الحمد لله رب العالمين مع محمد الحسن والصلاة والجميل واشهد ان لا اله الا الله وحده لا شريك له واشهد ان محمدا عبده ورسوله. وبعد فاسأل الله سبحانه وتعالى ان يسددنا واياكم ما فيه خير ويتقبل منا ومنكم صالح الاعمال
واسأل الله سبحانه وتعالى ان يبصرنا ويرشدنا لما يعود علينا بالرضا والرضوان ما زال حديثنا حول الرجل المبارك قال رسول الله صلى الله عليه وسلم الاسد الذي لا يخشى في الله لومة لائم
قلنا ما الذي حدث مع امه وما الذي حدث في احد وكيف كان النبي صلى الله عليه وسلم يفديه بابيه وامه ويقول له ابني سعد ارمي فداك ابي وامي سبحان الله
آآ سعد رضي الله عنه سيرته كلها اخذ نصيبا من اسمه فكان في سعد وظل سعد يفتخر بها طوال حياته ويقول ما جمع الله ما جمع النبي صلى الله عليه وسلم لاحد
ابويه الا لي. فهنيئا له لكن سبحان الله يا ترى لما مات النبي صلى الله عليه وسلم وقف سعد ولا اكمل المشوار ما رأيكم؟ حاسين بايه؟ ممكن يكون كمل المشوار؟ كمل متأكدين ان هو كمل المشوار
طب ايه اللي يخلي سعد يكمل المشوار من وجهة نزر حضراتكم ايه اللي يخلي واحد زي سعد ان يكمل المشوار وما يقفش ويظل مستمر ايه السبب ايه اللي يخلي واحد واحد؟ اه ممكن يقول عنده ايه؟ رسالة
عنده رسالة. جميل. ايه تاني لانه على الطريق حبه لله النية الخالصة جميل الاخلاص الصدق الجنة بالهمة هم الدين السعادة الناس دي يا جماعة من اول يوم الناس دي من اول يوم
وهم فهموا دور النبي صلى الله عليه وسلم كويس قوي ما كنش عندهم لعبكة ما كنش عندهم لعبكة ودي من الحاجات المهمة قوي ان احنا ندرك ان دايما اقول ان الصحابة
اعلى الناس ايمانا وده ما فيش نقاش فيه بعد الانبياء الحاجة التانية اكثرهم وعيا الحاجة التالتة اكثرهم اتزانا نفسيا الناس دي متزنة قوي يا جماعة. كلكعة النفسية واللخبطة دي ما عندهمش
يعني مسلا مصعب بن عمير رضي الله عنه ما كانش كل شوية يروح يقول للنبي صلى الله عليه وسلم يا رسول الله وامي وعندي مشاكل وبتاع ما عندوش كلكعة ديت ليه
لان هو خلاص فهم فهم عرف ان دور محمد ان النبي صلى الله عليه وسلم مش دكتور نفسي النبي صلى الله عليه وسلم مش الطبيب نفسي هو اعلى من ذلك بكثير
لان في بعض الناس بيدخل طريق الاستقامة على اساس ان ده المستشفى بتاعته فداخل بقى مستني ان الكل ايه لا يا جماعة الاستقامة مش مستشفى رمان هي ايه هي مدينة كاملة هي طريق ففي جدية هو جيش الاستقامة دي جيش
في جهد وفي بزل لأ انا كنت داخل ان كلكو بقى تاخدو بالكم معايا وهلاقي الانس وهتلاقيه اه في قلبك وهتلاقيه في كل حاجة بس هتبزل وفي دية في بعض الناس بيتعامل مع ان الاستقامة وطريقة ربنا ده طريقة انها داخل الجنينة عشان العب
لأ هي الجنينة من الطريق لكن مش هي الطريق المستشفى من الطريق مش هي الطريق واصلة الفكرة اه انت داخل مدينة كاملة بعض الناس بيكون ده دافع خفي عنه وهو مش واخد باله عنده التدين ده عبارة عن ايه؟ القعدة الحلوة
اللمة الجميلة الصحبة الفريدة خلاص الانس الجميل فهو بيتعمل مع الايه؟ الاستقامة يلا نروح ونيجي مع بعض ونلعب مع بعض. ويلا اه مطعم يلا يلا خرجة يلا وما فيش بقى مشاكل بما احنا ان احنا من اهل
استقامة يعني يعني لو يوم الخميس كده نوزع اي طبق كده ايه فيه حلويات للفقراء وكده عشان برضو ايه نظل محافظين على الرسالة. لكن خارجين مع بعض فلل رحابية الات مش عارف ايه لا هي دي انت حضرتك كنت
يعني هو الكلام ده مباح مفهوش مشكلة يعني بس متضحكش على نفسك وتقول ان ده طريق الاستقامة لأ دي حاجات من الاستقامة وليست طريق الاستقامة فالصحابة من اول يوم تعاملوا مع رسول الله صلى الله عليه وسلم
ان النبي رسول الله النبي صلى الله عليه وسلم هو جسر وليس هو كل الطريق هو من يرشدني في الطريق. وليس هو الطريق وبالتالي حبوا النبي ولا مش حبوه احب النبي ولا لم يحب النبي؟ اعلى درجات المحبة
صح اه خدوا بقى بالكم من النقطة اللي جاية دي لانها نقطة حساسة وربنا يستر وتقبلوها فهما حبوه اكتر من اهلهم لكن ما تعلقوش به يعني ما تعلقوش به مش خلوا النبي الكعبة وقاعدين يطوفوا حواليها بقى
اه لان الحتة دي مش بتاعته. اومال بتاعة مين؟ خلاص. هذا ملك حصري للخالق ده ملك حصري للخالق. بحب زوجي حبيه بحب بنتي حبيها بحب وظيفتي حبيها لكن تطوفي حواليها هنا الخطر
هنا الدمار هنا الدمار القلبي والنفسي والجسدي. كل حاجة ولزلك الناس دي يا جماعة ما وقفتش بعد وفاة رسول الله ليه لان هو من الاول ما كانش حياته النبي في ناس حياتها زوجها فاذا مات
قبرت معه وان بقيت جسدا بالخارج في واحدة هي خلاص دفنت نفسها خلاص دفنت نفسها يوم ما دفنت ولادها ليه؟ لان هي كانت حياتها وولادها فلما مشي الاولاد اه لما مات الاب ما هو بقي الرب لكن هي كانت موضوع الاب واخد مساحة جامدة
المساحة دي المساحة دي لما حصل فيها  آآ التعدي جه القلم بقى جه الالم ولزلك وصية النبي صلى الله صلى الله عليه وسلم ان الانسان دايما او عائشة رضي الله عنها لما كانت بتقول لا يكن حبك او عمر برضو لا يكن حبك
تلف ما تبقاش يعني زي ما بيقولوا يعني احبب حبيبك هونا ما عسى ان يكون بغيضك يوما ما هو مش بيقول لك هو هيبقى بغيضك هو عاوز يقول لك ايه بالراحة
او سبحان الله! شوفوا النبي صلى الله عليه وسلم ربنا بيقول له امين السماء بيقول له احبب من شئت فانك مفارقه كده كده ماشي وفي كلمة يمكن انا كتبتها قبل كده على مواقع التواصل
ان العلاقة كلما قويت واقتربت من التعلق قصر عمرها العمر بتاعها يضعف العمر بتاعها بيضعف وقلنا ان من مؤشرات التعلق التركيز عليه عند حضوره يعني ايه التركيز عليه عند حضوره
اه الاستازة اميرة متعلقة جدا بالاستازة زيزي خلاص تعلق رهيب فايه اللي يحصل دلوقتي آآ هم بيجتمعوا في دار القرآن او في حفل زواج بنت شيماء فكلهم مجتمعين. كله جه الا زيزي
فتيجي تقولي للاستازة اميرة ايه الاخبار؟ فتقول والله الدنيا كانت سبحان الله الفرح ما كانش له طعم حاسة ان ناس كتير ما جتش. على فكرة كل الناس جم لا بس هي زيزي ما جتش خلاص. هي طالما زيزي ما جتش
الفرح اطفى واخدين بالكم وطول ما هي في الفرح قاعدة تبعت رسايل على الواتس انت فين؟ طب لو جت بقى يا استازة زيزي؟ التركيز عليها عند الحضور العالم كله شايفاه زيزي. زيزي لابسة مسلا فستان موف الدنيا كلها قلبت موف. حتى بتاعة الكاميرا الكاميرا موف نفسها
هي شايفة الحياة التركيز عليه عند حضوره. شايفة الابتسامة شايفة الضحكة شايفة القاعدة شايفة الكزا والدنيا بقى بتزيد الى درجة مش هقعد الا جنبها آآ الكلام بتاعها هو الكويس. آآ النكتة بتاعتها هي اللي بتضحك. آآ كل حاجة بقى
فالتركيز عليه عند الحضور تزكره والانشغال به عند الغياب يبقى هو مع الناس وقاعد وكل حاجة بس عقله برة. طبعا انا بتكلم مع التعلق اللي اوله مباح اللي اوله مباح
طبعا فيه تعلق اوله سم قاتل هو التعلق اصلا اصلا ان العلاقة بدايتها التعلق لا يأتي الا بعد علاقة دي علاقة علاقة عادية اه العلاقة انا بتكلم على تعلق جاي من علاقة مباحة
لكن في علاقة اصلا محرمة دول بقى ربنا يتولاهم مش موضوعهم دلوقتي هتكلم فيه لان ده ده ملفه تاني خالص يعني  بيكون تجده مع الناس عقله مع حبيبه مشغول به
لكن الجسم مع الناس بقى كل شوية يقول لك مش عارف ايه. انت عارف صوت مين ده؟ ده صوت ايمن. مين ايمن ده؟ ما هو ايمن ده حبيبي مش عارف يقول لك سبحان الله بيزكرني بايمن. مش عارف ايه ده سبحان الله سمته زي ضحكته زي ضحكة ايمن. بتاعه زي بوست ايمن. حتى سبحان الله تنطيق الكورة زي تنطيق ايمن
الله يهديك انت واي آآ من مؤشرات التعلق حب التملك وده موجود بقى عند الجماعة الازواج موت ولزلك وفق وفق الدكتور محمد المقدم لما عمل سلسلة محو الامية فكان اول محاضرة اسمها ابنك ليس ملكك. ده مهم قوي
لان في فرق بين يا جماعة التملك والمسؤولية انت مسؤول عنه لكن لا تملكه في بعض الامهات بتملكها لما كنت في يوم من الايام في يعني ايه في رحلة يعني كده
لا كنت في اجتماع فوحد آآ او مش فاكر يعني ايه اللي حصل بس المهم يعني ان في حد استأزن ضروري وقال انا ابني لأ هي كانت ام. استأزنت وقالت انا ابني بس بيرن علي اوي اوي وهو فين؟ في رحلة
وفي تالتة اعدادي فهو طلع من حمام السباحة فبيستأزن والدته يلبس التيشيرت ده الاول وبعدين اما ينزل تاني هينزل ياه انت حضرتك موصلاه للبعد ده خلاص شخصيته ادفنت شخصيته اتصلى عليها من ست سنين
صلاة الجنازة بتسع تكبيرات اللي عايش ده ده هيثم مش قايمة آآ في امهات عملت كده في ولادها دمرته سحاقته ليه؟ لان هي قالت له انت ملكي انت ملكي وبينك انك ملكي هي مش قالت له اللفظ ده زي الزوجة اللي هي شايفة ان زوجها ملكها
انت بتاعي على فكرة دي احد احد انا عارف انكم كلكم دلوقتي هتعملوا لفت جروب اللي يعمل ايه في جروب هيساعدني ان انا ايه انجز الدرس بسرعة يعني ان دي احد الدوافع النفسية لرفض التعدد. ان زوجي بتاعي بتاعي
ما ينفعش يبقى بحاجة بتاعتي ويشاركني فيها غيري ده احد الدوافع طبعا مش عند حضراتكم. انا بتكلم على ايه؟ ناس ثانية يعني احيانا بديهم. الناس ديت بيكونوا برة مصر يعني. هم لقيت عندهم الخلق ده منتشر. لكن آآ
آآ حضراتكم ان شاء الله دوافع مختلفة تماما يعني دوافع ربانية اسلامية هي لله هي لله. لكن انا بتكلم على الناس التانية دي. الناس التانية دي احد الدوافع النفسية ان دي بتاعتي
احد الدوافع النفسية ان ابني ما مسلا عمه مسلا قال له انت ليه عملت كده ؟ لأ ابني ده بتاعي انا اللي اوجهه ابني ده بتاعي ما ينفعش كان يعمل اي حاجة الا اما
قل لي عارفين انتم الكلام اللي هو نفس الكلام بقى الناحية التانية في الاخت نرجع بقى للاستازة اميرة والاستازة زيزي فكرة حب التملك لو استازة اميرة نبعد بس عن الاخوات خلينا فين في عبدالرحمن وعصام
عبدالرحمن عصام ده تقيل خلينا عبد الرحمن وعلي. عبدالرحمن وعلي دول متعلقين جدا ببعض عبدالرحمن وعلي متعلقين جدا ببعض. فعبدالرحمن سافر مع عبدالكريم علم هيج الدنيا وانت ازاي وما تقوليش ومش عارف ايه
وياه وبلاءات وابتلاءات وخروج برة وبلوكات واستدعاءات ملف كبير ضخم جدا ايه يا حبيب قلبي في ايه؟ وما قلتليش ورحت وبتاع يا حبيب قلبي هو انا لازم اقول لك ياه على لازم اقول لك بقى والخنجر اللي بيدخل جوة عقلي ده وبيضرب او بيضرب جوة قلب
بالاورطي ده عادي جدا جدا ان في واحدة اتخطبت وما قالتش لحضرتك. وعادي جدا على فكرة فيه ياما اتنين تعلقوا ببعض وقت الجد باعوها. باعوا بعض الحتة دي. كانت بتقول لها انا والله وانا نايمة عما بيجي لي حلم بستأزن في الحلم ان انت تخشي معي. فهي كانت مفهمين بعض كده
وهم عشان يفرغوا ويضحكوا على انفسهم فبيفرغوا وبيحطوا يعني الكاتشب بتاع الدين يعني فكل شوية هي عاوزة يدنها دايما تبعت لها مشاعر فتقول لها انا بحبك في الله. انا بحبك في الله. انا بحبك في الله. انا بحبك في الله. عفكرة اول ما تتجوزي الحتة دي مش هتقوليها تاني
لها طب ليه؟ ما عدتش بتحبها في الله لا طبعا هو اصلا الاول الطاقة الحب الرهيبة دي احنا قلنا مسلا حوالي مية كنا في الشهر لنا جرعة كده معروفة ان تلت مرات تتقال زي ايه؟ زي حباية كل
تمن ساعات كده كانت بتتقال رسالة بحبك في الله بحبك في الله بحبك في الله. لأ هو انت ما كنتش لاقي حد تقول له فلما لقيت حد اه قلبت الاولاني
الموضوع ما كنش حب في الله بالمعنى العميق. اللي ازا احب احد آآ اخاه فليخبرها. خلاص يا عم اخبرناك مرة لكن لا لازم اقول لك كل خمس دقايق كل خمس دقايق لأ على فكرة هو انت بس بتحط الدين
بالمشهد كده. عاوز تقعد معه كتير. عاوز تقعد معه كتير قوي طب اعمل ايه عشان اقعد معه كتير؟ ما هي بايخة يعني كل شوية تيتة تقول لنا انتم رايحين فين جاي منين؟ حتى طنط ليلى امبارح بتقول هو انتم دايما كده انت يا فلانة قاعدة معها على طول كده نعمل
الايه؟ بنعمل ايه؟ بقول لك ايه؟ ما تيجي نراجع مايل الاوتار مع بعض. اه والله فكرة حلوة دي ميل الاوتار وحلو ونجيب النسخة اللي هي تمن مجلدات دي. جميلة قوي
يلا بسم الله يلا بسم الله وافتح بقى تمن مجلدات نيل الاوتار ونقعد بقى مع بعض وبنراجع مايل الاوتار واحنا في الوسط احنا لا هنراجع ولا هنعمل حاجة ما تيجي نعمل تدارس سورة الاعراف من الطبري
جميلة يلا لا اعرف من الطبري. حلو وبتاع وننزل مع بعض نجيب النسخة الهندية ندور عليها وندور على النسخة الهندية وهكذا نطوف وقاعدين نضحك على بعض طب ما تيجي نشارك في ايه في مؤسسة تطوعية ونحاول بقدر الامكان نعمل خير وبتاع وننزل مع بعض
ونيجي مع بعض بس ما تنزليش مع سوزان انا هنزل ان انا اعدي عليك خلي سوزان تمشي مع مي علي الياء طب ايه المشكلة؟ لا لا لا لازم تركبي معايا. ونروح الرحلة لازم نبقى قاعدين احنا الاتنين في غرفة مع بعض. ولازم مش عارف ناكل مع بعض ونشرب مع بعض ونتوضا مع بعض
ونصوم مع بعض ونفطر مع بعض ليه؟ لان حب التملك. ده بتاعي اسمه رق الروح احبب من شئت بس ما تسلمش روحك له ما تسلمش روحك ليه؟ ياما اخوات لما اتخطبت ومش قالت لحضرتك ياه
يا على اتدبحوا بسكينة باردة عكس اتجاه القبلة طيب ليه؟ ليه ايه عادي جدا على فكرة يا جماعة عبدالرحمن بن عوف النبي صلى الله عليه وسلم ماشي في الشارع فقال له ما هي يا ام عبدالرحمن؟ ايه الجمال ده؟ قال له
يا رسول الله تزوجت ياه وجابر بيجري يقول له ايه ما لك يا جابر؟ قال له انا تزوجت. قال له هلا بكر. بكر ام ثيب؟ قال له ثيب يا رسول الله عشان اخواتي. قال له هلا بكر كانت تلاعبك
حكى له بقى السبب. ياه! يعني انت يا جابر عملت فرح وما دعتش النبي اه عادي يعني ايه المشكلة يعني الدنيا عادي يعني احتياج حبيت ان انا اتجوز رحت الناس واتجوزت
يقول لك ياه انت اتجوزت وما قلتش للشيخ ده الشيخ هيشخشخك وهيطلعك برة الحلقة والمعلمة بقى خلاص انت برة الجروب خالص. ما هو اه ما هي انت بقى اللي مش عارف ايه ومش بتحفظي الجميل وانت يا جماعة عادي جدا والله
يا جماعة ممكن تكون الدنيا هي عادي يعني الدنيا بسيطة خالص احذروا رق الروح. طبعا طبعا ممكن تكون الاخت اخطأت لا شك ان الدنيا لما تزوجت ما كنت عادي يعني ترفعي السماعة يعني تقولي لاختك ان انت قاعدة اومال تقولي لها انا بشوفك في الحلم كل يوم وشفتك انا
ومش عارف مين ولقينا ابو عبيدة ابن الجراح كان في بستان كبير كده وشاور علينا انتم قال انتم انتم فاحنا الاتنين ان شاء الله اللي هنفتح القدس الكلام الجميل ده مش كنت دايما تقوليه
طيب قولي لها بقى جالي اللي هيفتح القدس وهيساعدنا احنا الاتنين وانا اتخطبت امبارح ليه بقى تجتمعي عليها؟ ما انت برضو راعي المسكينة دي لأ تكتم عليها وبعدين بقى بعد شوية بقى ايه كمان ما بتردش. وبعدين ما بتردش ومتصل للان مع اتنين متعلقين ده انت يعني ليلتك فل. وهو شايف
متصل لانه ما بتردش ده دي فيها دماء ارق الروح بيجي بقى ايه اللي بيحصل بقى خلاص انت روحك خلاص بقت دبلت الروح بتاعتك دبلت اخوات كتير زوجها اما بيسافر ولا بيتوفى ولا بتنفصل ليه الحياة بتطفي
والنور قطع اه هو النور قطع زيي زي اي فراق ابني مات العين لا تدمع والقلب لا يحزن وانا على فراقك لمحزنون لكن يا جماعة الشغل الانسان لما بيكون باصص للسما وقلبه دايما في السما
وهو ماشي في السما اما بيحصل حاجة على الارض بيقع بيعيط ويحصل الفراق وبعدين بيتعافى ويقوم ويكمل. ليه؟ لان هو باصص فوق واللي بيقومه هو الجهة اللي نازر لها هو انت فاكر اللي هيقومك من التعلق ده هو انت؟ لا. اخد ايه واقرأ ايه في الهشاشة النفسية وفي الشخصية القوية؟ انت لو قرأت للسنة اللي بعد اللي جاية
انت عامل جنازير ارضية فكها وازبط كده الدنيا وارمي ايه يعني اعمل زي الهيلب كده اللي بيجي لك من فوق كده ارم فوق وحاول تمسك بسلاسل لفوق الحاجات دي كلها هتلاقيكي هتعمل بقى زي الصحابة كده يبقى في حب عالي جدا جدا جدا
الحب العالي قوي ده جدا ده يعينك. عشان كده يا جماعة من تعلق بإنسان وكان مصدر متعته يوما فربما قريبا يكون مصدر المه فكده مهم قوي ان التعلق يكون صحي
يعني ايه صحي؟ يعني الطبيعي ان الزوج وزوجته يكون فيه قدر من التعلق بقدر من التعلق عالي او متعلقين ببعض وبيحبوا بعض والكلام ده كله. بس يا جماعة في الاخر
آآ انت مش شاغلني لان عندنا عندنا قاعدة في هي موجودة في التربية وفي الفقه وكل حاجة الشيء ازا زاد عن حده انقلب الى ضده. اه انت النهاردة في زوجتك عندها حاجاتها خاصة. طول ما انت عندك حاجتك الخاصة اه
العلاقة السماوية علاقتك بالسماء علاقتك بالله سبحانه وتعالى دي علاقة خاصة دي انت خلاص منقطعة وعيا مش بقعد امال تتدبري آآ وقاعدة بقى تقولي وان جاهداك على ان تشرك بي ما ليس لك به علم. والله انا زوجي ده جزاه الله خيرا. عمره ما جاهدني على كده
والله جزاه الله خيرا عمره ما اجي اهدي اولادي على الكلام ده. ربنا يحفظه. نعم الزوج زوجي تيجي تقرأ بل هم في شك يلعبون. الحمد لله. انا زوجي مش في شك بيلعب
ارتقب يوم تأتي السماء بدخان مبين. ربما الاية دي زوجي يدخل فيها. ايه ده يا جماعة لأ انا عاوز الوقت بتاعك مع ربنا الوقت بتاعك مع ربنا ده يكون لله سبحانه وتعالى
الوقت بتاع ربنا. ويا جماعة مش كل معصية سببها التعلق بقى هو ممكن يكون هو الواحد عادي جدا ممكن في واحد يكون فعلا بيقع في الزنب مرة واتنين وعشرة وغير متعلق
خلاص هو ذنب يعتاده الفينة بعد الفينة كما قال النبي صلى الله عليه وسلم اه لكن فكرة التعلق اللي انا بقولها ديت هو حاطط حياته عليها ازا غابت انطفأ كل شيء
الزوج يطفي كل شيء. لا. طب دي تيجي ازاي؟ تتعود ازاي؟ والله انا واولادي. اه في وقت لازم انا اخليه ان هو يمارس حياته بلا تدخل ادخل مني وانا امارس حياتي بعيد عنه
اكون انا بزاكر عادي جدا انا عندي وقت اللي بقرأ فيه الكتب عندي وقت اللي بقرأ فيه القرآن عندي وقت اللي بصلي فيه عندي وقت عندي وقت عندي وقت الوقت ده اما بيكون موجود
حتى لو موجود ساعة واحدة في اليوم بس وموجود صافي آآ التحرر ده هيتم وعادي انا ممكن اقعد مع واحد اربعة وعشرين ساعة ويكون بيني وبينه محبة. وعشان كده انا اكدت على المعنى ده ان ابن ان سعد ابن ابي وقاص والصحابة كلهم كانوا
وصلوا الذروة في التعامل مع النبي صلى الله عليه وسلم صح بس حياتهم ما وقفتش  حياتهم مش وقفت ليه بقى مش وقفت لان زي ما بقول لحضراتكم هم كان عندهم ووردهم الخاص. يعني
يعني عادي جدا كانوا بيقيموا الليل عادي جدا كان بيروح يا جماعة ابو بكر الصديق بيستأزن من النبي وهو يحتضر لما فاق شوية صلى الله عليه وسلم عليه ان هو استعاد الصحة قال له يا رسول الله انا اروح لبيتي
في الضيعة بتاعتي وبتاع فالنبي ازله. ابو بكر حادي بيمارس حياته الطبيعية  وبيمارس سوائح علاقته اللي هو الشخصية مع اسرته السماوية علاقته بالله سبحانه وتعالى علاقته بالعمل علاقته اتزان ان هو يعطي كل شيء حقه كما قال النبي صلى الله عليه وسلم ان لاهلك عليك حق
فانت كده زوجك له حق وربك له حق وانت لك حق انت بقى في حق الله بتديه متشفي وصافي ولا لا؟ اتنين حقق لنفسك تمام بجسمك اهتمام بوعيك اهتمام بقلبك تديه صافي ولا لأ
حق الاولاد بتديه صافي ولا لأ لكن ما ينفعش اللي انا اربعة وعشرين ساعة مشغولة بحاجة وطبعا انا يعني مش حابب اقول ان الموضوع ده بيوصل فين انما انا عارف ان في ناس بتسمعني
ممكن ما تكونشي هتستوعب اللي انا هقوله كسن يعني بس الموضوع ده بيتمدد وبيوصل لحاجات بعيدة جدا جدا جدا. والعلاج لها يكون بياخد وقت فحرروا ارواحكم ما تسلمش روحك الا لبارئها
واخدين بالكم حد فاهم بقى مني دلوقتي ان انا بقول يلا يا جماعة هيا بنا نكون جفاء ساعة مع كل من حولنا حد فاهم دلوقتي اللي انا بقول كونوا عندكم جفوة وجفاء مع ولادكم مع ازواجكم مع زوجاتكم مع ابائكم مع اخواتكم مع آآ اي حاجة
هو كل الموضوع بنقول لك ان الدنيا دي كلها عادي جدا. تعامل كده. انت دايما تزكري نفسك. انا زوجي في يوم من الايام مش هلاقيه او هو مش هيلاقيني بس
الموضوع ده الدنيا بسيطة خالص انا هصحى من النوم ممكن ما لقيش ماما او ماما ما تلاقينيش تيجي بسيطة عامة. معنى ده آآ اما تكون عالية خلاص طبعا في بقى معنى زي ما قلت لحضراتكم كده بنوصل له المعنى ده بيكون صعب جدا جدا جدا
وللاسف الشديد اتجاه العالمي الان هيغزي المعنى اللي انا باشاور له وبلمح له دلوقتي ان هو عادي انك توصل وان دي جينات وقصص كتيرة كده المهم سعد رضي الله عنه بقى
ما نشغلش بالفكرة ايه؟ خلاص محمد صلى الله عليه وسلم ادى ما عليه والموضوع انتهى في فراق وفي تعب وفي الم ياخد وقته وياخد الاسبوع ياخد الشهر ياخد الايه لعدم الاتزان ده الضغطة
ودخل النبي المدينة فاضاء منها كل شيء. فلما مات صلى الله عليه وسلم انطفأ منها كل شيء فالطبيعي ان المدينة تطفي دي حاجة صعبة عليهم لكن يا ترى هيعملوا ايه
هيكملوا عبادة لله سبحانه وتعالى لنفس الصحة النفسية اللي كانوا بيعبدوه ربنا اه بنفس الصحة النفسية اللي كانوا بيعويه اللي كانوا ايام ان محمد صلى الله عليه وسلم ليه؟ لانهم كانوا يعبدون رب محمد
وكانوا يحبون محمد صلى الله عليه وسلم لان رب محمد صلى الله عليه وسلم امرهم ان يحبوه الحياة كده انا بحب زوجي لان ربنا امرني بالعشرة بالمعروف وان الحاجة الحلال فلما ده حصل فانا بحبه لان ربنا قال لي كده. فدايما العلاقة فوق لتحت
والموضوع ده يا جماعة مش معروف مش هنقدر نحسبه يعني مش بالجرام هو يعني تعال كده نوزن قلبك كده اه هات قلبك كده اه لا لا لا انت زايدة عشرة جرام لا لا لا انت
كده بتحبه زيادة شوية. لا انت ما بتحبيهوش لا الدنيا يعني ايه فيها مساحة يعني هو كل واحد دلوقتي حاسس وعارف من كلامي دلوقتي. هو بيعاني من الازمة دي ولا لأ
سعد رضي الله عنه كمل وبلغ الذروة ذروة المجد لما حصل موقف عمر رضي الله عنه عزم انه يخوض مع الفرس حرب تجيب دولتهم عمر بقى قاعد يقول انا محتاج ان احنا نبدأ الفرصة دي كانت دولة عظمى. كانت الدولة التانية هي فارس والروم دول كانوا اعلى حاجتين
هم الدول اللي كانت مسيطرة فكان اللقاء القادم مع الفرس ودي حاجة صعبة قوي يعني عمر ارسل آآ كتبه الى عماله في الافاق فرضي الله عنه قال لهم ايه بقى؟ قال ارسلوا الي كل من كان له سلاح او فرس او نجدة او رأي او مزية من شعر او خطابة او غيرها من
جدي على المعركة. يا سلام عمر رضي الله عنه بيزبط الدنيا عمر دلوقتي بيشجع الكوادر ولا بيبعد الكوادر عمر الان بيشجع الكوادر ولا بيلغي الكوادر بيقولوا ارسلوا الي كل من كان له سلاح
ييجي يبقى ده واحد او عنده فرس ما فيش مشكلة ييجي او نجدة راجل بتاع فزعة كده اول ما نقوله يلا يا جماعة تلاقيه دايما ييجي في الجد او رأي بيفكر كويس
او مزية من شعر. يعني حلو في الاعلام كده ممكن يكتب تويتة ممكن يقول بيت شعر يهيج الدنيا كلها او خطابة حلو في الخطابة يا سلام عليك يا عمر عمر بيقول
في وقت خدمة الاسلام حاول تستسمر كل المسلمين ما تدورش على الناس بتوعك انت بس ما تدورش على الناس اللي شبهك اي حد عنده اي فكرة هاته ليه؟ لان لا صوت يعلو فوق صوت اعلاء كلمة الله سبحانه وتعالى
المعنى ده مهم اوي اوي اوي ان انا في بيتي في مؤسستي في العمل اكون فاهم كويس قوي الكوادر اللي حواليا وفهمهم الناس الكوادر يعني الناس المتميزة يعني وعارف ده متميز في ايه وده متميز في ايه وده متميز في ايه
المعنى ده ضروري اللي انا ادركه عيب قوي ان يكون في المؤسسة بتاعتك فيه عشرة كلهم واخدين كارت اصفر وبعضهم واخد كارت احمر ليه؟ لان بعضهم مسلا مسلا مميز في حاجة
آآ انت انت مسلا مش محتاجها دلوقتي والتاني آآ بيقول اراء كتير وافكار جميلة مبتكرة وانت بتضايق من الكلام ده ليه ليه تعمل كده في الناس لا شف عمر رضي الله عنه بيقول لهم ايه
مش قاعد يصفيهم ويبعدهم لأ بيستسمرهم وبقى فيه فايدة مهمة قوي للشباب والفتيات ولكل الامهات واللي بيسمعوني لو عمر دلوقتي بعت للي بيديرك هذه الجملة قال له ارسل الي كل من كان له سلاح او فرس او نجدة او رأي او مزية من شعر او خطابة
يا ترى كان هيبعتك انت مميز فيه يا ترى انت مميزة في ايه انا والله عندي خلفية بالاسعافات الاولية فانا ممكن اخد جميل انا والله مميزة ان انا ممكن اعمل طبخ سريع
بل المجاهدين والناس اللي بتقاتل ممكن اعمل انا حاجة للجيش جميل انا والله مميزة انا ممكن اعمل واحد. الله اكبر. واحدة مصممة واحدة كزا. واحدة ممكن تكتب. واحدة ممكن تعمل
ايه الجمال ده بقى؟ عشان كده بقى مهم جدا انك تحسن شيء مهم انك تحسن شيء يكون عندك شيء ومهم انك تلاقي حد يستثمرك وانك توفق لمربي وانسان آآ صانع
آآ صانع انسان انسان بيصنع فعلا شوفوا سبحان الله عبدالله بن ام مكتوم رضي الله عنه ده راجل اه ابتلي انه كان بصير القلب آآ فاقت بصر العين وظاهرا معه شيء عائق يعني راجل آآ لا يبصر
فده ظاهرا عائق صح لكن مع القائد المربي الذي تعلم من الوحي ان يستسمر الناس لحاجة تانية خالص بقى. طيب نستثمره ازاي جعل العائق الطوبى العائق دي الصخرة دي خلاها سلم اللي هيصعد عليه عبدالله ابن ام مكتوم
وده الجمال كله بقى انك تخلي قدامك العائق بتاعك يكون هو السلم اللي تصعد عليه. ازاي دي بقى قال لك خلاص عبدالله بن ام مكتوم رقم واحد اما انا اسافر واسيب المدينة
اخليه هو يخلفني في الصلاة وانه يحكم بين الناس وبتاعه وعنده خلفية شرعية فممكن يدير الامور عبال ما احنا نرجع يبقى هو معزور وادي بيقيم الصلاة الاطفال بتصلي كبار السن الناس المعزورين يبقى هو ده ايه؟ امام المدينة عقبال ما نرجع. جميل اوي
قوي قوي الحاجة التانية عبدالله مش شايف الاحداس فلو رفع راية المسلمين في اي غزوة مش هيفر ولزلك كانوا بيدوا له الراية وهو كان بيقول كده بيقول فان لا افر
هيفر ليه؟ ما هو سامع ضرب نار؟ سامع قصدي يعني ايه ضاربه جامد قوي فهو هيعمل ايه في لما يسمع بقى السيوف بتخش في بعضها هيجري مش هيجري هيجري ليه
ما هو ابوك يكون ده سفيان ممكن اللي يكون بيضرب ده آآ بنيامين هو مش فارق معه بنيامين من عبدالرحمن بن عوف. هم كل السيف واحد والصوت واحد. فمش هيغفر له
فاستثمر رسول الله الموهبة. صفوان ابن المعطل صفوت رضي الله عنه ده انسان عنده شيء ظاهرا عائق. وهو بينام كتير اما بينام نومه تقيل ما بيصحاش بسهولة فده عائق. طب العائق ده عاوزين نستسمره. نعمل معه ايه؟ هنعمل ايه يعني؟ هنستثمره في ايه يعني
هينام مسلا على المرتبة عشان ما تطيرش من الريح هنستسمره ازاي يعني؟ كان النبي اذا سار في غزوة جيش بي في غزوة. طب وهم ماشيين كانوا لازم يناموا بالليل يقعدوا في مكان ما هيمشوا مسلا عشرين تلاتين اه يوم فلازم يريحوا. فكانوا بييجوا يريحوا يعملوا
ايه يقولوا له من قبل ما انت بقى انت بتصحى اخر واحد فينا وانت صاحي شف بقى اي حاجة واقعة هاتها في واحد ناسي سيف واحد ناسي ربح في غنماتيها
في اه مش عارف ايه اي حاجة تلاقيها عادها فاستثمره النبي ان هو يكون ايه؟ واحد بيتابع الحاجات اللي واقعة سبحان الله! فايه اللي حصل في يوم من الايام صحي وهو صحي من النوم لقى مين لقى السيدة عائشة
مفقودة ولوحدها فجاب السيدة عائشة ومن هنا حصل بقى ايه الاتهام بتاع حادسة الافك الذي برأها الله سبحانه وتعالى. فشوفوا ان ان العائق بتاعك ازاي يكون السلم بتاعك فيه حد مبتلى بزنب جامد جدا جدا جدا
انا بقول له ايه رأيك لو تخلي الزنب ده تاخد عليه حسنات؟ ويبقى العائق ده هو اكبر ميزة عندك تقابل بها ربنا. قال لي انا قلت له اه قال لي ازاي
قلت له تعال نعمل حاجة اسمها الزنب المصاب يعني من باب التبسيط يعني. وليكن مسلا وليكن هو واقع في الحاجات المشاهدات الغلط فانا باقول له اعمل لي مادة ازاي يتعافى الانسان من المشاهدات الغلط
وحاول تجمع لي مادة عميقة بقى فمنها هو بيتدرب على قاعد عمال يسمع محاضرات ويقرأ كتب وبتاع فقعد يغزي نفسه ويبعت لنفسه رسائل واساليب ويبدأ وفي نفس الوقت بيحضر ان هو يقعد يديني حقيبة تتراجع نقول له شفت الجمال ده. فده يبقى ذنب مثاب. الذنب ده كان سببا ان يأخذ ثوابا
بعد زلك انه يفوق فاحيانا انك تاخد العائق بتاعك واحد صوته عالي تستفيد منه ازاي؟ في المعسكرات هو اللي يصحي الاخوة اقف كده بقى علي صوتك بقى. ياه ولا اول مرة ماما ما تزعقيش. اه نادي يا حبيبي
خلاص عم النور يقطع قل بقى بدل ما كنت شوية تقول يا محمد وجاي الناس كلها تتمنى انها تزعق اه لأ نادي بقى وخد راحتك في المد عشان النور قاطع ومش عارفين نوصل له
فاحيانا انك تستعمل الصوت القوي فين النور قطع في الخطبة. ده بقى هينور الدنيا كلها. بيخطب مسلا بيقول كلمة في المدرج بتاع الجامعة فالصوت ممكن يستفاد منه فعمر رضي الله عنه بيقول بقى ايه؟ ارسلوا الي كل كله هاتوا لي الناس كلها سبحان الله
فجعلت وفود المجاهدين تتدفق على المدينة من كل صوب. فلما تكاملت اخذ الفاروق يستشير اصحاب الحلم والعقد الناس بقت تقال تعود الشورى وده احد الحاجات المهمة جدا في الاسلام. ان الاسلام
في فكرة اخذ القرار يعني انت دلوقتي مسلا هل هل آآ دولة عمان تحارب آآ اليهود ام لا تحاربهم طب يلا يا جماعة نعمل استفتاء للشعب بيجي يعملوا استفتاء طيب هل يا جماعة معلش يعني
انا راجل مش متعلم ولكن مش فاهم وواحد تاني آآ راجل بسيط راجل ميكانيكي راجل مش عارف ايه والتاني راجل مهندس بتاع آآ آآ تركيبه وبتاع وحاجات سيارات والتالت بتاع كل واحد في مجاله
طب واحنا هنفتك ليه في الباب ده؟ انا ايه اللي عندي البعد المخابراتي والبعد الاستراتيجي والسياسي والاقتصادي والابعاد دي انا مش فاهم حاجة فازاي ام احمد مع ام خالد مع ام عطية مع ابو علاء مع ابو السيد مش عارف ايه الكلام ده كله. الناس دي
تساويها بنفس صوت ورأي الاكابر اللي فاهمين والبعد فاهمين انا عاوز اقول ايه عشان كده في حاجة اسمها اصحاب الحل والعقد عندنا في الاسلام ان الدنيا ما تبقاش مفتوحة كده القرار عشان كده ايه احيانا فيه قرارات يقول لك لأ اللي هياخدها القرارات ديت ناس معينة
اه ناس معينة هي اللي تاخد القرارات دي بغض النزر بقى ان في ناس ممكن تستسمر الفكرة ديت بطريقة تانية خطأ ده لا يضرب الايه الفكرة في مقتل يعني اما ان احنا ناخد رأي الناس احنا ناخد نقري الناس والله يا جماعة آآ تناموا الساعة سبعة الصبح ولا تناموا تسعة الصبح ومش عارف ايه الكلام بقى اللي هو ايه؟ الكلام
يعني ده المهم استشار عمر رضي الله عنه الناس في من يوليه على الجيش الكبير ويسلم اليه القيادة. فقالوا بلسان واحد الاسد في براسنه. وده كان وصف ابن عوف لسعد
سعد بن ابي وقاص هو ده اللي يشيل الليل رجل الازمات رجل المواقف اه ده راجل اللواءات ده راجل صاحب اللواء ده اللي يشيل اللواء وده اللي يبقى ايه الرمز بتاعنا
وعقد له لواء الجيش. ايه اللي حصل بقى في المعركة ديت؟ لان المعركة دي ضخمة جدا جدا. معركة القادسية حاجة يعني كانت جمال الجمال كله سعد عمل فيها ايه؟ وازاي هيرتب الجيش بتاعه والخطة بتاعته العسكرية والناس ديت ازاي جابوا الدماغات ديت والترتيب بتاعه وازاي هينتصر
وان الناس ديت مش مجرد ان هم كانوا قاعدين بيصلوا ركعتين وانتهى الموضوع. الناس ديت في الوعي قد السما اللي قد الارض اللي احنا قاعدين فيها ديت وعيهم للسما ايه البعد العميق ده؟ القصة دي كلها بقى هنشوفها ان شاء الله المرة القادمة بازن الله
قد ايه الناس دي كانت مصنوعة صناعة ربانية وعلى عين محمد صلى الله عليه وسلم. حتى نعلم يا جماعة ان النبي صلى الله عليه وسلم صنع جيل غير جغرافيا التاريخ جغرافيا الارض
وآآ وتاريخ اتغير في خلال تلاتة وعشرين سنة جيل في خلال عشرين سنة قلب الدنيا ايه ده ايه الجمال ده او هي الناس دي اتربت ازاي هي الناس ديت ايه اللي حصل؟ ايه المادة اللي كانوا بيدرسوها
ايه المنهج اللي كانوا بياخدوه؟ ايه التدريبات اللي كانت عقلية وقلبية وجسدية بيتربوا عليها؟ ايه التربية اللي طلعت المنتج ده عشان كده يا جماعة اذا اردت ان تخرج جيل مسل جيلهم فلابد ان تكون مدخلاتك مسل مدخلاتهم
ماشي؟ الكلام ده مهم جدا جدا جدا كان فيهم رسول الله لا شك ان ده معنى لكن بعد وفاة النبي هم خرجوا جيل برضه جيل مختلف تماما فاحنا لازم نشوف المدخلات بتاعتنا
قريبة من مدخلاتهم ولا بعيدة عشان اما نيجي نحلم ونشوف المخرجات بتاعتنا من مخرجاتهم تعرفهم احنا عاوزين نعرف المخرجات بتاعتنا ايه اللي هتحصل هنشوف بقى المخرجات ان شاء الله ويعني سبحان الله مجرد بس انك
نية المرء ابلغ من عمله. انوي والله يتولى ان شاء الله وان يسدد بازن الله سبحانه وتعالى جزاكم الله خيرا واسأل الله ان يرزقكم الحسن الثلاثي حسن العمل وحسن الخلق وحسن الختام. وجزاكم الله خير
