السلام عليكم ورحمة الله وبركاته الحمد لله رب العالمين له الحمد الحسن والثناء الجميل واشهد ان لا اله الا الله وحده لا شريك له واشهد ان محمدا عبده ورسوله وبعد. فاسأل الله سبحانه وتعالى ان يمن علينا بحسن القدوم عليه ويسددنا واياكم لاحب الاعمال اليه تكلمنا عن شفاعة النبي صلى الله عليه وسلم في اخر اللقاء امس ونكمل اليوم اه محطة من محطات الدار الاخرة يوم القيامة وهي محطة الشفاعة فالنبي صلى الله عليه وسلم يشفع والشفاعة هي سؤال الخير للغير لان سميت شفاعة لان الشخص يكون في البداية منفردا في طلب حاجته. هو لوحده ازا انضم اليه اخر يطلبها معه صاروا شفعا اي اثنين لزلك صلاة الوتر يقول لك الشفع والوتر. الشفع ده اللي ايه؟ الزوج. اللي هي ركعتين يعني ركعتين والوتر اللي هو الركعة المنفردة فسميت الشفاعة لان هناك من يأتي معك ويساعد بالطلب الذي تريده وفي احتياجك الشفاعة فيه شفاعة للنبي صلى الله عليه وسلم ويوم القيامة وفي شفاعة ان الملائكة وفي شفاعة من الله سبحانه وتعالى وفي شفاعة من المؤمنين وفي شفاعة للاحبة الذين كان بينهم بعض علاقة واخوة. تعالوا نشوف ما هي الشفاعة؟ وهل لها شروط نعم. جمع الله سبحانه وتعالى شرطي الشفاعة في اية واحدة قال يومئذ لا تنفع الشفاعة الا من اذن له الرحمن ورضي له قولا فلابد ان يكون في ازن للشافع ان يشفع وان يكون رضي له قولا اي رضي عن المشفوع له والنبي صلى الله عليه وسلم قد اخبرنا ان اهل الشرك ليس لهم شفاعة باستسناء شخصية واحدة سنأتي اليها ان شاء الله يقول النبي صلى الله عليه وسلم اتدرون ما خيرني ربي الليلة قلنا الله ورسوله اعلم. قال فانه خيرني ان يدخل نصف امتي الجنة وبين الشفاعة يعني بيقول ان النبي صلى الله عليه وسلم بيقول ان رب العالمين خيره. قال له يا محمد اختار. نصف امتك نصف امتك يدخلون الجنة ولا يكون لك الشفاعة يوم القيامة فاختار النبي صلى الله عليه وسلم الشفاعة فيقول الراوي فقلنا يا رسول الله ادعوا الله ان يجعلنا من اهلها قال هي لكل مسلم صلى الله عليه وسلم ويخبرنا النبي صلى الله عليه وسلم ان لكل نبي دعوة مستجابة فتعجل كل نبي دعوته واني اختبأت دعوتي شفاعة لامتي يوم القيامة. قد ايه كان بيحبك وقد ايه كان بيحبك بل كان يشتاق اليك. اشتقت الى اخواني صلى الله عليه وسلم يقول كده للصحابة انا مشتاق ياه يعني شوفوا قد ايه ان النبي صلى الله عليه وسلم كان بيشتاق جدا وعنده شغف انه يراك اشتقت الى اخواني سبحان الله حتى في يوم من الايام عاوز ابو بكر يحبكم فبيقول لابو بكر الصديق يا ابا بكر الا تحب قوما علموا انك كنت رفيقي وتحبني فاحبوك لاجل هزا ؟ بيقول له يا ابو بكر ما اقول لك على ناس المفترض ان انت تحبهم ناس هيجوا بعد كده يعرفوا انك كنت رفيقي وحبيبي فيحبوك عشان كده سبحان الله! قد ايه حتى سبحان الله يعني يغرس محبة من جاء بعده في قلوب اصحابه صلى الله عليه وسلم ويدعي صلى الله عليه وسلم لي ولك. يقول اللهم من ولي امرا من امر امتي فرفق بهم فارفق به صلى الله عليه وسلم. يقول له يا رب اللي يكون مسئول عن المسلمين ايا كان عددهم ويرفق بهم فارفق به ومن شق عليهم فشق عليه. سبحان الله! فالنبي كان يشتاق صلى الله عليه وسلم لنا. فنسأل الله ان ان نرافقه ونقابله كما قال موعدكم عند الحوض. ياه ليكي موعد وليكي موعد معه بيقول لك انت ميعادك معي انا فرطكم يعني انا هسبقكم انا فرطكم عند الحوض. انا مستنيكم هناك عند في المكان دوت فاوعوا تسودوا وجهي سبحان الله صلى الله عليه وسلم فهو بيقول واني اختبأت دعوتي شفاعة لامتي يوم القيامة فهي نائلة ان شاء الله من مات من امتي لا يشرك بالله شيئا. اللي بيموت من المسلمين ومات على الاسلام خلاص وبعدين بيقول ايه؟ وعدني ربي ان يدخل الجنة من امتي سبعين الفا لا حساب عليهم ولا عذاب ومع كل الف سبعون الف مع كل الف سبعون الف ياه رقم رقم كبير بس انت تسأل نفسك هتكون انت من الاعادات ديت اللي تقترب من خمسة مليون سبحان الله فيقول النبي صلى الله عليه وسلم وثلاث حثيات من حثياته سبحانه وتعالى. يعني يعني كوم يعني كده. يعني فوج كده. الله سبحانه وتعالى ايه؟ عدد كده يدخلهم بلا عد وبعض العلماء يقول ان هؤلاء ربما يكونون اكثر ياه انتم عارفين يعني ايه يا جماعة لا حساب. لا عزاب انتم عارفين كده اما تكون انت لك عميد في في امن المطار مسلا او مساعد وزير داخلية عارفك وانت جاي من الطيارة فتلاقي كده ايه وانت لسه في الطيارة. لسه الناس ما نزلتش من الطيارة. تلاقي كده ايه في واحد طلع كده من عند كابينة الطيار وبينادي. فلان الفلاني فتقول له ولا يقول لك تعال حضرتك ويروح واخد منك الجوازات ويقول لك اتفضل اتفضل وتنزل في ايه؟ من مكان الطيار وتنزل الناس كلها مستنية لسة الباب هيتفتح بقى البتاعة العامة وبعدين يركبوا الاتوبيس وبعدين مش عارف ايه لا لا لا حضرتك تروح داخل على طول في عربية خاصة وتيجي تقول له طب الشنط يقول لك لا لا عادي جدا هنجيبها لك لغاية عندك وتدخل كده وتعدي انت ما بتشوفش الجوازات اصلا يروح واخدك كده في مكان وبعد كده تلاقي الجواز جاي مختوم وتلاقي كده الشنطة وبتاع واتفضل ايه فلان بيه وبتاع والكلام ده. ليه؟ لا انت ما ينفعش انت انت عارف واحد هنا كبير. فسبحان الله فعم النبي صلى الله عليه وسلم يقول لنا لا حساب عليهم. يا جماعة انتم عارف يعني ايه لا حساب يعني ما فيش اي نقاش عشت ستين سبعين سنة ما فيش نقاش مش هنناقشك يلا اتوكل على الله ياه عارفين وانت راجع من المطار كده ولا انت في العمرة ولا في الحج نسأل الله ان يرزقنا واياكم العمرة والحج كل عام. وانت راجع كده عند الراجل اللي هو بعد ما تاخد الشنط وكل حاجة في محمد انت بتقول امتي امتي؟ اه. خد اللي مش عليهم حساب دخلهم من الباب الايمن. وهم شركاء الناس من اي باب. براحتهم خالص عاوزين خشوا بس الباب ده خاص بهم هم بس في ناس كده بتاعة الجمارك يقول لك حمد الله على السلامة حضرتك كنت فين فتقول له مسلا كنت بعمله عمرة بيقول لك بقى لك قد ايه ومش عارف الشنط دي فيها ايه؟ وفيه ناس يقول له ايه طب معلش بس حط دي على السير ونفتح الملفات ديت ونفتح الشنط ديت وفي ناس سانية اقول له ايه ؟ حمد لله على السلامة. اتفضل تقول له هتبص على الشنط يقول لك لا لا اتفضل ياه ما فيش تفتيش عدي عدي عدي سبحان الله عندك رمضان بقى وعندك ليالي العتق وعندك الاوقات الاستجابة امسك بتلابيب هذه الاوقات وعض عليها بالنواجز وادعي قل له يا رب انا عاوز من دي. اه هي دي اللي انا عاوزها. انا عاوز امسك في دي وخلاص. لا بقى مستني آآ وانا في الجامعة عملت مشكلة وبعدين لما جبت موبايل وكان في تواصل كده يعني مريب شوية ومش عارف ايه ومرة في يوم من الايام عليت صوتي واتكلمت مع عمي وفي مشكلة مع خالتي في ورس كده معينة. فانت قلقان من شوية حاجات كده. فتلاقي الموضوع لأ طب ما انا بقى هعمل ايه في ده وهعمل ايه في ده وهعمل ايه في ده ومسقال الزرة انا هتوه كده انا عاوز من دي سبحان الله آآ دول الله اكبر عليهم دول هيعدوا خلاص لا في نقاش ولا في عذاب ولا لهم علاقة كده. يا جماعة في ناس هتخش الجنة يعني في ناس هيقيلوا في الجنة يقعدوا كده في الجنة ويتمتعوا في الجنة وفي ناس لسه بيشوفوا هم دول احنا هنخش امتى يعني؟ وفي ناس سبحان الله! دول آآ دخلوا الجنة من زمان. نسأل الله السلامة النبي صلى الله عليه وسلم زي ما هيجي معنا ان شاء الله ربما اما نتكلم عن الجنة. قد ايه ان في ناس هيخشوا الجنة ويأتوا ابواب الجنة ويدخلوها قبل اخوة لهم بمئات السنين لا ده يقول النبي صلى الله عليه وسلم ان الفقراء يدخلون الجنة. فقراء الصحابة رضي الله عنهم يدخلون الجنة. امتى يفتح لهم فيقيلون فيها يعني يقعدوا فيها كده. اربعين عاما قبل ان يدخلها الناس انتم مدركين ان في ناس جوة جوة بقى لهم اربعين سنة ودول داخلين ايه يا جماعة انتم كنتم فين؟ قال لا انت جيت قبلي؟ يا ابني جيت قبلك ايه؟ انا بقى لي اربعين سنة هنا سبحان الله سبحان الله ان شاء الله اما نيجي نتكلم عن الجنة كده ربنا يرزقنا نتكلم بقى على المعاني ديت ومين دول ووصلوا ازاي والكلام ده. بس انت عليك ان تتخيل ان في ناس وصلت من اربعين سنة وانت لسه بتقول الطريق منين لأ الطريق ايه ودول داخلين الجنة يعني حتى عشان كده يا جماعة ان المنافسة في الجنة دي مهمة اوي بعض الناس شعوره كده وطموحه يقول لك ايه يا عم الحاج اهم حاجة ان تدخل الجنة. حبيب قلبي مش اهم حاجة ندخل الجنة طبعا دي حاجة عالية جدا بس دي مش الاهم. من الحاجات المهمة انك تنافس انك تكون من اول الداخلين انك تكون من الناس دي انك تكون من الناس ديت ودخول الجنة برحمة الله بالفضل لكن الارتقاء في المنازل والدرجات بالعدل. يعني كلنا ندخل الجنة؟ اه. كله هيدخل الجنة. ليس مجرد العمل ولكن ايه؟ برحمة الله سبحانه وتعالى. حتى النبي صلى الله عليه وسلم طيب جوة بقى في الجنة لأ الدرجات دي بقى بالعدل بقى انت هتدخل بالفضل لكن جوة الارتقاء لأ احنا هندخلك في النهاية هندخلك بعد الحساب بعد آآ بعض الناس تتعزب ربنا يعافينا واياكم لكن في النهاية لا هيدخل هو دخل برحمة الله في الاخر خالص هي عملك ده ما يدخلكش. لكن وانت جوة لأ الارتقاء ده بقى بالضرائب. الدرجات ديت بالشغل. انت كنت عملت ايه؟ يعني هنساوي بين المنفق واللي كان الممسك لأ اهو في الاخر كله دخل لكن ده لازم يكون في منازل عالية. وده يدخل ازاي؟ في ناس هتدخل؟ لا لا مش مش هنتحاسب. ما فيش حساب؟ يلا ادخل ياه عم النبي صلى الله عليه وسلم يقول لنا اول زمرة تدخل الجنة شكلها عامل ازاي ياه عم يقول لنا كده وجوههم كالبدر. ياه! شوفوا كده النهاردة وانتم بتبصوا للقمر. القمر سبحان الله! اللي منكم بيصلي اليومين دول على السطح او بيصلي في مكان مكشوف ربما يكون محتار يكون يعني محتار جدا هل يعيشوا مع البدر الذي في قلبه هو يتلو القرآن ام البدر الذي يراه؟ بقى دايخ كده تايه مش عارف هو هو يتكافئ يعني يعيش مع النور اللي قاعد يعني يخطف لبه ام النور الذي يدخل في روحه ويتلوه. فسبحان الله انوار فشوفوا سبحان الله القمر ده وانت بتشوفه النهارده والبدر ده ان فيه ناس كده هتبقى كده ماشية كده مين دول؟ دول اول زمرة داخلة الجنة اللي هم ايه؟ السبعون الف دول. دول ماشيين. الله اكبر. رايحين فين منطلقين ياه ده يا جماعة الواحد وهو بيصلي احيانا كده على السطح ويشوف القمر ويشوف كده يقولوا يا جماعة ده ده نعيم معجل من نعيم الجنة فما بالك عما تبقى انت كده في يوم القيامة والدنيا اللخبطة دي وفي ناس ماشية كده كالبدر. وانتم شوفوا البدر بيخطف ازاي وكل الناس شايفاه كله كافر مؤمن صالح طالح كله شايفه في الارتفاع ده والكل بيحبه. يعني ما تلاقيش واحد مسلا ايه بيكره البدر ليه؟ لان حتى واحد يقول لك الله وشه ووش القمر. حتى اما يعاكسوا بعض يقول له ايه يا قمر! فتلاقي كله فطر على محبة هزا هتلاقي كده سبحان الله الكل داخل نوره وشهم منور وعلى هيئة البدر انت مش ناوي تبقى من دول ولا ايه مش عاوز تنافس انك تكون من دول مش مركز انك ليه ما تكونش من دول؟ وليه ما تسألش ربنا؟ ليه ما تبكيش وتقول له يا رب دلني يا رب. يا رب وفقني على عمل عشان ادخل مع دول يا رب انا عاوز ادخل في ناس يا رب انا عرفت من كلام نبيك ان في ناس هيخشوا الجنة قبل الناس التانية باربعين سنة. طب الناس ديت يعني عملوا ايه؟ يعني التانيين برة واقفين وبتاع ودول عدوا اه اه سبحان الله هنيجي نتكلم ان شاء الله واحنا بنتكلم في الجنة هنشوف الناس ديت عملت ايه المهم النبي صلى الله عليه وسلم يكلمنا بقى عن الشفاعة. الشفاعة. يخبرنا النبي صلى الله عليه وسلم. يقول انا سيد ولد ادم يوم القيامة ولا فخر وانا اول من تنشق عنه الارض يوم القيامة. وانا اول شافع واول مشفع ولا فخر صلى الله عليه وسلم النبي صلى الله عليه وسلم له اماكن يشفع فيها. يشفع في الحساب. وده اتكلمنا فيه ان البداية ان الحساب ايه؟ يبدأ. وفيه شفاعة اه ايه هي الشفاعة التانية ديت؟ خلاص بقى الناس اتحاسبوا وكل حاجة يروحوا عند الجنة. ويشموا بقى ياه رائحة الجنة. ايه الجمال ده عاوزين بقى الباب يتفتح مش قادرين يستنوا. فطب مين اللي فيجتمع المؤمنين فيقول المؤمنون بعد ما يشوفوا الجنة كده قربت منهم وكده فهي اتوا ادم يلا يا ادم افتح لنا. استفتح لنا الجنة. فيقول وهل اخرجكم من الجنة الا بيئة ابيكم ادم لأ مش انا لست بصاحب ذلك. ازهبوا لابراهيم ابراهيم ده كان خليل. فيروحوا لسيدنا ابراهيم يقول لهم ايه؟ لا انما كنت خليل من وراء رأي وراء اهي انا انا خليل عارف كده واحد يقول لك ايه؟ لا يا عم انا انا انا مش رقم واحد. سبحان الله! فروحوا لموسى. اعمدوا الى موسى اقصدوا موسى تروح لسيدنا موسى الذي كلمه الله تكليما فيأتون موسى فيقول لست بصاحب زلك ازهبوا الى عيسى ويروحوا لسيدنا عيسى كلمة الله وبرضه سيدنا عيسى قل لهم مش انا روحوا لمحمد فيروح محمد فيؤذن له صلى الله عليه وسلم. شف شف شف سبحان الله! تخيل! يقول النبي فامشي الله! تخيل كده انت واقف وواقف جنب مين؟ على يمينك سلمان الفارسي. وقدامك الغلام اللي بتاع صورة البروج وراك مؤمن هل فرعون وقدامك كده سيدنا سليمان واول مرة اشوف سيدنا ادريس وسيدنا ايوب وكل دول واقفين وكله واقفين والنبي صلى الله عليه وسلم يروح منطلق قدامهم يمشي صلى الله عليه وسلم حتى يأخز بحلقة الباب. ياه! فاتي باب الجنة يوم القيامة فاستفتح فيقول الخازن من انت؟ فاقول محمد فيقول بك امرت. ياه! انتم استشعروا يا جماعة ان في واحد مخلوق في واحد مخلوق يكون واقف دوره في دوره في الايه؟ يعني دوره في وزيفته في في الحياة كده ربنا خلقه له وزيفة. ايه هي الوزيفة؟ ان عم محمد يخبط عليك افتح له لا اله الا الله شوفوا سبحان الله محمد قد ايه معزم وقد ايه اه الملائكة والملأ الاعلى كيف يتعامل معه؟ وكيف يشرفه الله سبحانه وتعالى؟ وكيف يشرف الله سبحانه وتعالى من ارتبط بمحمد فكان من اتباعه النبي صلى الله عليه وسلم في يوم من الايام كان في رجل دايما يأتي النبي صلى الله عليه وسلم ومعه ابن له. ففقده النبي صلى الله عليه وسلم. وطبعا النبي مش زينا اما بيفقد حد بيدنه ياه وكلما كنت اكثر اتباعا لسنته ولما يحب النبي كلما ادركت بعض وكنت قريب من الايه؟ الاشياء التي ينالها النبي صلى الله عليه وسلم. عشان كده الصحابة كان لهم تعامل خاص مع النبي. في يوم من الايام النبي صلى الله عليه وسلم قاعد مع صحابة فبص على باب كده على فتحة من الفتحات اللي داخلة على المسجد بيقول لهم ايه؟ يعني ايه رأيكم يعني؟ بيقول لهم ايه؟ لو تركنا هذا الباب للنساء بيشاور على باب كده بيقول لهم انتم ايه رأيكم لو الباب ده للنساء ويبدو ان الموضوع ما انتهاش والنقاش وما وما استقروش على كده خلاص والموضوع انتهى وشافوا ايه حاجة تانية يعني. المهم عبدالله بن عمر كان قاعد يعمل ايه ما دخل من هذا الباب حتى قبض ياه ليه يا ابن عمر تعمل كده؟ يقول لك ايه؟ كان النبي له رغبة بيقول ايه؟ ايه رأيكم لو الباب ده نسيبه للنساء ايوة بس هو ما قررش نهائي. ده كان مجرد بس. يقول لك لا لا لا احنا انا راجل حساس. عارف كده اما في واحد ايه زعلان جدا تقول له زعلان ليه يقول لك انا هضطر اسيب الرحلة وارجع دلوقتي. ليه يا حبيب قلبي؟ انا والدتي رنت علي. طب ايه المشكلة هي قالت لي انت كده اتأخرت ومش عارف ايه فقلت لها يا امي طب بص هنخلي آآ ابن خالتك يكلمها. هنخلي صاحبك يكلمها ويجي صح صاحبك يكلمها فتقول له خلاص ما فيش مشاكل خلوا عمرو يكون معكم فانت بتلاقي نفسك ايه؟ في بعض الشباب يقول لك لا. انا لازم ارجع يقول لك ليه طيب ما هو ماما وافقت خلاص يقول لك لأ انا صوتها انا مش مرتاح لا لا انا عارفة ان هي موافقة بس ايه هي كان احب لها ان انا ارجع يا حبيب قلبي هي موافقة دلوقتي وبتقول لك لأ خليك يا حبيب قلبي كمل معهم انا والله راضية يقول لك لا لا لا مش هقدر. ما يا جماعة خلاص انا فصلت انا مش هقدر هو هي كانت كان كانت نفسها ان انا اعمل كده من الاول. فانا مش هاقدر. لن اعد. فده بقى درجات بقى دي درجات الاحتراف دي الدرجات بتاعة الاحتراف. فهو ابن عمر كان كده. فشوفوا ليه؟ لان هو عرف قد ايه الملأ بيتعامل معه والسيدة عائشة بتقول والله يا محمد لا ارى الا ان ربك يسارع في هواك. اللي يقرأ القرآن لازم يشوف كده. يقول لك ايه ده! شف القرآن بيتعامل ازاي مع النبي صلى الله عليه وسلم. شف طريقة الكلام. طريقة العتاب طريقة سبحان الله ان شاء الله في اجود ما يكون لنا درس مع النبي صلى الله عليه وسلم وكيف كان يتعامل معه القرآن وكيف تكلم عنه القرآن؟ فيقول النبي صلى الله عليه وسلم اتي باب الجنة يوم القيامة فيقول الخازن من انت؟ فاقول محمد فيقول بك امرت. يا سلام! لا افتح لاحد قبلك. انا اه انا دوري ان ما افتحش الحد اللي قبلك يا جمال سبحان الله وفي شفاعة تانية فيه شفاعة تانية لكن يعني لا اريد ان امر على النقطة ديت الا اما ااكد يا جماعة الخير بقى كله بيقول لمحمد لا نفتح الا لك. الرب جل وعلا يقول سل تعطى بقى احنا في الاخر خالص النبي صلى الله عليه وسلم نبدأ نعافر مع كلامه نبدأ نعافر مع سنتنا مع سنة النبي صلى الله عليه وسلم يعني حتى لو لو انت مش قادر تعمل السنة قل يا رب. اللهم اني اشهدك ان هذه سنة من سنن النبي. وانا احبها وهي اسأل الله ان تزينها فيه ويسر لي يا رب. انا عارف ان دي السنة. لكن ما تعافرش ما تقولش لا ومش هاعمل قل يا رب اعني عليها يا رب. يا رب لو اتيت وانا مقصر في السنة فوالله ما قصرت في المحبة. ولكن نفسي يعني الامارة بالسوء غلبتني فاعني عليها يا رب. المعنى ده مهم جدا. انك دايما تحدس نفسك الا لأ الا كلام النبي صلى الله عليه وسلم. ويبدأ شفاعة تانية؟ اه شفاعة تانية. ايه هي الشفاعة التانية؟ دي خاصة بالمؤمنين كمل وهتلاقيه في الاخر خالص حتى لو مش لقيت قلبك قل له انا بفتح معك صحبة عشان القراءة دي تيجي تشفع لي اقرأوا القرآن فانه يأتي يوم القيامة شفيعا لاصحابه الذين ليس عليهم حساب ولا عقاب يشفع لهم النبي صلى الله عليه وسلم ان يؤذن لهم بدخول الجنة النبي صلى الله عليه وسلم يقول في الحديس الطويل يعني ناخد منه انه يسجد لله سبحانه وتعالى يقول ان الله سبحانه وتعالى يا محمد ارفع رأسك سل تعطى واشفع تشفع فارفع فارفع رأسي فاقول امتي يا رب امتي يا رب فيقال يا محمد يا محمد ادخل من امتك من لا حساب عليهم من الباب الايمن من ابواب الجنة. وهم شركاء الناس فيما ذلك من الابواب يقول النبي عن الباب زي ما هيجي معنا في وصف ابواب الجنة والذي نفسي بيده. ما هو بعض الناس يقول لك ايه ياه الباب وبتاع لا لا النبي صلى الله عليه وسلم بيقول لك استنى استنى هو انت عارف الباب ده قد ايه عشان تاخد بالك العدد هيبقى عامل ازاي والذي نفسي بيده انما بين المصراعين من مصاريع الجنة كما بين مكة وبصرى اه يا الله اكبر الله اكبر. يقول لك المسافة ياه ده ديت ايه؟ ده ده فتحة الباب بس العرض. كم واحد ويقسم النبي لا يأتي عليه يوم وهو كظيظ من الزحام. عارفين الزحام يوم عرفة كده؟ الزحام اللي مليان ود ومحبة ده والناس كلها حابة الايه؟ التزاحم الجميل ده تزاحم الطواف ده نسأل الله سبحانه وتعالى ان يعجل برجوعه وفي شفاعة تانية من فضل الله واحسانه لعباده المؤمنين انه يقدر هذه الشفاعة ويبدأ النبي صلى الله عليه وسلم يقول فانطلق فاستأذن على ربي فيؤذن لي. ويبدأ النبي صلى الله عليه وسلم يسأل الله سبحانه وتعالى ويحمد الله ويطلب الشفاعة. يقول فيحد لي حدا فادخلهم الجنة. يعني يقول له ايه؟ خد خد العدد ده دخله ارجع تاني واسجد واحمد الله ويقول ويقول الله سبحانه وتعالى لي يا محمد ارفع وقل يسمع وسل تعطى واشفع تشفع. تاني. فبعدين يتحد لي كمان عدد. خد مجموعة كمان ويدنوا النبي صلى الله عليه وسلم كل مرة فيقول يا رب ما بقي دمه يخرجهم ويدخلهم الجنة وبعدين في الاخر يقول له يا رب ما بقي في النار الا من حبسه القرآن اي من اوجب بالقرآن ان هو سيبقى في النار زي اهل الشرك والعياذ بالله. ووجب عليه الدخول فيخرج من النار بسبب النبي صلى الله عليه وسلم من قال لا اله الا الله وكان في قلبه من الخير ما يزن شعيرا. ياه! الله اكبر! يعني اي حاجة سبحان الله الى النبي صلى الله عليه وسلم يظل يحكي يحكي يحكي ويقول قد ايه ان هو ايه يخرط يخرج يخرب فيخرج من كان في قلبه ما يزن بره ما يزن من الخير ذرة. اي حاجة طالما مات مسلم وفي قلبه كان يعني وان كان اعماله قليلة. بس طالما كان في حبه وفي خير سبحان الله وبرضو يرجع تاني النبي فيقول يا رب امتي امتي. فيقال انطلق فمن كان في قلبه ادنى ادنى ادنى من مثقال حبة من خردل من ايمان فاخرجه من النار. فانطلق فافعل. شف سبحان الله! كما كان ينطلق في الدنيا لينقذه لينقذه ينطلق في الاخرة ليخرجنا اما من النار واما يخرجن من الحشر ويوم القيامة عشان يدخلنا الجنة. ياه! بعد كده ما تحبوش وما تنشغلش بها وتقرأ عنه وليل نهار تظل تتعرف عليه سبحان الله يقول في اخر الحديث فيا رب ائذن لي فيمن قال لا اله الا الله فيقول الله لا ليس ذلك لك. ليس ذلك اليك. ولكن وعزتي وكبريائي وعظمتي وجبريائي لاخرجن من قال لا اله الا الله الله اكبر دول بس لا في ناس تانية كمان لسه في شفاعة. ايه الشفاعة تاني بعد كده؟ شف يقول النبي صلى الله عليه وسلم ان في طبعا ناس من الموحدين المسلمين هيخشوا النار. نسأل الله السلامة ذنوبهم كانت اكتر بكتير جدا من حسناتهم فالمسك قال زاد وكان عندهم مشاكل كبيرة عقوق ولا مواريس ولا حقوق خلق ولا بتاع فيتحاسبوا. فيخشوا من اهل التوحيد يخشوا النار لكن النبي صلى الله عليه وسلم يقول لنا ان بعد فترة بيبدأ يخرج قوم من النار بعد ما مسهم منها سفح نسأل الله العفو والعافية. فيدخلون الجنة يبدأوا خشوا الجنة فيسميهم اهل الجنة الجهنميين. الجهنميين ياه دي شفاعة يبدأوا يخرجوا منها يخرجوا من النار دول اللي هيخرجوا بقى من النار ويدل سبحان الله الاسم ده يضايقهم الجهنميين فيدعون الله سبحانه وتعالى. يبدأوا يدعوا ربنا نفسهم في ايه؟ فيدعون الله حتى يذهب عنهم هذا الاسم فيقول النبي صلى الله عليه وسلم فيذهب عنهم هذا الاسم. الله اكبر! يبدأ الاسم ده يتشال عنهم. هم مش حابين الاسم ده يكونوا معروفين به. سبحان الله ويشفع النبي صلى الله عليه وسلم ايضا لابي طالب عم النبي صلى الله عليه وسلم ده الوحيد اللي من اهل الكفر. نسأل الله السلامة. ليه؟ لانه يعني كان وقف مع النبي. طيب ايه نزامه ده نسأل الله السلامة. ده يصير في ضحداح من نار يا رب سلم. يقول النبي اهون الناس عذابا يوم القيامة ابو طالب فانه في دحضاح من النار يغلي منه دماغه. يعني حاجة كده يكون له نعلان من النار يغلي منهما دماؤه ويرى انه اشد الناس عذابا وهو اهونهم عذابا نسأل الله السلامة. ربنا يعافينا واياكم دي شفاعات للنبي صلى الله عليه وسلم كتيرة وهو يقول من استطاع ان يموت بالمدينة فليمت فاني اشفع لمن يموت بها. صلى الله عليه وسلم. المهم فيه الملائكة والمؤمنين هيشفعوا؟ اه المؤمنين هيشفعوا. يقول الله سبحانه وتعالى لاهل الايمان اخرجوا من عرفتم اللي كان معاكم في مجالس الخير وكتو تعرفوهم طلعوهم. سبحان الله وزلك ابن السماك كان عند موته يبكي عالم كبير فيقول ايه يقول اللهم انك تعلم اني اذا كنت اعصيك فكنت احب من يطيعك. ياه على الجمال. بيقول له يا رب يا رب انا كنت اه باعصيك. بس يعني انت تعلم اني كنت احب من يطيعك. والله كنت باحب الناس اللي بتقعد للشروق. والله كنت حب الناس اما اشوف كده اخوات ماشية وهي متزية بزي امهات المؤمنين. وهم ماشيين كده والله كنت بحبهم. وشايفة ناس كتير تريقة عليهم بس انا من جوة كان قلبي بيرفرف. وانا رغم ان انا كنت ماشية بشعري. بس من جوة كنت بتقطع. وكنت اقول ياه! نفسي اكون زيهم. واللي كان تجيب سيرتهم كت لازم ادافع عنهم وازب عن عرضهم ولما اشوف شاب كده ماشي مع والده وماسك المصحف وهو بيقول له ايه؟ يا خلاد تعال هنا ولا يا صهيب ولا يا عمير؟ كنت اتبسط قوي كنت اكون مبسوط قوي ان الكلام ده ان فيه ناس لسه بتسمي الاسماء الجميلة ديت. وهنكون مكسوفة من نفسي. لان ابني انا مسمياه اسماء الغربيين اسماء كزا وبتاع ومولودة في مجتمع مش عارفة اعمل زي الناس دي. فاللهم ان كنت اعصيك فانا كنت احب من يطيعك فاجعل زلك قرب الي قرب اليك. يعني اجعل يا رب الكلام ده يعني ينفعني يوم القيامة. سبحان الله يشفع النبيون والملائكة والمؤمنون. فيقول الجبار بقيت شفاعتي وقلنا بقى ان الله سبحانه وتعالى يخرج القوم قد امتحشوا. نسأل الله السلامة. ويخشوا في ميه اسمها ماية الحياة. ويبقى ايه؟ يخرجون كانهم اللؤلؤ ياه عارفين اللؤلؤ كده وهو بيعنيه اللؤلؤ المنصور كده تلاقي ايه قاعد عمال يلمع كده ولمعان فيجعل في رقابهم الخواتيم علامات كده. فيدخلون الجنة ويبدأوا يتسموا اسمهم ايه؟ عتقاء الرحمن. عتقاء الرحمن الله اكبر دول مين دول عتقاء الرحمن؟ يقول لك دول ناس دخلوا بغير عملوه ولا خير قدموه. بس ماتوا على الاسلام وماتوا على شهادة ان لا اله الا الله محمد رسول الله. سبحان الله. فيقال لهم هما يحسوا بقى ان احنا من عتقاء الرحمن مش هيكون لنا حاجة يقول لهم لكم ما رأيتم ومثله معه اي حاجة تقع عينك عليها بتاعتك الله اكبر سبحان الله نسأل الله ان يرزقنا واياكم من فضله فاذا رأيت ثم رأيت نعيما وملكا كبيرا الجنة يا جماعة ما فيهاش مساحات شاسعة فاضية. ما فيهاش صحرا. ما فيهاش اماكن خالية ما فيهاش غابات ما حدش هيخشها. واذا رأيت ثم رأيت. عينك تقع في اي حتة. هتلاقي نعيم وملكا كبيرا ويبدأ الشهداء يشفعوا الناس اللي بذلت ارواحهم رخيصة ياه شفتم احنا النهاردة احيانا بعضنا بسبب ميول ارضية وانتماءات عفنة وعصبية جاهلية. ممكن نشوف ناس سبحان الله! ظاهرهم الشهادة لكن سبحان الله نتكلم عليهم وبتاع نسأل الله العفو والعافية. ييجوا دول يوم القيامة يشفع الشهيد في سبعين من اهل بيته. ياه سبعين واحد من العيلة. يمكن واحد منهم كان لسانه طويل وكان بيتكلم عليهم. لكن عشان هم رحماء والله سبحانه وتعالى اصطفاهم عادي جدا ممكن يشفع في من اطلق لسانه فيه. قل يا رب انا عفيت عنه ودخله ندخله معي. من عيلتي وعاوز سبحان الله! يشفع الشهيد في سبعين من اهل بيته سبحان الله! دول يجوا يوم القيامة يشفعوا ويبدأ القرآن برضو يشفع لك. هنيئا لك. اقرأوا القرآن فانه يأتي يوم القيامة شفيعا لاصحابه. اللي يجي يقول لك انا مش لاقي قلبي وانا بقرأ القرآن. يا سيدي ومين تاني هيشفع هيشفع الاولاد الصغيرين الام اللي فقدت ابنها وهو صغير ولا فقدته اول ايه؟ اول ما جه جه وظهر للحياة ولا في الطلق ولا نزل يا سبحان الله بعد ما نفخ فيه الروح ميت تفقد فيتفقد جليبيب ويتفقد ليه؟ هم دول الانبياء كلهم دي طبيعتهم يتفقد الهدهد مش هيتفقد اصحابه فهيهتم يقول ولا كني افقد جليبيب هو فين الاخ فلان؟ انت النهاردة في ناس كتير جدا في الوقت اللي احنا فيه ده ممكن يكون اصابهم ناب الفقر ويحسبهم الجاهل اغنيا من التعفف من قلة بصيرتنا او من جهلنا شايفينه ان هو متعفف لكن هو متبهدل بس احنا مش واخدين بالنا لان مش بنتفقد اخوانا. كم واحد تفقد جيرانه في الايه؟ في اليومين اللي فاتوا دول. كم واحد بينه وبين جيرانه اليومين دول يعني ود وبتاع ولا تناولوا بينهم وبين بعض الطعام ايه اللي هيحصل لو في يوم من الايام او اليومين دول كده فوجئت ان جارك ولا انت بتخبط على جارك وبتبقى قاعد له طبق حلويات ولا طبق اي حاجة من باب الود حتى لو هو سري من باب الود من باب الايه؟ ان الانسان يتفقد اخوانه. سبحان الله فيقول النبي اين فلان؟ ما فعل ما فعل ابن فلان؟ هو ابن فلان فين؟ مش احنا شايفينه؟ فقالوا بات يا رسول الله. فقال النبي صلى الله عليه وسلم لابيه اما تحب الا تأتي بابا من ابواب الجنة الا وجدته ينتظرك بقول له انت عندك استعداد تعمل كده فقال رجل يا رسول الله اله خاصة؟ هو دي بتاعته هو او لكلنا قال بل لكلكم الله اكبر ولزلك يقول النبي والذي نفسي بيده. يقسم صلى الله عليه وسلم ان السقط الولد اللي ايه؟ اللي بيسقط اللي بيموت وهو ايه؟ يدوب وايه يعنيه نزل من بطنه خلته ميت لا يجر امه الله اكبر. يجر امه ياخده كده ياخدها بصورة له يعني بحب من حبل المشيمة كده يشدها الى الجنة اذا احتسبته يقول لها تعالي تعالي تعالي تعالي تعالي تعالي عارف كده ايه ما لكش دعوة انت ما لكيش دعوة بالقصة اللي هم فيها دي. تعالي انا هادخلك في احد الروايات انهم يقفون على باب الجنة ويقولون والله لا ندخل الا مع والدينا. يقولوا لا لا ادخل لا مش داخل انا هجيب اخد والدي ووالدتي معي ياه مستنينك هم على باب الجنة الاولاد اللي بيموتوا وهم صغيرين قبل سن الاحتلام وسبحان الله الصيام بيشفع اه وهنيئا لان والله من رحمة الله ان يوجب علينا الايه؟ يوجب علينا الصيام عشان نصوم فيشفع لنا سبحان الله ويشفع ايضا اللي بيصلوا الجنازة ما من ميت يصلي عليه امة من المسلمين يبلغون مئة مئة كلهم يشفعون له الا شفعوا. فيه في رواية اربعين ياه يكونوا اربعين او مية لما مات ابن عباس آآ ابن ابن لابن عباس رضي الله عنهما. عمل ايه قال للخادم يا كريب انزر ما اجتمع الناس. شف كده الناس اجتمعوا قد ايه. فقال فخرجت فاذا الناس قد اجتمعوا فقلت له لأ الناس اجتمعوا خلاص. قال تقول انهم اربعون قال له يجيبوا اربعين؟ قال له اه. فامر باخراج الجثمان ليصلي عليه يا سلام في ناس كده يكون دي نيته يبقى ماشي في الشارع كده يلاقي فيه واحد بيصلي كده يروح راكن العربية ونازل. تعمل ايه؟ يقول معلش بكترهم بس بكترهم بحاول بقدر الامكان يكونوا ايه؟ عشان لحل اكون انا السبب يمكن هم تسعة وتلاتين انا اللي اخلص المشهد يوم تسعة وتسعين انا اللي اخلص المشهد. سبحان الله! اي رقي هزا اي نبل هذا وكمان النبي صلى الله عليه وسلم بيقول لنا اللي عاوز منكم الشفاعة الخاصة اللي منكم عاوز شفاعة طيب يركز في ايه؟ خلاص ان شاء الله باقي تلات دقايق معلش اطلت عليكم. اللي عاوز الشفاعة الخاصة ياخد بقى. من قال حين يسمع النداء اللهم رب هذه اللهم رب هذه الدعوة التامة والصلاة القائمة ات محمد الوسيلة والفضيلة وابعسه مقاما محمود الذي وعدته. يقول النبي اللي يقول كده حلت له شفاعتي يوم القيامة. ياه اهلا حلت يعني خلاص وجبت وجبت. انت خلاص خدت الشفاعة. ليه طب بالله عليكم مين مين النهاردة صعب عليه انه يردد ولا الازان ويقول الدعاء ده. لا بقى حد عنده عزر ولا راسلنا الفترة ديت مش عارفة ايه مشغولة ولا كنت بعمل في المطبخ ما فيش حد يقول لي ايه انا عندي كزا ده توفيق بقى يا جماعة انك دايما تقول كده. اللهم رب هذه الدعوة. وسبحان الله الدعوة دي اللي هي الاسلام. اللي فيها التوحيد. رب هذه الدعوة صاحبها هو الله. عشان كده دايما اطمن. ما تخافش على الدين خاف على نفسك الحاجة التانية كسرة الصلاة على النبي من صلى علي حين يصبح عشرا. وحين يمسي عشرا ادركته شفاعتي يوم القيامة. يعني ايه ادركته يعني ايه ادركت؟ يعني مهما يحاول يفلت هي هتجيبك عارف كده ايه اينما تكونوا يدرككم الموت هو زي ما الموت هيدركك شفاعتي ستدركك لو انت تصلي عليه عشر مرات الصبح وعشر مرات بالليل اعتبره يا سيدي دواء الروح شفاء الروح. زي ما بتاخد الدواء بتاع الانسولين والضغط والقصة دي كلها حافز على ايه؟ على شفاء الروح ده سبحان الله ولما فيه واحد وهو ربيع بن كعب قال له يا رسول الله انا لي حاجة عندك. قال له ايه؟ قال له حاجتي ان تشفع لي يوم القيامة. قال اعني بكسرة السجود. انا هاعمل. بس انت ساعدني بكسرة السجود. يعني كتر شوية من السجود المهم احنا عندنا حاجات بسيطة خالص. ترديد الازان الصلاة على النبي صلى الله عليه وسلم قضاء حوائج الناس. نركز بقى ومحبتهم في الله والحب في الله ده كلها معنى احب فانا احب مين في الله؟ اما كل اما اشوف واحد طائع لله بيقدم حاجة للدين بيبلغ آآ سنة النبي صلى الله عليه وسلم بيعمل حاجة حلوة لربنا انا احبه اكتر واحبه اكتر فاسأل الله سبحانه وتعالى ان يسددنا واياكم وينفع بنا وبكم ويتقبل منا ومنكم ويرزقنا شفاعة النبي صلى الله عليه وسلم ونشفع لاخواننا ويشفع لنا. واسأل الله ان يسقل موازيننا. اقول قولي هذا واستغفر الله لي ولكم