بعض يا رب لو انتم فعلا اتقيتم ربنا في العلاقة بعد ما عصيت ما عصيتوش ربنا ربنا ييسر لكم كل امر ويذلل لكم كل عقبة بكرمه ومنه يا رب العرش الكريم. واسف ان انا خدت من وقتكم دقيقتين. جزاكم الله خيرا مخطوبين ولا نفسكم تتخطبوا؟ ممكن تكون انت وهي انتم الاتنين الوقتي بتسمعوا المقطع ده والدقيقتين دول وانتم قاعدين على كافيه. او انتم قاعدين كورنيش او انتم الوقت اتعشيتوا فجأة جا لكم المقطع ده. حد بيحبكم. حد بيحبكم وبعته لكم. او خارجين لسه كنتم مع بعض امبارح ولسه عايش في نشوة ولسه عايشة في جو جميل. انا باسألك سؤال واحد بس انت وهي. مخطوبين ولا نفسكم تتخطبوا؟ انا هاكلمك انت الاول يا غالية الاول لان معزم معلش يا رجالة دقيقتين بس. معظم الكابلز اللي قاعدين مع بعض دلوقتي في كل حتة معروف ان الاولاد الاصل فيهم والشباب الاصلي فيهم ان هو بيتسلى انما البنات بتبقى واخدة العلاقة على اعصابها وعلى مشاعرها. عشان كده باكلمك انت الاول يا غالية. خدي بالك لو العلاقة دي حرام ربنا مش هيبارك في الحرام ابدا. قولي له قولي له انت راجل. اوعى تلعب بمشاعري. انا مشاعري مش لعبة. انا مستقبلي مش لعبة. انا انا انا انا مش لعبة وانت راجل ما تلعبش بي. يا اما تتقدم يا اما تتقي ربنا في مشاعري. وما تسيبش جرح في قلبي طول عمرنا لو انت ما كنتش نصيبي ممكن تتصدمي في اجابته لك لما تكلميه بجد؟ اه. ممكن تعيطي وييجي عليك ليالي تعيطي تتمني انك تسمعي صوته او تسمعي منه مكالمة. اه ولكن قولي لنفسك ساعتها. اتصدم الوقتي احسن ما اتصدم بعد سنتين تلاتة. عيطي ليلة الوقتي احسن ما تعيطي العمر كله. انا مش ضدك. انا اكتر واحد في الدنيا نفسه انك تعيشي سعيدة والا انا بكلمك الوقتي ليه ؟ بس انا عايزك تطلبي السعادة صح. انا عايزك تطلبيها صح. لو العلاقة دي حرام ربنا مش هيبارك فيه حتى لو جه بعدها جواز. خدي بالك. الشاب اللي انت قاعدة معه الوقتي ده هو الشاب اللي انت بتكلميه الوقتي ده هو. اللي جنبك ده هو يا اما عايزك بجد يا اما مش عايزك. لو الشاب عايزك بجد ونفسه ان فعلا يتجوزك بجد. ما ترخصيش نفسك قدامه من الوقتي. كل لمسة ايد كل نظرة عين كل خروجة قلت لمامتك ده انا رايحة الجيم او رايحة يا ماما لصاحبتي او رايحة لدرس او كل مرة انت بتسحبي من رصيد لك بعد الجواز. وهتدفعي تمن كل خروجة بعد الجواز. فخدي بالك. ما ترخصيش نفسك من الوقتي. لو الشاب انت قاعدة جنبك الوقتي ده هو الشاب الغالي دهوه لو مش عاوزك خدي بالك ان انت مشاعرك ونظرة عينيك ولمسة ايديك والكلام الحلو من لسانك كل ده مش ملكك. ده ملك زوجك وصاحبك وحبيبك. اللي هيجي لك في يوم من الايام في المستقبل. فانت دلوقتي بتخوني زوجك من قبل ما تشوفيه وممكن يكون عشان شاب انت مش فارقة معه كتير. انا باكلمكم انتم الاتنين بصراحة. انا الوقتي باتكلم معك انت الوقتي يا غالي. انت يا اما عاوز البنت اللي انت خارج معها الوقت دي. اللي انت قاعد معها على شط البحر الوقتي دهي. اللي انت راكب معها العربية دهي. اللي انت بتشيت معاهد اهي اللي انت بتتكلم معها بقى لك ساعتين بالليل الوقت ده هو ممكن البنت دهي تكون انت عاوزها بجد نفسك تخطبها بجد نفسك تتجوزها بجد وممكن تكون مش عاوزها. لو انت عاوزها انا هاقول لك كلمة واحدة بس. اللي انت عايزه من ربنا في الحلال. اوعى تاخده في الحروب. اللي انت نفسك تتهنى به في الحلال. اوعى تستمتع به في الحرام. اوعى لان لو ربنا سبحانه وتعالى عاقبك على الحرام على استعجالك للرزق في الحرام اصل هي لو رزقك هتاخدها هتاخدها. فانت استعجالك عليه بالحرام انت مش بتاخد حاجة من ربنا غصب عنه. اوعى تفتكر لا في ايد نفسها ولا في ايد ابويا في ايد ربنا. سبحانه وتعالى عايزها اطلبها صح. اطلبها من ربنا. اطلبها من ربنا. انا ما عييش امكانيات احنا والله العزيم. لو انت طلبتها ربنا بطاعته. والله العزيم لو انت طلبتها من ربنا بحقها وخدت بالاسباب ونزلت واشتغلت والدنيا مقفلة قدام الشباب كلهم. والله العزيم لو انت صادق ونفسك انك تتجوزها بجد. وطلبتها صح ونزلت واشتغلت واتقيت ربنا. وما عصتش ربنا معها. وما عرضتش مشاعرك ومشاعرها لان هم يتحطموا لان تسعة وتسعين في المية. في علاقات ما بتكملش. لو انت صادق ربنا هيجوزها لك. الا لو انتم فعلا مش اخوان خلوا بعض وربنا عاين بكل واحد منكم الاحسن من التاني. حبيب قلبي. الموضوع مش مجرد مشاعر. حبيبي تخيل شاب كده انا عايز اسافر امريكا انا هموت على امريكا انا انا لو ما سافرتش امريكا قضية. طب حبيب قلبي انت خدت لوترى لأ ما فزتش في اللوتري. معك جرين كارد لأ طبعا معييش جنسية من باب اولى. طيب انت معك فيزا لأ ما ادوهاليش في السفارة. طب انت حاجز في طيارة او سفينة لا لا المركب الصغننة ده ايه! المركب الصغننة اللي بصطاد بها في الترعة اللي جنب بيتنا ده ايه! هتعمل بها ايه! هعدي بقى المحيط الهادي! هعدي بها من افريقيا لحد امريكا. ازاي يا ابني المركب دي طب في مجدافين لأ ما فيش مجدافين. امال انا هاجدف بايدي. انا هاصارع الدنيا حبيب قلبي بس بالراحة. انت هتتحطم انت مركبها في مركب لا فيها مجاديف. ولا انت عارف انت رايح فين ولا معك اسبابها. انت بكرة هتبقى اكبر شرخ في قلبها مدى الحياة. هتبص لك في في يوم من الايام وهي مع راجل تاني دخل بيتها من بابه واتجوزها هتبص لك وقلبها بيتشرخ. هتبقى قاعدة مع زوجها وبتفكر فيك انت وخلاص القصة وانتهت الا لو قلبت بقى والعياذ بالله. يعني خيانة وده لا انت ولا هي. انت اغلى من كده وهي اغلى من كده. خد بالك انت في يوم من الايام هتشوفها وهي راجل تاني دخل البيت من بابه وقلبك هيتشرخ. حبيب قلبي ما تحطمش مشاعرك. اطلبها صح. اطلبها من ربنا. خد بالاسباب اللي ربنا يعينك عليها. ولو صادق ربنا ولو اتقيت ربنا فيها ربنا يعينك. اطلبها صح. انما كده كده احنا بنحطم قلبنا وخلاص. طب افرض ما انتاش عايزها. افرض انت بتتسلى. افرض آآ انا وانت اتسليت. افرض ده الواقع اللي موجود. خد بالك سلفه دين. بس مش هيترد من فلوسك. هيترد من عرضك. مراتك اللي انت هتتجوزها بعد خمس سنين سبع سنين تمن سنين قاعدة دلوقتي. في هوض كول مع شاب بيقول لها نفس الكلام. لامس ايدها وماسك ايدها نفس المسكة. حاطط عينه في عينيها بنفس الطريقة بيقول لها نفس الكلام الجميل. دي مراتك. وممكن اكتر من كده كمان لو انت مديت ايدك اكتر من كده. يعني ولو زدت لزاد السقا. ده ده سلف بيتردوا من الارض. ربنا اسمه الديان. كما تدين تدان. واللي انت بتعمله في عرض الناس هيترد من عرضك. خد بالك. فلو انت عايز ما تتأزيش في عرضك ما تأزيش البنت دي في قلبها ومشاعرها ولا تأزي اهلها في عرضهم. يا شباب يا غالي يا غالية انا نفسي ان انتم تعيشوا سعداء. انا مش ضدكم. اكتر حد نفسه ان انتم تبقوا سعداء هو اللي بينصحكم بجد. تبقوا سعداء ازاي؟ ولكن اطلبوا السعادة صح ولكن اللي انتم عايزينه من ربنا في الحلال اوعوا تاخدوه في الحرام. لان بسبب انكم خدتوه في الحرام ربنا ممكن يعاقبكم ويحرمكم منه في الحلال. خدوا بالكم ان لو العلاقة دي حرام ربنا مش هيبارك فيها ربنا كريم وربنا طيب وربنا جميل. ربنا مش ضد مشاعركم ولا ضد فرحتكم ولا ضد سعادتكم ولكن ائتوا البيوت من ابوابها يا رب. يا رب لو انتم الخير لبعض تبقوا من نصيب بعض. يا رب يا رب لو انتم الخير لبعض ربنا لكم كل العقبات ويهون عليكم كل المصاعب ويلين قلب اهلك واهلها وتبقوا من نصيب بعض يا رب يا رب لو اتقيتم ربنا