هناك بنت عمرها فوق الثلاثين ويتقدمون لها خطاب غير اصيلين وش يعني غير اصيلين؟ في اصيل وغير اصيل الخلق عباد الله. كلكم من ادم وادم من تراب. هذه من تقسيمات الاعراف. النبي صلى الله عليه وسلم
زوج ابنة عمته القرشي المخزومية ممن؟ من مولاه زيد ابن ثابت. مولى ما عندنا الاسلام ما في هذا الكلام هذا الكلام عند الناس. ولا زلنا نتكلم عن الاخلاق. وهذه هي الاخلاق
ان المؤنما المؤمنون اخوة. يقول بصراحة انا ووالدها نرفض اعطائهم فرصة. وان كانوا من عوائل محترمة معروفة عافية عليكم زين تسوون ها يقول انا ووالدها نرفض ليش؟ هم عائلة محترمين بس ما هم اصيلين
سبحان الله العظيم. ليش هو انت تبي تزوج نسبهم؟ ولا تبي تزوج الولد؟ يعني مقياس غريب عجيب سبحان الله الخالق النبي صلى الله عليه وسلم يقول اذا جاءكم من ترضون دينه ها طيب شنو؟ وخلقه
مناسبة ها اذا جاءكم من ترضون دينه وخلقه فزوجوه الا تفعلوا تكن فتنة في الارض وفساد عريظ يا اخوان هذا امر خطير ترى. ومن الفساد العريض ان المرأة تجلس في بيتها لاجل ان وابوها
ان اباها واخاها لا يرضون ان يزوجوها الا من كذا وكذا وكذا من الشروط التي ربما لا توجد لاجل يقول وانا ووالدها نرفض اعطائهم فرصة وان كانوا من عوائل محترمة وكانوا على حسن خلق ودين
العادات والتقاليد الجارية والعرف. لكن بنتي رافظة هذا الشي وحاولت معاي انا وابوها انه نعدل عن هذا الشرط من باب انها تبي تتزوج حالها حال قريناتها وان هذا الموضوع لا يعني لها شيء. واهم شيء ان يكون ذو خلق ودين وترتاح. علما انها
لها ناس بنظرنا مناسبين لكن اهي ما ترتاح للشخص. هل علينا ذنب ان احنا الزمنا هذا الشرط الاصل مع ان البنت غير موافقة؟ الجواب هذا شرط باطل. وكل شرط ليس في كتاب الله فهو باطل ولو كان الف شرط
والوالد يعتبر ممن ممن عضل والعضل محرم في الشريعة. يلا اذا ان الرجال خله يقعد بعيد عن زوجته عشر سنوات هي الان صار لها ثلاثين سنة عمرها ثلاثين يعني عشر سنوات كان المفروض تتزوج وقاعدة
بدون زوج الوالد يقدر يتحمل يبتعد عن زوجته عشر سنوات شلون الحين انت ترضاها لا ترضى لنفسك وترضاها لبنتك اتق الله في نفسك. وان كان المعين للوالد هو الاخ او العم هو ايضا اثم. هذا امر محرم
اذا جاءكم من ترضون دينه وخلقه فزوجوه هذا امر النبي صلى الله عليه وسلم. والله سبحانه وتعالى في القرآن نص فقال ولا عبد مو حر عبد. هذولا الاحرار اللي يجونك. ولا عبد مؤمن خير من مشرك
ولو اعجبكم. اعجبكم شنو؟ نسبه ماله جاهه منصبه. فالمقياس عند الله بالايمان والخلق وانا بهذه المناسبة اه اهيب باولياء الامور بالاباء والاعمام والاخوان يتقوا الله في مولياته وان يبحثوا لهن عن ازواج وان لا يجوز لهم ان يعضلوها وان يمنعوها ما دامت
هي موافقة وراضية. من ناحية الشريعة هي لها الان ان تذهب الى المحكمة وتقول وتفظحكم وتقول ان ابي وفلان يعضلونني ما تسوى عليكم الفضيحة زوجوها وادعوا لها بالتوفيق والسداد