السلام عليكم ورحمة الله وبركاته. الحمد لله رب العالمين له الحمد الحسن والثناء الجميل واشهد ان لا اله الا الله وحده لا شريك له. واشهد ان محمدا عبده ورسوله وبعد
شيء راقي جدا وعالي جدا ان ربنا سبحانه وتعالى يستعملك للرباط انك سبحان الله انتزار الصلاة بعد الصلاة ده اجر عالي اوي اوي اوي. وحاسة عليه الشرع. سبحان الله! والنبي صلى الله عليه وسلم جعل هذا من الرباط
فنسأل الله سبحانه وتعالى ان يجزينا واياكم خيرا لزلك ابو موسى الاشعري يقول ان اعظم الناس اجرا في الصلاة ابعدهم اليها ممشى فابعدهم والذي ينتظر الصلاة حتى يصليها مع الامام اعظم اجرا
من الذي يصليها ثم ينام. والنبي صلى الله عليه وسلم بيقول الا ادلكم على ما يمحو الله به الخطايا ويرفع به الدرجات؟ قالوا بلى يا رسول الله قال اسباغ الوضوء على المكاره. اسباغ الوضوء انك تتوضى وضوء صح. على المكاره الميه مسلا تكون باردة ساقعة في الشتا
ده كاره تطبع لكن روحك تحلق. فاسبغت وضوءك لتمتع روحك حتى ولو قدر بعض الايلام الجسد. اسباغ الوضوء على المكاره. وكثرة الخطى الى المساجد. في مجهود بيبزل مع الخطى لا شك
وانتظار الصلاة بعد الصلاة. فذلكم الرباط هو ده بقى الرباط سبحان الله فدي نعمة انكم تستسمروا الاوقات ومنهم من ينتظر منهم من ينتزر الشهادة كما في اية الاحزاب وعموما بقى
منهم من ينتزر كل عبادة. ففكرة انك تنتظر انا منتظرون دي دي عبادة جميلة لمن يؤلم لمن يحسن استثمارها واستقبالها ولا يعوض روحه على الملل والضجر فانت في خير ما دمت تنتظر الخير
وانت في اجور وفي طاعات ما دمت تنتظر الطاعات ولذلك جبر الله كسر قلوب من لم يصلي في المساجد يوم القيامة. فيا لحسرة هؤلاء عندما يعلمون كم من الاجور اوتوها وضيعوها اما بغفلة او بحجج واهية وبوهم ان صلاة الجماعة في المساجد اكتشفوا
بعد عمر طويل انها ليست واجبة على القول الصحيح الراجح. يا مسكين وان لم تكن صلاة الجماعة بمزهبك ليست واجبة في المسجد والحسنات الجامعات والبركات التي تنتظرك في الصلاة في المسجد
والذهاب اليها لا يحصيها الا من خلقك ستعلم غدا يوم القيامة الاجور اللي فاتت لان في ناس كتير لا تنتبه لهذا الامر ماذا خسر من ضيع صلاة الجماعة احسبوها كده حسابات
بشرية كمية. حاولوا تحسبوها كل خطوة من اول ما تطلع من بيتك وانت قاعد شغال الاجور الثلاثية ما بين رفعة درجة وتكفير سيئة. وان الله سبحانه وتعالى يرفعك ويعطيك الحسنات. يبقى بتاخد حسنة
بترفع درجة تكفر عنك سيئة. كل ده وبالسهولة العالية خالص دي بتقول انا في غنى عن فضلك يا رب قد اكتفيت من الحسنات او انا لا اعمل لاكون من الاوائل. انا مطمئن لرزقي من الحسنات
فلا احتاج لهذا الامر. فيأتي يوم القيامة سبحان الله تشوفه بقى وهو ماشي في المسجد شارع بيعدي على ناس بتلعب واقفين في قهوة ولا قاعدين على البلايستيشن؟ ولا ايا كان ولد واقف مع بنت وبعدين يراك هذه الرؤية تؤنب بعض قلوب هؤلاء
فمنهم من يتذكر ويقوم ليصلي ومنهم من يتحسر ومنهم من يجل اهل الخير ومنهم اللي بيستبشر والدتك جدتك بتنشر حاجة في البلكونة وشافت الراجل ده ماشي فما زال فيه خير في الامة في ناس لسه بتنزل تصلي
كل دي اجور انت مش شايفها في واحد تاني بقى من اهل الباطل ومن اهل الخسران والطغيان ما بيحبش اهل الصلاة فعمال يشوفهم يغتاظ قلبه. وادي اجر كمان لانك وطأت موطئا يغيظ الكفار
كل دي انت مش شايفها وبعدين بتعدي على الراجل البائع تقول له السلام عليكم وتعدي على داير تبتسم وتعدي على ده كل دي اجور تدخل المسجد بقى ياه دي حاجة تانية خالص
وتشهد الصلاة حاجة تانية خالص سبعة وعشرين ضعف عشان تتخيل كل الاموال التي جنيتها في حياتك منذ ان رزقك الله الحياة منذ ان تنفست الى ان يتوقف النفس كل الاموال لا تساوي يوم القيامة حسنة
عشان تستشعر يعني ايه انك تاخد سبعة وعشرين ضعف في الصلاة الواحدة مع المسجد. في جماعة وبعدين سبحان الله اشرف البقاع المساجد. فتكون انت في اشرف البقاع ورجل قلبه معلق بالمساجد
ان يكون قلبك متعلق بالمسجد. هو المغرب ازن؟ لأ لسة. انا حاسس ان هو ازن. لأ لسة يا ابي ويبص في الساعة ويتحرك على المسجد. سبحان الله قلبه بيطلع من المسجد
يروح سايبه في السقف لان السقف ده قطعة حديد وقلبه ده المغناطيس يروح راميه ويسيبه كده في السقف ويطلع بقى يخالط الناس وقلبه في المسجد واخلاق المسجد وكل حاجة ومشاعر المسجد هي بيت الله
كل المعاني دي مهم اوي عشان كده يا جماعة عم تلاقي فيه ان النساء المسلمين كانوا بيصلوا الفجر احيانا وينزلوا في المسجد زي ما بتحكي عائشة رضي الله عنها ياه
وكان النبي لا يمنعهم لزة لزة لزة ما يعرفهاش الا اللي داقها نسأل الله ان يحفظ لنا ولكم العافية في البدن وعافية الدين. هذه الابواب ضرورية استيعابها. والباب ده مهم جدا
ان الانسان يدرك هذه الاشياء. ربي اولادك ووجهي زوجك للمعاني دي وانت ربي اولادك. واتق الله لا تكن قدوة واسوة لهم في تضييع الحسنات ثم تكون حريصا عليهم الا يضيعوا الدرجات
لذا ضياع درجة فيما بتحب تسميها الساينس والماس والكلام ده بتقوم الدنيا ولا تقعد واذا ضياع درجات ضيع من شوية ما يقرب من تلتمية اتنين وستين درجة في الجنة. ليه؟ لان كان كل
خطوة من المسجد لهناك لو حسبتها تقريبا ييجي يحسبها لقاها تلتمية اتنين وستين فتلتمية اتنين وستين درجة ابنك ضيعها في صلاة العصر اللي فاتت دي وحضرتك ما كانش فارق معك اي حاجة
بل انت نعم القدوة له في هذا الامر. ازا كنت بتصلي وبئس القدوة له. ان لم تكن هذه الاشياء من هجرك اما بيشوفك كل شوية لا تهتم بهذه الامور. فهتكون ايه نواياه؟ هيكون طموحه انه يكون ناجح في الدنيا. مش هيكون طموحه انه يرضي الله سبحانه وتعالى
مهما بقى اصل انا ابني مقطقط انا ابني طيب انا ابني حبوب انا ابني مش عارف ايه انا بنتي قمورة. انسى الكلام ده انسى لان من ربى اولاده على انهم ينشغلوا برضا الله
ارضى الله عنه الناس لكن هذه الاشياء عيب لما يبقى في ولد في سانوي ولا بنت وتيجي تقول لي انا للاسف ما بعرفش اصلي العصر برة واصليه على الساعة خمسة كده او بصليه من بعد المغرب. ياه ليه
خايفة ان انا افقد درس الاحياء افقد درس الفيزيا. يا لحصرة كل المعلمين اللي علموا هؤلاء وهم واقفين يوم القيامة ويتقال لهم تعالوا يا اللي كنت بتبدأ درسك اتنين ونص قبل العصر بخمس دقايق
وتطلعهم الساعة اربعة وانت عارف ان هم هيكملوا عند زميلك الساعة اربعة. ومش قادر تأخرهم وتطلعهم اربعة لعشرة وتقول لهم الحقوا اعملوا مصلية يا ويلك يوم القيامة عما تتحاسب على كل المشاريب دي. يعني الولد ده بيحب الصلاة وكان معظمها
والنهاردة ضيعها وكنت انت حضرتك اول واحد تغرس غرس عكسي للي الاهالي ربوها عليه. ومش كده وبس وغرست عنده سهولة ويوصل الاختلاط وقبول الاختلاط في عقل كل فتاة على الكلام ده. كل دي حسرات يوم القيامة. وانذرهم يوم الحسرة. والوالد يقف والوالدة تقف
برضو يتحاسب على الحسرات دي كل دول هتتحاسبي حضرتك ان ابنك بتدي له تعال دورات عشان ما حدش يتحرش بك وهنديك دورات عشان تدافع عن نفسك ودورات الثقة ودورات مش عارف ايه بيطبقوها على مين؟ بيطبقوها على ناس كتير
ويطبقها على الناس المساكين يطبقها على شيخ الجامع ممكن. ويقولوا ما تخلهوش ايه؟ مش اي كلام يقوله لك تسمع كلامه. يقول لها لازم تقول له ايه الدليل وبتاع لكن المدرس
ان يكون نبيا ده لو قال لك ما تصليش عادي جدا. ولا ولا بياخد دورات بقى ازاي يقف مع المعلم ويناقشه لأ انا اقول له بفلوسي لو مد ايده علي
لو زعق لي ارد عليه. لكن يحرمني من الصلاة ايه اللي فيها يعني. من حقه. كل دي حسرات يوم القيامة هتتحاسبوا عليها. هنتحاسب عليها لو ما كناش بنربي اولادنا على المعاني العالية دي قوي قوي قوي
فذلكم الرباط. فالباب ده ضروري ورضي الله عن اهل الهمم واهل القمم واهل النفقات والصدقات بالامس في واحد ما شاء الله اول امس بيحكي لي على همومه على همومه وزكائه في زكاته لنفسه. دي قاعدة يفكر في اخرته. قاعد يعسع على كل
كل السناتر اللي موجودة في الحي بتاعه ومشهورة ويروح يتأجر مكان في السنتر دي قاعة في الاوقات اللي فيها الدروس ويفرشها مصلى ويهيأ ليهم الوضوء ومكان للولاد والبنات وبيدفع ايجار شهري. ويقول للمعلمين انا يسرت لكم فيسروا للاولاد. دي ناس بقى شغالة في الاخرة بقى
طب دي ناس بقى مركزة دي ناس رايقة ويقول لي ما لقتش في مكان فرحت اتأجرت شقة جنب السنتر وفرشتها كلها مصلى وجايب واحد براتب يفضي ايه الجمال ده! اهو دي ناس
بتحب ربنا وبتعزم ربنا دي ناس اعوز الاخرة دي ناس مركزة كويس قوي ان اه ان الموضوع مش هيخلص هنا وبس لأ يقول لك ايه يعني؟ هيكلفني ايه يعني؟ طلعة الساحل
انا بطلع الساحل تلت اربع مرات ما فيش مشكلة نخليها مسلا الطلعة الجاية دي تبقى مرتين. ليه؟ اه سبحان الله! نكسب في تجار كده اه زي عبدالرحمن بن عوف ما كنا بنتكلم عليه اه عبدالرحمن
من التجار اللي يعلموا المسلمين قد ايه ان آآ ان انا اكون سبحان الله دايما ليس في صدري حرج تجاه اسلامي وتجاه ديني وان دايما اكون انا يعني مستمتع. الدين بيقول لي لو انت مش محتاج الاخرة انت لو من انت مش محتاج الدنيا خالص. وبيقول لي لو
فعلا ارادة الدنيا مش عندك خالص اشتغل. يقول لي ما من مسلم يغرس غرسة. غرس! ايه ده تغرسه! فيأكل منه طيرا او انس او اي حاجة الا لك اجر فالدين بيقول لي حتى لو مش عاوز دنيا رح ازرع. رح اشتغل. هتلاقي دين قد كده زي كده فين؟ هتلاقي في حد بيعاملك كده. حتى لو انت
ارضى مش عاوز دنيا خالص. بيقول لك اكل زوجتك حط اللقمة في بوقها هديك صدقة لأ كمان قضاء وترك هاديك عليه صدقة طب يا رب ده دي حاجة عادية خالص اصل انت مسلم
وطالما انت مسلم نسكي ومحياي انا هعاملك بقى معاملة مختلفة تماما خالص خالص فهتلاقي دين كده عبدالرحمن الناس دي كانت رايقة وعارفين كويس قوي وهو بيتاجر كان بيتاجر في الاخرة
هو ايه الفرق بين التجار للدنيا وتجار الاخرة حتى كمسلمين تجار الاخرة هم بيتاجروا برضه بس عندهم يا جماعة مش بيتاجروا عشان ايه؟ جمع فاوعى. لا جمع فاطلق فقعد بيجيب ويتصدق ويجيب ويودي بس هو شغال؟ اه شغال. فكل حاجة شغال في كل حاجة
سبحان الله المعاني ديت مهم للانسان يستفيد منها ويستوعبها او عبدالرحمن رضي الله عنه كان تاجر مسلم فعلا ان احنا بقى نقول لك التجار المسلمين والتجار اللي فاهمين والكلام ده. كان في قصة سبحان الله واحد اسمه
وابن رزق الله. شف الاسم عامل ازاي. ابن رزق الله. ده تاجر بغدادي كان له موقف رهيب جدا جدا في بلاد الكفار ايه بقى الموقف ده؟ علي ابن ابراهيم ابن حماد بيقول ان بعض مشايخ العرب
واخبره عن رجل من المسلمين اسر. واحد من المسلمين كانت اسر ثم رجع الى دار الاسلام قال لما حملنا الى بلد الروم مرت بينا الشدائد. بيقول احنا كنا مأسورين واتأثرنا في بلاد الكفار الروم
بنا شدائد شديدة قوي في الاسر ده. فحصلنا عدة ليالي لا ننام من البرد وكدنا نتلف نسأل الله ان يفرج عن كل ايه؟ مقهور مظلوم يقول فكنا خلاص هنموت من البرد. ثم دخلنا قرية
برضو القرية دي دخلوها فين برضه في بلاد الروم. انتم مركزين؟ زي الترحيل كده يعني. بعدين بينتقلوا من مكان لمكان. فبيقول ثم دخلنا قرية فجاءنا راهب في فيها باكيسة وقطف ثقيلة دفية. فغطى جميع الاسارى. كل الاسرى اضغطوا واتبسطوا. كل واحد
بواحدة. كل واحد واخد الاكسية وواخد الايه؟ اللبس بتاعه وواخد الدفا وبطاطين والدنيا جميلة قوي. فعشنا تلك الليلة فاقامونا في تلك القرية بايام. فكانت هذه سبيلنا فيها. ده كان وضعنا. ثم نقلونا الى اخرى
بقيت ناس برة العيلة وما حدش حاسس بحاجة. عبادات فزي ما فيه اسرار في الغلط في اسرار في ايه؟ فالجهاز ده ممكن تدخل به الجنة. وممكن نسأل الله العفو والعافية يكون
فعاد حالنا في العلي والبرد في الى ما كنا قبل هذه القرية. فسألنا عن السبب فقالوا لنا من وجهة نزر حضراتكم اللي ما يعرفش القصة قبل كده. تتوقعه يكون السبب. سألوهم ليه احنا لما رحنا القرية دي؟ انتم قاعدين تنقلونا من ايه؟ من سجن في الروم هنا للسجن التاني
السجن التالت. ليه لما رحنا السجن التالت في قرية معينة خدنا ايه؟ وضع. واحد بيقول ان ده تبشير بالنار يعني عشان يخشوا في دينهم. ماشي. ايه تاني؟ بيعزبوهم عزاب نفسي؟ لا مش عذاب نفسي ولا حاجة. الناس رايقة
يعني بيدي له بطاطين وبيدي له كزا. استدراك عشان يترك دينه. عشان يكسب قلبه جميل ايه كمان تهيئة للتنصير بينسوهم الحرية انسانية طعمية. ماشي لا ادري جميل كانوا مسلمين كانوا مسلمين ازاي راهب
احسان رد الجميل كي يحببهم في النصرانية ترغيب شوفوا بقى الخير اللي جاي. شوفوا الخير اللي جاي وعشان تعرفوا ان فيه ناس شغالة فسألنا عن السبب في ذلك فقالوا ان رجلا ببغداد من التجار يقال له ابن رزق الله
صهر ابن ابي عوف توصل الى ان حصلت له هذه الاكسية وهذه الملابس عند الراهب. بغرامات مال جليل وسأله ان يغطي بها من يحصل في قريته من اسارى المسلمين. وضمن له ان ينفق على بيعة في بلد الاسلام بايذاء
في كل سنة شيئا ما دامت الاكسية محفوظة للاصالة فالراهب يفعل ذلك في هذه القرية وما قبلها وما بعدها ليس فيها شيء من هذا يقول العالم فاقبلنا ندعو لابن رزق الله كلما نفحنا البرد
ولحقتنا الشدة ونحن لا نعرفه يا سلام يا سلام على الجمال خلاصة القصة دي بقى ان التاجر ده يا جماعة بلغوا ان اسار المسلمين بيعانوا من البرد فقال له طيب
توصل لاتفاق ايه هو الاتفاق ده؟ انا هديك فلوس وارعى لك المكان اللي ايه؟ اللي عندنا في مكاننا. وانا هراعيك وانت تراعي هؤلاء التجار يا جماعة عندهم حاجات كتير يقدروا يعملوها الاغنياء عندهم حاجات كتير ممكن دي
يبزله وميزة الهواتف الزكية دلوقتي سهلت جدا جدا عبادات السر كما سهلت زنوب السر عبادات الخلوات فده انسان نموزج للانسان المسلم المهتم لامر امته ما بيقفش عند حاجة معينة. تجار المسلمين يقدروا يفعلوا حاجات كتير قوي. بدل ما يستغلوا الازمات لرفع اسعار البضائع. لأ
عادي يعملوا حاجات تانية اعلى. مع الفارق الكبير مقطع مشهور جدا للاعب الكورة محمد ابو تريكة لاعب مشغول بالتعليقات والكلام ده كله لكن هو عنده قضية مشغول بها. قضية فلما شاف علامة الشزوز
اتكلم عليها. ليه؟ لان انسان اه عنده يعني عنده مبدأ عنده مهم قوي انك تكوني صاحبة مبدأ على فكرة الموقف اللي هو عمله ده آآ مهدد جدا انه ما يكملش في الحاجات دي. طبعا انا ما بتكلمش ان انا هو ده الوقتي ده ناصر الامة وده صالح الدين
لا لا انا اتكلم عن معنى وملمح زي ما النبي صلى الله عليه وسلم كان يشوف الشهامة حتى في الكفار لو كان ابن جدعان حي جدلني في هؤلاء النتنى لاعطيتهم اياه
فهي مهمة قوي فده واحد مهم قوي ان احنا ندرك ان ده ممكن يضيع مستقبله الكروي ومستقبله بسبب ايه؟ مبدأ هو عايش عليه عيب قوي اما تكون في اخت منتقبة
ولا اخ ملتحي ولا ناس ملتمية لاهل السنة والجماعة ولا متبنين الفكر الرسالي والهداية الرسالية ومتبنين دينهم وما عندهمش استعداد ابدا يزهروا في المبادئ. ويزهروا في المواقف الصلبة. ويعلنوا عنها. ويقولوا اللهم ان هذا مشهد لا يرضي
ضيق فانا اتبرأ اليك منه. المعاني دي مهمة قوي قوي. بهذه صارت الامة هي خير امة. تأمرون بالمعروف. لازم يكون في امر بالمعروف. لازم يكون عندك صاحب مبدأ ومن ضمن مبادئك انك تتبنى دينك في المنحنيات
وبلاش ما يكونش من ضمن مبادئك يتقطع عيشي. لان عيشك ما حدش هيقطعه ولا يملكه الا من رزقك هذا العيش. فكل واحد منا له ان هو ممكن يترك اثار هذا الرجل ترك اثار ومن شوية كنت بتكلم ان الهواتف الذكية بتقرب اوي. جمعية خيرية بتقول ان في سهم لبر الوالدين ولا في سهم
الايتام وانت بتبعت كده من حسابك من الموبايل وما حدش حس باي حاجة. دخلت مية جنيه تلتمية جنيه الف جنيه ما حدش حس بحاجة شفت بسهولة جدا مقطع كده تنشره في جروب لعلي ينفع الله به
عشان كده يا جماعة اهل اليقزة لما فاقوا رأوا ان الجزاء الاوفى في الاخرة وان نعيم الدنيا هو اختبار وليس نجاح. ودي نقطة مهمة اوي اوي اوي. ان كل نعمة انت فيها
غير ذلك هذا رجل من الناس اللي يعلمونا ويربونا ان الدماغ والفكر اللي اتى به الصحابة بفضل الله قصر قصر عند هؤلاء وبالمناسبة دول لا يفعلون هذا الا عندما يرون ان المال ليس ماله. لان المال ده مش بتاعهم. اومال المال ده بتاع مين
المال ده بتاع مين بما ان ان المال اللي معك مش بتاعك. بتاع مين؟ بتاع ربنا. يعني المال ده بتاع ربنا؟ اه وانفقوا مما جعلكم مستخلفين فيه من مال لله الذي اتاكم يعني ده ما لله؟ جميل. بما ان ده ما لله. انت ليه متبت قوي كده واما تيجي تطلعه؟ ما بتطلعوش كده بسلاسة يعني
بما ان هو بتاع الفرق بقى بينا وبين هؤلاء يا جماعة انهم كانوا يرونه فتنة وكثير منا يرى نهاية المطاف عبدالرحمن الصحابي الجليل المبشر بالجنة والذي جعل الله له من الظفرة على الاعداء
والانتصار والمال وكما سمعتم في اللقاءات السابقة هذا الرجل لما عوتب في بعض المباحات يعني كان يوسع على نفسه شوية فكان ايه؟ قال بلين بالضراء فصبر ولينا بالسراء فلم نصبر
هم كانوا يرونه فتنة بلينة. تقرأ ان نبي الله سليمان اجتمع له من الملك ما لم يستمع لبشر غيره مع نبوة وخالق العادات ودينه وريح يقول بعدما ظهر له من الظفر على الاعداء ما ظهر هذا من فضل ربي. ليه
ليبلوني عشان اختبرني والله الورس اللي انت خدتيه من والدك ده وما شاء الله الدنيا نغنغت بعده ده اختبار والله الوزيفة الجديدة بالفلوس الجديدة اختبار المكسب اللي طلعت به ده اختبار
الجمعية اللي عرفتي توفقي لها وطلعت لك منها مكسب حلو ده اختبار من ماديات القعدة تيجي لك من يمين وشمال والادخار اللي احنا عاملينه ده اختبار. الحساب كله على ما بيزيد في البنك
على قد الابتسامة التي تعلو في القلب على قد ان في اختبار ينتزرك يا ترى هتنجحي ولا هتجيبي مجموع قليل؟ طب وعشان انجح هعمل ايه؟ كل واحد عارف هيعمل ايه
فبلاش احنا ايه نظل ان احنا نهزر يعني. شوفوا اما تيجوا تعرفوا بقى الشخصيات ديت سليمان ولا عبدالرحمن ولا الناس اللي فاهمة الاخرة كويس قارنوها بين واحد مشي في سيدني ولا مشي في نيويورك ولا مشي في اي دولة من بلاد الكفار دي
اتفتن عشان شوارع الكفار نضيفة قعد يقول وجدت اسلاما بلا مسلمين. وجدت وكسة وموكوسين. سبحان الله! هو ده اللي انت شفته في الاسلام؟ هو ده نهاية المطاف؟ عشان كده باقول لكم هم مكان
يرونه فتنة وكثير منا يراه نهاية المطاف يرون ان التمكين فتنة هؤلاء الانبياء والاولياء لكن غيرهم يرى كافرا لا يكف نفسه عن فاحشة ويكفر بالله نغبطه على شيء من الحطام الدنيا. لأ وما نقتنعش ولا نهدا حتى نجعل ان ده هو الاسلام بعينه
شوف مدارسهم يا اخي شوف شوارعهم شوف الكهربا تشوف النور تشوف كزا تشوف كزا تحس انت هو ده سبحان الله ياه انت شايف الكفر اللي هو فيه ده والبعد اللي هو فيه لمجرد ان هو حصل شيء من حطام الدنيا. شايف ان ده الاسلام؟ انا طبعا لا اسفه هذا الشيء. لكن عاوز اقول ان الشيء ده في الاخر يا جماعة
مع الحزاء مهما كان غالي. بيتلبس فين؟ الحزاء مهما كان غالي وبيراند وحاجة جامدة جدا ومطلي ماية دهب بيتلبس فين بالرجل وبيتمشي به فين؟ على الارض صح وبتدوس عليه صح
وبيكون اقرب للاتربة صح جميل قوي. اوعى يعجبك تروح لابسه في راسك. وتقول الله ده شايف حتى الرباط ده عاملين منزلين رباطين كده عشان تربطه في ودنك غمش يقع اوعى
فاما واحد بيحزرك بيقول لك ان ده بيتحط في الرجل ما تقولش انت على فكرة انت انت مريض انت بتضايق قوي يعني اما بتشوف حد لابس ايه اما الواحد بيكون معه آآ كوتش جديد ولا حذاء جديد. يا حبيبي انا مش متضايق. انا بقول لك حطه في رجلك. انت مصمم ليه تحطه في دماغك
لأ وتلبسوني انا ليه طيب؟ انا مش هالبسه. انا لو هاحط حاجة في رجلي مش هاحط ده. دلوقتي. اهم حاجة اللي يتحط في راسي يكون ايه يعني فالاسلام غايته. واتمنى ان الجملة ديت تحفز
انك تصل لله فتفهم اسمائه وصفاته واياته المتلوة. واياته المتلوة والمرئية ثم تعبده على بصيرة. وكل ما سوى ذلك فهو وسيلة وبعدين نتيجة كل ده هتكون يوم القيامة لن تبلى السرائر
ده اختبار مش نجاح. زوج جميل ومقطقط ومريحني ومديني ومدلعني وعربية وفيلا وحساب في البنك ومش عارف ايه وبيتجوز علي والقصة دي كلها. كل ده ده اختبار. مش بلاش كلمة متجوز علي. جايب لي واحدة جارية تساعدني ومش عارف ايه. كل ده
اختبار وليس نجاح ان حضرتك معك شهادات وان حضرتك ما شاء الله لا قوة الا بالله ربنا كارمك وان ربنا سبحانه وتعالى ومش عارف وابنك سافر بلجيكا وبنتك راحت استراليا وابن
بتكره كندا واختك راحت الهند ومش عارف مين راح السند. كل ده مش نجاح على فكرة كل ده اسئلة في الاختبار زايدة جديدة ده سؤال جديد في الاختبار ان ربنا يديك العافية في البدن ضغط بسؤال جديد في الاختبار
قبل ما الورقة تتسحب. ان والدك بيهيأ لك كل حاجة جميلة ان ده سؤال جديد في الاختبار ده مش نجاح انك تدي درس وتلاقي بالالاف بيحضر لك ده سؤال جديد في الاختبار ده مش نجاح
تاخد لايكات كتيرة وشير كتير وان الناس كلها بتقول ما بنعرفش ان النفوق ولا بنستفيد من حد الا انت ده اختبار سؤال جديد مش نجاح فلما بتلاقي الموضوع ده اه بتلاقي بقى النجاح فين
النجاح ربنا قاله لنا النجاح هناك مش هنا فالنتيجة هناك يعني احنا من امتى نقول ان ان الاهلي كسب الزمالك في بداية الماتش ولا في نهاية الماتش؟ في البداية ولا في النهاية؟ لا يستوي اصحاب النار واصحاب
ابو الجنة اصحاب الجنة هم. كأن المد ده بيقول لك اطلع فوق لان فوزك طويل وكبير هم الفائزون فاصحاب الجنة هم الفائزون. طب الكلام ده هيظهر امتى؟ هو معلوم قطعي كعلم يقين في الدنيا. لكن حق اليقين عين اليقين هناك
هو ده النجاح المعنى ده مهم ان احنا نستحضره ويمكن انا علقت المرة اللي فاتت ان التمكين ليس نهاية المطاف. تمكيني يكون عندك اولاد بارزين اوي في الدنيا او زوج او او او ان ده كل حاجة لأ ولو استقاموا على الطريقة لاسقيناهم ماء غدقا لنفتنهم فيه. فالمعنى ده
مهم قوي ان احنا ندرك كويس قوي. ده المعنى اللي فهمه عمر في الحديس اللي اصلا اللي احنا اتناقشنا فيه المرة اللي فاتت. لما عبدالرحمن بن عوف يعنيه كان حصل ابراهيم ابن عبدالرحمن بيقول لما اتى عمر او اتي لعمر يعني بكنوز كسرى قال له عبدالله بن الارقم الزهري الا تجعلها في بيت المال حتى يقسم
قال لا يظلها سقف حتى امضيها والله ما هتتحط تحت سقف لغاية ما نخلصها. فامر بها. فوضعت في صرح المسجد فباتوا يحرسونها فاكرين لما عمر كان بيقول لعبدالرحمن تعال نحرسها
فباتوا يحرصونها فلما اصبح امر بها فكشف عنها فرأى فيها من الحمراء والبيضاء ما كاد يتلألأ منه البصر. فبكى عمر ايه يا عم اللي بيبكيك يا عم؟ ايه ده؟ هو انتم بتبكوا ايه؟ طيب اصدقوني القول
اصدقوني القول اعرفوا حد في حياتكم لما فتحت عليه الدنيا بكى وخاف انا اعرف ناس كده وعشت معهم انا اعرف ناس كده وعشت معهم كان يقول لي انا مش عارف
بيقول لي كلما فتحت علي انفق ثم ابتلى باضعاف اضعاف ما انفقت. والله وكاني ارى رحمة الله عليه لمعان عينه والدموع تداعبه وهو يقاوم الا تسقط. بيقول لي انا مبتلى
بالمال سبحان الله! بيقول انا مبتلى بالمال وهو راجل ما شاء الله لا قوة الا بالله فعلا من الناس التي رأيتهم في حياتي يطبقون حديث رسول الله سلط على هلكته في الحق
سلط على هلكته في الحق دول اتنين دول الاتنين المستسنيين انك تغبطهم وتحسدهم على حسب المباح يعني. ايه هو الحسد واحد ربنا اتاه الحكمة اللي رأسها القرآن وواحد فهو يتلوها ويصلي آآ بالليل والنهار ويصاحب القرآن. والتاني راجل ربنا ادى له فلوس
ادى له مال فسلط لفز التسليط ده لفز خناقة ولا لفز يعني ايه علاقة عادية ولا لفز فيه مدافعة يقول لك فلان ما اتسلط على فلان. ده لفظ فيه ايه
في مدافعة وفي خناقة صح دي مصارعة في علاقة مش سالكة سلط على هلكته. طب الهلكة ديت الفاز ايه؟ الفاظ حرب. صح سلط على هلكته في الحق ده وحش والله ما الفقر اخشى عليكم
صلى الله على من قال هذا. ده مش دعوة للفقر لان الاسلام مدح الفقراء ولم يمدح الفقر. ودي نقطة مهمة هذه ليست فالدعوة للافتقار بل سلوا الله العفو والعافية وان يغنيكم بفضله عمن سواه
لكن نحن نتكلم عن ان الانسان يدرك الموضوع في ايه فين بالزبط ماشي؟ زي نعمة الاولاد الاولاد نعمة؟ اه. بس خلي بالك هي زينة الحياة الدنيا. اه. بس اوعى تضيعك من الباقيات الصالحات. وان
ماجبنة مدخلة ان الولد يخليك جبان ما بعملش عشان عيالي مش عارف ايه عشان عيالي جبان ومبخلة مش عاوز ينفق عشان العيال فعشان كده الله سبحانه وتعالى حزر حزر ان الولد ده ممكن يكون عدو لك
صح وان من ازواجكم واولادكم عدوا لكم فاحذروهم. ودي في سورة ايه؟ الاية دي في سورة ايه بصورة التغاض. ماشي سورة التغابن. يعني ايه التغابن؟ التغابن ده ان حضرتك تكون معك حاجة غالية قوي معك موبايل ايفون بتلاتة وعشرين الف
بعته بكام ؟ واحد قال لك ايه ؟ على فكرة الموبايل ده تعبان لا مش تعبان ده بابا ايه يا عم تعبان يا عم وبتاع. بقول لك ايه تبيعه لي بتلتمية وستين يا عم بص اربعة يلا ربعمية كاملين. وورق متين ورقتين متين ومتين فقلت ما
لأ خمسمية اقل من خمسمية شبيه. فرحت بايعه بخمسمية يبقى انت عملت ايه بقى؟ حصل لك ايه؟ غبا. يعني ايه غبن اتغبنت يعني ايه بعت الحاجة الغالية اوي بسعر رخيص قوي بالمناسبة ده في الشرع انك ترجع في البيعة من غصب عنه. لو لو احنا النهاردة في الشرع اه ان القاضي الشرع
يحكم على من اشترى انه يرجع في المال لان هيضحك عليك شوفوا جمال الاسلام. المهم يعني فده الغبن او حاجة رخيصة اوي انا اشتريتها بمال عالي اوي. واحد بقى معه توكتوك كده وقال لك على فكرة بس توكتوك بقى
مسلا ايه ابيض في احمر وداخل به بقى وقاعد بيلعب به في التجمع الخامس. وبعدين انت قلت له والله اول مرة تشوفه في حياتك بقى. قال لك على فكرة العربية دي غالية قوي. عربية ايه يا ابني! ده موتوسيكل
متطور قال لك لا لا لا ده دي عربية. وقاعدين على فكرة انا بوصل اكتر منك. وبعدين دي بتمشي على كل حاجة تمشي على الحيطة. ممكن تمشي على السور. ممكن تمشي فوق العربيات
ممكن تمشي على التلتوار مش محتاج ان هو ايه يروح اخر الشارع ويلف لأ ده بيلف لوحده فيها امتيازات عالية قوي فده الفئة التاسعة عربيتك مش هتجيبها. فقعد امال يغني يغني يغني يغني وبعدين بقى شف الايه السماعات بتاعته اعلى من سماعاتك وشف هنا ايه مش عارف ايه. وفي واحد
دايما بيبقى هتيف بيبقى قاعد جنبي كده عشان يشجعك ويونسك طول ما انت ماشي. اومال يديك امتيازات وهمية فانت قلت له لا لا جامدة جدا العربية ديت. وانت راكب عربية
بس فانت تقول له ايه؟ انت بتاخد ديو دي؟ قال لك لا يبقى لازم ديت على دي وتدفع ميت الف فانت اديته عربيتك واديته ميت الف اما دفعت حاجة غالية اوي اوي اوي اوي فحاجة ايه
صغننة اوي اوي اوي اوي صح ده اسمه ايه برضو؟ اتغبنت. ليه يوم القيامة اسمه بقى التغابن؟ لان هنكتشف ان فيه حاجات خدت منا مجهود ضخم قوي وطلعت ايه؟ ما لهاش اي حاجة
باء منثورا وفي حاجات كانت عندنا غالية قوي وعالية قوي للاسف بعناها بالرخص فالتغابن. فمن ضمن التغابن ان زوجتك واولادك تيجي يوم القيامة تفاجئ ان هم كانوا سبب انك خسرت
اوي اوي اوي اوي. فتغبنت وضيعت حاجات كتير اوي اوي اوي عشان كده الاية اللي بعدها انما اموالكم اموالكم واولادكم فتنة. خلي بالك هي فتنة. معنى كده ان هي فتنة اللي انا ما اتمناش الولد وان انا مش ربنا يرزقني. لأ
خلي بالك بس ايه تبقى خليك زي عمر وابن عبدالعزيز كده لما جه يموت قالوا له ماذا تركت لاولادك ما كانش معي بقى حاجات كتير اوي كده ولم يفتح لي في المال يعني الخاص. فقال تركت لهما التقوى. لان بيقول انا الاولاد دول انا علمتهم التقوى. زي ما انت النهاردة تقول ايه
مش بتسمعوا الكلام ده؟ عشان تعرفوا بس ان ناس كتير منا بتؤثر الحياة الدنيا. مش بتسمعوا الكلام ده كتير. يقول لك ايه؟ انا اعلمه شهادة وما اسيبلوش فلوس. اعلمه تعليم كويس بس مش هديلوش فلوس والشهادة بدل المهارة والكلام الهندي ده اللي هو هندي يعني يعني كلام حلو يعني فالكلام ده بتسمعوه كتير صح؟ يقولك اا لأ انا اعلمه ومش عارف ايه
لما بتضيع خلاص بقى وبيحصل دربكة. بيحصل دربكة عالية قوي قوي قوي. عبدالرحمن طبعا ذرية بعضها من بعض في واحد اسمه ابراهيم ابن محمد ابن عبدالعزيز ابراهيم ابن محمد ابن عبدالعزيز
ايه ما سابلوش فلوس ولازم وده معنى كويس صح؟ عبدالله عمر ابن عبد العزيز برضه كان عنده المعنى ده بس هو برضو هو بيقول ايه بدل ما اعلمه بدل ما بيقول اللفز اللي احنا بنقوله ده تعليمه فقط لأ. هو كان ايه؟ مشغول عنده المقررات بتاعته كلها والتركيز كله عليه ان
يطلع ولد سوي يطلعه سوي دنيويا وفي نفس الوقت تقي فبيعلموا مفاتيح كل حاجة تنفعه هناك. في العمر الخالد فبيقول ايه بقى؟ انا سبت لهم التقوى فلو كانوا صالحين يستفيدوا منها وقد يجعل الله لهم مخرجا ومن يتق الله يجعل لهم مخرجا فهو مع المخرج. انا اديته المفتاح اللي يجيب له المخارج
طب لو ما كانش كويس فبئس هذا الفتى ان اترك له مالا. طب معلش يعني لو هو ولد بعيد عن ربنا وفاسق. اسيب له انا اتنين تلاتة اربعة مليون عشان يروح يجيب لي مش
عارف ايه ويفتح آآ درينك ولا يعمل اي حاجة من الحاجات دي. ليه يعني فالناس دي كانت فاهمة قوي يعني. المهم عمر بكى بقى. احنا كنا سألنا سؤال ورحنا بعيد كده قوي اهم حاجة بس وانا بستطرد انتم ما تسرحوش. انا ما شاء الله بحاول بعرف ارجع. اهم حاجة
انتم ترجعوا يعني وعمر كان بكى فبكى عمر وقال له عبدالرحمن ما يبكيك يا امير المؤمنين؟ فقال والله ان كان هذا ليوم شكر ويوم سرور ويوم فرح وده مش محتاج
بكاء يعني. فقال كلا ان هذا لم يعطه قوم الا القي بينهم العداوة والبغضاء ثم قال بيقول انا بس انا عارف ان الباب ده اما بيتفتح الدنيا بتدخل ادينا مسال
انت في المدرسة. في هدايا جاية للمدرسة دي. هدايا ضخمة قوي وفي حوافز وبتاع والكلام ده كله. النفوس بتبقى مبسوطة؟ جميل لكن احيانا بيحصل فيه لخبطة لحم في توزيع الايه؟ الحوافز. وتوزيع الهدايا. ومين خد؟ ومين ما خدش؟ طالعين رحلة. مش عارف ما قالوش لزوج مش عارف
مين وبنت مين ما طلعتش مع المعلمة بتاع اقوى ومشكلة كبيرة قوي. صح فاحيانا الحاجات ديت بتيجي معها لان هي دنيا والدنيا الاصل فيها انها تفرق ام تجمع اصل الدنيا بيتجمع ولا بتفرق؟ الاخرة بتجمع
الاخرة بتجمع احنا رايحين درس بنقول لك تعالي اما تيجي تحضري معنا الدرس. ليه؟ لان الاخرة بتتجمع. الشارع واسع ياخدنا كلنا. لكن الدنيا ضيقة. تجيبي نجار عشان يصلح لك حاجة
اول حاجة يروح قايل لك ايه الله يهديه النجار اللي كان قبل كده. هو مين اللي عمل دي؟ صح؟ ليه؟ لان الدنيا مديقة. فهو لازم واحد يجي يشيل شغل التاني. السباك نفس الكلام. نعلش
شوية كده بتاع المهندس بتاع الايه؟ التشطيب نفس الكلام برضه بيعلق على اللي قبله. واللي بعده هيعلق على اللي موجود. الدكتور بقى تروح للدكتور تلاقيه يعلقه على بعض الله يهديه يعني ويلا خير ماشي مش مهم بقى يعني نتكلم تلاقيه للنية الدنيا ضيقة. الدنيا بتكون ضيقة
الشارع بتاعها ضيق. فانا وانا ماشي فيه عندي شعور انك هتاخد مني حتة عشان انا النهاردة عندي حضانة في الحي بتاعي. فانت لما تفتح حضانة انت هتاخد مني فالدنيا يحصل فيها التنافس. فيحصل ايه الدربكة اللي بتبقى موجودة دي في الداخل. تمام كده؟ الاخرة بقى لا ربنا بيقول لك ايه؟ كل واحد ييجي معك تاخد انت اجره
فالشرع بيقلبك. فيقول لك ايه؟ الطريق ده كل اما واحد هيمشي انت خدت اجره وكده كده مش هيزنق عليك. ده الناس اللي فاهمة لو افرض هو سبقني وطلع هو الاول واول واحد وصل الكارتة عادي جدا
انا ما وصلتش وهو وصل وانا خدت اجره فهو لما سبقني اه انا صعدت يوم القيامة في درجة عالية. ليه لان انا لا صعدته انا كنت السبب فانا كده كده ما كنتش اعرف اوصل للي هو وصل له. لكن انا كنت السبب اللي ايه؟ اللي ربنا استعملني قوي. المعاني دي تخليك تتفك من الدربكة اللي بتبقى موجودة ديت
لأ مش عاوز اقول لشاهين ده ولا ايمان لا يحضروا الحلقة وبعدين يبقوا متميزين وبعدين هم مساعدة المعلمة وبعدين بعد كده هي اللي تدي الدرس في المعهد وصاحبنا مش عاوز يقول مش عارف ايه لا يطلع في الاخر خالص هو اللي يمسك الاتش ار في الايه
في المؤسسة يا حبيبي هون عليك القطرة واسعة كله ييجي كله ييجي عادي يعني. فقال له عمر فعمر بيقول له ايه ان هذا لم يعطيه قوم الا القي بينهم العداوة والبغضاء. ثم قال انكيل لهم بالصاع ام نحثه؟ طب يلا بقى عشان نوزع نجيب لهم ولا ايه؟ بالويم كده كل
واحد ياخد كومين تلاتة فقال علي بل احثوا لهم. شوفوا يا جماعة الله سبحانه وتعالى قال في سورة النور اية كلها نور وكل القرآن هكذا كله نور كم هذه الاية بتفتح دماغك لحاجة معينة؟ وعد الله الذين امنوا منكم وعملوا الصالحات ايه؟ ليستخلفنهم في الارض
يعني هتتمكن قوي. عشان كده يا جماعة ايه تخلف المسلمين؟ تركهم للاسلام. بس نقطة. ودي من ضمن المهاء الحاجات اتمنى ان انا ربنا يوفقني اتكلم فيها قريب تخلف المسلمين سببه ايه؟ ليس الاسلام ولكن تركنا الاسلام
لان ربنا بيقول لنا لو مسكته هوصلكم. فشوف دول وصلوا بهم الدرجة بيوزعوا بايه؟ بالكوم. بيوزعوا الدهب والدنانير بالكوم. كل واحد ياخد له كوم كده سبحان الله بيقول له يعني نوزعه على الاقل احصوا لهم. طب ده بيجي منين؟ لان انا اما ببقى فاهم ديني صح بشتغل صح فارزق صح. يعني في باب اسمه المساقاة باب اسمه المزارعة. الابواب ديت
عبارة عن ايه؟ ده بيته لك انك يكون عندك مزرعة رح يروح اشتري مزرعة وهات ناس انت ما لكش في الايه؟ في الزرع وكده. هات ناس تزرع وربنا سبحانه وتعالى بيأجرك على الكلام ده كله. فانا لما بكون فاهم ديني بروح اشتري مزرعة واشغل ناس والناس تشتغل والمال يكون ايه؟ دولة بينكم. والاقتصاد بيتحرك
الاقتصاد بتتحرك فتلاقي مفاهيم تانية كلها ايه؟ ليه؟ لان انا طبقت ديني. فلما اطبق ديني الحياة بتبقى جميلة قوي ليه؟ عم بطبق ديني هقول ما فيش ربا. طب ما فيش ربا يعني ايه؟ يعني ما فيش انتخة. يعني ما فيش انتخة يعني ايه؟ يعني مش تبقى قاعد في البيت وفاتح لي شركة وتقول لي انت عاوزة تتجوزي؟ اه. اجيب لك انا غسالة واقسطها لك بفلوس زيادة
اجيب لك انا العربية لا لا تنزل ان انت تشتغل. وهات الفلوس اللي معك دي وخليها تنزل السوق. فانت هتفتح مشروع. الفقراء هيجوا يشتغلوا. كله يتحرك. المال يتحرك. يبدأ ولدتي يدور الاقتصاد بيننا. يبدأ المال يتحرك يتحرك يتحرك. فاهمين الاسلام
فسبحان الله آآ على عكس ما ناس كتير جدا فاهمة ان ان الحاجات دي بتوقف ان المسلمين اعني العمل وان الاسلام هو اللي خلى الناس تزهد. لا لا لا. هو فهمنا احيانا
عن الاسلام او فهم البعض عن السطحي هو اللي ايه؟ جعله يتخلف ويتأخر فقال بل احثوا لهم ثم دعا حسن ابن علي اول الناس فحث له ثم دعا حسينا ثم اعطى الناس. سبحان الله! طبعا ناس كتير اما بتسمع الكلام ده بتحس ان احنا
يعني دي دعوة للدروشة صح؟ وانا حاسس ان في ناس حست بكده وهي بتسمعنا دلوقتي. صح؟ ان احنا دلوقتي بنقول اه ان احنا نترك طلب الطيبات في الدنيا وطلب الحاجات دي
وهذا خطأ الامر هو ضبط البوصلة بيان ان التمكين سواء بمعناه القديم او المعنى المطابق للحلم الامريكي في ازهان ناس كتير هو مجرد وسيلة ولا يساوي الفردوس الارضي بل هو فتنة
قد ينجو منها المرء وقد لا ينجو. فما تتعاملش مع الايه؟ التمكين ان هو الفردوس الارضي فخليك على حذر في السراء والضراء. كلها فتنة. وكلها يعني ايه اختبار. بل ان طلبك التمكين وانت تراه غاية الغايات من اعظم
ما يعين عدوك عليك. ليه بقى؟ يعني ايه التمكين؟ التمكين في المال. التمكين في الاستقرار. التمكين في الصحة. التمكين في كل حاجة في العلم. التمكين في اول حاجة. ليه؟ لو انت
شفتم غاية غايتك من اعظم ما سيعين عدوك عليك ليه بقى لانك لا تتبع والحال ديت عندك انك ما بتتبعش الوحي. لان عندك مرجع فوق الاتباع. وهو كل ما تظنه مسرع للتمكين
ويحصل التقلب بقى ويسهل ويحصل التسلل للشهوات فعادي تقعد في مجالس ما فيهاش ضوابط شرعية. اختلاط عادي موسيقى عادي وبتاع عادي ليه؟ ما هو الراتب هنا بقى. دي شركة يعني لا حتى
المعصية لازم تبقى ملطي ايه اللي يحصل له؟ يروح في حتة تانية خالص. نسأل الله السلامة فالدنيا لا يوجد فيها غنم خالص ولا غرم خالص. وانما يسير الشيء غنما بطاعة الله. فاذا صبر المرء بالضراء جاء يوم
والقيامة مسرورا بصبره. واذا شكر في السراء وما اطغته وما جعلته يمنع وصبر على من حسدهم فكل ذي نعمة محسود جاء يوم القيامة مسرورا بزلك وما اضاع الناس وادخل عليهم العلل النفسية وكسرة التقلب في امر الدين والتحريف للدين الا تضييع المعاني دي
محمد ابن عبدالعزيز ده تحافيد عبدالرحمن بن عوف. ماشي؟ بيقول ابراهيم ده خرجت لابي او خرجت لابي جائزته. يعني اه عطاء لي. فامرني ان اكتب خاصته واهل بيته ابيه ده اللي هو مين؟ ابوه ده حفيد عبدالرحمن ابن عوف
حفيد عبدالرحمن بن عوف. جميل؟ بيقول ابويا ده خرجت لي جائزة فامرني ان اكتب يعني عنده نوالي عنده مال يعني جا له مال. فقال لي اكتب خاصة الخاصة واهل البيت ففعلنا
قال تذاكر تذكر يعني بعد ما كتب ووزعوا الايه؟ الغنيمة باقي لسه فلوس. قال هل بقي احد اغفلناه؟ قلت لا يا ابي. قال بلى. ما في في واحد تاني مين يا ابي
قال رجل لقيني فسلم علي سلاما جميلا. صفته كذا وكذا اكتب له عشرة دنانير شفتم الجمال شوفتوا الجمال ذرية بعضها من بعض والشيء من معدنه لا يستغرب نفوس كريمة الى درجة انها تعد حسن السلام جميلا ينبغي رده
طيب آآ خاطرة بعبدالرحمن ونختم بيها بحيس يبقى شخصية عبدالرحمن ننتهي بها منها. عبدالرحمن له فقه جميل قوي في النفقات. اتمنى ان احنا برضو ايه نتعلمه ونتدرب ليه؟ وكل واحد ممن اتاه الله مال يتدرب على الموضوع ده. عطاء ابن فروق
يقول ان سائلا سأل عبد الرحمن بن عوف وعنده تمر فاعطاه تمرة. عبدالرحمن بن عوف السري ده الدلوي تمرة. فتسخط طه. يعني الراجل ما عجبوش قيل له ما يصنع بها
طه عبدالرحمن بن عوف يعمل كده تاجر يا جماعة. هو تاجر وعقلية التجارة. فقال عبدالرحمن يقبل الله منها مثقال ذرة وانتم لا يقبل الله منا مثقال ذرة وانتم لا ترضون بهذا
انتم ناس عجيبة اوي يعني ربنا يقبل مثقال الذرة وانتم لا تقبلون فيشوفوا هو عبدالرحمن في الموطن ده كأنه احتاج حاجتين. ان يبعت للناس رسالة يا اللي غير مقتدر عندك حاجات تقدر تأديها
مش لازم تكون شبهي ومش لازم تكون ربنا اعطاك زيي. الحاجة التانية انا هيمر علي اوقات ما كنش معي اما مش معي سيولة او فعلا الزرف الحالي مش معي فانا عودت نفسي الانفاق فلا اعودها ان تمسك. ما ينفعش اعوضها انها تمسك. هي خلاص بقت ايه واخدة على البزل زي الجماعة اللي بايه؟ اللي في اللي بيعملوا
له رجيم او او بيلعبوا جيم او بيلعبوا اي رياضة هو عوض جسمه على حاجة. فهو بيعود يقول لك لا. فالمعنى ده مهم اوي يعني. حتى ان سائلا سأل عبد الرحمن وبين يديه عنب
فناوله حبة فكانهم انكروا ذلك فقال في هذا مثقال ذر كثير. وعلى فكرة الكلام ده روي عن عائشة رضي الله عنها انها تصدقت بالقليل وتأولت الاية برضو. ولزلك الله سبحانه وتعالى قال الذين يلمزون المتطوعين من المؤمنين في الصدقات. ناس بزلت ففي ناس لمزوهم يلمزونا ايه؟ متطورين
وان من المؤمنين في الصدقات والذين لا يجدون الا جهدهم فيسخرون منهم سخر الله منهم فاللي يسخر من عطائك ربنا يسخر منه. اهم حاجة ما يكونش ده بخل. ولكن يكون ده الاحتياج
او حتى تدريب لو انت بخيلة او نفسك مش مساعداكي او انت نفسك مش مساعداك بتدرب نفسك. فده كان سبب نزول الاية دي ان المؤمنين لما دعاهم النبي للصدقة كان بعضهم
مش عنده صدقة عزيمة اللي عنده صدقة كبيرة قالوا عليه مرائي. واللي ما عندوش حاجة قالوا ايه الله غني عن هذا واتريقوا عليه. سبحان الله! نسأل الله سبحانه وتعالى ان يسددنا واياكم لما فيه خير. الحاجات دي بتفيدنا قوي. الناس اللي بتستهزأ ببعض
الحملات اللي بتكون فيها مقاطعة يقول لك ما بتأسرش ما بتفرقش. يا سيدي يا سيدي اعتبرها العنبة اعتبرها ان هي عمل قلبي يؤثر فاين انت من حال الصحابي اللي تصدق بصاع تمرة
ورجى الثواب من الله اذا كنت يعني ترى المشروعية في هذه المقاطعة فلا تحقرن من المعروف شيئا فاسأل الله سبحانه وتعالى ان يسددنا واياكم وينفع بنا وبكم حيثما كنا وكنتم
واسأل الله ان يرزقنا واياكم حسن العمل وحسن الاخلاق وحسن الختام وجزاكم الله خيرا