شيخ عماد كنت عاوز اسألك سؤال. اتفضل يا حبيبي. هو انا سمعت حديس عن الرسول صلى الله عليه وسلم عن فضل صلاة الضحى هو ايه صلاة الضحى اهي اصلا وبتتصلى امتى
طيب شوف يا عمر آآ صلاة الضحى من الصلوات الجميلة قوي اللي النبي صلى الله عليه وسلم شرعها لنا وقال لنا حاولوا تحافزوا عليها كانت دايما وصية النبي صلى الله عليه وسلم للصحابة ان هم يحافزوا دايما على صلاة الضحى. طب تعال اولا نعرف يا عمر اولا ايه بقى فضل صلاة الضحى؟ بص يا عمر آآ اولا ربنا سبحانه وتعالى لما خلق
الانسان خلق الانسان تلتمية وستين مفصل كل مفصل انت المفترض تشكر ربنا سبحانه وتعالى عليه. النبي عليه الصلاة والسلام بيقول في الحديث خلق ابن ادم على ثلاثمائة وستون مفصلا وقال في حديث على كل سلامة من احدكم صدقة. كل مفصل من المفاصل دي عليه صدقة. فكل تسبيحة صدقة وكل تحميدة صدقة وكل تكبيرة صدقة. وكل تهليلة
صدقة ثم قال ويجزئ عن ذلك كله ركعتان يصليهما المرء من الضحى. فركعتين الضحى دول انا دايما بسميهم صلاة الشكر. انت بتشكر ربنا وتعالى على نعمة البدن اللي ربنا سبحانه وتعالى عطاه لك. الفضل التاني وهو ان النبي صلى الله عليه وسلم بين لنا آآ ان
اللي عايز فعلا ربنا يحفزه ويحميه طول اليوم يهتم اوي بصلاة الضحى. وده حديث قدسي عن الله سبحانه وتعالى النبي صلى الله عليه وسلم بيقول قال الله عز وجل يا ابن ادم اربع ركعات من اول النهار يعني لو صليت الصبح او اربع ركعات من اول النهار اكفيك اخرها وتفضل في حفظ الله وفي رعاية الله تخيل بقى اللي هيحفظك هو ربنا سبحانه وتعالى
ربنا يحفزك ويرعاك ويصونك ويحميك. الصلاة دي اللي بتدل فعلا انت قد ايه محب لله سبحانه وتعالى انت فعلا بتحب ربنا. وده دايما انا بعض الاوقات بجعله مقياس من المقاييس اللي بتدل فعلا احنا بنحب ربنا سبحانه وتعالى لأ. النبي صلى الله عليه وسلم بيقول في الحديث صلاة الاوابين صلاة الضحى. صلاة الاوابين
ناس بتحب ربنا وكل شوية ترجع لربنا بالطاعة والعبادة. فهم اللي بيحافزوا على صلاة الضحى. وزي ما قلت لك يا عمر النبي صلى الله عليه وسلم كان بيوصي الصحابة به
سيدنا ابو هريرة بيقول اوصاني خليلي صلى الله عليه وسلم بثلاث لا ادعهن ابدا حتى اموت. ومن بين الحاجات اللي النبي وصاه بها قال له وركعتي الضحى. انا باوصيك بركعتين الضحى. فده فضلها. اه اه بالنسبة لوقتها اصليها امتى؟ شف يا عمر
ببساطة خالص النبي صلى الله عليه وسلم كان بيأمرنا ان احنا نصليها بعد طلوع الشمس آآ بارتفاع شمس قيد رمح. طبعا ده حديث النبي صلى الله عليه وسلم. طب احنا نعرفها ازاي في توقيتنا الحالي دلوقتي؟ احنا بنشوف الشمس غالبا عشان البيوت والكلام ده
وما عناش رمح والرمح ده قد ايه. فانا هديك مقياس بسيط خالص. بص على الشروق وقت الشروق في النتيجة. وبعد الشروق بربع ساعة قم صل صلاة الضحى ده اول وقت صلاة الضحى. اخر وقت صلاة الضحى قبل الضهر بتلت ساعة. لان التلت ساعة اللي قبل الضهر دي ده وقت مكروه في الصلاة. وقت صلاة
وضوح ممتد بقى ما بين هذين الوقتين طب تصليها كم ركعة كم من طبيعة النبي صلى الله عليه وسلم انه ما بيستمرش في عبادة على صورة واحدة. كانت طبيعة النبي صلى الله عليه وسلم دايما وسنته انه كان بينوع في العبادة
فثبت مرة ان النبي صلى الله عليه وسلم صلاها ركعتين. هم. وثبت مرة انه صلاها اربعة. زي في حديث آآ احفظك اخره. يا ابن ادم اربع ركعات من اول النهار آآ
فيك اخرها. وثبت في حديث انس ان النبي صلى الله عليه وسلم صلاها ست ركعات. وثبت في حديث ام هانيء لما النبي في فتح مكة وصل ودخل بيتها قالت ان النبي صلى الضهر عندها تمن ركعات
فممكن نصلي الضحى اتنين ممكن نصليها اربعة ممكن نصليها ستة ممكن نصليها تمانية وكل ده ثابت عن النبي صلى الله عليه وسلم. طب اصليها في البيت ولا في المسجد يا عمر
شوف السيدة عائشة قالت ان هي شافت النبي صلى الضحى اربع وزاد ما شاء. فده كان في بيتها وفي عندنا احاديث بتدي لصلاة الضحى في المسجد فضيلة احسن شوية. هم
آآ وزي ما قلت لك النبي دايما بينوع فكان مرة بيصليها في المسجد ومرة بيصليها في البيت. يعني النبي صلى الله عليه وسلم لما اتكلم عن المسجد قال من صلى الفجر في جماعة ثم جلس
فسيذكر الله حتى تطلع الشمس ثم قام فصلى ركعتين الا كتب الله له اجر حجة وعمرة تامة تامة تامة. قعدت في المسجد بعد صلاة الفجر السنة دي وقت الضحى قمت صليت ركعتين ربنا يكتب لك اجر حجة وعمرة. او النبي صلى الله عليه وسلم قال لنا في حديث اخر من خرج الى صلاة الضحى لا ينهزه الا
هو مش خارج الا عشان صلاة الضحى اي يصليها في المسجد كتب الله له اجر عمرة. فانت ممكن تصليها في البيت وممكن تصليها في المسجد. زي ما ربنا سبحانه وتعالى جعل للليل عبادة اسمها قيام الليل ربنا برضو جعل للنهار عبادة اسمها صلاة الضحى
فهمتها يا عمر؟ تمام. شكرا لك يا شيخ احمد. ماشي يا حبيبي