السلام عليكم ورحمة الله وبركاته. معنا اية عزيمة من كتاب ربنا النهاردة يا جماعة. يومئذ يود الذين كفروا وعصوا الرسول لو تسوى بهم الارض يعني ايه يعني فيه ناس كتير اوي يا جماعة تتمنى انها تنتحر يوم القيامة. فيه ناس كتير جدا تتمنى انها تخلص من حياتها يوم القيامة لو تصور بهم الارض. عارفين
البنت اللي كانت عايزة تنتحر نزلت تحت عربية نقل عشان تطحن على الارض تتساوى بالاسفلت تساويها اهو هيتمنوا الا تصوب يوم الارض ان حاجة تقع عليهم جبل من الجبال الطائرة ينزل ينسفهم هيتمنوا انهم ينتحروا. هيتمنوا انهم يقضوا على نفسهم بس مش هيعرفوا
خلاص لو تسوى بهم الارض. على فكرة انتم عارفين انا بتكلم الوقتي عن ايه؟ كل يوم بنسمع شاب جديد انتحر. او بنت جديدة انتحرت انتحر لان البنت اللي بيحبها اتجوزت غيره. شاب انتحر لان ابوه ما رضاش يجوزه البنت اللي بيحبها. بنت انتحرت لان المشاكل المادية اللي هي فيها ما دخلتش الكلية
اللي هي عايزاها ما جابتش المجموع. كل يوم بنسمع عن قصة انتحار جديدة يا جماعة. انا عايز اقول لكم ان الاية دي بتقول للي بيفكر في الانتحار بتقول له طب انت خلصت من مشاكل الدنيا بالموت. هربت للموت. طب انت هتعمل ايه في مشاكل يوم القيامة؟ هتيجي تفكر في الموت ما عدش ينفع. خلاص انت
لو تسوى بهم الارض ولا يكتمون الله حديثا. ما عدتش هتعرف تحل مشاكلك بالموت. واجه مشاكلك. انا عايز اقول لك ان الاية دي بتقول لك ان الانتحار هو اغبى قرار
على وجه الارض لانك انت دلوقتي اتعرضت لشوية مشاكل في الدنيا قلت اما اهرب اموت نفسي. طب يوم القيامة مشاكل يوم القيامة اخطر مليار مرة من مشاكل دنيا هتروح تموت نفسك ازاي بقى ؟ هتروح تعمل في نفسك ايه بقى ؟ يبقى انت من الوقتي الحل انك انت تواجه مشكلتك. انك تشوف المشكلة بتاعتك دي
اسمها ايه ؟ او تمص من زاوية تانية ممكن انت شايفها مشكلة وهي مش مشكلة. يبقى اخطر اكبر قرار غبي على وجه الارض. رسايل القرآن للمنتحرين من الرسايل القرآنية للمنتحرين ومن يفعل ذلك ان ينتحر عدوانا وظلما عدوانا وظلما فسوف نصليه نارا. عدوانا على مين
اعتدى على نفسه لانه موت نفسه وظلما لنفسه. لانه حرم نفسه من آآ من نعيم ربنا لا بأس مش عدوانا على نفسه بس ولا ظلما لنفسه بس. الانتحار هو اكتر قرار اناني على وجه الارض. لانه حرق قلب كل حبايبه عليه. دمر حياة كل حبايبه عليه
وحرق قلب كل اللي بيحبوه. الانتحار هو اكتر قرار غبي على وجه الارض. واكتر قرار نسأل الله العفو والعافية. واكتر قرار اناني على وجه الارض واكتر قرار سلبي على وجه الارض. انت عارف انت بتفكر في الانتحار ليه؟ بسبب حاجة من تلاتة. يا اما شخص سلبي يا اما مجتمع
سلبي يا اما نفسيتك هتدمرك. يا اما في حياتك شخص شخص مدمر. شخص زالمك شخص ضاغط عليك. شخص بيحملك ما لا تطيق وشخص سلبي بيديك رسايل سلبية وبيحطمك وبيحسسك ان انت ما لكش قيمة او ما فيش امل. ده لازم تخلص منه. يا اما انت عايشة في مجتمع سلبي. مجتمع مدمر
مجتمع حسسك انك انت خدت اعدام لما ما جبتيش مجموع انت عايزاه. او ما عدش لك قيمة لما ما دخلتش الكلية اللي انت عايزها. او خلاص انتهت لما ما عملش الحاجة اللي انت عايزها. المفروض انك تتحرر من ضغط المجتمع ده. يا اما ان نفسيتك هي اللي مدمراك. بسبب احلام بتحطمك بها
اه والمفروض انك تبقى اسهل من كده وترضى. ما هو ربنا بيقول فطوعت له نفسه قتل اخيه. كذلك فطوعت له نفسه قتل نفسه. نفسيتك هتخليك مجرم لو انت لو انت استسلمت لها طب اعمل ايه؟ عشان ما اخدش القرار الغبي والاناني والسلب ده حط نفسك في المكان الصح. اطلب المساعدة
صدمة ان الواحد بياخدها اما يفاجئ ان فيه شاب مسلا راح موت نفسه واصحابه نفسهم اتصدموا ده كان بيضحك معنا النهاردة الصبح. ده انا مقابله من ساعتين وكان بيتفق معي انه هيقابلني
طب ما قالناش ليه ما طلبش المساعدة ليه؟ ما رحش لدكتور نفسي ليه؟ ما رحش لحد من اهل الدين. واهل العلم ليه؟ ليه سبت نفسك لنفسك لحد ما دمرت نفسيتك. اطلب المساعدة. حط نفسك في المكان الصح. واجه مشاكلك. ممكن لما تبص لها صح تفاجأ لما
ممكن ان انت تروح تخليه يساعدك ده يخليك تبص من زاوية تانية خالص وطبعا احسن حد يساعدك. ربنا وبرضه تشوف حد يساعدك. بازن الله ربنا لما النبي ابنه الوحيد انتم عارفين يعني ايه واحد ابنه الوحيد مات يا جماعة؟ يعني واحد كده كان عايش في الف لحزة حلوة هيعيشها مع ابنه. ابني ده كان لما يكبر في السانوية العامة كان يوم نتيجة
انتم هتبقى فرحة شكلها ايه؟ يوم ما يجي يقول لي انا هتجوز يا بابا كنت هفرح قد ايه؟ يوم فرحه ويوم ما مراته تحمل آآ يوم ما الواد يكبر ويطلع له شنبات وهو رايح معي جاي
تعال بقى فلما بلغ معه السعي. لحظات كتير اوي حلوة كانت في قلب الاب وابنه الوحيد مات. تخيلوا النبي عليه الصلاة والسلام بني ادم زيه زيك عليه الصلاة والسلام ما تعتقدش ان النبي يعني كان صخرة في نفسيته. النبي عليه الصلاة والسلام كان قلبه ارق مني ومنك. عليه الصلاة والسلام ولكن كان بيتصالب ويتقوى رضا
بالله ويقينا في اختيار الله وايثارا للعمل للدار الاخرة. النبي عليه الصلاة والسلام وسقة في موعود الله طبعا. ان فالنبي عليه الصلاة والسلام ابنه الوحيد مات. ربنا نزل له برقية عزاء من فوق سبع سماوات. تخيل جا لك برقية عزاء بسبب تفتح لقيت ان اعطيناك
انت خدت كتير اوي. انا انا ابني راح مين؟ انت خدت كتير. الله! ربنا بيقول للنبي غير وجهة نزرك. بص من زاوية تانية انت بتبص على حاجة فقدتها. بص على الف حاجة ربنا اداها لك. وعلى مليار حاجة لسة ربنا هيديها لك سبحانه وتعالى. اطلب المساعدة
عشان تبص من زاوية تانية تفاجئ ان الدنيا فيها زاوية تانية. وان انت ممكن الحال اللي انت شقيان فيه ده. غيرك بيتمناه. غيرك بيحلم بك بس في ناس نفسياتها سهلة. يا جماعة خلوا نفسياتكم سهلة. يا جماعة والله العزيم معزم تحطيم النفسيات ومعظم الاكتئاب ومعظم الهم
بسبب عدم السهولة النفسية بسبب الناس معقدة كل حاجة. معقدة المتطلبات. كل واحد حاطط ميت شرط لسعادته ونجاحه في دماغه. ولو ما تحققوش انا تعيس انا بمشي في الشارع يا شباب! بمشي ابص في وشوش الناس! في وشوش الاندر ايدج! في وشوش الشباب! في وشوش الاسر اللي ماشية بامشي ابص في وشوشهم! مش
حاسس ان انا الاقي سعادة. ليه ؟ البنت دي بتحلم ؟ اه لو جا لي عريس بمواصفات معينة. يا بنتي والله العزيم خليك سهلة. والله العزيم شروط السعادة في الحياة ابسط من كده
والولد ده بيحلم اه لو اتعينت في كزا. اه لو جبت والله شروط السعادة في الحياة ابسط من كده. خليك سهل. ما تعقدش نفسك بسبب اه يعني تصورات وهمية عن شروط انا لو حصل كزا هبقى سعيد اه لو بقيت هبقى سعيد. طب رح ماضي بيلد هتلاقيه اصلا الواد سعيد ولا حاجة. لو بقى معي
عشرة مليون جنيه بقى سعيد. طب صاحب اللي معه عشرة مليون جنيه. هتلاقيه عايش تايه. وهمومه عشر اضعاف همومك. انا لو بقيت جميلة جدا جدا هبقى سعيدة طب روحي كده شوفي الجميلة جدا وشوفي مشاكلها الاسرية وشوفي حالتها النفسية وشوفي مشاكلها مع ابوها وهي لسه بنت وشوفي هتلاقي حياتها
اسوء من حياتك يا جماعة بلاش نبص لبعض. ربنا بيقول الهاكم التكاثر. مش الهاكم الاكثار. التكاثر تفاعل. يعني مين هيبقى اكتر من مين يعني اللي ضيعنا ان احنا قاعدين نبص للي في ايد بعض. بصش للي في ايد حد. خليك سهلة ارضي. اه انا انا مبسوط. والله يا جماعة بكلمكم انا مبسوط بشكلي قوي. انا مبسوط
طب سكني جدا. انا سعيد والله يا جماعة بالعربية اللي انا راكبها وفرحان بمراتي وبعيالي وفرحان بكل حاجة ربنا اداها لي ومرضي والحمد لله اللي انا خدته يا رب. الف حمد وشكر لك يا رب. انا مرضي. مرضي اوي اوي اوي خليك سهل تبقى سعيد. انت مش حل انك تبقى سعيد
انك انت احلامك تتحقق انت حل انك تبقى سعيد. انك انت تتنازل عن كثير من الاحلام الوهمية اللي انت عايش فيها. انت حل انك تبقى سعيد انك ترضى. انت حل انك تبقي سعيدة انك تبقي سهلة وتكتشفي ان ما فيش مشكلة اصلا. عشان تطلبي حل لها. انت سعيدة ومبسوطة وفي بنات
في سنك الوقتي نايمين في مستشفى السرطان مستنيين الموت. وفي شباب في سنك الوقتي هيناموا الوقتي عشان يروحوا يغسلوا كلى بسبب الفشل الكلوي بكرة. وفيه فيه وفيه انت انت ما عندكش مشكلة. انت معزم تعاستك بسبب مشاكل وهمية انت عايش فيها. انت لو شفت المشاكل اللي بحق وحقيقي هتعرف ان دي مشاكل وهمية
وبسبب احلام وهمية توهمتي وانت توهمت ان هي سبب السعادة وهي اللي سبب سعادة ولا حاجة. والله العزيم انت مرضي والله العزيم وربنا مراضيك اوي اوي اوي والدنيا معك ميت فل وعشرة. وانت بص وانت حط في بطنك بطيخة صيفي وشادر بطيخ صيفي. انت انت تمام كده انت مية مية كده. بس انت بس
حافز على النعمة اللي ربنا مديها لك في حياتك. خلينا سهلين يا جماعة. خلينا نعيش الدنيا. الدنيا فيها حاجات صعبة. اه مش مستاهلة بقى ان نفسيتك تزودها صعوبة. وتزودها خلي نفسيتك نفسية جميلة. بص بعينين جميلة للدنيا. بص بعينين جميلة للنعم اللي ربنا اداها لك. هتلاقي الدنيا بقت جميلة قوي. وهتلاقي الدنيا بقت سهلة قوي. وهتلاقي
اقبال الهم اللي فوقك اللي مخلية عندك تاكي كارد يا بالليل قلبك قاعد يضرب مية واربعين نبضة في الدقيقة من كتر التوتر والقلق اللي انت فيه ده هتلاقي الدنيا فكت
وتلاقي الموضوع بسيط. انزل بقى خد نفسيتك كده فسحها كده بقى وايه اكلها طبق كشري حلو كده وبعد كده شربها بقى كوباية عصير طب كده وارجع ومزاجك عنب وافرح بنعم الله عليك ده انت غرقان نعم. ده انت ربنا مغرقك نعم والله العظيم. ابدأ فتح عينك بس وشوف
ايه الجمال اللي في حياتك؟ فيه واحد يقعد يقول لك انا عايز اتجوز تاني. عايز اتجوز تاني ، انا عايز اتجوز واحدة جميلة. غير عينك بس في نزرتك لمراتك. هتلاقي مراتك جميلة. وهتلاقي
بيتك جميل وهتلاقي حياتك حلوة ارضى. لو رقت هبقى سعيد والله عادي والله السعادة ما واقفة على مرض ولا غير مرض. آآ لو ومراتي كذا هابقى سعيدة. كل دي اوهام يا جماعة. استمتع باللي انت فيه. هتلاقي اللي انت فيه جميل. وارضى باللي انت فيه. وخليك سهل. هتلاقي نفسك
النضارة السودا اللي حوالين عينيك دي فجأة اول ما خلعتها لقيت نفسك بتبص مبسوط وسعيد والدنيا ميت فل وعشرة. الله يوفقكم الله يفرح قلوبكم. الله يجبر الله يروق بالكم سبحانك اللهم وبحمدك اشهد ان لا اله الا انت استغفرك واتوب اليك