ان الحمد لله تعالى نحمده ونستعين به ونستهديه ونستغفره. ونعوذ بالله تعالى من شرور انفسنا وسيئات اعمالنا من يهدي الله فلا مضل له. ومن يضلل فلا هادي له. واشهد ان لا اله الا الله وحده
لا شريك له واشهد ان محمدا عبده ورسوله. وبعد فان اصدق الحديث كتاب الله تعالى. وخير الهدي هدي محمد صلى الله عليه وآله وسلم. وشر الامور محدثاتها. وكل محدثة بدعة وكل بدعة ضلالة
كل ضلالة في النار ثم اما بعد. ما زلنا مع آآ كتاب ذم الغضب ووصلنا الى باب في فصل في بيان الاسباب المهيجة للغضب وذكر علاج الغضب. لكن قبل ان نذكر الاسباب المهيجة للغضب وان نذكر علاجها. في مسألة مهمة زكرها الامام الغزالي رحمه الله
نقف معهم ودي مهمة جدا. وانا يعني اهديها لنفسي ولاخواني. وهي مسألة نطردها يعني تضطرد تستمر معنا في كسير من الابواب. الامام الغزالي بيقول الغضب هل يمكن ازالة اصله بالرياضة ام لا؟ الرياضة قلنا قبل كده في لسان اهل السلوك علماء الرقائق يتكلموا عن المجاهدة
مجاهدة في السماء والرياضة ترويض النفس يعني تأديبها تأديب النفس ومجاهدتها بيسموها رياضة. فهو بيسأل هنا سؤال بيقول هل ممكن ازالة اصل الغضب بالرياضة ام لا؟ فيقول اعلم انه ظن الظانون انه
تصوروا محو الغضب بالكلية. وزعموا ان الرياضة اليه تتوجه واياه تقصد. وظن اخرون انه اصل لا يقبل العلاج. يبقى في ناس قالوا اه طبعا ممكن الغضب ينمحي بالكلية. وفي ناس تانية قالت لأ
اي واحد ربنا خلقه غضوب وبيتنرفز وبيزهق كده مش هينفع يغير نفسه. بيقول وهزا رأي من يظن الخلق كالخلق اللي بيقول ما ينفعش يتغير ده اللي بيظن ان الخلق كالخلق. الخلق اللي هو الصورة الظاهرة اللي هو الهيئة اللي الظاهرة ديت اسمها الخلق. فيه واحد طويل
في واحد قصير في واحد تخين رفيع عينيه واسعة عينيه ضيقة خلقته كده. الخلق هو صورة الباطن. الخلق هو صورة الباطن صورتك من جوة صورة نفسك من جوة هي دي اسمها الخلق. فقالوا الخلق زي الخلق ما بيتغيرش
وطبعا ده كلام باطل. هو بيقول وكلا الرأيين ضعيف. كلا الرأيين ضعيف. الرأي ده والرأي ده ليه؟ قال بل الحق فيه ما نذكره. وهو انه ما بقي الانسان يحب شيئا
ويكره فلا يخلو من الغيظ والغضب. وما دام يوافقه شيء ويخالفه اخر فلا بد من ان ما يوافقه ويكره ما يخالفه والغضب يتبع ذلك. فانه مهما اخذ منه محبوبه بلا محالة. واذا قصد بمكروه غضب لا محالة. بيقول اللي بيقوله ان مش هيبقى فيه غضب بالكلية وهيبقى يوصل لمرحلة الصفر
ده كلامهم باطل واللي بيقولوا ان الغضب ده جبلة وربنا خلقك عليه لا ينفع تروضه ولا تجاهده ولا تقل له كلامهم باطل طب ليه قول كده بيقول لان طول ما الانسان عايش في الدنيا وعنده حاجات بيحبها وحاجات بيكرهها وحاجات بيحرص عليها وحاجات بيفر
منها فلابد ان يبقى عنده شيء من الغضب. لان الغضب هيتبع الايه الحب والكره هيتبع الموافقة والمخالفة. للانسان. بس ممكن تهزيبه؟ اه ممكن تهزيبه. ممكن في ضوء ايوة ممكن ترويضه. ممكن مجاهدة النفس فيه؟ ايوة ممكن مجاهدة النفس فيه. لكن هو هنا ابدع كعادته وبدأ يقول انا هقسم لك بقى
الحاجة اللي الانسان بيحبها وممكن يغضب عشانها لتلات اقسام. القسم الاول ما هو ضرورة في حق الكافة. اي انسان محتاجه ضرورة كالقوت والقوت ده اللي هو الغزاء الضروري مش الرفاهيات. القوت وبه قوام حياة الانسان. كالقوت والمسكن مكان اللي
اسكن فيه والملبس وصحة البدن. فمن قصد بدنه بالضرب والجرح فلا بد آآ من بدنه بالضرب والجرح فلا بد وان يغضب. وكذلك اذا اخذ منه ثوبه الذي يستر عورته. وكذلك
ازا اخرج من داره التي هي مسكنه او اريق ماؤه الزي لعطشه فهزه ضرورات لا يخلو الانسان من كراهة زوالها من غيظ على من يتعرض لها. يبقى دي حاجات ضرورية. اي انسان طبيعي هيغضب لفقدها ويغضب لانتهاكها
وهنا مسألة لطيفة عشان بعض الناس من المتدينين وبعض من ينتسبون الى العلم والعلم والدعوة. يقول لك الناس بتثور عشان رغيف العيش. تمون طبيعي يسوع عشان رغيف العيش. قايل له ايه ما هو واحد مش لاقي ياكل. هيغني؟ ما هو لازم يغضب. الناس بتثور عشان غلاء الاسعار
طب ما هو لازم لازم يغضب. الطبيعي كده يقول لأ انت بتغضب عشان غلاء الاسعار وما بتغضبش لانتهاك محارم الله. اه نقول له انت زي ما غضبت هنا بس نبقى متفهمين ان غضبه هنا غضب طبيعي فطري لازم تغضب لانتهاك محارم الله هنا. واضح يا اخوانا الجزئية دي ولا مش واضحة
عشان بس اما نيجي نتكلم مع ناس بعض الناس كده ساعات بيوجه خطاب شرعي يكره الناس في الشرع. او يخليهم يسيئوا الظن في احكام الشريعة. كأن المطلوب ان الناس تنسحق تحت وطأة الفقر والظلم والجهل والمرض والاستبداد والطغيان وما حدش ينطق. والناس تستمتع ده منافق
الفطرة فيبقى ده القسم الاول. ما هو ضرورة في حق الكفة؟ فازا تعرض للنقص او الفقد لابد ان يغضب صاحبه. القسم الثاني ما ليس ضروريا لاحد من الخلق كالجاه والمال الكثير الوجاهة
او المناصب او المال الكسير يعني المال الزائد عن حد الحاجات اللي زكرها فوق. والغلمان يعني الخدم والعبيد والدواب السيارات الكتير. فان الامور صارت محبوبة بالعادة والجهل بمقاصد الامور. حتى صار الذهب والفضة اللي هو الجنيه والدولار
لا الاثمان يعني اثمان الاشياء. حتى صار الذهب والفضة محبوبين في انفسهما فيكنزان. ويغضب على من يسرقهم وان كان مستغنيا عنهما في القوت. ويبدأ يتكلم في الكلام ده كلام آآ كتير. ملخصه واللي احنا عايزين نقف معه. بيقول
آآ وهزه العادات الرديئة هي التي اكثرت محاب الانسان ومكارهه فاكثرت غضبه وكلما كانت الارادات والشهوات اكثر كان صاحبها احط رتبة وانقص لان الحاجة صفة نقص فمهما كثرت كثر النقص. والجاهل ابدا جهده في ان يزيد في
في حاجاته وفي شهواته وهو لا يدري انه مستكثر من اسباب الغم والحزن. حتى ينتهي بعض الجهال العادات الرديئة ومخالطة قرناء السوء الى ان يغضب لو قيل له انك لا تحسن اللعب بالطيور واللعب بالشطرنج
لا تقدر على شرب الخمر الكثير وتناول الطعام الكثير وما يجري مجراه من الرذائل. فالغضب على هذا الجنس ليس بضروري لان حبه ليس بيقول ان كتير مننا دلوقتي بقى بيتوسع في حاجات كل بقى الفضول الزائدة عنه. فضول في الملبس فضول في المأكل فضول في
ايه المشتروات في الوجاهة في الكنز الاموال كل ده؟ فضول زائد. بيضيع عمر الانسان وينشغل به عن غايته خلق لها ثم هو يكون احد الاسباب الهامة جدا والمؤثرة جدا في وجود الغضب والهم والحزن. وده امر مش
ضروري والعاقل ما يستنفزش حياته في الباب ده. ده توجيه برضه. وكل واحد فينا يعمل المقياس ده لنفسه. انا كم الفضول في حياتي قد ايه ؟ ربنا خلق الانسان لغاية. وما خلقت الجن والانس الا ليعبدون. وفي الحديس القدسي يا ابن ادم خلقتك
آآ لعبادتي فلا تلعب وتكفلت برزقك فلا تتعب. فالانسان لازم يشتغل ولابد يأخذ بالاسباب كما قال عز وجل فامشوا في مناكبها. لكن هل ينفع يكون حياته كلها مستغرقة في الباب ده ؟ وهو ده يكون محط رضاه محط رضاه وسخطه. ومحط رضاه غضبه
وعامة مخاصمته للناس تكون في الابواب دي ان حد بينازعه على الوجاهة حد بينزعه على المال حد بينزعه على الشهوات بتاعته المباحة والمحرمة فانتبه وده امر مقصود. الامر التالت القسم الثالث ما يكون ضروريا في حق بعض
الناس دون البعض كالكتاب مسلا في حق العالم لانه مضطر اليه فيحبه. فيغضب على من يحرقه ويغرقه وكذلك ادوات الصناعة في حق المكتسب الذي لا يمكن التوصل الى القوت الا بها. فانما هي وسيلة الى الضروري. ديت غالبا تلحق بالايه؟ تلحق
حق بالقسم الاول بيقول الرياضة بقى اللسان ازاي يجاهد قلبه في الغضب في الحاجات المختلفة دي قال اما القسم الاول فليست الرياضة فيه لينعدم غيظ القلب ولكن لكي يقدر على الا يطيع الغضب
ولا يستعمله في الظاهر الا على حد يستحبه الشرع ويستحسنه العقل. وذلك ممكن بالمجاهدة وتكلف الحلم والاحتمال مدة حتى يصير الحلم والاحتمال خلقا راسخا يبقى ده المطلوب ان الانسان في القسم الاول يجعل عقله مقدم على اقواله وافعاله فلا يتكلم الا من وراء عقله يعني خلي العقل الاول
اتكلم بعد ما يعرض على العقل يجعل افعاله وراء العقل. ويرى هل هي تعود بالضرر على ما آآ خرج يغضب من اجله وام لا؟ يعني واحد مسلا بيتعرض للطرد من السكن. هو ممكن لو حل المشكلة او جلس للتفاوض
اه يفضل جالس. طب لو انفجر غاضبا في اللي قدامه اطاح به وو الى اخره؟ يبقى نسبة رجوعه للسكن دي قد ايه؟ تكاد تنعدم. يبقى الغضب هنا حقق له مراده ولا يعاكس مراده؟ عكس مراته. فننتبه. بيقول القسم الثاني يمكن التوصل بالرياضة الى الانفكاك
عن الغضب عليه. لو الانسان فعلا بلغ حقيقة الزهد في الدنيا. ورأى ان الدنيا دي شيء زهيد. يعني شيء قليل. وان الدنيا ظل زائل ونعيم حال. الدنيا دار من لا دار له. ومال من لا مال له. ولها يجمع من لا
له. دنيا مقر ممر وليست مقر. الانسان بيأتي في الدنيا فترة ثم يتركها وينصرف الى البرزخ ثم الى الدار الاخرة وهي الحياة الحقيقية. ولذلك قال الله عز وجل وان الدار الاخرة لهي الحيوان. لو كانوا
والحيوان يعني الحياة الحقيقية الحياة بجد. فالانسان اللي هيزهد ومعنى الشيء ومعنى الزهد في الدنيا يعني يعتقد وده الزهد عمل قلبي. يعني ممكن واحد يبقى لابس سياب فاخرة ويركب سيارة فارهة وهو زاهد. لان قلبه مش متعلق بالحاجات دي. مش فارقة معه كتير. فعلا اخرج هزه الاشياء من
قلبه. ويعتقد ان هزه اشياء زهيدة لا تستحق انه يغضب من اجلها ولا تستحق ان هو يتنافس عليها ولا ولا كل هزه الاشياء الغضب تبع للحب. فالرياضة في هذا الباب تنتهي الى قمع الغضب. يعني الانسان يقمع الغضب بالكلية. ده ممكن حد يوصل له
ممكن بس ده نادر قوي لكن على الاقل ان هو يجعل هزه الاشياء ليست من اولوياته التي يغضب من اجلها قل في الخصومات والنزاعات من اجله. وكذلك يلحق بالقسم الاول القسم الايه؟ السالس. يلحق القسم الاول
القسم الثالث. ندخل في اه كلام مختصر من اجل القصدين. بيقول فصل في بيان الاسباب المهيجة للغضب وذكر علاج الغضب. قد عرفت ان علاج كل علة بحسب مادتها وازالة اسبابها. علاج اي حاجة انك
تعكس سببها وتمنع سببها. واحد بيشتكي ان عنده حموضة. الدكتور بيدي له ايه؟ مضاد للحموضة. واحد عنده آآ سخونية. الدكتور بيدي له ايه ؟ منخفض للحرارة. مضاد للسخونية. فكذلك واحد عنده اسباب بتهيج الغضب. يبقى العلاج بتاعه ايه؟ ان هو
نمنع اسباب الغضب ده. ونعالج الاسباب اللي عنده دي. يبقى اول حاجة نعرفها ايه هي الاسباب. يا ترى هي ايه الاسباب اللي تخلي الانسان يغضب اول سبب العجب. وانا بقول لك ان الغزالي مبدع. ودقيق وآآ فعلا
يعني اجاد في تصنيف هزا الكتاب اللي هو كتاب الاحياء. اللي هو اصل الكتاب اللي معنا. قال لك اكتر حاجة تخلي الانسان يغضب العجب انت عارف يعني ايه العجب؟ انسان يبقى معجب بنفسه. معجب برأيه. معجب باختياراته. معجب عنده عجب
عنده تقييم لنفسه عالي قوي. عنده تقييم لنفسه عالي قوي. فبالتالي لما حد يخالفه في التفكير يغضب عليه جدا. لما حد يخالفه في الرأي يغضب عليه جدا. لما حد يخالفه في الامر والنهي يغضب عليه جدا. يبقى لو الانسان
تخيل بقى لو انسان ما عندوش عجب عنده تواضع. عنده انكسار نفس. عنده كده نوع من خفض الجناح. هيسرع اله الغضب لأ الغضب يكون بعيد عنه جدا على فكرة. انما الغضب مرتبط ارتباط وثيق بالزهو والعجب. وحتى لا
نستنفز الوقت في هزا لان ده داء مهلك وامر خطير له باب لوحده وجاي معنا بعد كده. اللي هو مرض العجب كيف التخلص منه؟ فنرجئه الى بابه. نبقى عارفين ان ده من الاسباب القوية جدا. كزلك من الاسباب المزاح. قلنا
والمزاح لغتين المزاح بقى اللي هو الهزار. يقول لك من الاسباب اللي بتوجد توجب الغضب وتورث وتورس الندامة بعد زلك المزاح. اتنين بيهزروا مع بعض ويقلب الهزار بغم يضربوا بعض واتخانقوا بيبقى بينهم قطيعة. وازن اللي هيتابع
صفحات الحوادس وما فيها من منكرات يجد ان في ناس بتوصل لقتل بسبب في الاول ايه؟ المزاح ده. المزاح اللي يبقى قايم على التهريج والهزار والسخرية من الشخص اللي قدامه وينكت عليه بكلمة ويضحك عليه الناس اللي قاعدين هزار في هزار هزار في هزار
ايه اللي يحصل؟ يغضب عليه يبقى الامر يتطور بقى. طيب والمماراة المماراة اللي هي الايه ؟ المجادلة. المماراة اللي هي المجادلة. اللي هي اطالة النفس. في النقاش من اجل اسبات خطأ الخصم لافحامه بغض النزر عن اي اعتبار تاني. انت عايز تطلع اللي قدامك غلطان. انت قاعد له بقى بالصح وبالغلط وبالحق وبالباطل
وبكلام له علاقة بالموضوع وكلام ما لوش علاقة بالموضوع. دي اسمها المباراة. وده امر مذموم. مذموم شرعا. انا زعيم ببيت في ربض الجنة لمن ترك المراء وان كان محقا ودي مهمة جدا. يبقى المماراة بتورس الغضب الا لما حد بيجادل كتير بتورس الغضب. عشان كده نقول ودي همسة كده
في اذن النساء ونداء للزوجات. كتير من اسباب الطلاق ان المرأة كسيرة الايه؟ المراء. تفضل تناقش فيه وتجادل فيه وتطهق فيه. يا مولانا انت عايزة ايه ؟ طب انت طالق. خلاص هتسكت. او يضربها. او يزعلها جامد
الكلام طب ليه بتوصلي نفسك لكده لان هي مش قادرة توقف كلام. ومناقشة وليه قلت كزا وليه عملت كزا وليه خليت كزا وده من اسباب كتير جدا للمشاكل ومن الاسباب المهيجة للغضب. فالمماراة مذمومة لا سيما لا سيما كما
فقلت لكم بين الولد ووالده. فبرضه ايه اللي بيخلي الاباء ينفجروا غضبا؟ ان ابنه او بنته يبتدي يماريه ينادله. وانت قلت وانت وانت قبل كده خلصت وانت قبل كده ما عملتش يبتدي يحاسبه. وانت بتحاسبني ويجادله ويحاول يغلطه فينفجر فيه. وكذلك الزوج مع الزوجة وغير ذلك
والمضادة اللي هو الشريك المخالف. يمين يقول لأ شمال. واخد بالك؟ والغدر الغدر ان الانسان يوصل المكر او يوصل الشر الى من يأمنه وليس بمستعد منه لزلك وشدة الحرص على فضول المال والجاه. الانسان اللي حريص اوي على الفلوس واتخانق جدا ويغضب من اجل المال. وعشان كده النبي عليه الصلاة
التعس عبدي الدينار. تعس عبد والحديس في الصحيح. فسمى من كتر حبه للفلوس سماه عبد ليها. وفي واحد من كتر حبه ازياء والموضة سماه عبدالقطيفة والخميلة والخميصة عبد للديكورات والزينة والمناظر عبد للدنيا هو
كلام النبي عليه الصلاة والسلام. فبيغضب بيغضب من اجل سيده المال بقى سيده فبيغضب عشان سيده. فانتبه. يقول وشدة الحرص على قبول المال والجاه. وهذه اخلاق رديئة مذمومة شرعا. فينبغي ان يقابل كل واحد من هذه بما
ايضاده فيجتهد على حسم مواد الغضب وقطع اسبابه. فمسلا العجب الزهو الانسان يميته ويضاد بالايه؟ بالتواضع. وبمعرفته بنفسه وعيوبها وآآ الشعور دائما بانك خلقت من اصلك من تراب فالناس بنو ادم وادم من تراب
والمزاح علاجه التشاغل بالمهمات الدينية التي تستوعب العمر عنه اذا عرفت ذلك. يعني الانسان اللي قاعد في المزاح والهزل واللعب ده. لو هو عنده اوراد لو هو عامل لنفسه ورد محترم
كده زي ما كان السلف بيختم القرآن كل اسبوع. محزبين القرآن على سبع تيام. اول يوم يقرأ تلاتة وبعد كده وبعد كده سبعة وبعد كده تسعة وحداشر تلتاشر وبعد كده المفصل. سبع تيام يخلص المصحف. هو عشان يجيب في
اليوم تقريبا اربع اجزاء ونص في اوقات هيبقوا ست اجزاء. هيجيبهم ازاي لو هو قاعد يهزر؟ مش هيجيبهم. عشان يبقى جاد في الورد بتاعه يعمل ايه هيبتدي يحسب وقته ويحسب كلامه. الاوقات البينية يستفاد بها في الورد. طب هو بقى لو عامل لنفسه ورد في الصلاة على النبي عليه الصلاة والسلام. والصلاة على النبي
عليه الصلاة والسلام لتفريج الكروب ولازالة الهموم والغموم وقضاء الحاجات. وسبب لانشراح الصدر فعلا وخير من زلك انها سبب للمغفرة الزنوب. ازا يغفر لك ذنبك وتكفى همك. الحديس. حديس ابي. طيب
الواحد بقى لو عامل لنفسه ورد صلاة على النبي عليه الصلاة والسلام. اخ من اخواننا كده كان يقول آآ هو حدست بيني وبينه ما كانش حابب ان هو يظهره بس كان عمل حادسة جامدة جدا. كان ماشي
العربية في الطريق كده وبعد كده نام وهو سايق. فالعربية اتقلبت منه وجت في الطريق المعاكس. المفروض بقى العربيات اللي جاية ايه؟ هتشوته. قدر ربنا العربية اتقلبت اتنازلت زي ما هي كده. بعض الاضرار الخفيفة جدا وما حصلوش حاجة. قال لي انا يعني احسب ان ربنا نجاني لان انا لي ورد بالصلاة على النبي عليه الصلاة والسلام. كزا الف مرة
ويصلي على النبي عليه الصلاة والسلام فيقول دي انا احسن ان دي من ارجى اعمالي اللي انا ايه اللي ممكن يكون ربنا نجاني بها. فتخيل بقى مسلا واحد شاغل نفسه بكده
فبدل ما يقعد يهزر ويقول كلام تافه ويسخر من الناس ويقع في محرمات ما هو الهزار هيبقى فيه سخرية ممكن يبقى فيه غيبة ممكن فيه كذب ممكن يبقى فيه انتقاص لشخص كل ديت
لكن هيترك بقى الحاجات دي كلها وينشغل بالمهمات دي. مسلا واحد عنده النوافل وعايز بقى يصلي ما بين المغرب والعشاء وعايز يصلي ما بين بعد صلاة الفجر بعد طرات هاد الضحى بعد شروق الشمس يعني وواحد عايز يصلي يحيي قيام الليل عنده اوراد وعنده حاجات عنده مهمات دينية عنده انشغال بالعلم الشرعي
عايز يحضر مجلس علم ويزاكر اللي خدوه ويقرأ في التفسير يقرأ في الحديس وهكزا. فعلاج المزاح ده ان الانسان يعرف ان العمر قصير ولا ينبغي ابدا استهلاكه واستنزافه وتضييعه في هزا الامر المهلك. فننتبه. وكزلك ما يلحق به زي الهزل وغيره. تخيل بقى مسلا دلوقتي مسلا
يمكن واحد يكون من اسباب الخلافات اللي ما لحقهاش الامام الغزالي ماتشات الكورة. ماتشات الكورة. تدخل على تويتر تلاقي الترند ايه البوابين والكومندوز والمش عارف ايه والله ما انا عارف التانية كده كان كواندوز ايه كمان كده وكل ده ايه
فايق ما بين بتوع الاهلي والزمالك. ده تريند يعني انت عارف تريند يعني ده اعلى حاجة شاغلة الناس على مواقع التواصل الاجتماعي في مصر. اعلى موضوع وهاشتاج واخد كده ايه واخد تويتات على الموقع. بالله عليك بقى يعني ده امر يبكي ولا لأ؟ يعني امور يضحك السفهاء منها ويبكي من عواقبها
اللبيب. حاجة عجيبة جدا والله. كم من المماراة بقى اللي بتشوفها انت لو لقيت اتنين بيتكلموا مع بعض عن عشان ماتشات الكورة والامر تعدى كمان الماتشات حليت بقى الماتشات الايه الاجنبية والله ما ينفع ابدا كده. وده بقى المفروض الامام غزالي ما يلحقوش عشان كان يكتبه معنا في الايه؟ يكتبه في الحاجات المهينة دي
وغيرها بقى من الناس اللي بتقعد تلعب الالعاب الالكترونية مع بعضها او العاب الفيديو جيمز او غيرها ويتخانقوا بسبب الحاجات ديت. فرة اتنين واتنين اصحاب اوي واحد منهم بيبقوا عاملين مع بعض تقسيمة زي اللي هي الفيفا ديت جه حط له جون في الاخر. قام مسك في خناقة. شف انت متخيل اتنين صحاب وناس كبيرة شباب مش اطفال
مكلفين يعني طب ينفع يا جماعة الكلام ده طيب اا برضو من ضمن الحاجات اللي الانسان يعالجها اا مسألة الايه حرص على الاموال ومزايا العيش. فالانسان يعالج السبب ده بالقناعة. والزهد في الدنيا. وان اه اه الحياة الاخرة
الحياة الحقيقية هي حياة آآ الاخرة. من ضمن الاسباب الخطيرة جدا واللي ما زكرهاش صاحب المختصر وهي مهمة. يقول الغزالي رحمه الله ومن اشد البواعث على الغضب عند اكثر الجهال
تسميتهم الغضب شجاعة ورجولية وعزة نفس وكبر همة وتلقيبه بالالقاب المحبوب محمودة غباوة وجهلا حتى تميل النفس اليه وتستحسنه. وقد يتأكد ذلك بحكاية شدة الغضب عن الاكابر في معرض المدح بالشجاعة والنفوس مائلة الى التشبه بالاكابر فيهيج الغضب الى القلب بسببه. وتسمية هذا عزة
وشجاعة جهل بل هو مرض قلب ونقصان عقل. وما يؤتى الانسان في الغضب الا من ضعف عقله وضعف نفسه ونقصانها فينبغي تجيب لنا الكلام ده منين؟ حديس النبي عليه الصلاة والسلام. ليس الشديد بالسرعة. انما الشديد الذي يملك نفسه عند الغضب
الشديد الذي يملك نفسه عند الغضب. طيب بيقول قد عرفت ان اه اه طيب كل ده ازا الانسان ما كانش لسه غضب عمال يعالج نفسه ويروض نفسه عشان ما يغضبش. طب لو الانسان غضب بقى يعمل ايه؟ وقع المحزور خلاص. غضبت
غضب العلماء بيحطوه من عوارض التكليف. لان فيه حالة من الغضب كده الواحد لو وصل لها بتبقى غضب مغلق. بيزيل العقل كل حاجة صعبة جدا ممكن يعمل اي حاجة. طب الانسان اللي غضب بقى وبدأ مبادئ عشان كده العلماء فيه مسألة كده يقول لك طب ازاي النبي عليه الصلاة والسلام
واحد يقول لواحد لا تغضب وانت بتقول ان الغضب ده من ايه؟ من عوارض التكليف وبيزيل العقل. اقول لك يعني العلماء لما شرحوا الحديس قالوا لا تغضب يعني لا تأخز باسباب الغضب. او لا تتجارى مع مبادئ الغضب حتى تصل الى منتهاه. وانت في البداية ولسه عقلك
حاضر وسابت اعقل وخد باسباب دفع الغضب. وصل كده؟ بالزبط زي قول الله عز وجل يا ايها الذين امنوا اتقوا الله حق قد تقاته ولا تموتن الا وانتم مسلمون. هو كل واحد بيختار هيموت امتى ؟ وكل واحد بيختار هيموت ازاي ؟ يعني ايه ولا تموتن الا وانتم مسلمون
ده بينهاك عن انك تاخد باي سبب. يفسد عليك اخرتك وخاتمتك. نسأل الله عز وجل ان يرزقنا حسن الخاتمة فخد بالاسباب اسباب التقوى والعمل الصالح وملازمة الايه الاستقامة عشان تموت على الاسلام. فاما يقول لك لا تغضب يعني لا
تأخذ باسباب الغضب او لا تتجارى وتسترسل مع مبادئه. ازا بدأ وقف لانك لسة بتبقى بعقلك كامل. طب ازا هجى الغضب طب فكيف يعالج؟ يعالج بعلم وعمل. بعلم وعمل. يبقى انا عندي الدواء اللي هشتريه عشان اعالج به الغضب ده. ما ازا يكون ازازة دواء كده فيه
ايه مكونات في مكونات علم ومكونات عمل مكونات العلم ديت ست حاجات اولا ان يتفكر في الاخبار الواردة في كظم الغيظ والعفو والحل وحسبك من ذلك قول الله عز وجل. وسارعوا الى مغفرة من ربكم. وجنة
عرضها السماوات والارض اعدت للمتقين. المتقين الذين يذكرون الله الذين ينفقون في السراء والضراء والكاظمين الغيظ والعافين عن الناس والله يحب المحسنين. ما هو دا وصف المتقين اهو. اعدت للمتقين. جنة عرضها السماوات والارض اعدت للمتقين. من صفاتهم ايه
التقييم دولت يبقى المتقين الذين ينفقون في السراء والضراء والكاظمين الغيظ والعافين عن الناس. فشوف كظم الغيظ دا عاقبته عند ربنا ايه؟ وكما جاء في بخاري من حديس ابن عباس رضي الله عنهما ان رجلا استأزن على عمر رضي الله عنه فازن له. قام قايل لسيدنا عمر ايه؟ ايه يا ابن
الخطاب فايه فوق. سيدنا عمر ده ايه؟ خليفة. ماسك كم دولة بقى؟ شف الحجاز كلها. ودول الخليج كلها. والشام كلها ومصر كلها وايران اللي هي الفرس انت خلي بالك بقى الكام دولة دول كلهم مع سيدنا عمر بقى شوف دلوقتي انت لو واحد دخل على رئيس دولة زي
يموتي كده هيقف محترم نفسه. تخيل بقى ده ماسك دول امم وامبراطورية كبيرة جدا جدا. فيقول له يا ابن الخطاب والله ما تعطينا الجزل ولا تحكم بيننا بالعدل. الجزل يعني العطاء الكثير. ولا تحكم بيننا بالعدل
بسوء ادب مع خليفة المسلمين. ومنصب الخلافة وولاية الامر منصب شرعي. له قدره في الاحترام والمخاطبة طريقة الانكار وكل حاجة. تخيل بقى مش بس واحد ولي امر شرعي ده ده خليفة راشد. خليفة راشد النبي صلى الله عليه وسلم بشر به
الجنة واعطاه من الفضائل حكم له بالفضائل ما لم يحكم بها سوى لابي بكر رضي الله عنه وارضاه. ومع زلك واحد يقول له يا ابن الخطاب والله ما تعطينا الجزل ولا تحكم بيننا بالعدل. فغضب عمر رضي الله عنه. عنده حق يغضب طبعا. حتى هم
ما ان يوقع به. ويوقع به يعني يعاقبه. يعني ينزل به عقوبة. وساعتها ده كان هيبقى حق مش زلم. فقال الحر ابن والحر ابن قيس ده كان ابن اخوه ابن اخو الجد ابن قيس وكان من القراء وكان شاب وكان من اه
اصحاب مشورة عمر رضي الله عنه. سيدنا عمر بيدني القراء حتى لو شباب صغيرين. القراء اللي هم حفظة كتاب الله. العاملين بالهواء يعني الايه؟ القارئ اللي بيحفظ الكتاب كريم القرآن الكريم ويعمل به. قال يا امير المؤمنين ان الله عز وجل قال لنبيه خذ العفو وامر
بالعرف واعرض عن الجاهلين. وان هزا من الجاهلين. فوالله ما جاوزها عمر رضي الله عنه. حين تلاها عليه كان وقافا عند كتاب الله عز وجل. شف الغضب الهائل ده وقفته الايه؟ الاية. التقوى. يبقى اول حاجة الانسان
لو غضب يزيل بها الغضب عن نفسه انه يتفكر في فضل كظم الغيظ والاخبار الواردة في العفو وترك الغضب وغير زلك ان يخوف نفسه من عقاب الله تعالى. وهو ان يقول قدرة الله علي اعظم من قدرتي على هذا الانسان
فلو امضيت فيه غضبي لم امن ان يمضي الله عز وجل غضبه علي يوم القيامة. فانا افوج ما اكون الى العفو. والعفو يا اخواننا ده امر مهم جدا. الله عز وجل اسمه العفو
والله عز وجل يتصف بانه يعفو عن كثير سبحانه وتعالى. كما قال عز وجل ويعفو عن كسير مش بس كده ان هو اسمه العفو ويعفو عن كسير الله عز وجل يحب العفو
للحديث عن عائشة رضي الله عنها لما سألت النبي صلى الله عليه وسلم عن دعاء ليلة القدر قال قل اللهم انك عفو تحب العفو فاعف عنا اللهم اعف عنه. يبقى ربنا بيحب العفو. يبقى ربنا اسمه العفو. ويتصف بالعفو الكثير سبحانه وتعالى. ويحب العفو. انت عارف انت لو
امتلأ قلبك بان ربنا بيحب العفو. هتبقى مزنب وربنا يتوب علينا جميعا. وهتجد عندك طاقة انك تقف بين ايدين ربنا استغفر وتتوب وتقول يا رب اعفو عني لانك عارف ان ربنا ايه بيحب العفو
فمهما اثقلتك خطاياك ومهما آآ يعني احرقتك الذنوب ومهما استوحشت من التقصير فلا تخجل ان ان تقف وتقوم بين يدي الله عز وجل وتقول اللهم اعف عني. اللهم انك عفو تحب العفو فاعف عني
اعرف انك بتعمل حاجة ربنا بيحبها وهي طلب العفو منه سبحانه وتعالى. النبي عليه الصلاة والسلام كانت شيمته وكان هديه العفو عمن اساء اليه وعن من ظلمه. ولو زهبنا نستقصي ذلك في السيرة لا اعين الامر. وحسبك ما وقع في فتح مكة وغيرها. طيب
مش بس كده الله عز وجل امر اا ابا بكر رضي الله عنه وارضاه وجه الامر في بصيغة الخطاب للمؤمنين بالعفو والصفح. في حين ان اللي اساء في حق ابي بكر رضي الله عنه وارضاه اساء في حق عرضه
واتهم ابنته المبرأة المنزهة الطاهرة بما هي براء منه بالافك. خاض بالكلام مع الناس اللي خاضت. قال الله عز وجل وليعفوا وليصفحوا الا تحبون ان يغفر الله لكم؟ فبعد كل ده بقى
يجد واحد نفسه يقول لك انا مش قادر اعف عن فلان. لأ قلبك فيه مشكلة. مش قادر تعفو عن فلان بعد كل ده. قلبك فيه مشكلة فعلا. اقف مع نفسك وقفة. اقف مع
نفسك واقفة فيبقى الانسان يخوف نفسه من الامر ده. فيقول انا اخاف لا ربنا يمضي في عقابه يوم القيامة واحوج ما اكون الى العفو وقد قال الله تعالى في بعض الكتب يعني ده اثر عن السابقين هو ليس له اسناد هنا. يا ابن ادم اذكرني عند
ده الغضب ازكرك حين اغضب ولا امحقك فيمن امحق. اما تغضب افتكرني وافتكر قدرتي وافتكر ان انت بتعمل حاجات تغضبني عشان ازكرك حين اغضب فلا امحقك في من امحق. فاللهم اعف عنا. الثالث ان يحذر نفسه
له عاقبة العداوة. ده كلام مهم جدا على فكرة. يحذر نفسه عاقبة العداوة والانتقام. الغضوب ده دخل في مشكلة مع جاره هنا دخل مشكلة مع مديره في الشغل ده ودخل مشكلة مع نسايبه ودخل مشكلة طيب العداوات اللي انت عمال تستكثر منها دي كلها. طب ما هو ده عدوك ده
ممكن يسلط عليك واحد يقتلك. او عدوك ده ممكن يشوه سمعتك في الناس. او عدوك ده ممكن يحرقلك مالك. او عدوك ده ممكن يشمت فيك لو ظهر عندك اي مصيبة او عيب فانت عمال تستكثر من عدوات الناس ليه؟ لا تأمن واعتبر زي ما ابن الجوزي بيقول واعتبر
بحال حمزة اشجع المسلمين. فقد قتله عبد حبشي وحشي. ابن حرب رضي الله عنه. لانه اسلم بعد زلك قال مسل حمزة يقتله مسل وحشي فعشان كده بيقول لك اوعى تستكسر من العداوة ولا تأمن غائلة اي انسان. فالعالم
يقول لك كده خد من كل آآ شارع صديق وما تاخدش من كل ايه بلد عدو. يعني انت مصر دي بلد اهي ما تخدش من عدو واحد. ولو تعرف تاخد من كل شارع صديق خد استكسر من الاخلاء. اللي هم على الصفة الشرعية وتقلل من العداء
يبقى من الحاجات اللي تخليك تكظم الغيظ وتدفع الغضب ازا نزلت مبادئه انك تحزر نفسك عاقبة العداوة والانتقام وتشمير العدو في هدم اعراضه والشماتة بمصائبه. فان الانسان لا يخلو عن المصائب. فيخوف نفسه ذلك في الدنيا ان لم يخف من الاخرة
وهذا هو تسليط شهوة على شهوة. تسليط شهوة حب السلامة على شهوة الغضب. عشان كده بقول لا ثواب عليه. لانه تقديمه لبعض الحظوظ على بعض الا ان يكون محذوره ان يتغير عليه امر يعينه على الاخرة فيثاب على ذلك. الا ان يكون اللي حملك على كده
انك تعالج نفسك بالطريقة دي انك مش عايز تغضب حتى تحتفظ بقلبك لاعمال الاخرة. الرابع ودي مهمة برضو يتفكر في قبح صورته عند الغضب على ما تقدم وانه يشبه حينئذ الكلب الضاري
والسبع العادي وانه يكون مجانبا لاخلاق الانبياء والعلماء في عاداتهم لتميل نفسه الى الاقتداء به بقى الانسان لما بيغضب شكله بيبقى عامل ازاي في تكشيرته ووضعه وانتفاخ او اوداجه واحمرار وجهه وعلو صوته وحركاته اللا ارادية واضطرابه
فهو بيشبهه كده بالكلب الضاري يعني الكلب الشرس والسبع العادي. يعني الذي يعتدي على غير كيف يأكله؟ الخامس ان يتفكر في السبب الذي يدعوه الى الانتقام. مسل ان يكون سبب غضبه ان يقول له الشيطان
ان هزا يحمل منك على العجز والذلة والمهانة وصغر النفس. وتصير حقيرا في اعين الناس. يقول لك انت لو سكنت ودي ازن معزم الناس اللي بتغضب وبتيجي تسأل في الباب بتسأل بيجي لها الشبهة دي. انما لو سكتوا يعملوا فيها ايه؟ هياكلوني. هيقولوا علي ضعيف. هيقولوا علي
مهان هيقولوا عليها زليل. يقولوا لأ. ده من الشيطان. قل لنفسك تأنفين من الاحتمال الان احتمال الازل ولا تأنفين من خزي يوم القيامة والافتضاح اذا اخذ هذا بيدك وانتقم منك وتحذرين من يا نفس يعني
من انت صغري في اعين الناس ولا تحذرين من ان تصغري عند الله تعالى وعند الملائكة والنبيين؟ يعني الانسان العاقل يسأل نفسه دائما ما اسمي عند الله مش ما اسمي عند الناس؟ لو كل الناس مدحوك والله عز وجل سبحانه وتعالى لم يرضى عنك ما
ما استفدت شيئا ولو كل الناس جافوك وعابوك والله عز وجل رضي عنك فما ضرك شيء فانتبه. وينبغي ان اكظم غيظه فذلك يعظمه عند الله تعالى. فما له وللناس؟ افلا يحب ان يكون هو القائم يوم القيامة اذا نودي
قم من وقع اجره على الله فلا يقوم الا من عفا. قال الله عز وجل فمن عفا واصلح فايه؟ فاجره على الله فلما ينادى يوم القيامة ليقم من كان من وقع اجره على الله فلا يقوم الا من عفا. فهذا وامثاله ينبغي ان يقرره على قلبه. السادس ان يعلم
ان غضبه انما كان من شيء جرى على وفق مراد الله تعالى لا على وفق مراده. يعني القدر يعني يشهد القدر. اللي حصل ده امر مقدر لزلك النبي صلى الله عليه وسلم لم لم يقل لانس عشر سنين وهو بيخدمه. لما فعلت ولما تركت؟ طالما حاجة ما فيهاش حاجة حرام ما بيتكلمش معه خالص. فشوف احنا لو طبقنا الكلام ده في
في بيوتنا بقى الواحد بيتعامل مع زوجته بالمنطلق ده طالما الحاجة مش حرام شرعا مش ممنوعة شرعا ولا فيها امر معيب بيتغاضى عنها لان ده امر لو قدر لك الاكل باز الاكل حصل فيه حاجة الفلوس ضاعت اي حاجة الحاجات اللي بتحصل ديت خلاص هتفرق
هتفرق فعلا وهيقمع الغضب. فبيقول ان يعلم ان غضبه انما كان من شيء جرى على وفق مراد الله تعالى اي المراد الكون يعني اللي هي القدر لا فكيف يقدم يقدم مراده على مراد الله تعالى هزا ما يتعلق بالقلب. يبقى ده كان الجزء الاولاني من العلاج اللي هو الايه؟ العلم. اشياء
يعالج بيها نفسه في التصور وفي الاعمال القلوب حتى يعتد. طب ايه الحاجة التانية العمل بقى؟ اول حاجة ينبغي له السكون. يسكن يعني ايه يكف جوارحه عن الحركة ويكف لسانه عن الكلام. يسكت. اتنين التعوز. يقول اعوذ بالله من الشيطان الرجيم. او باي صيغة من
التعوذ اعوذ بالله السميع العليم من الشيطان الرجيم اعوز بالله من الشيطان الرجيم من همزه همزي ونفسي ونفخه وغير زلك من صيغ التعوذ. يبقى السكون التعوز تغيير الحال. لو كان قائم يجلس. طب لو كان جالس يضطجع. رابعا الوضوء
عند الغضب يتوضأ عند الغضب. فهزه امور وردت في الاحاديس. كل الحاجات دي ورد بها ايه؟ الاحاديس. اما حكمة في الوضوء عند الغضب فقد بينها الحديس كما روى ابو وائل قال كنا عند عروة بن محمد فكلمه رجل بكلام فغضب
غضبا شديدا فقام وتوضأ ثم جاء فقال حدثني ابي عن جدي عطية وكانت له صحبة قال قال رسول الله صلى عليه وسلم ان الغضب من الشيطان وان الشيطان خلق من النار. وانما تطفأ النار بالماء. فاذا غضب
احدكم فليتوضأ. حديس اسناده حسن. ازا غضب احدكم فليتوضأ. شف بقى المشكلات الاسرية والمشكلات اللي بين الارحام وبعضهم بعض الواحد واخواته او بين الوالد والولد او غير زلك. لو لو عالجناها بالاسلوب ده. هل فعلا ممكن يبقى عندنا هزا الكم
هائل من التقاطع والتدابر والمشاكل والخلافات بيقولوا اما الجلوس والاضطجاع يعني ييجي على جنبه كده فيمكن بان يكون انما امر بزلك ليقرب من الارض التي خلق منها. فيذكر اصله فيذل. ويمكن ان يكون ليتواضع
بزلك لان الغضب ينشأ من الكبر بدليل ما روى اه ابو سعيد انا اسف الحديس الاسر اللي فات اللي هو ازا غضب احدكم فليتوضأ ده اسناده ضعيف. تعرفه الشيخ الالباني. انا اسف
عفوا يعني الحديس الجاي ده هو الاسناد صحيح اه من وجد شيئا من زلك فليلصق خده بالارض حديس ابي سعيد عن النبي صلى الله عليه وسلم انه زكر الغضب وقال من وجد شيئا من ذلك فليلصق خده بالارض. حديس اسناده حسن
وقيل غضب المهدي ده كان خليفة على رجل فدعا بالسياط. فلما رأى شبيب كان عنده عقل وحكمة شدة غضبه الى شدة غضب الخليفة بالطريقة ديت واطراك للناس ما حدش هيقدر يتكلم. قال يا امير المؤمنين لا تغضبن لله
باشد مما غضب لنفسه. فقال خلوا سبيلهم. يعني هو وعظه وعظه يليق بالموقف ده. قال له ازا كنت انت بتغضب لله فلا اغضب لله اشد بغضب لنفسه. ربنا ما امرش باللي انت بتعمله ده. فخلى سبيله. طيب
فصل في كظم الغيظ قال الله تعالى والكاظمين الغيظ. فذكر ذلك في معرض المدح. ومعنى كظم الغيظ اللي هو ايه؟ معنى اه اه كظم الغيظ اه يعني كتم الغيظ. يمسك غيظه. يمنع امضاءه مع القدرة عليه
يعفو عمن اساء اليه ولا يسوءه. يبقى كظم الغيظ معناها حبسه وامساكه. يقال فلان كظم غيظه اذا حبسه ولم يظهره مع قدرته على ايقاعه بمن اغضبه وعن رسول الله صلى الله عليه وسلم قال من كظم غيظا وهو قادر على ان ينفذه. دعاه الله على رؤوس الخلائق
حتى يخيره من اي الحور شاء. حديس اه حسن من كظم غيظا وقادر على ان ينفذه دعاه الله على رؤوس الخلائق حتى يخيره من اي الحور شاء. طب الواحدة الست اللي هتقظي الغزها ما لهاش سواب لها طبعا سواب
بس الغيز والغضب بيكثر في الرجال اكثر. فازا وعد الله عز وجل رجال بالحور العين فانه سبحانه وتعالى لا يضيع عنده اي عمل ومن يعمل من الصالحات وهو مؤمن فلا يخاف ظلما ولا هضما. فالمرأة لا تكظم غيظها لها عند الله من الثواب ما تقر به عينها في الاخرة
قبل ما يقر به عين الرجل من الحور العين. وروي عن عمر رضي الله عنه انه قال من اتقى الله لم يشف غيظه. اهو دي قاعدة مهمة يا اخوانا. الانسان
التقي الصالح اللي بيستقيم لا يشفي غيزه ابدا ما بيستوفيش حقه دايما. بتحجزه التقوى. اصل هو لو هيشفي تغيظه ممكن يموت اللي قدامه او يجرحه او يضربه او يطعن في عرضه او يتكلم معه بكلام سيء او يسبه
فاتقوا هتمنعوا من كل ده. فبالتالي من اتقى الله لم يشف غيظه. ومن خاف الله لم يفعل ما يريد. اللي دايما بيخاف من ربنا مش كل ما يظهر له حاجة يعملها. دايما الخوف فلتر. مانع من كثير مما يريده الانسان. ولولا يوم القيامة لكان غير
ترون عمر الخطاب بيقول لولا يوم القيامة لكان غير ما ترون. كنت ممكن خدت حقي معكم اكتر من كده بس في يوم قيامة. يوم الفصل وما ما ادراك ما يوم الفصل؟ نقف عند فصل في الحلم سبحانك اللهم وبحمدك اشهد ان لا اله الا انت استغفرك واتوب اليك