السلام عليكم ورحمة الله وبركاته الحمد لله رب العالمين. له الحمد الحسن والثناء الجميل. واشهد ان لا اله الا الله وحده لا شريك له واشهد ان محمدا عبده ورسوله. وبعد فاسأل الله سبحانه وتعالى
ان يجعل في هذا الصباح وكل صباح ما يساعدنا على البعد عن بلاد الاتراح وان يسكن قلوبنا ما يؤهلنا الى بلاد الافراح واسأل الله سبحانه وتعالى ان يلطف بنا وبكم
ويأخذ بقلوبنا الى ما يحب. ربنا جل وعلا. ما زال حديثنا عن ابي ذر عن الرجل شبيه عيسى عليه السلام فان النبي صلى الله عليه وسلم قد اخبر ان من سره ان ينظر الى تواضع عيسى ابن مريم فلينظر الى ابي ذر. ويا سبحان الله! هزا الحديس
انسى ربما يقرأ وهذا الاثر ربما ينظر اليه المرء وهو مشغول بابي ذر وهزا حسن فان النبي صلى الله عليه وسلم كان يشجع وكان يثني ودي من ضمن الحاجات يمكن ادندن عنها عليها كثيرة ان بعض الناس يتعامل مع موضوع التشجيع وموضوع
المنضبط الذي لا يؤدي الى فتن بطريقة فيها قدر من الوسوسة والهستيريا فيمنع ابدا اي سماء ولا اي تزكية ولا اي تشجيع رغم ان كتاب وكتب الاسار وكتب صحيح البخاري وغيره تلاقي دايما كتاب اسمه فضائل الصحابة
بل كتاب سير اعلام النبلاء للامام الذهبي وغيره كتاب اصلا ما هو الا في فضائل هؤلاء وزكر الاثار التي مدحت هؤلاء واسمت عليهم خيرا فالنبي صلى الله عليه وسلم لما يقول للصحابة وابو زر موجود ويقول كده ويقول امين هذه الامة ابي عبيدة
ويقول اه ارحم امتي بامتي ابو بكر الصديق رضي الله عنه. كل دي اثار يعني كلها اه سماء وتشجيع لهؤلاء الكبار. فسبحان الله تجد كثير من الافاضل الذين يعلمون الناس ويربون الناس تجد شحيح جدا جدا جدا في التشجيع. وتجربتي الشخصية
تجربتي الشخصية بالاحتكاك بالكثير ممن ابتلوا بهذا الباب ان الموضوع عنده هو طبع اكثر ما يكون عنده تأصيل شرعي فعشان ما يغيرش طبعه بيتترس بالنص. هو طبعه قدر من الجفاء والشدة. الطبع بتاعه فيه قدر من الجفاء
شدة يترجم آآ ضعفه وقلة التشجيع بتاعه بايه؟ يقول لك ان المدح ممنوع في الشرع. مين قال لك ان هو ممنوع المدح ليس ممنوع على الاطلاق نعود الى اثر رسول الله
فيقول النبي صلى الله عليه وسلم من سره ان ينظر الى تواضع عيسى ابن مريم فلينظر الى ابي ذر رضي الله عنه لو انا قلت لحضرتك صف لي عيسى ابن مريم
وتكلم عن عيسى المرفوع عيسى الوجيه عيسى المرفوع بل رفعه الله عيسى الوجيه وجيه في الدنيا والاخرة. لو قلت لك اوصف لي عيسى اكاد اجزم اكاد اجزم ان اكثر من تسعين في المية لن يقل لي ان عيسى متواضع
مش هيقول لي من ضمن الاوصاف انه متواضع. واخدين بالكم؟ هيقول لي اوصاف كتير لكن لن يحضر في كلامه ان من اجل صفاته انه متواضع طب احنا جبناها من من هزا الاسر. هزا الحديس. سيدنا النبي صلى الله عليه وسلم اسنى على تواضع عيسى
واخدين بالكم؟ المعنى ده مهم جدا جدا. ناس كتير ممكن لا تنتبه له في اوصاف موجودة في القرآن عن بعض الانبياء برضو ممكن تغيب عننا زي وصف الاخلاص لموسى. او كان مخلصا. نادر انك تلاقي اما حد يجي يصف موسى الكليم يصفه بالاخلاص
فاسأل الله سبحانه وتعالى ان يعلمنا ويفهمنا. فما زال الحديس عن هذا الرجل المتواضع شبيه عيسى ابو ذر الغفاري رضي الله عنه. واتكلمنا ان هو كان عنده رغبة شديدة جدا
في التغيير وكان عنده رغبة داخلية ان يكون مختلف عن البيئة اللي هو فيها لان ابو زر كان غير راضي عن القبيلة اللي هو عايش فيها وكان يتمنى ان هو يبدأ يحصل فيه تغيير
فسبحان الله وده معنى مهم جدا ان ابو زر كان مولود في بيئة كلها قطاع طريق. بيئة ازا صح التعبير بالكلام اللي احنا بنقوله ناس مجرمين. ناس بلطجية. ناس بيسبتوا الناس على الطريق. وتخصصهم كمان معزم الناس اللي كانت بتمشي
كانوا ناس اما ما بين قوافل تجار او حجيج. يعني بيسبتوا الحجيج. يعني يديك امل ابو زر الغفاري ان مهما كان الانسان في بيئة مليانة آآ بعد عن الله سبحانه وتعالى
وان ابا عن جد ان كل البيئة فيها مشاكل لكن الله سبحانه وتعالى اذا اراد ان يقذف النور في قلب انسان ويهيئ له رضا الرحمن سبحان الله يوفقه لكل خير
هو كان عنده رغبة جواه رغبة ممكن ما تكونش زاهرة للناس لكن هو من جوة عاوز مش قابل الوضع اللي هو فيه مش مرتاح للجو ده. حس ان في حاجة غلط
ومنتزر اي بصيص امل حد يتكلم حد يقول اي حاجة وده يقول لك اهمية الدعوة الى الله سبحانه وتعالى واهمية انكار المنكر واهمية نشر الامر بالمعروف والنهي عن المنكر هذا الامر يخليك ان فيه ياما ناس
بينهم وبين الجمال والاستقامة والنور والضياء ان كلمتك توصلهم ان الكلمة بتاعتك توصل لهؤلاء. سبحان الله واتكلمنا بعد كده ان ابو زر لما راح للنبي صلى الله عليه وسلم واعلن اسلامه اصر ان هو يزهر الاسلام
امام قريش وبالتالي ايه اللي حصل له؟ ضربوه طبعا اللي لسة بيسمعني النهاردة اللقاء محتاج يسمع اللقاءات التلاتة الماضية عشان يكون من ايه الفكرة ويسمع القصة كلها فلما ضربوه استفدنا ان الانسان احيانا المشاعر بتاعته
ممكن الاندفاع فيها وعدم ضبطها يؤدي الى ما لا يحمد عقباه فهو اندفع جدا لما اعلن اسلامه. وآآ تصرف تصرف نصحه النبي الا يفعل نصحه النبي صلى الله عليه وسلم الا يفعل
لكن وده سبحان الله تلاقيها في ناس كتير لسه آآ مهتدي الهداية الرسالية قريبا وهي لسه زي امهات المؤمنين فتلاقي عندها اندفاع رهيب فايه هو الاندفاع؟ فتلاقيها طريقة الكلام مع اسرتها. طريقة الكلام مع اصحابها
بعت فيها آآ تنفير ويشدها وفيها قدر ما من ربما التعالي الظاهر وهي لا تقصد فتلاقي في ناس كتير ممكن يبتلوا بهزا الامر وهم مش واخدين بالهم بسبب الاندفاع هنا اللي اللي يهز بالاندفاع ده ايه؟ وجود مستشار امين
في حياتك بصراحة لا اثق ابدا ولا اعول ابدا على انسان او انسانة لا كبير له لا اعول ابدا على انسان لا كبير له. لا كبير له يستشيره لا كبير له اه يرجع له ويكون هو واثق في دينه وعقله وحكمته
الانسان اللي ماشي بدماغه وماشي بفكرته. لا اريكم ما ارى. لا يرجى له خيرا سبحان الله المعنى ده مهم جدا جدا جدا. فتلاقي فيه ناس آآ عندهم مشكلة محترمة مشكلة ضخمة حتى في المشاكل الاسرية فتيجي زوجته تقول له ايه طيب ما رأيك ان احنا نستشير حد من اهل السقة او حد
من اهل الديانة. ليه؟ وانا صغير وانا مش فاهم انا مش عارف ايه. انا فاهم كل حاجة. انا فاهم ايه اللي بيحصل في كوكب عطارد؟ تيجي تقولي لي ان انا اسأل
مش عارف مين. وكلام بقى من اللي هو يعني كلام لا يليق وعلى فكرة اللي بيتكلم كده مش ده لنضج. يعني في واحد باعت لي بيقول لي هو انا ينفع اقول لمسلم هابي نيو يير
وقلت له هو انت ليه لسانك معوج هو يعني انت يعني هو انت فاكر انك بتقول باللغة ديت انك بتبهرني انا كمسلم يعني يعني انا كمسلم عمال لسانك بيبقى كده بحيث انت بتاخد مساحة في قلبي
اللي انت هتاخد منهم الانبهار عشان اتكلمت باللغة دي معهم. ودي مش لغتهم اتأكد ان الانسان ده عنده دنو اللي يحطك في مكانة عشان لسانك تعوج وانت بتكلمه بلغة غير لغوته
وغالبا الجماعة دول غالبا ما بين ناس عارفين اللي عنده نقص كالسيوم وعنده نقص مش عارف فيتامين دال وكده في ناس عندها نقص هوية عنده نقص هوية نقص افتخار فبيكون عنده يعني بس انت بتقابلها مع مين عارف اما تدخل عند حد نفسي
او تدخل عند حد متخصص في مسلا جراحة ولا اي حاجة ولا ايه ولا عزام فيشوفك ماشي بطريقة كده معينة يقول لك عندك كزا. لأ وبتاع وكده يقول لك اعمل تحاليل
فتيجي تعمل تحاليل واشعة تلاقي كلامه صح ليه؟ هو شغال دكتور ليه يعني؟ عشان يبيع لب؟ ده تخصصه. فانت خلي بالك برضو عند اي حد حد عنده عزة ديني وعنده عزة نفس على طول بيعرف على طول عندك ايه مشكلتك
عندك نقص هو ايه خلاص وفي ناس عندها محو هوية وده بقى يعني مشكلة كبيرة المهم نرجع ففي ناس تلاقيه يقول لك لأ انا مش بستشير انت فاكر انك اما بتعمل كده بتكون ايه علق عندك
ناقص ازمة. يعني انت في ازمة في في طريقة التفكير ديت يعني انا اتفهم انك رافض تستشير فلان بعينه قريبك بقى سن صغير بتاع والكلام ده كله وان كان اصلا انسان لا لا يعاب ان سنه اصغر منك
بالعكس ده قد يفرحك ان في واحد اصغر منك وانضج منك وممكن يفيدك اسامة ابن زيد امير على جيش في ابي بكر وعمر وكبار الصحابة انصار مهاجرين في حياة رسول الله
صلى الله عليه وسلم مع التاب امير مكة وهو عنده تمنتاشر تسعتاشر سنة والصراحة يعني انا لقيت المعنى ده موجود كتير عند كثير من الرجال فيما يتعلق بالاستشارات الاسرية. عنده انا يعني انا
متفهم لو زوجته تقول له تعال نستشير طنط ليلى. ماشي بقى ست وبتاع لا يا عم لكن تقول لك نستشير رجل او داعي او مصلح او تربوي او ايا كان ورجل مشهود له. بانه لديه دربة في هذا الباب
ثم ترفض فانا شايف ان ديت احد الافات اللي الناس اللي كتير ما تربش عليه على المعنى ده. المهم نرجع نقول ان ابو زر الاندفاع ده كان سببه كزا. كان الجيل بتاعي كان
بعضهم لما كان آآ يهتدي ويهديه الله سبحانه وتعالى فكان ممكن آآ عاوز يقنع والداه بالتلفزيون لأ ومش عارف ايه والحاجات الغلط. فكان يروح طالع وقاطع الاريال. يقطع السلك بتاع الايه؟ الدش والحاجات دي
فده كان اندفاع في غير محله. خالص. في امهات النهاردة عندها يعني اندفاع رهيب في بتحاسب ولادها على القطمير والقنطير. حاجة صعبة خالص. ويا ريتها وبيتحاسبهم على ايه؟ بتحاسبهم على
على ما لم يوجبه الله من فوق سبع سماوات من فوق سبع سماوات لم يوجب على الطلبة وعلى الناس اصلا النافلة ربنا ما اوجبش علي صلاة النافلة. ما اوجبش علي الازكار. مش واجب. فانت يعني لازم الامور التي لم يجبها الله سبحانه وتعالى
انا يكون عندك فيها الحس الخفيف وبالتدرج هتلاقي بعض الناس بتحاسب وبتشد مسائل بتكون فيها خلاف اه فقهي معتبر جدا. والعلماء الكبار على على خلاف فيه وفيه ادلة لكل الاطراف والموضوع فيه خلاف سائر
تجد للاسف الشديد بعض الامهات وبعض الاباء يعني كأن المسألة ما فيهاش الا القول بتاعه فيشد جدا جدا جدا فيكون في بعض الحاجات اللي فيها قدر من عدم سيرك. استفدنا من قصة ابي ذر
ان التوبة فيها اه قدر من المشقة ان في قدر من يعني الفواتير اللي هتتدفع واخدين بالكم التوبة فيها فاتورة انا اعرف ناس كتير جدا فيها خير بس ما عندوش استعداد يدفع الفاتورة
ما عندوش استعداد للترك. يقول لك انا بص انا هكون معكم وعادي جدا واحضروا دروس وبتاع وما اسيبش ولا درس. والقصة دي كلها كان ادفع فاتورة لأ ايه الفاتورة اللي هي مسلا لها علاقات غير جيدة شرعا؟ فما عندهاش استعداد انها تدخل الطريق ده وتسيب العلاقة
هو في ناس معها آآ هو لابس عباءة الدنيا فعاوز يدخل الاخرة يقول لربنا انا هدخل بالعباية ديت ولزلك في بعض الاطروحات كانت بتدمر الشخصيات ديت فتيجي تديها مخدر ودايما نقول ان الحقيقة المرة افضل الف مرة
من المرهم المريح. الدواء المر افضل وارحم بك الف مرة من المرهم المريح المسكن لان لا يعالجك هتلاقي في واحد بيسمع مبتلى بسماع ما يبعده عن القرآن لان قلبك زي الاناء
لا نحط فيه عصير منعش لا نحط فيه زنجبيل سخن فالكوباية مش هتاخد الاتنين ولو خدت الاتنين هتلاقي حاجة كده ما لهاش لا طعم ولا لون ولا ريحة ومش مستمتع
فالقلب ما يستحملش الغناء القلب اللي ايه؟ القلب المريح والقلب يعني السليم ما يرتاحش للغناء واخدين بالكم ايه اللي بيحصل فييجي واحد يقول له ايه؟ ما تيجي وخلينا نخليك وتبقى من اهل الاستقامة يقول له اصل انا بسمع اذان يقول له تعال في اغاني عندنا
ده الشيخ بعد الدرس بيقول حد يزكرنا بالله وبنطلع ننشد ومعنا ربابة كده ومعنا مش عارف عود والاخ بيجي بالبيان والاخ تامر معه بيجي في اخر المسجد كده وراه في الصندرة والدنيا جميلة يعني. تعال
بس انا الصراحة برضه مش هينفع اجي عشان انا يعني مرتبط بحد كده وبتاع فانا بحب لارا آآ معي في الجامعة يعني. قال لها عادي جدا. ما عندنا آآ ده الاخ عبدالرحمن بيجي
مع الاخت خديجة شف اللي بازن ده اه ما هو بيجي ما هو برضه سبحان الله مش دي دعوة هات لي ورا في ايدك وبرضو سبحان اه تستفيد من عمو الشيخ
خلاص وبنت عمه الشيخ في عند النساء ما شاء الله هتعلمها ازاي تهتدي وازاي مش عارف ايه والكلام ده كله. كلنا بنحب ربنا كلنا قلبنا سليم وديننا اسمه السلام والجنة اسمها السلام. ربنا يريد لنا السلام
والله محبة وكلنا بنحب بعضنا تلاقي في الاخر خالص ايه احيانا كنت اقعد مع بعض الشباب اللي بيكونوا في البيئة ديت فبيقول لي انا من ضمن الحاجات اللي فوقتني قلت ده. طب هو ايه الجديد اللي في حياتي
ازا كنت هاجي مع لارا وهاجي هاسمع بيانه وهاجي اعمل كده طب ايه الفرق اللي بيني وبينك؟ طب ليه انت مسمي نفسك مهتدي وليه عامل لنفسك يعني جو انك دول المستقيمين طب ما عارف
كنت اجي كده في وقت كده اروح نايم احس ان انا ايه اخدت قلم على سهوة كده فاقول ايه ده؟ طب هو ايه الجديد طالما هنوزع وجبات مع بعضينا ونسافر مع بعضينا وننسق مع بعضينا ونقعد مع بعضينا وانا ما شفتش سبحان الله بيئة دعوية فيها
الا والمآل بتاعها كتير منهم مش هقول لك خلع بقى زي امهات المؤمنين. لأ بشعرها وعادي جدا وصفحتها بعدين بعد ما كانت في اقصى اليمين ليه لان دين الله لازم يحترم
يعني لازم يحترم لازم تحترم القواعد اللي وضعها من خلق الناس لان اللي خلق عارفين كده عارفين الموبايلات اللي هي ضد المية اللي هي ما ينفعش تنزل الماية. فيجي مسلا واحد المخترع اللي اخترع الموبايل ده ولا صنع
الموبايل ده كاتب مكتوب عليه مسلا ممنوع يتعرض للشمس ممنوع يتعرض للمية. انت تعمل نفسك من اما اي نيروبي مش واخد بالك بقى وتنزل به الماية. فاول مرتين تلاتة ما بص في التالتة ما لقيتوش
فايه اللي حصل؟ باز ليه؟ لانك ما احترمتش اه رؤية الايه؟ الصانع للموبايل ده ولله المسل الاعلى اللي خلقك قال لك ما خلا رجل انزل دين فيه ما خلا رجل بامرأة الا وكان الشيطان ثالثهما
اجي بقى تقول لي اصل انا لأ عادي وما فيش حاجة وعندنا في المعادي بنبقى قافلين على بعض الباب وبنتكلم عادي جدا وعمرنا ما حصل اي حاجة وبتاع والكلام ده كله. انت كلامك صح
انت كلامك انت يا عم انا انا مصدقك ان فعلا الفترة اللي فاتت ما حصلش حاجة  بس انا هقول لك على حاجة الحاجات دي هي نصاب زي نصاب الزكاة كده. بتتعمل تلات اربع مرات اه الخمسة طبة الميزان بتروح في حتة تانية بقى
فما بتحترمش لحزات ضعفك وقواعد الصانع قواعد الشريعة فايه اللي بيحصل؟ خلاص بتروح خارج ايه فتلاقي بعض الناس يقول لك لأ عادي وانتم دايما تضيقوا علينا. المهم نرجع ونقول ان ابو زر علمنا ان التوبة لها فاتورة هتندفع
يا جماعة ده دخول الطب ليه فاتورة دخول الهندسة ليه فاتورة اقول لك على حاجة نجاحك في رابعة ابتدائي ايه فاتورة؟ دلوقتي على الجديد. نجاحك في في في السانوية له فاتورة فاتورة انك لعبك بيقل
بلاي ستيشن بتاعك بيقل الجيم بيقل. الكورة بتقل. اللعب مع زمايلك بيقلوا. آآ ماما ليل نهار تحاصرك خد تعال ما تتأخرش الساعة حداشر بالليل الحق يا حاج شف الولد راح فين جه منين قوم ابوك عليك ابوك يقول لك اقسم بالله لو ما جتش هيبقى
ليلتك وبتاع في فاتورة انك ما انتش هتخرج بالعربية ولو خرجت بالعربية هتخرج من قلب بابا. حاجات كتيرة قوي بتحصل صح؟ فاتورة بقى لازم ايه؟ عشان السانوية العامة عشان عنق الزجاجة
تطلع من عنق الزجاجة تدخل في عنق البرميل. بعد كده المهم فالدنيا فيها فاتورة هتتدفع. طب والاخرة احسن حاجة بقى احسن حاجة لان فاتورة الاخرة فاتورة روعة ليه؟ لانك بتدفع فيها
احنا عارفين ستاشر اربعتاشر لو في واحد بيعرضه عليك بسبع تلاف جنيه تشتريه وجديد تشتريه تدفع فيه ها تدفع فيه ولا ما تدفعش مش هتدفع فيه سبع تلاف جنيه طب سبعمية جنيه
جاب سبعين جنيه ده بخمسين جنيه تدفعوا عشرين مش هتسرح انت ممكن تسرق بيك. كل الخمسينات اللي عندك. فلو اتعرض عليك بخمسين جنيه هتدفع. صح؟ وتشتري جنة عرضها السماوات والارض
وقلب ساكن وصلاح بال وانشرح صدر وراحة عقل وسعادة داخلية يتدفع فيها قد ايه تدفع فيها قد ايه هي دي وبعدين بقى سبحان الله العجيب في الدفع بتاع الاخرة ان ما من هم دفعته
وما من ترك الا ولابد وانا عارف كلمة لابد دي مقصودة انك تاخد مقابل له في الدنيا قبل الاخرة من ترك شيئا نكره تفيض الليل اي شيء من ترك شيئا لله عوضه الله. الله من يعوضك
ربنا لا هيعوضك. انا مش بقول لك اه في واحد غني في الحي ولا واحد بقول لك كريم في العيلة. ولا واحد بقول لك يعني من الناس الاثرياء في الوطن العربي
الله هيعوضك. عوضه الله خيرا منه ليه؟ لان الله يغار الله يغار انت قدمت هذا يا سبحان الله العمق ده الانسان لما ياخد باله يعيش على المفهوم ده يدرك كويس قوي ان فاتورة التوبة فاتورة التوبة
مدفوعة. من الحاجات الجميلة جدا اللي استفدناها في قصة ابي ذر ان ابو ذر رضي الله عنه لما رجع للقوم بتوعه ورجع لبلده ايه اللي حصل اول حاجة بدأها بدأ يدعو الله الى الله سبحانه وتعالى
صح بدأ يغير الناس دعا اخوه ودعا مامته والاتنين جوة والدته وانيس اسلموا ويظل ما يقرب من اكتر من خمستاشر سنة يدعو فيها القوم رغم بعده عن النبي صلى الله عليه وسلم. ودي بنستفيد منها فايدة في
غاية العمق ايه هي الفايدة ديت ان الدعوة الى الله سبحانه وتعالى والتأثير في الاخرين افضل الوسائل اللي تحميك من المعصية والفتن ودي من سبحان الله لا يفهم ما اقول الا ما ذاق. اللي بيدوق بقى
ليه؟ لان الدعوة بتكتر اللي شبهك وبتحميك وبتساعدك فبتلاقي ان في ناس كتير شبهك في المجتمع. يعني استشعر كده انت ساكن في الرحاب فما فيش حد خالص من اهل الاستقامة
فبدأت تتصاحب على بعض زمايلك اللي في الجامعة وانت تتصاحبي على جيرانك وبعدين مرة في اتنين تبعتي مرة رابط مرة ولادة في دار ايتام عاوزين مش عارفين ده في هنا مسلمين عاوزين نزورهم تزكير بالصلاة تزكير مش عارف ايه اللي بيحصل
تلاقي بعد سنة اتنين سبحان الله بقى ابنك ميسرة بيخرج مع ابنها اسيد ويروحوا النادي واسيد ميسرة وهم بيلعبوا في النادي يسمعوا الازان فيروحوا موقفين اللعب وبعدين يعملوا ايه يروحوا يصلوا
فهم هم بيصلوا فيبدأ وعبدالرحمن يستغرب جدا انتم رحتوا فين؟ فروحنا هنروح نصلي ونيجي طب بس اصل احنا دلوقتي ده باقي خمس دقايق ده باقي عشر دقايق وطب يقول له ايه لأ نصلي ونيجي مع اصل المغرب آآ ما فيش وقت قليل قوي
عبدالرحمن لو عاوز تيجي فعبدالرحمن اول يوم مرحش تاني يوم ما رحش. تالت يوم واقف كده منتزر. طب ما اروح. فراح عبدالرحمن فلقى الامام هناك آآ الشيخ محمود سلم عليه وقال له ازيك وعامل ايه؟ ازيك يا عبدالرحمن
وانصر انبهرت انت عارفني كمان ؟ قال له وانا سامعك وهم بيقولوا لك يلا يا عبدالرحمن وما شاء الله وبعدين راح حاطط لهم متر من عربية للعود بقى ولا عبدالصمد فشموا عبدالرحمن ايه ده! مش ده العطر اللي بابا وماما بيحطوه
بس العطر ده انا شميته مرة على باب الحرام ويبدأ بقى قلبه يتخطف ويبدأ عبدالرحمن بقى يقول له عمو الشيخ انا ممكن اقرأ زيهم القرآن ويبدأ عبدالرحمن يحفز القرآن وبعدين مرة عبدالرحمن بعد شهرين يقول له يا عم الشيخ آآ والدتي بس كانت عاوزة حضرتك ممكن بعد ازن حضرتك هي واقفة برة
فيطلع الشيخ فتقول له ايه؟ والله هي اخت عبدالرحمن مي آآ هي توأمه وكانت نفسنا نحفظها قرآن. فحضرتك ما تعرفش حد هنا فيقول لها والله عندنا هنا المعلمة نرمين بتيجي كل يوم اتنين
فممكن حضرتك تقدمي وان شاء الله تجدي الخير ونرمين تستلم مي ومي تبقى في يوم من الايام من اهل الاستقامة والدنيا تبدأ والخير يبدأ ويبدأ بعد  تلاقي بعد سبعتاشر سنة اشهر مسجد في الرحاب موجود في فيلة نرمين
لما اتجوزت اشترطت على زوجها ان الدور الاولاني اللي تحت نحوله مسجد مش انا معي نفسي في اجر وبتاع والكلام ده كله. وكان الخير كله بسببي حاجات بسيطة خالص واخدين بالكم؟ فالشاهد ان الدعوة الى الله سبحانه وتعالى
بلغ ما انزل اليك من ربك وان لم تفعل فما بلغت رسالتك والله يعصمك من الناس. فكلما بلغت كلما زادت العصمة كلما بلغت كلما زاد الخير والتأمين عشان كده المسلم الوفي
صاحب العقل الالمعي يجعل ان كان واعيا صادقا في دعائه كما يدعو لوالديه بيدعو لاهل الدعوة يدعي لهم ان ربنا يسبتهم وينشرهم وينتشر خيرهم وينتشروا في الافاق ويكسر خيرهم ويأمن قلوبهم ويحفظ عقولهم وابدانهم
ويسبتهم ليه لان دول صمام الامان للامة دول متحدسين الرسميين دول اللي يعني آآ نفسك انت تدعي بابا ونفسك آآ تقنع ماما فتلاقي مقطع لواحد منهم. تلاقي آآ آآ واحد منهم كاتب خاطرة. فالناس ديت صمام امان
فخاصة في الوقت الجوع ان الناس فيه ناس جعانة يا جماعة. شفتم غلاء الاسعار وبتاع. مخلي الموضوع كله يبقى صعب. السلعة صعبة. صح طلعت القلوب برضه صعبة. ما حدش فيه. فاستمسكوا بالدعاة. وحافزوا عليهم
حافزوا عليهم لان دول احد الجدران اللي ربما يكون بسببهم ربنا حامي حاجات كتير وحافز حاجات كتير وان دينك محفوظ بسبب الناس اللي زي دي داء الفل والياسمين اللي بتشمه بجوار الترع والقمامة
فحاولوا تحافزوا عليهم حاولوا مش كل شوية تخبطوا فيهم. حاولوا مش كل شوية تمسك معول وتهدوا وتهد حيطة منهم اعطنا النصح بالرفق والنصح بحلم والكلام ده مهم جدا. لكن سلوا الله ان يسددهم وسلوا الله
وان يكثر هؤلاء ويكثر منهم. وان آآ يزدادوا انتشارا ويزدادوا توفيقا. ويزداد حفزا ليه؟ لان هم كلما ازدادوا سباتا وانتشارا ووعيا وحفزا كل من تأمنت الجيل القادم عشان هتيجي في يوم من الايام تسأل تقول لي يا عم الشيخ يا معلمتي ما فيش حد يحفظ ابني القرآن. ما انت هديتهم
ونسيت تدعي لهم فما عدش فيه حد خلاص بقت عملة نادرة عملة نادرة وكلنا محتاجين كلنا جعانين فحافزوا عليهم حافزوا عليهم لان النعم دي نعمة كبيرة نعمة كبيرة قوي وقلما غادرت نعمة
قلما غادرت نعمة فقوم ثم عادت اليها. شوفوا اثر ما قبل يعني من اول الالفية كده من اول الفين لالفين وعشرة شوفوا اسر انتشار الخير اللي كانوا متسببين فيه اللي معزم اللي بيسمعني دلوقتي ربما من الجيل
دول كانوا سبقوه في يوم من الايام مرة في حد متضايق قوي من شيخه وزعلان فبيتكلم جنبي جنب آآ يعني شيخ كبير يعني بيقول له ده عمل فيا وعمل وبتاع ومش عارف ايه والكلام ده كله. قال له يا سيدي ما تنشغلش به. وخز من غيره. فبس
ففي الاخر قال له تنصحني بايه؟ يعني بيقول لي يا شيخنا تنصحنا تنصحني به فقال له كلمة جميلة قوي ما زالت يعني في عقلي قال له انت كنت فين قبل ما تعرف الشيخ
قالوا لأ ما كنتش ملتزم قال له ايوة كنت فين يعني احكي لي كده ؟ قال له اه كنت قاعد على قهاوي وكنت كده قال له خلاص اعتبر ان الشيخ ده كان دوره انه جابك من القهوة
ودخلك الجامع. سيبك منه بقى قال له وان الحر يراعي وداده لحزة الحر بيراعي وداده لحزة فيا سيدي بغض النزر عن تفاصيل لما انت دخلت المسجد هو بقى ده انه يقول كلام بعض الكلام غير مأصل شرعا وكان فيه كلام فيه خطأ اتركه بقى اترك الكلام
اللي هو قاله بس دايما اشكر لي ان انت كنت يمكن زمانك دلوقتي كنت اشهر واحد بياع حشيش مغشوش في الحي. حتى مش اصلي كان وزمان ابنك دلوقتي اسمه بشلة. اوبشلة ده كان آآ واد بيسبت الناس وبيتم تأجيره
كان ده مش ممكن كان زوجتك واحدة مما الناس يعني اللي ايه اللي سلوكها غير منضبط الراجل ده عصم جيل كامل ربنا عصمك وعصم اولادك وزريتك بسبب حاجة زي كده
بسبب حاجة زي كده ان كان الشيخ ده طبعا انا سبحان الله من يومها يعني وان الواحد اعتقد يعني ان الواحد بقى سار اكسر ادبا حتى وهو يعاتب او يرد على اه بعض من اخطأ. ليه بسبب اللقطة ديت
فاحفزوا جميل الناس زي الام اللي ربتك وكانت سبب في وجودك نعمة الايجاد. ايه نعمة الايجاد يعني ايه المشكلة يعني ما اهدى بس الوالدين ربنا يجعلهم سبب لنعمة ايجادك. عارف ان النعمة ديت من اجل نعم الله عليك؟ لا عادي انا مش شايف ان انا موجود
دي نعمة كبيرة عارف ان الكلام ده مش صحيح ايه الدليل بتاعه لانك اصلا متضايق ان اي واحد يعكر عليك حاجة في دنيتك. فانت متضايق من ايه؟ ان في واحد ازاك. طب انت متضايق ليه؟ لانها
عاوز تحافز على نعمة الوجود ان الوجود انك كأنك موجود بطريقة كويسة ومبسوط فاي حد بيعكر عليك نعمة الوجود دي انت بتضايق. لو واحد جه هددك في الطريق ويأزيك بتتضايق وبتخاف وبتحاول تستخبى طب ليه تحافز على نعمة الوجود
واخدين بالكم؟ فالوالد والوالدة ربنا استعملهم ان يكونوا هم سبب في نعمة وجودك وكمان ده ربوك وانت لسة طفل صغير. وبعدين قصروا معك لما كبرت. قصروا معك فعلا فنيجي نقول لك ايه؟ بنقول لك لا شك ان هم اخطأوا ولا شك ان هم عملوا وعملوا وعملوا وعملوا ولكن اياك سم اياك سم اياك
اياك ثم اياك ثم اياك. من ايه بقى انك تنسى وداد لحزة اي واحد ابتلي بضعف الوفاء لا اقول وقلة الوفاء لا اعول عليه ما اقدرش اعتمد عليه ما اقدرش لا ادخله ابدا في بطانتي
ولا يكن من المقربين ولا استطيع ان اتعامل معه لا في دنيا ولا في اخرة الا اضطرارا لا اختيارا ليه؟ ما هو كده ان الوفاء ده يا جماعة مش اللهم هالة ليه كانت تأتينا ايام خديجة؟ اصل انا وفي جدا لخديجة
وفي جدا يا خديجة. فاي حد من ريحتها هكرمه وفاء لها اه ليه؟ فهو ده تتعلم الوفاء من نبي الوفاء اتعلم الوفاء من نبي الوفاء المدرس اللي ازا كان سبب ان لسانك ينطق باللغة العربية لازم تكون وفي
اوعى تكون اصلا ناسي اسمه. ده انت تبقى وحش اوي اما اقول لك المدرس بتاع اللغة العربية بتاع الحضانة واولى ابتدائي. فاكره اللي خلاك تقول الف باء تاء وبدأت تقول اب ام وبدأت تقول الله رسول وبدأ
القرآن وبدأت تفتح تدبس بسم الله الرحمن. عارف كل قاعداتك بعد كده في اللغة العربية؟ كل دراستك كل قراءتك كل باسكت لموبايلك كل اما بتقرأ عربي الراجل الاولاني ده واخد اجرك
طب انت بقى فاكر اللقطة دي ؟ طب بتدعي له يا سيدي مش هقول لك بتزوره واديته هدية الراجل ده خد واخد اجر زي المنشار كده طالع واكل نازل واكل فاكر اول واحد اعلمك الفاتحة عشان كده اوعى في يوم من الايام
حد يسبق احفادك واولادك في تعليمهم الفاتحة لمشروع راح خلصان. مشروع انجاز ما لوش حد عشان كده البنت اللبيبة والاخ الزكي اللي كل شوية جمع عيال العيلة في اي مجتمع يقول لهم تعالوا
ويعلمهم حتة في الفاتحة. ويخليهم يقروا وراه الاطفال الصغيرين ويجيب لهم شوية هدايا. اللي هيقعد المجلس ده. بس ليه؟ ده تاجر تاجر بيحجز الفردوس الاعلى بالحاجات دي. ليه؟ لان الاولاد دول لو طلعوا يعني مش مركزين في دينهم اه في الاخر
اقرأ الفاتحة وهو هيصلي هيصلي كل دول في ميزانهم كل يعني اللي علم الراقصة واحدة ابتليت بالافة ديت. ونسأل الله ان يتوب عليها ويتوب على جميع المسلمين. اللي علمها الفاتحة
وان ما زالت احيانا تصلي شوفوا رغم ان هي هنا بس هو لسة بياخد الاجر بتاعها في الخير ده طيب الناس ديت مش محتاجة بقى انك تاخد بالك منهم وانك تشكرهم
وانك دايما وفي لهم حتى لو حصل بينك وبينهم هنات بعد كده بس لازم قلبك يكون يشهد الخير كافر رجل كافر. مركز يعني ايه كافر؟ يعني نار يعني سعير يعني ابو جهل يعني ابي لهب
يعني مخلد في النار يعني لا يحبه الغفار. كيف الرجل كافر في يوم من الايام عمل موقف شهامة مع نبي الوفاء النبي راجع من الطائف عاوز يخش مكة منعوه. فمين راح واحد طالع اسمه المطعم ابن عدي
المحمد يدخل وانا اللي بحميه وهو داخل في عهدي. خلاص في زمتي ما حدش يتقرب منه. وكان زمان في مكة خلاص ده داخل انتهى لكم ان تتخيلوا الموقف ده موقف عادي صح؟ يعني قبل الهجرة كده بتلات اربع سنين حصل الموقف ده
اتعدي التلات سنين وتيجي السنة الاولى والسنة التانية وتبدأ غزوة ايه؟ بدر. ويموت سبعين من كفار مكة. ويتأسر ما يقرب من سبعين سبعين اسير؟ اه ايه اللي هيحصل السبعين اسير دول كل واحد منهم
كل واحد منهم هيتفك بصفقة يا اما بماديات او يعلم الناس العلم. والنبي ساوى بين العلم وبين الماديات او يتقتل للاسير ده لو امير المؤمنين اللي هو في زلك الوقت النبي صلى الله عليه وسلم قال الكلام ده
تتخيل ان النبي صلى الله عليه وسلم يروح قايل كلمة عشان يعلن عن وفاؤه مش قادر يكتم الوفاء. اصل الوفاء ده عطر. فيقول ايه النبي صلى الله عليه وسلم عن الجبير بن مطعم بقى انا قلت المطعم من علي؟ اه الجبير ابنه بقى. فيقول النبي صلى الله عليه وسلم عن المطعم ابن عدي
يقول لو كان حيا لو كان حيا ثم جادلني في هؤلاء النتنى الكفار دول الاسرى دول لاعطيتهم اياه. لو كان حي وقال لي يا محمد اديني السبعين دول انا عملت معك موقف قبل كده كنت هاديهم له
يا على الجمال في اكثر من كده اه ما ما تعرفش انت تفهم الكلام ده طالما انت بعيد عن الوفاء طب ما تستوعبوش مش هتعرف تستوعبه. اصل عمتي وبرضه وقالت في ابويا كلمة يا ابني انت مش هتستوعب اللي انا بقوله. اللي انا بقوله ده دي عارف اما واحد مسلا بيتكلم في ستة طب عن حاجات الطب. واخدين بالكم وعارفها
وفي واحد في ست طبي كده بيتكلم عن حاجات طبية درسوها في خمسة الجماعة بقى اللي هم في تانية لهم صنايع مش لاقطين. واللي في تانية سانوي مش لاقطين. ما هم مش فاهمين هو بيقول ايه
واخدين بالكم؟ فاللي انا بقوله ده اللي بعيد عن الوفاء ما يفهموش ما يفهمش الكلام ده. عقلية الوفاء دي عقلية هي شايفة اختها في حتة تانية خالص طول عمرها. ليه؟ ما اقدرش. ما اقدرش مهما عملت
فارجع واقول ان الدعوة الى الله سبحانه وتعالى بتحميك من الدعوة بتأثر فيك فكلما انت ادركت المعنى ده كنت وفيا للدعاء والحمد لله ان الوفاء قليل معهم الحمد لله ان الوفاء قليل معه لسببين. السبب الاولاني
ان في ناس انتو مش هتقدرو واحنا في الدنيا مش هنقدر نوفيهم حقهم مش هنقدر نديهم الاجر بتاعهم ولا هنعرف نقف معهم. اخفى الله بعض ما لهم في الدنيا عشان الناس ما تشتغلش عشان الوفاء وتشتغل عشان الايه؟ الرد. لا يدينهم مكملين. عشان اللي اللي يكون
اللي يديهم الوفاء الحقيقي هم من عملوا له. الله سبحانه وتعالى فمن رحمة الله ان فيه جفاء تجاه هؤلاء ان في جفاء تجاه هؤلاء شف اما يبقى فيه واحد ربنا جعله سبب انه انتشلك من بيت ارتكاب الفواحش
وشرب المنكرات وكت ضايع بمعنى كل ضايع والان لا يمر يوم ولا يمر يعني شهر الا وانت ممكن تتريق عليه تتكلم عنه. ومش عارف ايه. وتزكره بشر كل ده ليه؟ اصل مش وقف معي اه مش عارف يوم ايه. طب انا هقول لك ايه طيب هقول لك ايه ازا كان يعني اصل الحاجات ديت مشكلتها
الحاجات دي هي مش دورة وهديها لك موضوع الشهامة ده وموضوع الوفاء وموضوع الرقي في الاخلاق زي الكرم كده اصل انا انا مش يعني هديك اصل مش اتيكيت هو يعني اقول لك تعال ناخد دورة
الكرم ده سجية فهعمل لك ايه ازا كنت انت يعني ابتليت بالقصة دي فاسأل الله سبحانه وتعالى ان يلهمنا واياكم التوفيق. لكن فيه ناس بيكون عنده عنده المعنى ده اصله موجود. بس كان محتاج ان حد يزكره
فينكشف يعني كانه بينفخ الغبار اللي على الحاجة يعني هو فعلا عنده استعداد يكون وفي بس محتاج حد يزكره فيبدأ يفوق طبعا بقى انا عارف ان في بعض الناس دلوقتي ممكن ما يكونش قال الازكار كويس. فتلاقي الشيطان دلوقتي يقول له ايه؟ اه يعني هو اصلا بيقول لك
عادي جدا لان بقى ان هم الدعاة يغلطوا ويخربطوا ويلخبطوا واحنا نقدر نقول لا معلش نسكت انا ما قلتش كده خالص يعني انا بقول لك لا يا سيدي انكر عليهم وآآ بصرهم
طيب واقول لهم انتم حتم عن الحق الذي علمتمونا اياه بس دايما تبقى مدرك ان هم الحق الذي علمتمونا اياه واخدين بالكم؟ لازم تكون كده. شوفوا سبحان الله سورة الحشر بتعلمنا الوفاء
الناس اللي جم بعد الكبار بيقولوا ايه؟ وهم بيدعوا بيدعوا وايه سبقونا بالايمان مشغولين بمين باللي سبقوهم دول سبقونا وعلمونا فكل الشغل بتاعهم لأ احنا هندعي ربنا بس مش هننسى الناس الجميلة دي
مش هننسى ربنا اغفر لنا ولاخواننا الذين سبقونا بالايمان. بس كده ؟ لأ ولا تجعل في قلوبنا غلا للزين امنوا يا جماعة الدعاء ده ما حدش يعني الدعاء ده الدعاء ده بيداء قبل ما بيتقال. انت لازم تدوقه. مستحضر مين
اللي سبقك وبتوب تبدأ تقول. فاسأل الله سبحانه وتعالى ان يسددنا واياكم. من الحاجات الجميلة جدا في شخصية ابو زر لان في يوم من الايام بيقول اوصاني خليلي وبالمناسبة دي من المشاريع الخليلية ممكن تسميها بقى والمشاريع المشاريع الغفارية المهم اعمل مشاريع بقى بين
في خطتك الخطة بتاعتك. ايه بقى اوصاني خليلي اوصاني خليلي ديت هاتها آآ هات كل اوصاني خليها واعمل المشروع الخليلي اوصاني خليلي حبيبي قوي طب اوصاني بايه بقى يعني مسلا ابو زري ابو هريرة يقولك اوصاني خليلي صلى الله عليه وسلم بان
اوتر قبل ان انام واوصاني بصلاة الضحى وتلات تيام من كل شهر. صلاة الضحى اللي بتقول عنها عائشة رضي الله عنها. والله لو نشر لي ابواي لو ابويا ابو بكر
وزوجته. ربنا احياهم وطلعوا لي من قبري على ان اترك صلاة الضحى ما تركت مهما عندها حد عنده موضوع خلصان يقول انا لو ابويا طب مين فيكم عنده ابوه مات وامه ماتت او احدهما يقدر يقول الجملة ديت
بس يقولها عملية ما هي ما كانتش بتقولها عشان تويتة ولا عشان سعر علام النبلاء يكتبها في الايه في الكتاب لأ هي بتقول انا الموضوع ده عندي كده فكان ابو هريرة بيقول كده ابو زر بقى بيقول ايه
اوصاني خليلي صلى الله عليه وسلم انا ما اعرفش ليه الوقت يعني الوقت معكم ايه؟ هوا يعني كده شكل ابو زار هيكمل معي كمان حصة. الله المستعان. فاوصاني خليلي صلى الله عليه وسلم بخصال من الخير
بخصال من الخير. ايه هي بقى الاوصال من الخير دي؟ قال اوصاني بالا انظر الى من هو فوقي. والله العزيم انا كنت قاعد مع ناس يقول لهم سبحان الله! غمض عينك
وحط في صابعك على اي حتة في الاسار السنية اه من كلام النبي او الوحي آآ سبحان الله لو خدت بالك لو نص جملة مش جملة كاملة تيجي تطبقها تحس ان المجتمع ممكن يعني
دربكي كتير تتحل يعني تعال مسلا في في الايه في المشاريع الخليلية دي والوصايا الخليلية دي تعالى نمسك كده كلام ابو ظبي من النبي صلى الله عليه وسلم تلاقي حد
عجب عجب اوصاني خليلي بخصال من الخير ايه هما؟ واحد اوصاني بالا انظر الى من هو فوقي يع ياد اما تمسك الحتة وان انظر الى من هو دوني. تعالي تمسك الحتة دي كده بس وشوف دربكة معزم الناس بسببها. المرأة الغضوبة اللي في البيت
اللي مش عاجبها ايه عادي كل الناس عندها تلاجة. خلاص فين الديك فريزر؟ مش قلت لي هجيبه لك في دخلة السنة؟ فين؟ يا بنت الاسعار ومش الاسعار يا سيدي خلاص. سيبك من
انده قلت لي ايه على الميكروويف؟ طب ما احنا عندنا بوتاجاز طب وانا بقى كل يوم بقى الصبح كده ده ان انا بقى اعمل السندوتشات وبتاع والكلام ده كله ايه يا اخي فين فين وبتاع وعامل لي ملتحي وعامل لي اخ فين اوصاني النبي صلى الله عليه وسلم بالنساء
واوصيكم بالنزاع فين يا اخي؟ انت ما بتوبش. فسبحان الله اوصاني بالا انظر الى من هو فوقي. وان انظر الى من هو دوني. تلاقيها في الحياة حتى شف سبحان الله! حتى في البيت! حتى في البيت. آآ هو خد السدر وانا خدت الورك
يا ابن الحلال الله يهديك انت مركز في الحتة ديت اه هو خد كوباية شاي بلبن اكبر مني. بصي بصي وشوفي ويحطها جنب بعض اه هو ازيد مننا فتلاقي سبحان الله ان حتى الاطفال بيشربوا الحاجات دي بدري او بالانظر الى من هو فوقي
في امور الدنيا وامور الدنيا. النبي صلى الله عليه وسلم بيقول لنا كده. بيقول لنا في الدنيا ما تبصش للي فوقك. فطبعا خليكي مخليك بتبص مش للي فوقك للي فوقك باربع ابراج. فانت هتتجنن ليه
قاعد تمد عينيك فكل شوية مش راضية عن جسمك ليه؟ ما انت كل شوية قاعدة ايه في جروب آآ روقوا على ازواجكم حوريات لاخواتنا لازواجنا مش عارف ايه بتاع ايه. فكل شوية تشوفي واخت تقولي مش عارف ايه وانا جسمي مش عارف ايه
وكل شوية بقى البنات اللي بتطلع باللبس وتقول ده في نقاب جديد وفي مش عارف لبس جديد وتطلع لي اللي هي لابساه وتعمل لي شوية حركات فانت وفي الحركات تعملي حركات في البيت انت روخرة واللي زوجك وتقولي له شوف وبتاع وانا جسمي ومش عارف ايه ومالك مهمومة كده. ما فيش. لأ انت مهمومة ليه؟ ما فيش. وتروح
عيط ليه؟ عندي اكتئاب ما بعد الانستجرام. ايه اكتئاب ما بعد الانستجرام ده؟ انا اعرف اكتئاب ما بعد الحمل. ما هو برضه زيه كده. ليه بقى؟ لان شافت نفسها خلاص انا انا حاسة
ان انا عندي فلات في رجلي انا حاسة ان انا مش عارف ايه انا عندي تمزق مش عارف فين انا راسي انا رجلي انا سناني انا عيني انا مش عارف ايه شايف الهالات اللي في وشي شايف الحبوب
اللي في ضهري شايف اللي مش عارف ايه في ودني؟ ايه اللي وصلك للحتة دي؟ انظر لمن هو فوقي يرجع لها البيت ماما وبتاع مش عارف ايه ومتضايق وموز ومش عارف تسلفيني عشر تلاف جنيه. ليه يا حبيب قلبي؟ عاوز اجيب موبايل. طب ما انت معك الموبايل. ما آآ عبد
رحمن جايب ووليد جايب وخالد جايب ومش عارف ايه واسلام قال لي انت باباك يا صعب اوي. ايه ده! باباك شغال في كزا ومش عاوز يجيبك ايه يا عم الكبت ده على
فكرة انت على فكرة انا اعرف واحد ابو احمد كده فيه قتله. ومش عارف ايه ودفنه في كوريا وما حدش عرف حاجة عنه انت يا عم انت ليه كده والدك بيعمل كده ومش عارف ايه عشر تلاف جنيه يعني ايه اللي هيحصل يعني ايه المشكلة يعني يا راتب شهر شهر ونص ايه المشكلة يعني ده عشان ابنك يعني وانت انت عندك
كان ابن يا اخي فانتو ليه يا ماما بتضيقو علينا وليه مش عارف ايه والكلام ده كله هو قاعد يبص لاسلام الله يهديك يا اسلام فقعد يبص ليه فينظر الى من هو
فشوف النبي صلى الله عليه وسلم بيقول لابو زري اوصاني بالا انظر الى من هو فوقي مش كل شوية وانت داخلة البيت بتاعك تشوفي اه شفتي جابوا عربية جديدة. شوفي ده مش عارف ايه ده داخلة في بيتها عاملة ازاي. ده شوفي مش عارف ايه. ده داخلين معهم شنطتين الله اكبر. طبعا النزر
فوق هتبتلى بايه؟ واحد هتزدري نعمة الله عليك. مش هتشوف النعمة. نعمة ايه اللي انت شايفه؟ واحد يقول لك شوف النعمة اه انتم بقى شاطرين بقى وكل شوية يا ماما تقولي لي النعمة النعمة النعمة. وكل الناس
عندهم عين كل الناس عندهم بق وكل الناس عندهم مش عارف ايه وكل الناس عندهم ايد بيشوحوا بها زي ما انا بشوح دلوقتي. فهو شايف ان الناس كلها عندها مش عارف ايه الكلام ده كله. نسأل الله العفو والعافية
ها شوفي صالة فلانة شوفي روحنا شفنا تلاجة الله اكبر عليها. ادي الازواج ولا بلاش. تلاجة ايه حاجة كده مش عارف كم قدم. مش انا اللي مش عارف ادخل انت هتدخليه مع غلاء الاسعار ده؟ المهم اوصاني بان لا انظر الى من هو فوقي وان انظر الى من هو دوني
فاول حاجة هيبتلى ان يزدري نعمة الله عليه. دي حاجة تانية الحسد تلاقي عندك بقى عندك حسد بقى بعد ما كنت كده اخت ملتزمة من اهل الاستقامة وقلبك رايق وعقلك رايق بقيتي مبتلى بايه بقى عندك احتقان
قال بقى عندك احتقان للنعم المفقودة. ولم تعد عندك احتضان للنعم الموجودة. ما عدش خلاص. بقيت العبد الكنود بقيت المرأة الكنودية بقى البيت اسمه كده بيت الكنود. يقول لك فين بيت الحاج فلان؟ يقول لك الكنود اه اول يمين. بقى غالبا هيبقى كنود يبقى اول شمال
مش هيبقى اول يمين خالص. فالمهم نرجع اوصاني خليلي بالا انظر الى من هو فوقي وان انظر الى من هو دوني. شوفوا لكم ان تتخيلوا المقطع ده لو تم في الحياة. ايه اللي ممكن يحصل
ايه اللي ممكن يحصل في الحياة؟ تلاقي الدنيا رايقة وبتاع ومش مكسوف وانت راكب عربية فيات اربعة وعشرين بتكح على الطريق. عادي جدا ليه؟ يعني انت مش شايف الناس اصلا
ليه؟ قاعد بتعدي على مين؟ شايف انك الحمد لله احسن من التوكتوك المكشوف اديك مستور. احسن من الراجل اللي مستني اي حد ياخده الطريق احسن من قريب انا لا اراكم انا منغمس في نعمة ربي. خلاص انا منغمس في نعمة ربي
لكن طول ما انت شايف اصل انا مش عارف ايه الحزاء بتاعي وشكله كده لا يليق بي. ايه يا عم انت هتخلي انت بادئ بالحزاء! خلاص اللي يبص لك من نعلك خلاص هي دي نزرته. فاشغل بالك ما تشغلش بالك منه. لكن اللي يبص لك من راسك وعقلك خلاص ده اللي يستحق انك تركز معه
يبقى اوصاني بالا انظر الى من هو فوقي. وان انظر الى من هو دوني. طيب ده اللي ايه؟ النصيحة الاولى. طب بعد كده وهم نصيحتين في نصيحة يعني. طب ايه بعد كده
واوصاني بحب المساكين والدنو منهم. يا جمال الاوصية والوصايا. حب المساكين تحبهم. تحبهم طب ما انت ممكن تقولي على فكرة انا بحبهم اوي بس شفت الجملة اللي بعدها والدنو منهم. انك تقرب. قرب
خلاص؟ فكن بهم اقرب وارفق فاوصاني انك تقرب لان في ناس ممكن ما تقربش. لكن الدنو منهم سبحان الله! تلاقي شيماء التجمع تعزمك على حنتها وفي رواية عقيقتها ولا وليمتها ولا اي حاجة تلاقيك ايه جارية. طيب يا عيني وشيماء بتاع
حتى ضرب التبانة بتاعة امبابة ولا بتاعة مش عارف ايه للناس اللي لا لا لا ما والله يا اسطى عندي امتحانات. عندي امتحانات آآ آآ بقي توجعني. اه عيني بترف
انا ما شفتش الرسالة. قال لي اصلها بنت مسكينة وغلبانة وبتاعبة ومامتها بقى كل شوية بتيجي تقول لي ما شاء الله شيماء التجمع جت سلم علي وتحضني وبقى احيانا ما بتكونش ايه يعني آآ لبسها حلو فبيبقى فيه تراب كده وانا طالعة على السلم الصراحة يعني
بلاقي قطط كده وبتاع كرمش مش قد كده. طب ما هتعملي ايه في قبرك يا عم الترابي وهان عليك والله الناس دي هتروق عليكم في قبركم لو اهتميتوا بها. خلاص؟ عبدالرحمن يا شيخ انا هعدي على حضرتك اخدك ان شاء الله بالعربية
احنا رايحين الدرس مع لا والله يا عبدالرحمن لا لا لا والله هاجي اخد حضرتك بالعربية. ما انت عارف ان عربية عبدالرحمن ما شاء الله اسكودا موديل السنة دي. اه طبعا خلاص يا عبدالرحمن ماشي ما فيش مشكلة ما فيش
عشان تاخد الاجر ما فيش مشكلة. طب اللي معه لانسر بقى آآ من التسعينات لا الله يسهل لك يعني انا مش هدي الدرس النهاردة الله يعينك طب ليه يا عم ما تروح مع ده خمس دقايق وده خمس دقايق ده معلش يعني اصل الاسكودا بتساعدك على دخول الجنة من الباب الايمن. لا والله يا ايمن انت محتاج
تراجع نفسك لان القصة قصة هي دعوة ولا قصة حاجة تانية؟ حب المساكين انك تحبهم. عشان كده كان من دعاء رسول الله في خلواته وفي مناجاته اللهم ارزقني حب المساكين
اللهم احيني مسكينا وامتني مسكينا يا على الجمال! النبي صلى الله عليه وسلم حابب كده. حابب يقول له يا رب ارزقني الحب ده المسكين ده التي اسكنه الفقر وما فيش عمل فهو ساكن
مش لاقي هو عنده ما يستره في الغداء. لكن ما عندوش فطار وعشاء. ما عندوش ما يعني هو مسلا احتياجه جنيه هو عنده جنيه ونص الفقير ما عندوش المسكين اللي عنده تحت التلاتة جنيه فوق الجنيه وتحت التلاتة جنيه. واخدين بالكم؟ فشوف سبحان الله اما الانسان
لهذا العمق فيقول واوصاني بحب المساكين. اوصاني بحب المساكين. فالنبي صلى الله عليه وسلم ما كانش بيدعي على نفسه بالفقر لكن النبي صلى الله عليه وسلم يخشى من غنى يطهيه
وهو القائل اللهم اغننا بحلالك عن حرامك وبفضلك عمن سواك. وكان يسأل النبي صلى الله عليه وسلم ان الله يكفه. وحب المساكين الناس اللي يكون ما فيه مسكنة قلب حتى وان امتلأ الجيب لكن قلبه قلب المساكين. والمسكنة مش مسكنة لبس. مش مسكنة المسكين ده يا جماعة مش
شعره منكوش ولبسه عليه تراب لأ بالعكس ممكن يكون افضل الف مرة الف مرة من لبس الغني. ليه لان في حاجات ما لهاش علاقة خالص بالفقر. النضافة والنزام والصدق والكرم والحاجات دي ما لهاش علاقة بالفقر والغنى. لها علاقة
التربية والبيئة اللي انت خرجت منها واوصاني بحب المساكين والدنو منهم. ليه؟ لان المساكين ما عندهمش حاجة تخلي الناس تقرب منهم. ما عندوش سكن ما عندوش عربية ما عندوش كزا ما عندوش كزا
في يوم من الايام احد مشايخي قال لي في شاب كده آآ دعيني النهاردة على وليمته فتعالوا ندخل عليه السرور وكده. كنت انا مع الشيخ وكده فكنت عاوزه قال لي تعالى ندردش كده فاحنا داخلين فلقيته كده ايه راح داخل قرية القرية دي قابلنا فيها الجرار حاجة
الاتنين لا هو يعدي لا احنا نعدي والتاني هيعدي فين؟ هيقع في الماية. فعصر للعربية انت تعبت ازاي؟ قال لي ربنا يسلم بقى. فسبحان الله المهم ايه عدينا ورحنا وبتاع والكلام ده كله. وهو شيخ من علية القوم يعني
فرحنا العجيب ان هو اه كان معنا احنا سيارة والشيخ معه سيارة. سيارات الشيخ شوية متواضعة. واحنا السيارات بتاعتنا شوية اه يعني متكبرة شوية. فهو قال سيبوا عربيتكم. تعال تعال بعربيتي. فقلت له تعال بس
نعم. فبمعنى واحنا في الطريق كده قال اصل الاخ ده يعني ايه طيب ومش عارف ايه والكلام ده كله فايه عاوزين آآ ندخل عليه السرور. فرحنا فاما دخلنا الاخ الوليم على السطح عنده. فطلعنا على السطح الدور التاني او التالت مش فاكر بعد ما طلعنا
اه فالاخ مسكين يعني هو ده حياتهم يعني. فجايب بقى ايه يعني اكل بدائي خالص وفيه سلطة كده والدنيا وبتاع وطبعا وطبعا هتخلص هتغسل ايدك فين وهو الاخ واقف كده معه صابونة ومعه حلة وفيه شفشق كده مية هيصب عليك
فواحنا بقى قاعدين بقى ناس يعني ابتلينا ان احنا ظاهرة من الناس اللي شوية يعني آآ لهم حال ظاهر والله اعلم بالباطن فقعدنا فطبعا انا اا في واحد معايا مترف جدا جدا اا
رفيقي اللي كان معي وهو من علية القوم في الدنيا لا تساوي جناح بعوضة. فاه مش عاوز ياكل فبعدين راح موطي علي كده قال لي الدبان مالي المكان. انا مش عارف احط ايدي في اي حتة. فانا باضحك فالشيخ بيقول لي بتضحك على ايه؟ فقلت له
وفلان بيقول لي كزا فقال له لا يشعره هو الاخ هيعمل ايه؟ هو يعني هو الدين هو ده قريته وده بلده والاخ على السطح فهيعمل ايه في الدبان يعني؟ وهو الدبان بعيد عن الاكل اه بس ايه منتشر في الهوا
فقال بصوا في عيش في الكيس افتحه وحاول آآ اتقطع كده في العيش وحاول تاكلوا العيش الايه في الكيس ده. وبدأت انا والاخ بقى ايه ناكل عيش واتلكمنا عيش. من الايه
ما القصة جينا نقوم قال يلا عشان نغسل ايدينا فقاعدين احنا بقى هنغسل ايدينا على العيش يعني قالوا اه يلا تعال تعال صب علي يا محمد. فانا رحت صبيت عليه وهو بيصب علي
وهنمسل بقى ان احنا بنغسل ايدينا يعني وبتاع ومشينا. وكان موقف شوفوا وعدى عليه ازن ستاشر سبعتاشر سنة بس ما زال يحفر في قلبي كثيرا هي ديت في حين لو الاخ ده من علية القوم ودعامه
كنا يعني رحنا مم جري. هو ده اوصاني بحب المساكين والدنون والدنو منهم واوصاني ان اصل رحمي وان عيب اوي اوي اوي تدور على المسكين امتى ؟ انا ماما ماتت وعاوزة حد يغسلها
طب شوف كده المعلمة هند مين هند يا سيدي البنت اللي هي في قرية كزا اللي بتبقى جاية ديت تبقى في الجامع ديت قاعدة ورا ما هي دي مغسلة اموات. ياه
اه اول مرة تعرف هند المسكينة يوم ما تيجي تغسل ماما وانت اول مرة تعرف احمد المسكين لما جه يغسل بابا ويغسل ابنك يا لك من لئيم فعلا كما قال النبي انما تنصرون بضعفائكم. اوعى تكون فاكر يعني في يوم من الايام سعد ابن ابي وقاص سعد خال النبي اللي كان بيفتخر به ويقول ده خالي وروني انتم خالكم
فليرني احدكم ايه؟ خالة. في يوم من الايام ابنه بيقول ابن سعد رضي الله عنه بيقول على ابيه. انه رأى ان له حز  على غيره. فالنبي هو بيوزع الغنائم ففي فقراء ما طلعوش. فالنبي قسم لهم. فهو بيقول له يا رسول الله هم قسم لهم ايه؟ وده هم ما لهمش ايه بلاء حسن معنا
فقال يا سعد انما تنصرون بضعفائكم بيقول له خلي بالك وانت بتقاتل يا سعد هو انت كنت فاكر يعني ان هو نصاب النصر ربنا جعله سبب منك ووجود امسال هؤلاء معنا
آآ في الفين واربعتاشر الفين وخمستاشر. قعدت مرة مع حد من الحكماء من اهل الايه؟ الخير عدينا على حد مسكين جدا بس قلبه مش مسكين. قلبه ما شاء الله عليه. حاجة غني جدا بالله
ويمكن الحاجة الوحيدة اللي فقدها هو المال في ناس كده لم يفقد الا المال. وفي واحد لم يكسب الا المال. المهم الشخص ده واحنا قاعدين معه بعد ما مشينا كده الشيخ بيقول لي ايه انت تعرف
لعل الله جاعل بلدنا دية وحافز الجزء اللي باقي فيها بسبب وجود امسال هقولها. ان الناس ديت لسه ان في شخصيات زي دول موجودين بس. والا طرد يعني جدار يأجوج ومأجوج ينزل علينا بسبب الايه المشاكل اللي احنا بنعملها دي. لكن لعل لعل الله
سبحانه وتعالى بسبب مجموعة من دول عاملين نصاب عدم نزول العزاب العام سبحان الله! واوصاني بحب المساكين والدنو منهم. واوصاني ان اصل رحمي وان ادبرت. انت تصل اصله بيقاطعوني مش بيردوا
على الواتس واتصلت بهم وقالوا لي واعملوا لي والكلام ده كله. يعني قدروا اه وان اصل واحد. واوصاني يعني اصل رحمي. وان ادبرت واوصاني الا اخاف في الله لومة لائم
فاوصاني الا اوصاني الا اخاف الله لومة لائم. ياه! واوصاني ان اقول الحق وان كان مرا واوصاني ان اكثر من قول لا حول ولا قوة الا بالله فانها كنز من كنوز الجنة. ختامها متعة اللي هي ايه؟ ان اكثر من قول لا حول
حول ولا قوة الا بالله يعني لن اتحول من حال ادنى الى حالي الاعلى ولا قوة تعينني الا بالله. كان النبي صلى الله عليه وسلم بيقول له ايه؟ يقول له الوصايا ديت اللي
صعب عليك فيها لينه بالحوقلة اللي تلاقيه صعب خففه ويسره بالحوقلة يا ابي زر. الكلام دهب دهب دهب قناعة تلاقيها فيها. رضا فيها حاجة كده جميلة جدا. وفي يوم من الايام يقول له يا ابا ذر ازا طبخت مرقة اما تيجي تعمل مرقة
فاكسر مائها وتعاهد جيرانك مين بيعمل الحديس ده اما تيجي تعمل يا سيدي ابقى كتر المرقة كده وزبط الدنيا. والله العزيم انتم محتاجين كلكم كل النساء يفعلوا اه مشروع اه اه وصية النبي لابي زرف الجار. صحيح مسلم الحديس ده
بيقول له لما كتر من المرق وزود في الكمية وارسل يا سيدي طبق زيادة. اعتبر النهاردة اعتبر النهاردة ابن اختك جاي ياكل بعض الاولاد. هتزودي طبق فبيقول لك زود جوة الطبق وادي
بس انا جيراني ناس من عيلة القوم يا شيخ ومش هيقبلوا حاجة زيادة. يا سيدي هيقبلوا من الحلويات هيقبلوا من الحلويات بتاعتك. اعمل حلويات وزود كده ايه قطعتين تلاتة وتواصل. ما انت لو تواصلت هتلاقي الحاجات دي بتايه آآ
تمام يعني؟ طبعا المرأة مع المرأة والرجل مع الرجل ها؟ عشان ما فيش حد يلخبط الدنيا. فيا ابا ذر اذا طبخت مرقة. فاكثر ماءها وتعاهد جيرانه. طبعا الحديس ده نساء كتير بتحبه. قال ايه ؟ عشان تفعله وتعمل كده الجنان؟ لأ شفتم النبي صلى الله عليه وسلم بيقول له يا ابا ذر ازا طبخت
انا بزل ممكن يطبخ اهو شفت بقى اه قوم اطبخ فاسأل الله سبحانه وتعالى ان يسددنا واياكم لكل خير هيتبقى معنا مجلس لابي زر لعل ان شاء الله يكون احنا طولنا
ده شوية وفاء لابي زر. اه فاسأل الله سبحانه وتعالى ان ينفع بنا وبكم حيث ما كنا وكنتم. انا مدرك كويس قوي ان في بعض النصائح وبعض الوصايا ودية ربما تكون آآ بقت من السنن المهجورة والحاجات الغائبة عننا. ومن المعاني المهجورة والمفاهيم اللي ايه؟ اللي اتهجرت كتير قوي
عادي لان هي كانت مهجورة في بداية الاسلام ونبي الانام ريح الانام لما قال لهم بدأ الاسلام غريبا وسيعود غريبا. فطوبى للغرباء. انا عارف ان حضرتك تلاقي بعض الغربة في بداية الوصايا ديت. بس اللي هيسليكي ان فيه طوبة. طوبة ديت شجرة في الجنة. يسير
السائر تحت ظلها مائة سنة لا يصل لها الى نهايتها او انت بقى بتعملي الحاجة اللي زي ديت بصي على الظل بصي على الجنة شوفي التوبة وراحة راحة في القلب اما تكون كل الناس
في اتجاه وانت ماشي في اتجاه تاني فقط عشان مع النبي صلى الله عليه وسلم. ويخفف الغربة الحوقلة كما نصح النبي صلى الله عليه وسلم ابا ذر. اسأل الله سبحانه وتعالى ان يسددنا واياكم وينفع بنا وبكم حيثما كنا وكنتم. واسأل الله لي ولكم حسن العمل وحسن الخلق وحسن
اتباع وحسن الختام
