانه للناس. طب ان لم يكن عندك زلك فلا يجوز الحضور معه. اهو لا يجوز الحضور معه. مسألة بقى الفضول وحب التطلع لهزه الاشياء لا يعفيك من المؤاخزة الشرعية. بيقول الا في حالة واحدة لو لو واحد دعا ناس وفيه مبتدأ هيقعد مش هيتكلم
خالص فجاز لك الحضور مع الكراهة له والاعراض عنه. وان كان هناك مضحك بالفحش والكذب. لم يجز الحضور ويجب الانكار. مضحك بالفحش والكذب اللي هو الكوميديان يعني. واحد كوميديان هيضحك الناس
بالفحش يعني بالالفاظ البزيئة القبيحة او بالكزب ان هو يقعد يقول حاجات لم تحدس ولم تقع اللي هي النكت الايه؟ او الحكايات المختلقة لم يجز الحضور. خد بقى انت حكم بقى آآ برنامج باسم يوسف برنامج البرنامج وما فيه من
بزاءات وفحش يعني مخالفة للشرع وللخلق وللعقائد وكل شيء. وخد مساله النسخ الاسلامية منه بكل اسف. نسخ برامج عبدالله الشريف ويوسف اه اللي هو بتاع جوتيوب وغيرها والحاجات ديت. حاجة قبيحة جدا جدا جدا
ايحاءات آآ فاحشة الفاظ فاحشة آآ والهدف كله انه يضحك الناس ويقع في في اعراض الناس ويقع في السب ويقع في اللعن ايه ده! وتجد بعض الناس للاسف يعني مولع جدا
مشاهدة هزه البرامج او لو كانت لها وجود هنا حضورها. لما كانت بقى لها وتزاكر حضورها. وخد بقى نفس القصة بقى حكم المسارح اللي بتقدم فيها بالفحش والكزب ويزيد عليها بقى العورات المكشوفة والفتن والاختلاط الماجن وغير زلك. فبيقولوا
ان كان هناك مضحك بالفحش والكذب لم يجز الحضور. ويجب الانكار. فان كان مزحا لا كذب فيه ولا فحش. ابيح ما لم آآ يقل من زلك بعد كل التدابير اللي بياخدوها ديت يقولوا لهم في سؤال جوهري انتم ما
دوس عليه هل الامر ده هيكسر ويتخز عادة ولا لأ لان في اشياء بتكون مباحة بالجزء محرمة بالكل مباحة بالجزء محرمة بالكل فهيباح مرة ان واحد مسلا يلهو او يلعب لعبا مباحا
لكن يحرم انه يتخز هزا اللعب واللهو مهنة كل يوم رايح فيه رايح العب جاي منين جاي من اللعب رايح فين دي شغلته اللعب يحرم زلك ولا يصح فهو دي قاعدة مهمة جدا ان ان كان آآ مزحا لا كذب فيه ولا فحش ابيح ما لم آآ آآ يكسر
زلك فاما اتخاذه صناعة وعادة فيمنع منه. شف اتخازه صناعة وعادة فيما يمنع منه. ودي برضو مسألة تانية هل ينفع واحد يشتغل لعيب لعيب اي حاجة بقى مش شرط كورة فتنة لعيبة الكورة المحترفين دلوقتي بعض الاطفال الصغيرين في اولى ابتدائي وتانية ابتدائي في جلسة من الجلسات
تربوية كده بيتسألوا انت عايز تبقى ايه وعامل ايه في المدرسة؟ قال لي انا بكره المدرسة جدا. انا بكره المدرسة جدا. ونفسي ان انا اسيب المدرسة طب ليه امال عايز تبقى ايه ؟ قال لي عايز اطلع لعيب كورة. هالعب كتير واخد فلوس كتير. ده نموزج لطفل في تانية ابتدائي
فتنة للناس. نفس القصة بالزبط. يبقى هل ينفع واحد يشتغل لعيب؟ اي لعيب اي حاجة ما ينفعش. ينفع واحد يشتغل مهرج مع ضوابط التهريج الكاملة. مش هيكزب مش هيقول كلام فاحش ينفع واحد يشتغل مهرج شغلته انه مهرج يضحك الناس كده ما ينفعش. وهكذا كل ما لا فائدة فيه لا يصح امتهانه
ولا اتخاذ صناعة ولا عادة. الكلام ده يكون واضح يا اخواننا بس. دلوقتي لما واحدة عايزة تدعي لابنها كده يعني دعوة كده تقول له روح جاي اشوفك زي محمد صلاح ربنا يكرمني كده واشوفك كده زي محمد صلاح. حاجة كده كده زي الامام الشافعي كده محمد ابن ادريس الشافعي كده حاجة يعني ايه حاجة يعني كبيرة يعني
طيب بيقول فصل المنكرات العامة المنكرات العامة بقى اللي هي عموما في عموم المجتمع هو هنا بيقول قاعدة مهمة جدا جدا اتمنى ان اخواننا يلتفتوا اليها هم عدة سطور يسيرة وهننتهي من الدرس ان شاء الله. بس يا ريت اعيروني الاسماع جيدا لان ده امر مهم. بيقول من تيقن ان
في السوق منكرا يجري على الدوام. او في وقت معين وهو قادر على تغييره. لم يجز له ان يسقط ذلك انهو بالقعود في بيته بل يلزمه الخروج فان قدر على تغيير البعض لزمه وحق على كل مسلم
ان يبدأ بنفسه فيصلحها بالمواظبة على الفرائض وترك المحرمات. ثم يعلم ذلك اهله واقاربه ثم يتعدى الى جيرانه واهل محلته. ثم الى اهل بلده ثم الى السواد عموم الناس. كذلك الى اقصى العالم. فان قام
ذلك الاقرب سقط عن الابعد والا خرج به كل قادر عليه. حرج به كل قادر عليه. يعني اصابه الحرج كله قادر عليه هنا في مسألتين المسألة الاولانية ان لا يتيقن ان في منكرات بتقع لا يجوز له
انه يغلق على نفسه باب وهو يمكنه الانكار. ويسقط عن نفسه زلك. يقول ما ليش دعوة. انا في حالي. وده اللي بناخد منه مسألة وجوب العمل في الدعوة الله عز وجل وجوب العمل في الدعوة الى الله عز وجل على احد الناس. والعمل في الدعوة الى الله عز وجل فيه وظائف شتى. من اول اللي بينظف
مسجد اللي يأذن اللي بيفتح المسجد اللي يعمل صيانة للمرافق. اللي هيدي الدرس اللي هيخطب الجمعة اللي هيؤوم الناس في الصلاة. اللي هيجلس يحافظ الصبيان القرآن اللي هيحتسب وينكر على الناس لا يقعد يعلم الناس الدين. اي حاجة بقى في عمل الدعوة في العمل الاجتماعي اللي هيسد حاجة الفقراء والمساكين
هيخرج لقضاء مصالح الناس عن طريق المصالح الحكومية ناس لها مصالح متعطلة. يخرج هو عن طريق واجهته او قدرته لو له عمل سياسي لو له وضع برلماني او غيره يخرج لقضاء حوائج الناس يسعى الى دفع المنكرات لاحتساب على الحكام والانكار عليه
الاحتساب على عموم الناس بقدر الطاقة. العمل في الدعوة فيه وظائف شتى. انت لازم يبقى لك وظيفة فيهم. لازم يبقى لك وظيفة سواء كنت رجلا او كان مستمع امرأة صغيرا او كبيرا لازم يبقى لك وظيفة في العمل في الدعوة الى الله عز وجل. اذا ما سألك الله عز وجل يوما
مازا قدمت لهذا الدين وانت قد رأيت المنكر قد فشى وعم وصار امر مقطوع به وقائم والذين يسعون الى ازالة المنكرات قلة. انت عملت ايه معهم بقى؟ ساعدتهم في ايه؟ يبقى ده اول مسألة. المسألة التانية
حق على كل مسلم ان يبدأ بنفسه. ما ينفعش واحد هينشغل بعمل الدعوة وهو نفسه مهمل في نفسه. يبدأ بنفسه فيصلحها بالمواظبة على الفرائض وترك المحرمات. ثم يعلم ذلك اهله واقاربه. ثم يتعدى الى جيرانه واهل محلته ثم الى
اهل بلده وهكذا. يبقى كل واحد فينا يبقى عارف ايه الدواير اللي هيأثر فيها؟ ابتداء بالمخاطب بها ابتداء هو نفسه. ثم اهل بيته ثم آآ سائر اقاربه ثم جيرانه وهكذا كل من يتصل به. كل واحد فينا له دايرة معارف تضيق او
اه او اه او تتسع وانت خلي بالك لا لست خطيبا ولا اه اه معلما ولا اماما ولا شيء لكن انت واحد من عموم المسلمين عندك قضية عندك دايرة اتصال بالناس دايرة الشخصية الخاصة بك دايرة الاقارب الاهل الاصدقاء الزملاء في العمل الجيران
الناس كل الدواير دي لك فيها تأسير انت بتأثر فيهم بايه؟ انتبه لمسل هزا. نقف هنا نستكمل ان شاء الله في المرة القادمة سبحانك اللهم وبحمدك اشهد ان لا اله الا انت استغفرك واتوب اليك