البر بابيك ان تجهز من سيصلي على ابيك. ده من الحاجات اللي فيها بر عالي. هو الاب بيموت كم مرة مرة ولا تلاتة؟ مرة واحدة؟ مرة واحدة صح؟ ففي فرص مش هتتكرر. في فرص ما
بيترفع وده يخلينا نركز في حاجتين تلاتة. الحاجة الاولى زي ما ابن عباس كده رضي الله عنه كان له ولد توفي فكان عنده واحد اسمه الكريم. وهو في البيت فقال لقريب انظر هل اجتمع
الحمد لله رب العالمين له الحمد الحسن والثناء والجميل. اشهد ان لا اله الا الله وحده لا شريك له. واشهد ان محمدا عبده ورسوله. وبعد فاسأل الله سبحانه وتعالى ان يزينا واياكم بزينة الايمان. واسأل الله سبحانه وتعالى ان يثبتنا على ما يحب
الرحمن حتى نلقى في امن وامان. تكلمنا عن السائر في طريق الحياة الطيبة يحتاج ان يلقى الله طاهرا نقيا خفيفا من اثقال الذنوب والخطايا. وهذا العبد حتى يلقى الله سبحانه وتعالى لابد ان يمر على انهار يغتسل بها. فالله سبحانه وتعالى يسر للانسان محطات
تنقية محطات يغتسل بها يتخفف من اضران الزنوب والخطايا الله واياكم قلنا ان في منهم تلاتة امور تمحصه وتكون سبب في تطهير غيره من الزنوب. في الدنيا تلاتة الاول التوبة والاستغفار. الثاني وهو الحسنات الماحيات
والثالث هو المصائب المكفرات. قلنا ان التوبة انسان اذا تاب وصدق في توبته فانه او يوفق انه يلقى الله سبحانه وتعالى وقد اغتسل من سيئاته وآآ يلقى الله طاهرا نقيا. ان لم يوفق لتوبة فالحسنات الماحيات التي تمحو السيئات
وبها تمحى ديت تساعده ان هو يلقى الله سبحانه وتعالى وليس عليه خطيئة فواحد ارتكب زنوب وكلنا هذا الرجل. فقدامه اما عشان يلقى الله والذنوب دي ما تكونش موجودة يبقى رقم واحد يتوب
طب هو ما تابش يبقى لازم فيه حسنات عشان الحسنات تذهب هذه السيئات ويوم القيامة الميزان بتاع الحسنات يبقى من ميزان السيئات. طيب حسنات المحيات بتاعته مش كتيرة. ما كانش بيعمل حسنات كتير وعمل زنوبه
وما تابش يبقى البند التالت وهو المصائب المكفرة. يقيد ويدبر يقيد عليه ويقدر عليه بعض الاشياء التي تقيده. تمنعه من الانطلاق كما يريد من امراض وغيرها. طيب لو المصائب ديت ما طهرتهوش كفاية. هو عنده مسلا هنقول واحد عمل الف زنب
التوبة ما تمش حسنات الماحيات شالت تلتمية فباقي سبعمية المصايب شالت متين. خلاص كده ما لوش امل ولا فيه امل؟ تعالوا نشوف كده. يدخل قبره مات الانسان. اول بند هيكون معنا. ويبدأ يساعده في التطهير ده والتخفف. الا وهو صلاة
صلاة الجنازة اثابكم الله. صلاة الجنازة ان النبي صلى الله عليه وسلم اخبرنا في اكثر من رواية انها تكون سببا للتطهير. الشاب اللي قاعد وراء اسمك ايه ايوة انت ايوة احمد عارف يعني ايه صلاة الجنازة يا احمد؟ طب انا هاقولها وبعدين انت هتقولها
اتفقنا؟ صلاة الجنازة دي لما واحد بيموت ربنا يرحم اموات المسلمين. بنصلي عليه صلاة اسمها صلاة الجنازة الصلاة دي ركز يا احمد. الصلاة دي لا فيها ركوع ولا فيها سجود. يبقى هنصليها واحنا ايه
واحنا ايه؟ واحنا واقفين مش واحنا نايمين. سب يا عم احمد يقول يا عم. هو احمد ده صغير ده راجل صايم. مش صايم يا احمد؟ طيب كمان ما شاء الله
الفجر ده حاجة كبيرة اوي. فبنصلي واحنا ايه واقفين. ما فيش ركوع ولا فيه سجود كم تكبيرة بقى؟ نقول الله اكبر كم مرة؟ اربع مرات. خلاص؟ اول مرة بنقول الله اكبر. الامام يقول الله
اكبر نقرأ الايه؟ الفاتحة. التكبيرة التانية نصلي على النبي. صلى الله عليه وسلم. تمام؟ التالتة والرابعة بندعي للميت وايه؟ واه لغيره. لكن الاصل طيب تقدر توهم لنا تاني بقى صلاة الجنازة دي عاملة ايه؟ ها؟ اربع تكبيرات. صح
ايه؟ نقرأ فيها ايه؟ الفاتحة. والتانية بنصلي على النبي. نقول الجزء الايه؟ النص التاني من التشهد. حافز التشهد ولا نص ونص. ربع وربع. ربنا يحفظك. ركز معي بقى. فصلاة الجنازة
يقول النبي صلى الله عليه وسلم ما من رجل مسلم ما من رجل مسلم يموت تقوم على جنازته اربعون رجلا لا يشركون بالله شيئا الا الله اكبر. وفي رواية ما من ميت يصلي عليه امة من الناس يبلغ مائة كلهم
يشفعون الا شفعوا فيه. الشفاعة يقول لك انا عاوز حد يشفع لي. ان انا الحاجة ديت اوصلها ان انا ادخل الاختبار ده. اللي انا آآ ارزق الوزيفة دي. الشفاعة يعني الحاق من لا يستحق
بما يريد. ماشي؟ هو لا يستحق الدرجة دي. فالشفاعة تيجي ترفعه هو لا يستحق هترفعوا درجة اتفقنا؟ فالشفاعة يعني يعني ده لا يستحق المغفرة. لكن بسبب اخوانه ايه اللي يحصل لهم
شف كده ايه اطلع برة كده شف الناس مجتمعين. قال نعم يا ابن عباس قد اجتمعوا. قال كم؟ قال اربعون. يعني اربعين كده؟ قال نعم يا ابن عباس. قال اذا نصلي عليه. شوفوا ابن عباس كان ممكن ابن عباس يقول لك انا
حبر هزه الامة والنبي صلى الله عليه وسلم داعي لي وانا وانا وانا ويدخل ايه؟ لا هو يعلم قدر. دعوة اخيه المسلم. ولذلك انت وانت بتدعي بتقول ايه؟ وانت قاعد تقول اللهم ان كان محسنا فزد في احسانه وان كان مسيئا فتجاوز عن سيئاته ووسع موته وتقول الكلام الكتير ده
من ضمن الادعية تقول ايه؟ لا تحرمنا اجره ولا تفتنا بعده. يعني كأن اخوك المسلم ده كان حماية لك وحصن لك فلما مات انت معرض للفتن. فانت بتسأل ربنا تقول له يا رب انا لا اريد ان افتن بعد هذا الرجل. فشوف الاسلام بيقوي
العلاقة عاملة ازاي؟ تبقى ماشي في الشارع يقول لك ده صلاة جنازة تروح تدخل تصلي جنازة وانت سبحان الله ما تعرفوش ومع ذلك تقول له يا رب لا تحرمني اجر هذا الرجل
ولا تفتني بعد هذا الرجل. الامر الثاني وده مهم جدا يا شباب. انك تجاوب على السؤال من سيصلي عليك جنازتك؟ مين هيصلي عليك الجنازة؟ في المجمل اصحابك كله يعرفوك فعشان كده شوف مين اللي انت تتشرف وتحب انك تدخل قبرك وهم كانوا اخر من
كانوا معك ويصلوا عليك. مين بقى؟ كان في شباب في يوم من الايام مسافرين الساحر والعربية بتاعتهم اتقلبت وكانوا بيشربوا. ربنا يعافينا واياهم ويغفر للجميع. واحد منهم مات. الاتنين التانيين
بلغوا الاسعاف وبتاع وهقوم وايه وخلعه. جزء خوفا وجزء ان هو ايه قال لك عمي انا ما ليش علاقة وبتاع واهله هيجوا ويعملوا فخافوا من البوليس وخافوا من اهله. فباعوه وهو ميت
هو كده اصل هو هيقف معك ليه يعني؟ آآ الدكتور حازم شوان بيقول ان هو برضه كان في يوم من الايام كده في شباب اه ربنا يحفزه يعني فبيقول ان في شباب كان في واحد توفي وكان مبتلى برضه ايه؟ بالبعد عن الله في حاجات زي ديت ربنا يتوب عليه
ويعفو عنا. فهذا الشاب ده كم في صحبة كده المهم في واحد منهم مات. هو بيقول انا رحت فلقيت المجموعة من الشباب فقلت له يلا عشان تصابوا. فواحد يقول له انا ما باصليش. والتاني يقول له اصل انا مش متوضي. والتالت يقول له مش عارف ايه
الرابع يحاول يخلع كده والشيخ بيكلم الناس ومش عارف ايه هم دول. لكن تخيل بقى سبحان الله اما تكونوا صحابك من اهل الله وخاصته. من اهل القرآن من اهل المساجد
من اهل الصلاة. ما صح ابوك وما عرفوك وما احبوك وما اقتربوا منك الا لله سبحانه وتعالى. ودي حب ما فيهوش اي مصلحة. احيانا كده تلاقي واحد كده جاي يسلم عليك ويديك حاجة ولا يؤثرك بشيء وانت قاعد تقول له اكيد ده ناوي يعمل اكيد هو بيقول لي
الحاجة ديت عشان حاجة. اكيد هو يا عم لا اكيد ولا حاجة. انا باحبك في الله وخلاص. ما فيش اي مصلحة. بيني وبينك. وسبحان الله فده الوقفة التانية. الوقفة التالتة مع موضوع صلاة الجنازة دي. انك ما تفرطش بسهولة في اجور صلاة الجنازة
ليه؟ اول حاجة تنفع فيك تنفع اخاك. الحاجة التانية انت تستفيد من اخيك ده في اجورك انت. فانت بتنفعه وبتندم تستنفع تستنفع ايه بقى؟ تخيل لو انا قلت لك دلوقتي ان الايراد في ميدان القومية او كل ميتين متر في
ميدان القومية عليهم عرض لغاية الضهر بالف جنيه المتين متر. فيه حاجة هيكمل الدرس؟ اللي بيدي الدرس مش هيكملوا. فالكل هيطلع يشتري صح؟ لو احنا واسقين خاصة لو المعروض قريب
كله هيجري. ليه؟ الكل ايه عنده احنا احنا يعني سبحان الله! ربنا فطرنا بحب الخير لشديد طيب النبي صلى الله عليه وسلم بينقلك نقلة يقول لك انك تصلي على الجنازة تاخد قيراط. تشهد الدفن تاخد قيراط. القيراط ده بقى
قيل ان هو اسقل من جبل احد في الميزان. مش لازم تروحي تصلي على الجنازة اللي انت تعرفها. وانك تتكسف لو ما رحتش هيعاتبوك. لأ. عشان كده من الحاجات الجميلة قوي انك تعرف المساجد زي مسجد مسلا القدس
المسجد قريب من المقابر قريب منك. لو رحت تصلي الضهر والعصر بنسبة خمسة وتسعين في المية هتلاقي جنازة ابن عمر رضي الله عنه لما عرف الحديس ده كان قاعد كده وجنبه شوية حصى كده. فلما عرف ان النبي قال كده راح ماسك شوية الحصى دي وراح راميها
تندما يعني بيندم كده يقول لك ايه لقد فرطنا في قراريط كسيرة. الله المستعان. عشان كده لما تشوف اما تشوف جنازة حد في الشارع ولا في المسجد وكده دي مش جنازة. هم شايفينها جنازة بس انت شايفها ايه؟ قيراط
انا شايف ان ده ايراد في الميزان. انا مش شايف ان دي جنازة. الحاجة التانية شايف ايه؟ ان ده ان دي صدقة انفع اجري انفع اخويا فيها. ويا جماعة الخلق ده خلق الاحسان والرقي ده يوفقك الله سبحانه وتعالى لمن يحسن اليك
اذا وراك التراب تلاقي ان فيه ناس كده ان ربنا سبحانه وتعالى يصطفيك ويختارك ان في ناس تصلي عليه ما كنت تحلم بهم. كان في حد من الشباب القصة دي من حوالي خمستاشر حوالي سبعتاشر سنة كده. هو دخل المسجد هنا
مساجد بتاعتنا دخل وتسنن زين الله وجهه بهدي رسول الله صلى الله عليه وسلم اي اقصد باللحية. قعد حوالي تمان تسع شهور في الايه في الاستقامة دي. وكان ما شاء الله لا قوة الا بالله طلقة قرآن وعبادة وبتاع والكلام ده كله. والده في الاوقات دي توفي
طبعا هو اما دخل المسجد اتعرفوا على مين؟ على الجماعة قالوا الايه؟ اهل الاستقامة الناس اللي ايه؟ اللي بيلعبوا في الدماغ دول يقول لك خلي بالك هيلعبوا في دماغك ومش عارف ايه وبتاع دي المشكلة لما يلعب في دماغك. يعني دماغي مصدية وواحد صنفرها ونضفها ايه يعني؟ اقول له شكرا جزاك الله خيرا. صح
المهم يعني نتعرف على الشباب نتعرف على الناس الملتزمة. ايه اللي حصل بقى؟ والده لما توفي جنازته كانت من اكبر اللي كان فيها اخوة الموقف ده عدى عليه بعده بشهرين هذا الشاب عاد الى ما كان عليه. ورجع تاني ايه؟ نسأل الله ان يعني
يهدينا ويهديه ويهدي جميع المسلمين ويثبته. واسأل الله ان يحفزه وان كان عايش وايه يرحمه ان كان ميت. فانا سبحان الله الموقف ده لا يغيب عني عندما ازكر مسل هزه الامور. اقول ايه؟ سبحان الله! هذا الرجل والده له شيء. اختاره الله سبحانه وتعالى من
يصلي عليك فايه قدر لابنه انه يتعرف على الصحبة الصالحة دي في الاوقات دي. ليه؟ هو كانت دي كانت رزق لوالده. وقد كان. سبحان الله! ومن ابر البر. من ابر
فلما يحصل حاجة زي كده وتلاقي صحبة صالحة ويدعوا لك تستشعر كده بقى اما يبقى فيه مسلا ميتين واحد من اهل للي لله سبحانه وتعالى ومن اهل الصلاة ومن اهل التقوى الله سبحانه وتعالى وقاعدين يقولوا اللهم ان كان محسنا فزد في احسانه
ان كان مسيئا فتجاوز عن سيئاته. اللهم اجعل قبره روضة من رياض الجنة. شف شف المعاني دي كلها اعمى كل فاضل دول يدعوا. فده الحاجة ايه؟ اول حاجة في القبر. تطهر. طيب ايه كمان يطهر في القبر
اه عبادة بقى بتاعة الازكياء التجار الناس التجار ايه هي بقى ناس بتبني لقبرهة وتجهز لقبرها. فيه ناس عمليا فعلا بيجهزوا للقبر اللي هو الزاهر غير كده يقول لك يعني اعمل كده بص اهم حاجة بس يبقى في سيراميك في الداخلة. يا حاج الدنيا كلها هتولع. لكن احنا النبي صلى الله عليه وسلم بيقول لنا اذا مات
ابن ادم انقطع عمله. العمل انقطع. الا من ثلاث. الا من ثلاث. دول ابرز تلاتة في واحدة منهم هيفصل فيها النبي صلى الله عليه وسلم في حديس اخر. ايه هم التلاتة؟ قال النبي صلى الله عليه وسلم
علم ينتفع به. علم ينتفع به. العلم الذي تعرف به الحق من الباطل الذي يقربك من الله. الذي يعرفك دينه. الله سبحانه وتعالى علم ينتفع به. ارجع كده بالزاكرة. وانت عندك اربع سنين ونص وخمس سنين ونص. فاكر نفسك يا محمد؟ وانت عندك خمس سنين كنت عامل ازاي
زي امور وهادي وطيب كده شف ارجع كده وانت عندك اربع سنين وخمس سنين مين اللي علمك الفاتحة؟ فاكر انت مين اللي علمك الفاتحة؟ انت ما تعرفش خلاص لكن في الاخر
الملائكة دونت مين اللي علمه الفاتحة؟ هو النهاردة بقى له كم سنة بيصلي؟ طب كم ركعة صلى فيها وقرأ الفاتحة ده في ميزان مين؟ علم علمه. اللي علمه. عشان كده اوعى يفلت
من تحت ايدك طفل في العيلة الا اما تتأكد معه وتراجع له الفاتحة دي. مشروع كل اللي قاعدين يعرفوا يعملوه. اي شاب غير كده تلاقيه في المسجد تروح واخده كده تعال حافظ الفاتحة؟ اه يقول لك اه وتلاقيه بيتهدأ فيها اكد عليه خليه
يرجعها تقول له كل يوم تيجي تسمعها لي. واليوم مش مش هتغلط فيها هديك جايزة. مرة في اتنين تسبت بس قل له ايه؟ يلا توكل على الله بيقول لك انت كنت بتعمل كده ليه يا شيخ؟ مش مهم. بكرة تكبر وتعرف. سبحان الله! ولزلك احد الكبار اه
رؤيا في المنام كان قارئ كبير يحفز الناس ويعلم الناس كتاب الله فبيسألوه بيقولوا ماذا فعل الله له بك؟ قال غفر الله لي طبعا بقى مستنيين بقى غفر الله لك. اكيد بقى بالقراءات ومش عارف ايه وعلمت ابن كثير وعلمت مش عارف ايه والكلام ده كله
قال لهم بتعليم الصبيان الفاتحة. دي اللي عدت. عشان كده ممكن تيتا تعدي بسبب تعليمك الفاتحة. علم نافع. اول واحد علمك ازاي تصلي. ازاي تتوضأ ازاي تتوضا الحاجات البسيطة دي اللي احنا ممكن نستقلها هي عند الله عالي قوي سورة الفاتحة ديت
الله جل جلاله جعلها واجب عليك سبعتاشر مرة تقرأها. صح؟ سبعتاشر ركعة واجب. يعني انت لو مش حافظ اي حاجة في القرآن لازم تحفز الفاتحة. عشان كده سورة الفاتحة لابد انك تحفزها ولابد انك تعرف تقرأها كويس. لغاية النهاردة
شباب من اللي قاعدين ما وقفوش يقرأوها كويس. صح؟ تلاقيه كده وبتاع انا بصلي من يومين كده مع واحد قمت هتطلعني من الصلاة نعيد الصلاة. اعين غير المغضوب عليهم ولا غير المغضوبة ايه بس؟ هنعيد تاني الصلاة وهتضيع لنا حياتنا وبتاع
والكلام ده كله. وانعمت ولا انعمت؟ اخر حاجة ايه؟ حافظينها ايه؟ انتم انعمت ولا انعمت حزك اسكت عاوزين الشباب يقولوها. انتم بتقولوها ايه يا شباب؟ انعمت ولا انعمت؟ انت قل لي. انعمت ولا انعمت
انعمت مين اللي انعم؟ انت؟ ها فشفت فتلاقي فيه ناس كتير بتغلط في حاجة زي كده. ده ده طبعا غير الايه؟ غير انك تقول حروف مش موجودة اصلا. زي المصطاة. صح؟ فيه ناس بيقولوا
وعلى التاء دي طاء يقول لك انا رحت المصطى مستشفى صح؟ ولا المستاء؟ تقول مستشفى صح؟ يبقى اسمها المستقيم مش المستقيم تحس ان في ومع صدى الصوت بقى وطول طاء والطاء دي تروح مطرقعة في كل اللي وراك طب انت لغاية دلوقتي ولسه ما بتعرفش
الفاتحة. طب ولغاية امتى؟ فسورة الفاتحة دي لازم تعرف تكون حافزها تحفزوها الشباب الصغير. في علم ينتفع بك. يبقى اللي انقطع عمله الا من ثلاث علم ينتفع به. وولد صالح. الولد صالح
الاكل والشرب والسكن دي مش اسمها تربية يا جماعة. اسمها رعاية. ملاجئ الايتام فيها الحاجات دي صح؟ اكل وشرب وخلاص. اتاكل واتسكن. ماشي. لكن التربية التربية. انك ترفع من روحه وليس من جسده فقط انك ترفع من روح الولد ده تربيه. التربية
صالحة التربية الصحيحة انك ترفع من دينه وترفع من خلقه. التربية الصحيحة ان الولد ده يساعدك مش يرفع اسمك بس ويشيل اسمك. يرفع درجتك في الجنة وفي قبرك. يقول لك انا عاوز ولد
يشيل اسمي. لا يا حبيبي مش عاوزين ولد يشيل اسمك. احنا عاوزين ولد صالح يرفع درجتك الراجل يكون في القبر يقول النبي صلى الله عليه وسلم فترفع يرفع درجته في الايه؟ في قبره. فيقول بما
انا اترفعت ليه لما انا من الحساب خلص يقال باستغفار ولدك لك. لك ابن طب الولد ما بيصليش اصلا ده هينفعك في ايه ده؟ ده ولد صالح والصدقة الجارية. الصدقة الجارية
يعني صدقة جارية يعني صدقة يجري اجرها لك في القبر. شفتم الناس بتبقى ماسكة بايديها وسنانها الكبار في السن ربنا يحفزهم ماسكين بايديهم وسنانهم في المعاش. صح؟ اللي هو ايه؟ يقول لك راتب يجري لي بعد انقطاع عملي
بعد القعود ييجي راتب طيب بعد ما ينقطع عملك وتدخل قدرك. يا جماعة الكلام اللي انا باقوله ده ما ينفعش يكون معلومة لازم يتقلب لمعمول. مش مجرد معلومة كده. لازم يبقى فيه عمل. انت عرفت النهاردة صدقة جارية صدقة جارية. شايف
المصحف اللي في الموجود قدامك ده صدقة جارية. السجاد اللي انت قاعد بتصلي عليه ده ده نوع من صدقة جارية. كل وقفة كل قعدة فكل اصابة اللي شارك في السجاد ده واخد اجر الصدقات الجارية. اجر ممتد ما بيقفش
شوف في ناس تلاقيه عنده شغف في التطبيق مشاركة. واحد يقول لك الحمد لله عملوا السجادة. اصل انا اول ما شفت ان هم بيلموا قلت والله ما انا مصلي اسبوع في الجامع. يخلصوا بتاع وبعدين ابقى اجي. خلصت والله المستعان. الواحد يا اخي مش كنتم تقولوا
سبحان الله! صدقة جارية المسجد اللي انت بتصلي فيه ده ده صدقة جارية. فنسأل الله ايه؟ ان يتقبل. شوفوا النبي صلى الله عليه وسلم يقول ايه؟ سبع يجري للعبد اجرهن وهو في قبره بعد موته. شايفين الاتنين دول؟ دول من مجموعة اسمها مجموعة السبع
كانوا لسه صغيرين كده ايه ايام ما كانوا طيبين كده وهم في بداية الجامعة. قلنا لهم هو الحديس ده؟ قلت لهم الحديس ده حاولوا اللي هو ايه بقى؟ سبح يجري للعبد اجرهن او وهو في قبره بعد موته. اول حاجة من علم علما. قلت لهم بتعلموا
اي حاجة وعلموها ايه؟ لاصحابكم. او اجرى نهرا او حفر بئرا ان هو ايه؟ سلك بقى ايه؟ وصلة مية رملة مية لحد مش عارف ايه الكلام ده كله. او غرس نخلة. واحد يغرس نخل لان النخل سيد الاشجار. الكل
كل شيء طالع منه في انتفاع. او بنى مسجدا. لان من بنى بيتا لله بنى الله له بيتا في الجنة. او ورث مصحفا يدي واحد مصحف كده او يتبع مصحف او او يوزع او
ترك ولدا يستغفر له بعد موته. فعملوا كل حاجة وكانوا بينهم الايه؟ الولد. فيه واحد منهم رزق والتاني ان شاء الله في سكة بازن الله. شوفوا المشروع ده انت ممكن تحس ان هو كبير. لا لا لا
ما فيش شباب هنا كانوا في تالتة سانوي واولى جامعة ولوحدهم اجتهدوا وربنا وفقهم وبحوله وقوته اعانهم. سبع يجري للعبد اجر العقل. عارفين مما يجري للعبد؟ خلاص؟ اللي انتم فيه ده هم شاركوا فيه. شاركوا في توسعة المسجد. وواسطة الماية بتاعة المسجد. فانت النهاردة
اعمى ما تيجي تفكر كده هي دي نعم الصحبة. تبقى انت ومجموعتك كده تعالوا يا جماعة نعمل حاجة لعل ننتفع بها ندخل بها قبورنا. زي ما بتيجي نقول ايه نطلع النهاردة نتعشى بالبرنس يلا اطلع اطلع البرنس. طيور تتصل به الساعة واحدة بالليل انت فين يا ابني وبتاع يقول لك انا في القاهرة بتعمل ايه
والله بنتعشى. جميل ترى حاجة مباحة بس تشوف الفلوس اللي قاعدة بتبزلها ديت في تلت اربع مرات من دول دول ممكن. يكون ممتد في قبرك. فما تضيعوش. بعض الناس يموت ولا يزال يصلي
ردد بيصلي. هو مات ويصلي. شف انت استشعر تبقى انت في الزقازيق واتدفنت والمفترض هتتحاسب على خلاصه وهتخش حساب على سيئة معينة وانت في قبرك تفاجئ واحدة فين في جنوب افريقيا
بترمي الجردل بتاعها في بيره وتجيب كوباية ماية عشان تشرب البقرة اللي معها. بتحط كده شربت انت وانت في قبرك. ليه؟ اصل انت كنت مشارك في البئر ده. فالمية دي في كل كبد رطب اجر. النبي صلى الله عليه وسلم بيقول لنا كده. اي
حاجة حية تشرب من الماية دي لك انت فيها اجر. عشان كده من ابرك الصدقات ما يتعلق بالمائين الماء الزي به الحياة حياة الارواح وهو القرآن والماء اللي به حياة الابدان وهو الماية العادية. للنبي صلى الله عليه وسلم يقول
الصدقة سقيا الماء. سقيا الماء. انك النهاردة تعمل وصلة ميه لحد طرمبة ميه لحد. طرمبة الميه النهاردة حوالي خمس تلاف جنيه. خمس تلاف جنيه مش حاجة يعني ضخمة يعني او انت وزمايلك وبتاع جمعتوا وعملتم لكم واحدة شف الماية دي كل حاجة
حد بيشرب منه في ميزانك. انا والله زرت بيوت في الصعيد. والله ليس لهم فراش الا الارض ولا يلتحف الا السماء. عشان الماية ما فيش ماية في البيت. كان بيجيبوا ماية اهيت بتتحرك كده حوالي تلتميت
ربعميت متر يروح يجيب من مكان كده ويجي. تروح انت عامل لهم طرمبة مية في بيتهم ياه شف بقى. سترت النساء اللي جوة وعافية وربنا رزقك انك اتوضوا بسبب المية دي. كل الخيرات دي. بكلام فاضي. كلام فاضي. بالنسبة لك هو فاضي
لكن عند الله تحسبونه هينا وهو عند الله عظيم. سبحان الله. النبي صلى الله عليه وسلم يقول اتقوا النار ولو بشق تمرة نص تمر كده هتفرق. طب اخر حاجة بقى في القبر. ما يقدره الله سبحانه وتعالى من بعض الاشياء التي يكون
وفيها ايه؟ تضيق عذاب حساب في القبر. لان اللي يتحاسب في القبر ده من ضمن تطهيره من الزنوب نسأل الله العفو والعافية حتى لا يحاسب في يوم القيامة اللي هو يوم خمسين الف سنة. وانا هاقول لكم في الاخر ملف يريحنا
من كل ليه الاشكالات دي ؟ لأ احنا عاوزين حاجة ما نخشش في الايه ؟ الاحتمالات دي كلها. ده اللي هنختم به ان شاء الله ايه هذه الفرص العشر. اسأل الله
سبحانه وتعالى ان يطهر صحيفتنا وان يجعلنا واياكم من اهل الله وخاصته ويرزقنا واياكم حسن العمل وحسن الخلق وحسن الختام. اقول قولي هذا واستغفر الله لي ولكم