والملك لو كل ده عروض لي انا ما عدتش ابغي عن الجنة حولا. انا ما عدتش التفت عن الجنة بقى هي مقصد عمري اللي بجري عليه. ومش هضيع لحزة من عمري في غير الجري عليه. يا ها السلام عليكم ورحمة الله وبركاته. اخواني واخواتي في الله شبابنا الجميل. سلام عليكم ورحمة الله وبركاته. الحمد لله وكفى وصلاة وسلاما على عباده الذين اصطفى. اما بعد من غير مقدمات. تخيل لو انت ليلة دخلتك وجاهز للفرح وداخل بيتك اول يوم في بيتك وانت فرحان. ومستني بقى مستقبل مشرق بقى مع مراتك والعش بتاعكم هتبنوه مع بعض واحد ميل على ودنك قال لك انا عايز اقول لك خبر فيه ايه ؟ واحد عامل لك سحر عامل لي سحر في ليلة الدخلة تخيل قلبك هيحصل فيه ايه في اللحزة ديت تخيلوا يا جماعة لما حد بيعمل لحد سحر بيبقى عايز يحطم حياته. يعني ابنه مسلا جاب مسلا مية وخمسين في المية في السانوية العامة يعمل له سحر والعياذ بالله مسلا ولا اي حاجة او مسلا واحد عايز يحطم حياة شاب متجوز جديد يعمل له سحر. يحاول يفرق بينه وبين زوجته. والعياذ بالله. فالسحر دايما اللي بيعمل لحد سحر اللي عايز يحطم حياته. انا عايز اقول لك ان ابليس عامل لك سحر. ان الشيطان عامل لك سحر. الكلام مش بهزار يا جماعة. ده اللي عامل لك سحر ده موضوع بسيط ليه؟ هو رايح حتى لو راح لساحر ساحر نص كم وشياطين اي كلام معه. انما لما ابليس يعمل لك سحر وسحر بحق وحقيقي. قال رسول الله صلى الله عليه وسلم يعقد الشيطان على ناصية احدكم كل ليلة ثلاثة عقد. كل ليلة الشيطان بيعقد على قافية احد احدكم ثلاث عقد. عقد يعني ايه؟ قال تعالى ومن شر النفاثات في العقد. يعني الشيطان بيسحر لك على كل عقدة عليك ليل طويل فارقد عليك ليل طويل ايه؟ فارقد مش فنم ارقد دي ايه الفرق بين النوم والرقود؟ الرقود ده اللي هو المتبنج اللي واخد بنج يفتحه بطنه بالمشارط بيقطعوا بالسجاجين في اعضاءه ويستأصلوا اجزاء من بطنه وممكن يشيلوا القلب يحطوه على جهاز صناعي والراجل ما بيصحاش. لو انفجر جنبه قنبلة ما يصحاش هو ده الفرق بين الرقدة وبين النوم الرؤى تحسبهم ايقظا وهم ايه؟ رقود لو انفجرت جنبهم قنبلة نووية ما هماش هيصحوا ده البني ادم اللي بيتبنج. فتخيل عليك ليل طويل فاركض. الشيطان عايزك ما تدراش. يعني انا باحس ان الشيطان هياخد مهدئ نفسي اما الليل بيعدي. ليه؟ لانه عارف ما دام الشيطان اختار انه يسحر لك في قيام الليل يبقى قيام الليل ده العبادة اللي لو راحت من حياتك كل حاجة في حياتك خطر. يبقى قيام الليل ده العبادة اللي لو جت في حياتك اي مشكلة مهما كان في حياتك هتتحل. عشان كده لو جينا نشوف جهد ابليس من اجل حرب قيام الليل. قال رسول الله صلى الله عليه وسلم في صحيح البخاري اذا استجنح الليلة يعني ازا استجنح الليل يعني الساعة اللي فاتت دي يعني من المغرب للعشاء. الساعة اللي من المغرب للعشاء اذا استجنح الليل فكفوا صبيانكم. كلكم تدخلوا ولادكم البيوت ما تنزلوش ولادكم يلعبوا في الشارع ولا اي حاجة. فاذا زهبت هزه الساعة فايه؟ فيعني اطلقوا صبيانكم او كما قال النبي صلى الله عليه وسلم. اشمعنى اول ساعة من الليل يا رسول الله فان الشياطين تنتشر حينئذ في قوات انتشار سريع ابليسية بتنتشر بتنتشر ليه؟ عشان تعور عيل تجري به على مستشفى الطوارئ ربنا جميعا. الليلة راحت هتنام مش هتضرب نفسك غير الصبح. الشيطان يا جماعة بيترعب من قيام الليل. العبادة اللي بترعب الشيطان هي قيام الليل ليه؟ لان قيام الليل هو ايه رأيكم يا جماعة ان احنا نبدأ من اول الليلة بازن الله نتعاقد مع بعض على قيام الليل. وعلى بازن الله سبحانه وتعالى ان احنا هنكافح من اجل هذه العبادة. من اجل هذه العبادة وفك السحر. لو عايز السحر اللي الشيطان ساحر لك به. واللي الشيطان ساحل لك به سحر الدنيا. انك ما تشوفش الدنيا على حقيقتها. انك انت تفضلي مبهورة مفتونة والابراج بالعربيات بالدولارات بالعمارات بالموديلات بالدنيا بالازياء السحر ده يوم القيامة بقى لما يتفك السحر. عشان كده سورة المزمل. النص الاولاني بيتكلم عن قيام الليل. النص التاني بيتكلم عن يوم القيامة. يوم ترجو في الارض والجمال. لان اللي مش هيتفك السحر بتاعه في قيام الليل الفك السحري بتاعه يوم القيامة فيأتي السارق فينظر الى المال ويقول في هذا سرقت هو ده الفلوس الحقيرة دي يا عم الفلوس الحقيرة ديت كانت بتضيع لك في الدنيا. كنت لما بتشوفها بتنسى نفسك اصلا وبتبقى عامل زي اللي نداها نادت له. اللي هو مش داري بنفسه. لما الفلوس كانت بتنادي لك. انما النهاردة انت شفتها على حقيقتها لا تساوي شيء. لما شفت الدنيا كلها على حقيقتها ما تشددتش ليه ؟ لان السحر اتفك خلاص. قيام الليل هو موعد فك السحر. هو الوقت اللي انت ممكن تنزل القرآن فيه على قلبك يبصرك بالحياة من غير اي شواغل دنيوية يفك السحر. عشان كده يا جماعة قيام الليل هو العبادة اللي ربنا ما نزلكش فيه ملايكة. تخيل قالوا لو ربنا كان نازل لك في قيام الليل جبريل واسرافيل وميكائيل كان حصل لك ايه ؟ يا نهار ابيض كانت الدنيا كلها وقفت مشدوهة جيب رائد ده لما جبريل بينزل بتبقى ليلة القدر. روح القدس لما بينزل دي ليلة القدر. ربنا حتى جبريل واسرافيل وميكائيل ما رضاش ينزلهم لقيام الليل. ولا الملأ الاعلى. ربنا تنزل بنفسه لقيام الليل. يبقى قيام الليل ده عند ربنا ايه؟ قيام الليل الله فرضه قبل ما يفرض الزكاة قبل ما يفرض الصيام. رمضان قبل ما يفرض الصلاة الفروض الخمسة. قبل ما يفرض الحج فرض قيام الليل يعني قيام الليل ده التربية الاولى. قيام الليل ده المدرسة الاولى اللي اتربى فيها اصحاب النبي صلى الله عليه وسلم. يبقى قيام الليل ده ايه؟ قيام الليل ده اصطفاء من الله وتعالى. يعني تخيلوا كده لو رئيس الجمهورية نازل المنصورة عندنا فلقى عشرة في استقباله. بعد كزا شهر نازل لقى نفس العشرة في استقباله. لما ييجي عين بقى محافظ للدقهلية لما ييجي يعين حد في المراكز العليا في المنصورة هيختار من العشرة دول هيصطفي من الناس اللي كانت في استقباله ولله المثل الاعلى. الله يتنزل كل يلاقي عشرة او عشرين واحد في المنصورة او في القاهرة او او او هم اللي واقفين بينتظروا تنازل الملك سبحانه وتعالى. هم اللي في استقبال ملك الملك سبحانه وتعالى لما ربنا يصطفى يصطفي مين ؟ هيصطفي من دول يبقى قيام الليل سر الاصطفاء. قيام الليل اللي بيقوم الليل ده كانه راكب صاروخ للفردوس الاعلى. صاروخ للفردوس الاعلى. يا اخوانا تخيلوا كده لو كان ربنا مش بيتنازل كل ليلة. لو كان ربنا بيتنزل كل تلات شهور مرة كل او كل ست شهور الرسول عليه الصلاة والسلام يقول اذا كان الثلث الاخير من الليل في اول ليلة من مسلا من شهر محرم وفي اول ليلة من شهر شعبان كل ست شهور بس ليلة يتنزل الملك فيقول هل من سائل فاعطيه؟ هل من تائب فاتوب عليه؟ هل من مستشف فاشفيه هل من مستدفع للضر فادفعه عنه؟ تخيلوا كده الناس والله العظيم كانت باتت في الشوارع في الليلة دي. ده كل ست شهور ليلة الملك انما لما ربنا قالها كل ليلة بقى ليه زهدنا فيها يا جماعة؟ ليه؟ طب هو ربنا بيتنزل كل ليلة ليه؟ لانك انت ما تقدرش تعيش ليلة من غير ما ترفع ايدك وتقول يا رب مصيبة. انك انت تواجه الحياة من غير كلمة يا رب دي مصيبة. دي اكبر ابتلاء واكبر مشكلة في حياتنا كلها. عشان كده الله سبحانه وتعالى من اول البعثة يقول يا ايها المزمل قم الليل قم الليل الا قليلا ده من بدايتها. يا ايها الايه؟ المزمل. المزمل ده النبي عليه الصلاة والسلام وهو ملفوف في البطانية. وربنا بيكلمه في اول اية في السورة بيقول له يا ايها المزمل يللي تزملت بالبطانية او بالغطاء في على السرير قم الليل قم اكسر اتحدى البطانية ديت واتحدى البرد واتحدى عدى الجو واتحدى الزروف واتحدى الارهاق اللي انت مرهقه في التجارة طول اليوم. واتحدى المسئوليات اللي وراك بكرة قم قم دي اول حاجة. طب لو جينا نشوف اخر اية في السورة هنلاقي ربنا بيقول ايه؟ ان ربك يعلم انك تقوم ادنى من ثلثي الليل الله اكبر تلتين الليل ده تصور جبار يا جماعة الايام دي خمسة الا ربع. يعني من الساعة حداشر النبي صلى الله عليه وسلم واقف يصلي للساعة خمسة الا ربع. من حداشر لخمسة الا ربع ازاي؟ ست ساعات واقف يصلي قيام ليل عليه الصلاة والسلام ده اول اية يا ايها المزمل النبي عليه الصلاة والسلام في البطانية على السرير عليه الصلاة والسلام واخر اية ادنى من ثلثي الليل. ايه اللي حصل؟ ايه الانقلاب الجبار ده ايه التغير الجبار ده؟ هو ده القرآن. اللي هيسلم قلبه للقرآن في جوف الليل. هو ده اللي القرآن هيعمله في قلبك. عشان كده تبهر لما تقارن ما بين حالة المؤمن في اول كثير من سور القرآن وحالة المؤمن في اخر هذه السور اول سورة الاعراف. كتاب انزل اليك فلا يكن في صدرك حرج منه. يا اللي مكسوف من سنة النبي عليه الصلاة والسلام يا اللي مكسوفة من لبس امهات المؤمنين. يا اللي مكسوف انك تتكلم عن ربنا في مكان عام احسن حد يسخر منك. وانت لك وضعك او مركزك او او خايف على كرامتك لو خايف على صورتك او خايف على اعتبارك. فلا يكن في صدرك حرج منه. واحد مكسوف من الدين. دي بداية سورة الاعراف. طب اخر سورة الاعراف؟ فكيدوني جميعا ثم لا تنظرون ان وليي الله الذي نزل الكتاب في اخر صفحة في سورة الاعراف كلكم كده تعالوا انا معي ربنا ما حدش هيقدر يعمل لي حاجة هو ايه ده في البداية داخل السورة مكسوف المؤمن داخل مكسوف وداخل متحرج من المجتمع. وداخل متأذي من ضغط الواقع عليه ونظرة المجتمع ليه. في بداية السورة بيقول الدنيا كلها تعالوا اقفوا انا واقف اهو. مين اللي يقدر يعمل لي حاجة ومعي ربنا. هو ده القرآن. القرآن بيحولك لبطلة. القرآن بيزرع جوة قلبك مشاعر مشاعر جبارة. القرآن بيخليك بتتحول من المزمل له ادنى من ثلثي الليل. السورة اللي بعدها سورة المدثر. اولها يا ايها المدثر يعني ايه المدثر؟ ذهب اهل الدثور بالاجور. الدثور اللي هو اللبس الفخم. العباية اللي بتلات الاف جنيه. البلوفر اللي بالف وخمسمية جنيه. حاجة فخمة ده اول السورة اخر السورة ربنا بيوصف النبي بيقول كأنهم حمر مستنفرة. اللي هم مشركي قريش فرت من قسورة قسورة اللي هو الاسد اللي هو النبي عليه الصلاة والسلام يبقى في الاول يا ايها المدثر حياة الرفاهية حياة اللبس الفخم اخر السورة بعد القرآن ما تنزل فرط من قسورة. النبي عليه الصلاة والسلام بقى عامل زي الاسد بقى عامل زي الجبل وهو نازل يدعو الناس والمشركين والشباب اللي مش عايز يتوب. والناس اللي في حياتها معاصي خايفة ان حد يقول لها اتقي الله ويعزب لها ضميرها منه من قوته في الدعوة ومن قوة اثره في الدعوة. القرآن بيغير. اعجاز القرآن في التغيير. اخطر من اعجاز القرآن في التأثير. القرآن يقدر يغيرك. القرآن يقدر يطهرك من الصندوق الاسود اللي جوة نفسيتك. اللي مليان مشاعر غلط ومليان مفاهيم غلط ومليان افكار غلط. ومحطم انطلاقك في الحياة ومانع سعادتك ومانع انك تستمتع بالحياة وتنجح فيها. القرآن بيكسره وبينور كل الحاجات الضلمة اللي جواه. القرآن بيديك فرصة انك تتغير حق وحقيقي. عشان كده نلاقي في اول سورة الكهف اصحاب الكهف وهم خايفين من الواقع وهم اؤوا الى الكهف. هيفتنونا في دينا هيغيرونا اخر سورة الكهف لا يبغون عنها حول خالدين فيها اللي هي الفردوس الاعلى. آآ كانت لهم جنة الفردوس نزلا خالدين فيها. لا يبغون عنها حولا. الانسان اللي اصبح مقصد حياة الجنة لا يتغير مقصد حياته. مهما الدنيا عرضت له. مهما الدنيا تزينت له. مهما الدنيا تزخرفت له. لا يتأثر بالدنيا. لا ينشغل عن الجنة خلاص انا يا رب لو الدنيا والدولارات واليوروهات والعقارات والاموال والزينة وملكات الجمال الباهرات والفرص والمواقع ايها المزمل يا ايها المزمل قم. اول سور القرآن اول عشر من سور من القرآن. لما تيجي كده تشوف التكاليف اللي فيها قم الليل. قم فانت اقرأ باسم ربك. سبح اسم ربك الاعلى. سبح. يعني صل صل واذكر ربنا سبحانه وتعالى. آآ آآ اياك نعبد في سورة الفاتحة. كل دي اول عشر سور نزلوا في كتاب ربنا كلها تكاليف عملية. عايز تتغير بجد لازم العمل الصالح. العمل الصالح هو اللي هيغيرك. انك انت تقفي تصلي وانت بتسمعي كلام ربنا وانت بترتل كلام ربنا هو ده اعزم طريق للتغيير. في وسط العمل الصالح بتسمع معاني التغيير العظيمة. الواد طب النفسي دلوقتي في العالم في العلاج السلوكي المعرفي البرمجة اللغوية العصبية اخطر كتاب علاج سلوكي معرفي في الحياة كلها هو القرآن. اخطر كتاب برمجة برمجة لغوية عصبية الحياة كلها والقرآن بيبرمجك في قيام الليل بتعاد برمجتك تاني. بيتعمل لك ريستارت ها بتتلستر وبتبدأ من اول وجديد تاني بتبدأ تخرج انسان جديد. علاج سلوكي معرفي الصندوق الاسود اللي جواك والافكار الغلط اللي فيه. كلها بتتصلح وبتتطهر في هذا الجو الطاهر النقي. مراية القلب في جوف الليل فمعاني القرآن بتظهر عليها. انما مراية القلب بالنهار كلها اشباح وصور والدنيا ومشاغل وهموم. فلما بتيجي تقرأ القرآن المشهد بتتزاحم ما فيش مكان في المراية. عشان كده يا ايها المزمل قم الليل الا قليلا. يا رب ليه؟ ليه يا رب الكمية الكبيرة دي يا رب في البداية الطلب الصعب ده يا رب الله الطبيب بيوصف لك الجرعة بتاعة الدواء. تخيل انت رحت لدكتور ساعات كده. يقول لك حقنة يونسين. اه اه يعني احنا عارفين يا جماعة ان مسلا اللي عنده التهاب زور مسلا خد حباية مضاد حيوي مسلا سبعمية وخمسين تركيز سبعمية وخمسين. كل اتناشر ساعة. وخد بالك اصل المضاد الحيوي تقيل. والحباية تقيلة انت عارف ان مسلا اكتر من نصها ممكن ان الامعاء فانت اللي هيبقى تقيل عليك. ساعات واحد يروح لدكتور يقول له حقنتين الف وخمسمية آآ الف وخمسمية الف وخمسمية. يعني تلات تلاف تلات تلاف هتاخدها تلات مرات في اليوم. ازاي يا عم انت عايز تقتلني ولا ايه؟ وحقن ووريد. يعني كلها تدخل مباشرة على خلايا الجسم! يا عم انت بتموت! انت محتاج جرعة عالية انت بتموت انت ايه ما تتلحقش. فانت بالامراض اللي جواك والامراض اللي جوة قلبك الكبر العجب الغرور الرياء. النفاق حب بالدنيا التعلق بالدنيا الشك الشبهات الشهوات الانا اللي جوانا ضعف التجرد المطامع الدنيا الاثار النكت السوداء اللي الزنوب وحفارتها في قلوبنا. كل ده يا جماعة احنا من جوة لو عملنا اشعة اشعة ايمانية على صدورنا هنسقط مغشيا علينا. لو شفنا السواد اللي جوانا لو شفنا تراكمات الذنوب اللي طمست الفترة بتاعتنا. لو شفنا النكت السوداء اللي نخرت جوة قلوبنا. لو شفنا كل الامراض اللي في نفسيتنا وفي صدرنا وفي قلبنا تخيلوا يا اخواننا يعني هي عاملة زي ايه؟ ايه الفرق بين القلب والصدر والفطرة؟ عاملة زي مدرسة حوش مدرسة وبعد كده بينفذ على الطرقات بتاعة الفصول وبعد كده فيه فصل جوة. المدرسة كلها على بعضها كده بالحوش بتاعها دي الصدر. بعد كده الطرق بتاعة المدرسة دي القلب اللي جوة الحوش بعد كده الفصل اللي جوة خالص ده الفطرة. فلما بييجي ريح وتراب الحوش بيتملى تراب. طيب لو لو التراب زاد والريح زادت وما فيش حد ينضف هتملى مرات بقى هتدخل في القلب بعد ما دخلت في الصدر. طيب لو الفصل كمان الباب مفتوح وما فيش حد بينضف هتدخل جوة الفطرة. الفطرة هتدنس هتلوث. قيام الليل بقى بقى. قيام الليل مش غسيل كلوي. شوفوا الغسيل الكلوي عند مريض غسيل الكلى بيبقى بالنسبة له حياة او موت ازاي ؟ غسيل القلب بتاع قيام الليل ده بالنسبة لنا حياء يا ايها المزمل اول ايات جبريل نزل بها من فوق سبع سماوات على النبي عليه الصلاة والسلام يكلموه فيها عن قيام الليل. ربنا بيقول له قم الليل الا قليلا. هي دي الجرعة اللي انت محتاجها مش طب يا رب هنجيب وقت منين وهنجيب ساعات منين وهنجيب يا عم انت قيام الليل ده صاروخ انت راكب في صاروخ للفردوس الاعلى صاروخ اصحى بقى اللي يصحى الصبح هيحصلك ازاي؟ انت ركبت الصاروخ وانطلقت وقطعت مسافات ما حدش هيقدر يحصلك بها. قيام الليل ده يا جماعة كفاية الدعاء. لو انا هي دي الجرعة اللي احنا عايزينها عشان ننضف من جوة. وعشان نطهر من جوة وعشان نتغير. نصفه او انقص منه قليلا. او زد عليه ورتل القرآن ترتيلا. انا سنلقي عليك قولا معي تأشيرة وزير تأشيرة وزير! يا نهار ابيض! خلاص ما حدش يقدر يكلمك في المصلحة اللي انت عايز تعملها! تأشيرة وزير ان انا ابني برج هنا عشر تدوار! الحي مش هيقدر يكلمني في الوقت ده الحي والمرافق والمحافظة مش هتقدر تكلمني في الوقت اللي انا معي تأشيرة وزير. فتخيل بقى انت معك تأشيرة من الملك. انت بتدعي ربنا سبحانه وتعالى ومعك تأشيرة من الملك ايه الدعاء اللي لا يستجاب؟ دعاء الثلث الاخير من الليل يا عشاق الليل. كنت لسة بتكلم مع واحد صاحبي دلوقتي يعني اتنين آآ اتنين دعاة والله يا جماعة بس مش عارف ايه الجالية اللي طلعت عليهم وهم قاعدين معي فالاتنين قاعدين يقولوا لبعض انت حبيت قبل كده طب قل لي بقى انت قبل ما تلتزم بقى ايه كنت بتحب ولا ما بتحبش والاتنين لقيته قاعدين يحكم والاتنين سرقوا قلت لهم يا جماعة اتقوا الله يا جماعة ده يعني يعني انتم ما فيش حد فيكم صلى له ركعتين قبل الفجر انا عايز آآ يعني الجو يعني وبعد كده قعدت افكر كده قلت لهم سبحان الله العظيم انا طالع اتكلم عن قيام الليل وعن عشاق القيام وعن عشاق الليل لانهم بيقفوا بين ايدين ربنا قلت لواحد منهم اللي هو شكله يعني شكله كان معدي كده او خبرات يعني. قلت له يا اخي هو اللي بيحب واحدة. الليل ده بالنسبة له بيبقى ايه ؟ قال لي يا نار ابيض. ده انت هو ده تحية والله يا جماعة وكان هيطلع معي النهاردة. بس الحمد لله والشكر لله. ربنا ستر يعني. فقال لي يا نهار ابيض! ده الليل ده بالنسبة للي بيحبه حاجة جبارة. ده لحظات الشوق كلها. ملاحظات السعادة كلها. قل سبحان الله! ده ده حب مخلوق. اومال اللي بيحب الخالق؟ اومال اللي بيحب ربنا؟ الليل بالنسبة له ايه؟ الخلوة مع الله الخلوة بينه وبين الله سبحانه وتعالى. يا ايها المزمل قم قم ما انتاش عارف المجد اللي مستنيك. ما انتاش عارف النور اللي ما انتاش عارف الفتح اللي مستنيك. ما انتاش عارف التأشيرات الربانية اللي مستنياك زي ما النبي عليه الصلاة والسلام قال ايقظوا صواحب الحجرات. ماذا انزل الليلة من الخزائن قوموا امهات المؤمنين لو يشوفوا منظر خزائن الملك بيتنزل منها العطاءات. مع مع رفع الايدي والاكف من اهل القيام في جوف الليل. هم بيطلبوا ربنا ما حدش هيجي له نوم. ما حدش هيجي له نوم الكل هيقوم ملهوف زي بالزبط كده تحت بيتكم. فيه واحد بيوزع مسلا مليون دولار للي بيجي. والله قيام الليل اغلى يا جماعة ليلة واحدة لو احنا متنا الوقتي. لو انت مت دلوقتي ووقفت قدام قبر كده وانا بزور المقابر. وقفت قدام قبر من المقابر قلت انا لو مت دلوقتي. ايه اللي هندم عليه؟ لو انا اتقفل القبر ده الليلة ايه اللي هندم عليه؟ لقيت اكتر حاجة هندم عليها كل ليلة عدت علي من غير ما اقوم الليل. اكتر حاجة هندم عليها قيام الليل. هندم على الليالي ضيعتها من غير ما اقف بين ايدين ربنا سبحانه وتعالى ربنا يوقف قلوبنا في قيام الليل قيام الليل يا جماعة. قيام الليل ده الكنز الضائع من حياتنا. دي الراية البيضا اللي انت بترفعيها ارفعيها وتسلمي امرك لله. وتقولي له يا رب انا ما ليش غيرك. انت ولي. انت وليي يا رب. كنت بتكلم مع بعض آآ مع بعض اهلي كده من من يومين باقول لهم اللي ما لوش اب. اللي اللي ما لوش اب ولا ام ولا معه فلوس ولا عنده شهادة ولا له رصيد ولا عنده اي سند ولا عنده اي صاحب ومش هيزعل لانه له رب هو ده اللي عارف يعني ايه الولي. اللي يعني ايه الولي اللي ما لوش اي سند في الحياة ومش زعلان. لانه له رب. هو ده اللي فهم يعني ايه الولي؟ يعني ايه الولي؟ كنت بكلم بنت كده يعني بقول لها انت في لما بيزعلوا منك يقولوا لك ايه ؟ لما بتقول لي هاتي ولي امرك. هو ده ربنا بقى. ربنا انت لو عرفت يعني ايه الولي؟ مش هتزعلي لو ابوك مات. مش اني لو والدتك ماتت مش هتزعلي لو خسرت اي حاجة في الحياة. فعلا اللي يفهم يعني ايه الولي. ومحصور على وفاة والدته ووفاة ابوه ووفاة حبايبه ما حدش هيزعل يا جماعة. الله هو الولي يعني اقرب حد لك في الدنيا. الولي فرصة للفوز بولاية الله سبحانه وتعالى. عشان كده قم الليل الا قليلا. كتير مش كتير والله فقيل هو ده التعليل بقى. ليه يا رب القيام ده كله عشان في كلام تقيل اوي هييجي. كلام تقيل ايه الكلام التقيل؟ تكاليف الدين. يعني ايه كلام تقيل؟ يا رب انت قلت في سورة تانية برضو من اول سور نزلت في القرآن ونيسرك لليسر اللي هي سورة الليل. سميت الدين اليسرى. سميت طريق التدين وطريق الالتزام اليسرى اسهل طريق للنجاح. اسهل طريق للسعادة. هو الدين. يا رب انت دلوقتي بتقول لي قول ثقيل وان الدين صعب الدين مش صعب. فقيل مش لانه تقيل سقيل على نفسيتك انت. ليه؟ لان هيجي لك تكليف الوقتي بالاخوة والحب والتعاون وروح الفريق. طيب دلوقتي انا انا مش طايق اصلا انا لازم عشان اقعد في وسط مجموعة لازم ابقى انا الكبير بتاعهم. ولازم لما اقول رأيي يتسمع ولازم ابقى باشا ولازم مش قادر اتعامل مع مجموعة مش قادر اتعامل مع روح الفريق. مش قادر اكسر نفسي لاخواني مش لان التعاون صعب. لان انت اللي نفسيتك مش قابلة. هييجي النزول للناس طلب بالنزول للناس. انزل يا محمد يا ابن عبدالله ادعو الناس في الشوارع. طب كرامتي طب صورتي طب اعتباري اللي عنده صورة واعتبار مش هيقدر يدعو الى الله ليه؟ احسن حد يكسفه هييجي تكليف تاني اجهر بكلمة الحق في وجه الظالمين. اجهر بكلمة الحق. القرآن بيطالبني ان انا اقف مع الحق وهو في اضعف حالاته. في وش الباطل وهو في اقوى حالاته تكليف صعب جدا يا جماعة. عشان كده انا سنلقي عليك قولا ثقيلا. الدين تقيل ليه تكاليف القرآن تقيلة على اللي ما بيقومش الليل. قيام الليل عشان كده ان ناشئة الليل هي اشد وطئا. عارف مكنة كبوتة وبتسفلت في قلبك. بتعبد ما عدش فيه مطبات. لما تيجي اوامر الله ما تعديش لان فيه مطبات واقفة في طريقها. قلبك بيبقى طريق ممهد لنزول اوامر الله. عليه بقيت خلاص سهل بين ايدين الشريعة. لما يتقال لك حرام تسيبه فورا. لما يتقال لك امر من الله تعمله فورا كلام كبير يا اخواننا. قيام الليل ده بتاع الناس الكبيرة. بتاع الناس اللي عايزة تطلع. بتاع الناس اللي عايزة تترقى في علاقتها بالله سبحانه وتعالى. معمول لك سحر. معمول لك سحر الشيطان كل اللي انا باتكلم عليه ده في فوائد القيام. وفي ثمار القيام الشيطان عامل لك سحر عشان ما تاخدش حاجة من ده. عشان ما تاخدش الدعاء المستجاب بتاع الاخير ذلك الدعاء والله يا اخواني احد اخوانا كان يعني من قريب كان بيقوم الليل وكان في كرب رهيب. فبيقول كده واحنا واقفين كده بيقول انا دخلت قيام الليل وانا في كرب وهم وغم لا اظن ان له حل على وجه الارض. خارج وانا عايز اطير. هاركب اجنحة خلاص واطير. لو فيه سحر في الدنيا يبقى قيام الليل. لو اجتمع سحرة الارض كلهم ان هم يدوني الاحساس اللي انا حسيته بعد نص ساعة صلاة. قبل الفجر والله ما يقدروا ان هم يدوموا قولي مشاعر جبارة. قيام الليل هيزرعها في قلبك وحياتك وحياتك. ونفسيتك السعادة كلها بين ايديك. بالنص ساعة اللي قبل الفجر. النص ساعة اللي قبل الفجر وممكن الوقتي قم الوقت صل. ما تحرمش نفسك وما تحرجنيش نفسك من قيام اول الليل. وقيام اوسط الليل قبل ما تناموا. ولكن برضه ننشن على النص ساعة اللي قبل الفجر فجر وقت عزيم اوي ووقت كبير اوي لو صلينا نص ساعة بعد العشاء او نص ساعة في الوقت اللي زي ده بعد ما نخلص الحلقة بازن الله سبحانه وتعالى صدقوني يا جماعة وتوسلنا الى الله يوم اتنين تلاتة هتلاقوا ربنا بيرزقكم النص ساعة اللي قبل الفجر اغلى لحظات العمر. يا عشاق الليل يا عشاق الوقوف بين ايدين ربنا سبحانه وتعالى. كما يقول عليه السلام اقرب ما يكون الرب من العبد في جوف الليل الاخر. فيه فرق بين اقرب ما يكون العبد من الله وهو ساجد. ده اكتر اكتر لحزة تحسي ان قلبك قريب من ربنا. الحديس التاني اقرب ما يكون الرب من العبد. يعني اعظم لحزة يتجلى فيها اسم الله القريب في حياتك. اعظم لحزة الواحد بيحس انه فرحان لما بيرفع كده ايده ويقول يا سميع يا قريب تحس ان كلمة القريب دي يعني يعني قليل انك تدعي ربنا بها ولا يستجاب دعاء يا سميع يا قريب ان ربنا قريب اقرب ما يكون الرب من العبد اكتر لحزة هيتجلى فيها اسم الله القريب في حياتك وفي حياتك هو في جو في الليل الاخر في هذه اللحظات الغالية التي لا يساويها. اي مال في الدنيا ولا اي شيء في الدنيا العظيم عشان السحر يتفك بقى يا جماعة. عشان السحر اللي ابليس عامله لنا وسحر لنا في الدنيا. ومبهورين بالدنيا. ومن يعش عن ذكر الرحمن نقيض له شيطانا. يعشو من العشاء الليلي فيه ناس مش شايفة. فيه ناس معمية الدنيا عمياها. ما هيش شايفة والشياطين يعني يعني محيطة بها نقيد له شيطانا دي جاية من الغشاء بتاع البيضة. يعني واحد هيلاقي نفسه متحاصر بالشياطين. فهو له قرين ولكن سهل ان احنا نكسر الحصار اللي اللي الشيطان عامله عليه بقاء علينا بقول الله سبحانه وتعالى فاستمسك بالذي اوحي اليك. خلينا نستمسك بدين ربنا. خلينا نستمسك بالقرآن. خلينا نفك السحر من قبل رمضان يا على رمضان قد ايه؟ حاولي تلاتين يوم. باقي على رمضان حوالي تمانين يوم بالزبط. تمانين يوم بالزبط يا جماعة. يعني نفك السحر من قبل رمضان. ندخل رمضان مروة احنا مستبصرين الحقائق نخرج واحنا عالم تاني وحياة تانية وعلاقة تانية بالله يا رب يا رب يا رب يا رب يا اكرم اكرم الاكرمين يا رب. يا من انزلت القرآن على نبيك يا اكرم يا اعلى. اللهم لا تحرمنا من شرف القيام بين يديك اللهم لا تحرمنا من شرف قيام الليل بين يديك. يا رب. اللهم الهمنا رشدنا حتى نرى قيامك الليل اعظم ما نؤديه لاجلك يا ربنا. اللهم انا نسترضيك فارض عنا. اللهم افتح لنا ابواب اللهم افتح لنا من ابواب طاعتك ما ترضى به عنا. اللهم الهمنا رشدنا واعذنا من شر انفسنا. يا حي يا يا قيوم برحمتك نستغيث. رب اجعلنا لك صوابين لك قوامين. يا سميع يا قريب. يا يا صامد يا ذا الجلال والاكرام. يا حميد يا مجيد يا رحمن يا رحيم. يا غفور يا ودود يا رب رب العرش العظيم يا رب العالمين. اللهم شرفنا بقيام الليل بين يديك. اللهم لا سهل الا ما جعلته وسهلا وانت تجعل الحزن اذا شئت سهلا. اللهم يسر لنا قيام الليل وافتح لنا فيه واعنا عليه ولا تحرمنا من قيام الليل بين يديك يا ربنا. يا مولانا لا تقبضنا ونحن محرومين من عبادة قيام الليل اللهم اقمنا على مرادك منا اللهم استخرج منا ما يرضيك عنا. اللهم قوي في رضاك عزمنا. اللهم يا ربنا ارض عنا واعف عنا رب اجعلنا لك صوامين لك قوامين. لك ذكرين لك شكاريين. اللهم تولنا في من توليت اللهم تولنا فيمن توليت. اللهم قنا شر انفسنا واعزم لنا على ارشد امرنا. اللهم اللهم بلغنا رمضان واجعلنا فيه من الفائزين. واجعله خير رمضان مر علينا في حياتنا. اللهم احيي ليلنا قيام الليل بين يديك واحيي نهارنا بطاعتك والصيام والذكر والشكر يا رب. اللهم احي قلوبنا بمعرفتك اللهم اجعل القرآن العظيم ربيع قلوبنا ونور صدورنا وجلاء احزاننا وذهاب همومنا. برحمتك يا ارحم الراحمين سبحانك اللهم وبحمدك اشهد ان لا اله الا انت استغفرك واتوب اليك. ادعوا لنا يا اخواني. ادعوا لنا يا اخواتي. ان شاء الله بازن الله يعني فيه كده اتجاه ان احنا نرجع درس الفجر تاني والبس بتاع درس الفجر تاني لعل الله يتقبل مننا بمناسبة اقتراب رمضان ادعوا لنا كده ويعني لا تنسونا من دعوة صالحة في قيام الليل جزاكم الله خير. اه