تتخطبوا ممكن تكون انت وهي انتم الاتنين الوقتي بتسمعوا المقطع ده والدقيقتين دول وانتم قاعدين على كافيه. او انتم قاعدين على الكورنيش او انتم دلوقتي اتعشيت وفجأة جا لكم المقطع ده. حد بيحبكم حد بيحبكم وبعته لكم. او خارجين لسه كنتم مع بعض امبارح ولسه عايش في نشوة جميلة. ولسه عايشة في
وجميل. انا بسألك سؤال واحد بس انت وهي. مخطوبين ولا نفسكم تتخطبوا؟ انا هاكلمك انت الاول يا غالية. هاكلمك انت الاول لان معزم ما عادتش رجالة دقيقتين بس. معظم الكابلز اللي قاعدين مع بعض دلوقتي في كل حتة معروف ان الاولاد الاصل فيهم والشباب الاصلي فيهم ان هو بيتسلى
انما البنات بتبقى واخدة العلاقة على اعصابها وعلى مشاعرها. عشان كده باكلمك انت الاول يا غالية. خدي بالك لو العلاقة دي حرام ربنا مش هيبارك في الحرام ابدا قولي له قولي له انت راجل. اوعى تلعب بمشاعري. انا مشاعري مش لعبة. انا مستقبلي مش لعبة. انا انا انا انا مش لعبة. وانت راجل
ما تلعبش بي. يا اما تتقدم يا اما تتقي ربنا في مشاعري. وما تسيبش جرح في قلبي طول عمرنا لو انت ما كنتش من نصيبي. ممكن تتصدم اجابته لك لما تكلميه بجد؟ اه. ممكن تعيطي ويجي عليكي ليالي تعيطي تتمني انك تسمعي صوته او تسمعي منه مكالمة. اه ولكن قولي لنفسك ساعتها
صدم الوقتي احسن ما اتصدم بعد سنتين تلاتة. عيطي ليلة الوقتي احسن ما تعيطي العمر كله. انا مش ضدك. انا اكتر واحد في الدنيا نفسه انك تعيشي سعيدة والا انا بكلمك الوقتي ليه ؟ بس انا عايزك تطلبي السعادة صح. انا عايزك تطلبيها صح. لو العلاقة دي حرام ربنا مش هيبارك فيها. حتى لو جه بعدها
خدي بالك الشاب اللي انت قاعدة معه الوقتي ده هو الشاب اللي انت بتكلميه الوقتي ده هو اللي جنبك ده هو يا اما عايزك بجد يا اما مش عايزك. لو الشاب عايزك بجد ونفسه ان فعلا يتجوزك بجد. ما ترخصيش نفسك قدامه من الوقتي. كل لمسة ايد. كل نظرة عين
كل خروجة قلت لمامتك ده انا رايحة الجيم او رايحة يا ماما لصاحبتي او رايحة لدرس او كل مرة انت بتسحبي ان رصيد لك بعد الجواز. وهتدفعي تمن كل خروجة بعد الجواز. فخدي بالك. ما ترخصيش نفسك من الوقتي. لو الشاب اللي انت قاعدة جنبك الوقتي ده هو
الشاب الغالي ده لو مش عاوزك خدي بالك ان انت مشاعرك ونظرة عينيك ولمسة ايديك والكلام الحلو من لسانك كل ده مش ملكك ده ملك زوجك وصاحبك وحبيبك اللي هيجي لك في يوم من الايام في المستقبل. فانت دلوقتي بتخوني زوجك من قبل ما تشوفيه. وممكن
يكون عشان شاب انت مش فارقة معه كتير. انا باكلمكم انتم الاتنين بصراحة. انا الوقتي باتكلم معك انت الوقتي يا غالي. انت يا اما عاوز البنت اللي انت خارج معها الوقت دي. اللي انت قاعد معها على شط البحر الوقتي ده ايه؟ اللي انت راكب معها العربية دهي اللي انت بتشيت معها دهي اللي انت
اتكلم معه بقى لك ساعتين بالليل الوقت دهوه ممكن البنت دهي تكون انت عاوزها بجد نفسك تخطبها بجد نفسك اتجوزها بجد وممكن تكون مش عاوزها. لو انت عاوزها انا هاقول لك كلمة واحدة بس. اللي انت عايزه من ربنا في الحلال. اوعى تاخده في الحرام. اللي انت
انت نفسك تتهنى به في الحلال. اوعى تستمتع به في الحرام. اوعى لان لو ربنا سبحانه وتعالى عاقبك على الحرام على استعجالك للرزق في الحرام اصل هي لو رزقك هتاخدها هتاخدها. فانت استعجالك عليه بالحرام انت مش بتاخد حاجة من ربنا غصب عنه. اوعى تفتكر انها في ايد نفسها ولا في ايد ابويا في ايد
ربنا سبحانه وتعالى عايزها اطلبها صح. اطلبها من ربنا. اطلبها من ربنا انا ما عييش امكانيات احنا والله العزيم. لو انت طلبتها من ربنا بتاعته. والله لو انت طلبتها من ربنا بحقها وخدت بالاسباب ونزلت واشتغلت والدنيا مقفلة قدام الشباب كلهم. والله العزيم لو انت صادق ونفسك انك
متجوزة بجد وطلبتها صح ونزلت واشتغلت واتقيت ربنا. وما عصيتش ربنا معها وما عرضتش مشاعرك ومشاعرها لان هم يتحطموا لان تسعة وتسعين في المية في علاقات ما بتكملش. لو انت صادق ربنا هيجوزها لك. الا لو انتم فعلا مش الخير لبعض وربنا عاين بكل
واحد منكم الاحسن من التاني. حبيب قلبي. الموضوع مش مجرد مشاعر. حبيبي تخيل شاب كده انا عايز اسافر امريكا. انا هموت على امريكا. انا انا لو ما سافرتش امريكا حبيب قلبي
انت خدت لأ ما فزتش في اللوتري. معك جرين كارد لأ طبعا معييش جنسية من باب اولى. طيب انت معك فيزا لأ ما ما ادوهاليش في السفارة. طب انت في طيارة او سفينة لا لا المركب الصغننة ده ايه؟ المركب الصغننة اللي بصطاد بها في الترعة اللي جنب بيتنا ده ايه؟ هتعمل بها ايه؟ هعدي بقى المحيط الهادي. هعدي بها
من افريقيا لحد امريكا. ازاي يا ابني المركب دي طب فيه مجدافين لأ ما فيش مجدافين. امال انا هاجدف بايدي. انا هاصارع الدنيا حبيب قلبي بس بالراحة. انت هتتحطم انت مركبها في مركب لا فيها مجاديف. ولا انت عارف انت رايح فين ولا معك اسبابها. انت بكرة هتبقى اكبر شرخ في قلبها مدى الحياة. هتبص لك في
في يوم من الايام وهي مع راجل تاني دخل بيتها من بابه واتجوزها هتبص لك وقلبها بيتشرخ. هتبقى قاعدة مع زوجها وبتفكر فيك انت وخلاص القصة وانتهت الا لو قلبت بقى والعياذ بالله يعني خيانة وده لا انت ولا هي انت اغلى من كده وهي اغلى من كده. خد بالك انت في يوم من الايام هتشوفها وهي مع
راجل تاني دخل البيت من بابه وقلبك هيتشرخ. حبيب قلبي ما تحطمش مشاعرك. اطلبها صح. اطلبها من ربنا. خد بالاسباب اللي ربنا يعينك عليها. ولو صادق ربنا هيعينك ولو اتقيت ربنا فيها ربنا يعينك. اطلبها صح. انما كده كده احنا بنحطم قلبنا وخلاص. طب افرض ما انتش عايزها. افرض انت بتتسلى. افرض آآ انا
وانت اتسليت. افرض ده الواقع اللي موجود. خد بالك سلف ودين. بس مش هيترد من فلوسك. هيترد من عرضك. مراتك اللي انت هتتجوزها بعد خمس سنين سبع سنين تمن سنين قاعدة دلوقتي. في هوض كول مع شاب بيقول لها نفس الكلام. لامس ايدها وماسك ايدها نفس المسكة. حاطط عينه في عينيها بنفس الطريقة
بيقول لها نفس الكلام الجميل. دي مراتك. وممكن اكتر من كده كمان لو انت مديت ايدك اكتر من كده. يعني ولو زدت لزاد السقا. ده ده سلف بيتردوا من الارض ربنا اسمه الديان. كما تدين تدان. واللي انت بتعمله في عرض الناس هيترد من عرضك. خد بالك. فلو انت عايز ما تتأزيش في عرضك ما تأزيش
البنت دي في قلبها ومشاعرها ولا تأزي اهلها في عرضهم. يا شباب يا غالي يا غالية انا نفسي ان انتم تعيشوا سعداء. انا مش ضدكم. اكتر حد نفسه ان انتم تبقوا سعداء هو اللي بينصحكم بجد. تبقوا سعداء ازاي؟ ولكن اطلبوا السعادة صح
ولكن اللي انتم عايزينه من ربنا في الحلال اوعوا تاخدوه في الحرام. لان بسبب انكم خدتوه في الحرام ربنا ممكن يعاقبكم ويحرمكم منه في الحلال. خدوا بالكم ان لو العلاقة دي حرام ربنا مش هيبارك فيها ربنا كريم وربنا طيب وربنا جميل. ربنا مش ضد مشاعركم ولا ضد فرحتكم ولا ضد سعادتكم
ولكن ائتوا البيوت من ابوابها يا رب. يا رب لو انتم الخير لبعض تبقوا من نصيب بعض. يا رب يا رب لو انتم الخير لبعض ربنا يزللكم كل العقبات ويهون عليكم كل المصاعب ويلين قلب اهلك واهلها وتبقوا من نصيب بعض يا رب يا رب لو اتقيتم ربنا
بعض يا رب لو انتم فعلا اتقيتم ربنا في العلاقة بعد ما عصيت ما عصتوش ربنا ربنا ييسر لكم كل امر ويذلل لكم كل عقبة بكرمه ومنه يا رب العرش الكريم. واسف ان انا خدت من وقتكم دقيقتين جزاكم الله خيرا