السلام عليكم ورحمة الله وبركاته الحمد لله رب العالمين له الحمد الحسن والثناء الجميل واشهد ان لا اله الا الله وحده لا شريك له واشهد ان محمدا عبده ورسوله. وبعد
دخلنا ليالي الفرح واقبلنا على اعياد المؤمن. الاوقات التي لا تستقبل الا بالفرح. ولا تستقبل الا والسرور والحضور ولزلك كان النبي صلى الله عليه وسلم يخبرنا ويرغبنا ويقول التمسوها في العشر
دخلنا على الليالي اللي بسببها احنا اجتهدنا في الفترات اللي فاتت وكل اللي فات ده كان تهيئة للتهنئة كل اللي فات ده كان استعداد للامداد لليلة الوداد فنحن مقبلون على ليلة الوداد
فالتمسوها. هذا لفظ النبي صلى الله عليه وسلم فالتمسوها اي فالتمسوا ليلة القدر. سبحان الله النبي صلى الله عليه وسلم ذكر احاديس هذه الاحاديث مهم جدا ان احنا نعيش معها
الحديس الاولاني من صام رمضان ايمانا واحتسابا غفر له ما تقدم من ذنبه بس انا للاسف الشديد الفترة العشرين يوم اللي فاتوا دول انا ما كنتش كويس اه الصيام بتاعي كان احترق
آآ في ايام سبحان الله عملت فيها حاجات غلط ومش عارف ايه طيب امسك الحديس التاني من قام رمضان ايمانا واحتسابا غفر له ما تقدم من ذنبه. للاسف في ايام يا شيخ
وقد تشفيها الليل في ايام راحت علي ما صلتش فيها الوتر في ايام في ايام في ايام لو فاتك المهم فجاي الاهم من قام ليلة القدر ايمانا واحتسابا غفر له
ما تقدم من ذنبه اه هنا الاستنفار ركز بقى معي مهما كنت بعيد عن ربنا. مهما كنت لخبطت حتى في رمضان حتى في رمضان ولم توفق وما مشتش كويس من البداية
وكان عندك ظروف واتلخبطت وكان في خناقة اسرية وكان في الموت بتاعي ما كانش قد كده ورحت بصيت على حاجة مش كويسة ومشيت مع ناس مش عارف ايه في العشرين يوم دول. شف لو كنت بتعبد الوسم
وجيت مسلم النهارده فانت جيت في وقتك انت جيت في وقتك جيت في وقت اللي كل حاجة بتخلص فيه جيت في وقت وفي العروض اللي كل حاجة هتتحل فيها ان شاء الله
تخيلوا عشان ندرك احنا مقبلين على ايه لو كلنا ساكنين في القاهرة كلنا ساكنين في حي ما كل الناس ساكنة مسلا بحي امبابة وهما عارفين ان في واحد هيعدي من بعد صلاة العشاء الى الفجر. الراجل ده اللي هيلاقيه واقف قدام عتبة بيته هيدي له بليون دولار
فانت وقفت اول يوم هو راجل هيعدي في العشرة ايام دول فانت وقفت اول يوم ما لقيتوش عدى. تاني يوم هتعمل ايه هتقف ولا مش هتقف انت غالبا هتنقل الحمام على العتبة
ليه؟ عشان ما يجيش في وقت تكون انت ايه؟ جوة ده انت هتوقف ولادك وزوجتك هتكون معك والست الكبيرة المباركة الجدة هتبص من البلكونة طب اصل انا تعبان التعب ملحوق عليه النوم يا سيدي معاك شوال نم فيه
ليه؟ انا ما عرفش هو هيمر امتى بالزبط بكرة ولا النهاردة ولا بعد بكرة؟ لكن اللي عندي فيه يقين انه سيمر في العشر ومن وجده قائما اعطاه بالله عليك هذا عرض يفوت
هذا عرض يفوت كان عندك ديون عندك هموم عندك غموم مش عارف تزوج بنتك عشان مش معاك فلوس الراجل هيديك مليون دولار مش عارف تتعلم الراجل هيديك مليون دولار مش عارف تشتري بيت هتاخد مليون دولار
ده عرض هيفوت مفوت وما ادراك ما ليلة القدر حتى انت يا محمد لا تدرك العظمة اللي فيها يا جماعة اما تيجي تحسبها هي مش الف شهر هي خير من الف شهر وادنى درجات الخير
شوفوا المضاعفات بتاعة الحسنة اللي حسنة بعشرة ادنى خير اضرب بعشرة الله اكبر السانية الليلة دي اما تيجي تحسبها تقريبا اتنين وعشرين ساعة واتنين من عشرة وما ادراك ما ليلة القدر
الدقيقة تقريبا خمسة وخمسين وخمسة من عشرة يوم الساعة تقريبا تسع سنين تسعة وواحد من عشرة سنة العشر ان شاء الله ستصلح بتوفيق الله ما افسدته الايام في قلبك. فاستعد
التمسوها. النبي صلى الله عليه وسلم بيقول لك التمس انتبه فمحتاجة طول نفس محتاج انك تاخد بالك انك تقف تتعمد الوقوف في الطريق ليه؟ لان في حاجة هتعبر ها هنا
الله اكبر شوفوا يا جماعة السباق لابد ان يشتد. لان جنة العرفان والرضوان تتزين وفي رمضان ما زال في رمضان بقية لركعة بقية لدمعة بقية لدعوة بقية لدعاء بقية لاحسان بقية
صدقة بقية غير حياتك اللهم انك عفو تحب العفو لا يعفو فحسب بل يحب. يعني هو احنا مقبلين على ايام السيدة عائشة بتقول للنبي صلى الله عليه وسلم يا رسول الله لو انا ادركت الليلة دي وحسيت ان هي اقول ايه؟ امسك
في ده لان هو لا يعفو فقط ولكن يحب العفو بيقول لك انت كلم محمد واقول له يا محمد احنا عاوزين كزا هو بيحب دي قوي مش مجرد بيعملها لأ بيحبها
اول ما هتطلبها هيديها لك سبحان الله خير من الف شهر كل الناس سبقوني كل الناس اشتغلوا اكتر مني في ناس كتير سبقوني في الاستقامة سبقوني في الهداية سبقوني في كزا
جات لك الفرصة جات لك الفرصة انك تسبق ملايين من اللي سبقوك لربنا الله اكبر عشان كده يا جماعة ميزة العشرة دي ان اه خير من الف شهر ده الف شهر حتى لو حسبناها ليها تلاتة وتمانين وكسر سنة يعني ايه تقريبا انتو اعماركو مش هتعدي كده
فكأن الاية بتقول لك ليلة بعمرك ليلة بعمرك من يوم ما اتولدت وصرخت لغاية ما صرخوا عليك وهم بيدفنوك ليلة بعمرك ليلة تلخص الحياة كلها الليلة دي بقى تخليني اعمل ايه بقى ان شاء الله
ادني انا بقى ايه الان واصل انا تعبان اصل انا رجلي وجعان لا لا لأ يعني لو في واحد قال لك هتقعد قدام بيتك كده عشر تيام او تقعد قدام بيتي انا
اقعد قدام بيتي كده انا راجل من الاسرياء الناس الكريمة الغنية الصادقة. لو قلت لك دلوقتي انت هتقعد قدام بيتي. عشرة ايام لو دنيتك العشر تيام ليه تحت بيتي؟ اه هديك فيلا في التجمع
تعمل ايه بقى ان شاء الله بالله عليك هتتأسر عمرك ما هتسيب الشارع عشان كده النبي صلى الله عليه وسلم السراج المنير خلاص؟ الرحمة المهداة بيقول لنا ايه فيها ليلة
العشرة دي فيها ليلة من حرم خيرها فقد حرم دي فيها ليلة لو فاتتك هتدرك ايه طيب مهما كنت حضرتك الدنيا الفترة اللي فاتت دي ضاعت انسى خالص بقى القديم
انسى خالص القديم وركز في اللي جاي اللي جاي الاعمال بالخواتيم فما تعكش في الختام الاعمال بالخواتيم. ازبط خواتيمك لان القادم افضل من اللي فات العشر اللي جاية تغلب الايه؟ العشرين اللي فاتوا
بس احنا محتاجين نفهم ازاي نشتغل فيهم عشان نفوق ونشتغل ازاي النهاردة انا لو ما انتبهتش هلاقي ان الموضوع يتسحب مني سنة سنة والاقي نفسي ايه ما استفدتش قوي منه
اول حاجة انك تعظم الليلة دي شوفوا النبي صلى الله عليه وسلم قاعد صلى الله عليه وسلم النبي كان بيمتنع عن المباحات شد مئزره وايقز اهله كله يصحى كله يصحى
شف ايقز اهله كله واحيا الليل ليه يا رسول الله؟ في غاية القرآن يا جماعة ودي من ضمن اهم حاجة تستفاد منها. بصوا يا جماعة العشر ليالي دي طبعا الراجح ابن العشرة بتبدأ من ليلة واحد وعشرين
بالنسبة للعشر ليالي زائد الاعتكاف زائد التراويح والتهجم. كل دي عشان حاجة واحدة اللي مش هيفهم النقطة دي ممكن يفوتوا حاجات كتيرة قوي. ايه هي بقى؟ ان عنايتك بالقرآن تزداد
عنايتك بالقرآن. ليه بنعتكف؟ مش عشان الاعتكاف وده لازم تبقى فاهمها الاعتكاف وسيلة انك تفضى ليه؟ لتشحن قرآن بتشحن من تراويح من تهجد من قراءة من ايه؟ كسرة تلاوة. عش بقى
عشان كده عنايتك بالقرآن في العشر لازم تبقى اعلى من عنايتك في العشرين اللي فاتوا وعنايتك في الايام الوترية لازم تكون اعلى. كل شوية تحصل لك ارتقاء ارتقاء ارتقاء هي اصلا ليلة القدر اللي احنا كلنا نريد ان نسأل الله ان يوفقنا اياها ويرزقنا فيها عظيم الاجر. عاوزين نوصل لها. ليه؟ ليه هي اصلا بقت ليلة الاجر
ليلة القدر لان القرآن قدر الله ان ينزل فيها فصار لها شرف وقدر. صح فحنا بنستمتع بالليلة دي عشان ايه؟ يكون لنا علاقة مع القرآن برضو. فاوعي خلي فكرة الليلة تشغلك عن الاساس
فالنقطة دي مهمة جدا جدا جدا النبي صلى الله عليه وسلم يا جماعة في حد اعلى منه في العبادة ومع زلك ييجي في الليل في الايام دي يلتمسها ويتفقد ويتعب
شرف رمضان في ليلة عشان كده نام كويس في النهار اه طب انا عندي شغل وبتاع والكلام ده كله ما فيش مشكلة ممكن تستعين بساعة بالليل ولا ايه؟ قبل الفطار المهم
بقدر الامكان الليل كله يكون ما بين القرآن وما بين القرب من الرحمن والطاعات. ما تحاول بقدر الامكان تبعد عن تتخلى ويحصل لك انحصار عن كل ما يشتتك يا باغي الخير اقبل استنفار كل خير تقدر تعمله اعمله. ويا باغي الشر اقصر انحصر. كل حاجة بتبعدك انحصر عنها
فاحنا في بين الاستنفار والانحسار عشان يحصل لك التحلي مع هذه الليالي لابد من تخلي تتخلى عن الشواغل اللي بيشغلني زيارات ومش عارف ايه اي حاجة يعملها الصبح. حاول ما فيش حاجة اسمها اروح ازوره بالليل ما تضيعش وقتك
حاول بقدر الامكان انه الصبح ده هو تخلص فيه طلباتك بالليل اهدى بقى اهدى لازم يبقى فيه هدوء تام تتخلى عن الشواغل الموبايل الموبايل ما تمسكوش كتير على قد حاجة بتشحنك وتسيبه
لكن طب ابص كده حاجة في هنا ورسالة هنا ومش عارف ايه هتلاقي مرة واحدة الوقت بياخدك في حتة تانية خالص خالص خالص هتلاقيه مرة واحدة رمضان انت بتودعه. ولو اهتميت
بالعشر مش هتعرف تودع رمضان مش هتعرف تودع رمضان امال هتعمل ايه لا تودعوه بل ستأخذوه هتاخد رمضان معك رمضان مش هتودعه في ناس بيودعوا رمضان بقى بيسلموا عليه كده واحضان ووحشتنا ونتقابل السنة الجاية. في ناس لا بياخدوه معهم بقى
خلاص هو مع رمضان زبط مع القرآن فكمل معه. رمضان جهز موضوع الصيام فزبط. ضبط موضوع العمل لدين الله. زبط مفهوم الرسالة فمكمل خد رمضان معاه بقى الله اكبر. فنسأل الله سبحانه وتعالى ان يسددنا واياكم بكل خير. طيب انا عاوز خطوات عملية وارشادات كده اعملها ايه؟ قال لي اعملها
اول حاجة تبقى مدرك كويس قوي ان العشرة دي الحناجر بتظمأ فيها. لكن القلوب ترتوي فيها ان الامعاء بتتفرغ لكن الارواح تمتلئ. الجسد بيضعف والايمان بيقوى. الحركة بتقل. والعقيدة بتشتد
ولسان حالك في العشرة ديت لن ابرح حتى ابلغ مش هتحرك لغاية ما اوصل طيب ايه اللي انا ممكن اعمله في الاستنفار والانحسار ده رقم واحد تتبرأ من حولك ومن قوتك
لا حول ولا قوة لي الا بك. يا رب انا بك واليك انا ما اقدرش يا رب استسمر رمضان الا ازا اعنتتني لن اتحول من حالة الكسل للنشاط ومن حالة النوم الى اليقزة ومن حالة تنام عيني
قلبي الى مرحلة تنام عيني ولا ينام قلبي الا بك فاول حاجة انك اخلع سوب الاسباب اي نعم بتاخدها لكن آآ تأخذ السبب لا تركن اليه فده اول حاجة انك تتبرأ من حولك وقوتك. اتنين
لا تنظر ان كنت ممن وفقت في العشرين الاوائل اللي هو لا تنزر اليها اصلا. ما تقولش بقى انا الحمد لله ربنا من علي وزبطت مش عارف العشرين دول لا لا لا ما الدنياش تبص عليها. هو توفيق من الله
تنشغل بالثناء على من اقامك ان يتم عليك ايه؟ النعمة الحاجة التالتة ان ممكن واحد يجي له سؤال يقول لك بما ان ان هي ليلة واحدة في العشر احنا ليه نشتغل في العشر
اول حاجة هي الليلة مخفية عنك فانت ما تعرفش زي المسال اللي انا قلته من شوية ان في واحد هيمر. فهو هيمر امتى؟ ما تعرفش. الحاجة التانية ودي مهمة اوي اوي اوي
لاعمال القلب لعل استعداداتك الليالي هذه تكون شفاعة لك عند ربك فيوفقك لليلة انك توفق لليلة ده واحد قاعد عمال يطرق الباب يطرق الباب من اول ايه؟ يقول لعلي دي لعلي دي لعلي دي
سبحان الله فالاصل ان هي في العشر طيب لو انا لظرف ما اما يعني ضغط مرض بتاع اعمل ايه؟ في الليالي الوترية. بس مش الليالي الوترية يعني تسيب العشرة. لا يا جماعة
مش كده وبعدين الليلة الفردية بمقياس طبقا لمين؟ طبقا لدولتك ولا دولة حد تاني لو انا كنت في السعودية ولا كنت في دولة صايمة قبلنا ولا بعدنا؟ ما تلخبطش نفسك
انا راشق في العشر وبعدين لماذا تعامل آآ الله سبحانه وتعالى وتعامل نفسك معاملة الخمار معاملة النشان اللي الراجل اللي بينشن كده وبيصطاد ويجي ينام في مرحلة الصيد وهو بيعدي. شفتم قبل كده يا جماعة في واحد قناص
اغلق عينه لحزة مرور الصيد يعني انا عاوز اصطاد غزالة ومعي السهام بتاعتي فعرفت ان هو هيعدي دلوقتي هروح اغمي عيني ولا لحزة والانسان حالي وقلبي قاعد عمال يلحز بكل جوارحي
الغزال اللي هيعدي انا كده برضه العشرة دول انا قاعد عمال اقول بكرة يا لحزة الغروب اقتربي يلا بقى دي غزالتي اللي انا هصطادها. ليه؟ لان انا مقبل على صفقة القرن
تلاتة وتمانين سنة ديت تقترب من قرن وكسر فانا دي صفقة هي دي الصفقة الحقيقية الله اكبر. انس عشان كده رضي الله عنه كان له حلة يا جماعة حلة توب كده بيلبسه
بيلبسوا لليوم ده تميم الداري كان شاري اللبس بالف درهم يلبسوا لليلة دي عشان كده شرع لها الاغتسال من باب يستحب لها لان الهبات جاية يا جماعة والبركات جاية في محاريب الخلوات. عطايا الاسحار جاية. وستنفعك بالنهار
دي ليلة تأمين العمر وما ادراك سيدنا جبريل نازل فيها والروح كله نازل الله اكبر فاحنا مقبلين زحم الطاعات لرحمة هزه الليلة. فالزحمة للرحمة فاسأل الله ان يوفقنا واياكم للخير
الحاجة بقى اللي منكم بيعد اللي بعد كده ان تقبلوا عليها وانت تدرك ان هذه العشر لا تعود الا على الاحياء فهل انا ساكون من الاحياء العام القادم ام لا
اتبرأ من حولك وقوتك وفي نفس الوقت قم باستقبال العشر استقبال من يدرك ان العام القادم لن يستقبلها الباب ده مهم قوي الرقم اللي بعد كده الخطوة اللي بعد كده تخلى. لازم يبقى فيه يا جماعة ايه؟ تخلي
تخلي ترك وخلوة تخلي اي لهو ابعد مواقع اللهو مواقع اللي تسحبك ياه بقى الشياطين تبقى متسلسلة وانت متسلسل قدام قدام المسلسلات يبقى الشيطان ربنا صفده وسلسله وانت سلسلت نفسك قدام مسلسل تضيع الليل بتاعك
شفت الحرمان؟ فيه حرمان اكتر من كده يبقى ابواب الجنة مفتحة وتيجي عليك ليالي زي ديت وانت قاعد تضيعها يا اخي ان كنت ولابد مضيع الحاجات ديت موجودة وبعد كده بتفرج عليها
مش هنصحك تتفرج طبعا بس من باب التنزل من باب هزا اكبر هذا ربي كما كان ايه؟ ابراهيم يقول. برضو من ضمن الحاجات اللي تساعدك في الاستنفار هو تنوع العبادات
سواء بقى كانت قراءة صلاة دعاء استغفار آآ اطعام الاخوات اللي عندهم الاعذار الشرعية عندهم محاضرة يسمعوها عشان لا داعي للتكرار حبسهن العذر وبعدين يا ستي عندك فكرة المطبخ الخيري اشتغلي عليها. كل يوم خشي المطبخ طلعي تلاتين اربعين وجبة. بتعملي ايه؟ الوجبات ديت عشر وجبات خمس وجبات
انت بتعمل ايه الوجبات دي؟ اعين اعين اهل التهجد هيفطروا بهزا الطعام ويصطف بين يدي الرحمن واكون انا من جهز هزا المصلي المتهجد انا مجهزة رهبان الليل المعنى ده يكون مهم
اوعي تستسلمي وتقولي خلاص بقى انا هعمل ايه وانا كده وقفت وانا كده خلاص وانا مش عارف ايه الكلام ده كله لا ما تهزريش يراك الله سبحانه وتعالى وانت تتعرضي لكل شيء
تتعرضي في هذه الليلة وتقتربي الى الله لا بتهجدك ولكن بانكسار قلبك ورضاه بتقدير الله سبحانه وتعالى. تقول له يا رب ساقابل هذه الليلة وانا على قمة الرضا بتقديرك على بنات حواء
هذا هو زادي في هذه الليلة انا جايح اتكئ على الرضا. رضيت بك ربا رضيت بك حكيما سبحان الله! اوعى يا جماعة تعبد ربنا باللي بيريحك نفسيا. يعني اما انت تبقى بتصلي وبتبكي والدنيا حلوة انت مرتاح
اه لو الحاجات ديت لامر ما قدر الله عليك انك تتعب تروح مستشفى ولا تقف مع والدتك. فالحاجة دي ما جتش بس هو بيتضايق طب انت متضايق ليه شغلك الله سبحانه وتعالى بعبادة واجبة ان تبقى مع امك
فكن نعم العبد سبحان الله! يبقى تنوع العبادات يا جماعة دي مهمة قوي وقلنا موضوع التخلي من انك تحاول بقدر الامكان تتخلى عن اي حاجة عشان تتحلى بكل حاجة تتحلى بالوحي فتتخلى اوعى يكون الموبايل ده يدمرك رمضان. يضيعك
رمضان موبايل بالليل ما بيتفتحش الا لطاعة لا يفتح الا لطاعة. اطمئنان على ام قراءة شيء يشجعني. اما ادنى ابص هنا ومقطع هنا والكلام ده كله ياه تبقى الملائكة نازلة من السماء
ومانية الارض وزحمة ونازلة عشان يعني ترى اهل المباهاة. وبعدين يلقوك ماسك الموبايل قاعد عمال تتفرج على مقطع مضحك وبعد ما قلت ادور على الفيس على اي حاجة كده وتشوف مش عارف تعليق على صورة وكده
انت من اهل المباهاة كده لأ من الحاجات المهمة قوي سلامة الصدر يا جماعة ما تشوشش على قلبك الله يكرمك يا جماعة الايام ديت لازم تحاول بقدر الامكان تدخل فيها وانت مسلم عقلك وقلبك ما تزاحمهوش بحاجات تشتتك
خلاص حاول بقدر الامكان ما تسمحش بقدر الامكان للحاجات ديت ولا للتشاحن ليه؟ لان ليلة القدر اترفعت عشان اتنين اتشحنوا النبي صلى الله عليه وسلم كان داخل يقول لهم عليها لقاهم اتنين اتخانقوا صوتهم علي. فرفعت الليلة. نسأل الله العفو والعافية. طب افرض انا حصل اي حاجة بقى
وزعلت انا ووالدي ولا صوتنا عمل اعمل ايه؟ على طول استغفار. وجدد. وارجع تاني سبحان الله. فاسأل الله سبحانه وتعالى ان يسددنا واياكم الاحسان يا جماعة. الاحسان الجود اجود ما يكون
ما تقفلش على نفسك. تخيلوا كده يا اولي الالباب لو الجماعات الخيرية كلها قفلت على نفسها وقالت احنا هنتهجد وقفلنا كل الابواب. من دي الفقراء والمحتاجين لان امشي مع اخي في حاجة اخي خير لي من ان اعتكف في مسجدي هذا شهر. من قال هذا؟ محمد صلى الله عليه وسلم
النبي صلى الله عليه وسلم بيقول لنا ان انا لو في حد في حاجة ملحة امشي مع اخويا فيها لغاية ما تتم ده احب الي ان انا اعتكف في مسجد النبي عند الروضة شهر
فما تضيعهاش فليلة القدر تنال بالدموع وتنال بعرق الجبين وتفريج الكربات وادخال السرور وجبر القلوب ليست بالدموع فقط ليست بالدموع فقط فانتبهوا اخر حاجة هقولها وفي محاضرة قبل كده يمكن انا اتكلمت فيها عن الليلة ليلة القدر
الا وهو موضوع اعتقد ان الكل يقدر عليه ان شاء الله لكن قبل ما اقول وهقول لكم على حديس النبي صلى الله عليه وسلم يخبرنا انتم عارفين ايه الفرق بين العتق
والمغفرة صح كل ليلة ان في رمضان فيه عتقاء عتقاء يعني ايه يعني يتكتب اسمك انك من اهل العتق. يعني ايه اهل العتق؟ يعني فلان محمد ده اتعتق من النار هيخشش النار
طيب المغفرة؟ لا المغفرة منزلة اقل. المغفرة انا النهاردة ربنا غفر لي ذنب. لكن ممكن بكرة اقع في مشكلة فمحتاجة مغفرة تانية لكن العتق انتهى اسم اتكتب في القايمة واصلة لكم
فده عطاء رهيب. عطاء كبير قوي العطاء ده محتاجين كلنا نرزقهم. طب انا لو عاوز اجيبه. يقول النبي صلى الله عليه وسلم من اعتق رقبة مؤمنة او من اعتق رقبة مسلمة
اعتق الله له بكل عضو منها عضوا منه من النار. ركزوا من اعتق رقبة مسلمة اعتق الله له بكل عضو منها عضوا منه من النار. يعني في واحد شايف واحد
عبد من العبيد او امة من الامام مسلمة قال لها انت حرة لوجه الله النبي صلى الله عليه وسلم بيقول لنا ايه بقى؟ اعتق الله له بكل عضو منها من الرقبة دي عضو منه في النار
فانت اعتقد ده ايده اه فايدك تعتق من النار آآ راسه فتعتق من النار. مش عارف ايه؟ يعني تقريبا كله هيعتق حتى النبي صلى الله عليه وسلم يقول لك ايه
تبقى حتى فرجه بفرجه. الله الله على الجمال يعني الحديس بيقول لي انا لو عملت كده جعل الله هذا سبب في انقاذه من النار لكل عضو من اعضاء الجسد المملوك
الله اكبر والنبي زكر هزا العضو لان هذا العضو محل او سببه قد يقع المرء في اكبر الكبائر او من اكبر الكبائر بعد الشرك يعني فسبحان الله! طب ايه علاقة ده باللي انا بقوله؟ طب احنا هنجيب منين؟ ناس نعتقهم
يقول النبي صلى الله عليه وسلم من قال لا اله الا الله وحده لا شريك له له الملك وله الحمد وهو على كل شيء قدير مائة مرة كان عبء عشر رقاب كانه اعتق عشر رقاب. اللي يقول الذكر ده ميت مرة كأنه اعتق كم
عشر رقاب. ايه رأيك انك عندك فرصة في العشر الاواخر من رمضان اللي احنا فيها دي مش ان ان حضرتك تعتق رقبة مؤمنة لا. ان تقطع ما يقرب من ربع مليون اكتر من ربع مليون رقبة
تلتميت الف رقبة انك تقول الزكر ده كل ليلة مية مرة. لا اله الا الله وحده لا شريك له. له الملك وله الحمد وهو على كل شيء قدير ميت مرة ميت مرة
طب انا مش عاوز اتلخبط اعمل ايه؟ سهل يا سيدي وانت بتصلي التراويح كل بين ركعتين وركعتين قلهم عشر مرات. عشرين مرة تلاقي الموضوع سهل معك تبقى مطمن ابدأ بالعطاء ده النهاردة
اللي عندها العزر ما تعرفش تقول الزكر ده التوفيق يعني الله يصطفي عباده الموفقين. واللي مشغول بقى ايه بهمومه وبلاءاته. ده مشغول يعني كان في اخت بتصلي ساعة مسلا واحدة اتنين وكده
لا يحضي لما اتاها العزر بتصحى في الوقت ده فابنها بيقول لها يا امي ارتاحي فقالت له ايه قالت له لا اريد ان انام في وقت عودت الملائكة ان تكتب لي فيه خير
الوقت ده انا عودت الملايكة ان هي تكتب لي خير دي ناس كده انا سبحان الله مجموعة من الاسئلة جت لي النهاردة انا كنت مبسوط ومنشكح جدا ان اللهم لك الحمد الخير في الامة
كتير يبعت لي سؤال يقول لي انا دلوقتي آآ بصلي في البيت. وعاوز اصلي مش عارف من الساعة اتناشر مصادر بقى انا واولادي وزوجتي بتلات اجزاء. ده مناسب ولا اطول ولا مش عارف ايه. وواحد تاني يقول لي انا يفضل
ان انا اقرأ قرآن قبل الفجر على طول ولا يبقى وقت المناجاة؟ لان انا بصلي في البيت بساعة وساعتين مع اخواتي. ايه الجمال ده يا جماعة؟ كله بيجري كله بيتحرك
طيب ظروف الاعتكاف اللي من عندكم اللي منكم عنده مصلى في البيت ومقتطع جزء من البيت وعامله مصلى في قول الفقهاء زي عند الاحناف وبعضهم يقول لك ان ممكن المرأة تقتطع وتقعد في المكان ده وتنوي نية الاعتكاف
بالنسبة للرجال يا سيدي يروح المسجد العصر رح يا سيدي المغرب مش لازم المساجد يعني الكبيرة في مساجد كتير ممكن تروحها قبل المغرب معاك افطارك وقبل المغرب كمان وتقعدوا لغاية ما تصلي التراويح مع الامام اذا
خلق المسجد تبقى انت بينك وبين الله بزلت ما عليك ولو هتقعد في المسجد بعض ساعات ساعتين تلاتة اديك اعتكفت تنوي هذا الاتجاه بس لازم تبقى مدرك هو الاعتكاف ايه هدفه
اعتكاف ان تعكف عن الدنيا لا تأخذ الدنيا معك ما تخشش بقى الاعتكاف ومعك الموبايل ومعك زمايلك وقاعدين نهزر ونتكلم وجايبين مش عارف السمبوسة وبناكل مش عارف ايه وقاعدين لأ دي دي اعارة
ده كده ما عدش اعتكاف فاسأل الله سبحانه وتعالى ان يسددنا واياكم بكل خير ويوفقنا لما يحب ويرضى. اقول قولي هذا واستغفر الله لي ولكم