الدعاء يا جماعة مين الرزاق؟ هو اللي واقف في سوبر ماركت. مين اللي بيرزقه؟ اه صاحب سوبر ماركت هو اللي بيدي له مرتبه. قال لها طب وصاحب السوبر ماركت بيجيب في مليار مخلوق رفع ايده يا رب انا عايز يا رب ملك الارض يا رب انا عايز ادي الارض دهب يا رب انا عايز يا رب جنة عرضها السماوات والارض يا رب فسألني انت اي حاجة انت شكلك راجل صالح ولما اتزنقت ووقفت بين ايدين ربنا خد الكارت بتاعي ولما تحتاج اي حاجة اتصل بي قال له اتفضل الكارت بتاعك. انا لما اتزنقت ووقفت بين ايدين سلام عليكم ورحمة الله وبركاته واخواتي في الله. استضافت عندنا جامعة المنصورة اسبوع شباب الجامعات العربي. تخيلوا عشر تلاف شاب جايين من اقطار الوطن العربي ومن مصر والمفروض ان الجامعة هتفطرهم وتغديهم وتعشيهم الفطار كله موحد الغدا موحد العشاء موحد. الجامعة اتقلبت يا جماعة هتأكل عشر تلاف بني ادم ازاي ؟ اتفقوا مع اكبر مطاعم في المنصورة والدنيا اتقلبت انتم جايين مطبقين وعملوا مطابخ عشان يأكلوا عشر تلاف واحد. الاكل بتاعهم واحد. امال بقى لو كان العشر تلاف واحد دول كل واحد له اكل غير تاني. دي بتاكل ني في ني ودي بتاكل مسلوق ودي بتاكل سوتيه. وده بياكل من غير ملح. وده بياكل مشوي بس. وده بياكل وكل واحد منهم له نوعية وده عنده يوريك اسيد زايد فما بياكلش لحمة وده ما بياكلش سمك وده وده وده تخيلوا يا جماعة كانوا عملوا ايه؟ حاجة ما حدش يقدر يحيط بها. امال ربنا سبحانه وتعالى اللي كل يوم الصبح عشرين مليون نوع كائن حي بيقولوا له اكلنا يا رب ورزقنا يا رب وقوتنا يا رب. وسبعة مليار بشر والحيتان في البحار رضعت الحوت اللي مولود بس طن لبن رضعة الحوت اللي مولود طن لبن وربنا بيدي لكل دول ارزاقهم وكل دول بيشبعوا قتل الخراسون اللي يشككك اللي يشككك ان ربنا قادر. مش قادر انه يرزقك. اللي يشككك ان ربنا سبحانه وتعالى مش قادر انه يجوزك. اللي يشككك ان ربنا مش قادر انه يديك الذرية قتل الخراسون. اللي بيفتروا على الله سبحانه وتعالى ويقول لك كل ما الواحد عياله تزيد. كل ما الفقر بتاعه يزيد قتل الخرس ربنا قادر وما فيش مخلوق بييجي غير وهو معه رزقه لا نزال مع هزه السلسلة الطيبة مع هزه السلسلة اللي من سلاسل العقيدة سلسلة مفاتيح الرزق ازاي نزود دخلنا؟ ازاي نجيب فلوس؟ ازاي نزود رزقنا؟ ايه ابواب الرزق اللي ربنا فتحها لنا الابواب المجربة والمضمونة والحقيقية واللي تجيب فلوس بحق وحقيقي. وقفنا المرة اللي فاتت مع اول مفتاح حسن الظن في الله. والثقة في الله سبحانه وتعالى. وتاني مفتاح العبادة سجادة الصلاة وفتحة المصحف. العبادة النهاردة هنبدأ بقى المفتاح التالت الدعاء فلوس ورزق منين؟ الناس اللي بتدخل تشتري منه. كل واحد بيدي له فلوس. الله! طب والناس دي جابت الفلوس منين؟ ده شغال في الحكومة وده تاجر وده موظف في في شركة خاصة وده وارس الله! طب ودول بقى كلهم جابوا منين؟ اه اللي شغال في الحكومة الحكومة جابت منين؟ الحكومة عندها مشاريع وعندها تجارة عندها وعندها وعندها بتجيب منها فلوس الشبكة دي يا جماعة اي عقل بيقول ان لازم فيه واحد وراها كلها. مين اللي اصلك كل ما هترجع هتلاقي فيه خطوة. ترجع خطوة. ترجع خطوة. مين اللي ورا كل ده؟ الرزاق الله! عشان كده الله سبحانه وتعالى يقول فابتغوا عند الله الرزق اللي بيرزق الكل اللي بيضخ الرزق في اخطر شبكة في الوجود كله شبكة التوصيل للارزاق هو الله سبحانه وتعالى. عشان كده قال الله عز وجل عن المخلوق لا يملكون لكم رزقا. ما فيش في ايديهم حاجة. ورزق بالنكرة لان هم ما ما فيهوش اي شيء. فابتغوا عند الله الرزق بالمعرفة بقى بالالف واللام. لان جميع انواع الرزق في ايد ربنا لوحده سبحانه وتعالى. لما النبي عليه الصلاة والسلام. حس بالمعنى ده. رفع ايده لربنا لربنا وقال له اللهم اني عبدك وابن عبدك وابن امتك. يا رب انا عبد ابن عبد ابن امة يا رب انا انا مش عبد لحد غيرك يا رب انا ما كانش لي سيد غيرك. وبقيت انت سيدي. يا رب انا ما كنتش حر وبقيت عبد. يا رب انا ما اعرفش غيرك ولا اعرف بابك انا اتولدت عبد وهعيش عبد يا رب ان ناصيتي بيدك يمين يمين شمال شمال يا رب. انا يا رب تحت امرك ونهيك يا رب. ماض في حكمك عدل في قضاؤك اسألك. اسألك بكل اسم هو لك انت ما فيش حد يفتري على الله. ويوهمك انه رزاق ولا انه قادر ولا انه بايده حاجة سميت به نفسك او انزلته في كتابك. انا باحس في الدعاء ده واحد كان واحد ماسك هدوم واحد وبيقول له اتوسل اليك. طب اعمل ايه عشان ترضى عني؟ طب اعمل ايه عشان تغثني طب اعمل ايه عشان تجيرني او انزلته في كتابك او علمته احدا من خلقك او استأثرت به في علم الغيب عندك ان تجعل على القرآن ببركة القرآن يا رب. ربيع قلبي ونور صدري وجلاء حزني وذهاب همي. همومي وهم الرزق اللي جوايا مشاغلي وفقري وديوني شلهم عني. ببركة القرآن في حياتنا يا رب. يا اخوانا لما الصالحين حسوا بالمعنى ده ان ربنا هو الرزاق وما فيش رزاق غيره. احد السلف لقى غلام في فترة مجاعة ماشي بيرقص وبيضحك. قال له يا غلام اتضحك والناس في هذا الكرب؟ قال وما لي لا اضحك ولي سيد يملك حديقتين. ده انا شغال خادم عند واحد عنده جنونتين. انا ما لي بقى عنده حديقتين انا ما لي بقى الناس لاقية او مش لاقية. انا ما لي ان في كورونا والناس مشارعها بتقفل والشركات بتنهار والطبقة المتوسطة بتنمحي من الوجود انا مالي يا عم انا انا اللي انا شغال عنده ملط ملياردير ما يهموش. لا كورونا ولا اوبئة ولا مشاكل ولا زروف. الراجل قال له سيد يملك حديقتين عنده حتة جننتين ولا يخاف ولي رب يملك السماوات والارض واخاف. اخاف ازاي يا رب؟ احد السلف لما حس بالمعنى ده قال والله لو صارت حبة الحنطة بدينار من الدهب. القمحاية. يعني شوفوا رغيف العيش بيستخدم فيه كم قمحاية. قال لو القمحاية بدينار. والله ما خفت على رزقي. ليه لان الله قال اليس الله بكاف عبدا؟ ربنا هو الكافي سبحانه وتعالى. ياما الواحد شاف الرزق اخطر عملية دليفري في التاريخ. توصيل يا جماعة توصيل الارزاق ازاي ربنا بيوصل الارزاق واحد كان محتاج اربع تلاف جنيه الصبح عشان عملية ضروري. الراجل بيته تحته يعني ساكن تحت يعني تحته جامع والجامع ده على طريق سريع نزل بالليل قبل الفجر. قعد يصلي ويبكي لربنا يصلي ويصرخ ويجأر الى الله سبحانه وتعالى. واحد من الناس اللي ربنا فاتح عليها شوية معدي فطبعا كلنا على الطرق السريعة. واحنا مسافرين والحياة ما لقينا سفر. فدايما المساجد بتاعة الطرق السريعة عمرانة بالمصلين تقوموا راكنين عربيتهم وداخلين مصلين بقى. فواحد راكن عربيته وداخل يصلي. لقى الراجل ده قعد يعيط ويبكي استعداد ما خلص انت بتعيط ليه؟ انت بتبكي ليه الراجل بدأ يتكلم معي على استحياء كده يعني ده بكرة وفيه عملية ومحتاج مبلغ كزا فالراجل قال له خلاص يا عم المبلغ اهو. طب بص خد الكارت بتاعي وعشان لو ربنا ربنا جابك لي. ربنا اللي وصلك لي. لما اتزنق تاني هاقف بين ايديه وهو اللي هيجيب لي. وهو اللي هيرزقني. موصل الارزاق. معجزة توصيل الارزاق مش مجرد كتابة الارزاق. انه يجيب لك الرزق لحد عندك ياتي بها الله. يعني سبحان الله العظيم يعني احد الناس اعرفه يعني من الاثرياء فبيقول لي اتجوز فاتجوز واحدة عندها تلاتين سنة فمرة قعد معها كده بيقول لي انا نفسي اعرف دي ازاي قعدت من غير جواز لحد سن التلاتين بيقول لي جمال دين حاجة يعني سبحان الله! يعني بيقول اوصاف عامة كده من بعيد لبعيد يعني ولكن حسيت انه مبهور بها. بيقول لي سبحان الله! رزقي فربنا حجبه عن الدنيا عشان يبقى هو رزقه ورزقك ما حدش هيعرف يخطفه منك على شواطئ اوروبا فيه مئات الملايين من سمك السردين آآ آآ سمك السلمون عايش وعلى شواطئ امريكا الجنوبية فيه ملايين من اسماك القرش والحيتان والاسماك اكلة السمك اكلة السمك عايشة ولكن عايشة جعانة. عايزة رزق طب هي بينها وبين مئات الملايين من اسماك السالمون اتناشر الف كيلو متر يعني عشرين في المية من الماية بتاعة الكرة الارضية اللي هي ماية المحيط الاطلنطي. يعني ربع مساحة الكرة الارضية اللي هو المحيط الاطلنطي. طب هتقطع الاتناشر الف كيلو متر دول ازاي؟ عشان توصل من شواطئ امريكا الجنوبية لشواطئ اوروبا مش هي اللي هتقطع ده ربنا اللي هيجيب لها مئات ملايين سمك السلمون لحد طب ازاي ؟ ربنا يرسل رياح في المحيط الاطلنطي بسرعة تمانين كيلو متر في الساعة. اتجاهها من اوروبا لامريكا الجنوبية الرياح دي تقلب الاعشاب الخضراء اللي جوة الماية اللي هي مسئولة عن صناعة خمسين في المية من اكسجين الكرة الارضية. الاعشاب دي اللي هي الاكلة الوجبة الشهية الاوبن بوفيه بتاعة سمك السلمون سمك السلمون يقعد يجري وراها. فتقع يقعد يستدرج وراها لحد ما يقطع اتناشر الف كيلو. عشان رزق السمك والطيور اللي على شواطئ. امريكا الجنوبية في مئات ملايين سمك السلمون دهو. ربنا هو اللي وصل الارزاق. اللي وصل الارزاق للطير اللي هناك مش هيوصل لك انت الرزق. اللي ما انساش السمكة اللي على شاطئ امريكا الجنوبية. هينساك انت يا جماعة فما ظنكم رب العالمين فين زنك في ما لكم لا ترجون لله وقارا؟ احنا ازاي استهنا بقدرة الله على انه يرزقنا وانه يفرج كربنا وبقى كل تفكيرنا لاسباب والوسايط فين ؟ والبشر فين ؟ ازاي ؟ ازاي ما احناش قلوبنا مش قادرة تعيش مع قدرة الله؟ المزهلة سبحانه وتعالى، كان سيدنا داوود لما يدعي ربنا يقول يا من يرزق النعاب في عشبه. يا من يرزق النعاب في عشبه. فحد بيقول يعني ايه النعاب؟ النعاب ده ابن الغراب الغراب لما بيحط البيض. فالبيض لما بيفقس بيطلع النعاب اللي هو الغراب النونو. النعاب ده اسمه النعاب لانه بيقعد ينعق. يقعد ينعق عايز الاكل بتاعه لابوه وامه اول ما بيتولد بيبقى ريشه ابيض. الزغب بتاعه ابيض فبينكروه يحسوا انه مش ابنهم يرموه. طيب هو بقى يدور على رزقه؟ هو مولود اصلا من غير ريش من غير يعني جنحة ما يعرفش يطير اصلا ومولود اعمى. ما هوش شايف حاجة اصلا. فهيموت هيموت وامه وابوه رموه يعني هالك هالك. يعني تخيلوا واحد واحد قام رامي نونه في الزبالة خلاص. الناس بيلاقوه بعد كزا ساعة ميت والحشرات بتاكل في جسمه. نسأل الله العافية. نسأل الله الهدى والعافية. فميت ميت. سبحان الله والله العزيم. ربنا بقى موصل الارزاق خلق له في منقاره غدد بتطلع ريحة حلوة. الغدد دي بتجزب الديدان. فاكرة انها لها. تقوم الديدان تيجي عند بقه يقوم واكل الديدان. اللي وصل له الرزق وهو اعمى. مشلول ما عندوش ريش يطير. امه وابوه راميينه اللي وصل له الرزق هو الله. ما يوصلكش انت رزقك. ما يرزقكوش انت. اطمن. اطمن. اطمن لان ربنا موجود. اطمن لان ربنا اطمن لان ربنا معنا. اطمن ما تقولش رزق هيجي ازاي وهيجي منين وهييجي فين؟ وانا ما استاهلش يا عم سبك بقى من شوية النمل اللي في دماغنا ده. يا عم ومين اللي رزقك وانت جنين في بطن امك كنت تستاهل ايه عشان يديك كبد وكلى ومخ واعصاب وطحال ومعدة وجهاز بولي وجهاز تنفسي كنت تستاهل ايه عشان يديك كل ده. ربنا بيديك لانه كريم. مش لانك تستاهل. ما تقولش طب ازاي ومنين؟ هو فيه اعلى ايه من كبدك وكلتك وعينيك؟ وسمعك وبصرك ركز مخك ومراكز التنفس في المخ. ايه اعلى من كل ده! ايه اعلى من كل ده! يا اخوانا الله سبحانه وتعالى يقول يا عبادي كلكم جائع جعانين ما فيش حاجة اسمها غني وفقير الا من اطعمته. الا اعرف حقيقة وضعك فاستطعموني ارفع ايدك وقل يا رب اطعمكم اطعمكم مجزوما. يقين ارفع ايدك وتقول اطعمني يا كريم ربنا هيطعمك يا عبادي. كلكم عار الا من كسوته. فاستكسوني اكسكم اكسكم برضو يقين. يعني جواب خلاص هتقول يا رب اكسني. يا رب اطعمني يا رب اهدني. الله سبحانه وتعالى لن يخلف لك سبحانه وتعالى يا عبادي لو ان اولكم واخركم مليارات المليارات الوقتي والمليارات من ايام سيدنا ادم. وانسكم وجنكم ومليارات الجن قاموا في صعيد واحد. فسألوني كله رفع ايده تلتميت ربعميت مليار بني ادم وتلتميت ربعميت مليار جن كله رفع ايده في نفس الوقت. يعني الف فورا فاعطيت كل واحد منهم مسألته. كله قمت مخرج من الخزاين كل اللي طلبوه في نفس السانية ما نقص ذلك. من ملكه ولا ينقص شيء من خزاين الله. ولا ينقص شيء من خزاين ربنا مليانة. يمين الرحمن لا تغضها النفقة ما بينقصش اللي فيها. ربنا لما ادى الجنة ما نقصش خزاين ربنا بكل ما في الجنة. يا اخوانا عايزين نعرف مين هو ربنا. عايزين نسق في الله في الله. قادر انه يرزقك. قادر بزور واحد قريبي في عيد من الاعياد. فكان بقى لي سنين ما زرتوش وهو كان فقير جدا وعلى قد حاله جدا. ففوجئتم ان بقى غني جدا ومش عارف وجايب لابنه العربية شكلها ايه يعني غني جدا فواحنا قاعدين بنتكلم فبيحكي لي هو اختنا ازاي ؟ النقلة دي حصلت ازاي ؟ بيقول لي ما فيش. انا كان واحد صاحبي تاجر مسافر تركيا عشان يجيب من هناك يا تاجر قال ياخدني ونس يعني يونسه في الرحلة وعادي بقى. يعني هو هيدفع له التزكرة وكده وانا معه في الرحلة كونس وسند وكده. وخلاص انما انا ما عييش حاجة اصلا اتاجر. بيقول رحت هناك فبتفسح مرة ماشي في تركيا في الاسواق فلقيت حتة حديد كبيرة كده عاملة زي المحرات عندنا كده. بيقول دي بتتباع في بلد الفلاحين بتاعتنا بعشر تلاف جنيه بتستخدم في حارة الارض. فبيقول هي دي ايه دي؟ بيسألهم قالوا له دي ما فيش زيادة تصنيع وبتترمى. لان هناك عندهم وسيلة ايه؟ زراعة تانية غير عندنا. فقال لهم طب ممكن استورده يا عم تستورد ايه دي ببلاش عندنا اصلا خدها برخصة تراب. جه هنا باعها بالالفات. بقى مليونير فورا ربنا قادر انه يرزقك قادر ما انساش حد من آآ ممن اعرفهم واحبهم يعني وانا طالب في الكلية الكلام ده من كم سنة يعني خدنا من حوالي تمنتاشر تسعتاشر سنة مش فاكر عشرين سنة كده وانا طالب في الكلية فكنت عنده آآ هو من القاهرة وانا من المنصورة فكنت انا وتلاتة اربعة فقال انا على بقى فتة وكوارع في الحسين. فكان طبق الفتة والكوارع والوجبة كلها بقى في المطعم الخطير ده باتناشر جنيه. يعني انا اتكلفت اتناشر جنيه ويعني الليلة كلها كانت بسبعين تمانين جنيه. انا فاكر وهو خارج من كتر زعله ان الفلوس راحت فبيقول ياه يا ريتني ما عزمتكم. الكلمة ما انساهاش ابدا اصل هو حد يعني من الدعاة وكده يعني. يعني الان عنده مئات ملايين مين اللي رزقه؟ مين اللي ادى له؟ مين اللي فتح عليه وتجارة ومصنع ومزارع مين اللي ادى له؟ مين اللي فتح عليه ربنا سبحانه وتعالى؟ قادر انه يرزقك كان فين شاب من شباب القاهرة كان لما حد يدي له كرتونة بيض هدية كان يرجع لمراته ويقول لها فتح علينا اللهم لك الحمد. شف رزق ربنا الواسع الشاب ده بيقول الايام ربنا فتح عليه في الرزق بقى لما عربيته بتقدم ما عندوش وقت يروح يبيعها والكلام الفاضي ده. يشتري عربية جديدة ويتصدق بالعربية القديمة على حد من حبايبه. بيتصدق بعربية بيطلع عربية صدقة هو ربنا لما بيفتح قادر. قادر انه يرزقك اكبر مزرعة جمال في مرسى مطروح. اكبر مزرعة جمال كان شاب غلبان غلب موت وكان شغال في السعودية في في حظيرة مواشي في السعودية وغلبان جدا ينضف ويعمل ويحلب فواحد بيقول له مرة يا اخي ده بيقول له ان البان الابل آآ شفاء وان النبي عليه الصلاة والسلام اتكلم. آآ والبان الابل دي حاجة جميلة. ما تجرب كده يعني شوية لبن كده وتايه وتاجر فيهم من البان الابل. يمكن ربنا عليك من الضنك اللي انت عايش فيه ده والبهدلة والفقر اللي انت فيه والديون اللي انت فيها. فبدأ يشتغل في البان الابل شوية جاب جمل. وبدأ يايه؟ جاب ناقة يعني وبدأ يحلب ويبيع. بقوا ناقتين بقوا تلاتة بقوا اربعة. لحد ما عدش محتاج يشتغل عند حد. جه هنا في مرسى مطروح وفتح اكبر مزرعة جمال وبقى بيتاجر في الابل ولحوم الابل والبان الابل وابوال الابل ربنا قادر انه يفتح ربنا قادر انه يرزق. ربنا قادر سبحانه وتعالى انه يغير حالك. ربنا غني. ربنا عنده كتير. احنا مع حد غني قوي. احنا مسنودين اوي. كل كل اموال البنوك المركزية اللي في العالم دي من خزاين الله. كل اموال البورصات والاسهم دي من خزاين الله كل المجوهرات. اللي لابسها الاميرات وملكات الخليج مليارديرات العالم دي من خزاين الله. كل الاحجار الكريمة واللؤلؤ اللي في قاعان البحار والدهب اللي في المناجم والاحجار الكريمة اللي في الجبال كل دي من خزاين الله. كل السحب اللي في السما وكل الزراعة اللي بتطلع من النباتات الارض كل دي من خزاين الله. كل سروات اغنى مية ملياردير على وجه الارض دي كلها من خزاين الله. كل الحاجة كل فلوس كل مال في جيب مخلوق. ماشي على وجه الارض دلوقتي ربنا اوي يا جماعة. لما الخليفة كانت بنته قطر الندى وجوزها حاكم مصر يعني جوزها للخليفة في العراق. فقال يبني لها قصر في كل تريح فيها في الطريق ما بين مصر والعراق. مصر فلست. الدولة اشهرت افلاسها. كل اللي ربنا بيديه لعباده في الجنة وخزاين ربنا لا ينقصها شيء اينقص منا في خزائن الله اي شيء. سبحانه وتعالى. عايزين نعرف ربنا غني قد ايه عايزين نعرف يعني ايه يعني ايه لو ولو ان ما في الارض من شجرة اقلام والبحر يمده من بعده سبعة ابحر ما نافلة كلمات الله. يعني ايه يا شباب؟ يعني لو جبنا كل محيطات الارض وبحار الارض وانهار الارض بقت كلها حبر وكل اشجار الارض بقت آآ اقلام خشب او اقلام حبر. ونزلنا البحار بدأنا نكتب ايات ربنا في قاع البحر. وبعد كده دخلنا جوة عضو عضو من جسم الانسان. وبدأنا نكتب ايات ربنا في وفي العين وفي السمع وفي البصر. وبعد كده دخلنا في الغابات وبدأنا نكتب ايات ربنا في النباتات والمخلوقات. وراس النحلة اللي بتعرف بالاشعة تحت الحمراء اتجاه اشعة تحت البنفسجية اتجاه اتجاه الازهار وحاجات مزهلة. ودخلنا في مخلوق مخلوق كتبنا وطلعنا في الفلك وقعدنا نكتب ايات ربنا في المجرات هتتكسر الاقلام ويخلص الحبر بتاع الارض ومش هتخلص ايات ربنا. ربنا ربنا عزيم اوي ربنا اطمن على رزقك. ما تقولش هيرزقني منين وهيفتح علي ازاي وهيبقى امتى ؟ ويا عم الابواب متقفلة يا عم ما نفدت كلمات الله وسائر ربنا انه يفرجها عليك لا تحد ولا تعد ولا تحصى يا شباب. كما روي عن حبيب الله محمد صلى الله عليه وسلم. من فتح له باب الدعاء فقد فتحت له ابواب الرحمة. الدعاء ده فتح. اللي ربنا يفتح عليه انه يرفع ايده ويقول يا رب نسأله العافية يا رب وسع رزقنا وادي عنا ديوننا فقد فتحت له ابواب الرحمة. ده فتح من الله سبحانه وتعالى. كلمة يا رب فتح ان ربنا يشرح صدورنا ان احنا نقول كلمة يا رب. يبقى ده المفتاح التالت من مفاتيح الرزق اللي هي الدعاء. الدعاء ما بين الاذان والاقامة. الدعاء في النص قبل الفجر الدعاء ليل نهار الدعاء في اي وقت. الدعاء في سجود الفرائض الدعاء كلمة يا رب في اي وقت وفي اي كرب. المفتاح الرابع من مفاتيح الرزق وهو معجزة الركعتين. المفتاح ده انا مرتبط به نفسيا جدا. وفيه درس لي موجود على اليوتيوب اسمه معجزة الركعتين. معجزة ركعتين ده الركعتين دول يا جماعة انا نجحت في كلية طب بركعتين فضل منة الله سبحانه وتعالى ونجحت في ماجستير امراض الكلى ركعتين. وطلعت الاول في فيرست بتاع الماجستير بالركعتين وخلصت الرسالة بتاعة امراض الكلى بالركعتين واديت ديون الركعتين وياما امراض. الركعتين دول هم قصة حياتك اصلا. اي انسان يعرف قدرة ربنا يخلص مشاكله من ركعتين. وقعت في وراك دين وراك مشكلة مرض تعبك يلا اجري اتوضأ واقفي على سجادة الصلاة الله اكبر يا رب عيط بقى على قد ما تقدر. مرغي نفسك على اعتابه على قد ما تقدري. توسل على قد ما تقدر. كان اذا حزبه امر عليه الصلاة والسلام فزع الصلاة يعني ايه فزع؟ عارفين واحد طالع عليه حرامي عايز يقتله وبيجري على اسم البوليس! منزر وشه من الفزعة ايه! عارفين اب ابنه خبطته عربية وبيجري في نص على مستشفى الطوارئ. منزر وشه من الفزع ايه! هو ده الوصف بتاع الصحابة لوش النبي عليه الصلاة والسلام لما كان بيحصل مشكلة لما النبي يجري على ربنا. فزع الى الصلاة هو عارف عارف ان حلها عند ربنا سبحانه وتعالى الركعتين دول اخطر مفتاح من مفاتيح تفريج الكربات. وتوسيع الارزاق. شوفوا يا جماعة ما تخسروش سيدنا ابراهيم مراته اتاخدت منه. ملك مصر ايامها كان عنده مرض زي نفسي كده ان اي واحدة جميلة متجوزة يغتصبها. فخطأ خد زوجة ابراهيم السيدة سارة ملكة جمال العالم من سيدنا ابراهيم غصب عنه وقف الله اكبر الركعتين. الركعتين دول ربنا عمل له ست معجزات بهم. جه يقرب الملك الظالم من سارة اتشل. ادي باول معجزة. دعت ربنا عشان ما يودوهاش في داهية. يقول لها انت عملت فيه ايه؟ اتفك الشلل بتاعه. راق من الشلل. ادي تاني معجزة كان واحد على كرسي متحرك وقام. فجه قرب منها تالت التاني اتشل. دعت ربنا اتفك شلل. وجه قال ربنا اتالت اتشل. دعت ربنا اتفك شلله. اداها هجر هدية ايه انت شيطانة انت مين ؟ امشي مش عايز اقرب منك ست معجزات وهو بيصلي في الركعتين لقى السيدة سارة قدامه. ربنا قادر. جوريج لما المرأة البغي افترت عليه وزنت مع الراعي ونسبت الولد لجريج العابد وهو في المحكمة والدنيا كلها شامتة فيه. قال لهم ده عودي اصلي. سيبوني اصلي ركعتين. بيصلي ركعتين. خلص الركعتين نغز الغلام. من ابوك؟ قال ابي قالوا له نبني لك الصومعة من دهب. ربنا قادر. سيدنا زكريا خد يحيى من خزائن الله بركعتين. والفرج نزل وهو بيصلي فنادته الملائكة وهو قائم يصلي. باحب الاية دي قوي. كان ممكن ربنا يقول فنادته الملائكة. اشمعنى وهو قائم يصلي الى عبادة؟ سر اجابة الدعاء. العبادة سر تنزل فتوحات واعطاء الكرامات الركعتين يا جماعة. الركعتين معجزة الركعتين. ربنا في سورة الفتح لما بدأها انا فتحنا لك فتحا مبينا وكلها فتوحات. ربنا قال في الاخر عن الصحابة تراهم ركاعا سجدا. الصلاة سبب الفتح الصلاة كل ما هتصلي كل ما هتتبع سياسة الركعتين كل ما ربنا هيفتح عليك اكتر واكتر واكتر يبقى ده المفتاح الرابع من مفاتيح الرزق الركعة كل ما تتزنق كل ما تتزنقي الركعتين اجري على سجادة الصلاة. المفتاح الخامس اللي نختم به الحلقة النهاردة من مفاتيح الرزق سلامة النية. ياه! سلامة النية القلب الصافي سلامة النية وسلامة النفس مع الله ومع الناس انك تبقى سليم من جوة. من صفى صفي له عايز ربنا يصفي لك حياتك. عايزة تبقى صافية من المكدرات والقرف والمنغصات والديون والهم. والاعباء عايزها تبقى كده صفي مع ربنا. صفي نيتك مع الناس عشان كده قال الله عز وجل في الحديس القدسي الثابت عن رسول الله صلى الله عليه وسلم يا ابن ادم تفرغ لعبادتك خد بالك تفرغ مش معناها سب الدنيا وسب ما فيش شغل وسب مراتك وسب عيالك واد وابط بس. تفرغ اعبدني بقلب فارغ. اعبدني بقلب ما فيش فيه احقاد وحسد وغيرة. اعبدني في قلبك مش جسمك معي وقلبك مع الدنيا ومع اسباب الدنيا تفرغ لعبادتي. املأ صدرك غنى واسد فقرك وان لم تفعل املأ يديك شغلا ولا اسد فقرك. عايزني اشيلك؟ عايز ايه ؟ انضف من جوة. اطهر من جوة صف نيتك مع الله سبحانه وتعالى. طهري نيتك مع ربنا سبحانه وتعالى. عشان ربنا يصفيك من جوة وعشان ربنا يطهرك من جوة. ده المفتاح الخامس صفاء النية مع الناس والصفاء مع الله سبحانه وتعالى وصفاء السريرة مع الله ومع المخلوق اخواني واحبابي في الله لحد دلوقتي خدنا خمس مفاتيح من سلسلة مفاتيح الرزق ربنا حط سلسلة المفاتيح في ايديك. ما تجيش تشتكي بعد كده لحد الوقتي خدنا خمس مفاتيح في الحلقتين دول. فاكرينهم؟ المفتاح الاول كان ايه الظن في الله والثقة في الله انه لا يمكن هيسيبك. ان الرزق جاي جاي. واحد من اخواني كان نفسه يتجوز باي طريقة وقاعد يدور جه في الاخر احبط يأس فجه مرة قال لي انا نمت حلمت حلم غريب ان انا قلت له ايه ؟ قال لي حلمت ان فيه واحدة جاية في سفينة والسفينة جاية كده بقى على البحر على الشط يعني زي هي بتقول او حد بيقول ما يعني ما تستعجلش. جاية في الطريق مستعجل الرزق جاي والفرج جاي والفتح جاي حسن الظن في الله والسقة في الله المفتاح التاني ها المفتاح التاني العبادة قوة العبادة العبادة دي ربنا بيبارك لك فيها في كل حاجة في حياتك. السبب التالت الدعاء يا رب للنهار. ادعي ربنا بسعة الرزق واداء الديون المفتاح الرابع من مفاتيح الرزق معجزة الركعتين. انك انت لما تقع في زنقة وعايز ربنا يوسع رزقك توضأ واقف على السجادة وعيط في ركعتين. وادعي ومرغ راسك في الارض. صرخ لربنا في الركعتين. وشف بقى فرج ربنا المفتاح الخامس صفاء مع الله وصفاء السريرة مع الناس وعمل وعدم حمل اي احقاد او حسد او غيرة او نزر لنعمة ربنا في ايدين غيرك. لما صدرك ده ينضف ربنا وتعبد ربنا بصدر نضيف ربنا سبحانه وتعالى يفتح عليك. اللهم يا ربنا اللهم اعنا على ذكرك وشكرك وحسن عبادتك. يا رب اللهم وسع ارزاقنا اللهم ادي عنا ديوننا. اللهم افتح لنا ابواب فضلك وابواب رحمتك. اللهم ارزقنا من فضلك الواسع الكريم. اللهم انا نعوذ بك من الهم والحزن ونعوذ بك من العجز والكسل ونعوذ بك من الجبن والبخل ونعوذ بك من غلبة الدين وقهر الرجال اللهم امين اللهم امين سبحانك اللهم وبحمدك اشهد ان لا اله الا انت. استغفرك واتوب اليك. والمرة الجاية ان شاء الله نستأنف سلسلة مفاتيح الرزق بازن الله سبحانه وتعالى اه