يا ترى مسجل اسم مراتك على التليفون ايه ؟ انا اعرف ناس بيسجل الرنة بتاعة زوجته على التليفون عربية الاسعاف او الحاجة او ام محمد او يكتب حسبي الله ونعم الوكيل. او الجماعة او الحكومة او او في واحد تاني ممكن يكتب مصنع سكر ممكن يكتب اغلى من حياتي. شفتم يا جماعة
بتوع الشوكولاتة دول مسميين بواكي الشوكولاتة ايه؟ جلاكسي نوتيلا اسماء جميلة كده المفروض ان انت في عبادة عظيمة قوي في الاسلام عبادة عظيمة اسمها اللمسات العاطفية او اللمسات الرومانسية. النبي عليه الصلاة والسلام علمنا ازاي يبقى حياتنا كلها لمسات رومانسية. اكتر دين بيعلم الرومانسية في الحلال هو الاسلام
النبي عليه الصلاة والسلام السيدة عائشة وهو بيموت بيموت عليه الصلاة والسلام مات بين سحري ونحري بيجبر خاطرها على فراق وهو بيموت مات وهو حاطط راسه على صدرها عليه الصلاة والسلام. فيه عواطف ولمسات رومانسية اعلى من كده. النبي عليه الصلاة والسلام كان اول ما يدخل من باب البيت يقبل السيدة عائشة. اول حاجة يبدأ بها
بيته انه يقبل مراته. عليه الصلاة والسلام. فكان الاول يستعمل السواك وهو داخل. قالوا ليه؟ قالوا بيعطر فمه لتقبيل زوجته. طب فيه لمسات رومانسية شخصية اعلى من كده. النبي عليه الصلاة والسلام وهو في معركة عسكرية ومعه السيدة عائشة. السلسلة بتاعة رقبتها وقعت ضاعت منها. النبي عليه الصلاة والسلام خلى الجيش كله يدور
على السلسلة بتاعة السيدة عائشة. طبعا مش من امر مش امر ان النبي ولكن كل الجيش عايز يفرح النبي عليه الصلاة والسلام. لان النبي فعلا كان يهمه وان السيدة عائشة تفرح. اهي دي الرومانسية ان يبقى فرحتك ان زوجتك تفرح. من ضمن اللمسات الرومانسية الاسم. النبي عليه الصلاة والسلام كان بيدي للسيدة عائشة
اسمين الاسم الاولاني الحميراء. الحميراء وكان يتكلم قدام الناس كده. يعني قدام الناس يقول لهم هذه الحميراء. الحميراء يعني البيضا بس مش حمراء الحميراء يعني كلمة دلع تصغير للدلع. يعني النبي عليه الصلاة والسلام كان بيدلع السيدة عائشة. وكان اسم الدلع بتاع السيدة عائشة كان ينطق اسمها امام الناس
وكان الاسم اتدلع فيه ملمح من ملامح جمال السيدة عائشة. وهو اللون البياض. وكان يقول لها يا عائش يشيل التاء اللي في الاخر بيدلع الزوجة النبي عليه الصلاة والسلام يعني علمنا ان اسم الزوجة ده لازم يبقى فيه اسم دلع ويبقى اسم جميل ويبقى اسم فيه اكرام انت بقى مسمي مراتك
على التليفون ايه؟ عايزين تبدع لان دي عبادة يا جماعة. على فكرة هدف السلسلة المقاطع دي كلها مقاطع شهر عسل من جديد. انما احاول ان انا توصل رسالة ان الحب بين الزوج والزوجة ده عبادة. مش قضية سعادة في الدنيا. دي سعادة في الاخرة. ده رضا لله. ده فردوس اعلى. ده جنة ونار. ده قرب من الله
اه ده تفرح لقلب رسول الله صلى الله عليه وسلم. ده حرق لقلب ابليس اللي اكتر حاجة بتفرحه على وجه الارض. مش ان الراجل يزني ولا ان الراجل يقتل. ان الراجل
تطلق مراته والاسرة تخرب. عشان كده احنا الوقتي بنحارب ابليس. النبي عليه الصلاة والسلام شفته كان بينادي السيدة عائشة ايه؟ عايشين يبقى فيه اسم جميل لزوجتك على التليفون ورنة جميلة وانت بتناديها في البيت وانت بتتكلم عنها قدام الناس تكرمها كل ما هترحمها وتكرمها ربنا هيرحمك
وهيكرمك