نبي الله حبك في الحلايا كما المزني صبا صبا ماذا تعانقه السرائر وهي عطشا ان الحمد لله تعالى نحمده ونستعين به ونستغفره ونعوذ بالله تعالى من شرور انفسنا وسيئات اعمالنا. من يهده الله فلا مضل له
ومن يضلل فلا هادي له. اشهد ان لا اله الا الله وحده لا شريك له. واشهد ان محمدا عبده ورسوله صلى الله عليه واله وسلم. اللهم صل على محمد وازواجه وذريته وال بيته كما صليت على ال ابراهيم انك
انك حميد مجيد. وبارك على محمد وازواجه وذريته وال بيته. كما باركت على ال ابراهيم انك حميد مجيد. اما بعد فان اصدق الحديث كلام الله تعالى واحسن الهدي هدي محمد صلى الله عليه واله وسلم
وشر الامور محدثاتها وكل محدثة بدعة وكل بدعة ضلالة وكل ضلالة في النار. ثم اما بعد فلا زال الحديث ايها الاخوة مع النبي صلى الله عليه واله وسلم. السؤال التقليدي كيف اخبار شوقك لرسول الله صلى الله عليه وسلم؟ وحبك له
وكيف اخبار ولائك له صلى الله عليه واله وسلم لا سيما ونحن يطل علينا الان من ابواب لا ولاء فيها. لا ولاء فيها. ويقدم في الحقيقة في هزه الاونة ايها الاخوة يرى الانسان ان الدين صار يقدم لا اقول يقدم يتبرع به تبرعا
يعني آآ تمشي لي دي وتاخد حتة من ديني اه امشيها لك خد حتة ونص من عندي. مش كده ولا انا آآ لابس نضارة سودة هو كزلك الحقيقة. نسأل الله عز وجل وهو ولي
الاسلام واهله ان يمسكنا بالاسلام حتى نلقاه به. فللسلام حقيقة ومن حقائقه هذا الولاء فكيف حال شوقك؟ هل اطلعت على شيء من سنته؟ هل مارست شيئا من الولاء له وتفضيله على غيره عند المحكات والولاء حب
مخلوط بنصرة. مش كده؟ اصل الولاء حب فيه نصرة عشان كده اتيت لك باثر في السنن وغيره وغيرها عن عبدالله بن عبدالله بن ابي بن سلوى. شف الفرق عبدالله بن عبدالله بن ابي بن سلم. ابوه رأس النفاق وهو من رؤوس المؤمنين رضي الله عنه
وكان النبي صلى الله عليه وسلم في غزات تبوك وتعلمون ان عبدالله بن ابي بن سلول لم يذهب معه الى غزة تبوك وانما مشى مرحلة او مرحلتين ثم رجع. وهو ماشي كان ينزل في مؤخرة القوي. بينه وبينهم كده
كتير بحيس انه ينسلت بسهولة ويرجع يدبر امره يعني. والنفاق دائما مخلوط بجبن تلاقي المنافق جبان. ثم خرج رجل من المهاجرين فاشتجر مع رجل من الانصار فخرج عبدالله بن ابي بن سلول وقد قيل له انهم قد تشاجرا انهما قد
تشاجرا ونادى احدهما يا للمهاجرين والاخر يا للانصار. فخرج عبدالله بن ابي بن سلول وقال اوقد فعلوها اوقد فعلوها؟ صدق القائل سمن كلبك يأكلك. وجوع كلبك يتبعك لان رجعنا الى المدينة ليخرجن الاعز منها الاذل. واشار الى نفسه بالاعز واشار الى رسول الله واصحابه
بالازل. فنمت الكلمة للنبي عليه الصلاة والسلام. شوفوا يا اخوانا كيف صنع عليه الصلاة والسلام فاستدعى رسول الله رجلين رجل زهب هو اليه والاخر استدعاه عنده. والقصتين في غاية العجب
دول في غاية العجب. اما الاول فقد دخل النبي صلى الله عليه وسلم آآ على سعد بن عبادة. وقيل سعد بن معاذ على ان القصة دي اما ان حصلت في تبوك وفي غيرها واما
ما حصلت قبل تبوك لان تعلمون ان سعد ابن معاذ مات فين؟ عقب غزوة الاحزاب وغزوة الاحزاب سنة اربعة هجرية. فدخل عليه وقال انظر ما يقول عبدالله بن ابي فقال له او قال انظر ما يقول ابو الحباب
وده من جملة فطنته في دعوته صلى الله عليه وسلم. فقال له يا رسول الله اعذره فانه كان ينظم له خرز تاج حكم الاوس والخزرج. لحد ما النبي صلى الله عليه وسلم جه في نحاه. ما بقاش فيه حد اعلى اعلى منه عليه الصلاة والسلام
وهو هكزا ازا اردت ان تقيم الدولة على الدين كده ما فيش حاجة بقى زي ما بيقول لك بتقصي فصيل وتحط ما فيش الكلام ده من نزح الى الله ورسوله فهو على العين والرأس. ومن حاد الله ورسوله مع السلامة
تخصى ثم قال النبي صلى الله عليه وسلم ادع لي عبدالله بن عبدالله بن ابي. ده ابنه. فلما جاء عبدالله بن عبدالله بن ابي بن سلول ودخل على رسول الله جسى بين يديه. فقال
النبي صلى الله عليه وسلم يا عبدالله الم تسمع ما قال ابوك؟ فقال يا رسول الله وما قال ابي بابي انت وامي شف الكلمة دي ما قال ابي بابي يعني ابتداء انا ما ليش ولاء لابويا قد ما لي ولاء لك انت. ما قال ابي بابي انت وامي
فقال له انه قد قال كزا وكزا. فقال يا رسول الله قد علمت الاوس والخزرج انني من ابر الناس بابي. يعني بره مشهور مع ان العرب كلهم كان عندهم ولاء لابائهم لكن عبدالله ابن عبدالله بن ابي كان بره مشهور قوي كان في زيادة عن كده
قد علمت الاوس والخزرج بري بابي انني من ابر الناس بابي. وان شئت يا رسول الله ضربت لك عنق عايز اموته لك وانا يعني وهو انا ابر الناس به يعني هبقى متألم جدا. فقال له
النبي صلى الله عليه وسلم لا لا عليك لا ما تروحش تموت تموت ايه؟ فخرج من عنده حتى وقف على باب المدينة وكان ابوه قد تأخر زي ما بقول لك كده دايما متلكع كده ماشي في اخر الخلق. فوقف على باب المدينة سم انتظر اباه
قاعدا حتى ازا دخل ابوه قام له واخزه بتلابيبه. قام لابوه راح ماسكه وبيقول لك ابر الناس بابوه ما كانش بيبص له من فرط تهيبه له وبره به. ثم اخزه من مجامع ثوبه وامتشق حسامه. راح ماسك السيف
وقال له اتقول ما قلت على رسول الله صلى الله عليه وسلم؟ والله الزي لا اله غيره لا تدخل المدينة ولا تستظل بظلها ولا تروى بمائها ولن تدخل بيتك حتى يأذن فيك رسول الله صلى الله عليه وسلم. شوفوا يا اخواننا مسائل الولاء والبراء ديت
موضع حاد جدا في شريعتنا ما فيهوش ان آآ طب بالراحة طب بهدوء اصل الموضوع فيه وفيه اصل ما فيش كده. ازا امر فيه ولاء لله ورسوله. وبراءة ممن يحاد الله ورسوله. لازم تبقى واقف فيه كده زي السيف. تزمجر
جرة الاسد ليس الا. ما فيش الا كده. فمن اقترب منك اصيب من قوم ما هو قدر هذا القسط في ديننا. واوعى تفكر ان عبدالله بن ابي بن عبدالله ما تفكروش انه حجارة او
ده بيموت ابوه يعني لم يكن الرجل رضي الله عنه حجارة او حديدا ايها الاخوة برضه احساس وكده. لكن عندنا مفاصلة في امور لا يطمع احد ان يدخل علينا منها. ما يقدرش يتكلم معنا فيها. ما بيتكلمش ابتداء في الموضوع ده. ابتداء ما يتكلمش فيه. ده بيبقى من ايه
ايه بقى من كسرة انكارك فيه. وان اول ما لمسك شط فيقول لك لا ما تقربلوش تاني احنا ما صدقنا خلصنا من المرة اللي فاتت سم قال له فلما رأى زلك عبدالله بن ابي بن مسعود حصل ابني يعمل في كده فنادى
قال يا للخزرج يا للخزرج ابني يمنعني بيتي يا للخزرج ابني يمنعني بيتي فلاذ الناس بعبدالله ولم يزل كما هو رضي الله عنه. قال والله لا تدخل المدينة ولا تستظل بظلها حتى ياذن
رسول الله فيك فانطلق رجل لقى الموضوع بقى كبير وقف قصاد بعضه وبعدين برضو الناس بتسأل هو فيه ايه ؟ ده اصله قال كزا وكزا كزا وكزا وكزا لا خلاص موته. الشعب كله على قلب رجل واحد وعقيدة واحدة. ده الكلام ده لان النبي صلى الله عليه وسلم كان يلح عليهم بهذا
ان في ده ده خط احمر نتفق عليه كلنا. مش واحد يقول لك بالتفصيل. الموضوع فيه تفصيل. واحد يقول لك الموضوع فيه نظر لا ابدا ده ده كلام متفق عليه. وهذا الكلام لا يكون متفق عليه في ذيل الامة الا ان تستدعي اجماع رأس الامة
يعني ما يطلعش ابدا حد يقول لك لا والله ده ممكن نتناقش في مسألة معينة عشان تجمع الامة عليها تقوم تجيب آآ راس الام قالت ايه سلف الامة صدر الامة فاذا اجمعوا على شيء لا سبيل لاحد ان يثبت الخلاف فيه. لا سبيل له. انتهى
ده كلام اصولي كما تعلمون. فرح انطلق رجل من المسلمين حتى دخل على النبي صلى الله عليه وسلم وقال يا رسول الله حدث كذا وكذا. في على باب المدينة مشكلة دلوقتي. وان عبدالله بن عبدالله بن ابي بن سلول يمنع
اباه ان يدخل واقسم انه لن يستظل بظلها ولن يدخل بيته حتى تأذن له يا رسول الله. فقال رسول الله صلى الله عليه وسلم مرورا فليترك اباه وقد ازنت له في ذلك. فانطلق الناس فاخبروا بذلك عبدالله فلم يسكت. شف قالوا له بقى خلاص قال لك ادخل. قال خلاص
خلاص يبقى فاضل تار تاني بقى. ايه هو التار شتمت النبي. شتمت النبي عليه الصلاة والسلام. يبقى لازم اردها لك. قال له يا ابا انت مش قلت انا الاعز رسول الله الازل؟ اه قال له والذي نفسي بيده لن تدخل المدينة حتى تشهد انك الازل وان رسول الله الاعز
فوقف عبدالله بن ابي وقال اشهد اني انا الاذل وان رسول الله الاعز. ثم دخل الى المسجد ده ولاء ايها الاخوة يتعرض المرء فيه ده اقل من كده. انتم عارفين سيدنا خالد كان عنده طاقية دايما لابسها. ومش عارفين خالد ابن الوليد ماسك
ليه؟ مع ان سيدنا خالد فتح فتوحات عزيمة وكان معه فلوس كتير جدا. مما غنم حتى ان عمر رضي الله عنه ما كانش متوقع ان ممكن حد يفتح الفتوحات دي عشان كده
ترى ما له كما تعلمون. قال له كله بالنص حتى العمة اقطعها نصين والحزاء اخد فردة واسيب لك فردة. وكان خالد رضي الله عنه يقول والزي نفسي بيده لو امر علي امير المؤمنين امرأة او عبد لاطعت لهما طالما يسوسني بكتاب الله عز وجل
واطيع طب امال الطاقية دي ما بتغيرهاش ليه؟ ما حدش يعرف. فبينما فهو في بعض معاركه اذ هجم هجمة فرجع وقد سقطت قلنسوته. الطاية دي وقعت. فوجدوه قد دخل في القوم دخل
من كرة. راح شد عليهم شدة ودخل موت ناس كتير قوي. وهو تعرض للموت لانه بقى في وسطيهم. فلما رجع ده مش مش موقف حربي ابدا ما فيش حد يعمل كده دي داخلة لانسان هيموت روحه. فلامه اصحابه ثم سألوه ما في هزه القنصلة. يعني ايه تساوي كم يعني
فقال لم اقاتل لاجل القنصوة. وانما لاجل انني قد اصبت بعض شعرات رسول الله صلى الله الله عليه وسلم فكنت قد جعلتها فيه. فخشيت ان احرم بركة شعرات رسول الله صلى الله عليه وسلم
الامة اللي تكون على هزا النحو ايها الاخوة امة تحافظ على اصولها يقيم الله عز وجل دولتها ولا تغلب ما حدش يقدر عليه ابدا. انما ان تكون المسائل كلها معرضة للاخذ والرد
والنزر لا في الحقيقة. ولعلها ان تكون خطوة ايها الاخوة على الطريق  ان آآ اخوانكم في مسجد آآ حمزة ابن عبد ابو الطالب رضي الله عنه يدعونكم المؤتمر بعنوانهم العدو فاحزرهم
يبدأ هزا المؤتمر من يوم الاثنين القادم بعد بكرة. ان شاء الله آآ خمسة احنا قلنا الاخوة برضه يبقوا يكتبوا التاريخ ايه؟ الهجري. حكاية تلتاشر خمسة يعني يكتب ده وده
آآ ان شاء الله يوم الاثنين القادم وانا بمناسبة هذا المؤتمر ان شاء الله عز وجل آآ اعتذر عن السبت القادم. لانه السبت القادم هيكون موجود فضيلة الشيخ احمد النقيب موجود في في هزا المؤتمر وان شاء الله عز وجل انا اكون حريصا على اني اتواجد
معكم ان شاء الله فيكم. آآ يوم الاتنين الشيخ معاوية هيكل يوم التلات الشيخ مجدي عرفات. والشيخ علي الوصيفي. يوم الاربع الشيخ حسني حسان ده امام المسجد. يوم الخميس الشيخ عادل السيد يوم الجمعة الشيخ عبدالسلام عبدالكريم
يوم السبت الشيخ احمد النقيب يوم الاحد الشيخ سعد عرفات يوم الاثنين الشيخ فتحي غريب يوم الثلاثاء يوم ما تحضروش يوم التلات ده ما تحضروش بقى. يوم الاربعاء الشيخ عبدالله بن عبدالعزيز يوم الخميس شيخ صابر
دياب يوم الجمعة الشيخ احمد بدر. وكما تتشرف ادارة المسجد ان تدعوكم لخطب شهر رجب وهي كالتالي الجمعة الاولى الشيخ شريف الهواري الجمعة السانية الشيخ علي نصر. الجمعة السالسة برضو. الجمعة الرابعة الشيخ فتحي غريب. المسجد بقى عنوانه بجوار التوحيد والنور بميدان النعام
عين شمس. نسأل الله عز وجل ان ينفعنا واياكم. فهذه الاصول ايها الاخوة عايزين نرجع اليها كما قلت لك نريد قلوبنا ملتهبة. معلش هو انا مش مش او مش مش متعود مش عاوز اني ادلف الى الواقع في مثل هذا المجلس
بالزات الدرس ده بالزات. لانه عايزه يبقى كله كلام عن النبي صلى الله عليه وسلم بلا واقع. من غير ما نتكلم عن واقعنا لان واقعنا هيعكر علينا هيعكر عليها فرحتنا بالنبي عليه الصلاة والسلام صح ولا لأ؟ ففي الحقيقة الواحد ما يعني ما كنتش عاوز كده بس كما تعلمون ان احيانا كده يبقى الواحد برضو
ونفسيا مش قادر مش قادر يسكت لازم يندفع. لازم يكون لك مع رسول مشاعر. وطبعا مع التوحيد زي ما قلنا قبل كده بس كمان ان احنا قلنا مسجد بلال ده مسجد النبي. عليه الصلاة والسلام. فالكلام فيه عن النبي عليه الصلاة والسلام
ولزلك لازم يكون لك معه لازم تكون تتحرك من باطنك اليه. شف سيدنا خالد حاطط طاقية ومش عايز يقول لحد. بس كاني به كل شوية مع الطاقية ويبص فيها شعرات النبي عليه الصلاة والسلام. يروح حاططها فوق دماغه. يخلعها ويبص فيها. قام محمد ابن سيرين قاعد مع عبيدة السلماني
الاتنين من التابعين في عبيد السلماني بيقول له انت تعرف انا عندي شعارات من شعارات النبي. محمد ابن سيرين بيقول لي عبيد السلماني شعارات من شعر رسول الله صلى الله عليه وسلم اصبتها من ال انس بن ما لك
فنظر عبيد السلماني وقال عندك من شعرات رسول الله؟ صلى الله عليه وسلم؟ فقال له نعم فتأسف عبيده وقال والله لوددت انها لي وانفق فيها الدنيا وما عليها لو معي الدنيا كلها في ايدي انا انفقها جميعا بس يبقى الشعرتين تلاتة دول عندي. وكان الامام انتم عارفين ان ان
بشيء من النبي، عليه الصلاة والسلام، ده جاز ولا جاز؟ ده بخلاف غيره. هو حصري عليه هو. بخلاف غيره عليه الصلاة والسلام كان الامام احمد يعقدها في صرة في قميصه. يجيب الجلابية كده ويحط الشعرات ويقوم عاقدهم. وكان حين الضرب قد
في قميصه. لما كان لما علقوه بيضربوه كان له عقدة كده في القميص دي كانت شعارات النبي عليه الصلاة والسلام. فالمسألة ما كانتش هي مسألة شعارات النبي عليه الصلاة والسلام فقط لأ. الموضوع يا اخوة كان موضوع المشاعر اللي بينك وبينه عليه الصلاة والسلام
هو ده ما نريده ان ينمو فينا ايها الاخوة. نريد انماء ذلك فينا. نسأل الله عز وجل ان يمتعنا واياكم بتوحيده وباتباعنا للنبي عليه الصلاة والسلام. كان من جملة شمائله عليه الصلاة والسلام الباب ده طال شوية معنا. وآآ في الحقيقة انا برضو ما صدقت
قلنا خلينا نخش تاني كاننا داخلين في الشمائل تاني. فكان من جملة ما ما زكر ابن القيم رحمه الله قال عن النبي صلى الله عليه وسلم انه كان يمزح ولا يقول الا حقا. يعني كان يضحك ويمزح ويقول كلام لكن لا يقول الا حقا عليه الصلاة والسلام. وتكلمنا عن مسألة
وانا هطلع في الجرنال قل لي هتطلعني فين؟ واتكلم عن مسألة المزاح تكلمنا عن موضوع المزاح وقلنا ان هذا المزاح من جملة مقومات الانسان ان الانسان المسلم بسوم ضحوك فازا جاء
الجد قطب. ما ينفعش بقى عند الجدة الاقيك واقف تهزر. قلت لك ان النبي صلى الله عليه وسلم كان بيصف الصحابة وبعدين واحد بيرجع يعني ورا كده راح دايس على رجله عليه الصلاة والسلام. فنفحه بالسوط نفحة. راح خابطه بالكرباك اللي فيه. انت في معركة وتايه
مش واخد بالك انت بترجع فين ولا رايح فين ده انت في معركة يعني ممكن تموت. لكن فيما دون زلك كان صلى الله عليه وسلم لا تراه الا الا تراه مبتسما وورث زلك منه ورث زلك آآ اصحابه رضوان الله عليهم ومن بعدهم من ائمة الاسلام. فالجمع
وبين النقيضين في شخصية واحدة هو من كمالها. فمن جملة كمالك ان ترى بساما في النهار بكاء في الليل. ده من جملة كمالك. ان عينك دي تعرف تدمع من الضحك وتعرف تدمع
من الخوف والخشية. من جملة تمامك. لذلك ذكرنا في اللقاء الفائت بعض بعض الادلة وذكر الكتاب والسنة في مسألة المزاح ونكمل ذلك ان شاء الله عز وجل في هذا المجلس
وهذا اثر بالغ في ان التبسم يعالج الامور الكبار. شف الاسر ده طبعا انا برضو عايز ازيل على شيء ان برضه بعض الاخوة بيظن ان من جملة الالتزام انك ما تضحكش
وفاكرين القصة المشهورة ان كان بعض مشايخنا بيقول كان عند واحد صاحبه وبعدين خرجوا ووقفوا على الباب فهما واقفين بيتكلموا مع بعض حد قال قفشة كده راحوا ضاحكين وصوتهم علي كلهم كل المشاكل اللي كانوا واقفين صوتهم علي. فسمعوا صوت مراته من جوة بتقول ده بيعرف يضحك اهو. لانه قاعد في البيت
ما فيش كله قرارات. فده في الحقيقة من جملة الصد لا من الدعوة قلنا لأ زي ما بقول لك كده كنت لا لا تريد ان ترى رسول الله الا رأيته متبسما عليه الصلاة والسلام. شف الموقف ده موقف لا
جاء رجل في يوم فتح مكة يقال له فضالة ابن عمير الليثي فجاء يطوف بالبيت ورسول الله صلى الله عليه وسلم كان يطوف بالبيت. والرجل لم يرد ان يطوف بالبيت وانما اراد
ان يقتل رسول الله صلى الله عليه وسلم. خد بالك بقى ده عايز يموته مش عايز يطوفه. راح مقرب من النبي قوي كده وقال لك اما آآ اخد بقى تحيل لحزة
افأقتله فيها؟ وانت تعلم ان جبريل رواحا بها التاء هتخبي على مين؟ هو عليه الصلاة والسلام موصول بالسماء. فاقترب الرجل من النبي صلى الله عليه وسلم فالتفت اليه النبي صلى الله عليه وسلم وقال
قال افضالة؟ اول مرة اشوفه اهو. قال له مش انت فضالة؟ افضالة؟ فقال نعم. فضالة يوم رسول الله. يعني انا فضالة. فقال مازا كنت تحدث نفسك؟ شف بقى الكلام فين؟ يعني عايز افهمك ان انا ايه
مازا كنت تحدث نفسك وده كلام قد يكون بالايحاء وقد يكون حق صح ولا لأ؟ يعني ممكن واحد يوحي انا ممكن اكلمك كده واقول لك انت كنت بتفكر فكر دلوقتي انك تشرب كوباية المية دي مني. لا والله ما اقدرش اتغلب بس طب ركز. ركز انت كنت بتفكر ممكن اقنعك على فكرة
يعني في مرة اخ اتصلت به بالتليفون فبقول له انت انت كنت نايم؟ قال لي لا ما كنتش نايم. قلت له لأ انت قاعد دلوقتي على السرير دلوقتي حالا انت قاعد على السرير. فسكت شوية كده وبعدين قال لي لا والله ما انا قاعد. قلت له طب فكرني شايفك ولا ايه؟ واحيانا برضه
بيزنوا كده احيانا. تاخدهم حتة تصوف كده. فممكن ييجي بالايحاء يوحي لك وممكن ييجي بالايه؟ لا يأتي بقى اللي هو ده لا بوحي. فالنبي صلى الله عليه وسلم قال ماذا كنت تحدث نفسك؟ قال لا شيء يا رسول الله. كنت اذكر الله. الكلام ده تقوله لنا احنا بقى يا سيدنا الفضالة
جاي تقولوا للنبي قال كنت اذكر الله فضحك النبي صلى الله عليه وسلم. خد بالك ده كان جاي يموته. فقعد يضحك عليه الصلاة والسلام. سم قال قال استغفر الله يا فضائل. مش هقول لك انت بتقول ايه ؟ استغفر بقى. عيب. قال استغفر الله يا فضالة
سم وضع يده صلى الله عليه وسلم على صدره وكان قلبه يضطرب فسكن. انت عارف لما ابقى ناوي على حاجة ضربات قلبي بتبقى متجاوبة معي. راح النبي صلى الله عليه وسلم حط ايده وهو انت مشكلتك هنا. راح حط ايده على صدره فسكن قلبه
فلما رفع رسول الله يده عن صدره قال فضالة رضي الله عنه والله ما رفع يده عن صدري حتى خلق الله من خلق حتى ما خلق الله من شيء كان احب الي من رسول الله صلى الله عليه وسلم. جزاك الله خيرا
كان رايح داخل عشان يموته فالنبي حط ايده على سيده كده لما رفع ايده قال له انا كنت داخل اموته يعني باكرهه جدا فلما رفع ايده فلم يكن شيء مما
الله عز وجل كان احب الي منه صلى الله عليه وسلم. وده برضو يا اخوة احيانا بيخلي الواحد فينا يتندم بصراحة. لما يشوف الصحابة كده كان النبي صلى الله عليه وسلم تخش
يعني ايه يعرف علتك صح ولا لأ؟ لما دخل سيدنا علي واقف على باب النبي عليه الصلاة والسلام. طلباتك جم آآ بنو هاشم وقالوا له اخطب فاطمة فقد صارت اليوم اهلا للتزويج بدلا من ان يسبقك احد اخر. انت ابن عم النبي وانت اخوك
النبي صلى الله عليه وسلم لما اخى بالمهاجرين والانصار اخى بينه وبين مين؟ وبين علي رضي الله عنه مش كده؟ فقال له انت الحق لاحسن حد يخطب فاطمة تاني ولا يتقدم لها تاني. فقال علي لكني لا مال لي. طب هخش اقول له ايه؟ ما عييش فلوس خالص
كلمه فضلوا يقولوا له وهو يقول لهم ويقولوا له وهو يقول لهم لحد ما ايه؟ جاءت عزم راح دفع الباب وراح دخل دوغري فهو لما وقف في وش النبي ما يعرفش يتكلم. فنظر اليه النبي صلى الله عليه وسلم وقال اي علي جئت تخطب فاطمة
فقال نعم والذي بعثك بالحق يا رسول الله. كان عارف العلم واحد داخل يعني شف الحديث بتاع البخاري عن ابي هريرة رضي الله عنه قال ان رجلا اتى النبي صلى الله عليه وسلم
فقال اوصني فقال لا تغضب. فكررها مرارا فقال لا تغضب. دي رواية البخاري. في رواية اخرى انه جاء عن يمينه خد بالك من الراجل ده. جاء عن يمينه فقال اوصني. قال لا تغضب. وبعدين كمل كلامه بقى مع غيره. فجاء عن يساره. قال اوصني. قال لا تغضب
فدق كتفه. لما دق كتفه كده يبقى ايه؟ يبقى غضب مش كده؟ يبقى ازا علة الرجل فعلا انه بيغضب فعلا شف عارف ازاي على رأس الاقصى؟ فالواحد لما يحس كده يقول يعني لو كان في وسطينا عليه الصلاة والسلام تخش عليه يقول لك تعال انت مشكلتك كزا وكزا وكزا ادع
يا رسول الله نسأل الله عز وجل كما حرمنا رؤيته وصحبته الا نحرم رؤيته وصحبته في الجنة وعن انس بن مالك رضي الله عنه انه قال كان ابو بكر يصلي باصحاب النبي
صلى الله عليه وسلم في ايام وجعه حتى توفي صلى الله عليه وسلم. حتى اذا كان يوم الاثنين خد بالك ان الحديس ده بيقول لك اخر حاجة كانت بين الصحابة وبين النبي. تعرفوا كانت ايه؟ بسمة. والحديث في الصحيحين. فكان ابو بكر يصلي فرفع
رسول الله سجفا حجرته السقف ده اللي هو ايه؟ الستارة. وقف بص من الشباك كده وراح رافع عشان يشوفهم وهم بيصلوا واخدين بالكم يا اخوانا من الحتة دي؟ اخر حاجة بيطمن عليها انتم بتصلوا عدل ولا لا؟ عشان كده كان اخر حاجة بينادي بها ايه
الصلاة الصلاة وما ملك الاميركم حتى لفظ انفاسه عليه الصلاة والسلام. وهو بينادي بمسألة الصلاة والواحد برضو مش عايز يعدي اوقات ولا نتكلم عن مسألة الصلاة ايها الاخوة. اهتموا بالصلاة. لو صليت عدل هي صلاة
تصليها كويس حتشوف الفارق بين حالتك الايمانية قبلها وبعدها. صلاة واحدة. العشاء دي لو صليتها عدل هتجد نفسك فوق السورية. بايمانك. الصلاة دي ايها الاخوة حاجة عظيمة جدا خير موضوع. فكشف الستارة ونزر اليهم لقاهم واقفين
بيصلوا واقف ابو بكر بيصلي. ولما يقف ابو بكر بقى يصلي بالناس يبقى اكيد اللي ورانا اوي. فلما نظر النبي اعجبه ذلك. قال انس بن مالك فنظرنا في وجهه فكأنه ورقة مصحف. شف لما حب يشبه
باجمل حاجة شبهها به ورقة المصحف. قال كانه ورقة مصحف. ثم نظر الينا فكاد الناس ان يفتتنوا في الصلاة قال له النبي وقف على حيله النبي خف فابو بكر هم انه يرجع ويقف في الصف والنبي يطلع يصلي. عليه الصلاة والسلام. فاشار اليهم النبي صلى الله عليه وسلم قال له
خليك زي ما انت زي ما انتم ثم نظر اليهم وابتسموا. ثم ارخى سجف سجف حجرته فلم يقدر عليه حتى قبض صلى الله عليه وسلم. اخر لقاء كانت بيني وبينهم ايه؟ كانت ابتسامة
ومن جملة ما كان يمازح كان يمازح الاطفال عليه الصلاة والسلام وده من تواضعه ايضا عليه الصلاة والسلام. كان يمر على اطفال يسلم عليهم. وهذا خلق مفتقد ان الطفل يحس ان واحد كبير بيسلم عليه ده من جملة صناعته. قال انس بن مالك رضي الله عنه مر علينا النبي صلى الله عليه وسلم فسلم علينا ونحن صبية
العبد فلما كبر انس ابن مالك بقى رضي الله عنه مر على صبية يلعبون فسلم عليهم فنظر اليه وتعجبوا فقال هكذا سلم علينا رسول الله ونحن صبية واحنا زيكم بنلعب في الشارع كده عدى وقال السلام عليكم. فتعلمها وعلمها رضي الله عنه. ومن ذلك انه كان في سوق
نخاع ثم عاد الى بيت فاطمة رضي الله عنها كما في الصحيحين عن ابي هريرة وجلس في فناء البيت في الحوش اللي هو قصاد البيت سم قال اين لكاع؟ اين لكاع؟ زي ما انت تخش كده تقول الولد فين؟ فهو بيقول كده عليه الصلاة والسلام. اين لكاع
فخرج الحسن يشتد فلما خرج قال ابو هريرة فغاب شيئا ظننت ان فاطمة كانت تلبسه وتغسله للقاء رسول الله صلى الله عليه وسلم. يا سلام! حتى الطفل الصغير رايح تقابل النبي استحموا الاول. شف ازاي! ومصرح
وبتاع خاف شوية وبعدين ايه ارسلته. فخرج يشتد وفي رواية فاظهر رسول الله له رسالة وهو جاي كده راح النبي ادلى على لسانه الى الخارج. فنظر الحسن فلقى حمرة لسان النبي صلى الله عليه وسلم. راح جاري عليه. راح واخدها جري
فاخذه النبي صلى الله عليه وسلم ووضع فمه على فمه. يعني قبله من فمه صلى الله عليه وسلم. وقال اللهم اني احبه فاحبة اللهم اني احبه فاحبه. اللهم اني احبه فاحبه. وفي رواية علي ابن مرة انه قال
خرجنا مع النبي صلى الله عليه وسلم ودعينا الى طعام فاذا حسين يلعب في الطريق. فاسرع النبي صلى الله عليه وسلم امام القوم ثم بسط يديه. اول ما اكل معهم وهو طالع كده لقى الحسيني بيلعب رحيم جري عليه وعمل بايديه كده عليه الصلاة والسلام زي ما بتعمل كده ييجي يجري من هنا يروح عامل له كده ييجي يجري من هنا لحد ما راح مسكه فوضع
يدا عند زقنه ويدا عند رأسه زي ما انت بترفع الولد كده لتقبيله. ترفع وشه كده يعني. ثم قال ثم اعتنقه وقال حسين مني وانا من حسين. احب الله من احب حسينا الحسين صبط من الاسباط
نحن نشهد الله عز وجل على حبهما. مش كده ولا لأ؟ ونسأل الله عز وجل ان يحببنا اليه والى نبيه صلى الله عليه وسلم ويقول انس رضي الله عنه كان رسول الله
صلى الله عليه وسلم من احسن الناس خلقا ارسلني يوما لحاجة فقلت والله لا اذهب وفي نفسي ان اذهب لما امرني به نبي الله صلى الله عليه وسلم قال فخرجت حتى امر على صبيان وهم يلعبون في السوق فاذا رسول الله صلى الله عليه وسلم قابض بقفايا من ورائي فنظرت اليه وهو
اضحك وقال يا انيس اذهب حيث امرتك. هو قال لسيدنا انس رح مشوار. فسيدنا انس ايه في نفسه كده قال مش رايح بس قالها بلسانه انما جوة قلبه ما ينفعش النبي يقول لي حاجة انما لازم اعملها. صح السكينة والله كده. السكينة نزلت بدري
لسة قدامنا ساعة ونص. فالنبي عليه الصلاة والسلام عارف بيبص في عينيه كده عارف ان ايه ؟ انت مش هتروح فراح سيدنا انس قال انا هروح اعمل الموضوع ده بس خليني اعدي الاول على ايه؟ خليني اعدي كده على شوية صبيان وهم بيلعبوا ونروح نلعب معهم
ست اليوم. نعم؟ اوزعه؟ واسأل الاكل. طيب فسيدنا انس راح بقى لقى شوية صبيان كده وراح واقف معهم يلعب. لسة داخل عليهم بيفكر يلعب. كان مين بقى اللي ماشي وراه. هو عارف عليه الصلاة والسلام مش هيروح. فلقى النبي صلى الله عليه وسلم راح ماسكه من قفاه
فنظر الى النبي صلى الله عليه وسلم فاخذ النبي يضحك فاخذ يضحك صلى الله عليه وسلم ويقول اذهب حيث امرتك اذهب حيث امرتك. قلت لك رح يبقى ايه يبقى تروح. كما حدث مع عبدالله بن عباس. النبي برضو صلى الله عليه وسلم قال له رح في حتة كده فتلكأ شوية لقى النبي وراه. قال ابن عباس فحفظني
حفظوني يعني ايه؟ ادى له على قفاه ادى له قفا. قفا كده بحب يعني. راح وسبحان الله العزيم هو كان يعني ايد النبي تضرب واحد بالقفا ده عبدالله بن عباس ده كان رأسه والله العظيم يا اخوة في بعض التفاسير والله انا لولا بس ان
نسيت انا مررت على مسألة كده من يومين والله فضلت اترضى عنه واقول هو ايه ده! الراجل ده ايه ده! عقلية عجيبة. عبدالله بن عباس ده عقلية عقلية بامة كاملة. فما يضره؟ ومن جملة مزاحه صلى الله عليه وسلم
انه قد اتاه رجل فاستحمله. قال له يا رسول الله ممكن تديني كده دابة اركبها؟ فقال له النبي صلى الله عليه وسلم اني حاملك. هركبك ساحملك على ولد الناقة. فقال الاعرابي يا رسول الله اولد الناقة يركب؟ فقال له النبي وقد ضحك وهل
الناقة الا النوق. هو بيقول له انا عايز اركب على حاجة. قال له هجيب لك ولد الناقة. قال له انا هركب بقى جمل قد كده. قال له يا رسول الله وولد الناقة وهو يقصد عليه الصلاة والسلام
ان ولد الناقة ناقة برضه مش كده؟ ناقة كبيرة يعني. قال وهل تلد الناقة الا النوق؟ واتته عجوز فقالت يا رسول الله ادعوا الله ان يدخلني الجنة. فقال يا ام فلان الجنة لا تدخلها عجوز. فانصرفت المرأة تبكي فارسل النبي في اثرها وقال قولوا
لها ان الجنة لا يدخلها الا الابكار. اما تسمعين قول الله عز وجل انا انشأناهن انشاء فجعلناهن ابكارا عربا اترابا. صغار السن وكان رجل من اهل البادية يقال له زاهر
وشف حتى الفقه لما يتاخد كده شف بتسأله سؤال اجاب بايه؟ احيانا برضه بيبقى آآ بيبقى داع اللطافة يهون عليك ما قسى من المسائل. يهونها عليك. كان ابو اسحاق الشيرازي شيخ الشافعية
يقعد كده ويقول للطالب سمع فالطالب يسمع يغلط. يقوم معدله يقوم يغلط تاني فيضحك ابو اسحاق ويقول صارت مشرقة وصرت شتان بين مشرق ومغرب. يقول له انت فين؟ وانا فين؟ ويتضاحكان مع انه بيسمع متن فقهي. خد بالك؟ لكن مسل هزا يدخل عليه
يخليك ممكن يحفظ شوية اكثر. حتى ان ابو اسحاق الشيرازي مرة قال للطالب قال له انت منين؟ قال من خراسان. قال مرحبا باخي وابن اخي فقال الرجل يا امام انا من خراسان وانت من بلد كزا وكزا يعني انت فين وانا فين؟ فقال يا اخي الم تجمعنا سفينة نوح؟ يعني سفينة نوح مش جامعة
الكبير وابوك الكبير خلاص يبقى ابن اخويا. فاخذ الرجل يضحك ومشيت المسألة. لان هو في الحقيقة ابو اسحاق الشرازي انت لما تقرأ المهزب تستنفز عقلك وما تفهموش. يعني تحتاج ان انت حد يشرحه لك تلات اربع خمس ست مرات على اساس ان انت ما تفهموش
فكان رجل من اهل البادية يقال له زاهر يأتي النبي صلى الله عليه وسلم بهدايا فيجهزه رسول الله يجيب هدايا وهو جاي يقوم النبي صلى الله عليه وسلم ايه يدي له هدايا وهو مروح. فكان الرسول صلى الله عليه وسلم يقول زاهر باديتنا ونحن حاضرون
يقول زاهر هو البادية بتاعتنا يعني طرفنا في في العربان يعني. واحنا طرفه بتاع المدينة. فدخل النبي السوق يوما فوجد زاهرا يبتاع ويبيع فوضع يده على عينيه من خلفه ثم قال من يشتري العبد؟ من يشتري العبد
تاخدوا متصورين الموقف ده انه داخل في وسط السوق وفي وسط الناس. والعرب قالوا ايه؟ ما لهذا الرسول يأكل الطعام ويمشي في الاسواق لان العرب كان عندهم العرب ما كانوش بيركبوا حد وراهم. لا تسمع ابدا بكبير من
العرب ركب حد وراه. والاخوة اللي بيقرأوا في هزه التواريخ والادب وبتاع هات لي مسال واحد بس. عشان كده كان المسلمين بيفتخروا ان يكتب باب او كتاب ارداف النبي صلى الله عليه وسلم. ايه ارداف النبي صلى الله عليه وسلم؟ الناس اللي هي ايه؟ اردفها رسول الله خلفه
ايه لان دي عزمة انه اعزم الناس مطلقا وكان بيركب حد وراه. عليه الصلاة والسلام. احيانا احيانا. احيانا عشان ما حدش يقول لي وصلني لحد اوله. احيانا فكان يردف عليه الصلاة والسلام خلفه. العرب كان الكبراء احيانا
يداري الرجل وجهه عن الناس. يعني بيقولوا عمرو ابن كلثوم كان بيلبس نقاب. عشان ما ينفعش انت مش في مستوى انك تبص في وشي عايز يقول كده يعني عشان تعرف ان قضية لا تدركه الابصار وهو يدرك الابصار مفهومة جدا عند العرب مش مشكلة. ان
الشام مش كل حد بيخش عليه. واخده واخد بالك؟ فكيف بالله رب العالمين سبحانه وتعالى؟ وكان احيانا يشد ستارة تكلمه ورا ستر كده. فلما يدخل النبي صلى الله عليه وسلم يؤسس ان هو ده مناط التواضع. وانه لا ينبل امير الا ان يكون
الا ان يكون متواضعا. لذلك قال صلى الله عليه وسلم وانا البسوم القتال. هحارب واقاتل ومع زلك برضه انا بابتسم. فدخل من ضهره كده ونادى في السوق بقى الناس بتبيع وبتشتري والنبي بيشتري معهم ويبيعه. من يشتري العبد من يشتري العبد؟ فعلم
مزاهر ان رسول الله هو من خلفه. فاخذ يده خد بالك من دي كده دي كده النبي صلى الله عليه وسلم. فاخذ يده له وشد صدره الى ظهره. يعني يعني عايزه ايه؟ احضني زيادة يعني. عليه الصلاة والسلام. ثم قال اذا تراني كاسدا يا
رسول الله وكان زاهر دميم شوية يعني كان كان شكله مش مش حلو. فقال اذا تراني كاسدا يا رسول الله. فقال بل انت عند الله الله ظالم بل انت عند الله ظالم. وفي رواية لكنك عند الله لست بكاسد
وعن عبدالحميد بن صيفي عن ابيه صهيب ان رسول الله كان يسمع المزح ويضحك لها. شف بقى كمان بدل معك الضحك. وكان صهيب على فكرة يا اخواننا برضه لما تقرأوا في سيرة سيدنا صهيب بتلاقي ايه ؟ انه كان رضي الله عنه له مزحة كثيرة
صهيب رضي الله عنه كان له مزحة كثيرة. مرة خبط على الباب كده على النبي صلى الله عليه وسلم. فقال من؟ قال صهيب. ادخل يا رسول الله. فقال ادخل. قال قل لي
يعني هتدخل حتة وتسيب حتة برة فابتسم النبي وقال ادخل كلك. وهزه الرواية انه دخل وقد رمدت عينه عنده عين فيها رمد وعين سليمة. فوجد رسول الله يأكل خبزا بتمر. شوفوا الحتة دي بياكل بعيش وبلح عليه الصلاة والسلام
فدخل صهيب فقال له النبي ادن فكن. فجلس يأكل تمرا فقط. ما كلش عيش. قعد ياكل في البلح. فنظر اليه النبي قال لا تكثر من التمر فانما انت ارمط. عندك عين ومضاء. قال يا رسول الله انني امضغ على الجانب الذي ليس
فوقه العين الرمضاء. يعني عيني دي هي اللي تعبانة وانا بامضغ في في الحتة دي. فابتسم النبي عليه الصلاة والسلام وعن عائشة رضي الله عنها قالت اتيت النبي صلى الله عليه وسلم بحريرة او بخزيرة
الخزيرة دي اه اه بتاع لحم متقطع كده بيتقطع حتت صغيرة قوي ويتزر عليه دقيق ويتحط في بعضه وسم ويتاكل. وكان رسول الله يحبها. فاتت النبي صلى الله عليه وسلم بخزيرة. فوجدت عنده
بانتزام رضي الله عنه. سودة زوج النبي عليه الصلاة والسلام. فالسيدة عائشة لاقتها. فقالت لها كلي يا سوداء يعني عاملة لكم طاجن كويس اوي كلي. فقالت سودة؟ لا. مش قادرة اكل والله. قالت عائشة كلي
قالت سودة لا. فقالت عائشة والله ان لم تأكلي لطخت وجهك بها. يا تاكلي يا اما ححط في وشك منها فطبعا السيدة سودة ما توقعتش ان ممكن السيدة عائشة تعمل كده. فقالت لها لا فاخذت عائشة من الخزيرة ولطخت وجهها
فضحك النبي صلى الله عليه وسلم ثم اشار بيده يخفضها. راح قايل لسودة رضي الله عنها قال وانت لطخي وجهها كما لطخت وجهك. فلطخت وجهها فضحك عليه الصلاة والسلام. شفت الحتة دي ؟ هو انا عايز اعرف المايك اللي فوق ده شغال ولا احسن
اتفاجأ ان الاقي الاخوة تلطخوا يقول لك طلع حديس. شف الحتة بقى دي. بعض المعاصي تعالج ببسمة ومزحة. يعني واحد ممكن يبقى عاصي نخليه يبطل واحنا بنضحك معه احيانا. بس دي عاوزة لان برضه المسألة دي عاوزة بقى ايه حنكة. لان بعض الاخوة بيغلطوا غلط جامد خالص
الاخ قاعد مع الاخ كده يقول له والله انا بصراحة مش قادر اكف بصري عن النساء. يقول له والله كلنا هذا الرجل. كلنا هذا الرجل يبقى انت ضعفت عندي انا حاسس ان انا لوحدي بس اللي ببص للنساء. فانا مقهور يعني لما تقول لي كلنا كده اقول طب ما طلع الاخوة كلهم كده ما دا حلوة. زي بعض الاخوة كاميو وبتاع
على ايدي هؤلاء الظالمين قديما وربنا يستر في حديثا. مش هندبح بقى ده العالم بقوا رجعوا يتصلوا تاني. فالاخ بيقول لقيتهم كده راحوا كان برضه من جملة افاعيل هؤلاء انه يجيب بدلة كده
الطاعة. تلبسها بقى يبدو منك ما يبدو. يعني تلاقي واحد برجل ورجل لأ. تلاقي واحد نصه عريان ونصه مستور. المكان ده يعني كان لا يضره نسأل الله عز وجل ان ينتقم منهم جميعا. فالمهم الراجل واقف الاخ واقف لقى ان البدلة اللي جت على قده اظهرت عورته
ورجلي عريانة ورجلي بتاع فبقى واقف مكسوف اوي. فبيقول فعريت الغماية كده شف مين اللي واقف جنبي؟ لقيت اخوة واقفين لابسين بدل انصاص عيانين خالص. قال رحت قعدوا هو كله عريان زينا اهو بقى ده احنا زي الفل. وانا برضه عايز يبقى الدرس فيه مزحة مش عايز
مش عايزين نخش في النكد لا ينبغي ان يتسامح في هزا الموقف في هزا الموضع. وليس من حق احد. ولو كانوا مشايخنا الخطوة بتاعة المصالحة وما فيش حاجة وكله عدى لأ فيه ناس ماتت تحت ايدها ولو بالضرب
وفيه اسر اتشردت تحديدا او لا ما فيش حاجة اسمها لأ ما فيش كده. ده كانت لازم يكون فيه بلاغات ويتبحس وراها وتدور وراهم. ولو هو قال لك بقى انا حجيت
تعاقب. لان دي حقوق غير ولا لأ؟ ازا تاب الى الله تاب الله عليه. لكن لما يكون عامل حاجة زي كده في حقوق البشر ربنا يقول له انا تبت عليك بس تعال يا فلان. ضربك قلم؟ اه ادي له قلم. مش ده العدل ولا لأه؟ حق الله عز وجل. المهم خلينا خلينا في اللي احنا
لحد ما نبقى نتحبس وبعدين نبقى نقول الكلام ده ان شاء الله بقى سوا احنا وانتم مع بعضكم. فخوات ابن جبير رضي الله عنه يقول نزلت مع رسول الله صلى الله عليه وسلم بمر الظهران مر الزهران ده شارع منطقة كده فخرجت من خبائي فاذا نسوة
فاعجب من فاخذت حلة لي من حبرة فلبستها. خد بالك من القصة دي. خرج من الخباء بتاعه لقى شوية نساء قاعدين بيتكلموا فبص لهم كده فايه عجبوه. راح مقرب منهم كأنه دخل بقى البيت لبس حتة الزفرة. وقام مقرب منهم وقاعد
قال لك يمكن يعني برضه وانا قاعد كده اديني قاعد برضه بعيد. بس ممكن اتجازى باطراف الحديس. وهم بيتكلموا عن حاجة عشان كده الراجل لما عدى مع الامام احمد احمد والمرأة عطست الا يرحمك الله. فالامام احمد قال له انت احمق. ليه انت احمق؟ هتفتح الباب. يرحمك الله. تقوم هي تقول له
الله يصلح بالكم. ما لك تعبانة ولا ايه ؟ لا والله مستعجلة انا ما عنديش حاجة. يبقى الباب اتفتح. فسيدنا خواف كان لسة حديس العهد لسة وطبعا بقى وبرضو ده يعرفك ان الاخ لما يبقى داخل جديد بتحصل منه همات. يعني اخ دخل كده وبعدين قعد ولما طال المجلس قوي بالاخوة قال لهم بس انا يعني
كنت عاوز اشرب سيجارة بانجو والله ممكن. فانت لما تسمعه انت لسة جايبه من الشارع. لما تسمعه يقول لك كده ما بتقولوش انت بتقول ايه الله يخرب بيتك وبيت اللي جابك. انا ايه اللي خلاني دخلتك الجامع؟ بانجو يا فسقة يا ولاد لأ مش هينفع كده وبرضو على النحو الاخر ما تروحش
تقول له طب خش اشرب في الحمام. قال له طبعا ده ما ينفعش ما يجوزش. انما يبقى المسألة ايه؟ اتلقاه. شف النبي عمل ايه بقى انا مش هقول لك انا
تعمل ايه؟ انا هقول لك شف النبي عمل ايه؟ فخرج رسول الله فتغير وجهه. قاعد جنب النساء ليه كده؟ وهو قاعد بمعزل خد بالك بس برضو فقال له النبي صلى الله عليه وسلم يا ابا عبدالله ما يجلسك اليهن؟ قاعد جنبهم ليه
قال فهمت رسول الله صلى الله عليه وسلم. ما قدرتش هقول له ايه خفت منه. شف عليه الصلاة والسلام بنزكر مزاحه ازاي؟ لكن تعرف لو رسول الله انعقد حاجباه يذوب من هيبته الصخر الجمود. لو كشر كده يرعبك عليه الصلاة والسلام
قال فهمت رسول الله صلى الله عليه وسلم. فقلت يا رسول الله جمل شرد لي ابتغي له قيدا. ايه اللي مقعدك جنب كده قالوا يا رسول الله بس والله كنت بدور على حتة حبل على اساس ان فيه جمل جري مني فانا عايز اربطه بس يعني والله. فالنبي صلى الله عليه وسلم بقى ما قالوش مم
ولا كسفه ولا حاجة. لكن عارف عمل ايه بقى شف عمل ايه. فمضى النبي صلى الله عليه وسلم فالقى رداءه ثم دخل الى الشجر الاراكي للسواك فقضى حاجته ثم توضأ ورجع ثم قال يا ابا عبدالله ما فعل شراد جملك
ربطت الجمل ولا لسه؟ قال وفي استحييت وتعجلت امري الى المدينة. وكلما نزلت في منزل يأتي النبي الي ويقول يا ابا عبدالله ما فعل شراد جملك؟ ربطت الجمل ولا لسه ما ربطتوش؟ راح جري بقى انا
خليني ما امشيش في اخر الناس فانطلق حتى سبق الى المدينة. قال فتجنبت المسجد ومجالسة رسول الله صلى الله عليه وسلم. فلما طال ذلك فضل قاعد في بيتهم ويبعد ويصلي ويجري على طول على البيت عشان ما يقعدش مكسوف كل ما يشوفه هيقول له كده. لانه عرف ان النبي بقى عرفه على عرف الموضوع ايه. قال فلما طال
تنحيت ساعة خلوة في المسجد فجعلت اصلي. فخرج رسول الله صلى الله عليه وسلم من بعض حجب. قال يمكن النبي ما يخرجش دلوقتي اما اتمتع بالجامع وشوفوا يا اخوانا لما يجي لكم حد تربوه على ايه؟ انه يلزم الجامع ويتمتع بالجامع. فقال اصليه ركعتين كده. او قال الله اكبر راح النبي
خرج من البيت عليه الصلاة والسلام. قال فلما رأيته واحسست به اطلت الصلاة. فصلى النبي ركعتين اوجز فيهما ثم جلس فلما طولت رجاء ان يزهب ويدعني قال طول يا ابا عبدالله ما شئت فلست بمنصرف
حتى تنصروا. لازم اعرف الجمل حصل له ايه شف عليه الصلاة والسلام. اللهم صل على محمد واله وسلم تسليما كثيرا فقلت والله لاعتذرن لرسول الله صلى الله عليه وسلم ولابردن صدره. لازم اقول له انا اسف بقى الحقيقة ان كان كده وانا تبت الى الله وخلاص
قال فانصرفت فقلت السلام عليك. فقال السلام عليك يا ابا عبدالله. اول ما اخلص قال له يا ابا عبدالله طول زي ما انت عاوز. انا مش ماشي الا اما انت تخلص
فلما خلص دخل عليه قال له السلام عليك يا ابا عبدالله ما فعل شراد جملك؟ الجمل عمل ايه؟ قال فقلت يا رسول الله والذي بعثك بالحق ما شرد زلك منذ اسلم. قال له خلاص انا تبت والله العزيم وما رجعتش لده تاني. بس ما قالوش انا بقى. انت بتكني انا كمان اكني. قال له
انشراد الجمل عمل ايه؟ قال له والله يا رسول الله بصراحة الجمل ما شربش ابدا من ساعة ما اسلم بقى خلاص. تبت يعني. فقال له النبي صلى الله عليه وسلم رحمك الله يا ابا
رحمك الله يا ابا عبدالله. رحمك الله يا ابا عبدالله. مرتين او ثلاث ثم امسك عني بعد ما بقاش بقى يقول لي شراد الجمل ولا خلاص تركه عليه الصلاة والسلام. وورث اصحابنا احنا خلصنا ولا ايه يا احمد؟ وورث اصحاب النبي صلى الله
خمس دقايق؟ بس؟ وورث اصحاب النبي صلى الله عليه وسلم ذلك عنه ايها الاخوة فكان الصحابة يجلسون في المسجد يتبادحون بالبطء يعني ممكن يقعدوا كده ياكلوا ياكل بطيخة حتة بطيخة مسلا ويقوم ايه
على جنب. طبعا حتة بطيخة. على اساس ان الاخوة اصل انا برضو بخاف من الاخوة بصراحة بتوع الجامعة برضه بالزات هزارهم باين. فممكن يلاقيهم عوروا بعض ويقول لك ده هو اللي قال. يهزروا مع بعض بده. لكن اذا جاء الليل كانوا
هم الرجال. اذا جاء الحق خلاص انتهى. كانوا هم الرجال. وقال بلال بن سعد ادركتهم يشتدون بين الاغراض بعضهم الى بعض فاذا كان الليل كانوا رهبانا. بيتمرنوا طول النهار بيتمرنوا. عارفين ايه يا اخوة المغيرة ابن شعبة؟ لما دخل على كسرى
راحوا الناس الجنود اللي عند لما دخل على رستم راحوا الجنود اللي عند رستم قعدوا يتريقوا عليه يقولوا له ايه اللي في ايدك ده؟ دي حربة دي فكان مما فقالوا له ارنا مهارتك في الكتاب. ورينا كده بتنشن بالحرب ازاي؟ بيقول فلما باراهم ازهلهم. ما لوش ولا واحد
مدفون بكفاءته. مع ان هي الحربة بتاعته صغيرة كده وحاجة بسيطة مش زي ما معهم من امكانات. لكن مع زلك ازهلهم من عملي. فكانوا بيتمرنوا يشتدون بين الاغراض فاذا جن الليل كانوا رهبانا. وقال ابراهيم النخعي رحمه الله وقد سئل عن اصحاب النبي صلى الله عليه
وسلم. هل يضحكون ويمزحون؟ فقال ابراهيم نعم. والايمان في قلوبهم مثل الجبال الرواسي عايز ابراهيم يقول ايه؟ يقول لو دحكت حافز على دينك بقى. اياك والضحك الزي يأكل الايمان. دون زلك خلاص تبت
وقد كان اصحاب النبي صلى الله عليه وسلم يتناشدون الاشعار ويتزاكرون الاخبار وامور الجاهلية. وكان ذلك في المسجد فيضحكون ورسول الله بينهم ربما ضحك وربما تبسم. يذكروا الجاهلية قاعدين مع بعض كده يقولوا والله والله كانت بصراحة كان شكلك وحش اوي وانت رايح على هبل وتقول له
فاكر ونضحك يضحكون ورسول الله بينهم يذكر هذا يسمع هذا ويضحك وربما تبسم وصلى الله وفي صحيح مسلم ان المقداد ابن الاسود الكندي رضي الله عنه المقداد المهدي كلب انه قام بين يدي النبي
لم يضحك يوما حتى القي على الارض فلم ينكر عليه. فضل يضحك ويا اخوة سفيان السوري كان ينكر عليها هزا الضحك. كان لما يضحك ما يقدرش يمسك نفسه لحد ما يستلقي على قفاه. وكما ستسمع من اخباره
وكان الامام الشعبي رحمه الله مشهور بالمزحة انتم عارفين الامام الشعبي ده امام الدنيا. قومه مرة الهدوم اللي هو لابسها لقوها بتمنتاشر درهم. عارف تمنتاشر درهم يعني مسلا لابس مسلا هدوم مسلا بخمستاشر جنيه ولا حاجة. كل هدومه. شف لزهادته. وكان من العبادة
احسبه ميتا من شدة عبادته. لكن مع زلك كان مزاحا لما تسمع اخبار لما تقرأ في ترجمة الشعبي تقعد تضحك لحد ما تخلص الترجمة مما كان يقوله من من زلك انه رحمه الله قيل له يا ابا عمر اتمزح
قال ان لم يكن هزا متنا من الغم. آآ شف هو ربك عز وجل جعل للانسان يذكر الاخرة الموت والقيامة وما بعده وخلى لك برضه حتة تعمل ايه ؟ انك تضحك. هزا يعالج زلك والا ممكن واحد يموت مما يشعر
ومن طريف ما روي عنه رحمه الله ان رجلا جاءه وهو جالس مع امرأته. فقال لهما الشعبية تصور واحد لما اكون انا قاعد جنب مراتي وبعدين واحد يخش علي واحدة قاعدة جنبي لابسة نقاب. تخش علي تقول مين فيكم فلان؟ فبيقول
ايكما الشعبي؟ راح الشعبي قال هو ذاك وراح مشاور على مراته. طالما الكعبة بقى القلب والنزر والفكر والنزر زي ما بيقول ابن الجوزي مرة الجاحز اظن الجاحد او غيره على رجل يقرأ القرآن. فقال فخر عليهم السقف من تحتهم. فنظر اليه وقال لا عقل ولا قرآن. طب حتى لو
مش حافز فيه سقف يطلع ينزل من تحت؟ فقال له الشعبي هذه هذا هو واشار الى امرأته وسأله رجل هل يجوز للمحرم ان يحك بدنه؟ الاسئلة بقى البايخة ممكن الواحد يهرش يا شيخ وهو محرم؟ اللي بيجي لك واحد كده تلاقي واحد تحكي له
مسلا قصة ولا حاجة يقول لك النملة بتاعة سيدنا سليمان ده كان دكر ولا نتاية؟ ومن فصيلة ايه؟ وكان اسمها ايه؟ وكانت مشبوزين ولا حاجة بايخة كده وعصاية سيدنا موسى من انهي شجرة؟ وانت ما يضرك ان شاء الله حتى تطلع من الشجرة اللي كانت قدام مسجد بلال
المهم المعجزة ولا لأ؟ فقال له رجل هل يجوز للمحرم ان يحك بدنه؟ فقال نعم قال مقدار كم؟ يعني اهرشه كم هرشة كده؟ اعمل بصباعي كده كم مرة؟ شف حاجة بصراحة تحرق الدم يعني
فقال له الشعبي يحك حتى يبدو عظمه. يفضل يشد لحد ما عضمه يبان. وجاءه رجل يسأله عن امرأة ابليس ما اسمها؟ قال له ابليس متجوز ابليس اسمها ايه مرات ابليس؟ فقال الشعبي ذاك عرس ما شهدته
ما حدش بعت لي بطاقة دعوة والله ما لم اسدده. وذكر انه قيل له هل ابليس له زوجة؟ فقال الشعبي هذا عنصر لم اشهده. فكان بعض اهل العلم جالس. فقال بل لابليس زوجة وذرية. افتتخذونه
وذريته فسكت الشعبي والشعب كان هو هو هنا ضحك بس افتى انه قال له لا يعني عايز اقول له لأ. فرده الامام وهم بيضحكوا دلوقتي يعني ما كانش فيه خصومة ولا مشاكل ولا حاجة خالص. وهذا محمد ابن سيرين يذكرون انه كان تدمع عينه من كسرة الضحك
فازا اردته على شيء من دينه كان النجم في السماء اقرب اليك. يفضل يضحك معك وتحس انه سهل قوي. تقول له ممكن بقى تيجي تحضر ومعنا القداس يقول لك ما دا انت لو مشيت على ودانك ما اعملهاش ابدا. كان اقرب اليه. قال ابو عوامة
رأيت محمد ابن سيرين في السوق. فما رآه احد الا زكر الله عز وجل. انا والله مش عارف بصراحة هو شكله كان ايه. بس اول ما تشوفه تنبهر من نوره. اول ما تشوفه تقول لا اله الا الله. شف الدين. شف الراجل شكله شكله ازاي. وما يخفي المرء
ان قط في داخله الا بدا على وجهه. فالوجه وسمة مخلص ومنافق. كما قال آآ شعر مين ده؟ محمود سامي البارودي. وقال زهير الاقطع كان محمد بن سيرين اذا ذكر الموت مات كل
عضو منه شفت عند الخوف ايه؟ ومع هذا يقول يونس ابن عبيد كان محمد بن سيرين صاحب ضحك ومزاح وقال هشيم عن منصور كان محمد يضحك حتى تدمع عينه. وهذا هو سليمان ابن مهران الاعمش. طبعا بقى الاعمش انت
ارجو اذا ذكر الاعمش يبقى لازم هتبقى المواقف اللي ما فيش زيها في الدنيا. شوفوا يا اخوانا قال الذهبي عن عن سليمان بن مروان الاعمش سليمان ابن الامام شيخ الاسلام وشيخ المقرئين والمحدثين. كان مقرئ ومحدث في ان واحد. شيخ الاسلام. ومع زلك
يقول وكيل ابن الجراح الاعمش لم تفته تكبيرة الاحرام قريبا من سبعين سنة. وانتم عارفين وكيع التلميز الاعمش الجراح الرئاسي اللي هو ابو وكيع كان هو اللي ماسك بيت المال. وكان بيخرج نفقات الشيوخ. الشيوخ
زمان بياخدوا مرتبات من بيت المال عشان ما يحوجش. الوكيع زهب للاعمش يوما وقال اقرئني الحديس فقال حتى يعطيني ابوك ما تأخر من خراجي من بيت المال. قال له مش انت ابن الجراح الرئاسي؟ قال له اه قال له رح
قل لابوك اديني مرتبي وانا اقول لك الحديس. فلما زهب اليه الجراح عارف ان سليمان الاعمش ممكن راح مدي له نص الفلوس يعني وصل لك ميت جنيه قال له قال له خد ادي له خمسين وقل له لما تسمع لي الاحاديس هديك الخمسين التانية. فدفع اليه نصف المال فقال له الاعمش ما هذا؟ قال
قال يقول ابي هذا نصف ما لك من فراج. فاذا حدثتني اعطاك النصف الاخر. قال اكتب حدثنا فلان عن فلان عن فلان ان النبي صلى الله عليه وسلم قال وحدثنا عن فلان عن فلان ان النبي صلى الله عليه وسلم قال وحدثنا فلان عن فلان ان النبي صلى الله عليه وسلم قال قال له قال ماذا؟ قال اذا اعطاني النصف الاخر
لو اداني النص التاني انا هدي لك قال الذهبي في السير عن حسين بن واقض قرأت على الاعمش فقلت له كيف رأيت واتي يا امام فقال ما قرأ علي علج اقرأ منك. وخرج اعمش في مرة من المرات فاذا باحد الجنود
شرطي من الشرطة فامر الاعمش ولم يكن يعرف الاعمش. ولم يكن عليه بزة تظهر انه شيخ. الاعمش انتم عارفين ان كان آآ كان فقيرا وكان زاهدا وكانت هدومه على قد حالها. فمش باين انه شيخ. فالراجل العسكري ده عايز يعدي ومش عايز يوسخ البيادة بسلامته
راح قايل له بص تعال يا ابني شلني على ضهرك. فالاعم مش هيقول له ايه راح شايله على من زمان. راح شايله الاعمش على ضهره. فلما شاله يعدي الراجل لما طلع فوق ضهر الاعمش كمان ركب فوق ضهره زالم وبيستعبط. فلما ركب ظهره قال سبحان الذي سخر لنا هذا
وما كنا له مقرنين. راح الاعمى السباحة وسكت. فضل ماشي لحد ما وصل لحد نص الترعة كده. وبعدين قال ازا حتى ازا توسط النهر قال وقل ربي انزلني منزلا مباركا وانت خير المنزلين والقى الرجل. وكان الاعمش لا يحب الحائكين
ولا يرتاح لهم. الحائطين اللي هو الترزي يعني. فسأله احدهم يوما يا ابا محمد ما تقول في الصلاة خلف الحائط هو ما بيحبش اللي اصلا ما بيحبش الترزية. فقال له ائتوني في الصلاة خلف الحائج. فقال لا بأس بها ان كانت على غير وضوء
وما تقول في شهادته يعني هل ده نقدر نسمع شهادته؟ قال تقبل مع شاهدي عدل. اومال هو يبقى نفع بايه لحقك لما كان كده كان ايضا لا يحب الحلاقين. فطال شعر رأسه جدا حتى تشعث. فقال له احدهم يا ابا محمد هلا اخذت من شعر رأس
فقال كلما زهبت اليهم الى الحجامين اخذوا يكثروا من الكلام. ده برضه دي برضه حاجة من زمان بيتكلم كتير الحلاق ما يبطلش قال له بيتكلموا كتير وانا بتعب. فقال ازا فاتي معي وانا اوصي الحجام الا يكلمك. فراح الاعمى
راح الراجل واخد له نص راسه وهو ساجد خالص. بعد ما خلص نص راسه قال يا ابا محمد عندي في الحديث سؤال حديث كذا وكذا فقال اعمش اف ونزع الغطاء الذي كان يحلق عليه وقام بنصف شعره الى بيته. وما رضيش يكمل حلاقة شعره
الراجل فكر راح يمسك الاعمش يعني من رقبته اكملي له نص شعر والنص التاني لأ. راح الاعمش مروح بنص شعره. والاعمش كان يلبس الجلد المسلوخ كان يلبس الشعر تجاه بدنه. فكانوا يقولون له ان الشعر يكون في الخارج
الجلد الناشف ده هو للبدن. قال الناس اغبياء. ايجعلون ما يدفئهم الى الخارج؟ وما لا يدفئهم الى الداخل؟ وكان بيلبس الشعر بالمقلوب فعلا ولا يتأسر بزلك ويمشي في وسط الناس كده. يعني لابس الجاكيت بالمشقلب. واخد بالك؟ ولا يضره زلك. فلما الراجل حلق له نص راسه مفكر ان انا هقدر على الاعمش بقى
اللي هيمشي راح ماشي له بنص راس وما همه ذلك. وكان له ولد مغفل. فقال له ولده يوما فقال الاعمش لولده يا بني اشتري لنا حبلا للغسيل. فقال يا ابتي طوله كم؟ فقال له عشرة اذرع. قال
عرضه كم؟ هو الغلام اصلا احمق يعني عنده شوية تخلف كده. فبيقول له الحبل طوله قد ايه؟ قال له عشرة متر. قال له طب وعرضه؟ طب في حاجة اسمها عرضه
حب فقال له الاعمش وعرضه في عرض مصيبتي فيك. واخبروا القوم في الحقيقة ايها الاخوة كثيرة جدا والحق ايضا برضه عشان ما لا نحيف ان هذا لم يكن دأب الناس
بل كان الاصل عندهم ان هو ايه؟ غالب زمانه جادا. لكن مع هذا كانوا لا يفارقون مسل هزه الامور والمواقف لانه كما قلت لك لا يستطيع المرء ان ان يقاوم غم هذا الواقع الا
من الضحجة وبشيء من البسمة. فلذلك كان رسول الله صلى الله عليه وسلم يمزح ايها الاخوة ومع ذلك ما كان يقول في مزاحه الا خيرا. انا في الحقيقة اعتزر عن عن الاسئلة. لان وانا برضو لا لا انسى اني اشكر الاخوة اخوانا الاسايطة
كنت عندهم بالامس وبعض الاخوة قابلوني وقالوا لي هنقابلك بكرة في مسجد بلال. فاشكره جزاهم الله خيرا اكرمونا وضيفونا وان كانوا برضو قفلوا معنا شوية بس الحمد لله ربنا نجانا من بطشتهم وغضبتهم. وآآ واكرمهم
جزاهم الله خيرا فتلاقيني بقى جاي من اسيوط الصبح فتعبان فمعلش انا ارجو من الاخوة انهم يعذروني في الاسئلة وارجو منهم ايضا انهم يعذروني في جلسة فيما بعد الدرس يعني عايز اخلص دلوقتي وامشي دلوقتي. جزاكم الله خيرا وصلى الله وسلم وبارك على سيدنا محمد
