السلام عليكم ورحمة الله وبركاته الحمد لله رب العالمين له الحمد الحسن والثناء الجميل واشهد ان لا اله الا الله وحده لا شريك له واشهد ان محمدا عبده ورسوله. وبعد
اسأل الله سبحانه وتعالى ان يحفزكم بحفزه ويتقبل مني ومنكم صالح الاعمال وينفع بي وبكم حيثما كنا وكنتم ويشرح صدورنا ويصلح بالنا ويهدئ من روانا ويكشف همنا وغمنا ويثبتنا على الاسلام حتى نلقاه
مع صباح يوم جديد ذكور يوم فريد مع اصحاب النبي صلى الله عليه وسلم اليوم نحن على موعد مع الصحابي هذا الصحابي كان يسمى يوسف هذه الامة رضي الله عنه
اسلم في اواخر حياة النبي صلى الله عليه وسلم قبل ان يقبض النبي ببضعة اشهر ولكن سبحان الله كانت له منازل خاصة. ومنزلة خاصة كان سيدا في قومه وكان عمر يعظمه كثيرا حتى يقول له نعم السيد كنت في الجاهلية
ونعم السيد انت في الاسلام هو بيحكي لنا رضي الله عنه بيقول لنا انا قصة دخولي المدينة لما في يوم من الايام دخل على رسول الله صلى الله عليه وسلم
وقد اتى يحمله الشوق اتى من بلاد بعيدة ذاهب الى رسول الله صلى الله عليه وسلم قبيل حجة الوداع بقليل وكانت له مناقب عظيمة من اول اكتحال عينه برؤية النبي صلى الله عليه وسلم
هو دخل المسجد اقبل من بلاده من اليمن ليعلن اسلامه بين يدي النبي صلى الله عليه وسلم ويبايع النبي سبحان الله. زمان موضوع انك ترتحل لاجل دينك كان ده الاساس
انك بتسافر عشان اخرتك بتسافر عشان حاجة تزود في صحيفتك حاجة تشرفك في اللقاء الوجيه بين يدي الله فتلاقي صحابي هاجر واخر يجاهد وكل هؤلاء يتركون ملاعب سباهم ويتركون اماكنهم واموالهم واولادهم
ويهاجروا ويجاهده والموضوع سبحان الله ليس بيسير وان كان الزمن اللي احنا فيه فيه ناس كتير بتعمل اللي الصحابة عملته بالزبط لكن بيعملوه لدنيا فازا حتة انك تقدر تعمل انت تقدر
ربنا خلقك كده وهديناه الناجدين تقدر تعمل نفس التعب والارهاق اللي بيتعبوا اهل الصلاح في ناس تانية بتتعبه السهر بتاع طول الليل يبيتون لربهم في ناس اما تيجي تقرأ في قيام الليل يقول لك يا اخي الناس دي كانت واقفة ازاي كده
الناس دي تقف طول الليل تقف بالساعتين تلاتة كده تقيم الليل ازاي  يا اخي الناس دي حاجة صعبة الواحد مش زيهم خالص الواحد ما يقدرش يقعد ساعتين تلاتة كده وعم ييجي تتأمل هتلاقي تلاقي نفس الفكرة
في شباب واقفين في الميادين بالاربع ساعات ووالدته تتصل به يا ابني اتأخرنا بقى يا ابني حرام عليك عاوزين ننام يا ابني الله يهديك يا ابني عشان والدك يا ابني والدك مركب دعامة الله يكرمه
سبحان الله وواقف طول الليل وممكن يبقى مسافر ويقف عشان منتزر مغني وتلاقيه واقف في الزحمة وما بيشتكيش ولا رايح يتابع مباراة فيها الف ميت الف متفرج وامتى مرة في واحد من الشباب مباراة هتبدأ الساعة تمانية
تاني يوم جمعة فبيقول لي دخلت الاستاد قبل صلاة الجمعة ليه الماتش يا شيخ سبحان الله طب والصلاة يعني كنا بنصلي كده واحنا ايه واحنا قاعدين على الكراسي واحنا واقفين ما انت عارف بقى ان احنا دلوقتي يجوز الصلاة على الدابة
يجوز الصلاة على الدابة والصلاة واحنا قاعدين انت فعلا قعدت ما انت وكنت واقف وكنت عندك نهوض كان هيبقى حالك مختلف تماما. ربنا يعفو عنا وعنكم فسبحان الله! فلما تيجي تاخدوا بالكم
الشاب اللي راح وقف في الاستاد ده في الزحمة دي وبيعرضوا انفسهم ممكن احيانا للاختناق من الزحمة والموت ربنا عاف الجميع هو هو الشاب ده اللي ما بيرضاش يعمل عمرة ووالدته ما بترضاش تخرج تحج
وبتاع يقول لك انا الزحمة الموضوع صعب سبحان الله البعض دلوقتي بيرتب ان في مباريات في كاس العالم هيروح يحضرها وبيرتب من ده الوقت بياخد اجازات سبحان الله! ويمكن البعض بيفتخر ده انا ابني هيروح يتفرج على الماتش. ده انا ابني مسافر
هو هو وهي هي اللي اما بيجي يقول لها انا رايح اعمل عمرة تقول له يا ابني حرام عليك. يا ابني الفلوس ديت انت اولى بها انت اولى بها صح
ما هو لما ييجوا يطلعوا طلعة يلا احنا ناويين في شعبان ولا في اول رمضان ناخد الاولاد ونطلع تلاقي مناح والحمد اتكلم وباباه يكلمه يا ابني هتدمر فلوسك. يا ابني مش عارف ايه
يا ابني انت اولى بيها لكن يطلع الساحل ولا يطلع شرم ولا يطلع الغردقة ويقعد له اسبوع في الاجازة وايه هي الفلوس دي نفس الفلوس تقريبا ودود تقول له يا ابني بقى حرام عليك اطلع بقى انت خنق عيالك ليه كده
العيال خليهم كده ايه ياخدوا راحتهم روح بص والدك مديك الف دولار مساعدة عاوز ايه تاني ؟ يلا هو هي هي نفس التعب ونفس الماديات واخدين بالكم نفس الكلام في الدنيا
ممكن تسافر اقصى بلاد الدنيا رايح اسكتلندا رايحة استراليا رايح اا بريطانيا تعمل ايه ادرس طب رايح اخد ماجستير رايح مش عارف اتعلم برمجة في ايرلندا طب يا حبيب قلبي ايه اللي موديك الكلام دهو هتعمل ايه اكل العيش اعمل ايه
طيب سبحان الله في عمرة زمايلك طالعينها ان شاء الله في العشر الاواخر من رمضان. مش فاضي مش هنفع اخد اجازة. مش عارف ايه الكلام ده كله. لأ هو فعلا كل الناس يغدو
كل واحد بيتحرك بس في ناس بياخدوا يبيع نفسه لله في ناس بيبيع نفسه للدنيا اوعى تكون فاكر ان الارهاق بتاعك غيرك ما بيعملوش لا بيعملوا بس في الدنيا واموره الاخرى
في واحد زي ما بيسافر للدنيا انا اعرف كاس العالم اللي كان في البرازيل في شباب بدأوا يدرسوا الامر كده وبدأوا يشتروا اكشاك كشك اللي هو منافز البيع دي في كزا مكان بجوار كل الاماكن اللي هيكون فيها كأس العالم
وبدأوا يجيبوا كتب بتعرف بالاسلام بجميع اللغات وراحوا كاس العالم ايام كاس العالم عشان يعملوا ايه؟ يدعوا الناس الى الاسلام شفتم بقى؟ فيه فرق اهو واخدين بالكم ومامته مش بتقف له ولا باباه
زي الناس وقفت ليه لما طلع وسافر اسبانيا ولا ايا كان عشان ياخد ايه دي ناس رايقة وواحد تاني من الشباب من الاصدقاء دي دورة لمدة اربعين يوم في المسجد النبوي
يعمل ايه تبت تبلعها وراح لها وقعد باربعين يوم في المسجد النبوي. تعمل ايه؟ رايح اخد بتاع علم رسول الله وهتعلم ديني عادي يعني ما انا برضو بتعلم برمجة وبتعلم طب وبتعلم هندسة وبتعلم اه
ده بتاع سانوي بيطلع روسيا واوكرانيا ويروح يتعلم حتى في اسناء الحرب حتى في اسناء الحرب حد من الشباب رايح يا ابني انت رايح ازاي والحرب شغالة وكده يقول لك هعمل ايه؟ ما انا لازم اتعلم
اه هعمل ايه؟ يغامر حياته ويغامر بكل حاجة عشان ايه عشان الدنيا فالصحابة لما كانوا بيهاجروا هم عارفين كويس قوي ان هم بيعملوا زي الناس بالزبط هو الفرق كله اسرع كله هيمشي كله هيتحرك
الكل مسافر بس هو فيه واحد مسافر المنصورة مسافر القاهرة مسافر الاسكندرية لدنيا يصيبها وفي واحد تاني مسافر هجرة الى الله في واحد زميله مريض الاسكندرية فرايح يزوره وعنده في مكان تاني نقاء وعنده مش عارف ايه في ناس كده
في ناس كده زي ما انت عندك عملية في القاهرة وعندك كشف في بلد موطنك ولك عيادة كل يوم خميس بتروحها وفي مستوصف بتشارك فيه برضو شباب في نفس الوقت اللي انا بكلمك فيه
عنده برضه ومرتب اموره ان الجمعة عند خطبة جمعة فين؟ كل جمعة في مكان شكل بيطوف الارض يدعو الى الله سبحانه وتعالى الله اكبر عنده لقاء في القاهرة يروح مسافر
والمواصلات وتعب ويدفع من جيبه رايح فين؟ رايح عندي لقاء عندي درس عندي مجموعة من الشباب. رايح اعلمهم منهم. طب مقابل ايه؟ مقابل ايه؟ مقابل الجنة عرضها السماوات والارض مقابل الفردوس الاعلى
هو الكلام ده موجود؟ والله موجود ازاي؟ زي ما انت كده بتسافر لحاجاتك الدنيا موجود والله اا اعلم من يقطع اسبوعيا فوق الثلاث ساعات مسافة تلات اربع ساعات رايح فقط
يعطي دورات شرعية ويرجع شوفوا سبحان الله التعب واعرف ان كل يوم في الوقت اللي احنا فيه ده وقاعدين فيه دلوقتي في نفس الوقت ده صلي انت الفجر هو بيصلي الفجر
بس هو ما بيطلعش من المسجد يقعد للشروق يعمل ايه هو سايب معادين تلاتة بعدين تلاتة دقيقة يقول كلمة يزكر الناس وبعد كده يقول الازكار وبعد كده اللي عاوز يحفز كتاب الله يعلمه
يدوب بيجي على الشروق خلاص الموضوع انتهى خلوا بالكم بقى الناس دي هتلاقوهم يوم القيامة نفس سنك ويمكن اصغر من سنه ونفس الحي اللي انت ساكن فيه وربما نفس الوزيفة ونفس الجامعة
اللي انت بتتحجج به ان جامعتي صعبة والله كنت قاعد مع مجموعة من الشباب كده في واحد قاعد عمال يتكلم على الجامعة وان الجمع مختلط والواحد مش عارف يعيش ازاي والدنيا تمشي ازاي واللخبطة ومش عارف ايه وجمعته حوالي بستين الف سبعين الف
الترم فانا عارف حد قاعد بجواره لنفس المجلس الجامعة بتاعته اكتر من ربع مليون في الترم والناس اللي معه ما بين الشزوز وما بين يعني شراب الخمور وحاجة كرب والتاني ده ما بيسبش مجلس
وحريص على ان يازن الفجر حريص على ان يكون من اهل الاخرة. هتلاقي يوم القيامة في نفس الوظيفة بتاعتك بنفس هتلاقيه في نفس سنك واحدة شافت الجامعة بالطريقة دي بدأت تحمل الرسالة بينها وبين نفسها وتقول لأ انا لازم يبقى لي دور
يا رب اللهم انا اني اشهدك اني ساكون صاحبة رسالة في واحد تاني شاف نفس الوضع قال لك بقى انا هعمل ايه وانا مالي ما هو فعلا انت ما لي. انا ما ليش دعوة. وانت فعلا لو لك دعوة كان هيبقى لك موقف مختلف. لكن انت لا تنتمي لدعوة
رأسها محمد صلى الله عليه وسلم. لو كان لك دعوة ما كنتش قلت انا ما ليش دعوة فالصحابي ده تحرك من بلده وخد وفد معه رايحين فين رايحين لمحمد صلى الله عليه وسلم
ويدخل المدينة وهو في المدينة نفاجئ ان النبي صلى الله عليه وسلم على المنبر شوف كده انك تخش المسجد وتفاجئ ان محمد صلى الله عليه وسلم على المنبر والصحابة يتحلقون حوله
موقف غريب اوعى تكون فاكر ان ده دي حال الصحابة على طول لأ يا جماعة الفرق بين اهل الجنة واهل السعادة واهل الشقاء اهل الاخرة واهل الدنيا. مش فكرة ان دول يعني سايبين الدنيا وقاعدين في المساجد لا لا لا يا جماعة ابو بكر لما مات النبي صلى
وسلم كان في الشغل كان في ضيعته كان بيتابع الارض بتاعته عشان كده رجع من الضيعة لقى الدنيا كلها والناس بتبكي وبتاع والكلام ده كله قالوا له مات رسول الله
فدخل وكشف عن وجهه وقال طبت حيا وميتا يا رسول الله عمر رضي الله عنه ما كانش بيعرف يحضر مجلس النبي صلى الله عليه وسلم كل يوم. مش قادر. ليه؟ عنده ارض بيتابعها. هو وشريك واحد من الانصار. فاتفقوا
مع الانصاري قال له بقول لك ايه انت تروح يوم للنبي وتيجي لي بالليل بتقول لي ايه اللي حصل النهاردة خلاص؟ وانا تاني يوم اروح واقول لك ايه اللي حصل النهاردة
عارف كده انت تروح للشيخ وتسجل وتحكي لي اللي حصل هي حاجة زي كده. انت تحضر النهاردة وانا هحضر النهاردة فحياتهم اا لأ عادي جدا عندو اسرتو وعندو بيتو وعندو اكل عيشو وعندو وعندو وعندو وعندو وعندو وعندو بس هو بيتعامل مع الدنيا ايه
نتعامل مع الدنيا ان هي دنيا مش عليا. مم. الدنيا دي بيتعامل معاها ان هيا دنيا ده كده حاجة لازم تلبس الحزاء عشان بس رجلك ما تتعورش وانت ماشي. هو بس بيلبس الحزاء
لكن مش عاوز بقى مش عارف اه مش قاعد ليل نهار يشتري ميت حزاء عشان يلبسه في رجله وكل يوم بتدور على حزاء تاني واحد حضرموي حضرمي وواحد من اه فارس وواحد من الشام وواحد مش عارف ايه يا سلام
بقى على الاحزية السبتية. يا سلام بقى لو جبنا حزام من مصر. ايه يا حبيب قلبي؟ انت كل يوم بتسافر الدولة عشان تجيب حزاء ما خلاص ركز احنا جبنا حزاء عشان نمشي جبنا حزاء عشان كل يوم وهنتصور
فالصحابي بقى رضي الله عنه دخل المسجد فلقى حاجة غريبة قوي قوي قوي حاجة غريبة اوي انت استشعر كده انك تخش مسجد تلاقي السراج المنير شمس على النمر والوجوه حواليه تتفرج. مسجد كده تكاد تكون جدران بتاعته تتلألأ نورا
فيقول لما دنوت من مدينة رسول الله صلى الله عليه وسلم انخت راحلتي وحللت عيبتي فلبست حلتي كلامه جميل بقول اول ما رحت كده رحت منزل الناقة زبطت اموري جبت الحلة بتاعتي لبست الايه؟ حاجة من ايه؟ هم يا جماعة برضه ايه آآ
اه عندهم رقي هتخش على النبي كده يا اخي البس كده خليك جميل. فيه ناس كده عندها زوقيات تبقى داخل على حد كده ايه تتعطر. تتزين تهز نفسك يعني من كان له شعر فليكرمه
يقول فدخلت ورسول الله صلى الله عليه وسلم يخطب يا اول مرة عينه تقع على النبي صلى الله عليه وسلم سمع عنه كتير اول مرة يشوفه اول مرة قلبه يرفرف
اول مرة ايه ده هو ده النبي هو ده اللي بلغنا عنه هو ده اللي انا عشان ادخل الجنة اقوله وان هزا الرجل رسول الله اشهد اول مرة اشهد وانا شايف بعيني مش بشهد بعقلي بس وبقلبي بس لأ وعيني كمان بتشهد ده عيني شافت
انا باشهد النهاردة محمد رسول الله وهو على المنبر يا للهيبة يا للجمال سبحان الله! وبعدين دخل لقى النبي في الرسالة شغال. فكمان دخل ايه؟ دخل على سخونة الرسالة قال فدخلت ورسول الله صلى الله عليه وسلم يخطب
فسلم علي رسول الله صلى الله عليه وسلم. يا الله من اول ما دخل اتخطف هو كده الداعي خطاف الداعي يا جماعة بيخطف داعي ما ما دا يا جماعة عامل زي تاجر العملة الصعبة
زي اللي بيبيع لشريحة معينة لما بيصدق يلاقي الشريحة دي معدية. عارفين كده البنات اللي بتبيع نقابات ومش عارف ايه زي النقاب. فلما بتصدق تلاقي واحدة ملتزمة على طول تروح داخلة عليها وعندي نقاط كزا وعندي كزا ومش عارف ايه وآآ ضد الماية وضد النار ضد مش عارف اللي ايه
عاوزين تصطادها على طول ما تسيبهاش الداعي قناص ما ينفعش الداعي يبقى في الجامعة ونايم. ما هو انت هو داعي يبقى ما لوش دعوة فعلا انا ادعى الجامعة دي مشروع عمر مشروع اربع سنين ربنا يرزقني كده بتكلم فيه يعني انك لازم تطلع من الجامعة دي بمشاريع ايه هي المشاريع؟ يلا اخ اخ
اقتنص خليك قناص. انت النهاردة قاعدة اربع سنين في جامعة. كل يوم بتروق كل اسبوع بتروحي خمسة ايام كل يوم تقعدي ست ساعات مع مجتمع عاوز ايه اكتر من كده
عاوزة ايه انت اكتر من كده احتكاك عشان الناس ديت تفرق معهم بعد كده ان تكوني مساعدة وميسرة سبحانه انك على طول القناص امتى هتقتنص ابو بكر النهاردة عرف الصح النهاردة عرف الصح
قبل ما الليل ده ينتهي دخل ستة من العشرة المبشرين بالجنة الاسلام. ربنا جعله سبب لها بمعنى امشي على طول بس هو عرف الدنيا وفهمت ان القصة رايحة فين قال لك بس اعمل ايه بقى
على طول يلا اتحرك انت هتسيب ابن عوف ولا ايه ابن عوف ده تاجر وحبيبك وانتيمك ازاي هيتساب ده؟ ازاي النور اللي دخل قلبك ده ما يروحلوش؟ ازاي الرقي الزهني ده اللي تمتعت به؟ ما
بصي لي على طول بسرعة هات ابن عوف يلا هات ابو عبيدة يلا بسرعة بسرعة هتساعد هات هات هات هات دخل الاسلام في اليوم ستة. وستة ايه! ستة تقال. ستة على طول يتبشروا بالجنة. ستة نتيجتهم طالعة
فانت تقعد بقى خمس سنين ست سنين ما لكش اي علاقة خالص ده اللي شربوا سجاير شربوها في الجامعة يقول لك انا ابتليت بالسجاير في الجامعة. اللي عرفوا بنات عرفوها في الجامعة. ازاي يا عم؟ يقول لك انا فلان الله يهديه. اللي عرفني الحاجات ديت
اللي بدأ يتفرج على حاجات مش كويسة او بيروح سينمات ولا بيروح كل ده اتعلمه في الجامعة. طب ما زي ما هم انهم ما اتعلموهم انتم ولذلك السلف كان لهم كلام جميل. يقول لك ان زماعة
يقول لك كان الرجل اذا رأى في الشاب نجابة عما يشوفه في الشاب كده نجابة ونباهة يعملوا ايه؟ القوا عليه شباكهم فلا يخرج الا عالما واخدين بالكم لمحه واحد كده على طول
انت اسمك ايه انا اسمي كزا ما شاء الله لا قوة الا بالله. يحيى اللهم بارك يا يحيى ساكن فيه نياح انا ساكن في كزا تدرس قياح ما شاء الله يا يحيى انت كزا يحيى يحيى يحيى يحيى يحيى خلاص ما يسيبوش
انت هتحفظ القرآن فين؟ لا والله انا ما بحفظش كنت بحفظ بقى وانا صغنن. طب بتصلي فين؟ والله بصلي في مسجد آآ جعفر بن ابي طالب. ما شاء الله قتل بالله
طب ما فيش امام تسمع معه قرآن؟ لا. طيب انا ممكن اساعدك هقول لك على حد كده ان شاء الله يساعدك اصل انا والزروف والجوابات ومش عارف ايه لا زروف ولا قرابات. يحيا انت لازم دورك من النهاردة تحيي الحي الذي انت فيه
خلاص سماك الله يحيى لتحيا وتحيي غيرك. ولازم يكون لك اسم من نصيب انك تحيي سنة النبي في الحي بتاعك في جامعتك في مدرستك قل لي ايه رسالتك؟ فخلاص فابن جماعة بيقول لك القوا عليهم الشباك لا يخرج الا علي
ماشي؟ وكل واحد مننا لو تأمل كل واحد مننا لو تأمل هيلاقي ان في حياته قصص كتيرة من الناس اللي ركزوا معاه وقوموه خاصة ومعزم البنات كده بالمناسبة يعني تسعين في المية من النساء اتوا بسبب الايه؟ الدعوة الفردية. ان شاء الله هنكلمكم فيها بعدين
فهنا النبي صلى الله عليه وسلم لما دخل هزا الصحابي فسلم على رسول الله صلى الله عليه وسلم يقول فسلم علي رسول الله صلى الله عليه وسلم والنبي على المنبر فربان الناس بالحضر. كله قاعد عمال يبص لي كده
فيعني ده الوضع مرعب فهو رضي الله عنه بيقول ايه يقول فقلت لجليسي يا عبدالله هل ذكر رسول الله صلى الله عليه وسلم من امري شيئا واخدين بالكم انت داخل مسجد
لقيت الشيخ الحويني بيصلي بيدي درس للناس. وانت داخل كده فبيقول لك اتفضل يا مرحب اتفضلوا هنا يا شباب بس هي جملة بس من ساعة ما انت جيت تتفضل وكل الناس قاعدة تبص لك قوي
فهي الناس بتبص لي ليه قوي كده وقاعدة تركز بقى وتبص يمين وشمال واحد يروح باصص لك كده ومبتسم وعارفين النظرات بتاعة ايوا يا عم انا عارف انت الحاجات ديت او الاخ منين؟ معلش ومش عارف ايه اخوك ابو جليبيب احد مين الاخ؟ لا لا هو النظرات شاغلاهم
فهو راح سأل اللي جنبه بيقول له هو النبي قال حاجة علي؟ هل ذكر رسول الله صلى الله عليه وسلم من امري شيئا؟ قال نعم. اوه الله اكبر. بس هو فهم كده الناس بتبص له ليه
قال ذكرك باحسن الذكر. الله اكبر. يعني الخطبة كانت علي ولا ايه قال له ذكرك باحسن الذكر. تخيل انك داخل مسجد تلاقي ان الشيخ العدوي اخ يقول لك كان من خمس دقايق قاعد عمال يزكرك ايه اتسنقته ايه المدح ده ايه الجمال ده انت مين يا ابني
وده النبي صلى الله عليه وسلم قال نعم ذكرك باحسن الذكر قال انه سيدخل عليكم من هذا الباب من خير ذي يمن. من افضل اهل اليمن ان على وجهه مسحة ملك
يا سلام يا سلام يا سلام! وفي رواية مسحة ملك فيقول فحمدت الله على ما ابلاني فحمدت الله على ما ابلاني مسحت ملك يعني شكله وسيم جدا جدا جدا. جمال كده عالي قوي
الله اكبر عشان كده عمر كان مسميه ايه؟ يوسف هذه الغمة. وهو كنيته بالمناسبة ابو يوسف هذا صحابي جرير بن عبدالله صاحب المسحة الملكية. يقول فحمدت الله على ما ابلاني. باقول يعني ربنا يعيني على الموضوع ده
ده امتى بقى يا جماعة؟ الراجل ده اسلم؟ باقول لكم قبل وفاة النبي باشهر لكن هنشوفه قد ايه كسر الدنيا انا اجي في الاخر اه بس اجي اخلص انا هاجي في الاخر اه بس ما لأ طبعا لي مكان وهانافس فيه ايه ابو بكر الصديق وهانافس فيه عمر وابو عبيدة اصل دول اسلموا زمان والله لو اسلم ايه انا
ينافس انا جاي انا بتاع اخرة انا جاي متأخر اه بس جاي جاي الجري اصل انا التزمت وانا عندي خمسة واربعين سنة آآ وداخلة الحلقة والبنات كلهم ما شاء الله ده هنا من وهم عندهم ستاشر سنة وسبعتاشر سنة. يا جماعة والله لو انا جاي
بقى المعلم اصلا انا جاي اسبق الشيخ. انا اصلا انا جاي اسبقكم كلكم ولا مش شايف في حد اصلا فينا في العيب اللي انا قاعد فيه ده ان انا اصلا اكون لا لا لا
فسبحان الله آآ وبعدين آآ ليه منزايا وليه مناقب يقول ما حجبني النبي صلى الله عليه وسلم منذ اسلمت؟ ما حجباني يعني ما كانش بيني وبينه حجاب ما كانش بيني وبينه في يوم من الايام اروح له يقولوا لي ايه لا ده في صحابة كبار. النبي صلى الله عليه وسلم كان لا يأذن لهم احيانا يروحوا له في وقت معين
مش فاضي النبي صلى الله عليه وسلم مشغول بتاع كان يعتذر لكن ده بيقول ايه؟ عمره ما اعتزر لي فبالوا واضح ان لي خصوصية ليه خصوصية جرير ابن عبدالله البجلي ده؟ سبحان الله
فبيقول ما حجبني النبي منذ اسلمت صلى الله عليه وسلم وده ينبغي ان يتحلى به الداعي. وتتحلى به الداعية ان آآ لازم يكون قريب من هموم الناس يتواصلوا معاك تحاول بقدر الامكان تجاوب ترد تتفاعل
وكل ميسر لما خلق له وزي ما بنقول كده للدعاء بنقول للناس اللي بتتصل بهم وتتواصل معهم اعزروهم برضو انت ما تستلموش وبعدين خاصة من الاسئلة الغير فقهية بل هي الاستشارات الاستشارات بتاخد وقت. انا والدي ووالدتي وامي واختي وعمتي وزوجي وقال لي وقلت له مش عارف ايه طب ممكن تكلمه ومش عارف ايه هو انت
انت ما بتردش ليه؟ حسبي الله ونعم الوكيل فيكم وقاعد تقول لنا الصبح آآ ما حجبني ومش عارف ايه على فكرة انا شايفة ان في صحين على الواتس هو حضرتك برضو ما بتردش ليه
يا عم الحاج يا عم الحاج انت رسالة من ربعميت رسالة من اللي بتيجي يوميا. وانا قايل لك قايل لك من الاول ليس معنى اني اني اجد وقتا لكي اجيب
ففي ناس يعني الواحد بيجتهد بقدر الامكان لا يرد سائلا بس لازم يكون كل واحد برضو مدرك ان عادي انت ممكن تشوف الرسالة وانت ماشي في الطريق ممكن تشوف الرسالة وانت قاعد في اجتماع
وبعدين تطلع من الاجتماع خلاص الرسالة دي وقعت. وقعت ليه؟ لان آآ هو بعض الناس بيكون معارفه خمسة ستة. فهو الرسايل اللي بتيجي له هم عشرة فيقول لك المفترض بقى رسالتي يشوفها النهاردة يرد عليها بالليل. يا حبيب قلبي ما هي رسالتك ديت مع حد ابتلي ان موبايله اتسرب
فهتلاقي فيه ميت الف رسالة بتيجي. فرسالتك وقعت تحت فايه اللي يحصل فبيقول لك لأ انت لك ناس وناس. ما هو الطبيعي انا لي ناس وناس. انت من الناس اللي اللي لي
مش اللي عليك فالمعنى ده مهم قوي استيعابه مع الناس اللي ابتلوا بالقصد الناس تقصدهم فبنقول لهم اتقوا الله حاولوا بقدر الامكان تكونوا قريبين من الناس بما لا يشوش على عقولكم وقلوبكم واوقاتكم والواجبات بتاعتكم. والناس التانية برضو نقول لهم حنانيكم يا جماعة بالراحة
اتقوا الله. وبردو خشوا في الموضوع بسرعة الله يعزكم. بلاش فكرة السلام عليكم ورحمة الله بتيجي كتير الرسايل دي طب هرد عليك السلام اصل انا مش ماشي في الشارع فحضرتك بتقول لي سلام عليكم. هو انت ما بتردش ليه
يا عم مين قال لك انا ما ردتش. طب ممكن انا رديت في بيني وبين نفسي لأ ترد وتكدب وعليكم السلام ورحمة الله وبركاته وده حساب الاخ محمد ما هو ده حساب محمد
طيب ممكن آآ اسأل سؤال؟ اه ممكن تسأل سؤال. طب الوقت المناسب طب ابعت لك دلوقتي ما انت انت انجز وخلص فاه ربنا يعفو عنا وعنكم وعن الجميع اه وبرضو حتة انك تعمل لواحد حزر لا تفعل لواحد حزر الا ازا كان سيؤزي
دينك او هو غير متزن آآ نفسيا وهيتعبك لكن حتى لو ما عجبكش الموضوع عدي. بلاش موضوع الايه؟ الحزر ده مع اي حد ما يعجبكش لان ده ممكن يازيه جامد
ازاء انت لا تنتبه له اه ما تردش تجاهل وخلاص يقول اه جرير رضي الله عنه ما حجبني النبي صلى الله عليه وسلم. منذ اسلمت ولا رآني الا تبسم في وجهي
الا تبسم في وجهه. طب بمناسبة برضو ايه ؟ موضوع الرسايل ده نختم باقي تلاتين سانية كده فيه في حتة كده بصوا يا جماعة مش معنى ان ده حد واعي
او حد فاهم يبقى يجاوب في الفقه وفاهم في البلاغة وفاهم في المصطلح وهيجاوب استشارات زوجية وبيعالج من الجن خلاص وبيعالج من السحر بيعالج من مش عارف ايه فهو ده بتاع كله. انت شيخ؟ اه حالجني. انت شيخ؟ جاوبني. انت شيخ مش عارف ايه. ومفسر احلام. ويا ريتها احلامك انت
بس لأ ده واحدة صديقتي والناس برضو يا جماعة اللي بيتبرعوا ويجيبوا فتاوى غيرهم دول. انا ما بجاوبش اي حد يقول لي واحدة زميلتي واحد زميلي آآ مش عارف ايه
حبيبي زميلك ده الموضوع مش شاغله لدرجة ان هو لنفسه ما سألش. خاصة لما تبقى اموره خاصة وانت تعرف ليه الامور الخاصة بتاعته. يعني زوجها مش عارف ايه مقصر في امورها الخاصة. طب وانت تعرفي ليه
لو بتوري في الكلام بيبان لكن فمهم جدا ان احنا ناخد بالنا احنا مقرين اعذريني الناس ان ما فيش جهات كتير ممكن تساعدهم في الباب ده. لكن مهم قوي ان الناس
تحسن الزن بالدعاء او تحسن الزن بمن يقصدوهم لانهم لا يتجاهلوا. كل ما في الامر ان حضرتك عندك وقتك وبتبقى مشغول هم عندهم برضو بعض الوقت تقريبا بعض الدعاة تقريبا عنده زوجة وتقريبا عنده بيت وعنده هموم دنيوية وتقريبا عنده اولاد
واحيانا بيدخل الحمام انتم عارفين كده؟ انتم عارفين ان الدعاء احيانا بيناموا يعني احيانا ممكن يكون نايم سبحان الله يعني ممكن ينام له تلت اربع ساعات في اليوم. بتحصل يعني فيه دعاء فعلا كده للاسف الشديد بيناموا
وفي الوقت ده ان حضرتك ممكن تبعت له رسالة ما بيردش. فخل بالك ان هو حاليا في البلاء اللي انت عارفه بقى. بلاء انه واحيانا بيكون موبايله آآ لان هم مش من الناس اللي معهم ما خفي على الاخرين. عندهم موبايلات بتفصل شحن. واحيانا بيبقوا ماشيين في طرق ما فيهاش
الشبكة. دي بتحصل مع للاسف مع بعض الدعاة فربنا يعينا. فجرير بيقول ايه؟ ما رآني رسول الله صلى الله عليه وسلم الا ما حجبني منذ اسلمت ولا رآني الا تبسم
سنة في وجهي تبسم في وجهي. التبسم يا جماعة شف تبسمك في وجه اخيك صدقة. اين تجد مسل هزا الدين يحاسبك ويرغبك. ويحفزك ويشجعك. انك تبتسم في وش اللي قدامك وانت ماشي بس تبتسم. اه
فالجماعة اللي بينهم بعض تواصل على مواقع التواصل وبتاع ويبعت له الايموشن بتاع التبسم ده عشان هو ضاحك بيضحك يعني فبياخد اجر. جميل بس مسلا يكوني بنات مع بنات وولاد مع الولاد. الدين اللي يحاسبك
المعنى الجميل ده يخليك دايما سبحان الله حتة تانية خالص. التبسم ده يا جماعة مش احنا مش بنضحك ونوريك ضرسي. عشان تقول لي انا ضرسي بيقول لابني اعمل ايه؟ تعمل ايه؟ تروح للدكتور. ربنا يعافيك
ولكن التبسم ده وعلى فكرة في الرؤية الشرعية انت قاعد طول الجلسة بتتبسم يعني فالتبسم ده سهل ولا يكلفك شيء لكن هو في ناس عنده ان الهيبة تمنع التبسم. وفي ناس شايف ان زهور الاسنان كزهور العورة المغلزة لا يجوز شرعا
فيقول لك لأ احنا لازم يكون عندنا الهيبة ديت قدام الناس لازم الناس تهابنا. ليه يا سيدي فيقول وما رآني رسول الله الا تبسم في وجهي وهو المهموم وهو المكروب
وهو الذي يحمل هم دين الناس وهم دنياهم وهو اعلى منصب ديني ودنيوي ومع زلك ما رآني الا تبسم في وجهي. وده يعني الصحابة كتير قالوا كده وممكن تعملوا بحس في الموضوع ده. مين الصحابة اللي قالوا
قالوا ان هم ما رآه من نبي الا وتبسم في وجهه هتلاقوهم اكتر من واحد فهزا الصحابي الجليل الموقف ده هزه وجعل ان سبحان الله انبسطت اسارير جرير وجرير كان سيد
وكان ملك ففعلا مسحة ملك في الوجاهة سمت الملك عليه وده في يوم من الايام في يوم من الايام دخل المسجد فلم يجد مكانا يتسع لمكان زحمة جدا. فالقى النبي صلى الله عليه وسلم رداءه اليه. قال اجلس على هذا
آآ مسك رداء النبي وقبله وقال يا رسول الله انا اجلس على هذا انا اجلس على هزا ياه بقى انا اقعد على دي سم جلس على الارض لرقي من اول يوم ده داخل سخن داخل فاهم اوي
سبحان الله ثم قال له النبي ما جاء بك يا جرير قال جئت لاسلم على يديك انا وقومي يا رسول الله والناس اللي جاية تخلص انا جاي يا رسول الله اسلم على يديك
انا وقومي ونبايعك فقال النبي صلى الله عليه وسلم عن ما يا جماعة تدخل تروح مجلس تروح درس هتحضر لقاء الفجر رايحة الحلقة ما تروحيش لوحدك ما تروحيش لوحدك اعمل ايه؟ على طول اتحرك خد معك التأمين
خد التأمين معاك امن طاعتك امن الطاعة بتاعتك عارفين ان شركات التأمين وكده؟ اه امن انت اخرتك ما انا ممكن المجلس ده اخد فيه عشرين حسنة تلاتين حسنة اخد فيه بعض المعاني ما تأمن يا سيدي وتجيبي شوية كده انت هتخس عليك ايه
ما تعمل جروب كده فيه الناس النقاوة اصحابك والقريبين منك وتقول لهم انا ان شاء الله اي مجلس بحضره هديله هبعت لكم الرابط على طول واشجعكم مركز معهم لا انا ما اجيش لوحدي
انا مشاريعي ما بعرفش ما بعرفش احضر الحلقة لوحدي. ما اعرفش اروح ازور ازور يتيم لوحدي. ما اعرفش اروح اصلي الجمعة لوحدي. ما ينفعش احضر مجلس لوحدي. ما انا راجل ما انا راجل مش انا رايح للنبي مش هروح لوحدي
قال جئت يسلم على يديك انا وقومي انا جيت جايب القوم معي سبحان الله ليه؟ لانك انت بتأمن نفسك. بتدور على هارون هارون ده ممكن يبقى واحد وممكن يبقى مجموعة
هارون اخي اشدد به اذى. ما انت داخلة الجامعة لو انت الوحيدة اللي بشعرك غير اما تلاقي آآ قصدي لو انت الوحيدة اللي مغطية شعرك هتلاقي الوضع بتهتز جامد صح
فانت بتقلل غربتك فاما تيجي تحضر اللقاء تلاقي ان في الف واحد حاضر في نفس الوقت تقول ياه ده الناس اللي فيها خير كتير قوي خلاص وبعدين اصل انا عندي امتحان الاسبوع الجاي ازاي هزاكر ؟ فدخلت لقيت واحد بتقول ايه ناس كتير بتقول ايه ادعي لي آآ لو سمحت تقول للمحاضر ادعي لي اصل انا عندي امتحانات بعد
بكرة ايه ده ده الناس كلها حاضرة اهي امال انا ايه الدنيا رايحة فين يعني سبحان الله فقال له جئت لابايعك يا رسول الله قال انما ابايعك على ان تشهد ان لا اله الا الله واني رسول الله
وتقيم الصلاة وتؤتي الزكاة الى اخر ما قال النبي صلى الله عليه وسلم وبسط يده وبايعه في موقف من المواقف للنبي صلى الله عليه وسلم طلب منه طلب غريب جدا جدا
طبعا هو صاحب بقى ايه كان من رفقاء للنبي صلى الله عليه وسلم. ودايما مع النبي ومن اقرب الناس للرسول صلى الله عليه وسلم في المشاوير. يمشي معه وبتاع والكلام
ده كله حتى في يوم حجة الوداع والعدد ضخم جدا النبي صلى الله عليه وسلم يقول له استنصت الناس. سكت لي الناس خليهم يسكتوا عشان يسمعوا انا هقول لهم ايه
وهيستنصت الناس يا جماعة اسكتوا النبي بيقول لكم ايه ده! مين ده! انت لسة جاي امبارح يا عم! انت خدت مكانك كده على طول حجزت! اه حجز. آآ صادق الصادق بيلاقي مكان على طول بقى مسؤول الرابط الزوم بقى مشرف بقى مش عارف مسؤول برنامج هو جاي متأخر بس جاي
صدق بيقعده قدام فجرير رضي الله عنه بقى مع النبي صلى الله عليه وسلم. جنبه فبيقول له استنصت الناس فسبحان الله  بعد حدة الوداع النبي صلى الله عليه وسلم طلب منه طلب غريب
عجيب طلبت فريد طلب يتقال لاصحاب الايه الناس الحرس الخاص ما تقبلش لاي حد. ضرب ده بتاع كوماندوز. طلب ده بتاع الناس التقال ناس تقيلة وسبحان الله هنشوفه عمل ايه في الطلب ده وكان نجح ولا لا؟ الحاجة التانية
ان الصحابي ده جميل قوي سمته جميل النبي صلى الله عليه وسلم نفسه بيرد عليه مسحة جمال فالشخص ده اكيد عنده تحديات. فالتحديات ديت مع الجمال ده عمل ايه لان في ناس كانت بتبص له اه طبعا في ناس كانت بتبص له وكان هو ملمح يعني الناس كلها رايحة جاية تبص على ايه؟ ايه الجمال ده
هبقى خلاص فحتى عمر في يوم من الايام يعني مستغرب جدا ما شاء الله واتكلم معه في الموضوع ده. وهو نفسه اسئلته كانت للنبي صلى الله عليه وسلم في كتير متعلقة بالحتة دي. فيروح يسأل النبي صلى الله عليه وسلم مجموعة من الاسئلة متعلقة بفكرة ايه؟ آآ شكله اصل كل
واحد يا جماعة بيبقى الشيطان دي مداخله الخاصة بتاع الفلوس الشيطان بيخش له من باب الفلوس وبتاع الجمال الشيطان بيدخل لها من باب الجمال ولزلك معظم الجميلات معظم الجميلات. او بلاش كلمة معظم. كتير من الجميلات بتتأخر في الجواز
طيب ليه لان في لقطة خفية كده آآ بتيجي لها بدري. ايه هي؟ انما جميلة والكل واقف طابور مستنيني فانا بنقي فتيجي من عنده وهي عندها تمنتاشر سنة الناس بتتقدم
تلاتة وعشرين سنة تقول لهم اقفوا طابور؟ اه. ويا ماما دخلي واحد واحد. وبعد شوية يا عيني ما اتنين تلاتة دخلوا. بدأت تقول لمامتها ما تدخليش حد ، ابعتي لي صورة واحد واحد كده من البلكونة واتفرج عليها. لأ انا مش فاضية لده. لأ ده مش عاجبني. ده مش عارف كزا ، ده كزا ، ده كزا ، ده كزا
بعد بقى سن الاربعة وعشرين الطابور بيقل خلاص بعد التلاتين فخلاص الدنيا ايه؟ فاحيانا بيكون فكل واحد بيكون له مدخل الشيطان بيجي له من الباب ده فنسأل الله ان يعافينا. فالشيطان جه الجرير
برضو كان في شوية شوشرة بسبب السمت ده فيا ترى هيتعامل ازاي وهيعمل ايه مع المهنة ديت بتاعته. وبعدين بما ان ان هو في اخر اوقات النبي صلى الله عليه وسلم هيعمل ايه بعد وفاة الرسول صلى الله عليه وسلم
يكون بنفس الهمة دي ونفس الصدق ده ونفس القصة دي كلها ولا لأ؟ خاصة ان هو مات فين في خلافة عثمان اي بعد بعد عثمان آآ هنشوف الكلام ده ان شاء الله هو مات بعد عثمان بوقت قليل يعني
فنسأل الله ان يسددنا واياكم ان شاء الله نتكلم المرة القادمة في المهمة والتحديات اللي قابلته. وازاي هو كمل في الرسالة والقوة بنفس القوة اللي دخل بها وده كله بسبب ايه؟ بسبب
المقابلة الاولى المقابلة الاولى فرقت كتير معه التبسم الخصوصية حاجات بسيطة خالص بس فرقت معه. الشيخ خصني. الشيخ اداني اهتمام والجماعة بيقولوا لك الاهتمام ما بيطالبش انت اللي فاسد دي تبزله فربنا يحفزكم ويرزقكم الصدق والتوفيق
ويمن علي وعليكم بحسن عمل وحسن خلق وحسن ختام. جزاكم الله خيرا
