صلى من النهار ثنتي عشرة ركعة. كان رسول الله صلى الله عليه وسلم اذا عمل عملا اثبته. وكان اذا نام من الليل او مرض صلى من النهار ثنتي عشرة ركعة لا ده يصحى تاني يوم هو زعلان ان هو فاته في صلاة فيصحى تاني يوم في الوقت اللي هو من بعد مسلا الضحى لحد قبيل الظهر يصلي اللي كان بيصليه بالليل بسم الله الرحمن الرحيم الحمد لله رب العالمين والصلاة والسلام على اشرف الانبياء والمرسلين نبينا محمد وعلى اله وصحبه ومن اتبع هداه الى يوم الدين لا علم لنا الا ما علمتنا انك انت العليم الحكيم قال الامام الترمذي رحمه الله في باب ما جاء في عبادة رسول الله صلى الله عليه وسلم عن ابن عباس رضي الله عنهما قال كان النبي صلى الله عليه وسلم يصلي من الليل ثلاثة عشرة ركعة قال ابن عباس رضي الله عنهما كان النبي صلى الله عليه وسلم يصلي من الليل ثلاث عشرة ركعة طيب في احاديث هنا جت معنا او هتيجي لسه معنا ان النبي صلى الله عليه وسلم كان يصلي اه احد عشر ركعة اه هيجي معنا بعدين في حديث عائشة رضي الله عنه فابن القيم هنا يذكر يذكر في زاد المعاد تفصيل في في الموضوع ده يعني ازاي ان احنا نجمع بين الاحاديث وهيجي معانا يعني لكن هنعدي كلام ابن القيم ده هو في اخر الكلام قبل حديث عائشة قال فقد حصل الاتفاق على احدى عشرة ركعة واختلفا في الركعتين الاخيرتين هل هما ركعتا الفجر او هما غيرهما يعني هو متفق ان النبي عليه الصلاة والسلام كان فيه قدر معين اللي هو الايه الحداشر ركعة تمام قالوا طيب التلاتاشر دول ايه اختلفوا بقى هل الركعتين اللي في البداية دول دي سنة العشا ولا ولا ركعتين اللي في الاخر دول مقصود سنة الفجر هيجي تفصيل دلوقتي يعني كمان شوية المهم ان ابن عباس رضي الله عنهما قال كان النبي صلى الله عليه وسلم يصلي من الليل ثلاث عشرة ركعة طيب الحديس اللي بعد كده الصلاة من الليل ده طبعا ايه المقصود بها القيام ماشي طيب عن عائشة رضي الله عنها ان النبي صلى الله عليه وسلم كان اذا لم يصلي بالليل منعه من ذلك النوم او غلبته عيناه صلى من النهار ثنتي عشرة ركعة ودي سنة مهمة ان احنا نتعلمها يا شباب هي ايه لو الانسان له ورد ثابت من القيام او من العبادة وآآ حصل لي مسلا عذر او كان تعبان مرهق محتاج ان هو ينام ما قدرش يصلي يعني من الليل فلما يصحى ممكن يصلي من بعد صلاة الضحى لحد الضهر اللي هو وقت صلاة الضحى يعني قد ايه؟ قبيل الظهر فربنا سبحانه وتعالى يكتب له الاجر كانه صلاه بالليل سبحان الله! وده يعني كرم من ربنا سبحانه وتعالى فهنا حديث عائشة رضي الله عنها قالت ان النبي صلى الله عليه وسلم كان اذا لم يصلي بالليل منعه من ذلك يعني منعه من الصلاة النوم او غلبته عيناه صلى من النهار ثنتي عشرة ركعة ولفظ مسلم يعني الحديث في صحيح مسلم ان رسول الله صلى الله عليه وسلم كان اذا فاتته الصلاة من الليل من وجع او غيره صلى من النهار ثنتي عشرة ركعة وفي لفظ كان رسول الله صلى الله عليه وسلم اذا عمل عملا اثبته يعني كان اذا عمل عملا داوم عليه اثبته وكان اذا نام من الليل او مرض او مرض من النهاري دي معناها ايه اي فيما بين الفجر وصلاة الظهر طيب نستفيد ايه من الاحاديث اول حاجة آآ قول عائشة رضي الله عنها كان رسول الله صلى الله عليه وسلم اذا عمل عملا اثبته فكرة ان انت تكون ثابت على العمل. ان انت تداوم على العمل الصالح. انت بدأت عملت العمل ده ما يبقاش كده ايه طالعة بس كده سخنت شوية مسلا بدأت اقرأ قرآن او سخنت شوية وبدأت احفز وبعدين خلاص انقطعت او سخنت شوية وبدأت اتعلم مسلا اه تجويد او بدأت اطلب علم او اقرأ في كتاب وبعدين انقطع وفكرة ان الانسان ينقطع عن العمل الصالح دي دي ده شيء مذموم فالنبي عليه الصلاة والسلام كان من هديه واذا عمل عملا اثبته اذا بدأ في عمل صالح اثبته داوم عليه وده ده فيه شكر لله سبحانه وتعالى على النعمة لان اللي يسر الانسان العمل اللي يسر لك ان انت تصلي آآ ركعتين مثلا قيام او ان انت تداوم على ورد القرآن او تداوم على الحفظ فده تيسير من ربنا سبحانه وتعالى وفتح من ربنا سبحانه وتعالى المعرض المعرض بعد بعد الوصل المعرض عن الطاعة ده يستحق الذنب زي ما العلماء قالوا يعني ربنا سبحانه وتعالى فتح لك باب من ابواب العبادة ويسر لك وحبب اليك الطاعة فيجي الانسان ينقطع يعني ايه باختياره يعني هو قرر ان هو خلاص يعني ايه ما ليش مزاج ان انا اصلي النهاردة او ما ليش مزاج ان انا اقرأ النهاردة فده ممكن الانسان يحرم يحرم من العبادة يحرم من التوفيق فلزلك كان النبي عليه الصلاة والسلام اذا بدأ عمل اذا عمل عملا اثبته ازا عمل عملا فاحنا عايزين نتعلم ده لو انت بدأت فيه ورد قرآن حافظ عليه يعني داوم على عمل تقدر ان انت تستمر عليه لو بدأت تصلي ركعتين مثلا في القيام او تصلي الضحى داوم عليها يعني مش عايزين ان احنا نتعامل مع العبادة مع عبادة ربنا سبحانه وتعالى ان اصل دي نافلة فعادي ان انا ممكن اسيبها واحد متعود ان هو يصوم اتنين وخميس داوم على الصيام طيب جه يوم مسلا انا تعبت مش قادر مسافر يبقى عندي المعنى التاني بقى اللي هو فيه حديس عائشة كان اذا لم يصلي بالليل منعه من ذلك النوم او غلبته عيناه صلى من النهار ثنتي عشرة ركعة وفي لفظ مسلم كان اذا فاتته الصلاة من الليل من وجع او غيره صلى من النهار ثنتي عشرة ركعة ده ده يدل على يدل على ان الانسان فعلا آآ يعني هو حريص على العبادة ان هو محب لله سبحانه وتعالى لو فاته القيام في الوقت اللي هو كان بيصلي فيه خلاص بقى القيام فات هنا هنا قال بعدين اي فيما بين الفجر وصلاة الظهر ده برضو معنى مهم. معنى ان انت تربي نفسك ان العبادة ما تفوتش كده ما تعديش ازا كان هو بيعمل كده في النوافل يبقى هيفوت الفرض فاهمين يا شباب؟ يعني انا بربي نفسي ان النافلة ان العبادة اللي انا ابدأ فيها ما تفلتش مني لان احيانا وده بيحصل كتير مسلا واحد كان متعود ان هو ينام على على وضوء سنة ان هو يتوضأ قبل النوم او اتعود ان هو ما ينامش غير لما يصلي الوتر حتى لو جاي من سفر وتعبان ومرهق ماشي او مسلا واحد كان مداوم على قدر معين من القيام او من الصيام او الصدقة فبعدين يكون هو بالنسبة له ان هو يقطع العبادة دي في حاجز يعني هو مش قادر ان هو ينام من غير ما يصلي الوتر مسلا فيجي مرة مرة الشيطان يخليه يكسر الحاجز ده اللي هو عادي انا نمت مرة من غير ما اصلي او عدى علي مسلا يوم اتنين من غير ما اصوم لو انا ما عنديش عزر انا مش بتكلم على اللي عنده عذر يا شباب لو انا ما عنديش عذر هو ايه كسل في يوم كده وايه كسر الحاجز اللي بينه وبين المداومة على العبادة دي ايه اللي بيحصل بعد كده بتبقى سهلة ان هو ما يعملهاش يعني هي اول مرة بس بتبقى صعبة بعد كده بقى عادي هتلاقي الموضوع يتكرر مسلا ان هو ايه آآ ينام بقى خلاص من غير وضوء او ينام من غير وتر او ينام الليالي ورا بعض من غير ما يصلي قيام اصلا هو كان شف احنا مش بنتكلم على اللي ما بيصليش اصلا من البداية اتكلم عن واحد كان مداوم لكن هو فكرة ان انت تكسر الحاجز اللي بينك وبين المداومة على العبادة. فاهمين يا شباب المعنى ده طيب علاج ده ايه طب لو انا في يوم مسلا تعبت او كسلت او انا مسلا اه كان عندي عذر او راحت علي نومة علاج ده ايه علاج ده ان انا ايه اربي نفسي ان العبادة ما تفلتش كده يبقى هاجي في الوقت بتاع الضحى ده قبل ما انزل مسلا الجامعة وقبل ما اروح الشغل هصلي هقضي القيام فاهمين المعنى ده يا شباب بقينا شوف شوف بقى فضل ربنا سبحانه وتعالى لما الانسان يكون عنده الحرقة دي ان هو زعلان ان العبادة آآ فاتت ان هو متضايق ان ان هو فوت القيام او فاتته عبادة او فات منه مجلس او فهو ازاي ان هو يعوض ده؟ مش خلاص بقى ايه فاتني الدرس مسلا النهاردة او النهاردة خلاص عدى وقت الورد فازاي ان هو يعوض ده فربنا سبحانه وتعالى يكتب له الاجر كأنه صلاه في الوقت قال كما في حديث عمر بن الخطاب رضي الله عنه قال قال رسول الله صلى الله عليه وسلم من نام عن حزبه او عن شيء منه فقرأه فيما بين صلاة الفجر وصلاة الظهر كتب له كأنما قرأه من الليل يا جماعة كرم ربنا سبحانه وتعالى من نام عن حزبه او عن شيء منه الحزب من نام عن حزبه عن الجزء من القرآن يصلي به مش مش شرط معنى الجزء اللي هو الجزء لكن هو له ورد ثابت له ورد ثابت في القيام مسلا يعني اول ورد سابت من القراءة. قراءة القرآن فنام عن عن الورد من نام عن حزبه او عن شيء منه يعني قرأ شوية وبعدين ما قدرش يكمل الحسبة او الورد اللي هو كان مداوم عليه يعني قرأ هو مسلا بيصلي مسلا من الليل مسلا جزء او بيصلي بنص جزء فصلى ربع ولقى نفسه ايه؟ قرأ قرأ ربع من القرآن ولقى نفسه مش قادر ان هو متعود هو مداوم على مسلا نص الجزء مثلا حزب مسلا فبعدين لما يصحى تاني يوم يقوم مكمل الورد بتاعه فاهمين يا شباب فقال من نام قال السيوطي رحمه الله من نام عن حزبه عن الجزء من القرآن يصلي به وقال العراقي رحمه الله هل المراد به صلاة الليل من نام على الحزب المراد به الصلاة او قراءة القرآن في الصلاة او في غير الصلاة يعني الحزب ده هل المقصود به القيام ولا المقصود به قراءة القرآن عموما؟ سواء في الصلاة او في غير الصلاة فقال ان الامر ايه يحتمل يعني ممكن ده وممكن ده يعني ممكن واحد يكون عنده ورد بالليل ورد بقى من الصلاة ورد من الذكر ورد من القرآن فلما يفوته الورد ده يقضيه ده من السنة قال والحديث يدل على مشروعية اتخاذ ورد في الليل وعلى مشروعية قضائه اذا فات لنوم او لعذر من الاعذار وان من فعله بين صلاة الفجر الى صلاة الظهر كان كمن فعله في الليل وبعدين زكر بعدها بقى قال وقال السندي وهذه الفضيلة انما تحصل لمن غلبه نوم او عذر او عذر منعه من القيام يعني لو ده الفضيلة دي تحصل لمين ان هو ياخد نفس الاجر نفس الثواب كانه صلى من الليل للي كان عنده عذر يعني هو مداوم بس عنده عذر قال ايه؟ لحسن نيته وصدق تلهفه وتأسفه وزعلان ان العبادة فاتته ماشي؟ قرأوا ايه؟ كلام كلام السن دي كله يعني وبعدين قال بعدها وعن ابي هريرة رضي الله عنه قال اذا قام احدكم من الليل قال عن ابي هريرة رضي الله عنه عن النبي صلى الله عليه وسلم قال اذا قام احدكم من الليل فليفتتح صلاته بركعتين خفيفتين فندب النبي صلى الله عليه وسلم من قام من الليل ليصلي ان يفتتح صلاته بركعتين خفيفتين وكذلك كان فعله صلى الله عليه وسلم يعني النبي عليه الصلاة والسلام بيعلمنا ان من السنة ان انت لما تبدأ القيام تبدأ ايه بركعتين خفيفتين فروى مسلم عن عائشة رضي الله عنها قالت كان رسول الله صلى الله عليه وسلم اذا قام من الليل ليصلي افتتح صلاته بركعتين خفيفتين يبقى دي سنة قولية وسنة ايه فعلية سنة قولية النبي عليه الصلاة والسلام قال ازا قام احدكم من الليل فليفتتح صلاته بركعتين خفيفتين والسنة الفعلية اللي هي ايه قول عائشة قالت كان رسول الله صلى الله عليه وسلم اذا قام من الليل ليصلي افتتح صلاته بركعتين خفيفتين عرفنا يا شباب الفرق بين السنة القولية والسنة الفعلية ماشي قال النووي رحمه الله كان رسول الله صلى الله عليه وسلم اذا قام من الليل ليصلي افتتح صلاته بركعتين خفيفتين ليه يعني ليه بتبدأ كده الصلاة بركعتين آآ ركعتين خفيفتين علشان تسخن كده احنا اصلا القيام بتاعنا كله احنا القيام بتاعنا كله ركعتين خفيفتين اصلا ربنا يعفو عنا يعني تاني الفرق بين السنة القولية والسنة الفعلية السنة القولية يعني ان النبي عليه الصلاة والسلام يقول للصحابة مثلا افعلوا كذا وده ده يحمل على الاستحباب يعني ده سنة مش فرض مش واجب زي في الحديس الاول حديث ابي هريرة ازا قام احدكم من الليل فليفتتح صلاته بركعتين خفيفتين ده امر ايه؟ فليفتتتح هنا امر لكن الامر ده يحمل على الاستحباب اصلا القيام مش واجب ماشي بل يفتتح صلاته بركعتين خفيفتين. طيب يبقى دي اسمها سنة ايه ده سنة قولية تمام اللي هي من كلام النبي عليه الصلاة والسلام طيب السنة الفعلية اللي هي افعال بقى النبي كان بيعمل ايه؟ عليه الصلاة والسلام عائشة رضي الله عنها قالت كان رسول الله هي شافته بيعمل كده ازا قام من الليل ليصلي افتتح صلاته بركعتين خفيفتين يبقى الفعل كان مطابق لايه للقول فقال ان الامام النووي رحمه الله بيقول ان الصلاة ده آآ يعني قال ان الانسان يفتتح القيام بركعتين خفيفتين اه ده حديث ابي هريرة يعني في دليل على استحبابه استحباب الامر ده لينشط بهما لما بعده. علشان ايه الركعتين يكونوا خفاف كده يسخن علشان يدخل بقى على اللي بعده الطويل بقى اللي هو الحديس اللي معنا اللي جاي ده وهنختم به ان شاء الله طيب الحديس اللي بعد كده عن زيد بن خالد الجهني رضي الله عنه انه قال لارمقن صلاة النبي صلى الله عليه وسلم قال فتوسدت عتبته او فسطاطه فصلى رسول الله صلى الله عليه وسلم ركعتين خفيفتين ثم صلى ركعتين طويلتين طويلتين طويلتين ثم صلى ركعتين وهما دون اللتين قبلهما ثم صلى ركعتين وهما دون اللتين قبلهما ثم صلى ركعتين وهما دون اللتين قبلهما ثم صلى ركعتين وهما دون اللتين قبلهما ثم اوترا فذلك ثلاث عشرة ركعة طيب سيدنا زيد ابن خالد صحابي مدني قال لارمقن صلاة النبي صلى الله عليه وسلم شوفوا بقى ايه يا جماعة مركز في ايه قال انا هقعد ايه اقعد اراقب النبي عليه الصلاة والسلام. شف هو بيصلي ازاي يعني واحد قعد ليلة كاملة هو ما بيعملش حاجة غير ان هو ايه هو قاعد بيتفرج وقاعد مركز بيراقب النبي عليه الصلاة والسلام ويراقب علشان يشوف هو رضي الله عنه وقعد ليلة هو وهب نفسه للعمل ده. يعني انا انا طول الليل قاعد لارقبن صلاة النبي صلى الله عليه وسلم يعني عمل عمل ممكن انت تشوفه كده اللي هو عمل بسيط بس هو مش بسيط ولا حاجة هو قاعد طول الليل بيتفرج على النبي يا شاهد فاهمين ده؟ النبي عليه الصلاة والسلام واقف بيصلي وهو قاعد اه اه عامل بيقول فتوسدت عتبته او فسطاطه اللي هو الخيمة بوستات اللي هي الخيمة العزيمة فالمراد يعني رقدت عند بابه وجعلت عتبته عتبة الفسطاط عتبة الباب كالوسادة بوضع رأسي عليه. فضل قاعد ايه؟ حاطط رأسه كده ونايم بيتفرج على النبي عليه الصلاة والسلام وهو بيصلي فقال لارمقن صلاة النبي اي لانظرن واتأملن واحفظن وارقبن قال فصلى بدأ بقى النبي عليه الصلاة والسلام يصلي صلى رسول الله صلى الله عليه وسلم وركعتين خفيفتين افتتح بهما صلاة الليل ثم صلى ركعتين طويلتين طويلتين طويلتين كررها ثلاث مرات للمبالغة في طولهما يعني هي ركعتين طوال طوال طوال طويلتين طويلتين طويلتين عايز يقول ان هي ايه طويلة جدا جدا جدا وانما بولغ في تطويل هاتين الركعتين لان النشاط في اول الصلاة بعد المقدمة يكون اقوى يعني اللي متعود هيبقى فاهم ده. هو يصلي الاول ركعتين ركعتين خفيفتين وبعدين الركعتين اللي بعدها على طول اطول حاجة عشان دي دي اعلى حاجة في النشاط لان النشاط في اول الصلاة بعد المقدمة يكون اقوى. والخشوع يكون اتم ومن ثم سنة تطويل الركعة الاولى على الثانية في الفريضة حتى مسلا في صلاة الفجر الركعة الاولى تبقى اطول من الركعة التانية في غيرها يعني من الفرائض في القراءة يعني قال ثم صلى ركعتين وهما دون اللذين قبلهما يعني الاول ركعتين ركعتين خفيفتين وبعدين ركعتين طويلتين طويلتين طويلتين وبعدين ثم صلى ركعتين وهما دون اللتين قبلهما. يعني في الطول اقل شوية. يعني مسلا ايه؟ طويلتين طويلتين بس مش طويلتين طويلتين طويلتين دونهما يعني اقل دونما يعني اقل يعني بننزل بالتدرج كده ثم صلى ركعتين وهما دون اللتين قبلهما ثم صلى ركعتين وهما دون اللتين قبلهما ثم صلى ركعتين وهما دون اللتين قبلهم فذكرهما ست مرات الاوليان خفيفتان ثم التاليتان اطولها ثم الاربع التي بعدها كل ركعتين اقصر مما قبلها فاهمين يعني اول اتنين خفاف وبعدين الاتنين اللي بعدهم اطول حاجة وبعدين كل ركعتين يبتدي ايه؟ يخف شوية يعني اول حاجة ركعتين خفاف وبعدين ركعتين طويلتين طويلتين طويلتين يعني اطول حاجة وبعدين بعدها اخف شوية وبعدها اخف شوية وبعدها اخف شوية قال فتلك ثلاث عشرة ركعة هو جمع اهو قال لك ايه؟ قال لك المجموع اهو المجموع ده علشان ايه علشان حتى الراوي وهو بيروي الحديس ما يتلخبطش قال ذكر ذلك مع استفادته من العد وهو اصلا عد. قال لك ركعتين ثم ركعتين ثم ركعتين. لكن في الاخر قال لك دول ايه؟ تلتاشر عشان ما تتلخبطش يعني اه لئلا يسقطوا ركعتان مثلا من راوي مثل فكان صلى الله عليه وسلم ربما صلى ثلاث عشرة ركعة من الليل وكان اغلب ما يصلي احدى عشرة ركعة زي ما قلنا في البداية قال الشيخ الالباني رحمه الله في بيان كيفيات صلاة الليل التي ثبتت عن النبي صلى الله عليه وسلم الكيفية الاولى ثلاث عشرة ركعة يفتتحها بركعتين خفيفتين الشيخ قال ايه؟ قال وهما على الارجح سنة العشاء البعدية يعني بيقول ايه؟ هو قال في الراجح كده على الراجح يعني ان اول ركعتين هما الركعتين الخفيفتين دول ايه سنة العشاء او ركعتان مخصوصتان يفتتح بهما صلاة الليل ثم يصلي ركعتين طويلتين جدا ثم يصلي ركعتين دونهما. يعني اقل شوية اه ممكن اه ممكن نأخر سنة العشاء ثم يصلي ركعتين دونهما ثم يصلي ركعتين دون دون اللتين قبلهما ثم يصلي ركعتين دونهما ثم يصلي ركعتين دونهما ثم يوترهما وركعة ماشي وقال علماء اللجنة الدائمة ثبت انه صلى الله عليه وسلم كان يصلي في بعض الليالي ثلاث عشرة ركعة فوجب ان يحمل كلام عائشة رضي الله عنها في قولها ما كان رسول الله صلى الله عليه وسلم يزيد في رمضان ولا في غيره على احدى عشرة ركعة على الاغلب جمعا بين الاحاديث وده هيجي معنا في في المجلس اللي جاي في بكرة بكرة ان شاء الله. بالتفصيل ماشي طيب ماشي احنا هنقف كده عند حديس عن ابي سلمة وبرضو المجلس اللي جاي برضه الامر هيتضح اكتر يا شباب يعني اللي عايز يقرأ الباب على بعضه ممكن يرجع يقرأ الباب من الكتاب عشان يبقى مستوعب الفكرة وهيجي بعد كده ايه هل هو احنا اخرنا في القيام بس حداشر ركعة او تلتاشر طب ممكن تزود عن كده هيجي معنا بقى ان شاء الله في المجلس اللي جاي بازن الله. ايه تفصيل في الاحاديس دي ان شاء الله طيب هذا وصلى الله على نبينا محمد وعلى اله وصحبه وسلم والحمد لله رب العالمين