الحمد لله رب العالمين له الحمد الحسن والثناء الجميل اشهد ان لا اله الا الله وحده لا شريك له واشهد ان محمدا عبده ورسوله وبعد فما زال حديثنا حول الحياة الطيبة. وكيف للمرء ان يسعى لها وما هي سبل تحصيل هذه الحياة؟ وما هي الامور التي تنغص عن هذه الحياة وقلنا ان الله سبحانه وتعالى ذكر قانونا هذا القانون هو قانون خالد فيما يتعلق الحياة الطيبة. فقال الله سبحانه وتعالى من عمل صالحا من ذكر او انثى. وهو مؤمن فلنحيينه حياة طيبة. فلنحيينه حياة طيبة. فكل واحد مننا بيسعى انه يعيش حياة سعيدة. الحياة ديت قلنا امبارح ان هذه الحياة جميع البشر متفقون انهم يطلبون هذه الحياة. واختلفوا في الوسيلة. ففي ناس شايفة ان الحياة الطيبة بتكون في المال وتوفير المال. وفي ناس شايفاها في الشهوات وفي ناس شايفاها في الصدارة والسلطة وغيرها. ولكن الله سبحانه وتعالى حسم الامر بهذه الاية. ان الحياة الطيبة في في اتصالك بالله سبحانه وتعالى. الحياة الطيبة في قربك من مولاك سبحانه وتعالى. ولزلك ابن القيم يحكي عن شيخه شيخ الاسلام ابن تيمية. بيديكنا ملمح من الملامح دي. فكان بيقول ايه؟ يقول سمعت شيخ الاسلام ابن تيمية يقول يوم ان في الدنيا جنة من لم يدخلها لا يدخل جنة الاخرة. بيقول الدنيا دي فيها جنة. اللي مش هيخشها مش هيشوف جنة الاخرة. عشان كده ده عيار ومؤشر جميل جدا. انك تحاسب نفسك عليه. هل انت قريب من الجنة دي ولا بعيد؟ الجنة اللي في الصبر لان فيه جنة اسمها جنة الرضوان. دي الجنة المكانية. اللي هي ايه في الاخرة. فيه جنة بقى دي جنة العرفان دي في الدنيا. الجنة دي موجودة. جنة القرب من الله سبحانه وتعالى. جنة جنة الاتصال بالله سبحانه وتعالى جنة الاذكار جنة انك تكون قريب من كتاب الله سبحانه وتعالى. الجنة ديت كلما اقتربت كلما شعرت بانشراح في الصدر. كلما شعرت دايما بافراح في صدرك. بصلاح البال. ان السكينة تغشاك. وان رحمة تغمرك. وكلما ابتعدت حسيت بالوحشة دي. وحسيت بالضنك كما قال الله سبحانه وتعالى. فشيخ الاسلام ابن القيم بقى بيحكي لك بيقول لك ان هو ما كنش كلام وبس. يعني هو شيخ الاسلام ابن تيمية ما قالش الجملة دي عشان تتكتب على ايه؟ على في الكتب ولا حاجة وحد ايه ينشرها يقول قال لي مرة ما يصنع اعدائي بي. دول اعدائي هيعملوا لي ايه انا جنتي وبستاني في صدري. بيقول الاعداء هيعملوه ليه؟ مهما عملوا ومهما ضيقوا علي ومهما اما حول يمنعوني من اي حاجة. عمرهم ما هياخدوا اللي جوة صدري. ايه اللي جوة صدري؟ اللي جوة الصدر ده هو النعيم المعجل. ده النعيم اللي ناس كتير جدا ممكن يكونوا فاقداه. لانك انت ممكن تكون مع الله ومش هيفرق معك انك يكون غني او فقير. ممكن تكون مع الله وما يفرقش معك انك صاحب منصب ولا لأ. لكن مستحيل تكون مع الله ومش يفرق معك انك تكون شقي او سعيد. لانك لازم تكون سعيد. لازم هتكون سعيد. والسعادة دي يا جماعة زي ما هيجي معنا في قواعد الحياة الطيبة السعادة حصريا تتعلق بالروح. لان الروح هي الايه؟ هي ديت اللي هتكمل معك كده كده منتهي. وان ربنا سبحانه وتعالى حسم الامر انه في كبد. فهو بيقول ايه بقى؟ فشيخ الاسلام بيقول لتلميزه انا اعدائي هيعملوا لي ايه يعني؟ انا جنتي وبستاني في صدري. كل واحد بقى مننا يشوف هل فعلا جوة صدره وجنة دايما حاسس بانشراح حاسس بهدوء بال حاسس بسكينة حاسس بطمأنينة ولا دايما في اضطراب وفي قلق خناقة وفي توترات وفي مشاكل. يقول جنتي وبستاني في صدري. اين رحت فهي معي؟ اي مكان هروحه لا تفارقني مش هتفرق معي. انا كنت فين؟ هي كده كده ايه؟ معي. ان حبسي خلوة. بيقول لما هيحبسوك وهنا خلينا في خلوة مع الله سبحانه وتعالى. خلوة مع الله سبحانه وتعالى فلما جن عليه الليل. الخليل لما جن عليه الليل خلاص بقى رأى كوكبا بدأ قلبه يتفاعل مع كل شيء حواليه. وما عدش فيه حاجة بتمر عليه كده وهو عنها معرض ده حياته بقت مختلفة تماما. فبيقول انا لو حبسوني فانا في خلوة. وقتلي شهادة هيقتلوك شهادة في سبيل الله. طب ولو نفوك واخراجي من بلدي سياحة؟ شف هو بيشوف المعاني ازاي؟ سبحان الله! الحياة بتتغير لما المعنى عندك يكون متغير. وفي يوم من الايام بيقول له ايه؟ بيقول لتلميزه. انت تعرف هم كانوا حبسوه مرة في العب. فبيقول لهم ايه؟ بيقول له اتدري بيقول لابن القيم يعني. اتدري لو بذلت ملء هذه القلعة زهبت ما عدل عندي شكر هذه النعمة. بيقول انا لو جبت قد القلعة دهب وانفقت عليهم كده وعلى الناس ما كنتش هكون شاكر على النعمة اللي هم تسببوا لي فيها. ليه لان بعضوه عن المشتتات كان سبب زي ما فيه ناس كتير جدا يقول لك ايه انا حفزت القرآن امتى انا حفزت القرآن لما ابتليت بمرض. ليه يقول لك قعدت بقى وبقيت ايه بيني وبين المصحف. وسبحان الله! تلاقي كتير جدا من الناس ينفق ويكتب اوقاف ويقول ان ده وقف لله سبحانه وتعالى امتى ؟ لما يتعب. لما يحصل له مشكلة. صح؟ تلاقي ناس كتير كده ولزلك دايما وانت تدعو الله سبحانه وتعالى في الايام الجميلة دي وفي كل يوم او تيجي تقول له يا رب ارزقني كزا وارزقني كزا وارزقني كزا. ما تنساش انك تقول في عافية في عفو وعافية ليه؟ لان شيخ الاسلام ابن تيمية الامام احمد بن حنبل كان نفسه يحفظ قرآن. فكان بيدعي ربنا كتير انه يحفز قرآنه. بس ما قالش هنا بعفو وعافية. حافز القرآن؟ حافز القرآن. مش عارفين حفظه فين؟ وهو في السجن في قيوده. قال حفظت القرآن في قيودي فكان بيعلم بقى تلميزه يقول له اما تيجي تدعي تقول ايه؟ يا رب ارزقني كزا في عفو وعافية. ما انت ممكن تبقى تتمنى مال في واحدة في يوم من الايام تمنت فلوس كتير ودعت ربنا انه يرزقها مال لا حصر له. بتقول رزقت اكثر من اتنين مليون وابتليت بشلل رباعي شفت بقى خدت ده وعندها شلل رباعي تعمل به ايه؟ النور قطع. خلاص مازا ستفعل؟ عشان السعادة الحقيقية مش هتكون في المال لان ممكن المال يجي لك وانت مش لاقي قلبك. ولا ملاقي سعادتك. كتير من البيوت الغنية واللي فيها اموال وعندهم اولاد وكده. كل يوم خناقة. وتلاقي كده ايه تلاقي بعضهم يقول ايه امتى واسيب البيت ده امتى واهيك وده ما بيكلمش ابوه وابوه ما بيكلمش ام ايه؟ امهم والكلام على القد وكل شوية سب وشتم وبتاع ايه الحياة الكئيبة دي؟ ايه البيوت دي؟ بيوت طاردة للسكينة. بيوت كلها مليانة توتر وقلق. ليه لان الجنة ليست في صدور هؤلاء. فهو بيقول له انا لو مهما عملت ومهما انفقت ما جزيتهم على ما سببوا لي فيه من الخير. سبحان الله! وكان بيقول لابن ابن القيم يقول له ايه علموا بقى بيدي له خلاصة الحياة. لان فيه حاجات يا جماعة مش هتيجي في الكتب. في حاجات بتيجي من الحياة. كتاب الحياة بقى الحقيقة. فقال له المحبوس هو كان مسجون. وهو مرة رايح يزوره قال له ايه ؟ قال له المحبوس من حبس قلبه عن ربه جل وعلا. المحبوس الحقيقي اللي قلبه محبوس عن ربنا سبحانه وتعالى. والمأسور من اسره هواه تلاقي فيه واحد مبتلى بعشق امرأة. تلاقيه سبحان الله تايه لا عارف يزاكر. ولا عارف يعني يشتغل غلامة كويسة ودايما جايب مصايب لاهله. ولا واحد مبتلى بالشرب تلاقيه دايما متبهدل. وحياته كئيبة. تيجي تسلم عليه كده تحس ان ايده مهرية بسبب الشرب اللي هو فيه. وتلاقيه قاعد كده يتلصص ويحاول يضرب ايده هنا ويسرق من ورا لوالده ويسرق مش عارف من مين وبتاع وكل العيلة يقول لك خلي بالك ما حدش يمشي مع فلان. وبقت سيرته على كل لسان وتلاقي ولاد عمامه وولاد خالاته وبتاع الكلام كله منه قل ما تمشوش مع الصاحب السيء. ايه يا عم ايه اللي انت خدته طيب؟ ايه المتعة اللي انت خدتها؟ ايه المتعة انك تمسك تجارة وقاعد تنفخ فيها وتطلع دخان وقاعد تبص عليها. ايه المتعة اللي في كده يعني! هو احيانا الانسان لما بيكون فطرته اتحطت وبقى فيه انحطاط بيشوفوا الحاجات ديت على غير ما هي عليها. عارفين الجماعة اللي بيبيعوا كمون وبيبيعوا توابل وكده. انت لما تيجي تخش تحس انك مخنوق كده والريحة صعبة صح؟ طب هو ليه مش حاسس بها؟ هو اتعود هو اتعود انه يقول كده الجماعة اللي بيبيعوا فسيخ. انت تبقى معدي من الشارع اللي جنب الشارع اللي جنبهم مش قادر تعدي. طب وهو ليه عادي جدا الدنيا مستمتعة والدنيا جميلة وما عارف ايه. لان حساسية الشم قطعت خلاص فقد حسية الشم. فيه ناس كتير فقدت حسيت الزوق ان يشم الطاعة. ان يكون مرتاح ما بتكونش بطولة والله لما الناس بتبقى بتصلي وانت واقف برة مع اصحابك وما بتصليش. اوعى تكون فاكر يعني ان انت كده ايه يعني الناس النضيفة شايلة. هو زي الدكتور كده الطبيب بيبقى عارف انك مريض. بس انت تايه وقاعد اومال تاكل ايه؟ اكل يسممك. والدكتور قاعد عمال يبص لك كده يعني ايه؟ يترحم على بحالك بس عشان هو واعي فاهم كويس اوي انت بتعمل ايه. فالناس اما بتطلع من المسجد وتشوف وتشوفكم كده وتشوفك وانت قاعد في الشارع وقاعد مع واحدة وقاعد تتكلم معها وتعمل الكلام ده كله وبتاع دي مش رجولة ولا مروءة ولا كزا لأ دي خسة. هو بيشوفك انك خسيس ويشوفك انك ايه انسان اقرب للدياسة. وبيشوفك انك لا تؤتمن على قرش. ليه؟ لانك انت النهاردة لو اؤتمنت على عرض البنت دي البنت دي مسلمة. لو بنت اوتمنت على العرض ده كنت صده كل ده مش حب حقيقي. لان الحب الحقيقي انك تنجي اللي معك من العزاب السرمدي. مش انك توقعه فيه هي لو بتحبك مش هتعينك انك تكون انسان تارك الصلاة ويختلف العلماء فيك. مجموعة تقول الواد ده ارتد العلماء كده اما يقعدوا كده قعدة يقولوا الولد اللي ما بيصليش ده حكمه ايه؟ مجموعة العلماء يقولوا كافر خلاص ارتدت ده حد يطلع يا جماعة بالله فان تاب تاب وان ويله خلاص فده ايه؟ يقتل ردة. الجماعة يقولوا لا يا جماعة ما تقتلش ردة. اومال يتقل لي ليه؟ ده راجل فاسق ترد شهادته الله اكبر. كل دليل عشان تارك الصلاة تارك الصلاة. مين بقى اللي بيحبك ويساعدك انك تكون ما بين الكفر والفسق. حب ايه ده بقى؟ فشيخ الاسلام بيقول له ايه؟ المأسور من اسره هواه. ان يكون في في واحد مأسور هواه اسره لا ما يريده مولاه سبحانه وتعالى. بيقول ايه بقى؟ شيخ الاسلام ابن تيمية ابن القيم بيحكي كيعنو يقول وعلم الله ما رأيت احد يعني بيحلف بالله يعني ما رأيت احدا اطيب عيشا منه هو مسجون في الوقت ده بس زي يوسف كده عليه السلام. يوسف اشرف انسان سجن صح؟ ليه لان يوسف كان حر القلب روحه حرة. روحه مش مأسورة. فهم جسده. اخرهم يأسروا الجسد. صح لكن كانت روحه كانت حرة لما ضيقوا عليه والمعصية قربت منه روح وايه؟ قالت لأ انا حرة عشان كده واحد يقول لك ايه انا حر. انت تقصد ايه بكلمة انك حر؟ انك انسان منفلت عنك آآ اوامر الله ونواهي ونواهيه سبحانه وتعالى. هو ده الحرية فانت عبد خلقك سبحانه وتعالى وانزل لك دستور في الاوامر وفي النواهي. انك لازم تمشي على ده. الحر الحقيقي مين ده؟ اللي هو حر من كل ما سوى الله لكن الانسان المأسور اللي تلاقي هواه اسره. لا انت مش حر. انت لو كنت حر حقيقة ما كانش هواك اسر. ما كانش فيه بنت اسرتك اسرتك. ولا فيه سيجارة اسرتك؟ ولا فيه مال حرام هو اللي اسرك؟ كل ده دليل انك ايه انسان خسيس مأسور فشيخ الاسلام ابن تيمية كان هو ترجمة للعمل ده. ولزلك ابن القيم بيحكي لنا بيقول لنا كان بعض العارفين لما بسبب الجنة اللي جواه ده كان يجي كده عليهم اوقات كده يقولوا ايه انه لتمر بالقلب اوقات. فيه اوقات كده مر على القلب تياوات بتمر على القلب. الاوقات ديت عاملة ايه بقى؟ يقول فيقول هذا العارف ان كان اهل الجنة في مسل هذا انهم لفي عيش طيب. بيقولوا ده الناس دي رايقين اوي. انتم فاهمين الجملة دي؟ ركزوا يا شباب. فاهمين الجملة دي هم بيقولوا ايه ؟ راجل فيه حاجة حصلت له جواه من النعيم والسعادة اللي جواه لدرجة بيقول ايه ؟ يا اخي تصدق بالله لو الناس اللي في الجنة عايشين بنفس السعادة والراحة اللي جوانا دي ده الناس دي وبرايقين مش احنا اللي رايقين واخدين بالكم؟ يعني مش مش احنا اللي هنكون كده لأ. ده الناس دي لو عايشين زينا شف سبحان الله الانسان بيوفق بيصل لسعادة لدرجة ان هو ايه خلاص عشان كده كان بعض الصحابة يحكي عن علي رضي الله عنه. بيقول لك لو كشفت له الحجب ما ازداد يقينا في الله هو خلاص هو جاب اخره. فده اخر حاجة. ولذلك كانوا يحكوا على حماد رحمة الله عليه من التابعين يروح حماده لو قيل له غدا القيامة ما استطاع ان ايه؟ يزيد في اعماله شيئا. يعني بيقول له ايه؟ يا حماد بكرة يوم القيامة. اعمل ايه انا بقى؟ في الجدول اللي انتم شايفينه. ما تسدف. ما فيهوش حاجة خلاص قاعد يحلق في ايه؟ في حدائق السعادة. فهو راجل طاير. فعايش الحياة الطيبة والدنيا رايقة وبتاع انت لو اتقال لك بكرة ليوم القيامة هتعمل ايه؟ هل فعلا هتحدس؟ انا مش هقول لك هتحدس طاعات هتزيل الحاجات التي تشينك بين يدي الله. فهنا ابن القيم بيحكي تجربة لواحد سعيد. واحد عاش الحياة الطيبة وهو شيخ. فعشان كده بيقول لنا ان فيه كانوا عايشين المعنى ده وبيقول وقال بعض المحبين مساكين اهل الدنيا. اه والله مساكين. اهل الدنيا. الناس اللي عايشيني شف هي اسمها ايه دنيا. دنيا دي يعني من الدنو. يعني حاجة تحت يقول لك مزاكين الناس اللي عايشة تحت دول. مساكين اهل الدنيا ما لهم بقى؟ يقول خرجوا من الدنيا وما ذاقوا اطيب ما في طلع من الدنيا وما زاقش اطيب ما فيها ازاي يا عم! ده ما فيش بنت في الجامعة الا اما اكلمها. وما فيش طالعة الا اما طلعها. وما فيش ساحر الا اما ايه سحلوا ما فيش اي حاجة الا اما عملها. ازاي خرج ما ذاق؟ ما هو ابن القيم بيقول لك انت مسكين. افهم بقى ايه ايه هي الراحة؟ عارفين الحياة الطيبة دي؟ دي اللي خلت مصعب ابن عمير. مصعب ابن عمير ده من سادات الناس المترفين. ده الشاب ده اطرف شاب في مكة ده لما كان بيمر كده البنات تقولي خلاص نظر الي مصعب ولا شافها ولا اي حاجة بس انت عارف بقى الناس اللي بيحتكوا فخلاص فبتقولي نظر الي مصعب وكان اذا صار في طريق عرفوا ان مصعب صار من هزا الطريق ليه من العطر بتاعه يحط عطر الكل ايه؟ يشمه. انت اتخن واحد فيكم بيجيب عطر مننا اتخن واحد فيكم بيجيب لبسه منين ؟ احزيته منين ؟ مصعب رضي الله عنه كان حزاءه وعطره. واحد من اليمن وواحد من الشام راجل ليه؟ خلاص راجل ما بيلبسش اي حاجة. لما امن بالله هان عليه كل شيء. ليه قال لك لأ انا ابيع كل حاجة عشان الحاجة اللي انا زفرت بها ما اسيبهاش. مش في يوم من الايام سألت نفسك ليه الشهيد بيموت جدا بسهولة جدا يبزل دمه رخيصة ويبزل ماله ايه اللي يخلي حد يعمل كده ايه اللي يخلي ابو بكر يطلع من ماله تلت مرات صفر العداد مرة والتانية والتالتة والرابعة ليه؟ ايه اللي جواه؟ ايه اللي يخلي صهيب يقولوا له ايه؟ انت رايح لمحمد مهاجر هو من مكة للمدينة. مسلا فقالوا له انت رايح فين؟ فقال لهم اني مهاجر الى رسول الله. قالوا له لأ. مش هنسيبك الا لما تتجيب لنا في ايه؟ تدينا فلوسك ضحى بماله كله وراح ايه ولا في دماغه. ليه ؟ اذا كان فلوسه كلها في كفة. وان تكتحل عينه برؤية محمد في كفة وآآ انه يرزق الحياة الطيبة يهون كل حاجة. قال لهم يعني هي ديت اللي انتم عاوزينها ده انتم فعلا اهل الدنو خدوها. فعشان كده لما دخل على النبي صلى الله عليه وسلم قال له ايه؟ ربح البيع. ربح البيع يا ابا يحيى انت ربحت هو ده البيع ان الله اشترى ربنا هيشتري يشتري منك اشتري منك مالك وانت تبيع. عندك استعداد تبيع. عندك استعداد تبيع؟ اه بس لو بعت نفسك وقتك ما عادش ملكك فلما تسمع الازان في الخمس مرات ما عدش ايه؟ ملكك انك تاخد القرار اروح اصلي ولا لأ؟ يبقى انت راجل كزاب. يبقى انت رجعت في البيعة او انت شاكك في اللي اشترى هيديك اجر ولا لأ. عندك شك ما عندكش سقة فيه. عشان كده يعني انا هروح اصلي طب هاخد ايه؟ اه يبقى انت لسه لسه عندك ايه؟ قلق من الحتة دي. قال لك خرجوا منها وما ذاقوا اطيب ما فيها ايه اللي اطيب ما فيها ابن القيم؟ قال لك محبة الله يا سلام! يقول لك فلان ده ودنه ادعي له عشان ودنه فيها مشكلة. ودنه مش سليمة. ليه يا عم؟ ما حدش بيسمع. عينه مش سليمة. ما عادش بيشوف يبقى الحاجة عشان تبقى سليمة لازم ايه ؟ تقوم بوزيفتها صح؟ طب القلب السليم وظيفته الى وظيفة القلب خلقه الله ليحب الرب. ان دايما كده يحب ربنا وعلامات المحبة هتيجي معنا في السلسلة دي وازاي الواحد يحب ربنا. من ضمن الحاجات الايثار والاختيار. لما بيبقى في حاجتين قدامك هواك ورضا مولاك بتختار ايه ده فيه واحد ينزل الساعة اتنين بالليل ليه ؟ لان حبيبه وفي رواية حبيبته رنت عليه فنازل ايه ؟ يؤدي على طول. ليه ؟ يقول لك باحب الحب يخليك كده اصحابي وانا جدع معهم. طب ولما الفجر بيأزن لو كنت بتحب هتنزل وتسيب اللي في ايدك. لكن هو حب الله متأخر. فخرجوا منها وما ذاقوا اطيب ما فيها. ايه بقى اللي اطيب ما فيها ابن القيم؟ قال لنا ايوا اطيب ما فيها محبة الله. والانس ده والشوق الى لقاءك. عارفين اكبر دليل على الانس بالله من الحياة الطيبة اللي انتم فيه دلوقتي ان كلكم دلوقتي قاعدين في المسجد وصايمين واقمتم وصليتوا التراويح. وحاسس انك روحك عارفين كده البالون لما يكون منفوخ هليوم ايه اللي بيحصل؟ تطلع فوق صح؟ انت حاسس ان روحك عاملة زي الهيليوم دي واخدة جسمك وطالعة مسفراك فوق. عارف ليه؟ ايه اللي حصل جديد في حياتك اخر تمانية واربعين ساعة ايه الجديد اللي مخليك قاعد القعدة دي؟ وقاعد تحلق وتعمل كده. عارف ايه الجديد؟ انك قربت من حياة طيبة. بس. لما قربت عشت سمعنا النهاردة في الصلاة مسل اختم به ما اعرفش هشرحه ولا لا بس هختم بايه؟ بزكر الاية. افمن يمشي مكبا يعني ايه ماشي مكبا معاز يعني ايه ماشي مكبا؟ يعني ماشي على وشه. خلاص؟ ماشي قاعدين. مكفي افمن يمشي مكبا على وجهه اهدى ام من يمشي سويا على صراط مستقيم المسل ده يا جماعة بيلخص لك كل اللي احنا قلناه في الدرسين اللي فاتوا دول. النهاردة وامبارح اللي ماشي وبواصص على وشه باصص في الارض. وشه منحني فما بيبصش قدامه. مش عارف هو رايح فين ربنا بيقول لك شف المشهد ده. الاول فيه اجابة ربنا اجاب افمن يمشي مكبا على وجهه اهدى ام ما يمشي سويا على صراط المستقيم قال اهدى كزا قال كده ولا سابك؟ عارف ليه؟ الاية الجواب مفتوح ليه؟ عشان كل اللي يسمعه ويقرأها نفسه تقول له الجواب ايه فيكون شاهد عليه يوم القيامة. انت كنت عارف الجواب ايه. واخترت الطريق بعد افمن يمشي مكبا وشه في الارض وماشي في طريق كله منحنيات ومليان حفر عشان كده كل شوية ايه بيتكب على ويقع كل شوية ماشي في طريق يحاول يقول يمكن العلامة دي يمكن العلامة دي يمكن العلامة دي تايه زي ما شباب جدا تايه تايه بيدور على السعادة يمكن تكون في المال يمكن تكون هنا يمكن تكون في الصحبة الفاسدة يمكن تكون في طالعة تغضب الله يمكن تكون في له يمكن تكون يمكن مكب على وشه. مش شايف قدامه هو ايه اللي قدامه؟ ان الساعة اتية. ده اللي جاي قدامك ده ليوم الحق انك هتخشه. فالراجل ده ماشي مكب على وجهه. قاعد باصص تحت. ده بقى اهدى من يمشي والاتنين ماشيين صح؟ افمن يمشي. مصر في المشي في الحيرة دي. فربنا بيقول لك في واحد محتار مش شايف قدامه باصص تحت رجليه كل شوية يتكعبل ويتهان ويتزل ومخنوق ده افضل اهدى امن يمشي فين بقى؟ على صراط مستقيم. ماشي؟ سويا. واقف كده منتصب القاف تشوفه وتقول الله ما شاء الله خطوات سابتة وشه قدامه شايف الطريق كويس اوي. اللي بيبقى راكب العربية وقاعد عمال يبص تحت رجليه ويلعب في الموبايل وبتاع كل شوية ايه يلبس في مشكلة صح؟ هو طريق الاخرة كده برضه طول ما انت باصص تحت رجليك وباصص في الدنو تلاقي فيه مشكلة ولزلك النبي صلى الله عليه وسلم كان كسيرا ما ينزر الى السماء. دايما قلبه متعلق فوق. بص قدامك شف انت رايح فين ؟ ده المستقبل الخالق. كل اللي قاعدين بيأمنوا مستقبلهم صح؟ نأمن مستقبل عيالنا. اشترينا كزا عشان الاولاد. اه مش عارف دخلناهم الجامعة دي شن الاولاد عشان الاولاد عشان الاولاد. طب وعشان الاخرة وانك تأمن مستقبل الاخرة خلي بالك اديكوا سمعتوا النهاردة يوم يجمعكم ليوم الجمع ذلك يوم التغابن. فاسأل الله سبحانه وتعالى ان يرزقنا الحياة الطيبة وان يطيب افعالنا واقوالنا. وان يرزقني واياكم حسن الختام. وحسن العمل. واسأل الله سبحانه وتعالى ان يمن علي وعليكم بعيشة سوية على صراط مستقيم. اقول قولي هذا واستغفر الله لي ولكم