هو الذي بعث في الاميين رسولا منهم يتلو عليهم اياته ويزكيهم ويعلمهم الكتاب والحكمة وان كانوا من قبل لفي ضلال اناط الله جل وعلا وظيفة النبوة بالانسان. لي هو النبي او الرسول عليه الصلاة والسلام من ادم عليه السلام الى خاتم وهو سيدنا وحبيبنا محمد بن عبد الله عليه الصلاة والسلام. وحددها في الوظائف التي ذكرناها مرارا وتكرارا. من مثل قوله جل وعلا وهو الذي بعث رسولا منهم يتلو عليهم اياته ويزكيهم ويعلمهم الكتاب والحكمة. وان كانوا من قبلنا في ضلال مبين تلاوة اذا وظيفة من وظائف رسول الله عليه الصلاة والسلام. يعني شغل من الأشغال دياول سيدنا محمد عليه الصلاة والسلام. يتلو هذا الكتاب يتلو هذا القرآن في التلاوة يتلوها على الناس. وكل منا مطلوب منه ومطالب بان يتلوها على نفسه. وعلى اهله وعلى من هو مكلف بتربيته ومن واصلته كلمته من محيطه وبيئته. شيء مهم جدا سماع القرآن الكريم وتلاوة القرآن الكريم والاشتغال بكتاب الله جل وعلا باش هاديك الحقائق ديال الايمان كدق على الوذن سبحان الله العظيم كدق تسمع القرآن اليوم وغدا انتم ترون كيف ان كتاب الله يتلى ويتلى ويتلى وكل مرة يجيك جديد سبحان الله العظيم فينما سمعت القرآن شرط واحد غي انتبه انتبه انت تلقي السمع لمن كان له قلب او القى السمع نتا دير هاد الخدمة يعني مطلوب منك تلقي السمع تصنت ورد البال فإذا بك تجد الآية كأن لا توجد هذه الخاصية لكلام غير كلام الله جل وعلا ها هي القصص والكتب اشياء عجيبة جدا والله هذا السر للقرآن لهو من ادق اسرار كلام الله جل وعلا التي لا يعرف احد تا واحد ما قادر ولا عندو القدرة يشرح هادشي هدا ما كيتشرحش اي قصة سبحان الله العظيم تسمعها كتمناها المرة اللولة صافي الثانية ما عندك ما دير بها في اي كتاب وفي اي شيء الا كلام الله سبحانه وتعالى فانك تسمعه وتسمعه فاذا بك في اخر مرة تسمعه كأنه الاولى في حياتك لأن القرآن الكريم يحمل سر الغيب. سر الغيب. لأنه جايب لينا الخبر ديال الزمن الغابر الذي لم نكن كن في جيب لينا الخبر ديال الزمن لي كان قبل منكونو حنا. ولي منو جينا وما عندنا خبار عليه. وجايب لينا الخبر ديال الزمن لي غادي نمشيو ليه وما عندنا خبار عليه. فاخبار القرآن هي من الغرابة غريبة بحيث كل ما تأملتها كل ما تلقاها على صورة خرى لا تنقض الصورة السابقة يعني ما كتناقضلكش مع الصورة اللي فهمتها من قبل ولكن كتزيد توريك المشهد اوضح واوضح واوضح فينما جيت تحققت النظر في كتاب الله الا وكتشوف المنظر اوسع واعظم واجمل يعني كيخليك فعلا الارتباط كيوصل الانسان لواحد النتيجة وهي انه وهذه من اهم المراتب الايمانية ومما ينبغي ان يحصله المؤمن كل مؤمن يوصل لواحد النتيجة انه كيولي عندو القرآن. دابا غير هاد الرتبة ديال التلاوة غير يتلو يولي عندو بحال واحد الدوا يومي عايش فيه ايلا مكلاهش يموت بحيث انه اذا مر عليه يوم لم يتلو فيه الكتاب او لم يستمع الى الكتاب ينكر نفسه نفسو كتبدل عليه ولذلك حينما يرجع الى الكتاب تلاوة او استماع كيوجد نفسو بحال هداك العطشان سبحان الله العظيم متل هداك الانسان العطش لي عندو واحد الشدة في العطش وكيبدا يشرب الما فقطرات الماء وجرعات الماء تقع من جوفه موقع الحياة من الموت بحالا كطيح عليه الحال حياته هو راه كيموت. ينبعث من جديد. فكذلك القرآن الكريم. لما كتكتشف الحقيقة ديالو. ولما ربي تعالى كيفتح لك البصيرة ديالك وتشاهد حقائق ديال الإيمان التي يتدفق بها معين عيون عيون القرآن الكريم عيون ديال ما تتدفق شيء غريب جدا لما كتشوف هاد الحقائق او دوقها او تبدا تعامل مع القرآن بهاد الشكل هكدا متقدرش تعيش بلا بيه. يستحيل متقدرش تعيش بلا بيه نهائيا. ولذلك اله سبحانه وتعالى جعل عن هاد الخدمة هادي اللي بنادم لما كيشوفها فالبداية كيحقرها كيقوليه ويتلو عليهم التلاوة التلاوة شنو هي التلاوة؟ لا هادا ماشي الشعر هادا سبحان الله ولا القصة ولا الدراما ولا الافلام ابدا هذا شيء اخر يعني حاجة اخرى من عالم اخر ولذلك اجعل التلاوة وظيفة راه ماشي ماشي ساهل نهائيا انه يجعل من الشغل ديال سيدنا محمد يقول لو يا محمد ارسلتك للناس ها شغلك واحد اثنين ثلاثة اربعة داك واحد يتلو عليهم اياته ماشي ساهلة هادي ما ذكرها الله بالنص ومرارا وتكرارا في كتاب الله ماشي مرة ماشي نقولو يتلو ايادي يتلو عليهم اياتك في الاية الاخرى الا وهي تمثل وظيفة من اعظم وظائف رسول الله عليه الصلاة ومهمة من اعظم مهام الانسان المسلم. من اعظم مهام الانسان المسلم ان يتلو هذا الكتاب وقد ورد بهذا الأمر في غير مآية وفي غير ما سورة. وكذلك كانت حياة رسول الله الشخصية عليه الصلاة والسلام. الحياة ديالو الشخصية عليه الصلاة الصلاة والسلام كان حياة تلاوة. تلاوة للكتاب. اناء الليل واطراف النهار. وكذلك كان اصحابه رضوان الله عليهم يتلونه على انفسهم ويتلونه وعلى غيره وكذلك التابعون ومن تبعهم باحسان الى يوم الدين راه التلاوة ديال الكتاب ايها المؤمنون راه غداء وزاد زاد نتزوده يوميا واللي قطع الزاد راه قطع الهوا الأكسجين على النفس ديالو فهو اذن مشرف على الإختناق والإختناق حينما يختنق قلبه وتنقطع عنه حقائق الإيمان والعياذ بالله كيبدا بالفكر وينتهي بالضلال. نطلب الله السلامة والعافية. ولذلك صمام الأمان ديال الإنسان المسلم باش يبقى شاد الطريق. الا ينقطع عن تلاوة القرآن اي ظرف من الظروف. في اي ظرف من الظروف