السلام عليكم ورحمة الله وبركاته. شبابنا فيه خبر رهيب الليلة يا شباب. الليلة ليفربول فيرساس توتنهام هيلعبوا ليفربول بقيادة محمد صلاح في نهائي تشامبيونز ليج. خبر رهيب! حلو! عجبك! بس انت عارف الساعة كم؟ الساعة تسعة بالليل. عارف يعني ايه الساعة تسعة بالليل
يعني يا اما تروح تصلي التراويح يا اما تروح تتفرج على المباراة. حاجة من الاتنين. يا ترى فعلا ما فيش ترويح الليلة زي ما في شباب كتير بيقولوا. يا ترى فعلا النهاردة هنسيب التراويح
عشان مباراة هنسيب فرصة لليلة القدر عشان مباراة ليلة القدر. يا جماعة الرسول عليه الصلاة والسلام بيقول ليلة القدر من حرم خيرها. فقد حرم الخير كله. يا عم ليلة قادر استنى بس ده احنا ليلة تمانية وعشرين رمضان. يعني ليلة زوجية وليلة القدر فردية. ما هو يا جماعة العلماء قالوا ان لو رمضان تسعة وعشرين يوم السنة دي فلكيا تسعة وعشرين يوم
بيبقى الفرد مكان الزوجي والزوج مكان الفرد يعني ايه ؟ يعني ما حدش بينشن في ليلة القدر ليلة بقرن من الزمان. احتمال تبقى هي الليلة دي. من حرم خيرها فقد حرم الخير كله. ليه؟ لان ليلة القدر اتسمت القدر لان بيكتب فيها مقادير السنة كلها. يعني انت السنة دي هتتجوز ولا لا تتكتب فيها
اشتغل ولا لأ تتكتب فيها هتخلفي ولا لأ تتكتب فيها هتنجح في المادتين او هتنجح في الدراسة او هتاخد الماجستير او الدكتوراه ولا لأ تتكتب فيها هتروقي ولا لأ تتكتب فيها يعني اقدار السنة كلها اللي جاية دي ورزق السنة الجاية بيتكتب لك النهاردة مرتبك السنة الجاية بيتكتب لك النهاردة في ليلة القدر عشان كده من حرم
فقد حرم الخير كله. ولا يحرم خيرها الا محروم. ربنا يطلع الليلة. يلاقي شباب ماليين القهاوي وشباب ماليين الجوامع. ربنا يرضى عن مين؟ ربنا يدي لمين ربنا يرزق مين ؟ يا جماعة ليلة القدر خير من الف شهر. يبقى احتمال انها تبقى ليلة القدر. غير كده ان اخر تمانية واربعين ساعة في رمضان هم اخطر تمانية واربعين
في رمضان. دول وقت الجوائز. دول وقت المنح. دول وقت الفتح. ازاي نعوض هزه الفرصة دي جوائز الله للي عبده طول الشهر ضيع فرصة من قام رمضان ايمانا واحتسابا غفر له ما تقدم من ذنبه. تقطعها بليلة ليه؟ عشان مباراة يبقى اذا يا جماعة غير انها ليلة زي كل ليالي
رمضان لله في كل ليلة عتقاء من النار. رقبتك تتقطع رقبتك تعتق من النار. فك رقبة فلا اقتحم العقبة وما قد ركب العقبة فك رقبة يعني كفاية حديث الرسول عليه الصلاة والسلام عبادة في الهرج كهجرة الي. لما تلاقوا بقى القهاوي عليها
الوف مؤلفة وعلى مستوى البلد كلها ملايين ليه ؟ مستنية المباراة. مستنية تشوف محمد صلاح هيعمل ايه في التشامبيونز ليج والنهائي بتاعه ده نهائي دوري ابطال اوروبا ده توتنهام وليفربول الاتنين دوري انجليزي. يعني الانجليز مسيطرين على النهائي. يا ترى التحدي يا جماعة قد جعل الله لكل شيء قدرا. الكرة لعبة
ممكن ترفه عن نفسك شوية تتفرج على حاجة انما ان الكورة تسيب التراويح عشانها الليلة امتحان يا جماعة. الليلة امتحان يا بخته اللي هيصلي التراويح ويؤثر الله على كل شيء. ويا ندمه اللي هيضيع التراويح عشان مباراة الرسول عليه الصلاة والسلام يقول رغم انف امرئ يعني
مرغ في ارض المحشر من الندم يوم القيامة يراغم انف امرئ ادرك رمضان ولم يغفر له رغم انف امرئ ادرك رمضان ولم يغفر له رمضان وساب رمضان عشان حاجات بسيطة وعشان فرص بسيطة اخواني واحبابي في الله الله سبحانه وتعالى يقول واذا رأوا تجارة او لهوا انفضوا
اليها وتركوك قائما. خايف عليك. خايف عليك. احسن نبقى من اهل هذه الاية. واذا رأوا تجارة او لهوا انفضوا اليها. سابوا النبي عليه الصلاة والسلام سابوا النبي وهو جنب المحراب بتاعه على منبر رسول الله صلى الله عليه وسلم. انفضوا الي وتركوك. لو النبي عليه الصلاة والسلام الوقتي جه. الامة كلها التفت حواليه. رسول الله رجع
حبيب قلبنا رجع. نور عينينا رجع. رسول الله. الامة التفت وبعد كده فجأة الحقوا يا شباب الساعة تسعة. ماتش ليفربول وتوتنهام معلش يا رسول الله. نخلص الماتش ونجي لك. طب استني ليلة العيد. انت اشتريت اخر حاجات في هدوم العيد ولا لأ ؟ وشطبت البيت ولا لأ ؟ وجبت الكحك ولا لأ ؟ يا جماعة يا جماعة رجال لا
فيهم تجارة ولا بيع عن ذكر الله واقام الصلاة وايتاء الزكاة. يعني حداشر ركعة تراويح. انت انت متخيل يعني في رمضان حسنة بسبعميت ضعف او الف ضعف او اكتر. يعني بحوالي عشر تلاف ركعة. فيه مخارج رمضان تضيعهم عشان ايه؟ ساعة ونص. المباراة ممكن تتعوض انما
رمضان ما بيتعوضش ابدا ابدا ولا هتعرف تعوضه. ممكن فعلا يبقى ما فيش تراويح الليلة. ممكن محراب رسول الله صلى الله عليه وسلم يشتكي ان الشباب مش جايين النهاردة محراب رسول الله بيناديك. محراب رسول الله بيناديك ان احنا نيجي نصلي. بين ايدين ربنا وتراويح النهاردة بالزات عبادة في الهرج كهجرة الي
تاخدي ثواب انك هاجرتي لرسول الله صلى الله عليه وسلم زي ام كلثوم بنت عقبة اما سابت الدنيا وراحت للنبي. تاخد ثواب كانك هاجرت للنبي عليه الصلاة والسلام كهجرة الي رسول الله
زي سيدنا صهيب الروم لما ساب ما له كله وهاجر للنبي عليه الصلاة والسلام. الرسول قال له ربح البيع ابا يحيى. النبي يقابلك يوم القيامة ويقابلك يقول لك ربح انت اخترت صح انت اشتريت صح انا خايف عليك. خايف عليك لان لما ربنا سبحانه وتعالى قال واذا رأوا تجارة او لهوا
انفضوا اليها وتركوك قائما لما في صحابة اول ما سمعوا صوت تجارة سابوا النبي عليه الصلاة والسلام بيتكلم في المسجد وخرجوا يشوفوا بقى الله و والتجارة اللي برة قال التفسير والله لو خرجوا جميعا لو كان كل الناس خرجت لالتهب عليهم الوادي نارا. كان ربنا ولع المدينة بهم
ايه لان كله ساب الدين عشان عرض من الدنيا. فلو الشباب سابوا الجوامع بقى وراحوا المباراة تتخيلوا ايه ؟ خايف يا جماعة. خايف يا جماعة ان احنا نسقط من نظر
ان احنا سبنا العتق من النار والمغفرة واحتمالية ليلة القدر لان ليلة القدر ما فيش فيها نشامي. ده ليلة قدر ليلة بقرن من زمان صفقة القرن مع الملك سبحانه وتعالى
هلا خايف ان اللي ساب كل ده عشان مباراة يسقط من نزر الله. اصحاب النبي عليه الصلاة والسلام تفرقت قبورهم في الارض. في كل مكان عشان دين ربنا. وانا مش قادر انزل اصلي التراويح واسيب مباراة. ازاي يا جماعة؟ سيدنا خباب لما سيدنا عمر ابن الخطاب شاف ضهره بعد عشرين سنة من
من من الهجرة شاف ضهره مكوي عمر بن الخطاب يغم عليه. خباب بيقول له والله لقد اوقدوا نارا وانا في مكة بتعزب ولعوا نار ونيموني على ضهري فيها افهمها اطفأها الا ودك ظهري. دهن ضهري داب طفى النار. يا عمر خد باب يقابل ربنا يقول انا في سبيلك يا رب استحملت كل ده. انت تقابل ربنا
ربنا وانت تقابلي ربنا تقولوا في سبيلك استحملنا ايه يا رب! معقولة يبقى ما فيش تراويح الليلة! معقولة يا جماعة! ممكن نقع في الغلطة ديت. محراب رسول الله بيناديك الليلة
وبينادينا كلنا الليلة. مين هيلبي نداء رسول الله صلى الله عليه وسلم؟ ومين هيلبي نداء تشامبيونز ليك؟ كل واحد هيتولاه اللي اقبل عليه. اللي اقبل على الله اه ربنا مولاه واللي اقبل على الكورة وعلى الشامبيونز ليج هي اللي هتتولاه في مستقبله ورزقه بقى ربنا ولي بايده سعادتك وبايده رزقك وبايده مستقبلك وبايده
كل حاجة سم يا شباب يعني انت بتحب محمد صلاح انت لما تقعد قدام القهوة تتفرج على محمد صلاح مش هتفيده في حاجة. انما لما تيجي التراويح وتدعي له وتقول يا رب يجيب جون يبقى انت فت ولا ما فتوش ولو محمد صلاح خسر المباراة يبقى انت خسرت التراويح وخسرت المباراة وخسرت كل حاجة مع
ربنا كسبانين كل حاجة مش عايزين حاجة تشغلنا عن ربنا وباذكركم بهزه الاية في النهاية رجال لا تلهيهم تجارة ولا بيع ابدا عن ذكر الله واقام الصلاة وايتاء الزكاة. ليه؟ رغم ان المغريات كتير يخافون يوما تتقلب فيه القلوب والابصار. مرعوبين من يوم القيامة
اللي القلوب بتتقلب بتطلع وتنزل من الرعب والخوف والفزع. تشوف الجنة تتلهف. تشوف النار تفزع. تشوف واحد بيسحب على وجهه للنار اترعب تشوف واحد ذاهب في وهضة الرحمن للجنة تشتاق تتقلب والابصار مرعوبة الجبال بتطلع وتنزل والكون بيتقلب رأسا على عقب
تتقلب فيه القلوب والابصار. عملوا كده ليه؟ ليجزيهم الله احسن ما عملوا. عشان ربنا يديهم احسن حاجة عشان ربنا باحسن اعمال عملوها لربنا عندهم حسن ظن بالله. وتعلق بكرم الله بس بعد ما خده بالاسباب. ليجزيهم الله احسن ما عملوا. ويزيدهم من
بفضلي والله يرزق من يشاء بغير حساب. شباب اوعى يكون ما فيش تراويح الليلة. احنا عايزين لازم تنبهي كل الشباب في الدنيا. لازم تنبه كل شباب في الدنيا النهاردة يا جماعة ليلة القدر شامبينز ليك. النهاردة يا جماعة ليلة من العشرة الاواخر في رمضان
النهاردة يا جماعة توتنهام وليفربول وفيرساس التراويح وفرصة للعتق من النار وفرصة ان احنا نبقى مهاجرين الى رسول الله صلى الله عليه وسلم لان احنا نعبده في وقت كتير من الناس مش قادر يعبد ربنا سبحانه وتعالى فيه. ربنا يبارك فيكم يا شباب. الكلام ده لازم تنشروه في كل مكان
لازم الامانة في رقبتك وامانة في رقبتك ان احنا لازم نفوق الامة كلها النهاردة والايمان ينتصر والوقوف بين ايدين الله ملك الملك اللي ايده السعادة والفرحة والرزق والبركة. ونعيم القبر والفردوس الاعلى. الوقوف بين ايدين ربنا هو اللي ينتصر عن الوقوف ما بين ايدينا
لعيب الكورة سبحانك اللهم وبحمدك اشهد ان لا اله الا انت استغفرك واتوب اليك